رواية العزف على الحان الانتقام الفصل الثالث 3 والرابع 4 بقلم يارا محمد
3/
توليا كانت ف الاوضه الضلمه ودموعها ناشفه جامدة مش بتتحرك كانت سمعاهم وهما بيضحكوا و ناسينها فرحانين بالحفيد وهي مرميه هنا .
توليا : بغضب الضحك ده هيقلب وجع هنتقم من ماهر ع هجران سنتين وجوازه و كمان جاب ولاد من واحدة غيري زمان معرفتش اخليه يمشي ع الحاني وطلع برة المسار المرة دي الحان انتقامي هتكون مظبوطه كلهم هيتوجعه بس الاول اعزف الالحان بهدوء وبعدها هبدا اعزف وهما هيتمايلوا واحد واحد وخصوصا ماهر تمايله ع عزفي هيبقي ع مزاجي أنا مش هيتهني ابدا بوعدك بكده .
بعد ساعتين دخل ليها وقالها تخرج وهي سمعت كلامه من سكات خرجت وشافت ابنه نسخه منه بصتله بكره وغل .
توليا : هتدفع تمن حاجات مش عملتها انت مضطر تدفع تمن غلط ابوك.
كانت سرحانه وهو فوقها بصتله بكره شديد وتحدي وهو شاف نظراتها ومش اهتم .
ماهر: اوعي تفتكري اني خرجتك بمزاجي لا بس والدتك اتحايلت كتير وانا سمعت كلامها وخرجتك بعد كده لو قربتي ناحية عيلتي مش هتشوفي النور .
توليا كانت بتبص ليه ومش بتتكلم كل اللي ف دماغها تنتقم ازاي من رينا اول واحدة ازاي هتخليها تندم أنها بصت لحاجه مش ملكها ماهر طول عمره ملكي هي سمحت لنفسها أنها تاخده ليها وده مش هيطول انتبهت ليه .
توليا: خلصت اظن مفيش حاجه تربطنا تاني انت اتجوزتني وسافرت و بعدها بكام شهر اتجوزت رينا ف من حقي اطلب الطلاق طلقني يا ماهر ممكن .
ماهر: هو محدش قالك و لا ايه يا حرام كانوا خايفين ع مشاعرك .
توليا: انت تقصد ايه بالكلام ده .
ماهر: اه اللي فكرتي فيه صح بعد شهرين من رجعتي ع المانيا طلقتك غيابي وورقة طلاقك مع والدتك هي مش قالتلك .
بصله بصدمه وبصت ناحيه والدتها اللي بعدت عينها منها وراحت ليها .
توليا: كلامه صح و انتي مخبيه عليا انفي كلامه وقولي مش صحيح انت ازاي قدرت تدبحني مرتين راعي اني بنت عمك يا اخي عمي هو انت كنت عارف باللي عمله ده رد عليا طول عمرك بتخلي طلباتي مجابه ليه رفضتش اللي عمله رد عليا .
حليم : لاني اكتشفت انك واحدة مش تستحق ده انتي من كتر طلباتك المجابه بقيتي بتهيني اي حد قدامك و انتي هنتي ابني كتير و أنا ساكت وانا كنت يكمل عليه و لما اعترف لأول مرة أنه ده بيضايقه بطلت وجيت ف صفه وبصراحه كنت عارف اللي هيعمله فيكي من الاول .
توليا مش استحملت ووقعت ع الأرض وفضلت تبكي وتضرب ع رجليها من الالم اللي حساه واللي حصل فيها .
ماهر كان مبسوط وحق إهانته بيتاخد قدامه هي إهانته كتير واستحمل آن الأوان أن هي تدوق شويه .
ماهر: اظن انك عرفتي دلوقتي اني مش عايزك من الاول وانك مش نوعي المفضل انتي بالنسبالي ولا حاجه وشفت الحب الامان مع رينا وبس و دلوقتي مبسوطين احنا التلاته والدي اجازتنا مش طويله هما تلات ايام بس ومش مستعد اضيعهم ف تفاهتها دي .
الكل مشي وراح اوضته و والدة توليا قومتها وهي مش حاسه بحاجه كانت مجمدة ع الآخر حاولت معاها وهي مش راضيه تتكلم سابتها وبعدين فتحت الدرج واخدت الصور واتوعدت أنها تنتقم منهم كلهم .
