رواية القاسي والبريئه الفصل التاسع والاربعون49 بقلم ايمان ابراهيم

جاسر قام مفزوع على صوت الخبط وهديه اتخضت وقالتله ايه يا جاسر حريقة ايه ياخرااااابى ياخرااابى والبنات صحيوا مفزوغين وراحوا لهديه فى ايه يا ماما ايه الزعيق ده بابا ماله جاسر اتعصب وقالهم بس مش عايز اسمع صوت روحوا على اوضتكوا هديه روحى معاهم وخليكى معاهم واوعى تتحركى انا رايح اشوف فى ايه ونزل جرى وكان فعلا فى جزء من الارض بيتحرق وكانوا الرجاله اتلموا وبيطفوا فيها وفضلوا كده لحد ما الفجر طلع عليهم وكانوا طفوها الحمدلله  واحمد اخو  جاسر برضه كان معاهم وهند كانت مع البنات وهديه عشان ميبقاش فى حد لوحده وكانت هديه بطمنهم وقالت لهند متخافيش يا هند خير ان شاء الله قالتلها يارب يا هديه ده احنا دمنا نشف واحمد قام مفزوع  يارب يرجعوا بالسلامة يارب بقالهم كتيير هديه قالتلها ان شاء يرجعوا بالسلامة انا هقوم اجيب اى حاجه تاكلوها النهار قرب يطلع هند قالتلها هو حد هيقدر ياكل حاجه قالتلها لا مينفعش الاولاد زمبهم ايه حتى عشان يتشغلوا شويه وميخافوش كفايه الخضه اللى قاموا عليها وهند قالتلها طيب استنى هاجى اساعدك وسابت الاولاد يلعبوا مع بعض .

جاسر واحمد كان حيلهم اتهد وعقبال ما المطافى جت واسامة عرف طبعا لانه معين حراسه متخفيه واتبلغ فورا وهو اللى طلب المطافى لان ظهوره ممكن يبوظ كل حاجه لانه كان متاكد ان قاسم ورا الحريقة دى وهيبقى ليه عيون بتنقل كل حاجه فعشان كده اسامة مجاش بس طلب المطافى فورا والحمد لله لحقوا قبل ما النار تمسك فى باقى الارض وتوصل للجذور وتبوظ كل حاجه .

بعد ما طفوا الحريقة كان لازم طبعا يتعمل محضر واسامة كان مجهز كل حاجه والمحضر اتعمل والتحقيق هيتكتب فيه ضد مجهول وجاسر قال انه ملوش اعداء وانه مش بيتهم اى حد واتقفل المحضر على كده ورجع البيت وكانت هديه قلقانه هى وهند وجاسر مقلش حتى لاخوه على قاسم ده عشان محبش انه يعرضه للخطر بس طبعا هو خايف على اهله كلهم من قاسم ده ولما روح هديه وهند قالوا حمدالله على السلامة انتوا كويسين وطبعا جاسر كان على اخره وتعبان جدا واحمد كمان وسالوهم ايه اللى حصل جاسر قال امر الله قدر الله وما شاء فعل تلاقى حد رمى حاجه وهو ماشي ولعت فى الارض بس الحمد لله النار مطالتش كتيير خسارة بسيطة احمد قال الحمد لله قدر ولطف المهم محدش جراله حاجه يلا يا هند نروح عايز اخد دش وارتاح احسن خلاص رجلى مش شايلانى وهند سلمت على هديه وشكرتها على كل اللى عملته ومشيت مع احمد وجاسر قال مع السلامة يا احمد هبقى اكلمك اطمن عليك بس هسيبك ترتاح وهو كمان قال لهديه انا كمان هروح اخد دش عشان ارتاح شويه هديه قالتله انت مش عايز تقولى حاجه قالها حاجه ايه قالته معرفش بس قلبى مش مستريح عصبيتك والقلق اللى فى عينك اللى مش عارف تخبيه مهما حاولت ودلوقتى حريقة كل ده عادى انا متاكده ان فى حاجه وانت مخبى عليا 🥹🥹🥹  فى ايه من حقى اعرف مستنى ايه عشان تقولى هاااا رد راح شخط فيها قالها هديااااااااااا انا عفاريت الدنيا بتتنطط قدامى وشفت ليله سوده فمش ناقص تيجى انتى وتكملى عليا  هديه اتفتحت فى العياط 😭😭😭😭  انا مش عارفه اعمل ايه انا تعبت تعبت والله وكانت هتمشي راح مسكها من ايدها قالها اسمعى كل اللى اقدر اقوله دلوقتى انى عند مشوار بالليل ولما ارجع هبقى اقلك بس من هنا ولحد ما ارجع اوعى تتكلمى مع حد فى اللى حصل واذا اتسالتى قولى قضاء وقدر مفهوم قالتله ماشي يا جاسر ماشي سالها البنات كويسين قالتله اه اكلتهم وناموا قالها حوريه كويسه قالتله اه بس لسه واخده على خاطرها منك رغم انها كانت خايفة عليك قالها انا هصلح كل حاجه بس اخلص من اللى انا فيه وسابها عشان ياخد دش واخد دش وفرد جسمه على السرير عشان يهدا .

