رواية العزف على الحان الانتقام الفصل السابع 7 والثامن 8 بقلم يارا محمد
7
دخلت عيادة دكتورة نفسيه بعد اللي عملته و استنت دورها ودخلت بعد ساعتين قعدت قدام معالجتها النفسيه وبصتلها .
دكتورة عبير
ازيك يا نسيم أو تحبي نرجع للأصل اخبارك ايه يا توليا تحبي نتكلم اخبار توليا ايه لسه مسيطرة و لا انتي اللي بتسيطري عليها .
نسيم: م مش عايزاها أنا عايزة اعيش زي الناس الطبيعيه هي عملت حاجات بشعه و أنا بكرهها يا دكتورة ارجوكي خليها تبعد عني هي عملت جرائم ومش عارفه اسيطر عليها .
الدكتورة
احكي براحه توليا عملت ايه انتي مش راضيه عنه متخافيش احكي ليا .
نسيم ...... ومن ساعتها ومش عارفه اسيطر عليها هي عملت كل ده وكل مرة لما بحاول اعتذر يخرب الأمور و اعقدها اكتر اعمل ايه .
الدكتورة:
اهدي يا نسيم هي مجرد ضيفه مسيطرة ع جسمك حاولي انتي كمان تسيطري عليها لما تيجي تعمل مصيبه تاني سيطري عليها امنعيها حاولي متخليهاش تقرب من حبايبك فاهمه .
كانت هنتكلم بس نبرتها اتغيرت
توليا : لا مش فاهمه عايزاه تبقي ضعيفه مرة تانيه اهو حبها راح منها و اتجوز حد تاني و فالوقت ده انا كنت مسيطرة وهي مش حاولت تمنعني بس دلوقتي حتي لو وصلت لقتل مراته اللي خطفاها ومساومه ع ابنه هعمل كده .
الدكتورة
وهتكسبي ايه يا توليا من كل ده هترتاحي لما عيلتك تتفرق بسببك .
كانت هتتكلم بس لمحت فوزها بتحاول تخبيه وقامت وقربت منها .
توليا
مش المفروض انتي دكتورة وبتحافظي ع خصوصيه المريض مدت أيدها للفون وبصتله .
بتسجلي ليا بقي أنا ابقي مامنه ع نفسي وانتي بتسجلي كل حاجه ده كلام برضه .
الدكتورة
ده شغلي وطبيعي اعمل كده الدور و الباقي عليكي اللي بتعمليه انتي طبيعي تسلطك ع عيلتك وتخليهم يسمعوا كلامك عادي حتي لو اللي بتعمله غلط خليتي ماهر مسخرة العيله من أبوه وانتي كملتي عليه ولما لقي حد يحبه بجد ثورتي عليه ولما سابك ورجع قررتي تنتقمي منه هتكسبي ايه باللي عملتيه ليهم الفترة اللي فاتت .
توليا : حقي و باخده بخلي نسيم تبقي واحده قويه وكرامتها فوق أي شئ علشان لما ابعد عنها ابعد وهي قويه ولسه عند وعدي ماهر ليها وبس .
الدكتورة: سيبي رينا هي مش ليها ذنب فاهمه انتي كده بتلغيها وانتي اللي هتقتدي مكانها وده مش مكانك يا توليا اسمعي كلامي وتعالي معايا مستشفى الامراض العقليه .
توليا: و ده ليه شايفاني مجنونه يعني بالعكس أنا اعقل واحدة ممكن تشوفيها .
الدكتورة
غلط فاهمه كلامك غلط انتي مختله نسيم مصابه باضطراب الهويه الفصامي انتي دائما مخليها ع جنب وانتي مكانها العديد عن عائلتها .
توليا مش بقت مستحمله كلام الدكتورة واستغلت أنها آخر كشف والكل مشي والممرضه اكيد مش ف مكتبها ولمحت سكينه اخدتها وهجمت عليها وضربتها وسابتها واقعه وقربت منها .
توليا هتفضل موجودة لغايه تحقيق هدفها فاهمه وبرضه هذا ماهر علشان يعرف ازاي يتخلي عن نسيم أو عننا .
مشيت من غير ما تلتفت ليها والدكتورة فضلت تزحف لغايه الفون وطلبت الإسعاف واغمي عليها والاسعاف جات بسرعه و ودتها المستشفي
أما عند ماهر ف كان لسه واقع الأرض ومصدوم من اللي حصل والدته والباقي جم ولقيوا بمنظره ده .
راويه: ماهر ليه قاعد كده حصل ايه ابوك جراله حاجه .
ماهر: اتشل الجلطه سببت ليه شلل مش عارف هيبقي دائم ولا ممكن يتعالج .
راويه انهارت و فضلت تبكي .
كله بسبب مراتك ياريتني حضرت الجلسه علشان اتشفي فيها و اشوف منظرها بس ملحوقه هخلي حياتها جحيم .
ماهر: امي رينا بريئه جنه قالت إن سميرة هي السبب .
راويه: سميرة عملت كده اه كله علشان بنتها ياريت ابوك ما وافق يعيشوا معانا عمك علطول بيشتكي منها لغايه ما جابت أجله .
ماهر: قصدك ايه يمكن تكون هي اللي قتلت عمي .
راويه: و ليه لا دي مش بتحب حد ابدا وعمك علطول كان بيشتكي منها والحادثه بتاعته فرامل عربيته كانت مقطوعه اكيد هي عملت كده بس تغور دلوقتي المهم عندي ابوك وعايزة اعتذر لمراتك ممكن .
