وقبل ما نبدا الحكايه اعرفكم بنفسي أنا
منال متجوزه وعندي 33سنه ويوم صحيت علي تلفون امي وبتقول
الام
الحقني يا منال بسرعه ابوكي يا بنتي مش
عايز يرد عليا وانا قومت وبعدها جوزي عماد
صحي وقال
عماد
رايحه فين يا غندوره في نص الليل كده
منال
قوم اللبس بسرعه ماما بتقول ان بابا تعبان
ولازم اروح اشوفه
عماد
مهو كل كام يوم ابوكي لازم يعمل المسلسل
ده علينا تعالي نامي بكره هيبقي كويس
منال
هو انت اي مافيش دم خالص بقولك بابا
تعبان وماما لوحدها في الشقه مش هتعرف
تعمل حاجه ليه
عماد
ليها ابن راجل يقدر يتصرف قولت تعالي
نامي مافيش خروج والا لو خرجتي من البيت
ده ورقتك هتجيلك
منال
ياريت بلاش تتأخر عليا بيها وبعدها لبست وروحا
ولقيت اختي وفاء قاعده عامله تعيط
منال
فيه اي يا وفاء انتي يا حبيبتي بتبشري
عليه ولا اي امسحي دموعك امال
وفاء
ادخلي شوفي بابا هو عامل يسأل عليكي
وعلي اخوكي مصطفي
منال
طيب اتصلي ب مصطفي امال لحد ما ادخل
اشوف ابوكي وبعدها دخلت
منال
اي يا حاج فيه اي هو انت كل مره تخضيني
عليك كده حرام عليك بقي تعب الأعصاب
ده
الاب
شكلها النهايه يا بنتي عايزك تخلي بالك من
اختك وفاء وانا كده كده كتبت لكل واحده
فيكم اللي يريحك ضميري
منال
اي الكلام ده يا حاج بالله عليك بلاش الكلام
اللي يوجع القلب ده امال بكره باذن الله
هتكون كويس والله
الاب
معقول اخوكي مش عايز يجي يشوفني برضه
بجد مش عارف هو جاب القلب الجامد ده منين
منال
بكره يتغير يا بابا معلش انا هخرج اتصل بيه
وبعدها خرجت وكلمت مصطفي
مصطفي
اي مش قادره علي تمن الكفن تحبي
اجي اجيبه
منال
هو انت ازاي بارد كده حرام عليك ابوك تعبان
ونفسه يشوفك
مصطفي
كفايه انتي وحمامه السلام التانيه جنبه
هاجي اعمل اي بقولك اي ابوكي ده خلاص
مبقاش يهمني في حاجه
منال
حرام عليك بس اعرف ان عندك صبيان
وكاس وداير وبكره لازم تدوق من نفس
الكاس والله وقفلت معاه وجت ماما
الام
هو انتي فاكره يابنتي أن اخوكي هيحس
علي دمه ويجي منه لله والله
منال
المهم بلاش كلامك ده قدام بابا علشان
مش عايزه يتعب بالله عليكي انا هنزل اجيب
دكتور واجي وبعدها نزلت وجيت ولقيت
وفاء عامله تعيط
وفاء
خلاص ابوكي راح هعمل اي من بعدك
يا ابويا ودي كانت اكتر كلمه تعتبني والله
معقول كل شي راح كده وبعدها كنا
قاعدين وجه المغسل
الام
يابنتي محدش راح جاب الحاجه اللي ابوكي
هيتكفن بيها
وفاء
والله ما قادره امشي حاضر
منال
بقولك اي با ماما انا هنزل معاها اجيب
برضه شويه طلبات مش هنتاخر عليكي
وبعدها مشيت وجه مصطفي وكانو
الناس قاعدين وماما قامت وقفت وقالت
الام
فيك الخير جيت بعد ما كل حاجه خلاص
راحت عملنا فيك اي يابني علشان تعمل
فينا كل ده
مصطفي
تعالي لا امي عايزك جوا في كلمتين مش هينفع
اتكلم هنا قدام الناس وبعدها اخد
ماما ودخل وقفل الاوضه
الام
انت بتعمل اي اوعي الناس قاعده برا خليني
اخرج ليهم
مصطفي
بقولك اي امضي علي الورقه دي بدل والله
ما يكون واحد بس اللي خارج من البيت اخليهم
4
الام
اخس والف اخس علشان كده انت جيت حرام
عليك هو انت اي معدوم القلب والضمير