اسامه كان متابع كل حاجه وطبعا كان متوقع كل ده وبعت رساله لجاسر قاله اجمد يا كبيير هانت الفار قرب يقع فى المصيده وطبعا جاسر هيشوفها لما يقوم .

عند قاسم بقى سال الراجل بتاعه هااا ايه الاخبار يا بهجت قاله تمام سعتك كله تم زى ما امرت وهو اكيد اعصابه بايظه انما عندى سؤال لحضرتك قاله ولو انى مبحش الاسءلة بس اسال قاله ليه حضرتك عملت كده قاله شوف لما الواحد بيخاف سهل اوى تخليه يوافق على طلباتك او تخليه يقلق ويعيش فى خوف وجاسر عنده عيله يخاف عليها واللى حصل ده هيخليه يجيلى مستوى على الاخر فهمت بقى ياباشا الله ينور على سعتك المهم خلى عنيك عليه واهو معادنا النهاردة اما اشوف بقى اخرتها ايه معاه اوامر سعتك وبهجت مشى .

وقاسم قال لنفسه اما اشوف بقى ياسي جاسر النفخة اللى انت فيها دى اما تجيلى هتبقى عامل ازاى .

جاسر قام وشاف رساله اسامه واتصل بيه اسامه رد الو يا كبيير عامل ايه طمنى قاله شفت ابن ال.....  عمل ايه اسامة قاله معلش يا صاحبى انا قلتلك انه مش سهل وتعبان هو قصد كده عشان يهزك بس خلى اعصابك فى تلاجه واوصل معاه لاعلى سعر عشان ميشكش فى اى حاجه واحنا معاك متقلقش قاله انا مش غايظنى غير ان الكلب ده قرب من بيتى بس والله هيشوف بس الصبر حلو  قاله انا معاك خطوة بخطوة يلا عشان تروح تجهز معادك قرب  جاسر قاله ماشي سلام دلوقتى وقام عشان يجهز للمقابلة التقيله اوى عليه .

وجاسر اخد العربيه ونزل على المكان كان مكان بعيد عن الدوشه وجاسر دخل ولقى المكان فاضى مفيش غيره هو وقاسم ده قاله اهلا اهلا جاسر بيه شرفتنى جاسر رد ببرود قاله الشرف ليا قاله هااا ايه الاخبار يا جاسر بيه انت شكلك مجهد كده ليه قاله اصل كان يوم صعب اوى اوى قاله خيير ان شاء الله اقدر اساعدك اؤمر بس ورجالتى تحت امرك قاله لا خلاص الحمد دى كانت حريقة فى الارض وربنا ستر قاسم عمل نفسه متفاجىء يا خبر وده ازاى حصل قاله قضاء وقدر وربنا ستر قاسم قاله  الحمدلله ان الاسرة بخير والحريقة كانت بعيد جاسر فهم طبعا انه بيلقح بالكلام او بيهدده بشكل غير مباشر قاله الحمدلله فعلا نتكلم فى المفيد بقى قاسم قاله ياريت ياترى فكرت فى العرض بتاعى قاله اه قاسم قاله وقرارك ايه قاله لما اعرف الاول السعر ايه حضرتك عارف الارض  كبيرة وانت مش اول حد يعرض انه يشتريها  قاله بس غريبه انك غيرت رايك قاله اصلى عندى مشروع فى دماغى ومحتاج سيوله كبيرة شويه قاله تمام يبقى السعر حسب المتر فى المكان جاسر قاله كده يبقى يفتح الله كنت بعتها للى قبلك قاله يعنى ايه قاله يعنى حضرتك عايز الارض دى وانا مش عارف ايه سر تمسكك بيها يبقى يا اما  اسمع سعر يخلينى مندمش انى هبيع يا اما الموضوع يتقفل من بابه راح قاله تمام وقاله سعر عالى وجاسر ساعتها قاله كده متفقين طلب كمان المحامى بتاعى اللى هيجهز الاوراق وتبقى ناقصه على الامضاء بس وحضرتك تقدر تجيب المحامى بتاعك يراجع العقود عشان تطمن قاسم قاله عيب يا جاسر بيه الثقه موجودة وربنا يتمم على خير  قاله خلاص بكرة نخلص ان شاء الله كل حاجه  قاله على البركة مبروك لينا احنا الاتنين وسلامى الشديد للاسرة الكريمه جاسر بصله وقاله اشكرك وسلم عليه ومشى .  بهجت جه وقاله الله ينور ياباشا الراجل سلم ورفع الرايه البيضا قاله عشان تصدق كلامى قاله طيب واحنا بقى هنبدا شغل امتى الناس بتوعنا مسنيين بفارغ الصبر وفلوسهم جاهزة قاله اول ما احط ايده على الارض هجيب الدليل بتاعنا ونحفر ونطلع الكنز اللى المغفل ده ميعرفش انه كان عنده كنز ملوش اول من اخر وهيخسره قريب اوى اوى .

