حل صباح يوم جديد.. وهاهي بطلتنا تستيقظ مبكرا... لتناول الإفطار مع جدها... كما اعتاد كلما تواجدت... في النجع.. ...
اتجهت صفيه.. الى طاوله الإفطار التي كان يجلس عليها..جدها ومجدي وزوجته هبه
صفيه:صباح الخير يا احلى جد في الدنيا كلياتها
قالت هذا وهي تقبل يده َورأسه
حامد:احلى صباح على عيونك ياحبيبتي. اجعدي جاري ياحبيبة جلبي
صفيه:صباح الخير يامجدي.. صباح الخير ياهبه
ليجيب الاثنان في صوت واحد صباح الخير ياصفيه
صفيه:متشكره لكي ياهبه على الي بتعمليه... انا عارفه اني حملتك.. حمل ثقيل.. بموضوع المستشفى الخاص بتاع جدي.. بس مكنتش هأمن لحد على فلوس التبرعات.. غير ليكي..
هبه:بالعكس. ياصفيه انا فرحانه اوي.. بالي بيحصل فعلا البلد كانت محتاجه. مستشفى بالامكانيات دي حتى لو كانت صغيره... وفلوس التبرعات.. فعلا فرقت في حاجات كثير.. انت كمان عملتي مجهود كبير في تصريح البنا..بتاعتها متعرفيش اهل البلد.. بيشكرو. فيكي وبيدعولك ازاي..
صفيه:الفضل الأول والأخير. لجدي. الغالي.. يارب يحفظه لينا.. هي في الأول وفي الاخر فلوسه... انا اقترحت بس.. واهي المستشفى هتخدم.. البلد. والعيله
مجدي:بقيتي. بتتكلمي زي جدي ياصفيه.. هههه.. كل همك العيله...يابنتي ارحمي نفسك انت أصغر وحده فينا... احنا المفروض نشيل همك..
صفيه:ما انا تربيه حامد الجناوي..يعني العيله اولا
حامد:ربنا يكملك بعجلك يابتي.. طول عمرك عاجله.. زي ابوكي..
لاتعرف لماذا اهتز قلبها عندما ذكر والدها... وانها تشبهه... ربما لم تعيش معه فتره طويله ولم ترتوي من حنانه لكنه سيظل فخر لها. كلما ذكر.
انهت.. افطارها.. مع عائلتها واتجهت إلى غرفه المكتب... تراجع قضاياها. وقضايا اهل البلد.. التي تطرح عليها
كانت منهمكه في الكتابه عندما طرق خالد عليها. الباب ودخل المكتب
خالد:صباح الخير.. هنيه قالت انك سألتي عليا
صفيه:قول مساء الخير ياكسلان.. ناموسيتك كحلي...كل دا نوم
خالد:نمت متأخر امبارح....مجاليش نوم
صفيه:وليه مجالكش نوم
خالد:بالي.. مشغول شويه
كانت تكلمه.. وهي منكسه رأسها منشغله في الكتابه لاتنظر له
صفيه:وتستاهل على كده
خالد:هي مين؟
صفيه:الي شاغله بالك تستاهل
خالد:الا تستاهل. دي تستاهل عمري كله..
صفيه:ياسلام.. دا أنت واقع على كده
خالد:وقعه جامده وحياتك
صفيه:وهي واقعه. زيك
خالد : مش شايفاني اصلا
صفيه:ياخيبتك. وكمان من طرف واحد
خالد:قولي يارب. مسيرها.. تحس بيا.. انا عندي امل.
صفيه:سيبنا من سيره حبيبه القلب وخلينا في موضوعنا
ليشرد.. خالد. في تفكيره.. ويخاطب. نفسه.... ااااه ياصفيه لو تعرفي انك حبيبه قلبي....لو كنتي رفعتي عينك وبصيتي في عنيه كونت شفتي ازاي بتقولك بحبك... لينهي شروده.. ويقول
خالد:موضوع اي ياصفيه
صفيه:قمر سليمان
خالد:مش دي الي قتلت جوزها
صفيه :قتل خطأ
خالد:ومين قال..؟
صفيه :انا الي قلت
خالد:لا... لا ياصفيه ارجوكي... بلاش.. هنا.. مش وقت النقاش في الشغل.. انا جاي هنا استريح.. متستغليش اني ابن عمك وماسك القضيه وتقعدي. تتكلمي في الشغل انا جاي هنا عشان ارتاح.. وليكي عندي ياستي.. اول ما نرجع مصر هاعزمك على الغدا و اتناقش معاكي لحد الصبح... ارحميني وارحمي نفسك احنا راجعين بعد بكره استريحي
صفيه:خلاص... خلاص. ياباااي.. محدش يعرف يتكلم معاك.. بس حلوه اعزمك على الغدا اثبت على كلامك
خالد:ههههه. ثابت ماتخافيش.... صفيه كنت.. بفكر..نعين حراسه.. على المكتب.. انت ساعات بتفضلي متأخر هناك. وساعات.. بتباتي في الاوضه اللي في المكتب.. انا خايف عليكي
صفيه.:ليه بتقول كده انت خايف من حاجه
خالد: صفيه.. انت دلوقت بتترافعي في قضايا. كبيره.. خايف حد يتعرضلك...
