رواية زينة البنات الفصل الثامن والسبعون78 بقلم نجلاء فتحي عاشقة الكلمات
طرقت آيه على غرفة نوم سيف فهم لا يجمعهم غرفه واحدة رغم مكتوب كتابهم وسمر تشارك غرفه آيه
سيف/ أتفضلى
دخلت آيه وهى تعطى له تفاحه
سيف بزعل/ مش عايز
آيه/ عارفة زعلتك على العشاء وقبليها مخرجتش معاك نشترى الفستان والشبكه النهاردة وأتعورت وأنضربت فى المستشفى، ، أسفة
سيف أعطى ليها ظهرة
ترجلت آيه أمامه/ مجلكش نوم عارفة،،،،، سمر نامت وأنا مجليش نوم علشان زعلتك جيت أصالحك
نظر سيف ليها ثم للتفاحه
:- مش زعلان
آيه/ بجد
سيف بصدق/ بجد
آيه/ بيقولوا لو أتنين كلوا تفاحه واحدة بيحبوا بعض وعلاقتهم قويه
سيف/ هاتى 🔪
آيه/ لاء أنت قطمه وأنا قطمه لحد أخِرها
سيف/ فمك مليان جراثيم مستحيل أكل مكان حد وأكيد فمى زيك
آيه/ لو بتحبنى
سيف/ بحبك أمال أتجوزتك ليه ،،مين طلع العادة دى
آيه/ مش فاكرة شوفتها على النت
سيف/ الفم مليان جراثيم ok
آيه لنفسها/ ياعينى على حظى مستنيه الفرح علشان 😘
،،،تنحنحت وقالت/ مفيش مشكله عن أذنك
غمض سيف عينه وفتحها تانى حين لمح حزنها/ خلاص متزعليش مع آنك بتكوني مؤدبه وأنتى زعلانه ،،،،، أجرب
آيه بفرحه/ تاكل معايا
سيف/ أممم
آيه/ أقطم نونو نونو ،،ثم مدت إيدها له بالتفاحه وقالت:- أقطم وهى فى إيدى،،،
أنحنى سيف ليصل لمستواها وحاوط كفها وقطم أول قطمه ثم عقد حاجبه وقال:- دورك
أنتبهت آيه وتوترت ثم ألقت التفاحه وجريت للخارج ،،،،ولحقها هو ثم عقد حاجبه فعلا مجنونه وتناولها
_________
دخلت آيه غرفتها وأغلقت الباب وكانت تنهج كأنها تصعد درج وضعت إيدها على قلبها ثم نظرت لكفوفها التى حضنها سيف وقالت:- هو بيمسك إيدى أشمعنا المرادى ،،،قربه وترنى ،،،مالى فى إيه عمرى محسيت كدة
نظرت ليها سمر بنعاس/ طفى النور مش عارفة أنام
قامت آيه بأليه بأغلاق نور الغرفة وذهبت للسرير ثم أبتسمت وأتى فى بالها بهاء لأسف النتيجه لصالح سيف فقالت لنفسها/ المفروض أنا فى الأربعينات مش أحس الحاجات دى خليت إيه للمراهقات ،،ثم أمسكت جوالها تهاتف الدكتور محمد شعرت بعدم الراحه فقالت:- دلوقتى أعتبر متجوزة،،،،،، سيف ممكن يزعل منى هو أبن ذوات بس برضو ممكن يضايق،،،،، أستأذن منه الصبح لازم يحس مش بعمل حاجه تهينه خصوصآ عمله أخته وعائشه مصدقت بيثق فيا سنتى يارب تعبت من الخزلان ،يارب أجعل سيف عوضى يارب أحميه وأهديه وأهدينى يارب سامحنى أنى حاولت أنتحر كذا مرة وكنت بتديني فرصه علشان أعيش سامحنى وعد مش أكررها ،،، سيف بيسمعنى فى أى وقت ودة كنت محتجاة،،،، مش مصدقه الشقة دى أشترتها وكنت أتمنى فيها حد يزرنى دلوقتى بأذنك أعمرها وبقا