رواية تيك توك حكاية توبه الفصل السادس 6 بقلم محمد منصور
بسم الله توكلت علي الله. وهو رب العرش العظيم
خلصت الحلقة اللي فاتت علي سامح اللي كان مع سعد في مكتبة وسعد كان بيقول له
عرفت انك لسة بتبات في حضن توبه
سامح
مافيش حاجة بتستخبي عنك يا باشا
سعد
طيب كفاية بقي كدة وشوف لك غيرها
سامح
لية بس
سعد
في حد هايدفع لك مهرها مليون جنية
سامح
ويتجوزها هو
سعد
لا. هاتدخل السجن. بقضية شرف
انصدم سامح. وقال
مش فاهم يا باشا تقصد اية
سعد
اسمعني كويس. الراجل الكبير اللي انا شغال معه قرر يدخل مصر كمية كبيرة من اعشاب بتعالج سرطان المعدة وامراض القولون وبتساعد علي التخسيس
سامح
طيب واية علاقة توبه بالحوار دة
سعد
ماهي الاعشاب دي مش بتعالج ولا بتساعد علي التخسيس
سامح
اومال بتعمل اية
سعد
بتضعف جهاز المناعه وبتنشط الخلايا السرطانية. في الجسم. وبتخلي اي فيرس يتحكم في الجسم حتي لو فيرس الانفلونزا
سامح باستغراب
دة كدة ناس كتير هاتموت
سعد
مش بتاعتنا دي. وميخصناش اللي يخصنا بس الكام مليون اللي جايين من وراء الصفقة دي.
سامح
انا معاك. بس برضو ما فهمتش اي دخل توبه بالحكاية دي
سعد
والناس بتموت من الاعشاب. يكون العايش منهم بيرغي في حوار توبه اللي لسة لغاية دلوقتي حكايتها شاغله بال الناس وفضيحتها ركبا التريند وفي اللي شايف انها شمال وفي اللي شايف انها مظلومة. واحنا بقي هنخليهم يشوفها شمال
سامح
بس يا باشا، ،،،
سعد بحدة وهو بيقاطع سامح
اية حبيتها. والله عيب لما عيلة تعرف توقعك كدة
سامح بارتباك.
مش فكرة حب. بس توبه حامل
فيضحك سعد ويقول
كنت فاكرك اذكي من كدة. ازاي واحده زي توبه تبقي ام لعيالك دي بت شمال
سامح
لا. يا سعد باشا البت طيبة وغلبانه واللي حصل كان غصب عنها
سعد بخيث
الله دة انت بقيت المحامي بتاعها كمان . بس دي مش قصتي وعادي انها حامل. خليها تعدي شهور الحمل وتولد وتقوم بالسلامة وتاخد ابنك ولا بنتك في حضنك وهي تروح في الباي باي بس كل دة يتم وهي في السجن. فاهم
سامح
مافيش حل تاني غير ان توبه تتسجن
فيمد سعد ايده ناحية دفتر الشيكات بتاعه اللي علي المكتب ويكتب مبلغ 2 مليون جنية ويقطع الشيك من الدفتر ويحط الشيك قدام سامح ويقول
في دة.
فيبص سامح للشيك والرقم المكتوب في ويطمع بشدة فيقول سعد
ولو قولت لا. هادفع لغيرك. وهاخلي يعملها وبرضو توبه هاتدخل السجن علشان الراجل الكبير ما ينفعش يتقال له لا. ومش هاينفع
فيبص سامح لسعد اللي كانت عيونه مليانه شر ويفكر للحظات فيقول سعد
طالما سكت تبقي معانا. يلا قوم وجهز لبث مباشر وتوبه بتعلن في عن ابليكشن جديد للتعارف بين الشباب والبنات
سامح
والابليكشن دة طبعا شمال. وبعد ما توبه تطلع باعلان عن الابليكشن دة تركب التريند تاني لكن بفضيحة جديدة. وقضية تخص الشرف
سعد
الله ينور عليك. يعجبني فيك انك بتفهم بسرعه علشان كدة هتنجح وتكبر وتبقي الاعلامي الاول في مصر. وخلي بالك احنا الاعلام بتاع القناة بتاعتنا ملهوش قلب. لي بس المصلحة والمصلحة فين ومع مين.،،،،،،
وفي نفس الوقت كان اشرف قاعد علي قهوة في المنطقة عنده وبيشرب كوبية شاي وعقلة وقلبة مشغول بتوبه لغاية ما لمح بالصدفة شاب قاعد جنب منه علي القوة ومشغل مقطع عن اعلامي بيتكلم عن توبه وشاف اشرف صورة توبه فقال للشاب دة واللي اسمه ميدو
هو في اية. يا ميدو وعملت اية البت دي
ميدو
اية يا اشرف انت مش معانا في الدنيا ولا اية. دي توبه اللي اتقفشت مع ابوها في الشقة
اشرف
سمعت قصتها مرة.