تاني يوم نزلت قبل صحيان الكل وحضرت الفطار بابتسامه و لما خلصت كانوا صحيوا وهي بصتلهم .
توليا: عمي أنا حضرت الفطار وإذا كان ع امبارح ف أنا نسيته وهبدا حياتي من تاني وبصت ل رينا وحضنتها مبروك ع جوازكم من النهاردة هبقي صحبتك و اخت ليكي .
ماهر بصلها بشك ومش مصدقها بس سكت وهو متاكد انها بتخطط لحاجه .
الكل قعد و ابتدوا الاكل ف هدوء مع معاده توليا بصت لعمها بابتسامه بس من ناحيته شافها عادي ومن ناحيتها كانت مليانه خبث وكره ليه .
4/
كانوا بيفطروا وهي كانت متابعاهم وخصوصا عمها اللي غدرها من زمان وهي مش حاسه بس معلش كله هيتصلح وهي هترجع الأوضاع زي ما كانت زمان بطريقتها خلصوا وقام كل واحد ع شغله وماهر كان وراه مشوار و مفضلش غير حليم ف غرفته بس قبل ما يدخلها طلب من رينا أنه يشرب عصير وهي وافقت و توليا كانت سمعتهم دخلت تعمل العصير وتوليا كانت بتراقبها عملت صوت برة بحيث رينا تنتبه ليه وتنشغل شويه ف الوقت ده توليا حطت حبوب ودوبتها قوي وراحت غرفتها ورينا راحت بالعصير غرفه حليم عطته ليه و خرجت أما توليا طلعت الكمان بتاعها وابتدت تعزف لحن هادي بهدوء وثبات ورينا كانت مع ابنها ف الجنينه ثواني ولحن الكمان بقي اعلي وبعدها رينا سمعت صراخ عالي والصوت كان من غرفه حليم جريت عليه ولقته واقع ع الأرض وهي جريت عليه وحاولت تفوقه توليا خرجت براحه وراحت للاوضه وصورت المنظر من زاويه تبان أن رينا بتاذيه خلصت ورجعت تاني الاوضه وكملت عزف رينا اتصلت ع الإسعاف وراحت معاه وبلغت ماهر وهو بلغ الكل وراحوا المستشفي .
لما وصلوا لقيوا رينا واقفه مرعوبه وماهر جري عليها.
ماهر: رينا أي اللي حصل خلي ابويا يوصل للمستشفي انطقي.
رينا: ببكاء معرفش ايه اللي حصل هو كان كويس طلب مني عصير عملته وخرجت وبعدين فجاه سمعت صراخه حاولت اساعده واخليه يفوق معرفتش جبته للمستشفي بس هيكون كويس مش تقلق الدكتور هيطمنا .
توليا كانت متابعاها من بعيد وهي بتتكلم بثقه متعرفش أنه كل حاجه هتقلب ضدها ف ثواني .
الدكتور خرج وكان واضح ع ملامحه القلق والتوتر.
ماهر : دكتور طمني هو كويس دلوقتي .
الدكتور: للاسف حالته مش مطمئنه ابدا دي جلطه من النوع الثقيل وبنحاول نسيطر أنه مش تأثر عليه .
ماهر: بصدمه جلطه وبعدين ازاي ده يحصل هو مواظب ع ادويته بانتظام وكمان اكله .
التحاليل أكدت أن الاكل مش فيه حاجه بس العصير كان ف حبوب غلط غير ادويته اللي كنت كاتبها ليه .
توليا : زوجه ابنه اخر واحدة دخلت ليه وهي اللي عملت العصير يا دكتور يعني طبيعي يحصله كده .
الكل اتصدم من كلام توليا ورينا مش مصدقه اللي سمعته وبصت ل ماهر .
رينا: أنا مش عملت كده لا صدقوني أنا مستحيل اعملها ماهر .
ماهر مش عايز يصدق كلام توليا ولسه واثق ف مراته لاخر لحظه يصلهم واتكلم
ماهر
بس أنا مراتي مستحيل تعمل كده فاهمه يا توليا أنا مصدقها هي مش هتاذي ابويا دي بتحبه و لا يمكن تعمل العملة البشعه دي .