فيها حياة لو سيف طلب أسيب شغلى موافقة ،بعد يومين عيد ميلادة مش عارفة أجبله إيه دة طيب يا رب وفيه حنية كتير يارب مش عارفة يسامحني أنى خبيت علية أنى بنت ولا لاء خليها مفاجأة مليش حد أفضفض معاه حتى محمد جوايا حاجات مكنتش بقولها لية بس سيف أطلع القديم والجديد ليه لازم أخليه يجرب عالمى وياكل فول وطمعية والله فكره أدلعة بكرا ههههه ثم غمضت عينها وحضنت إيدها وقالت:- ياترى حضنك أمان وحلو يا سوفا ولا لاء
عزيزى القارئ لا تنقد آيه جواها بنوته تريد العيش والراجل الصح يشبع الفتاة الصغيرة ويحتوي الفتاة المراهقة الداخلية للأنثى قبل فهم دماغها بغض النظر عن سنها
____________
فى قسم الشرطه أنفعل عصام وقال:- أنا موجود من الساعة [١١] بالليل وزميلك خد رشوة منى [٥٠٠] جنيه وضحك عليا ومحترم نفسى لحد كدة وكفايه طفح الكيل منكم عايز فلوس أنت كمان قووول وإيه مراتى منكدة عليا أنا مالى دة قسم شرطه مش فندق تستريح فيه وتستجم، ودينى أعمل جنايه الواد فين عندكم ولا لاء هو أرهابى مش عايزنى أقابله ،،،أطمن علية،،،،،، أبوة لو عرف ميهمهوش حد وكان طربق المكان على أصحااااااابه
ولحسن الحظ لعصام أتى تفتيش ودخل ضابط وبعساكر القسم
أتنفض أمين الشرطه وأدى التحية العسكريه
الضابط/ فى إيه المواطن دة بيزعق ليه
حكى له عصام بأنفعال
الضابط/ الكلام دة صحيح
أمين الشرطه بخوف/ والله يا باشا م أنا ، ،، أنا لسه مستلم و٠٠
الضابط/ أخلص ،،الضابط النبطشى فين
أمين الشرطه/ مريح فى السكن
الضابط/ حسابكم معايا بعدين وأنت رجع للمواطن فلوسه شوهتوه سمعتنا
أمين الشرطه/ مش يكمل معايا، ،،،،،ومش أنا إللى خدت منه
الضابط/ طلع أمر وإحضار لزميلك وأبعت البوكس يجيبه
عصام/ ياحضرة الضابط أنا مش واخد الفلوس، ، عارفنى أخويا هنا ولا لاء مستقبله ضاع دة أولى ثانوى
أمين الشرطه/ مفيش حد بالأسم دة هنا
عصام خطف الدفتر وصرخ/ أنس عبدالله عصام أهو حرام عليك كنت تدوخنى وهو عندكم
الضابط/ عبدالله عصام أقصد المعلم عبدالله عصام صاحب هايبر زينه فى وسط البلد وعنده محل عطارة فى الحُسين
عصام/ تعرفه يا باشا
الضابط/ معروف عندنا معلم نظيف والسجل التجارى نظيف وشريف رغم لسانه صعب شويه
عصام/ أطمن على أخويا
الضابط/ أطمن وصدقنى القسم كله يتغربل على الرشوة إللى حصلت وأهمال الشغل
عصام/ سماح المرادى مش بحب أكون السبب فى أذيه حد
الضابط/ دة شغلى ،،أحكيلى إللى حصل لأخوك لكن لو مجرم يتعاقب
بدأ عصام يحكى إللى يعرفة بصدق ،،،
أمر الضابط بإحضار أنس من الحجز
بعد عشر دقائق ظهر أنس ونظر فى الأرض فهو يهاب عصام
