فاديه / غزل تعالى عوزاكى
غزل / نعم ياماما انتى بخير انا جبت الشهادة و طلعت التالتة على المدرسه
فادية / اقفلى الباب و تعالى جنبى
غزل / حاضر وقفلت باب الاوضة وجت قعدت جنب امها خير ياماما مالك شكلك تعبانه
فادية / خدى الدهب ده و الفلوس دول كمان عوزاكى ديما لابسه بنطلون انا عملت القماشة دى فيها الفلوس و الدهب علقى الحبل فى رقبتك من دلوقت و خبيه تحت هدومك و خلى المبلغ الصغير ده فى جيب البنطلون علشان لو كان نفسك في حاجة و المبلغ ده تمن كفنى اعطيه لخالك علشان الكفن و خرجتى
غزل / وانا هيكون نفسى فى أية انتى معايا بتجيبلى كل حاجة ثم خرجت ايه و كفن أية انا مش فاهمه حاجه
فايدة / انا مش هافضل معاكى انا مسافرة لبعيد اعملى اللى بقولك عليه و تعالى نامى جنبى خلى بالك عمك جابر اكيد هياجى ياخدك تعيشى معاه هو طيب بس عصبى و ماشى ورا كلام خيرية مرأته اواعكى فى يوم تمضى على اى ورقه علشان متضيعيش حقك و ابقى خدى عروستك معاكى لما تحسى بالأمان حطى فيها الفلوس و الدهب هنا و اقفلى السوسته و لبسيها هدومها جدك حنين اوى خليكى جنبه و خلى بالك من خيرية مرأت عمك هى بتكرهنى أنا و ابوكى
غزل / بعياط انا عوزاكى انتى تفضلى معايا مش عوزة حد غيرك و بكت
فادية / خلاص يا بنتى عوزاكى تكونى قوية عمك مش هيسيبك تعيشى عند خالك علشان ورثك و خالك عنده ولاد شباب اخاف عليكى هنا
غزل / عمى عنده ولاد كبار بروضة احنا قاعدين لوحدنا انا و انتى انا هاعملك كل حاجة المهم تفضلي معايا انا محتاجة لوجودك جنبى و معايا
فادية / استوعتك الله يابنتى الذى لا تضيع ودائعه اللهم احفظها وسدد خطاها و ارشدها لطريق الحق و الخير أمين يارب العالمين اشهد ان لا اله الا انت وحدك لا شريك لك وأن محمد عبدك ورسولك و ضغطت على ايد غزل جامد وبدأ الضغط يخف إلى أن سقطت ايدها و ماتت
غزل / ماما مالك وقعدت تهز فيها و تصرخ إلى أن جاء خالها و ولاده و زوجته جرى
منصور / جرى على أخته قعد يقلب فيها وقال البقاء لله
تهانى / غطتها و خرجت غزل برة الاوضة
منصور / هاروح اجيب تصريح الدفن و الكفن و انتى حضرى للغسل و خرج و فى ايد التليفون اتصل بالحاج جابر
الحاج جابر / خير يا منصور ايه الصويت اللى جنبك
منصور / فادية اختى و مرأت اخوك ماتت انا قولت ابلغك
الحاج جابر / انا جاى و معايا الكفن و هنفتح المقبرة علشان تدفن جنب اخويه الغالي دى وصيته
منصور / انا هاجيب الكفن دى اختى
الحاج جابر / دى مرأت اخويه و كله من خيره ده حقها
منصور/ تمام منتظرك
الحاج جابر / وحضر غزل هتاجى معايا خلاص مابقلهاش ليها قاعدة عندكم هى هتقعد مع جدها
منصور / مش المفروض البنت هى اللى تختار
الحاج جابر / خلص الكلام انا جاى و تصريح الدفن معايا
منصور / رجع البيت
تهانى / فين الكفن
منصور / الحاج جابر هيجيبه هو وتصريح الدفن كمان و جهزى هدوم غزل هتروح مع عمها
