مراد
امال فين الكيكه اللي كنتي عملاها وانا ارتبكت وقولت
مروه
رميتها في الزباله بتسال عليها ليه
مراد
انتي كنتي حاطه ايه في الكيكه يا مروه انا متاكد ان شيماء راحت بفعل فاعل
مروه
انت ازاي تقول عليا كده يا مراد وانا هعمل كده ليه ده انا حتي جيبت الكيكه عشان ناكل كلنا
مراد
عملتي كده عشان اتجوزك عشان اللي في بطنك يا هانم وعشان اتجوزك قبل ما تتفضحي قربت منه
مروه
اخص عليك ازاي بس تفكر فيا انا كده ده انا لسه صغيره علي اني افكر بالطريقه دي يا مراد وبعدين انا لو كنت عايزه اخلص منها كنت قولت ليها علي اللي حصل بينا جوه في اوضة نومها بس انا ما عملتش كده عشان كنت خايفه علي مشاعرها وفي الوقت ده مراد بعد عنها وقال
مراد
يا سلام هو انتي فاكراني ايه ومدام هو كده انتي جيتي ليه وقولتي انك حامل ما هي كانت هتعرف عيطت وزعقت فيه
مروه
كفايه بقي انت لو مس مصدق كلامي عندك. الدكتور روح اسأله ولو عايزني اطلع الكيكه من الزباله واكل منها ما عنديش مانع
مراد
للاسف الزبال اخد الزباله بتاعت البيت من شويه والا كنت هعمل كده فعلا بس انا هروح للدكتور وهعرف كل حاجه ولو طلع اللي في بالي صح ما فيش حاجه هترحمك مني يا مروه ومشي مراد راح للدكتور
الدكتور
يا استاذ مراد المدام راحت بطريقه طبيعيه ما فيش حاجه فيها صدقني
مراد
انت متاكد يا دكتور اصل انا كنت شاكك انها اكلت حاجه فاسده وهي السبب
الدكتور
حتي لو كانت اتالمت الاول انما هي جالها قضاء ربنا وراحت في وقتها وقف مراد
مراد
تمام يا دكتور انا اسف ازعجتك بعد اذنك ومشي مراد والدكتور طلع فلوس من جرد المكتب وقال
الدكتور
مش مهم هو اللي مغفل
اهو طلعت بسبوبه حلوه
وعند مروه موبيلها رن وكان مراد وردت
ايوه يا مراد
مراد
انزلي انا تحت البيت وعايزك
مروه
طيب في ايه انت عارف انا حامل
ومش هقدر انزل
مراد
انتي هتنزلي ولا اطلع اجيبك انا بطريقه تانيه
مروه
لا خلاص انا جايه اهو والله
استني خمس دقايق بس اغير هدومي ونازله ونزلت مروه بت العربيه وهو مشي
مروه
احنا رايحين فين يا مراد
مراد
انا عرفت من الدكتور ان شيماء راحت عادي وان ما فيش حاجه في الكيكه
مروه
شوفت انت اهو طلعت ظالمني
احنا رايحين فين بقي
مراد
بس انا لازم اتاكد انتي حامل ولا لا يا مروه
مروه
انت لسه بتكدبني حرام عليك بقي يا مراد
مراد
لا مش حرام انا عشت مع واحده اكتر من ١٥ سنه وكانت بتضحك عليا
ومش هسمح لاي حد خلقه ربنا يضحك عليا تاني
مروه
ماشي يا مراد وانا مش بضحك عليك وهروح معاك لاي دكتور عشان تتأكد. وراحو للدكتوره وراحت وكشفت علي مروه
مراد
ها يا دكتوره في حمل ولا ما فيش
الدكتوره
الف مبروك با استاذ مراد المدام فعلا حامل
وكمان حامل وماشيه في تاني شهر
مراد
بجد يعني انا هبقي اب بجد يا دكتوره وقفت مروه
مروه
انا ماشيه يا مراد وشكرا يا دكتوره والله يبارك في حضرتك ومشيت وراح وراها مرت.
