رواية ظلال القدر الفصل الرابع4بقلم ايه المهدي
بعد مرور شهر علي هذه الأحداث لم تفارق مهرة فريدة تشعر كأنها تري ابنتها فهي تطعمها وتعطيها دوائها وفريدة لا تشعر بمن حولها فهي بمجرد أخذ ادويتها تنام فورا وجميع أفراد العائلة احبوها للغاية فهي تذكرهم بابنتهم الراحلة
الجد ارسلان : زمردة عاملة ايه يا مهرة
إياد : جدي ارجوك متقولهاش زمردة دي بنت غريبة
قاسم : بس احنا منعرفش اسمها يا ابني علشان كده جدك بيناديها زمردة
مهرة بابتسامة رحلت عنها منذ زمن : بقت كويسة يا بابا انا بهتم بيها بنفسي انا وشمس وهلال بيساعدوني
شخص ما : انا جييت مافيش حمدالله علي السلامة
مهرة بفرح : اركان ابني حبيبي
اركان بابتسامة : واحشتيني قوي يا ماما قوي
ليل بحنان لشقيقة الأصغر : حمد لله على سلامتك يا حبيبي
اركان بحب : الله يسلمك يا ليل امال مراد فين
قاسم : بقا كده يا اركان بتسال عن مراد ومتسالش عن ابوك شكلي مش وحشتك
اركان بمرح : مين قال كده ده انت الخير والبركة يا بابا وذهب لمعانقة أبيه بحنان
عائلة البدراوي
الجد ارسلان ٨٨ عاما
ابنه الأكبر قاسم وزوجته مهرة
أولادهم ليل ٣٠ عاما مراد ٢٨ عاما اركان ٢٥عاما وفقدوا ابنتهم زمردة
رائف الابن الثاني وزوجته شمس
أولادهم إياد ٢٩ عاما كريم ٢٧ عاما
الابن الثالث عابد وزوجته هلال
أولادهم يونس ٢٥ عاما صقر وصخر تؤام ٢٣ عاما يحيي ١٩ عاما
هلال بحب : حمد لله علي سلامتك يا اركان فين يونس مش شايفاه مرجعش معاك
يونس باشتياق : انا جييت ركضت أمه باشتياق لابنها الغائب
الجد ارسلان : حمد لله علي السلامة يا ولاد البيت كان ناقص من غيركم ذهب اركان ويونس ليتحضنوا جدهم بحب شديد لتقاطعهم الممرضة
الممرضة : الآنسة زمردة فاقت
يونس وأركان في وقت واحد : نعمممم زمردة مين
لتركض مهرة نحو الطابق الاعلي والجميع ورائها بلهفة شديدة ليدخل الجميع لغرفة فريدة بفرح وقلق عليها لتنظر لهم فريدة بخوف من هؤلاء وماذا تفعل هنا
مهرة بحب : اهدي متخافيش انتي هنا بأمان
فريدة بتعب : انا ايه اللي جابني هنا انا لازم امشي ابني إلياس محتاجني
الجميع بصدمة : انتي متجوزة
فريدة بارهاق : انا مطلقة بس عندي طفل عمره ٤ سنين إلياس وعامر ضربني وطردني برة وقالي مالكيش ولد عندي ليشعر بالجميع بالغضب والحزن علي هذه الفتاة
اركان بصدمة : هي شبه زمردة ولا انا بتهيألي
يونس بنفس الصدمة : لا ده حقيقي بس في اختلافات اللي يركز فيها يعرف أنها مش زمردة ليقاطع الجد صدمتهم ليقترب منها الجد بحنان
ارسلان بحنان وافتقاد لحفيدته الغالية : متخافيش يا بنتي محدش هيآذكي وابنك هنحاول نرجعهولك
فريدة بلهفة : بجد هترجعلي إلياس
مهرة بحنان لها : أيوة يا حبيبتي بجد بس قوليلي اسمك ايه
فريدة بتوتر : اسمي فريدة زهران
يحيي بمرح : اسمك حلو يا فريدة انا يحيي عندي ١٩ سنة تقبلي نكون صحاب
قاسم باستغراب : بس انتي صغيرة قوي يا بنتي علي الجواز عندك كام سنة
فريدة : عندي ١٨ سنة واتجوزت وانا ١٤ سنة بس بالغصب بابا جوزني ليه علشان خاطره فلوسه يعني باعني مش انا بس آسما كمان جوزها وآسما دلوقتي عندها ٢٠ سنة وجوزها مش كويس معاها بيضربها زي ما عامر كمان كان بيضربني
مراد بغضب : ازاي في ابهات كده متخافيش يا زمردة وفجأة دمعت عينه بحزن اعتذر لفريدة ورحل لغرفته
فريدة بحزن : مين زمردة
اركان بحزن : زمردة اختنا وحفيدة العيلة الوحيدة بس اتوفت من سنة ولو كانت عايشة كانت هتبقي نفس سنك دلوقتي بالنسبة لمراد فهو نادكي باسم اختنا لانك بتشبهيها كتير يا فريدة
