عند أيوب كان قاعد متغاظ من يوسف وهيولع فيه
يوسف ببرود قال
يوسف
بطل تبصلي بعينك الملونه دى هتخليني اطرش كوباية القهوه اللى انا مش عارف اتهنى عليها دى
ايوب بغيظ قال
ايوب
انت عارف أنه مش كويس ومع ذلك وافقت تدخله يشوفها أفرض عمل حاجه فيها بجد مش هيحصلك كويس مني
يوسف فتح فى الضحك وقال
يوسف
عارف مشكلتى معاك إيه انك متربي حاسس انك مسؤول منى يعنى الواد صايع ابن لذينه وانت ملقتش تعبير أدق يوصف وساخته غير أنه مش كويس مكدبتش لما قولت أنك نقي يا ايوب يمكن عشان كدا علاقتي معاك مكمله أهو دا أدق مثال على النار والميه
ايوب مسك علبة المناديل بغيظ وحدفها عليها وقال
ايوب
بقا انا قاعد على نار وانت عمال تهزر انت معندكش دم يلا
يوسف طلع منديل من العلبه وبيمسح بوقه وببرود قال
يوسف
تسلم يا ذوق كنت عاوز مناديل فعلاً مش بقولك متربي عشر مرات
وكمل كلامه بمكر مش عارف انت قاعد بتغلى ليه واحد ومراته قاعدين مع بعض اكيد بيفكر يحسن النسل
عند عماد كان قاعد مع نادين
عماد
مكنتش اعرف انك بتحبيني اوى كدا لدرجة أنك تنتحرى ومسك ايديها وباسها وانا كمان بحبك يا نادين
وفى ثوانى ضحك بسخرية
وقال بحبك عشان انتى كارت اليانصيب بتاعى دلوقتي بتمنى موتك عشان اورثك واخد الشقه وبص على جهاز رسم القلب وقعد يلعب فيه وقفل جهاز الأكسجين وقال سورى يا نادو بس البقاء للاقوى
يوسف من وراه قال
يوسف
كنت عارف والله إن ديل الكلب عمره ما هيتعدل دا انت ليلة إلى جابوك فراخ محشيه واقولك بيحشوها منين ولا تخليها فى سرك وتطلق العنان لدماغك تتخيل
ايوب جري بسرعه ووصل الاجهزه بجسم نادين وبغيظ ضرب عماد بالبوكس وقال
ايوب
هحبسك يا عماد والله ما هسيبك انت معندكش دم عاوز تخلص عليها
يوسف زق ايوب ومسك عماد وقال
يوسف
مش بقول متربي عشر مرات تعلالى يا روح امك انا من نفس عينتك الزباله دى هناخد وندى مع بعض
ايوب
اطلعي يا هنا خلاص مهمتك خلصت هاتى التسجيل اللى عملتيه عشان المعفن دا يتحبس
هنا طلعت من ورا السرير بتاع نادين وبصت على عماد بغيظ وقالت
هنا
تعرف انى كفرت عن ذنبي لما اتفقت معاهم اوقعك وقبلها لما اقنعت نادين مش تسحب الفلوس اللى انت بتتعاطى بيها
وبعدها سلموا عماد لامن المستشفي
يوسف بص على هنا وببرود قال
يوسف
خلاص يا ملاك يا بريئه ياللى طول عمرك ملاك ممكن يدخل على ايوب الغلبان بس انا شوارعي وعارف النوعية دى فلو فاكره انك هتاخدى اللقطه تبقي غلطانه ورينى بقا كعب الغزال وجمال خطوتك أصل حرام أشرح الجثه الجميله دى
هنا قربت من ايوب وقالت
هنا
ايوب انا
يوسف وقف بينهم وقال
يوسف
ما يلا يا مزه ورينا عرض كتافك وبطلى سهوكه عشان بقرف اتكلى على الله وانتى على رجلك بدل ما تطلعي على نقاله
هنا بصتله بغيظ ومشيت وهى متعصبه
يوسف من وراها قال
يوسف