نظر الضابط لأنس بطوله وعضلاته التى برزت أكتر من شغله مع أبيه فى محل العطارة وحمل الأشوال فقال/ أزاى كل دة فى أولى ثانوى أنت عايد السنه
أنس بتوجس/ لاء
الضابط بمزاح/ ماشاء الله عليك أبن أخويا قدك وجنبك قصير ههههه،طيب يا أنس أحكيلى إللى حصل
أنس/ ممكن أشرب
عصام بقلب أخ كبير رغم غضبه من أنس/ أستأذن حضرتك يا باشا يأكل سندوتش كمان هو مش بيتحمل الجوع
هز الضابط رأسه بالموافقه بقلب أب وقال:- معاك خمس دقائق وقدامى ومتقربش من أخوك
_____________
فى المستشفى أطمن عبدالله آن زينه أخيرآ نامت،،، فقد فرجت عليهم المستشفى من الألم ورفض أى دكتور يتعامل معها خوفآ من عبدالله وإللى يقبل يرفضه عبدالله حتى الدكتورة روحت بيتها فتعاملت ممرضه كأنها دكتورة بأرشادات الطبيب وعبدالله بجوارها.،،،،،،،
كما زعل من عصام لماذا لا يجيب علية فهو يعتبرة أخوة وصاحبه قبل أبنه الكبير كيف يتركه فى هذا الظرف توظأ عبدالله فى حمام الغرفة وبدأ يصلى صلاة الفجر فى الغرفة ويرقى أولادة التؤام الذين هم بصحة جديدة وفخور آن زينه ألتزمت وسمعت كلام الدكتورة أثناء الحمل ولم تتناول شئ ضار ميعرفش إللى فيها وأنتم شاهدين هووووووش🤫🤫🤣🤣
بقلم نجلاء فتحى عاشقة الكلمات
___________
[فى قسم الشرطه]
سمع الضابط كلام أنس فقال/ أنت دمرت العيال
عصام بترقب/ حصلهم إيه
نظر الضابط للتحقيق الذى أجراة الضابط النبطشى العصر/ الشاب الأول كدمات وكسر فى الضلع الرابع من القفص الصدرى،،،والتانى كسرت أطرافه الأربعة ودماغه متخيطه ١٢ غرزة غير الكدمات
أنس/ التانى ده لمس مراتى
الضابط / هى أختك ولا مراتك
نظر أنس بتوجس لأخوة المصدوم/ بنت صاحب بابا وعايشة معانا مقدرش أقول السبب والمفروض نعاملها أختنا بس أنا بحبها ،،يرضى حد يلمس حببتك ويشدها للعربيه يعنى يخطفها أكيد يضيعوها مش يتصورا معاها
الضابط/ والأول ضربته برضو
أنس/ ضرب تؤأمى
الضابط/ يعنى الواد إللى معاك تؤأمك لازم يتجاب وأنت أنكرت متعرفهوش
أنس بحدة/ أنكرته علشان مضربش حد هو أنضرب منهم أنا أحترمت حضرتك وقولت أخويا ومش أحترمت الضابط التانى علشان شتمنى بأمى
الضابط/ أنت شتمته برضو يابنى حلو ضيعت مستقبلك فى قانون
أنس/ تكون حبيبتى قتلوها ولا خلفت منهم
الضابط/ بتفكرني بأبوك مع حبيبته زمان كان قصه عشق فى المحكمه
عصام بلجلجة/ أرجوك يا باشا خلينا فى أنس أبويا طول عمرة نظيف ثم شاور له فى الخفاء
بمعنى مش يتكلم
الضابط/ الغلط يتحاسب
أنس/ لو بنتك وأنا أنقذتها ومعرفهاش شهامه منى ومحبوس،ونفس الوضع، تقولى الغلط يتحاسب
نظر له الضابط بتمعن/ مستحيل تكون فى أولى ثانوى
أنس/ البنت أمانه لحد أبوها مياخدها ولازم نحافظ على الأمانه دى صحيح حبتها بس برضو أمانه