تهانى / ما كان سابها شوية معانا
منصور / انتى عارفه عادات وتقاليد الصعيد
تهانى / طب و دهب فادية
منصور / حق بنتها يا ام البنات مش عوز اكون ظالم
تهانى / ماشى بكده مش هيكون فى عزاء
منصور / فادية اختى هاعمل العزاء بكرة لما ندفنها و نرجع
تهانى / يامرك ياغزل معدش ليكى حد يحن عليكى بعد موت امك و ابوكى و اخذتها فى حضنها و طبطبت عليها
منصور / ليك رب كريم يا بنتى جهزى ميه الغسل على الكفن ماياجى
تهانى / بقولك روح هات كفن لأختك و لما الحاج جابر ياجى ابقى حطه الكفن اللى هيجيبه فى المسجد
غزل / خد يا خال هات كفن امى و شوف لو محتاج فلوس تانى
منصور / عمك مصمم هو اللى يجيب الكفن
غزل / ده من فلوس امى من معاش بابا الله يرحمه
تهانى / طول عمرك بنت جدعه عمك هياخدك معاه خلى بالك من نفسك
غزل / ماما مفهمانى على كل حاجة
تهانى / اخدتها فى حضنها وطبطبت عليها وبكت معاها كتير على امها اللى كانت ست طيبة طول عمرها شقيانه
منصور / خدى الكفن و ام خالد جت اهة يلا اخلصوا
تهانى / تمام
بعد اربع ساعات جه عربيتين ملاكى و سياره الاسعاف
الحاج جابر / نزل من العربية و فى ايده الكفن اتفضل ياحاج اجهزوا بسرعة علشان نلحق ندفن بدرى
منصور / اخد منه الكفن و قال يلا ياولاد شيلوا الرحمة لعربية الاسعاف
اولاد الحاج منصور مروان و يونس و محمود وسعد خرجوا بجسمان عمتهم و وضعوه فى سيارة الإسعاف
غزل / ركبت جنب امها بدون أن تتكلم أو تسلم على حد
الحاج جابر / تعالى اركبى جنبى
غزل / مردتش عليه فشاف دموعها سكت و رجع لعربيته
منصور / انا هاركب معاها ممكن ام مروان تركب معاكم
الحاج جابر / تحت امرك يلا يا جماعة
غزل / فضلت تبكى طول الطريق
بعد اربع ساعات وصولوا إلى المقابر اللى كان عليها اكتر من الفين شخص غزل نزلت قبل خروج جسمان امها من سيارة الإسعاف و مشت و وقفت عند مقبرة جماعية حيث دفنت امها و بعد ذلك تهانى ببكاء انتى معاكى رقمى ابقى كلمينى على طول
غزل / مش بترد على حد فقد كانت فى عالم اخر زى المغيبه عن الواقع
خيرية / مسكت ايد غزل يلا يابتى البقاء لله وحده يا ام مروان
تهانى / خلى بالك منها دى يتيمة و غلبانه
خيرية / دى بنتى بنت الغالين
منصور / يلا يا ام مروان البقاء لله وحده
الحاج جابر / ولد ياخضر وصل عمك منصور لحد الموقف و حدفله مفتاح عربيته و مسك ايد غزل انتى عند اهلك متعيطيش
غزل / سقطت على الأرض مغمى عليها
خيرية / يالهوووى لتكون ماتت
الحاج جابر / هى هتكون بخير شيل بنت عمك يا عاصم
عاصم / شاب طويل طوله حوالي مترين عريض المنكيين عضلاته بارزه من التيشرت شال غزل و حطها فى العربية يلا علشان دى محتاجة دكتور
الحاج جابر / معاهم ياحاجة و انا هاجى على الصوان
الحاج بدران / كلمت جابر يا ولدي
راضى / اي..............