براحه يا قلبي عشان مش تقعي تتكسري وتتعورى واوا وانا بحب هيفاء وهبي اوى وهى بتقول ابوس الواوا بس انا هوأدهالك
عماد بغيظ مسك المشرط وقرب من يوسف عاوز يعوره يوسف ضربه بالشلوط
يوسف
كدا يا عمده عاوز تعورني أديك مبقتش نافع لا عماد ولا عامود حتى تعالى يا حيلتها هنرقص دانس بل روح امك
ايوب
يطلقها الاول يا يوسف هو كدا كدا مش عاوزها غير عشان تصرف عليه راجل اوى
عماد بحقد قال
عماد
ومين قالك أنها لسه على زمتى انا مطلقها غيابي من فتره أصلا هى دى خلقه حد يعيش معاها
ايوب بذهول قال
ايوب
مطلقها غيابي وعايش معاها فى نفس المكان قد ايه انت واحد معندكش قلب ولا دين
يوسف بسخرية قال
يوسف
اركن انت بس على جنب ناقص تقوله ليه كدا يا نوتى مفيش بنبونى
وكمل بتوعد انا هخليه يعملها على نفسه ونمبر تو كمان وشد عماد وطلع بيه برا وقبل ما يقفل الباب غمز ل أيوب وقال فضيتلك الملعب يا مولانا متنساش تدعيلنا معاك بقا وسابه وطلع
ايوب راح يطمن على نادين وقعد على الكرسي وقال
ايوب
تعرفي أن القميص إلى انتى بهدلتيه محتفظ بيه لحد دلوقتي مش غسلته عشان الالوان اللى وقعتيها بعشوائية تفضل عليه وكمل كلامه بهمس محبتش حد يلمس القميص بعدك
قطع كلامه تليفونه اللى رن
ايوب
تصدقي نسيتك خالص انتى والبنت إلى معاكى اوعي تكونى زعقتيلها يا رحمه هعلقك
رحمه بغيظ قالت
رحمه
أزعق لمين قلبك ابيض دى بتاخد حقك منى اللى بعمله فيك بتطلعه عليا بجد الحقني بسرعه مينفعش كده البت دي هتعمل فيا حاجه لو جيت مش لحقتني
ايوب
بس يا مفتريه مش تفترى على البنت دى طفله يا رحمه هتعملى عقلك بعقلها
رحمه بغيظ قالت
رحمه
قسماً بالله يا ايوب لو مجتش ل هغتالها عشان انا دماغى نونوت من الصداع
ايوب بذهول قال
ايوب
يا بنت المجانين طب اصبري هشوف الدنيا عندى واتصرف واجيلك وقفل الخط
رحمه بصت ل فريده وبغرور قالت
رحمه
عليا النعمه خليفة نور الشريف ايه رأيك فى تمثيلي أهو هييجي ياخدنا نشوف ماما
فريده
اتى بتكذبي يا رحمه والكذاب بيروح النار كان ممكن تقولى أننا عاوزين نشوف ماما أو كنتى تخليني أقوله انا بس مش تكذبي انتى كدا نوتى وسابتها ومشيت
رحمه بغباء قالت
رحمه
هو انا المفروض افرح عشان البت دى متربيه عشر مرات ولا ازعل عشان قصفت جبهتى والله اقوم أعضها من لسانها القرده دى
عند أيوب دخل المكتب لقي يوسف قاعد
يوسف
جاى فى ايه المره دى يا ايوب تعالى دوغرى انا مش بتفائل بسكوتك دا
ايوب بحرج قال
ايوب
فريده ورحمه كانو عاوزين يشوفو نادين وانا مش عارف اتحرك ومش واثق فى حد يقعد مع نادين
يوسف قام من مكانه بغيظ وقال
يوسف
ابو معرفتك الفلبينيه اللى جايبها بروح امك ومش عاوز غيارات من البيت بالمره دا انت بنى ادم حلوف وسابه ومشي
أيوب بذهول قال
ايوب
هو شتمنى بجد وفتح فى الضحك وقال شايل كتير اوى والله ربنا يسترها عليه من جنان رحمه