الضابط/ نفسك تدخل كليه إيه
أنس/ شرطه طبعآ
الضابط/ ههههههههه،دة أنت تبقا أشرس ضابط وتترقى بسرعه وبرضو تراعى ربنا لو دة مبدأك من صغرك،،ثم هرش فى أنفة وقال:- بسبب عملتك دى الكليه ضاعت
أنس/ لية مجرم أنا دخلت الحجز مع عيال فرافير فى حاجه تشرف
نظر الضابط لعصام/ شكلك عارف الماضى ،،كأنى واقف مع أبوك
أنس/ تعرف أبويا
الضابط بكذب/ معلم ومعروف المهم شيل الكليه من راسك ممكن أول واحدة تخسرها حببتك المرادى قدرت على اتنين فى مرة يساوموك بيها وينهشوها قدامك ومش بعيد تبيع شرفك وكرامتك المهنية علشانها ، أعرف ناس زى خسرت أبنائها وزوجتها علشان رفضت تسيب قضية وتخون شرف المهنه
أنس/ نفسى أكون ضابط بجد هقدر أحمى إللى منى
الضابط/ الشرطى الصح يحط ربنا أدامه ويتواضع ويمشى بما يرضي الله ويكون عندة كرامه وعزة نفس وإيمان قوى أحنا شايلين روحنا على كفوفنا ولو فى عشرة وحشين فى ألأف يقدموا روحهم للبلد وأولدهم علشان إللى زيك يعيش بسلام ،،الضابط مش بالبلطجة ولا الصوت العالى لاء بالعقل والهيبة فاهم قصدى ،،،شيل يلا فكرة كلية الشرطه من راسك و أدخل كلية تانيه
نترك الضابط يقنعوه برأيه وفى حقيقة الأمر كيف يدخل أنس كليه الشرطه ووالده قضى عقوبه فى السجن عامين ونصف رغم أخذ وقتها براءة وهذا الضابط كان ماسك القضيه وقتها ،،،،رفض يقوله الحقيقة حفاظآ على صورة عبدالله أمام أبنه
كامل احترامي لهذا النوع من الضابط 👏👏
بقلم نجلاء فتحى عاشقة الكلمات
_________________
أتت الساعة السابعة صباحآ أستيقظت آيه بنشاط رغم لم تنام إللى القليل وحمدت ربنا اليوم الجمعه أجازة من البنك ثم دخلت حمامها وضبطت هيئتها وطرقت باب غرفة سيف ثم دخلت حين أذن لها
آيه/ صحيت بدرى
سيف/ مجليش نوم وأنتى
آيه/ صحيت على ميعادى المهم جرحك لسه بيوجعك
سيف/ لاء
آيه/لابست الأسدال حلو
سيف/ أخيرآ تصلى
آيه بكسوف/ مش تتكلم معايا فى النقطه دى أقصد عندى ليك جوله تحفة
سيف/ دلوقتى
آيه/ أتفقنا تسمع كلامى وتجرب الأول وبعدين أعترض
سيف/ ألبس هدومى
آيه/ بجامتك حلوة
سيف بصدمه/ أنزل الشارع ببجامه
آيه/ وحياتك وبالشبشب كمان
سيف/ بتهزرى
آيه/ تمشى بالذوق ولا أفرج عليك العمارة
سيف/وضعى ،،برستيجى، ،حراستى ،،كيانى
،،ثم تحدث بالإنجليزي
نفخت آيه وبعد مشادة كلامية فازت آيه وبالفعل نزل سيف الشارع بالبجامه الحرير والشبشب البلاستك الخاص بالحمام وقف فى طابور العيش وأشترى ووقف فى مطعم وأشترى فول وفلافل وبتنجان ومخلل وأخذته آيه للسوق وأشترى بصل أخضر وجرجير ،،وعجبه الأرانب مع سيدة تبيع أشترى وأشترى ملوخية وسمر ترتدى إيضا الأسدال ومبسوطه من الأجواء ثم رجعوا المنزل ،،ثم حكمت آيه جميعهم يجهزوا الفطار ،،سيف وقف يغسل الخضار على الحوض وآيه تتريق علية وغرق ملابسه مياه وحين يرفض يكمل تزعقله وهى تجهز باقى الطعام وسمر تساعدها
