رواية تيك توك حكاية توبه الفصل العاشر 10 والاخير بقلم محمد منصور
بسم الله توكلت علي الله. وهو رب العرش العظيم
خلصت الحلقة اللي فاتت علي. باسل وهو بيقول لسامح في البرنامج وعلي الهواء
واية كمان صح تحب الناس تعرفه
سامح
ان توبه مظلومة وانا الجزار اللي ذبح وسلخ وباع في لحم الفضيحة بتاعتها
باسل
عين العقل يا صاحبي هو دة الكلام اللي الناس تحب تسمعه انت كدة فعلا تستاهل تكون سامح فريد عشرة عمري. قول يا صاحبي ورجع حق المظلومة
اتصدم كل اللي كان بيسمع الحلقة بما فيهم اشرف و توبه واتجنن سعد وقال لمخرج البرنامج
اقفل البث المباشر عليهم
المخرج
مش قادر اعمل اي حاجة في حد مسيطر علي الاشارة والحلقة هتذاع هتذاع
وبدا سامح يتكلم ويقول الحقيقة اللي ماكنتش هاتعجب ناس نفسها الفضيحة شغاله. وفي نفس الوقت حاول سعد الخروج من اوضة الاخراج لكن الاوضة كانت مقفوله من برة وماحدش هايقدر يمنع سامح من انه يتكلم وساعتها بص سعد لسامح في الكاميرا بغضب شديد وهو مش قادر يعمل اي حاجة وحط ايدة في جيبة يطلع الموبيل لكنه لقي الموبيل مش معه وهنا افتكر باسل وهو كان اخر واحد طالع من مكتبه فبص سعد للمخرج وقال
اتصل باي فني يمنع الحلقة دي من انها تكمل
المخرج وهو بيهز دماغه بياس قال
الموبيل مش معايا
سعد
سامح كان محضر للحلقة دي مع باسل وسيطر علي الاشارة وسرق موبيلاتنا وقفل علينا باب الاستديو
ويتجنن سعد ويضرب الكرسي الموجود في الاستديو برجله ويبص تاني للكاميرا وسامح بيحكي.،،،،،،
ونرجع بالاحداث لكام شهر وراء. وسامح واقف قدام سجن من سجون مصر مستني خروج باسل صديق عمره وفعلا خرج باسل وكان باين عليه البهدلة والمرمطة ودقنه طويلة وحالته ما تسرش واول ماشاف باسل صاحبة سامح جري عليه واترمي في حضنه وفضل يعيط فقال له سامح
وحد الله يا صاحبي
باسل
بنتي كانت ممكن تعيش بس لو فلوسي حلال
سامح
ادعي لها بالرحمة
باسل
ربنا يرحمها ويرحمني
سامح
تعالي بقي نمشي بعيد عن السجن علشان محتاج اتكلم معاك في اي مطعم
ومشي سامح وباسل وسامح خد باسل لمحل ملابس كبير فبص باسل للمحل وقال
هنعمل اية هنا
سامح
هاجيب لك هدوم تليق بباسل المحامي
استغرب باسل وبص لسامح وفهم سامح معني بصته لي فقال له
ماتقلقش صاحبك بقي غني اوي.
باسل
من الحرام يا صاحبي
سامح وهو حزين
بلاش نتكلم دلوقتي وتعالي بس وانا هافهمك
باسل وهو بيعيد الكلام تاني
من الحرام. صح
سامح
اللي هاصرفه دلوقتي برة الحرام. دة فلوس من شقايا وبلاش تصعبها عليه انا ما صدقت ان باسل اخويا وصاحبي خرج لي بالسلامة علشان انا محتاج لك اوي
وفعلا دخلو المحل ولبس باسل بدلة شيك وحلق دقنه وشعرة وراح سامح مع باسل لمطعم وكلو وشربو وفي نهاية اليوم حكي سامح لباسل حكايته مع توبه وقد اية هو حبها وازاي غدر بيها رغم انها حامل في ابنه وخلص سامح الحكاية وفضل باسل باصص له وساكت فقاله سامح
ساكت لية. انا حكيت لك علشان تقولي المفروض اعمل اية
باسل
هي فيها المفروض تعمل اية. حق البت الغلبانه دي لازم يرجع وزي ما فضحتها قدام الناس ترجع ترد كرامتها برضو قدام الناس
سامح
ازاي بس وسعد لو حس او شك في اني بساعدها ممكن يخلص عليه
باسل
يبقي بلاش انت تساعدها
سامح
اومال مين
باسل
انا. انت نسيت اني محامي
سامح
وافرض سعد عرف
باسل
اللي زي سعد اكيد هايعرف اني معها لكنه هايدور ورايا هيلاقيني محامي شمال بلعب بقضية توبه علشان بس اركب موجه التريند. لكن يعلم ربنا اني هاكون لتوبه جبل تستخبي هي وراة منه علشان ارد لها حقها واكفر عن ذنبي اللي بسببه ماتت بنتي
ويعيط باسل بحرقة ويقول
يمكن لما تعرف انا ابوها بقي نظيف تتشرف بيا في الاخرة وما تتكسفش من سيرتي
سامح
طيب اهدئة. ماتخليش الناس تتفرج علينا
باسل
طالما هايدفعو ثمن الفرجة وماله
ويعلي باسل صوته ويقول
اللي عايز يتفرج يتفرج. بس يدفع ما هو احنا بقينا كدة نجري وراء كل فضيحة وندفع علشان نتفرج. بنفرح ان واحد مننا ربنا شال من عليه ستره مع اننا كلنا لو الستر اتشال من علينا مش هانطيق نبص في وش بعض. كلنا معيوبين.
