رواية سم هادئ في كأس ذهبي الفصل الثالث 3 والرابع 4 بقلم يارا محمد
3
خرج الدكتور بأسف ليهم و اتكلم معاهم .
الدكتور
للاسف الشديد مش قدرنا ننقذ الأجنة عملنا جهدنا لكن للاسف أمر الله نفذ و كمان يؤسفني أن اقولكم أن المدام نزفت بشدة و اضطرينا نستأصل الرحم لوقف النزيف عن اذنكم .
عمران و الكل اتصدم من كلام الدكتور ما عدا هي كانت واقفه مبتسمة بهدوء و من غير حد ما يلاحظها شايفاهم زعلانين و هي متوقعه ده يحصل .
Flash back
دليلة لما طلعت الخدم و عملت هي الغدا محطتش حبوب الإجهاض ف الاكل غير بعد ما عرفت الاكل و حطت تلات حبات منع الحمل ف طبق شهيرة و فضلت متابعة اكلها بهدوء و ف خلال دقيقة هي بدأت تصرخ .
Back
انا محدش يقدر يهددني ابدا و هتشوفوا حياتكم هتبقي جحيم ازاي .
بعد ساعتين الكل كان ف اوضة شهيرة مستنين تفوق و ازاي يقولوا ليها الخبر بدأت تفوق و عمران كان جنبها .
عمران
حبيبتي انت كويسة صح .
شهيرة بألم و وهن
انا كويسة هو أية اللي حصل و لية مش حاسة بولادي يا عمران .؟!
صفوان
يعوض عليكي يا شهيرة و لادك اجهضوا و كمان مش هتقدري تخلفي تاني .
شهيرة بألم و عدم تصديق
يعني أية مش هقدر اخلف تاني عمران هو بيقول أية رد عليا .
عمران
الإجهاض كان تقيل عليكي و عملك نزيف و الدكتور ملقيش حل غير أنه يشيل الرحم انا اسف .
شهيرة بعدم تصديق
لا لا ده مش صح انتوا كدابين انا كنت كويسة فجاه كده يعني انا ولادي عايشين و كمان انت قلت إن بنتك هتبقي خدامة ليهم و تحت طوعهم ب بنتك دليلة ايوة هي السبب علشان انا هددتها لو مش اتجوزت هقول انها طلعت من اوضة وادي بالليل هي بتحبه اكيد هي السبب ف اجهاضي .
الكل بص ل دليلة اللي كانت واقفة ببرود متابعه انهيارها حتي لما جابت سيرتها هي و وادي مش اتهزت بالعكس .
عمران
ده بجد يا دليلة انتي بتحبي وادي و خرجتي من غرفته .
دليلة بهدوء
معقول هتصدق واحدة بتخرف يا بابا وبعدين انا مش بحب حد و الدليل موافقتي ع الجواز من ابن الدرياني انا معملتش حاجة ليها و كمان انت سايب أنها عايزة ابقي خدامة لولادها يمكن علشان ضميرها الاسود و أنها غير مسؤولة فقدت ولادها كويس اني اطمنت عليها ورايا شغل .
دليلة سابتهم و رجعت البيت و دخلت اوضتها علشان تشوف شغلها و مين هدفها التاني بس محدش سابها في حالها لأن الخدامة دخلت ليها .
دليلة
خير يا سهر عايزة حاجة .
سهر
اه عايزة 100 الف جنية يا ست هانم و لا ست اية انت متسويش عندهم انا عايزة الفلوس دي .
دليلة باستغراب
انتي بتكلميني انا كده انا اتجننتي و بعدين اديكي الفلوس دي بمناسبة أية بقي .؟!
سهر بمكر
بمناسبة الفيديو ده يا دليلة هانم صورتك فيديو و انتي بتحطي حاجة ف اكل ست شهيرة لو وريتها البيه الكبير هيقتلك كده كده حدش بيحبك اصلا ف مش هيهتموا بموتك ها قلتي أية .
دليلة
موافقة استنيني ف ف الجنينة اللي ورا البيت النهاردة هجيبهم ليكي بس تديني الفيديو فاهمة .
سهر
مفهوم هديكي الفيديو مقابل الفلوس و مش عايزة مليم ينقص علشان انتي عارفة انا هعمل أية .
سهر سابتها و دليلة بصتلها بكره هي بتكره الكل ف البيت ده حتي الخدامة بتتطاول عليها و هي عارفة هتعمل أية فونها نور برسالة لقيت صورة الشخص اللي المفروض هتقتله و الفلوس محولة ليها .
بعد ساعتين كانت سهر واقفة ورا جنينة البيت
مستنية دليلة و بما أن الكل مع شهيرة محدش موجود دليلة بهدوء و صلت ومعاها ظرف في الفلوس .
دليلة
فين الفيديو يا سهر ؟!
سهر اهو ف الفلاشة دي جبتي الفلوس .
دليلة
معاكي نسخ تانيه و لا لا.
سهر
لا دي بس هاتي الفلوس يلا .
عطتها الفلوس وفضلت تعد فيهم بطمع بس مش اتهنت بيهم لان سهر حطت كاتم صوت ف مسدسها و قتلتها حفرت حفرة و دفنتها فيها بهدوء .