رواية / حكاية غزل
الفصل ( 2 )
---------------
الحاج جابر / معاهم يا حاجة انا هاجى على الصوان
الحاج بدران / كلمت جابر يا ولدي
راضى / أيوة يا سيدنا هم جاين من المقابر و الست الصغيرة معاهم
الحاج بدران / خد بايدى يا ولدى عاوز احضر عزاء مرأت ابنى
راضى / مينفعش يا سيدنا انت تعبان الحاج جابر منبه عليه انك متخرجش من الاوضة بتاعتك انت لسه خارج من المستشفى امبارح
الحاج بدران / لازم اروح الصوان
راضى / طب خد اشرب العصير ده علشان ضغطك و كان حاطط فى العصير مهدىئ
الحاج بدران / شرب العصير و نام على طول
راضى / جاب الفون وقعد فى البلكونه و قعد يكلم ولاده من فون الحاج بدران
عد تلات ايام العزاء وجه رابع يوم
صباح جديد
غزل / نايمه بصت لقت اللى بيشيل الغطا من عليها قومى كفايكى نوم
غزل / بخضه هو فى ايه يا مرأت عمى
خيرية / قومى حضرى الفطار علشان عندنا شغل كتير
غزل / ما عندك ام سيد خليها تحضرلك الفطار
خيرية / ام السيد راحت تقعد مع بنتها علشان والده انتى هترغى معايا قومى يااختتى اخلصى و بعد كده الساعة 6 تكونى فى المطبخ بتحضرى الفطار مش عوزة اتعصب عليكى
غزل / انا مش هاشتغل خدامة انا عوزة اروح عند خالى
خيرية / بتقولى ايه يا بنت الموكوسة تعالى لما أعلمك الادب و طاااااخ بالبوكس و بالرجل لحد ما خلت غزل قالت ابوس ايدك هاعمل كل المطلوب منى بس ارحميني
خيرية / الفطار يتحضر و المواعين تتغسل و الغسيل يتغسل و الشقة تتروق و الاكل يتعمل ماشى ولا اكمل عليكى
غزل / هاعمل كل حاجة بلاش ضرب و بكت كتير
مر اكتر من سبع شهور على غزل عاشتهم فى زل و بهدله من خيرية و بناتها الثلاثة فيفى و غالية و ثريا وسمية الرابعةمكتتش بتعاملها وحش سمية هى الوحيدة اللى كانت حنينة على غزل
مروان / انتى يازفتة تعالى قلعانى الجزمة و هاتلى الشبشب و بعدين حضريلى الغدا
غزل / حاضر
سمية / و هى تقلعك الحزمة ليه هو انت اتشليت ادخلى المطبخ كملى شغلك مش كفايه أنها شايلة شغل البيت حرام عليكم الرحمة حلوة دى لسه عيلة مكملتش 11 سنة
خيرية / ملكيش صالح يا حضرة المحامى مكنتش بقيت عيلتك
سمية / دى بنت عمى المفروض انها امانه عندنا
خيرية / مهى لو كانت فضلت عند خالها بعيد عننا كنا سبناها فى حالها بشرط تتنازل عن ميراثها إنما بما انها جت فجدك الحنين اكيد بيفكر يورثها علشان كده انا هاخليها تموت من البهدله و القهر
سمية / حسبى الله ونعم الوكيل فيكى انتى و بناتك
خيرية / قعدت تضرب فيها
عاصم / ازيك يا جدى اخبارك
الحاج بدران / انا بخير ياولدى انت اللى عامل ايه
عاصم / الحمد لله على كل حال اهو عايش
الحاج بدران / عاوزك تتزوج وتعيش حياتك وتنسى الماضي
عاصم / طب ازاى بعد موت مرأتى و بنتى و ابنى خلاص نفسى اتكسرت و زهدت الدنيا و بانتظار الموت
الحاج بدران / انا عوزك تتزوج بنت عمك غزل
عاصم / غزل مين د بنتى كانت أكبر منها بسنتين سنين
الحاج بدران / لو ليه عندك خاطر اسمع كلامى
عاصم / ارجوك سبنى فى حالى و فجأة سمعوا صوت صريخ جامد
الحاج بدران / ده صوت صريخ بنت عمك ارحمها من خيرية
عاصم / ساب جده و راح خبط و دخل على المطبخ وجد خيرية ماسكة الكاتل و بتدلق ميه ساخنه على دماغ غزل و غزل بتبكى بصراخ خلاص ابوس رجلك هاعمل كل حاجة
خيرية / انت رايح فين ياابن رسمية
عاصم / مسك اي.........