ثم حكمت على سيف وآيه ينقلون أطباق الطعام معها للصاله ويجلسون فى الأرض لأول مرة
سيف/ مش عارف أقعد
سمر/ وأنا
آيه/ لو فى طبليه حلوتها
سيف/ مستحيل أكل الأكل دة
سمر/ بتاع الحيوانات
آيه بهدوء/ الفول والطعمية مسمار البطن ومفيد مينفعش تقولوا كدة على نعمه ربنا،،أنتم عارفين السندوتش بقا بكام مبقاش للفقراء دلوقتى
سيف/ دة إيه
آيه/ بتنجان بالخلطه مشطشط وفلفل مقلى بالكمون والملح
سيف/ معدتى مش تستحمل
سمر/ ممكن أكل بطاطس مقلية بس
آيه/ لاء دوقوا كل الأصناف ولسه تحبس بكوبايه شاى بالنعناع تعدل المزاج ،،ثم غمست لقمه عيش بجبنه قديمه[ حادقه ] وأطعمتها لسيف غصب
سيف/حادقه وحراقة
آيه/ أقطم البصله الخضرا كدة
تناوله سيف وأعجب بالمكس دة
تجرأت سمر وبدأت تتناول الطعام وآيه سعيدة فسيف أكل وشبع وأكل بصل أخضر كتير
بعد الأكل لم يقدر سيف على النهوض وجلس براحة على الأرض أتت آيه وجلست بجوارة وقالت/ مدد رجلك أو نام على جنبك كدة فك جسمك ،،نفذ سيف كلامها،،،،أعطته هى كوب من الشاى الساخن بالنعناع الأخضر وقالت:' أحبس بقا ههههه
سيف/ فى صعوبه فى التنفس
آيه/ قصدك الأكل كتم على مراوحك هههههه
سيف/ تسلم إيدك
آيه بفرحه/ الله يسلمك ،،يعنى تجرب أى حاجه معايا
سيف أرتشف من الشاى/ أكيد بس بشرط خلى الشاى بالنعناع دة أساسى فى يومى وممكن يوم الجمعة ناكل الأكله دى باقى الأيام صعب
آيه صرخت فى وشه أفزعته/يلا نروح لزينه المستشفى نفسى أحضنها
سيف تتاوب/ خلينا بعد صلاة الجمعة بجد مش قادر نعسان
آيه/ أنا أكلت زيك
سيف/ ريحه البصل أسلم على الناس أزاى
آيه/ أنت تبوسهم،، علشان خاطرى
سيف برجاء/ شايل هم أصلى الجمعة بليز محتاج أنام
آيه/ لو نمت تتعب أكتر دة تأثير البصل، ،خلاص بعد الصلاة تتغدا ونروح
سيف/ مفيش غدا معدتى مليانه
آيه بحدة/ أنت بتاخد مضاد حيوي لازم الغدا أعملك صنيه لحمه بالبطاطس ورز بالشعريه وخلى الأرنب والملوخية بكرا،،، ثم أنطلقت بحماس للمطبخ، ،،أبتسم سيف أبتسامه صافية وألتقط خدديه من الكرسى ووضعها على الأرض وتسطح وتذكر ما فعله جرب أشياء جديدة وتذكر يوم الجمعة وهو فى روما أو بمعنى أصح حياتة بدون آيه،،، الأن الألوان المبهجه لونت حياته وقرر يسعدها وفهم طبعها
بقلم نجلاءفتحى عاشقةالكلمات
____________
أتت الساعة الرابعة عصرآ وزينه روحت بيتها