مصطفي
بقولك اي امضي خلصني انا مش عايز
رغي كتير وبعدها فعلا ماما كانت خايفه علينا
ومضيت
مصطفي
شاطره بقولك اي بقي فين بناتك الحلوين
علشان يمضوا هما كمان
الام
ابوك رايح جوا مش واخد معاه الا عمله
الصالح افتكر يابني أن ليك يوم
مصطفي
حاضر وأنا قاعد علي البيسين هفتكر
اليوم ده اخلصي بقي وفي الوقت ده كنت
جيت انا ووفاء
منال
ماما هو انتي في الاوضه
بتعملي اي تعالي شوفي بابا احنا ادينا المغسل
الحاجه تعالي تقف معاه وبعدها فتح مصطفي
الباب وقربت وفاء وقالت
وفاء
انت بتعمل ايه في الاوضه مع ماما وهي فين
مصطفي
اصل انا لقيت ماما دايخه شويه جبتها هنا ادخلي انتي ومنال ليها بسرعه وبعدها
دخلنا
منال
مالك يا ماما عماله تعيطي ليه هو انت عملت لماما ايه
مصطفي
اسمعي حلوه منك ليها بقى انتم عارفيني انا عامل ازاي كل واحده فيكم هترضي على الورقه دي بالذوق ولا امضيكم بالعافيه
منال
حسبي الله ونعم الوكيل فيك انت ايه يا اخي حرام عليك
مصطفي
يلا يا حلوه بسرعه عندي علشان خاطر تقدري تقفي على غسل ابوكي وفعلا مضينا
وبعدها مشي وماما في العزا
الجاره
ام مصطفى هو مش مصطفى اللي كان معاكي في الاوضه ده هو خد بعض ومشي ليه ، وفي الوقت ده ماما فضلت تعيط وقالت
الام
راح يا حبيبتي يجهز المقابر بتاعتنا اللي في البلد اخواته هنا هيقوموا بالليله كلها وبعدها
اخدنا ماما واللي كان معانا هشام جوز وفاء
وفي فيلا مصطفي كان قاعد ونانسي مراته
جنبه
مصطفي
مش قادر اصدق ان انا اخذت كل حاجه كمان هكلم بقى سليمان اللي عايز يشتري بيت ابويا علشان خاطر اعرفه ان البيت بقى باسمي
نانسي
هو انا ملاحظه انك ناسيني خالص كده ده انا صاحبه الفكره انك تروح ساعه العزا وتعمل الكلام ده
مصطفي
عيب عليكي يا حبيبتي هو انا اقدر انساكي ابدا ده انتي تاخدي عيوني والله
نانسي
هو اللي انا مستغربه له بس ابوك ازاي معاه الفلوس اللي انت بتقول عليها دي كلها وكان قاعد في البيت القديم ده
مصطفي
بيت ابوه بقى يا ستي ومكانش عايز يسيبه ناس دماغها فاضيه والله
نانسي
طيب وانت هتعمل ايه مع امك اكيد مش هترضى تسيب بيت جوزها
مصطفي
وهو الورق اللي معايا ده بيلعب ولا ايه انا مضيت كل واحده فيهم ان هي باعت ليا املاكها بيع وشراء واستلم الفلوس وهروح دلوقتي للمحامي علشان يبدا يتصرف بقى
نانسي
هو انا بحبك من شيء شويه ده انت دماغك دي ايه الماظ وبعدها نزل مازن ابن مصطفي
واللي عندة 19سنه
مازن
بابا انا عزمت كل اصحابي ان احنا نروح نقعد في الفيلا بتاعتنا اللي في مارينا اسبوع
مصطفي
يا حبيبي انت تعمل اللي انت عايزه فاضل مفاتيح وخد السواق وخليه يوديك بيبقى يرجعك
مازن
ربنا يخليك يا بابا بس خلي ماما تديني الفيزا لانها واخداها مني ومش راضيه تخليني اخدها
نانسي
ابنك مش فالح الا في الخروج وبس مش
بيشوف مذاكرته خالص وانا مش معاك في اللي انت بتعمله معايا ده مش كل حاجه يطلبها يلاقيها
مصطفي
في ايه يا نانسي ما تبقيش كده هو انا بعمل كل ده عشان خاطر مش عشان خاطر مازن حبيب قلبي وعلشان خاطرك انتي كمان وفي الوقت
ده نزلت شروق وهي عامله تعيط