مروه وهي بتعيط
اوعي يا مراد انا مش هكلمك تاني خالص
انت بتشك في اي حاجه انا بقولها
مراد
حقك عليا يا حبيبتي انا اسف
وايه رييك انا هصالحك دلوقتي وهخليكي تبقي مراتي
مروه
بجد يا مراد انت هتتجوزني وهبقي مراتك قدام الناس كلها
طيب واهلك هيقولو عليا ايه ما صدقت ابله شيماء تروح واتجوزت جوزها
مراد
احنا ما لناش دعوه بحد
انا هتجوزك وابننا لازم يتربي وسطينا وراحو اتجوزو ورجعو البيت وهو ماسك ايدها ولقي مامته في الشقه
مراد
ايه ده انتي هنا يا ماما خير يا حبيبتي في حاجه
الام
ايوه فيه انت كنت فين مش المفروض انك زعلان علي مراتك بس لا انت عمال تتصرمح مع الست هانم
مراد
لو سمحتي يا ماما اتكلمي مع مروه احسن من كده من النهارده
الام
ما هو ده اللي ناقص علي العموم خليها ترجع شقتها هي مش هينفع تبات عندك بعد ما صاحبة البيت راحت
مروه
لا يا حماتي انا صاحبة البيت مش حد غيري
الام
البنت دي بتقول ايه يا مراد
هو الكلام اللي هي بتقوله بجد
مراد
ايوه يا ماما انا اتجوزت مروه
ومش بس كده هي كمان حامل
الام
امت عبيط يا ابني انت مش بتخلف
اكيد اللي في بطنها مش منك
مروه
اخرسي انتي ايه البي بتقوليه ده
ما تشوف انك يا مراد بتقول علي مراتك ام ابنك ايه
مراد
لا يا ماما انتي فاهمه غلط انا بخلف وشيماء كانت متفقه مع الدكتور يضحكو عليا وفهموني ان انا مش بخلف
الام
بس برضو مش لدرجة انك تتجوز دي يا ابني
مراد
يا امي لو سمحتي بلاش تكلمي مراتي ام ابني كده
الام
انا نازله وسيباها ليك خالص
اما نشوف اخرتها يا ابن بطني معاك
مروه
استني يا حماتي هاتي المفتاح بتاع شقتي اللي معاكي
الام
شايف مراتك يا مراد بتقول ايه
مروه
هكون بقول ايه انا بتكسف وبحب اقعد مع جوزي لوجدنا في شقتنا علي راحتنا البس ليه اللي عايزاه
ومش عايزين حد كل شويه يدخل عندنا كل شويه
مراد
ايوه يا ماما مروه معاها حق لو سمحتي اديها المفتاح
الام
ماشي يا مراد مسيرك يا ابني تندم وتعرف ان الله حق اصل اللي جنبك دي مش بنت حلال دي الحرام بيطق من عينيها ومشيت الام
مروه
شايف امك يا حبيببي انا خايفه قوي منها
مراد
ما تخافيش يا حبيبتي امي مش هتعمل ليكي حاجه دي طيبه واخرها بس تقول كام كلمه وبعدين عشنا مع بعض فتره لحد ما في يوم الباب خبط وفتحت
مروه
كمال انت ايه اللي جابك هنا انت اتجننت ودخل
كمال
لا مش مجنون بس وحشتيني
وعارف اني خالي في الشغل قولت نقعد سوا شويه
مروه
لا يا اخويا دلوقتي انا واحده دلوقتي متجوزه
ومش متجوزه اي حد ده انا متجوزه خالك
كمال
تمم طيب انا همشي دلوقتي بس لما اكلمك في الفون تردي عليا
مروه
طيب بس امشي لحسن جدتك تشوفك
وهي اصلا لوحدها مش طيقاني ومشي كمال وعي دخلت وافتكرت
فلاش باك
كنت قاعده في شقتي والباب خبط وفتحت
مروه
انت اتاخرت ليه انا مكلماك من بدري
كمال
مسافة السكه اهو بعد ما جيت من الكليه
المهم انتي عايزاني في ايه يا مروه
مروه
تعالي ادخل طيب الاول ودخل وقولت ليه اللي عايزاه
كمال
تمام انا ممكن اجيب ليكي تركيبه بتريح علي طول
بس انتي عايزه التركيبه دي ومصممه عليها ليه
مروه
عشان عايزه خالك يبقي جوزي
وده مش هيحصل غير لما اخلص من شيماء
كمال
انا هوافقك بس بشرط اخد المبلغ اللي عايزه
مروه
اللي انت عايزه هديه ليك بس هااخد منك اد ايه وقت
كمال
هتاخد مني بتاع شهر كده لاني ايام امتحانات
المهم برضو لازم نعمل حاجه تانيه الاول والا هقولك لا
مروه