طبعا كل حاجه كانت متسجلة ومتصورة بين جاسر وقاسم صوت وصورة وكمان كان اسامة عرف بطريقته يزرع ميكرفون فى قلب مكتب قاسم  من غير جاسر نفسه ميبقى عارف وبرضه كله اتسجل واتصور .

جاسر روح وطلع على البيت وهديه كانت قاعدة مسنياه بفارغ الصبر واول ما شافته قالتله حمدالله على السلام قالها كنت متاكد انك مش هتنامى لحد ما ارجع طبعا عايزة تعرفى تعالى معايا واخدها الاوضه وقالها اللى هتسمعيه ده مفيش مخلوق على وش الارض يعرفه سامعه حتى بينك وبين نفسك وحكالها كل حاجه هديه حضنته جامد اوى اوى  كل ده يا جاسر كنت مخبيه عليا 🥺🥺 قالها كان لازم ولحد  ما نخلص من الكابوس ده خلى بالك من البنات واوعى عينك تغفل عنهم هديه قالتله هما ممكن يعملوا حاجه فى بناتى انا اموت فيها والله اموت قالها متخلنيش اندم انى قلتلك امسكى اعصابك وكلها شويه ونخلص ان شاء الله قالها انا هقوم عشان بكرة يوم طويل ربنا يعديه على خير وقام دخل يتوضا ويصلى ويدعى ربنا وقال يارب انا عارف انى كنت بعيد ومقصر سامحنى انا خجلان منك اوى لكن انا عشمى فيك كبيير اوى وباب رحمتك مفتوح يارب خليك معايا واحمى بيتى وعيلتى وقوينى يارب وانا عهد عليا اذا  عديت من اللى انا فيه ده مش هبعد عنك تانى سامحنى يارب وبكى بكى لاول مرة فى حياته وقام واسامه كلمه وقاله جاسر متقلقش خلاص قربنا قربنا اوى اوى يا صاحبى ربنا معانا ان شاء الله الاوراق جاهزة  ومتخرش الميه والمحامى هيبقى معاك بكرة ان شاء الله جاهز يا صاحبى جاسر قاله باذن الله جاسر قاله ليا طلب عندك يا اسامه قاله انت تؤمر رقبتى يا جاسر قاله اذا جرالى حاجه مراتى وبناتى امانه عندك سامع اسامه قاله بعد الشر عليك اوعى اسمعك بتقول كده ربنا يخليك ليهم وتعيش وتجوزهم اومال انا هرازى مين بقى اذا سبتنى يا صاحبى قاله ربنا يخليك ليا يا اسامه انا ربنا كرمنى باخين انت واحمد قاله خير ان شاء الله نام بقى عشان بكرة يوم طويل ومهم ولازم تبقى هادى وبالك رايق .

جاسر بعد ما قفل ما اسامه راح لاوضه بناته ودخل بالراحه اوى وباس كل واحده من راسها وهو اول مرة يعمل كده وقالهم بصوت  واطى اوى انا بحبكوا اوى اوى انا عارف انى كنت شديد معاكوا يا حبايبى بس وعد عليا اذا ربنا طول فى عمرى هتشوفوا بابا تانى خالص ربنا ميحرمنيش منكوا يا اغلى من نور عينى انتوا وباسهم تانى وراح لحوريه وقال بصوت واطى اما انتى بقى يا عفريته حقك عليا ياريت ايدى كانت اتقطعت قبل ما تتمد عليكى انا هصالحك والله قريب اوى ان شاء الله بس لازم تعرفى ان بابا بيحبك اوى اوى وباسها من راسها بوسه طويلة وسابها وراح ينام .

بس حوريه الاروبه كانت صاحيه وعاملة نايمة كارثه برضه مش سهلة بنت ابوها بصحيح 😅😅😅😅  راحت قايله بصوت واطى وانا كمان يا بابا بحبك اوى اوى وراحت نايمه وهى مبسوطه اوى