توليا : بجد مستحيل تعمل كده وتفسر ده بايه .
طلعت موبايلها وورته الفيديو وماهر و الكل اتصدموا .
ها اي رايك أنا سمعت صوته وهو بيصرخ ورحت جري عليه بس لاقيتها بتعمل كده فيه ع فكرة انت مخدوع و اوي كمان ف واحدة قاتله بينا .
رينا: ماهر أنا والله كنت بنقذه وعمري ما فكرت أاذيه حتي صدقني .
ماهر مش بقي عارف يصدق مين مراته ولا بنت عمه معرفش ياخد قرار ابدا ومشتت وكل اللي بيفكر فيه أبوه وبس .
ماهر: مش هحكم دلوقتي الاول اطمن ع ابويا .
فضلوا وقت طويل مستنيين الدكتور يطمنهم واخيرا خرج .
ماهر: طمني بقالكم كتير جوه قلي ف ايه .
الدكتور : زي ما توقعنا الحبوب كانت ف العصير مش الاكل وده عمله شلل نصفي مش جلطه وده مش هيخليه يتكلم ولا يحرك جزء من جسمه لفترة بعتذر كان نفسي اساعده.
الكل انهار وماهر بالاخص وتوليا كانت متابعه كل حاجه ومبتسمه .
حلو كده هنلجا للخطه التانيه و اللي هتقلب كل حاجه ع رأسهم .
رينا كانت مصدومه ومش مصدقه وتوليا استغلت ده .
توليا: دموع التماسيح وصدمتك دي ملهاش عازة شفت يا ماهر اللي سبت الدنيا كلها عشانها عملت ف عمي ايه لا وعامله نفسها متأثرة وهي السبب عمي هنا بسببك انتي وبس .
رينا: أنا مستحيل أاذيه فاهمه ده زي ابويا ويعتبر مربيني وانا مش ممكن ارتكب الجريمة دي اكيد هو كان تعبان ومش قال .
توليا: بجد تعبان تفسري بايه الحبوب اللي كانت ف العصير انطقي .
رينا: معرفش معنديش فكرة ماهر انت مش مصدق أن اللي عمل كده يكون أنا ارجوك اوعي تصدق ده انا معملهاش .
توليا شدت أيدها بغضب ناحيتها
مش تعمليها انتي بتعملي حاجات غلط من اول ما شفناكي قعدتي معانا غصب قبل الفرح وف الاخر اخدتي مني الشخص اللي بحبه وعلشان تضمني فلوسه حاولتي تقتلي عمي بس أنا مش هسمح بده واحده غريبه زيك مش لازم تكون هنا .
راويه والده ماهر
معاها حق انتي السبب ف وصول حليم هنا انتي ملكيش وجود معانا وغير مرغوبه امشي من هنا مكانش لازم تبقي زوجه ابني من الاول كنت راضيه بتوليا حتي لو كانت لسانها سليط شويه بس ع الأقل مش هتعمل كده ف الراجل اللي رباها بعد وفاه قدري ابوها .
رينا: انتوا مخدوعين ع فكرة وانا مش عملت كده ماهر اتكلم وقولهم مش أنا ااااه.
كملتش كلامها وتلقت صفعه قويه ووقعت بسببها ع الأرض وبصتله بصدمه .
رينا
مش تصدقها ارجوك طيب اسئل جنه الخدامه هي كانت موجودة اسئلها وبعدين اعمل فيا ما بدالك .
سحبها من دراعها بقسوة وطلعت معاه ف العربيه كانت خايفه تتكلم معاه مقدرتش تنطق بكلمه كان سائق بسرعه زي المجنون وصلوا البيت ودخل بيها وهو ماسك دراعها بقوة ونادي ع جنه .
ماهر: جنه تعالي هنا بسرعه .
جت بنت ف منتصف العشرينات جري عليه بخوف شديد.
جنه: نعم يا ماهر بيه .
ماهر: انتي كنتي مع مراتي وهي بتعمل العصير للبيه الكبير انطقي.
جنه: بتردد وخوف ل لا يا بيه محدش من الشغالين كان موجود .
رينا بصتلها بعدم تصديق وماهر بصلها بصه مطوله .