قول عايز ايه وخلصني وقرب مني وقال
كمال
لا مش بتتقال هنا الحاجه الحاجه دي ودخلو جوه وبعد شهر
مروه
بقول ليك اتصرف انا حامل
كمال
وانا اعملك ولا انتي عاوزه مني ايه دلوقتي
مروه
نتجوز خلاص انا مش عايزه خالك انا بس عايزه اكون معاك انت دلوقتي
كمال
مين ده اللي يتجوز يا مروه صلي علي النبي ده انا لسه باخد المصروف من ابويا
مروه
وانا اعمل ايه بقي دلوقتي انا قولت ليك بلاش انت مش سمعت كلامي
كمال
انا عندي حل اللي في بطنك ده يبقي ابن خالي
ونفذي بقي الخطه بتاعتك انا اصلا عملت ليكي التركيبه
مروه
انت مجنون ازاي بس وخالك مش بيخلف
كمال
انا اعرف الدكتور اللي كانو متابعين عنده وهنظبط الدنيا معاه بقرشين ومش بس كده ده كمان الدكتور اللي هيكشف علي مرات خالي بعد ما تروح
مروه
ماشي يا كمال اديني همشي وراك لحد ما نشوف اخرتها
فوقت من تفكيري لما رجع مراد من الشغل وانا قولت ليه
مروه
انت جيت يا حبيبي الحقني شوفت اللي حصل
امك كانت عايزه تيجي تنزل ابننا
مراد
انتي بتقولي ايه امي مستحيل تعمل كده
مروه
لا بقي انا مش هتحمل اقعد هنا
ده انا مش هقعد هنا تاني هو انا مستغنيه
عني ولا عن ابني اللي لسه ما جاش علي الدنيا
مراد
لا يا حبيبتي خلاص انا هوديها عند اختي
بس انتي روقي اعصابك عشان ابننا ونزل خلي حماتي مشيت وبالليل هو كان نايم وانا كلمت كمال
مروه
شوفت عملت ايه في جدتك خليتها مشت
عشان بكره تجيلي بالنهار فاهم
كمال
يا بت انتي بقيتي مرات خالي
هو مش خالي ده اللي كنتي عايزني
مروه
كان زمان لما كان ليك فائده كده
انما دلوقتي نفسي جزعت منه خلاص
كمال
ماشي خلاص بكره هجي ليكي بس بشرط جهزي ليا مبلغ كده محترم
مروه
نعمم وانا هجيب ليك منين
ده المفروض انا اللي اخد منك
كمال
لا انا اللي هاخد والا هروح لخالي واقول ليه كل حاجه حصلت بينا زمش بس كده هقول ليه علي الكيكه واللي عملتيه مع مراته وكمان علي اللي في بطنك اللي هو ابني
مروه
وانت لما تقول كده انا بس اللي هروح في داهيه
انت كمان يا حبيبي رايح معايا في نفس الداهيه
الواد اللي في بطني ده ابنك وانت اللي ساعدتني عشان نرتاح من شيماء
كمال
ولا يفرق معايا انا اهلي هيقفو جنبي وهطلع منها
انما انتي اللي هتروحي في داهيه لوحدك
مروه
ماشي يا كمال هستناك بكره ونشوف ليها حل وقفلت وجوه دخل مراد وبص لموبيله اللي سجل فيه لمروه وهي بتكلم كمال وقال
مراد
انا بقي اللي هوديكي انتي وهو في داهيه
واجيب حق مراتي الست الاصيله المحترمه وتاني يوم جه كمال عند مروه
مروه
امسك ادي الفلوس اهي
بس يكون في علمك انا مش معايا فلوس تاني ليك انت فاهم ولا لا
ولو عايز تتكلم انا هقول انك شريكي في كل حاجه من اول اللي حصل بينا لحد. اللي عملناه في شيماء
كمال
فاهم بس تعالي بقي جوه قبل جوزك ما يجي والباب اتفتح ودخل مرتد ومعاه الشرطه
مراد
بس جوزها جه يا ابن اختي والشرطه كمان سمعت كل حاجه
كمال
انا ماليش دعوه والله هي اللي خطت لكل جاجه
مروه
لا والله هو السبب انو ما اعرفش اعمل التركيبخ اللي اكلت منها شيماء
الظابط
الكلام ده تقولو ه في النيابه هاتوهم يلاا
مراد
استني يا باشا انتي طالق بالتلاته يا مروه وخدهم الظابط
وراح مراد طلع صورته هو وشيماء وعلقها علي الحيطه وقال
مراد
انا اسف يا بنت الاصول انا ظلمتك يا حبيبتي بس انتي اعظم. ست في الدنيا وانا مش هبص لوحده تاني لحد ما اجيلك كفايه
اللي شوفته مع غيرك
تمت بحمد الله