رواية في القلب دقات للعشق عشق الفصل الاول 1 بقلم جيجي

فؤاد قال... ايه بنت مين 

نهى قالت... السكرتيره يا بيه 

فؤاد قال... هو انا دكتور انا مالي ناديلها دكتور 

نهى قالت... لا يا بيه ما هو احنا نادينالها دكتور وهو بيفوقها بس حضرتك مدير الشركه وحضرتك اللي مستلم الموقع وحضرتك اللي جبتلنا الموقع وحضرتك 

فؤاد قال... بس خلاص اذاعه فتحناها اسكتي شويه  لما اشوف وراح معاها وكانت في بنت فى العشرين قاعده على الكرسي وملمومين حواليها الموظفين 

فؤاد قال.... لو سمحتم شويه بس عشان النفس الموظفين بعده وقال... ايوه كده  وقرب من البنت وقال للدكتور... ايه هي كويسه

الدكتور قال.... ايوه هي ضغطها نزل شويه بس هي كويسه 

فؤاد قال... شكرا 

وهى قالت بوجع... اه يا دماغي 

فؤاد قال.... ايه يا انسه انتى كويسه 

قالت... انت مين

فؤاد قال... هو حضرتك كويسه الاول

قالت.... انا كويسه الحمد لله خير يا جماعه

نهى قالت... يا سهى انتى اغمى عليكى في وخضيتينا اوى فكرناكى حامل 

فؤاد قال... حامل ايه هي متجوزه

سهى قالت..... لا حضرتك 

فؤاد قال.... استغفر الله العظيم 

سهى قالت.... لا لا انا مش كده حضرتك دى هي بتقول مع نفسها انا مش متجوزه ولا حامل يعني 

فؤاد بصلها وقال... انتى مين اللي شغلك في الشركه 

نهى قالت... والد حضرتك قبل اما حضرتك تيجي تشتغل هنا اصلا 

فؤاد قال... روحي على شغلك وبص لسهى وقال...  زي ما حضرتك شايفه والد حضرتي معينها من قبل اما انا اتعين فمش هينفع نمشيها 

سهى قالت... لا مفيش داعى هى بتهزر اصلا انا هروح كمان على شغلى 

فؤاد قال.... متاكده 

سهى قالت... اه متاكده انا تمام فؤاد مسك ايدها بيقومها بس جيه شاب في العشرين 

وقال... سهى  انتى كويسه فيكى حاجه يا حبيبتي وبص لفؤاد وقال... ايه يا افندي في ايه واقف قصادها كده ليه ابعد شويه كده 

فؤاد قال.... ايه انت بتعمل ايه هنا وداخل  كده باى صفه  وتقولي افندي 

قال.... والله لازم ابقى صفه يعني عشان ابعدك وشاور على سهى وقال... دي الصفه دي تبقى خطيبتي وانت بتتكلم معاها وواقف قصادها كده تقف بعيد شويه 

سهى قالت.... سعد بس انت بتعمل ايه

سعد قال...  بس اسكتي انتى يحط ايدي على وشك ليه بقى ان شاء الله وبص لفؤاد وقال... مين حضرتك عشان تحط ايدك عليها ليه 

فؤاد قال... فؤاد الونش صاحب الشركه اللي مستلمه الموقع ده اللى  حضرتك واقف فيه 

سعد قال.... ايوه برده لو حضرتك مدير تقعد تفعص في الموظفه ليه 

فؤاد قال... ايه الالفاظ السوقيه دي انا كنت في الموقعو ونادو عليا لان انا المسؤل هنا وبعدين خطيبتك كلها على بعضها ما تخافش عليها اساسا ما حدش هيبصلها ما تقلقش 

سهى وقفت قصاده وقالت.... ليه بقى ان شاء الله ما حدش هيبصلي وحشه ولا وحشه 

فؤاد قال.... هو انتى وحشه بس مش مساله وحشه بس انا فى دبله فى ايدي واضح انكم مش شيفينها كلكم مرضى نفسيين واه انت شغال هنا 

سعد قال.... اه 

فؤاد قال.... خصم 17 يوم عشان انت زعقت وانت داخل وانا الصوت العالي بيضايقني وطلع 

 

سهى قالت... ارتحت كده لما خصملك 

سعد قال.... ما يخصم هو فاكر نفسو عشان مدير الشركه اشترى الموظفين اللي فيها ده حتت عيل لا راح ولا جيه ده طالع بفلوس ابوه بالك ده لو كان اتولد ابن فران ولا ابن غساله ما كانش نجح فى حاجه 

بس فؤاد رجعله وقال... ما كنتش هنجح لان ما فيش حاجه اسمها ابن غساله في العالم الغسالات ما بيولدوش وبقو 30 يوم يعني شهر عشان عليت صوتك تانى ابقى وطي صوتك اشتم بصوت واطي يعني ومشي  

سهى قالت.... كده 

بس سعد قال... اش ما تتكلميش عشان ما اتكلمش تاني ليرجع ده ودنه فى قفاه وبعدين حتى لو اغمى عليك تاني ما تخليش راجل يفوقك

سهى قالت.... معلش وانا مغمى عليا هبقى اقولهم ما تخلوش حد يفوقني ما هو مقدرش على الحمار يتشطر على البردعه 

سعد قال... ليه بقى ما قدرتش على الحمار انا بس جات 

نهى وقالت... المدير عايزنا كلنا يلا راحو كلهم 

وفؤاد قال.... اول حاجه عايزين نتعرف على بعض عشان نعرف اسامي بعض انا يعني اعرف اساميكم لان انتو عارفانينى  

سهى قالت بصوت واطى.... مغرور قوي

نهى قالت.... بس امور قوي وقف سعد

وقال... سعد حسن العامري المحاسب بتاع المشروع

فؤاد قال... حلو 

سعد قال... هو ايه اللي حلو هو  انا بقدملك بسبوسه  

فؤاد ضحك بخفه وقال.... دمك خفيف خليتهم 29 بس 

سهى وقفت وقالت... سهى محمود حسين مهندسه هنا في المشروع 

فؤاد قال...  حلو  دي بقى يارا خطيبتي هتقعد معانا هنا في الموقع حد عنده استفسار حد عنده اي سؤال 

سعد قال.... اه انا 

فؤاد قال.... خير يا سعد 

سعد قال.... الموقع حضرتك يعني حر قوي حضرتك وليه  تبني هنا يعني خليك فى حته  سكنيه يكون فيها ناس ليه حته مقطوعه 

فؤاد قال.... حلو انا مش هعمر في المتعمر الحتت الفاضيه دي هتفضل فاضيه لا نستغل اى شبره في البلد ونخليه مكان مستفاد منه اما بالنسبه للحر فبتهيالي انكم بتاخدو فلوس على الحر ده ولا  الفلوس مش مكفيه سهى بصتله بضيق 

سعد قال.... فلوس ايه بقى  ما انت البركه فيك شفطت الشهر كله في ساعه 

فؤاد قال.... لا البركه في صوتك ها فى حد عنده اعتراض حد عنده سؤال اوكي يلا ومشى من قدامهم من غير ما يستنى رد 

 شكل عنيهم هتطلع .. 

                    الفصل الثاني من هنا