ميدو
مرة. دي الدنيا مقلوبه عليها وضربت ابوها حجاج بالجذمة فقعت له عينه
استغرب اشرف اوي وقال
امتي حصل دة كله
ميدو
من شهر ونص تقريبا. انت مش معانا في الدنيا ولااية
اشرف
انا ماليش في النت بتاعكم. انت عارف حوار تعب امي مخليني من هنا لهنا. ما توريني كدة اية الحكاية
وبدأ ميدو يحكي لاشرف الحكاية زي ما جت في النت وعلي التيلفزيون وفي نفس الوقت كان بيفرج ميدو اشرف علي الفيديوهات بتاعت توبه علي التيك توك وجميع مواقع التواصل الاجتماعي واستغرب اوي لما شاف توبه بشعرها وقال
هي قلعت الحجاب امتي
ميدو
اية دة انت تعرفها
اشرف
شوفتها مرة وهي محجبة في اول الحكاية علي النت
ميدو
دي ما طلعتش ولا مرة علي النت بحجاب
اشرف
يمكن انا اتلخبط.
ميدو
انت عارف بقي ان الغريب في حكاية توبه دي. اللي اسمه سامح دة.
اشرف
تقصد اية
ميدو
اصل سامح دة هو اول واحد في النت جاب حكايتها وفضح حجاج ابوها. وبعد كدة لقينا توبه بتقول له. احنا متجوزين. طيب ازاي
اشرف باهتمام شديد
يعني تقصد ان سامح دة بيشتغلها
ميدو
مش عارف بس انا بصراحة مش مرتاح له. ومصدق توبه وحاسس انها مظلومة وان اللي اسمه سامح دة ضحك عليها
اشرف
انت شكلك متابع حكايه توبه دي من الاول
ميدو
وهو انا ورايا حاجة انا قاعد اليوم كله علي النت بحكم السيبر اللي انا شغال في. وبحب اوي الفضايح واقدر افرز اللي بيتقال قدامي دة حقيقة ولا حوار فكسان
ويضحك ميدو فيقول اشرف بجدية
طيب وحياة ابوك بالراحة كدة عليه واحكي لي وفرجني علي كل اللي تعرفه.
ميدو
لية شاغل بالك اوي كدة بالحوار بتاع البت دي. والله شكلك كدة تعرفها
اشرف بارتباك
لا. خالص. بس حوارها شدني
ميدو
ماشي. طيب اسمع يا سيدي. الحكاية بتدات لما سامح دة طلع في لايف علي التيك توك، ،،،،،،،،
وبعدها نص الليل ومن جوة فيلا سامح يقعد سامح علي كرسي من الكراسي وولع حوالي عشر سجاير في اقل من 10 دقايق وعمال يفكر في كل اللي اتقال وفي ايدة الشيك وهنا ظهرت توبه وراحت ناحيته وقعدت قدامه وبصت له وقالت
هو انت مش هتنام ولا اية
بص سامح لتوبه وقال
لا. انا هاروح علشان ابويا وامي بداو يسالو كتير عني ببات فين وبغيب عنهم كتير
توبه
هو انت مش ناوي بقي تعرفهم بجوازنا
سامح
مش وقته يا توبه. مش وقته
توبه
خلاص علي كيفك.
وهنا تقع عين توبه علي الشيك اللي في ايد سامح فتقول له
اية اللي في ايدك دة
سامح وهو بيشيل الشيك في جيبة بسرعه وبيقول
ما تشغليش دماغك. وانا هامشي دلوقتي وبكرة الصبح هاجي لك علشان هاتصوري اعلان
توبه
اعلان اية
سامح
ابليكشن جديد بيعرف الناس علي بعضيهم
توبه
مش فاهمه يعني اية ابليكشن دة
سامح
حاجة كدة عاملة زي الفيس بوك.
توبه
معلش بقي انت عارف اني جاهلة في الحاجات دي
سامح وهو بيبوس ايدها
دي احلي حاجة فيكي انك جاهلة في اله الشر دي. السوشيال ميديا. وهو دة اللي خلاني احبك
توبه وهي بتبوس ايده
ربنا ما يحرمني منك يا سامح دة انت لمتني من الشارع وصونت عرضي ووقفت جنبي في وقت اللي الناس كلها كانو شايفني فاجرة
سامح بحب شديد
انتي احسن من الناس كلها.