أتى عصام وأنفعل عبدالله/ من أمبارح مش بترد عليا وبعت الفلوس مع بهاء أخوك للدرجادى كبرت علياااااااا أنت عارف بعاملك أخويا وصاحبى قبل أبنى
زينه بألم/ أفهم وأسمع منه عصام شايل حملنا معاك جايز فى حاجه تخص الشغل وهو بدالك. ثم أنفعلت على عصام وقالت:" أنطق ودافع عن نفسك بلاش سلبيتك دى
عصام بأدب/ دة أبويا يهدأ ونتكلم
زينه/ فى بلوة
عصام/ كارثه،، طالع أشطف فوق وأريح شويه
زينه بقلب أم/ أدخل أى أوضه وريح هنا
راضيه/ سبيه يرتاح فوق هنا الناس تجى تبارك ،،أطلع يا عصام وحياتى عندك تأكل الأكل جهزتلك صنيه على السفرة وغيارك فى الحمام
عبدالله/ أنتى عارفة فى حاجه
راضيه/ ممنوع الكلام دلوقتى أدخل ريح جسمك تلاقيك منمتش فى المستشفى
عبدالله/ عايز أعرف
راضيه/ لما تستريح. نور أنقلى أخواتك لأوضتك لحد أمك وأبوكى يرتاحوا ، لو فى حاجه أنا معاكى ثم نظرت لعبدالله بحدة وقالت :' لسه واقف أسند مراتك للأوضه
زينه/ عايزة أتشطف
راضيه/ جوزك ييرفض كل ولادة أتعامل معاكى. يلا يا عيال كل واحد على أوضه خلى الصاله فاضيه علشان أمكم تكون براحتها مع أبوكم وهى خارجه من الحمام
بقلم نجلاءفتحى عاشقةالكلمات
______________
(قبل المغرب)
تقف سيارة سيف أمام منزل عبدالله وخلفة سيارة الحراسه
سيف / متأكدة دة المكان أنا ماشى على وصفك
آيه وهى تتأمل المكان / أتغير بس الطريق لسه ذى ماهو بص دة المحل بتاع أبيه والبيت دة كله بتاعة ميغرقش فى حارة شعبيه لا، زوزو ساكنه فى دور كامل يعنى فاتح شقتين على بعض وبدأت تحكى له تفاصيل شقة زينه والعفش وقتها كان حديث الحارة، ،شايف البيت دة بيتى
سيف/ وبهاء
آيه ببراءه/ فى أخر الحارة
سيف/ عايز أشوف بيته. وكان ضميرة يرى المستوى الأجتماعى له
نزلت آيه من السيارة ونزل سيف فهو الذى سايق وقال/ بتعملى إيه
آيه/ أشيل الزيارة
سيف شاور لثلاثة من الجارد يحملوا الزيارة وأمسك كفيها فهى قصيرة لا تطول زراعة وقال:- أنتى هانم
آيه بمناغشه/ والبصل الصبح
سيف/ أنا فوت على الصيدله وأشتريت المضمضه دى حلوة ,, ناكل بعد كدة براحتنا
آيه/ أنت مكبر الموضوع عادى ولا حد هنا يلاحظ ريحة نفسك ،يلا يا باشا
نظر سيف للمنزل يبدو مقرف بالنسبة له لم يعلم أن نساء الحارة والحارات المجاروة يتمنون العيش فيه
بقلم نجلاءفتحى عاشقةالكلمات
__________
فتحت زينه الصغيرة بنت بهاء الباب وقالت / مين حضرَتكم
آيه بلهفة/ زوزو نايمه
سيف/ دة بيت المعلم عبدالله
آيه/ أسكت أنت دة أنا متربيه هنا أنتى بقا نور
زينه بهاء/ أبله نور جوا
تلخبطت آيه ظنت فتاة معرفه فقالت :' أنتى مين يا حلوة
زينه بهاء/ زينه وقاعدة عند عمى وعمتى
تبرجلت آيه ،، عبدالله ليس لديه غير أخ كبير وتوفى قبل ميتولد وزينه وحيدة
