رواية نسيان مؤقت الفصل الرابع4والاخيربقلم ملك ابراهيم

_دمـ.ـها لسه في إيدي! لسه في إيدي يا محمد.. من وقت ما جبتها لحد المستشفىٰ وأنا تايهه! حاسه إني مرتاحتش غير لما شوفتك.. 

_جريت وراه خبطتني عربيه بس الحمدلله وقعت علىٰ راسي جـ.ـرح بسيط لكن.. 

_لكن الذاكره رجعتلي يا نوران.. إفتكرت أنا مين.. لما وقعت علىٰ راسي كل حاجه مرت قصاد عيني وفهمت ليه محدش سأل عليا.. 

_ليه؟!.. 

_علشان أنا يتيم، يتيم يا نوران.. مكنش ليا غير أخت، أنا فاكر إسمها كويس.. ميرنا.. وإسمي جمال.. جمال العوني.. 

_جمال العوني! صاحب شركات العوني جروب! قريت عنك كتير في الجرايد.. بس مكنتش متخيله إنك نفس الشخص لان مكنش بينزل صور.. كل الاخبار كانت عن إختفائك في ظروف غامضه، ومحطوط مكافأة كبيره جدًا لو حد لقاك.. 

_طب ياستي اديني معاكي إعتبري نفسك لقيتيني... هقولهم إنك إللي عرفتي وتاخديها.. 

بتضحك نوران وهي بتقول من بين دموعها بسخريه:-

_هتعوضني عن أمي إللي بين الحيا والمـ.ـوت دلوقتي؟! طب هتعوضني عن أبويا إللي مـ.ـات؟! طب هتجيب ليا أخت غير إللي معايا؟!. 

_ليكي عليا أول ما أرجع لحياتي هاخدك تشتغلي معايا.. هخليكي عايشه عيشه تانيه خالص وأختك دي تنسيها طول ما هيَ كدة..

_أمي يا جمال.. أمي بالدنيا كلها.. 

وقبل ما نوران تكمل كلامها بتلاقي الدكتور بيخرج من العمليات وهو بيرفع الماسك، بتقوم نوران وهي بتقرب منه وبتقول بلهفه:-

_ماما عامله إيه دلوقتي يا دكتور؟!... 

_إحنا حاولنا بكل وسعنا إننا ننقذها.. الـ.ـدوام لله. 

وبيمشي من قصادها وهي واقفه مبتتحركش.. بيقف جنبها جمال وهو بيقول:-

_إنتي مؤمنه بقضاء ربنا.. هي إرتاحت صدقيني.. وحقها راجع.. الشرطة مش هتسيب إللي عمل كدة.. 

بتبصله نوران وهي سرحانه... وبتقوله:-

_هتساعدني؟!.. 

_هساعدك بس في إيه؟!.. 

_عطوه هو إللي عمل كدة، هو إللي ولـ.ـع في العربيه بمساعدة أختي.. وهو إللي بعت حد يقتـ.ـل أُمي.. 

وبتبص لإيديها إللي مليـ.ـانه د.م وبتقول:-

_بس أنا مش هعيط! مش هصـ.ـرخ، مش هدفنهـ.ـا غير لما حقها يرجع.. وإنهارده.. 

_يالا بينا يا نوران.. 

____________________

_إنتي بتعملي إيه هِنا؟!!. 

كانت نوران داخله البيت وأول ما شافت بسنت بدأت تتكلم... 

بتقف بسنت قصادها وهي بتبص لجمال بإستغراب.. وبتقولها:-

_مين دا! وماما فين؟!! وإيه الـ.ـدم إللي جوا دا؟!. 

_ماما.. هه.. لسه فاكره إن عندك أُم.. اقولك أمك فين؟! أُمك إتقـ.ـتلت يا بسنت وعلىٰ إيد إللي إتحرضتي معاه ضدي! إطلعي برا البيت دا مش بيتك.. روحي لهند.. روحي لعطوه.. روحي لأي واحد فيهم شبهك.. 

وبتمسكها من شعرها وهي بترميها برا البيت وبتقفله وراها.. 

وقعت بسنت علىٰ الارض وهي عينيها مليانه صدمة.. بتفتكر لما والدتها كانت بتقولها:-

_مش مسـ.ـمحاكي يا بنتي.. 

_واللهِ يا بنتي هتتحـ.ـاسبي عليا.. وهتشوفيه في دنيتك قبل أخـ.ـرتك.. أنا مش مسـ.ـمحاكي!. 

