رواية عشق فارس الصعيد الفصل الثامن8بقلم هنا حسين
عشق فارس الصعيد 8
تاني يوم كان فارس وياسر بيتكلموا في الشغل مع بعض
فارس: عاوزك تمسكلي الشغل الفتره دي علي شان نازل الصعيد
ياسر: تمام ماتقلقش كله هيبقي كويس
فارس: انا واثق فيك
ياسر: لو واثق فيا ماكنتش رفضتني زمان
فارس: ياسر ياريت ماتتكلمش في الموضوع ده
ياسر: حتى لو قولتلك اني لسه بحبها وعايزها
فارس بغضب: ياسر قولتلك ماتتكلمش في الموضوع ده خلص الكلام قولتلك رهف مش ليك وانت عارف السبب فبلاش نفتح الموضوع مره تانيه
ياسر بغل: تمام يا فارس
واستاذن وخرج
تدخل السكرتيره وتبلغه ان في بنت حابع تقابله وهو يوافق تدخل فتاه جميله تصافحه وتجلس
جوليا: انا اسمي جوليا صاحبه شركه وتقوله اسم الشركه الصراحه سمعت عنك كتير وحابه اعرض علي حضرتك مشروع واتمني انه يعجبك
فارس: اهلاً بيكي في شركتي
واخذ منها المشروع وبداء في دراسته وعجبه جداً
فضلوا يتكلموا عن الشغل لوقت طويل
فارس: المشروع هايل اوي وعملي كمان بس انا هخلي ياسر مدير التنفيذ للشركه يتابع معاكي لا ان الفتره اللي جايه مش هبقي موجود
جوليا: تمام شكراً لحضرتك مبسوطه انه عجبك
واستاذنت ومشيت وهو بلغ ياسر بالمشروع
اذكروا الله
عدا يومين بدون أحداث
صالح: عاوز كل حاجة زينه مش عاوز غلطه
نعيمه: كأن الوزير اللي جاي
صالح بغضب: وهو الوزيز احسن من ولدي في عاد
نعيمه: مش قصدي حاجة بس بلاش المعامله الذايده دي قدام ولدك هادي فارس ولدك كمان بس بلاش تفرق بينهم
صالح: فارس يتيم ودايما في الغربه ومافيش حد جنبه لاكن هادي دايما معانا واني مابفرقش بينهم روحي شوفي الوكل جهز ولا لاه
راحت نعيمه بغيظ
كانت بسيمه قاعده في اوضتها وبترضع بنتها دخل هادي بغضب
بسيمه بفزع: هادي في اي
هادي: مالكيش صالح قومي جهزيلي هدومي علي شان ماشي
بسيمه: تمشي تروح فين مش اخوك علي جي ولازما ترحب بيه
هادي بغضب: قولتلك مالكيش صالح مش عاوز ارحب بحد حتي العيال مش عاوزهم يسألوه
بسيمه: بس ده عمهم امنعهم منيه كيف
هادي: انت الكلام مش جايب معاكي نتيجه احسن حاجه اغور من وشك
وسابها وخرج
اذكروا الله
كانت كروانه قاعده ومنومه جنبها فهد دخلت عليها انوار لقيتها سرحانه
انوار: مالك يا بتي يعني منيماش
كروانه: مش جايلي نوم يمه
انوار: ليه يا ضنايه
كروانه: معرفاش حاسه بضيق في صدري ممرتحاش
انوار: ليه هو فارس مزعلك ولا محتك بيكي
كروانه: عرفت انه نزل الصعيد وزعلانه اني هاربه في البلاد عاوزه ارجع يمه
انوار: ماعدش ينفع يا كروانه يا بتي العمله اللي عملتيها ماخلتش لينا لا وش ولاعين نقابل بيه حد
كروانه: غلط يمه أعمل اي كل يوم بأنب نفسي ميت مره اني اتجوزت في السر وجواز غير شرعي ولا الطفل اللي جه من غير ذنب بس اعمل اي اني روحت لفارس واترجيته يجي يتقدملي بس هو رفض
انوار: يمكن لو كنتي قولتيله علي حملك كان وافق
كروانه: كنت خايفه وقتها لو قولتله كان اذاني
انوار: طب هتعملي اي
كروانه: فارس لازما يتجوزني رسمي ويرفع راسي قدام الناس
انوار: وكيف هيحصل ده
كروانه: هستني لما يجي وهعرفه بفهد اني مش عايزه ولدي يطلع من غير اب يمه
اذكروا الله
كانت الناس بترحب بيه بفرحه كبيره لقي ابوه قدام البوابه والابتسامه علي وشه قرب عليه فارس واترمي في حضنه
فارس: وحشتني اوي يا بابا
صالح: اتوحشتك قوي يا ولدي بردق الغيبه الطويله دي
فارس: معلش يا بابا مشاغل بقا
صالح: كم مره اقولك كلمني صعيدي لايقه عليك يا ولدي
فارس بضحك: حاضر يا بوي اللي انت عايزه
خده صالح ودخل بيه سلمت عليه نعيمه بفتور
رهف جريت عليه
رهف: اتوحشتك قوي يا خوي
فارس: وانت كمان يا لمضه
بعدت عن حضنه وقالت
رهف: فين الحاجه اوعي تقول ماجبتش هزعل ومش هكلمك واصل واني اصلا زعلي واعر
فارس: يا بنتي افصلي اي الرغي ده بعدين جبتلك حاجات حلوه
صالح: سيبي اخوكي يا رهف يرتاح
كانو طفلتين قعدين بعيد بخوف
قرب عليهم فارس
فارس: رضوي وريهام كبرتوا اوي عن اخر مره شوفتكم فيها مش هتسلموا عليا
قربت رهف من البنات وقالت
رهف: سلموا علي عمكم ماتخفوش
قرب عليهم فارس وحضنهم بحب
فارس: تعالوا افرجكم علي الحاجات اللي جبتهلكم
البنات فرحوا وحسوا بالراحه من ناحيته
اذكروا الله
في الصباح نزل فارس علي شان يفطر مالقيش غير ابوه ومرات ابوه نعيمه ورهف
القي الصباح وجلس يتناول الفطور معهم
وبعد وقت كان قاعد هو وابوه يشربوا الشاي
فارس: هو هادي مش عاوز يقابلني
صالح: انت عارف مشاغله يامه ماتزعلش من اخوك
فارس: انا مش زعلان بس المفروض يسلم عليا انا مش غريب عنه
صالح: انت عارف هادي عقله صغير وانت الكبير والعاقل
فارس: بابا انا زمان سمعت كلامك لما قولتلي اخوك ماتخسروش علي شان بنت وخيرتني بينك وبنها كله علي شان هادي وهو ماقدرش ده وكل مره يتهرب مني ومش عاوز يقابلني
صالح: ما انت برضوا ماقولتش علي موضوع جوازك العرفي ده كان ممكن يتصلح الوضع وماكنتوش خسرتوا بعض
فارس:بابا انا خسرت الانسانه الوحيده اللي عشقتها مش بس حبتها كل ده علشان مخصرش اخويا وهو اتجوز وخلف وانا زي ما انا واقف مكاني
صالح: شوف لك عروسه واني اجوزها لك
فارس: غير كروانه مش هتجوز
صالح: ما يه هجت من البلد وما حدش عارف لها طريق هتفضل موقف حالك عشان اياك
هادي: ومين قال لك انه مش عارف طريقها يا ابوي