أتى بهاء/ مين حضرتك
آيه/ أنت صاصا
بهاء / قصدك عصام
آيه/ أيوة
بهاء/ أنا بهاء
رجعت آيه خطوة للخلف مجرد ذكر أسم طليقها يجرحها ،،لف سيف زراعة على خصرها يثبتها ،،نظرت له ،،هز رأسه لها بمعنى خليكى قويه ،،دار فى ذهنها سؤال كيف فهمها
سيف/ أنا البشمهندس سيف والمدام بتاعتى الأستاذة آيه صاحبه الدكتورة زينه
أتى عبدالله ونظر ليهم وقال/ أخيرآ دخلتى بيتك تانى أتفضلوا
بهاء/ أتفضلوا فى الصالون
عبدالله/ آيه مش غريبه أدخلى فى الصاله ثوانى أبلغ زينه
دخلت آيه المنزل وخلعت حذائها ووضعته فى رف الجزامه أمام باب الشقة وقالت/ أعمل زى ممنوع تعترض هنا بنعمل كدة،،،رضخ سيف لأمر وبالنسبه له تصرف ليس غريب لأن آيه تفعل هذا الفعل فى شقتها وعلمته هذا السلوك وحين دخلوا لمحت آيه ست كبيرة تجلس على الكنبة وماسكه السبحه تأكدت هى راضية لم يغيرها الزمن مازالت تحتفظ بالسماحه والبشاشه أسرعت لها وجلست على ركبتها تقبل إيدها لو أمها لم تفعل هذا
ربتت راضيه على شعرها بحنان وقالت:- بلاش كدة أنتى مين
آيه بدموع/ بنتك
راضيه بصدمه/ آيه ،،،،،ثم شدتها لحضنها وقالت بعتاب:- كدة تبعدى عنى يا ضنايا
آيه/ الدنيا صعبه
راضيه/ وأنا روحت فين وعبدالله أخوكى مكناش نسيبك
آيه/ أحكيلك كل حاجه يا خالتى بعدين ،ثم ابتعدت وشدت سيف وقالت:- الحليوه دة جوزى أقصد مكتوب كتابنا بشمهندس قد الدنيا وراجل أعمال مشهور وبيحبنى
نظرت راضية / شكلك مش غريب عليا
سيف/ الدكتورة زينه كانت عندى فى بيتنا وهى صغيرة
راضيه بتذكر/ أنت أخو سمر صاحبتها أهلا وسهلا جميلك فوق الرأس يا بنى وبدعيلك سترت بنتى فى وقت ضعفها ،، أما آيه عرفت تنقى عروسه حلوة أدب وأخلاق والنبى خدت جوهرة
آيه/ خلاص بقا يا خالتى متكسفنيش
أبتسم سيف أبتسامه صافية/ عندك حق يا هانم
راضية/ قولى يا خالتى ذى مراتك مبتقولى أو يا حاجه راضيه،، هانم دى مش تبعنا ،،،،،،،أتغديتوا
آيه/ أيوه
راضيه/ نفسك تاكلى إيه من إيدى
آيه/بسبوسه بالسمن البلدى
راضيه/ ههههههههه عنيا وأعملك تاخدى معاكى وأنتى مروحه ثم دخلت المطبخ
سيف/ مكنش ليه داعى الست كبيرة
آيه وعيونها تتفحص المكان بشوق/ الست دى عملت إللى أمى معملتهوش ،،، هم التيران دول يفضلوا كدة
سيف/ حراستى
آيه/ أحنا هنا عيله مع بعض
سيف/ أحنا ضيوف
آيه/ عيله وأسكت بقا ٠
نظر سيف لأرض وشاور لحراسته تضع الزيارة على طاوله السفرة وترحل
سيف/ محرج مش لابس الشوز
آيه/ غمض عينك
سيف/ يعنى إيه
آيه يضيق/ أسكت وأكتم أتعود معايا فى حياة غير السكينه والشوكه حياة مفهاش هانم وبيه حياة فيها خالتى وحاجه وحاج وعمى دول تقولهم للناس الكبيرة فى السن هنا حياة مفهاش مصلحة الناس تحبك لذاتك مش علشان تاخد منك قرش