وهنا نزلت دموع سامح. فاستغربت توبه وقالت
انت بتعيط لية
سامح وهو بيمسح دموعه وبياخد توبه في حضنه وبيقول
مافيش. انا لازم امشي دلوقتي
وراح سامح ناحية باب الفيلا وتوبه بتبص له باستغراب شديد. وفتح باب الفيلا وشاف قدام منه ابوه فريد وامه مفيده فاستغرب وقال
انتو عرفتو مكاني ازاي
وهنا ظهر سعد وقال له
اية دة هو انت ما كنتش قايل لبابا وماما انك متجوز واحدة شمال
اتصدم سامح وبص لسعد بحرقة شديدة ومال سعد علي سامح وقال له في ودانه
اصل انت حبيتها ودة كان باين اوي عليك فا. ماينفعش اسيب الحب دة يكبر. ولازم يموت او مصالحي انا اللي تموت. مش كدة ولا اية. عموما انا عملت اللي عليه ولازم امشي علشان اللي جاي دي مشاكل عائلية ماينفعش اكون موجود فيها
ومشي سعد وسامح عمال يبص له وهنا سمعوا كلهم صوت مفيدة بتقول لسامح
حصل اية في دماغك. مالقتش غير الواطية دي علشان تتجوزها. دي كانت عايشة مع ابوها في الحرام
وراحت مفيدة بسرعه ناحية توبه وضربتها ومسكتها من شعرها وهي بتقول لها
وقعتي ازاي يا زباله. اكيد سحرتي له
فتبص توبه لسامح اللي كان واقف مصدوم وتقول توبه لسامح
سامح هاتفضل واقف تتفرج علي مراتك وهي بتتهان كدة رد علي امك
وهنا فاق سامح من الصدمة وجري ناحية امه وخلاها تبعد عن توبه وهو بيقول
ماينفعش كدة يا امي
فريد
اية صعبانه عليك بنت الحرام دي. ولا بنت حرام اية دة احنا اللي ولاد حرام
ويبص فريد للفيلا ويقول
لما هي تقعد في فيلا زي دي وتسيب ابوك وامك قاعدين في شقة الرطوبة وكلاها. وكل ما نطلب منك فلوس تقول مافيش مافيش. يبقي احنا اللي ولاد حرام.
سامح
يا بابا دي مش فيلتي دي صاحب القناة ماجرها ليا علشان الشغل
مفيدة
والشغل برضو اجرلك دي علشان تنام في حضنك
وشاورت مفيدة بصباعها ناحية توبه. وعيطت توبه بحرقة وخدت اللي فاضل من كرامتها ومشيت وهنا قال سامح
رايحة فين يا توبه
توبه
ماليش مكان دلوقتي وسطيكم.
فريد
اية ما نشرفش يا صاحبة النسب والحسب
سامح بحدة
ماخلاص بقي يا بابا. سيبوها في حالها
فريد
انت بتشخط فيا. ما تضربني كمان لو عايز
مفيدة
يالا. يا فريد نمشي ابنك مسحور له.
سامح
يا ماما افهم،،،،،،
مفيدة بعصبية
انا مش امك.
وتسيب الفيلا وتخرج وفريد يمشي وراء منها وهو بيقول
اسمع يلا طالما اشتريت الرخيصة دي. يبقي من النهاردة ابوك وامك ماتو اياك اشوف خلقتك في الشقة عندنا فاهم ولا لا.
ويخرج فريد من الفيلا ويقعد سامح علي الكرسي وهو حزين ومش ضايق نفسه ويكسر المرايا اللي قدام منه في برواز. وهنا يرن الموبيل بتاعه ويخرج الموبيل فيلاقي سعد هو اللي بيتصل فاول ما يرد سامح يلاقي سعد بيقول
باين كدة ان بابا وماما خارجين زعلانين من عندك
سامح
ماكنش لي لزوم كل اللي حصل دة. انا معاك مش ضدك
سعد
انت اة معايا. لكن قلبك معها. ودة غلط توبه دي عبارة عن سلم بندوس عليه علشان يطلعنا لفوق. عمرك شوفت حد بيحب السلم لدرجة انه صعبان يدوس عليه.
سامح
بس توبه، ،،،،
سعد بعصبية شديدة
من غير بس. توبه سلم وبكرة تنفذ اللي خد ثمنه
وقفل سعد ،،،،،
وفي نفس الوقت كان لسة ميدو قاعد مع اشرف وميدو بيقول له
وانت هاتعمل اية بعنوان سامح
اشرف
هاروح لتوبه والحقها منه. طالما هو ناوي لها علي الشر زي ما انت بتقول
ميدو
انا ماقولتش انه ناوي علي الشر. انا قولت اني مش مرتاح له وحاسس انه ثعبان كدة وبيستغل توبه
اشرف
وفي شر تاني بعد كل اللي انت قولته دة
ميدو
اشرف في اية مالك هي توبه بس اللي الاعلام بيستغلها ما كله بيستغل كله. ما تريحني بقي وتقولي اشمعني البت دي
اشرف
انا اعرفها يا ميدو وظلمتها وسيبتها في اكتر وقت هي كانت محتاجني في. يعني انا السبب في اي حاجة ممكن تحصل لها
ميدو
طيب مش انا حكيت لك اللي اعرفه احكي لي انت بقي اللي انا ماعرفهوش وانا اساعدك توصل لعنوان سامح. ونساعد البت دي لو فعلا مظلومة
اشرف
هاحكي لك.