ماهر: مش لاقيها من بدري معرفش كنت ماشي وراها وفجاه مش لاقيتها لما جنه وقفتني وحكالها اللي حصل .
راويه: اكيد هي قتلتها لازم تلاقي مراتك متخافش يمكن راحت تشم هوا ف اي مكان .
ماهر دخل لابوه وشاف حالته ومسح دموعها لازم يبقي قوي ع الأقل قدام أبوه .
حليم كان عايز يقول حاجه بس مش قادر وعينيه فيها كلام كتير بس الشلل اثر ع الكلام كمان .
8
حليم كان نايم بس الكوابيس مش سايباه الذنب اللي عمله زمان بيدفع تمنه دلوقتي.
Flash back
حليم : ها يا راشد هتنفذ طلبي ولا لا .
راشد: و أنا لسه لغايه دلوقتي مش فاهم غرضك ايه من ده ليه عايز الفلوس دي .
حليم: يمكن علشان ده تمن سكوتي يا ابن عمي العزيز محدش ف العيله عارف ان عمي زهران كان متجوز واحدة غير مراته هدير الباشا اللي فضل عليها بنت من طبقه متوسطه وشاف فيها الامان والاستقرار ومحدش ف العيله كان عارف غيري ابويا امني ع السر ده ولو حد فيهم كان عرف وخصوصا عزام الباشا كان حرق والدتك وعائلتها صاحية وكنت انت خلاص ميت ودمروا عيلتنا ع الآخر بس هدير ماتت قبل ما تعرف وعمي جه بيك بعد ما حس أنه بأمان اللي عمله عمي ف عيله مراته علشان انت تبقي ف امان دفع تمنه غالي اوي .
راشد : اه طيب ما دام ابويا عمل البلاوي دي علشان يحميني أنا انت بقي عايز ايه دلوقتي .
حليم: نص ميراث عمي ليك انت ورثت عمي ف فلوس كتير انا بقي عايز النص تمن سكوتي .
راشد: ياه انت واطي اوي يا حليم بتساومني ع سر مدفون وعايز تنبش فيه وخلاص وبعدين ده حقي ابويا كان محافظ عليا من عيون نسايبه الكبار و بيحميني منهم وانت عايز تهد الدنيا وخلاص .
حليم: جينات عيلتنا فيها الغدر يا بن عمي مش تستغرب .
راشد: وانا مش موافق يا حليم مش هديك فلوسي اللي هعيش بيها مرتاح أنا ومراتي وبنتي .
حليم: فكر هسيبك اسبوع ورد عليا بعدين سلام .
حليم سابه ونهله زوجه راشد قربت منه .
نهله: أنا معاك ف الحكايه دي أنا اكتر واحده عيشت وشفت انت ازاي اتعذبت وهما ناس انانيه متسمعش ليه .
راشد: وانا مش هعمل كده يا نهله يعرفوا وكل حاجه تنهار عادي مش مهم المهم انتي وبنتي توليا تكونوا مرتاحين .
حليم سمع كلامهم واخد قراره ف الموضوع بعد اسبوع جه ليهم بكل طيبه ومعاه اكل وقاله أنه تراجع عن كلامه وراشد بلغه أنه عادي تتراجع أنا كده مش كنت هديك حاجه ابدا أكلوا وبعد شويه حسوا بتعب واغمي عليهم و توليا كان معاها دروس حليم كب بنزين ف البيت و حوالينه ولما شاف توليا بتقرب حليم ولع ف البيت من غير ذرة ندم وراقب توليا وهي بتصرخ ع أهلها وحليم كمم بقها
حليم: ابوكي مش نفذ واخد جزائه و انتي هتفضلي معايا علشان ورثك وبس ودماغك اللي عاجبني فيها ذكائك وانتي مخلصه شغل ابوكي كله هستفيد منك يعني .
حليم أحدها معاه وصدم العيله بالسر اللي مخبي واضطروا يقبلوا توليا بينهم علشان ورثها الكبير وهي كانت ف صدمه من اللي حصل ومحدش وقف جنبها وبعد شهرين توليا قدرت تتعافي ونزلت ل عمها المكتب وعملت صفقه معاه وهو قبل بس مقابل فلوسها .
Back
حليم قام من النوم بيشهق بقوة وبيكح اللي افتكره مكانش ساهل ابدا حاول ياخد المياه ووقع من السرير وهي دخلت وشافت حالته وواقع تحت رجليها .
توليا: عاجبني وضعك ده قوي اياك تكون فاكر أن اللي عملته زمان أنا نسيته لا ده تحويشه سنين وسنين وكله هيدفع التمن واحد واحد هو انت فاكر اني بحب ابنك تبقي غلطان أنا بس كنت عايزاه جوزي علشان اعرف انتقم منك فيه ولما كنت بأمرك انك تخينه قدامي كنت ببقي مبسوطه صدقني مش هسيبكم وغير فلوسي اللي اتنازلت عليها ليك ترجعلي هي و فلوسك عليهم كل حاجه هترجع للأصل وبس .
كان بيسمعها وهو عاجز عن الرد وشايف تمن اللي عمله هي كانت بتخطط كله ده علشان اللحظه اللي هي فيها دي انتقامها .
وقفت قدامه وخرجت و حتي مش ساعدته راحت اوضتها واتفرجت عليها من كاميرا المراقبه وهي بتحاول تفك نفسها .
توليا: انتي الهدف اللي جاي يا رينا هوريكي عذاب عمرك ما شوفيته .