مهرة : بس بقا كفاية سيبوا فريدة ترتاح وانا هاعملها احلي اكل علشان هي اكيد تعبانة ولازم تتغذي كويس وذهبت مهرة بابتسامه وهي تشعر أنها استعادت ابنتها
ليمر الوقت وتنزل فريدة للاسفل بمساعدة شمس وهلال لتنظر مهرة لهم بعتاب
مهرة : ليه نزلتوها كده هتتعب
شمس : كانت مخنوقة وعايزة تنزل
فريدة : متخافيش يا طنط انا كويسة بس زهقت من القعدة فوق
مهرة : بلاش طنط دي قوليلي يا ماما
فريدة بابتسامه حزينة : ماما تصدقي معرفش معني الكلمة دي ولا حسيت بيها قبل كده
مهرة بعدم فهم : مش فاهمة هي مامتك متوفية انا اسفة يا حبيبتي اذا كنت ضايقتك
فريدة بحزن شديدة : لا مش متوفية بس متعرفش يعني ايه كلمة أمومة وكانت دائما تقولي انا وآسما أنها بتكره اليوم اللي جينا فيه وأنه بتكره خلفة البنات وبتتمني منكنش موجودين وعمرها ما عاملتنا حلو انا وآسما وكانت بتحب كارم وكرم ويوسف عننا دول اخواتنا الشباب الأكبر مننا وبابا كمان بيضربنا جامد قوي ومكانش حتي بيرأف بسننا الصغير محدش كان بيحبنا غير كارم ويوم جوازي انا وآسما كان عايز يهربنا بس كرم عرف وراح بلغ بابا وبابا وقتها أمر كرم ويوسف بحبس كارم لحد ما كتب الكتاب يتم وبدات رحلة عذابي انا وآسما بس الحاجة الوحيدة اللي صبرتنا هما ولادنا الياس ويوسف بس انا دلوقتي فقدت ابني ولو كنت رجعت لبابا كان زمانه جوزني للي يدفع اكتر وبدأت بالبكاء الشديد شعر الجميع بالحزن الشديد علي هذه هذه الفتاة الصغيرة
يحيي بدموع : هما في أهل وحشين كده فريدة عانت قوي معاهم
ليل بغضب لا يدري سببه : لازم نعرف مين جوزها دلوقتي واكيد بلغ أهلها باللي حصل واكيد حاليا بيدورا عليها بس لو رجعت ممكن يعملوا فيها حاجة
قاسم بتفكير : امال ايه الحل يا ابني لو بلغوا البوليس محدش هيقدر يتكلم هي قاعدة معانا هنا بصفتها ايه
مهرة : لا محدش هياخدها وهتقعد معانا بصفتها مرات ابني
الجميع : نعممممم
مهرة : مالكم انا مقولتش حاجة غلط
مراد : انا مستحيل اتجوزها انا مش بشوفها غير زمردة
مهرة بابتسامه : ومين قال انت
اركان بمرح : لا اوعي تقولي انا انا بحب السنجلة وكمان انا شايفها اختي زمردة
مهرة : ولا انت ولا هو فريدة هتتجوز ليل
ليل بصدمة : نعمممم ليل مين
مهرة بضحك علي مظهرة : انت يا حبيبي في ليل غيرك
فريدة بحزن : انا مش عايزة حد يشفق عليا وكمان انا مش عايزة اتجوز انا عايزة ابني الياس بس
الجد ارسلان : مهرة معاها حق يا بنتي كده هنقدر نحميكي ومحدش هيقدر ياخدك مننا ولو مش عايزة هيبقي جواز مؤقت بس لحد ما تاخدي ابنك وبعد كده تتطلقي انتي وليل قولتي ايه يا فريدة
ليل : انا مش موافق انتوا بتهزروا اكيد
مهرة بحزن : ارجوك يا ابني وافق علشاني انا حاسة انه ربنا بعتلي فريدة علشان يهون عليا فقدان زمردة وافق ارجوك وزير ما جدك قال هيبقي جواز مؤقت علشان محدش ياخدها ارجوك
ليل بتنهيدة : حاضر يا امي بس لازم نتاكد الاول أنه جوزها طلقها وكمان فيه عدة
فريدة بخوف : انتوا بتعملوا كده ليه اكيد ليكم غاية لكده وكمان انا انعقدت من كل حاجة حواليا مش مستعدة اني انهار واتعذب تاني
الجد بحكمة : يا بنتي متخافيش مننا احنا بس حابين نساعدك وجودك هنا من غير رابط حقيقي مش هيخلينا نعرف نحميكي
ليل بجدية : جوازنا هيكون مؤقت انا مش ميت قوي عليكي يعني بس لازم نتاكد من كلامك وطلاقك الاول