يوسف
حاضر هروح واجبهم ليك لما نشوف اخرتها اي
اروح تغيير هدومي بس
ايوب
ليه كده انا شايف هدومك حلوه اهي
يوسف
انت اكيد بتهزر لا طبعا لازم اغير هدومي
وبعدها راح فعلا علشان يغير هدومه
عند رحمه كانت قاعده مع فريده وحاطين ماسك على وشهم
فريده بغيظ قالت
فريده
ايه السواد دا كله يا رحمه وشي مش باين انتى مش لقيتي الا الماسك دا ما فى الوان تانيه
رحمه بسخرية قالت
رحمه
منا مش بنقي الوان يا قلب أمك انتى مش بتشطبي شقه دا اسمه ماسك الفحم ولسه هتكمل كلامها جرس الباب رن
فريده طلعت تجرى تفتح الباب رحمه مش لحقتها
فريده فتحت الباب وكان يوسف وقالت
فريده
ايه دا انت مين اوعي تكون عمو الشرير اللى بيخطف العيال الصغيرة
يوسف بسخرية قال
يوسف
عمو الشرير ايه بقا بالهباب اللى على وشك دا على ايامى كان بيلعبو بالطين انتى شيلتى الطين وحطتيه على وشك هو انتى تنبأتى بمستقبلك ولقيتيه منور فقولتى تعملى ترشيد استهلاك للنور
رحمه حدفته بمفتاح الأنبوبة وقالت
رحمه
اه يا صعلوك جاى تسرق وتستقوى على اتنين بنات جميلات زينا
يوسف بغيظ قال
يوسف
والله لولا إنك أخت ايوب كنت عجنتك بوش اهلك إلى مليان طين دا
رحمه بذهول
رحمه
انت تعرف ايوب منين معقول بتقرأ الطالع عشان تعمل سحر وأعمال
يوسف بغيظ قال
يوسف
الصبر من عندك يارب اهو دا الماده الخام للغباء وكمل كلامه بشر امسحى الزفت اللى على وشك دا وتعالى عشان تروحى لأخوكى انتى والمفعوصه دى وبدل ما اقرأ الطالع هطلعك انتى برا الدنيا خالص
رحمه بغيظ قالت
رحمه
ما براحه يا عم انت انت بتتخانق مع دبان وشك كدا ليه هوينا بقا لحد ما نلبس خليك واقف على الباب مينفعش تدخل مفيش غير نسوان فى الييت وقفلت الباب فى وشه
يوسف بذهول قال
يوسف
هى قفلت الباب فى وشي بجد
وكمل بتوعد والله لأطلعهم عليك يا ايوب هخليك تستغفر فى اليوم ألف مره وابقي طهقتك فى عيشتك وكسبت ثواب
وبعدها خرجوا ورحمه قالت
رحمه
عندك تكيف في العربيه بتاعتك
يوسف
هو مين اللي قالك اصلا ان عندي عربيه
رحمه
مافيش مشكله بلا اطلب اوبر انا اصلا مش هقدر امشي في الحر ده
وبعدها مسكت ايد فريده وقالت
رحمه
يلا بينا يا قلبي
وبعدها نزلوا ويوسف كله واقف مصدوم وبعدها قال
يوسف
صبرني يارب علي اللي بشوفه في حياتي
عند أيوب كان قاعد مع نادين فى الاوضه وسايب مسافه بينهم
ايوب
تعرفي انى احترفت الرسم عشانك ورسمت لوحات كتير ليكي وكمل كلامه بإحباط انتى مش هتفوقي الا بصدمه حتى فى تعبك عنيده
يوسف من وراه بسخرية قال
يوسف
قال يعنى لما تسيب الباب مفتوح كدا بتتقي الشبهات يخي ربنا يقوى ايمانك
ايوب
فين البنات انت بلعتهم ولا ايه
يوسف بغيظ وسع ل رحمه تدخل هي وفريده وقال
يوسف
مش عاوز اعرفك تانى معرفتك فقر يلا وكمل كلامه بسخرية وبعدين أبلع مين اختك حدفتنى بمفتاح الأنبوبة فاكره نفسها سوبر فتكات يلا يا ولاد المجانين وسابهم ومشي