سيف/ فى نصابين
آيه/ شويه بس الأكتر ناس كويسه،ذى مافى الجنه والنار فى الحلو وفى الوحش أنت عشت هنا شهور ونزلت السوق الصبح جرالك حاجه بالعكس بتاعة الجرجير أداتك النعناع ببلاش علشان لاقيتك بيه حتى وأنتى لابس البجامه والشبشب
سيف/فى أصوات من بطنى محرج
آيه بتلقائيه/ من البصل أدخل الحمام وخلاص
سيف/ محرج
آيه/ أعمل نفسك بتتكلم فى التليفون فى البلكونه وخلص نفسك وأستنى شويه وأدخل
سيف/ مش واكل بصل تانى
آيه/أنت طفس أكلت أربع وحدات أنا مالى
سيف/ ممكن أنزل الصيدليه
آيه/ سيف متوجعش دماغى خد الحبايه دى تريح معدتك ،،،كنت ناويه أدوقك فسيخ ورنجه وحلويات المد*بح
تحدث سيف بالانجليزي معناه معترض لكنه أنتبه آن بيت عبدالله بيه حياه ودفئ رهيب وراحه
بقلم نجلاءفتحى عاشقةالكلمات
___________
خرج ليهم عبدالله
عبدالله/ أدخلى لأختك يا آيه مش تنفع تطلع دى والدة أمبارح
آيه بتفهم/ فى الأوضه دى
عبدالله/ البيت متغريش
أنطلقت آيه لزينه وهذا أول لقاء بعد غياب سنوات ،،،لقاء البنك مش محسوب
سيف أدايق شعر مثل الغرقان بدون آيه
عبدالله بضيق/ منور يا بشمهندس
سيف / شكرآ
عبدالله نظر للسفرة/ تعبت نفسك ليه أحنا أهل
سيف لم يجد الرد المناسب فهو غير متعود على هذا النوع من المجاملات الإجتماعية فقال/ آيه إللى جايبه
عقد عبدالله حاجبه وسب سيف بينه وبين نفسه لم يعلم أنه أبن ذوات ومولود فى فمه معلقة ذهب
________
داخل غرفة نوم زينه
كيف يكون اللقاء بين زينه وآيه
؟؟؟؟؟؟؟؟؟؟؟؟؟
يتبع
زينه البنات
بقلم نجلاءفتحى عاشقةالكلمات
_________
لما نزلت أسئله أشوفكم فاكرين الأحداث ولا لاء
أولآ بشكر الناس إللى شاركت معايا ويبدو فى أختلاف آن زينه بنت عم عبدالله أيوة هى طفله شرعية علشان فاروق عم سيف وسمر وقتها وهو شاب فى الثانوى على علاقة بفردوس أمها الحقيقية وهى ظنت زينه بنته وعبدالله كان عارف كدة ومش أهتم لأنه بيعتبر زينه تربيه راضيه وهو،،،،وفردوس كانت بتحاول تثبت فاروق أبو زينه ولما أنكر علشان وضعة لأنه دكتور ،،وتزوج فتاة كانت الصدمه أنه عقيم إذا زينه بنت عم عبدالله شرعآ أنا وضحت كدة دى الخلاصة وفى نقطه زينه حسنت علاقتها بأمها أيوة ،،ولاء
أزاى ؟؟؟؟؟
عبدالله وهو مسجون القدر جمع فردوس مع زينه ونقذتها من تغريد وجابت دليل براءة عبدالله ويومها أتحبست هى الموقف دة عدل صورتها شويه ،،،،،،ولاء لأن زينه تتعامل مع أمها برسميه للعلم هى عايشة مش ماتت وأوضح فى بارت قادم تانى للتزكير ٠٠٠٠
أكتر طفل متعب أنس مش أيهم لأن أنس هو المسيطر على أيهم