بدأ كل اللي في المطعم يركزو مع باسل وسامح قال له
عجبك كدة. يلا بينا بلاش فضايح
باسل بحرقة
فضايح. لما بنت عندها 6 سنين في مدرستها يعيروها بيا علشان اتعرفت اني محامي شمال. ذنبها اية يخلوها تطلع تجري من المدرسة وهي بتعيط واتوبيس نقل عام يدوس علي دماغها. انا الحرامي انا الزباله ذنبها اية هي تعيروها بيا لية لية
ويبص باسل لسامح
لو ماحدش قالها وخدوا حقهم مني انا. مش كانت زمنها لسة عايشة. كانت اة هاتبقي زعلانه مني بس اهي عايشة حتي لو بطلت تحبني بس اهي عايشة حتي لو ما بتقتش بنتي بس اهي عايشة. عايشة
ويخرج سامح من المطعم ومعه باسل وهو منهار تماما ويركبو العربية ويبص سامح لباسل ويقول له
حرام عليك اللي بتعمله في نفسك دة
باسل وهو بيمسح دموعه وبيقول بثبات انفعالي يحسد عليه
انا بخير. المهم دلوقتي توبه كمان تكون بخير لانها فكرتني ببنتي بيعيروها هي وسابو امها اللي جيبتها للدنيا بنت حرام لكن لا. حق توبه هايرجع يا سامح لو مش علشان خاطرها يبقي علشان خاطر ابنك اللي في بطنها لما يتولد يتشرف بيك
سامح
باذن الله
باسل
خلاص سايبني يا صاحبي افكر ازاي نلعب من سعد واللي وراء
سامح
اللي اهم من سعد. انك لما تروح لتوبه اوعي تعرف انك تبعني
باسل
ما تقلقش دة اساس الملعوب اني مش معاك، ،،،،
ونرجع للاستديو تاني وسامح خلص الحكاية وقال في الاخر
ابني اللي علي ذراعك يا توبه ربي كويس وعرفي اني لو كنت وحش فدة بسبب الظروف اللي خلتني كدة لكن حبك غيرني وخلاني عارف الصح من الغلط. يمكن ما شفوكيش تاني لاني رايح السجن او هتلاقوني ميت مقتول في الحالتين ابني من توبه لي الحق في كل اللي حليتي وبقول لابويا وامي ظلمتكم زي ما ظلمت نفسي بس عارف انكم هتسمحوني. وللراجل الكبير اللي ماعرفش هو مين ومش عايز اعرفة. كفاية بقي اعشاب مسرطنة الناس مش ناقصة. لله ارحمو الغلابة شوية علشان عضم جسمهم كله اتكسر واللي فاضل يدوبك يعيشهم شبة البني ادمين. واظن ان سعد باشا عرف يبيع الراجل الكبير والدليل علي كدة انه خلانا نكمل الحلقة وماقطعش علينا البث شوفو بقي مين دفع له اكتر علشان يعمل كدة. كنت معاكم سامح فريد والحلقة الاخيرة من التريند في مصر
وانتهي البرنامج وخرج سامح وباسل من الاستديو بمنتهي السرعه وركبو العربية وقال سامح لباسل
اتصل بحجاج وخلي يروح يفتح لتوبه واشرف. ويقولوهم اننا قفلنا عليهم علشان مصلحتهم ويعرف توبه انها طالق
باسل
وانت هاتروح فين
سامح
هاوصلك وهاروح اسلم نفسي
باسل
مش هاتروح تسلم علي توبه وابنك
سامح
مش هاقدر ابص في عينيها.
واتحرك سامح بالعربية واتصل باسل بحجاج وبلغو الرسالة اللي قالها سامح وبمجرد ما خلص المكالمة سمع باسل صوت بنته بتقول له
بابا انا مسمحاك وعايزا اشوفك
بص باسل يمين وشمال لقي بنته بتضحك وفرحانه وجاية من علي يمينة قال لها
انا شايفك يا حبيبة بابا
بنت باسل
شوفت لما طلعت لربنا دماغي خفت ازاي.
باسل وهو بيعيط
بقيتي زي القمر. لا. احلي من القمر
وفي اللحظة دي تدخل مقطورة كبيرة في عربية سامح بقوة غشيمة. لدرجة ان العربية لفت كذا لفة لغاية ما استقرت علي ظهرها وجوة منها سامح وباسل بيبصو لبعض بصعوبه وبيقول سامح
احنا كدة صح يا صاحبي
باسل وهو بيبص للمقطورة اللي رايحة ناحيتهم بمنتهي السرعه.