فريدة بتردد وقلق : انا عارفة مين هيقولنا
قاسم : مين يا بنتي
فريدة : كارم اخويا هو هيبقي عارف كل حاجة وكمان اطمن منه علي الياس واطمنه عليا اكيد قلقان بعد ما عامر قالهم
يونس : طب مستنيه ايه كلميه حالا
فريدة باحراج : مش معايا تليفون
ليل : خدي كلميه من تليفوني اخدت فريدة الهاتف باحراج شديد منه فهي كلما تراه تشعر بالتوتر الشديد لتطلب فريدة رقم شقيقها كارم ويطلب منها ليل فتح المايك ليستمع الجميع للحديث
فريدة بلهفة : الووو كارم
كارم بفرح : فريدة انتي فين يا حبيبتي دورت عليكي كتير عامر اجي البيت هنا وقال إنه طلقك وبعت الاوراق علي البيت بابا متعصب قوى يا فريدة وحالف لو لاقاكي هيموتك
فريدة ببكاء : انا معملتش حاجة يا كارم هو اللي ضربني وحرمني من ابني إلياس
كارم بتردد :: فريدة عامر سافر وخد إلياس معاه وهددنا لو جبنا سيرتك قدام إلياس أو حتي صورتك هيشوف شغله معانا انتي فين يا فريدة انا جايلك حالا قوليلي عنوانك ليأخذ ليل الهاتف منها
ليل : الو استاذ كارم معايا
كارم بغضب : انت مين وفريدة بتعمل ايه معاك انطق
ليل بهدوء : اهدا لو سمحت متخافش فريدة معانا هنا بأمان انا هاكتب لحضرتك العنوان ده وتيجي نتكلم هنا افضل
كارم : تمام انا جاي حالا خلي بالك من فريدة ارجوك واغلق ليل المكالمة والجميع ينطر باتجاه فريدة فهي تبكي فقط ولا تبدي أي ردة فعل
شمس بقلق : فريدة انتي كويسة
مهرة ببكاء : فريدة يا بنتي ردي علينا ساكته كده ليه
فريدة تنظر لهم ببكاء : عايزة إلياس عايزة ابني ارجوكم اعملوا اي حاجة رجعولي ابني لينظر الجميع لها بحزن وبعد بضعه من الوقت آتي كارم شقيق فريدة
كارم بلهفة : فريدة لتركض فريدة باتجاه أخيها وهي تبكي بقهر
فريدة ببكاء : ابني يا كارم ابني
كارم بحزن : بس يا حبيبتي متعمليش في نفسك كده أن شاء إلياس يرجعلك
الجد ارسلان : اتفضل يا ابني لينظر كارم لوجوههم البشوشة ويبتسم لهم
كارم : انا بشكركم علي اهتمامكم بفريدة المدة دي كلها انا هاخدها دلوقتي وامشي
مهرة بصراخ : لا هتاخدها فين فريدة هتفضل هنا
كارم باستغراب : بس انا اخوها وفريدة لازم تبقي معايا
ليل : ما هو أنا كلمتك علشان كده يا كارم لو اخدت فريدة معاك ممكن باباك يعرف مكانها ويحاول يآذيها فالقصر هنا افضل ليها هتبقي بأمان مع الكل
كارم : مينفعش فريدة هتقعد هنا بصفتها ايه
ليل ببرود : مراتي هتقعد هنا بصفتها مراتي واتمني توافق
كارم بتردد: مراتك وايه اللي يخليك تعمل كده انت مش مجبر تساعد فريدة ولا تشفق عليها
مهرة : محدش بيشفق عليها يا ابني كلنا بنحبها وعايزينها معانا
كارم بفرح وحزن في آن واحد : انا بشكركم كلكم قوي انا مبسوط أنه فريدة في حد بيساعدها قوي كده وبيحبها واتمني آسما اطمن عليها كمان ليدق قلب إياد
فور سماع اسمها
مهرة بتردد : لو حابب نساعد آسما كمان الولاد مش هيترددوا
فريدة : يا ريت علي الاقل ترتاح من العذاب اللي هي فيه بس اتمني متخسرش ابنها زي ما خسرت إلياس
في منزل زهران
زهران بغضب بعض الشئ : بقالي شهر بدور عليها مش لاقيها راحت فين دي عايز افهم لو شوفتها قدامي هادفنها بايدي الكلبة دي
كرم بخبث: واللي يجبهالك
زهران بلهفة : انت عارف هي فين يا كرم انطق
كرم : لا بس اكيد ابنك المحترم كارم عارف
زهران بهمس : معقول كارم عارف مكانها ومداري ونظر لابنه كرم راقبلي اخوك واعرفلي هو بيقابل مين واكيد بيروح يقابل فريدة