شروق
بابا هو انت ازاي ما عرفتش بالخبر ده لحد دلوقتي جبته راح وعمته منال منزله خبر
مصطفي
من امتى واحنا بنروح لجدك اصلا عشان خاطر عايزانا نروحله دلوقتي اطلعي اوضتك يا شروق
شروق
يا بابا حرام عليك مهما كانت المشاكل اللي بينك وبينه مينفعش انك تسيبه في وقت زي ده واكيد تيته محتاجه ليك كثير
نانسي
نفسي افهم مين كده مش بابا قالك امشي اطلعي اوضتك وما لكيش دعوه بالحوار ده خالص
مازن
دي اخره ان كانت بتروح عند عمته منال وتقعد تتكلم معاها شفتي يا ماما اكيد هي اللي سخنتها عليكم
نانسي
خلاص انا مش عايزه كلام في الحوار ده وانت اتفضل يلا روح شوف انت رايح فين وبعدها
طلع وفي شقه ماما
الام
تفتكروا يا ولاد اخوك هيعمل اي حاجه ويخرجها من البيت ده انا لو خرجت من البيت ده انا ممكن اروح فيها
وفاء
ابنك بكره بالكتير وهيجي يخرجنا من هنا يا ماما هو انتي مش عارفاه ولا ايه
الام
والنبي يا منال اتصرفي انا خلاص روحي
هتروح مني
منال
والله يا ماما انا مش هقدر اعمل اي حاجه انت عارفه مصطفى كويس قوي وعارفه هو ممكن يعمل فينا ايه اديكي شوفتي اللي حصل
ودخل هشام جوز وفاء
هشام
خلاص الناس كلها مشت وانا حاسبت المقرئ وهنلم الصوان
منال
والله يا هشام انا مش عارفه اشكرك ازاي على اللي انت عملته معانا ده
هشام
عيب يا منال الكلام اللي انتي بتقوليه ده هو انت فاكراه ابوك لوحدك ولا ايه
وفاء
طيب هو احنا هنتصرف ازاي دلوقتي بعد اللي حصل ده يا هشام انت عارف ان ملناش
مكان تاني نروحه
منال
وانا ما كنتش عايزه اتكلم في اي حاجه دلوقتي بس انا خلاص هتطلق من عماد ومش عارفه كده انا هروح فين
الام
سبوها علي الله يا جماعه وباذن الله مش هيحصل حاجه قوموا ننام شويه لأن تعبانه
اوي وفي الوقت ده دخل سليمان
سليمان
والله انا قاعد بيني وبين نفسي عماله افكر اسيبكم يومين ولا اجي اخد البيت دلوقتي بس قلت انتم كده كده عمركم ما تعاملتوا معايا كويس فمش فارقه بقى
هشام
ايه الكلام الفارغ اللي انت بتقوله ده بيت ايه اللي انت جاي تاخده
سليمان
كلامي مش مع حضرتك كلامي معاهم هم هتمشوا بالذوق ولا اجيب قوه تخرجكم من البيت
منال
هو مصطفى ليك انت البيت ده طيب ارجوك يا حاج سليمان انا مستعد ادفع لك الايجار اللي انت عايزه بس بلاش تخرجنا من هنا
سليمان
ايجار مين يا حبيبتي انا كده كده انا كده كده ههد البيت وابني عماره كبيره ابقي تعالي اجري فيها شقه
وفاء
منه لله والله هنروح فين دلوقتي وبعدها ماما راحت عند حمات وفاء وانا روحت البيت
عماد
ايه اللي جابك يا حلوه ايه مستعجله كده على ورقه الطلاق فجايه تاخديها مني ولا اي
منال
انا اسفه ليك يا عماد بس دخلني وخلينا نتكلم الله يخليك مصطفى اخذ مننا كل حاجه
عماد
مش فاهم كلامك وانتي جايه ليا ليه بقى دلوقتي ان شاء الله فاكراني اني هدخلك الشقه دي ثاني
منال
انت كانت كل مشكلتك ان انا بروح لبابا كثير دلوقتي انا خلاص مش هروحله ثاني بس ارجوك دخلني
عماد
موافق بس زي ما كنت بتتنكي قدام امي واخواتي عليا هتنزلي وهتبوسي رجلي قدامهم
وفي الوقت ده انا قولت
يتبع