صفيه:مش المكتب قريب من شقتك
خالد:ايوه
صفيه:خلاص انا مطمنه مدام انت موجود
لاتعلم ماذا احدثت كلماتها به.. اتشعر بالأمان لوجوده.
ياإلهي. اهدئ ياقلبي. ولا تفضحني
خالد:بس انا ساعات بأفضل في القسم.. ومكنش متواجد
صفيه:خلاص يا خالد... متبقاش خواف.. خليها على الله. ..استنى انت فطرت
خالد:شربت قهوه
صفيه:على الريق.. انت مش هتبطل الحكايه دي
خالد:خلاص ياصفيه انا اتعودت.. يلا بقى انا هاروح اشوف جدي مشفتهوش..
صفيه:هو معتز.. موجود انا سمعت صوته
خالد :شفته من شويه
صفيه:ممكن تندهه ياخالد لو سمحت
خالد:انت هتقوليله ياصفيه
صفيه:.معتز لازم يعرف ياخالد.. دا حقه
خالد:خلاص هنده ليكي
بعد قليل.. وصل معتز.. واستأذن منها ودخل المكتب
معتز:صفيه خالد بيجول انك عاوزاني
صفيه:ايوه يا معتز.. ممكن تقعد لو سمحت عاوزه اتكلم معاك في موضوع..
معتز:خير ياصفيه
صفيه: ممكن يامعتز تسمعني للآخر..
لتقص له صفيه...ماحدث منذ يومان في مكتبها
فلاش باك...
ايمان:دكتوره.. صفيه في راجل عاوز يقابلك
صفيه:ماقالش هو مين يا ايمان
ايمان:مقالش يادكتوره
صفيه :خلاص خليه يدخل يا ايمان
رحلت ايمان. لتسمح للرجل بدخول
لتتفاجئ صفيه باخر شخص.. تتوقع رؤيته
صفيه:هشام
هشام:ازيك ياصفيه وحشتيني
صفيه:انا بخير ياهشام انت إزيك وازاي نهله
هشام:الحمد الله... انتو ازيكم وازاي جدي..... ليتحشرج صوته ويقول.. وازاي معتز..
صفيه:ليه عملتو كده ياهشام
هشام:مكانش قدامنا غير كده. مكنتش اقدر اقول لا لقرارت جدك
صفيه:لا ياهشام انت كنت تقدر تقول لا.. لكن انت اخترت الهروب
هشام :النتيجه وحده ياصفيه... كان هيتبرى منا زي ما اتبرى من عاصم.. اوكان هيغصبنا. على الجواز
صفيه:بس انتو كده ظلمتو معتز وجميله
هشام:عندك حق احنا ظلمنا معتز وجميله.. انا عرفت ان جدي جوزهم لبعض... بس ماكنش بأيدي.. حاجه مكنتش هستحمل اشوف حبيبتي في حضن اخويا ياصفيه
صفيه:خلاص ياهشام. الكلام معادش منه فايده.... خلينا في النهارده.. انت ونهله ازيكو.. عاملين اي
هشام:احنا استقرينا في اسكندريه... انا بشتغل في شركه محترمه... ونهله بتشتغل. في مدرسه خاصه.. وحياتنا.. مستقره... لكن احمد يا صفيه..احمد ابني بيضيع. مني ياصفيه ابني بيضيع مني
صفيه:هو اسمه احمد.. ماله الولد ياهشام
هشام:ايوه اسمه احمد عنده ١٠ سنين... وأخوه محمود.. عنده ٨ سنين.. بس احمد عيان جدا ياصفيه.. عنده ثقب في القلب...الدكاتره بيقولو انه مرض وراثي نتيجه ان احنا ولاد عم... لكن هو دلوقت محتاج عمليه.. عشان حالته حرجه.. والوقت مش في صالحنا.. انا خايف. ان الي بيحصل.. بسبب غضب جدي... عليا.. والا زعل معتز مني. ارجوكي ياصفيه. خليهم يسامحوني.. كلمي معتز خليه يسامحني. ارجوكي ياصفيه
لتعود صفيه إلى الحاضر... لتجد وجه معتز الغاضب وعروقه النافره... ليقول لها
معتز:هشام كان جايلك عشان الفلوس مش اكده
لتتلعثم صفيه وتقول
صفيه:اهدى يامعتز خلاص... موضوع الفلوس اتحل
معتز:زي ماتوقعت.. طول عمره اناني ومش بيفكر غير في نفسه.. وموضوع الفلوس اتحل ازاي ياصفيه اتكلمي
صفيه:اهدى يامعتز.. انا دفعت له فلوس العمليه.. ماهو مش معقول يامعتز اشوف ابن عمي في الوضع دا واسكت
معتز:خلاص.. ياصفيه قوليله.. ينسى ان عنده اخ.. انا لامسامحه ولا هسامحه... والكلام دا لو وصل لجدي.. او هشام دخل النجع دا هيكون اخر مابيني وبينك ياصفيه