ايوب بذهول قال
ايوب
انتى عملتى ايه يا بلوه انتى الراجل ماشي يكلم نفسه
رحمه بغباء قالت
رحمه
كنت هفتح دماغه بس كان هياخدله كام غرزه هو مش طباخ السم بيدوقه ولا ايه لازم تتضامنو مع المرضى عشان تحسو بيهم
ايوب بغيظ قال
ايوب
يا ريته كان شرحك والله كنت هدفعله فلوس الإبر والمشرط اللى كان هيستخدمهم
قطع كلامهم فريده اللى قربت من نادين وقالت
فريده
ماما انتى هتفضلي نايمه كتير ولا ايه انتى مش بتردى عليا ليه
ايوب بغيظ لسع رحمه كشاف على قفاها وقال
ايوب
شايفه يا بلوه الموقف اللى حطتينا فيه وراح قعد على ركبه قدام فريده وقال
ايوب
حبيبتي ماما تعبانه ومحتاجه تنام ايه رايك نطلع ونسيبها ترتاح
فريده زقت ايوب وقربت من نادين بدموع وقالت
فريده
ماما انتى وحشتيني تعرفي انى مكلتش حاجه بقالى كتير ورحمه مش بتعرف تعملى اومليت بيضحك زى بتاعك
رحمه بهمس وذهول قالت
رحمه
يا شيخه يعنى الكداب بيروح النار وانتى هتاخدى جايزه وبغيظ همست جعانه ايه يا مفعوصه اومال مين اللى خلص فلوسي على الييتزا والبرجر دا انا كنت هبيع اعضائي
ايوب قرب من جهاز القلب بذهول وهمس
ايوب
دى بتتجاوب نادين حاسه بينا وبتحاول تقوم وشاور لرحمه تسكت خالص وشاور ل فريده تتكلم
فريده مسكت ايد نادين وقالت
فريده
تعرفي يا ماما أنا كنت قاعده مع رحمه ولقيت اوضه هناك مليانه رسومات كتير اوى ليكي وانتى بتضحكى وشكلك حلو اوى
رحمه بذهول قالت
رحمه
اه يا فتانه أعمل ايه دلوقتي وبصت على ايوب لقته بيبصلها بتوعد
ايوب بتوعد همس
ايوب
موتك على أيدي يا رحمه الكلب انتى
رحمه بغيظ همست
رحمه
وانا مالى يا عم دى عجوزه فى جسم طفله وكملت بخوف اعمل نفسك ميت أعمل نفسك ميت
فريده قربت من نادين وحضنتها وقالت
فريده
تعرفي يا ماما أنا عرفت عمو ايوب اللى بيحبك كانت طنط هنا على طول بتتكلم عنه هو اللى جابك هنا للدكتور وهو كمان اللى رسمك يا ماما كان كاتب اسمه على اللوحه على فكره طنط هنا شريره عشان كدبت عليكي عمو أيوب بيحبك لسه هو كاتب على اللوحه ايوب بيحب نادين بالانجليزي بس انا عرفتها عشان انا شاطره
نادين فتحت عينيها وهمست
نادين
ايوب
ايوب سمعها وفرح أنها فاقت وهمس
ايوب
يا صبر أيوب
رحمه بذهول همست
رحمه
الجو بقا ريحته رومانسيه كدا ليه انا جزعت
يوسف من وراها قال
يوسف
عشان انتى مشكوك في امرك مش عارف انتى من سلالة البشر ولا الحيوانات اوعى كتك وكسه
ايوب بص على يوسف وقال
ايوب
فاقت صح أنا مش بحلم انا سمعتها بتنادى عليا
يوسف بغيظ قال
يوسف
اوعي يا عم النحنوح ما هي مفنجله عينيها اهى زى مصاصين الدماء هتفضل متنح كدا هخبطك بجهاز الضغط أرقدك جنبها
ايوب وقف جنب رحمه اللى قرصته من دراعه وقالت
رحمه
فوق انت مش بتحلم اكيد مش انا وانت مع بعض في نفس الحلم