مش هسمح لحد زيك يهددني فاهمة لا انتي و لا شهيرة انتوا الاتنين اخدتم جزاءكم و شهيرة حسابها معايا مش خلص بسبب اللي قالته هخلي حياتها مدمرة .
رجعت البيت و عدت من قدام اوضة وادي ابن عمها سمعته بيكلم ف الفون عرفت أن رجع من عندهم ووقفت تسمع بيقول ايه .
وادي
يا شادي دليلة مين بس اللي اتجوزها انا مش بحبها أنا بحب واحدة تانية هي فاكرة اني بحبها لكن لا و بعدين لو كان جدي عرض عليا أن اتجوزها كنت هرفض دي معقدة محدش بيحبها و لا انا .
دليلة رجعت اوضتها و هي متحطمة و مكسورة كرامتها اتهانت من اكتر حد بتحبه فضلت تبكي ساعات طويلة .
*******************
ف بيت الدرياني
مهدي كان واقف قدام أبوه بعد ما فكر .
مهدي
انا موافق اتجوز دليلة المغربي يا ابويا بس سنة واحدة ترتب امورك و انا بعدها هطلقها .
دالي
انا موافق و كمان علشان تضمن ان لسة بساعدك انت ف امان طول ما انت بتسمع كلامي .
مهدي
عن اذنك عندي شغل ف القاهرة و هرجع بكرة.
مهدي ركب عربيته و كان بيسوق و سرحان ف البنت اللي مش شافها ابدا بس فجاه و ف عز سرحانه و تفكيره فقد السيطرة ع العربية بسبب الرصاص .
قبل ساعة دليلة رتبت شنطتها علشان تروح القاهرة وهي نازلة قابلها ابوها .
عمران
رايحة فين بالشنطة دي دلوقتي .
دليلة
عندي شغل اسبوع و راجعة مش هطول مراتك عاملة أية .
عمران
ع حالها زي ما هي قوليلي صح الكلام اللي قالته ده انتي في حاجة بينك و بين وادي .
لحسن الحظ لمحته نازل من اوضته ف اتكلمت بحيث يسمعها .
دليلة
انت كمان هتاخد ع خرف مراتك و لا أية يا بابا انا مش بحب وادي مش من مستوايا و لا بفكر فيه انت طلبتم مني الجواز من مهدي الدرياني و انا وافقت مش قصة هي عن اذنك .
الاتنين سمعوا كلامها بس وادي التعصب ازاي تقول كده عليه بس مش مهم المهم البنت اللي بيحبها.
ٕف العربية جالها اشعار أن الهدف ف عربيته قدامها قررت تنفذ في لحظتها قربت تربيتها و طلعت المسدس و هو في الكلام وكانت جنبه و ف لحظة مهدي حس بطلق ناري و مقدرش يشوف مين اللي بيعمل كده العربية خرجت عن السيطرة و مقدرش يفرمل شافته وهو بيختل توزان العربية و خبطت ف شجرة و العربية بدأت تجيب نار سابته يعاني و كملت طريقها .
اما مهدي بالعافية فاق و شاف عربيته بتولع و بصعوبة خرج منها و ف لحظة انفجرت تاني يوم الصبح وصلت دليلة القاهرة و راحت لفيلا صغيرة رنت الجرس و ثانية انفتح الباب
الست
حبيبتي وحشتيني .
دليلة بهدوء و ابتسامة
وحشتيني اوي يا ماما اخبارك أية اسفه أني طولت عليكي اسبوعين بس علشان محدش يشك فيا .
ماراي
و لا يهمك قوليلي اخبارك أية و اخبار شغلك أية .
دليلة
اخباري انا جدي عايز يجوزني ابن عدوه علشان يمنع التار و الحاجات دي شهيرة هددتني ب أنها هتتبلي عليا و تفضح سر حبي لابن عمي بس قرصت ودنها .
اظن بعد الاجهاض اللي كنت السبب فيه مش هتروح ناحيتي و طبعا كالعادة حفيدة منسية محدش مهتم لامري .
ماراي
دي اخبارك و شغلك ماشي كويس .
دليلة
شغل البيزنس متعب ف أوله بس انا قدها .
ماراي بابتسامة
لسة بتحبِ تتوهي ف الكلام يا دليلة انا اقصد شغلك التاني أنك تكوني قاتلة مأجورة .
دليلة
و انتي دائما ع طول فاهماني لسة مخلصة مهمه قبل ما اوصل ليكي .
ماراي
اظن كده انتي جاهزة تقبلي عيلتك اللي تهتم بيكِ بجد .
دليلة بسعادة
بجد هنروح اليونان و تعرفيني عليهم .
ماراي
اكيد جدك طالبك و نفسه يشوفك و ابن اخويا متحمس لشوفتك اوي .
دليلة .....
أما عند مهدي الدرياني الناس اخدوه للمستشفي و هو فاقد الوعي بشكل كامل و دالي و صل المستشفي و هو خايف ع ابنه الوحيد مش هيستحمل تحصله حاجة .