صفيه:خلاص يا معتز. القرار قرارك هو في الاخر اخوك وانت حر
اخرج.. معتز.. زفيرا.. عاليا.. وتنهد وقال
معتز:استغفر الله... انا اسف يا صفيه لوكنت عليت صوتي عليكي
صفيه :يامعتز انت اخويا.... ويشهد ربي. ان لوكان ليه اخ. ماكنت هخاف عليه.. واعزه زيك
معتز:متشكر ياصفيه َانا كمان بعتبرك زي اختي
صفيه :خلاص.. يبقى مدام بتخاف على زعلي.. ممكن تسمعني في الكلام الي هقوله
معتز:خير ياصفيه فيه اي
صفيه :جميله
معتز:مالها جميله فيها أي.. اشتكتلك من حاجه
صفيه :وهي لازم تشتكي يامعتز.. ما انا شايفه بعيني.. جميله بتذبل سنه وره التانيه... مش هي دي جميله بنت عمي الي كانت ظحكتها بتملئ المكان.. كأن روحها اطفت
ارجوك يامعتز... جميله ملهاش ذنب في الماضي هي كمان اتظلمت
معتز:وانا ياصفيه متظلمتش.. لما اخويا يهرب مع بنت عمي الي هي المفروض عروستي... يوم فرحي.. واتجبر ان اتجوز اختها.. عارفه يعني اي اتجوز اختها. اخت... حب
ليصمت وتمتلئ عينيه بالدموع المتحجره
عارفه حصل بيا اي عارفه كرامتي حصل بيها اي. انا جرحي بينزف ياصفيه وانا مش عارف اتكلم
صفيه:والله عارفه الكلام دا يامعتز... وحقك في كل الكلام الي قلته.. لكن انا مش طالبه منك غير حاجه واحده بس.. تبص لجميله بنظره ثانيه. مش نظره بنت عمك الي اتغصبت عليها.. لا نظره زوجه وشريكه عمر.... جميله بتحبك يامعتز صدقني
معتز.:عارف انها بتحبني
صفيه:لا يامعتز. مش عارف. جميله بتحبك من قبل ماجدي. يكتبها باسم هشام.... يعني زي ما انت نهله. خانتك وهربت مع هشام. جميله كمان الي بتحبه خانها.. لكن الفرق خانها وهو معا.. وجنبها..
هز كلام صفيه. معتز.. ايعقل انها تحبه هو منذ زمن.... لم تكن مجبره.. مثله.. خانها.. نعم خانها. وهو معها. حتى لو كانت خيانته فكريه فقط.. لكنه خائن.. ترك معتز صفيه... وهرب كعادته إلى الحقول.. يختلي بنفسه ويفكر في كلامها
اما صفيه فخرجت متجهه إلى المطبخ حيث.. داده. نعمه تلك المرأه التي تحبها وشاركت جدتها في تربيتها
صفيه:نعمتي الجميله عامله.اي. قالت هذا وهي تقبل وجنتها
نعمه:حبيبت جلبي.. كيفك ياجلبي
صفيه:تعبانه جوي يانعمتي
نعمه:ليه ياحبه عيني كفالله الشر
صفيه:مش عارفه كيف هسيبك تروحي الفيوم
نعمه :غصب عني يابتي.. مسعد ابني بيلح عليه عشان اروح الفيوم
صفيه :طب هنام انا في حضن مين.. ومين هيعملي الرز بلبن.. الي بحبه
نعمه:طب والله بت حلال.. انا عملتلك رزبلبن
صفيه:طب هو فينه.. خليني اكل. دا واحشني..و من ايدك الحلوين.... وفعلا بدأت تاكل... بنهم... عندما سمعت صوت خالد...
خالد:ياخينه بتاكلي رز بلبن لوحدك
نعمه:تعاله يابني انا عملت حسابك حاكم عرفاك بتحبه
خالد :لا انا عاوز اكل من بتاع صفيه
صفيه:اي دا.. مافي يااخي. ليك كمان. والا الكعكه بأيد اليتيم عجبه
خالد :مليش دعو انا عاوز من طبقك وعاوز تاكليني بأيدك كمان
صفيه:ليه ياخويه عيل اياك
خالد:مليش دعوه مش ماشي الا لما تأكليني
صفيه :طب تعاله يازنان..... لتطعمه. من طبقها كما كانت تفعل عندما كان صغير
اماهو فقد.. أغلق عيناه متلذذ.. بطعم الرز بلبن الذي زادت حلاوته... لانه من يدها.. وفي ملعقه. لامست شفتيها.. قبل شفتيه..بدا ياكل وهو يتخيل طعم شفتيها.. ممزوجه. بالحلوى ام هي ما زادت الحلوى جمالا... ليفيق من هذا الهيام على صوت الخادمه هنيه وهي تقول
هنيه:دكتوره صفيه.. حاتم. العزيزي بره وعاوز يشوفك