بتقوم وبتنزل علىٰ السلم وهي مقرره من جواها هتعمل إيه بالظبط.. 

____________________

_هنستنىٰ لحد ما وقت الفجر يجي.. هننزل من هنا علىٰ بيت عطوه وهناك هنخلص كل حاجه.. 

_هنقتلـ.ـه؟!... 

_أنا مليش في الـ.ـدم.. هاخد حقي وهسلمه.. وإحنا جايين في الطريق كلمت الظابط إللي بدأ يحقق في قضيـ.ـة قتـ.ـل أمي.. وظبطت الدنيا.. 

_تمام هنتحرك علىٰ الساعة كام بالظبط.. 

_إتنين أو تلاته بالليل.. 

_طب رجعي بسنت يا نوران.. هتتمرمط في الشوارع صدقيني.. 

_ملكش دخل بالموضوع دا يا جمال.. أختي وأنا حُره فيها.. 

بيسكت جمال ونظراته ليها كانت كلها هدوء.. ونوران قاعدة بتبص للفراغ وهي بتفكر في إللي هيحصل.. 

____________________

_ ياهند، إفتحي... 

كانت بسنت واقفه وهي بتخبط علىٰ صحبتها هند.. وبتفتح ليها وهي بتقولها:-

_بتخبطي عليا في إنصاص الليالي ليه؟!!. 

_أختي طردتني.. ماما إتقـ.ـتلت يا هند! دخليني أبات عندك إنهارده.. 

_إنهارده وبس يا بسنت.. أنا مش هعمل بيتي ملجأ.. 

بتبصلها بسنت وبتلاحظ إن معاملتها إتغيرت.. وبتدخل ولكن بتتجه علىٰ المطبخ علىٰ طول.. وبتاخد حاجه منه وبتخرج من تاني ولكن من البيت كله وبتقفل الباب وراها.. 

بتفضل هند واقفه مكانها وهي باصه علىٰ طيفها وبتقول:-

_خليها تغـ.ـور دا أنا حيالله كنت بقويها علىٰ أهلها.. يعني هي يكون عندها أهل كويسين وانا لا؟!. 

____________________

_هندخل من الشباك دا.. 

كانت نوران واقفه وهي بتشاور علىٰ الشباك.. وبتتجه هي وجمال ناحيته.. وبيفتحوه وبيدخلوا منه بمنتهىٰ الهدوء.. 

البيت كان هادي.. ولكن أول ما نوران بتدخل بتلاقي الانوار كلها اشتغلت.. كان عطوه قاعد في نص البيت وهو حاطط رجل على رجل.. نظراته كلها إللي مليانه خُبث.. 

_جايه ليه يا بنت أكرم؟!.. 

_جايه علشان أنهي عليك.. نهايتك الليله يا عطوه.. أنا حذرتك بدل المره ألف إنك تبعد عني علشان أنا مش سهله ولا عُمري كنت سهله.. ولكن إنتَ قطعت عيشي.. وقتـ.ـلت أُمي.. 

_أيوه قتلتـ.ـها.. وأه أنا إللي ولعـ.ـت في العربية بتاعتك.. وبمساعدة أختك شقيقتك كمان.. ومديتهاش ولا جنيه وضحكت عليها.. فاكره إنك لما تدخلي بينا وتدوري ورانا وتعرفي سرنا إني هسيبك كدة!. 

_ربنا يجعلنا ديمًا من أهل اليمين لكن بص علىٰ شمالـ.ـك كده؟!... 

بيبص عطوه بيلاقي العساكر واقفين حواليه وهما موجهين السـ.ـلاح لرجالة عطوه.. كان فاكر إن حواليه رجالته ولكن بدون ما يحس دخلوا حواليه من كل حته.. 

بتبصله نوران وهي بتقول:-

_بنت أكرم بتاخد حقها ديمًا ياعطوه.. أبويا زمان كان شغال معاك وأنا كنت عارفه لكن أمي مقالتش ليا.. كنت فاكر إني على عمايا علشان تشغلني معاك! ولكن أنا مش زي أبويا... 

بيطلع عطوه المسـ.ـدس من جيب الجلابيه بتاعته وهو بيوجهه ليها وهو بيقول بجنـ.ـون:-

_مش هسيبك عايشه يا نوران، مش هسيبك تعيشي بعد ما سلمتيني. 