وهو في احلي من انك تموت علي حق
ويبصوا الاثنين للمقطورة ويقولو في نفس واحد
اشهدوا ان لا اله الا الله واشهد ان محمد رسول الله
وتدخل المقطورة فيهم بمنتهي القوة وتنفجر عربية سامح وفي نفس الوقت من جوة مكتب سعد كان سعد ماسك الموبيل بتاعه وبيقول
والله يا باشا دة كذب انا كان مقفول عليه جوة الاستديو ولسة خارج حالا
ثم يسكت سعد للحظات ويقول بترجي
ابوس رجلك يا باشا انا مش عايز اموت. دة انا الراجل بتاعك وعمري ما قصرت معاك
سعد بتوسل وذل
لا. ابني ومراتي. لا.
ثم يسكت للحظات ويرجع يقول بصوت حزين
مش هاتعدي الليلة الا وهاتسمع خبر انتحاري
وينهي سعد المكالمة ويفتح درج مكتبة ويخرج مسدسه ويحط المسدس في جنب دماغه وهو بيعيط زي النسوان ومش قادر يدوس علي الزناد لكنه افتكر ابنه ومراته واللي هايحصل لهم فداس علي الزناد وخرجت الرصاصة علشان تكتب نهاية لسعد بدمة اللي اتنطر علي حيطة مكتبه وعلي الكرسي المذهب اللي ياما ظلم وحارب وخرب علشان يفضل قاعد عليه. ومن جوة الشقة اللي فيها توبه واشرف يتفتح باب الشقة ويدخل حجاج فيجروا ناحيته فيقول لهم حجاج
قبل ما تقولو اي حاجة سامح طلب مني اعمل كدة علشان احميكم
توبه
وهو فين سامح
حجاج
ماعرفش، ،،،
وانتشر خبر الحادثة اللي حصلت لسامح وباسل وربنا كتب لباسل الموت علشان يجمعه ببنته لكن سامح خرج من العربية وهو لسة في الروح والنار كلت من لحم جسمه كتير وراح لمستشفي قريبة من الحادثة وعرفت توبه بان سامح لسة عايش فخدت ابنه وراحت له ومعها اشرف ورغم ان حاله سامح ما كنتش تسمح باي زيارة لكن توبه قدرت تخش هي وابنها بس وراحت ناحية سامح اللي اتشوه تماما وقالت له
سامح لو سمعني. انا توبه مراتك جت لك ومعايا كريم ابننا
حرك سامح ايدة بصعوبه وبص لها وقال بصعوبه شديدة
انتي سمتي كريم
توبه
عايزني اسمي اسم تاني
سامح
لا. عايزك تعرفي اني مش وحش واني هاموت علشان قولت كلمة حق
ويسكت سامح من شدة الوجع لكنه يتحامل علي نفسه ويقول
واني حبيتك. كل حتة قلبي انكتب فيها حروف اسمك يا توبه.
فتعيط توبه وتقول
سامح انا مش،،،،،
لكن سامح يشاور لها بالسكوت ويقول
قولي بحبك يا سامح ولو حتي كذب خلي اخر كلمة اسمها في الدنيا دي اني موت وفي حد بيحبني
توبه
بحبك يا سامح.
فيبتسم سامح ويقول بمنتهي الصعوبه
وانا بحبك يا قلب سامح من جوة
وتنزل دمعه من عيون سامح وتفارق روحه جسمه وتعيط توبه عليه وتقول لكريم
ابوك مات علشان قال كلمة حق. ،،،،،،،،
وتعدي الايام والشهور وتبدأ توبه تستغل فلوس سامح في الخير وراحت توبه لشقة فريد والد سامح ومعها شنطة وقعدت قدام منها وقال
الله يرحم ماما سامح اللي عرفت انها ما استحملتش الخبر وماتت
فريد بحزن
الله يرحم الجميع
فترفع توبه شنطة الفلوس وتحطها قدام فريد وتقول له
دة نصيبك من فلوس سامح وبزيادة
فيبص فريد للفلوس ويقول
دي فلوس حرام. انها مش عايزها
توبه
اعمل من الفلوس الحرام الخير اللي ينفع ابنك في اخرته
وتستعد توبه لانها تمشي من الشقة لكن فريد يمسك ايدها ويقول
حقك عليه
توبه
انا ماليش حق عند حد
م/8
فريد
كنت عايز اشوف حفيدي
توبه
طبعا في اي وقت انت عارف مكان الفيلا اللي جيت شتمتني فيها
وتسيبه توبه وتمشي. وبعدها بكام شهر تتجوز توبه من اشرف وتستغل فلوس سامح في تشغيل بنات الملاجا وتجوزهم وتفضل توبه عايشة علي فعل الخير وتعرف ان جدها هشام مات. فتخرج مبلغ من المال صدقة عليه وتعيش توبه مع اشرف وكريم حياة مستقرة بعيدة كل البعد عن التيك توك. والسوشال ميديا. والشر اللي اتولد من معرفتنا بيهم. رحمتك يارب
تمت بحمد الله