ايوب بصلها بتوعد وقال
ايوب
والله لأعلقك من رموشك في المنشر على التسييحه دى بس الصبر
يوسف اطمن على نادين وبسخريه قال
يوسف
لو فكرتي تنتحرى مره تانيه ابقي اخلطى مية نار على كلوريد الصوديوم هتصعد الروح إلى خالقها بدون مرمطه وقلة قيمه كتك القرف قرفتينا معاكى وسابهم ومشي
نادين بذهول قالت
نادين
مين اللى دماغه طاقه دى هو انا دخلت العباسية ولا ايه يخربيت الجنان
عدى ٣ شهور على الأحداث دى ونادين كانت قاعده فى شقتها مع رحمه
رحمه بغيظ قالت
رحمه
انا قولت عاوزه محشي كوسه وبتنجان انتى عامله ورق عنب ليه هو حد قالك تجودى من عندك
نادين بغيظ خبطتها على راسها وقالت
نادين
مالك يا سوسه انتى ما تطفحى وانتى ساكته مالك قالبه على الحموات العقارب كدا ليه
رحمه بمكر قالت
رحمه
ولما انتى مهتمه اوى بالتفاصيل اللى بيحبها منشفه ريقه معاكى ليه هو عشان اسمه ايوب قولتى تختبريه في اسمه
نادين بتنهيده قالت
نادين
الدنيا داست عليا اوى يا رحمه مبقتش زى زمان وكملت كلامها بوجع بقيت بقايا انسان انا تم استنزافي بشكل كبير
ايوب من وراها قال
ايوب
وانا موجود عشان اشحن طاقتك من جديد لو هقلل من طاقتى عشان انتى تنورى فداكى حياتى كلها يا صبر أيوب
رحمه بغرور قالت
رحمه
انا محبش اكون عزول انا هروح أشوف البت فريده فين نلعب انا وهي وسابتهم ومشيت
ايوب قعد جنب نادين وقال
ايوب
ال ٣ شهور اللى استنيتك فيهم عشان عدتك تخلص اصعب من السبع سنين إلى فاتو اخيرا هتبقي حلالى
نادين بتوتر قالت
نادين
ايوب انت تستاهل حد أحسن منى تستاهل واحده تكون انت اول واحد فى حياتها انا كدا هظلمك معايا انا طالعه من تجربه أذتنى نفسياً
ايوب
تعرفي انك رجعتيني اذاكر من تانى وذاكرت كل كتب علم النفس عشان أكسب نفسك قبل ما اكسبك وشدها ودخل اوضتها اللى غير ديكورها تماما عشان نفسيتها
نادين بذهول قالت
نادين
انت اللى راسم كل اللوحات دى وشهقت بذهول وقالت دى نفس درجة اللون اللى علمتهالى فى الجامعه لون السما وقت الغروب
ايوب قعدها على السرير وقعد جنبها وبص فى عيونها وقال
ايوب
اتعلمت كل حاجه انتى بتحبيها وحبيت كل حاجه عشان انتى بتحبيها متخيله حبي ليكي واصل لفين وطلع سلسله من جيبه منقوش عليها يا صبر أيوب
نادين بذهول قالت
نادين
دى عشانى انا يا ايوب
ايوب
دى عشانك يا صبر أيوب والله انى متيم في حبك ومش عاوز قربك غير فى الحلال تقبلي نكمل رحلتنا مع بعض
نادين بدموع قالت
نادين
انت عوض كبير من ربنا يا ايوب انا بحبك اوى كنت فاكره لما فوقت من الغيبوبة انى نطقت أسمك من البنج بس طلع قلبي بيحن للى صبر السنين دى كلها عشان يبقي معاه
ايوب بصلها بحب فاض بيه وقال
ايوب
والله إن حروف اللغه العربيه كلها ما تكفي انى اوصفلك حبي فى جمله وبعد السنين دى كلها أخيراً فاز قلبي بيكي يا صبر ايوب
تمت بحمد الله