ولكن فجأة بيحس بسكينـ.ـه بتغرز في ضهره وبيقع علىٰ الارض.. وبتظهر من وراه بسنت.. 

بتجري عليها نوران وهي بتمسكها من ايدها وبتقولها:-

_ليه عملتي كدة؟! ليه عملتي كدة!... 

_علشان ماما.. علشان حق ماما.. ماما قبل ما تمـ.ـوت قالتلي إن ربنا هيخلص حقها مني في الدنيا قبل الاخره!.. أنا ندمانه يا نوران ندمانه على كل وقت زعلتك فيه وخليت امي غضـ.ـبانه عليا فيه!... 

بيقرب منها العسكري وهو بيمسكها من ايدها.. بتبص ليها نوران وهي بتقولها:-

_هتخرجي منها، مش هسيبك يا بسنت.. مش هسيبك صدقيني. 

_ولو سيبتيني هيكون عندك حق.. انا أسفه يانوران.. أسفه ياختي إدعي ماما تسامحني.. 

وبياخدها العسكري من قصادها.. بتخرج نوران من بيت عطوه وهي بتقعد علىٰ الارض وبتسند براسها على الحيطه.. بتلاقي جمال بيقعد جنبها وهو بيقولها:-

_إرتاحتي؟!. 

_إرتاحت وماما إرتاحت.. بس مش هسيب أختي.. 

_مش هنسيبها متقلقيش.. 

____________________

_عدىٰ سنتين.. فاضل سنتين وبسنت تخرج من السجـ.ـن..  أنا حاسه بشعور جميل أوي.. 

_ربنا يديمها علسكي نعمة يا نوران.. بيني وبينك من وقت ما إشتغلتي معايا في الشركة والشركة بتتقدم.. ومش هنسىٰ ليكي لما كشفتي جوز أختي.. 

_كان باين أوي لما رجعت إن هو إللي عمل كدة علشان يخلص منك.. أختك كانت مخدوعه فيه بشكل كبير.. الحمدلله قدرت أوقعه.. 

_زي ما وقعتيني كدة؟!. 

_مش فهمه.. فهمني؟!.. 

بتلاقي نوران ميرنا بتخبط وتدخل وهي بتقولها:-

_بصريح العباره أنا عاوزة سيادتك تتجوزي أخويا، علشان قارفنـ.ـي ليل نهار بيكي.. هو بيحبك وإنتي أتمنىٰ تيجي علىٰ نفسك وتحبيه.. 

_بس... 

وقبل ما تكمل كلامها بتلاقي ميرنا بتقاطعها وهي بتقول:-

_متبسبسيش كتير يا نوران.. إنتم عارفين بعض كفايه، وإللي جمعكم هو الميكروباص إللي كان بيشتغل عليه وعربية الكبده بتاعتك.. يعني متجمعين في الفقر وهترتاحوا دلوقتي..

بتميل نوران على جمال وهي بتقوله بصوت واطي وكإنها بتفكر:-

_فكرك أوافق؟!.. 

بيهمس جمال بنفس نبرتها وهو بيقول:-

_وافقي وأمرك لله. 

_حيث كدة أنا موافقه.. 

_حيث كدة أنا بحبك!.. 

____________________

_ماما حبيبتي.. جيت ليكي كل جمعة زي ما وعدتك.. شوفتي أنا وأخيرًا إتجوزت.. إتجوزت راجل بيحبني أوي وعايشه مرتاحه.. كان نفسي تكوني معايا يا ماما.. أنا حامل في الشهر الخامس، أول ما أولد لو بنت هسميها نجاة علىٰ إسمك يا حبيبتي، وبسنت طلعت من السجـ.ـن وبقت كويسه أوي وبقت بتحبني.. 

بتيجي بسنت من وراها وهي بتحضنها وبتمسح علىٰ شعرها وبتقول:-

_هي مرتاحه دلوقتي يا نوران.. عدىٰ عليا أربع سنين في السجـ.ـن عرفت فيهم معنىٰ إن كان عندي عيله وكنت بنكرها.. كنت بخاف تكون اخرتي وحشـ.ـه يا نوران.. 

_عُمري ما كنت هسيبك يا بسنت.. إنتي أختي، إحنا إتنين بس، مكترناش علىٰ بعض!.. 

_أيوه بتحبوا في بعض وأنا إبن البطة السـ.ـودا!.. 

_إنتَ حبيبي يا جمال.. 

_إنتي كل حياتي ونن نن عيوني من جوا يا حياة جمال كلها..