ميدو
احكي ما احنا شكلنا مش هانروح النهاردة، ،،،،،
ويطلع النهار وتنزل توبه من اوضتها وتروح ناحية سامح اللي كان نايم وهو قاعد علي الكرسي في مدخل الفيلا وتروح توبه ناحية سامح وتهزه في كتفه فيفتح سامح عيونه ويبص لتوبه اللي كانت بتقول
انت نمت هنا لية.
سامح
مش هاتفرق. اعملي فنجان قهوة وخلينا نسجل الاعلان علشان نخلص
توبه
بس انا ماليش نفس اسجل اي اعلانات بعد اللي حصل امبارح
سامح
اللي حصل دة كان مسيرة يحصل. كبري دماغك
توبه
بس انا مش عايزا اكون السبب في الزعل بينك وبين اهلك
سامح
هانبقي بخير. انسي وروحي اعملي القهوة خليني افوق
وفعلا تعدي ساعه بالظبط وتسجل توبه الاعلان وتشرح تفاصيل الابليكشن وازاي الناس بيتعرفو علي بعض جوة الابليكشن دة وتخلص الاعلان وينتشر الاعلان والناس تستحقر توبه بشدة ويبدا المتعاطف مع حكايتها يقلب عليها وكان ميدو رايح بالموبيل بتاعه ناحية اشرف ويقول له
اتفرج يا سيدي علي توبه واللي عملته
اشرف
اية اللي حصل
ميدو
الهانم اللي انت بتقول عليها محترمه ومظلومة بتعمل اعلان عن تطبيق اقذر منه مافيش
اشرف
تطبيق اية دة
ميدو
تطبيق عبارة عن غرف وكل غرفه بيدخل فيها اثنين ولد وبنت وبيتكلمو فيديو وبيحصل ما بينهم اقذر ما ممكن تتخيلة. وكله بالفلوس
اشرف وهو مصدوم
ازاي توبه تعمل اعلان عن تطبيق زي دة
ميدو
قولي انت بقي. باين عليها يا صاحبي بت مش مظبوطة
اشرف
لا. يا ميدو توبه اللي شوفتها وعرفتها مستحيل تكون كدة. اكيد في حاجة غلط بس لو نعرف نوصل لعنوان سامح
ميدو
ما احنا روحنا الشارع اللي ساكن في ولقينا مش موجود وماحدش يعرف له سكه
اشرف
لازم نعرف له طريق واشوف توبه تاني وافهم منها هي لية عملت اعلان زي دة
ميدو
مع حالك انت بقي انا البت دي ما بقتش اضيق اشوفها طلعت زباله
ومشي ميدو وساب اشرف لوحده غارق في تفكيرة. وعدي كام يوم وكان سامح في الفيلا مع توبه وهو قاعد وهي حطة دماغها علي رجله وكان بيلعب لها في شعرها وساعتها جت له رساله علي الواتس فتحها وكانت من سعد ومكتوب فيها
★ياريت تخرج دلوقتي من الفيلا علشان المشهد اللي جاي ما يهنش عليه تشوفه ★
فكتب له سامح اللي انقبض قلبه
★هو اية اللي هيحصل ★
سعد
★طلع امر من النائب العام بالقبض علي توبه والبوليس هايكون عندك في اي وقت★
وهنا بص سامح لتوبه اللي راحت في النوم علي رجله وشال دماغها بالراحة جدا علشان ماتصحاش وبص لها ونزلت دموعه وقال وهو بيبوسها في خدها
غصب عني انا اصغر منهم بكتير قوي وماقدرش اعمل لك اي حاجة. هاتوحشيني والله العظيم
ولبس هدومة وخرج من الفيلا وماعداش ساعه بالظبط الا وصحيت توبه علي خبط علي باب الفيلا فقامت من النوم وفضلت تنادي علي سامح لكن مافيش رد وراحت ناحية باب الفيلا وفتحته علشان تلاقي قدام منها ظابط واثنين عساكر وقال لها الظابط
انتي توبه حجاج
توبه وهي مفزوعه
اة. انا
الظابط للعساكر اللي معه.
هاتوها
ومسكوها من ذراعتها وتوبه بتصرخ وبتقول
انا عملت اية طيب عملت اية.
وندهت باعلي صوت عندها وقالت
سامح الحق مراتك وابنك من ايديهم يا سامح.،،،،،،،