خرج الدكتور بهدوء و دالي راح لعنده .
4
خرج الدكتور من غرفة العمليات و وشه مش مبشر .
الدكتور
للاسف يا دالي بيه الحادثة كانت جامدة و حصله كسور و كدمات كبيرة و خصوصا علي رجله لأنها كانت عالقة في العربية و بصعوبة بالغه قدر ينقذ نفسه بعد شال رجله و كمان حصله نزيف داخلي بالمختصر حالته خطيرة .
دالي
اعمل اي حاجة يا دكتور ده ابني الوحيد لازم يعيش باي طريقة .
الدكتور
متخافش هنعمل اللازم ليه و هيكون تحت المراقبة لمدة يومين وكمان احنا بلغنا البوليس لأن ده اشتباه ف قتل عمد .
الدكتور سابه و دالي بص لابنه الموصول بالأجهزة .
ادي آخرة شغلك الشمال شوف وصلت نفسك لايه اتمني تكون مبسوط باللي وصلت ليه بس معلش مش هلومك دلوقتي لما اطمن عليك .
وهو واقف لمح صفوان و عيلته ف الممر ف راح ليهم باستغراب .
دالي
بتعملوا ايه هنا ؟!
صفوان
دالي غريبة انا زوجة ابني اجهضت و احنا معاها انت هنا ليه خير .
دالي
كويس اني شوفتك هنا علشان ابلغك أننا هناجل فرح الولاد شوية.
كلام دالي كان عالي و الكل سمعه و عمران سأله باستغراب .
عمران
خير يا دالي بيه قررت ترجع عن كلامك اللي اعرفه انك مش بترجع ف كلامك خير اي اللي جد دلوقتي .؟!
دالي
وادي عمل حادثة و هو ف الغرفة اللي جنبكم و مش معقولة اجوزه بحالته دي و بعدين بنتكم تستني لغاية ما ابني يخف عادي .
صفوان
سلامته يا دالي تمام هناجل كل حاجة لغاية ما ابنك يخف و نتكلم ف تفاصيل فرح الولاد .
دالي ب لامبالاة و بتعالي سابهم و اقفين و صفوان كان بيشتمه ف سره .
عمر
هو شايف نفسه علي ايه هو فاكر نفسه مين اللي اعرفه انه بيفلس و احنا هننقذه بتمني ابنه يموت وهو يعلن إفلاسه و يبقي السوق لينا .
صفوان
بس كلام ف الموضوع ده عمران بلغ بنتك أن فرحها متاجل و بعدين هي فين مجاتش ليه .
عمران
سافرت القاهرة عندها شغل هبلغها حالا .
أما دليلة ف كانت ف الطيارة مع امها متوجهين ل اليونان وكانت قافلة فونها ومش مهتمه بحد ابدا لا بالشخص اللي اتكلفت بموته و لا ب ابوها اللي كان بيتصل بيها تاني يوم وصلوا اثينا تحديدا قصر كبير دليلة كانت بتتفرج بانبهار ع شكل القصر ودخلت مع امها .
ماراي دخلت القصر وشافت شخص كبير واقف وفاتح دراعه ليها .
انطوان بابتسامة
بنتي اخبارك أية غيبتك طولت المرة دي شغلك مشي كويس المرة دي .
ماراي
متخافش يا Boss كل شغلنا تمام جدا معايا ليك مفاجأة بصت لبنتها دليلة تعالي قربي .
سلمي ع جدك يا حبيبتي بابا دي بنتي اللي بحكيلك عنها و ببعت صورها ليك دليلة أو ڤينسيا .
دليلة بصتله باحترام و مسكت ايده باستها و خدت بالها من الوشم بتاعه علي ظهر ايده البوصلة وطائر العنقاء بصتله بهدوء و ابتسمت ليه .
دليلة
اتشرفت بمعرفتك ماما حكت لي عنك كتير
انطوان بابتسامة
اخيرا شرفتي عيلة انطوان اندريسا يا ڤينسيا انا متابعك و متابع نشاطك بالمناسبة الهدف اللي انتي مكلفة بقتله مش مات بس حالته خطر .
المهم مش هنتكلم ف الشغل دلوقتي النهاردة يومك هتتعرفي ع عيلتك .
ع الغدا كانت وسطهم لأول مرة الكل اتعرف عليها و حلوها من أكبر فرد لأصغر فرد و اللي استغربت منه هو أنهم حبوها لقت الحب وسطهم اكتر من عيلة ابوها حست بالراحة بس حست انها متراقبة و حد عيونه عليها رفعت راسها و وقع نظرها علي الموجود جنب جدها الشاب اللي من أول نظرة باين أن ثلاثيني من هيئته و شم الطائر و الجناحين مزين دراعه الكل اتعرف عليها وهي وسطهم فونها رن بصت عليه لقته ابوها .
ردت و هي جنبهم لكن اتصدموا من الصوت العالي هي مش كانت فاتحة السبيكر بس الصوت وحده كان عالي .
عمران
انتي يا حيوانه بكلمك من امبارح مش بتردي ليه غبية .
جدها بصلها و هي ساكته بتسمع ليه .