أحمد فضل يزعق لشريف عشان لما شافه وهو معايا في الاوضة وقالي.
احمد
بقا كنتي عايزة تيجي تولدي من غيري عشان تجيبي النطع ده هنا معاكي انتي في بينك وبينه حاجة مش كده
شريف
احترم نفسك وعلى فكرة مراتك احسن واحده في الدنيا بلاش كلامك ده انا كنت بطمن عليها وبعدين انا مش جاي معاها لوحدي بس اقولك والله هي خسارة فيك
أحمد
انت بتقول ايه انت اتجننت ولا ايه
سهير
يا احمد خلاص عشان خاطري كفايه بقا ميصحش كده شريف كان بيوصلنا انا معايا ماما ومروة اختي بس مش عارفه فين ارجوك يا احمد بقا كفايه
وساعتها دخلت ماما واختي وماما قالت
الام
في ايه يا احمد انت بتزعق كده ليه صوتك جايب لاخر المستشفى وبعدين بنتي لسه والده دلوقتي ومينفعش انك تعمل مشكله كده معاها وهي لسه والده
شريف
تعالي ياخالتي شوفي البيه بيتهمني انا ومراته بايه وكل ده عشان داخل اطمن عليها وهي مفيش حد معاها
أحمد
أيوه فعلا باي حق اصلا ادخل هنا الاقيك مع مراتي انت المفروض متكونش موجود هنا ويلا امشي من هنا دلوقتي حالا
الام
اهدي يا احمد مينفعش اللي انت بتعمله ده خالص وبعدين شريف ده ابن اختي وانا مش هسمح لك انك تتكلم معاه كده انت سامع
أحمد
يعني يرضيكي ياحماتي ادخل الاقي البيه بيلعب في شعر مراتي والهانم نايمة ودخلت مروه ولقيتها بتقول
مروة
ههههه اصل طول عمره شريف بيحب شعر سهير اختي كان دايما يقولها انا مشافوتش في جمال شعرك ياسوسو فاكر ياشريف
الام
اسكتي يامروة مش وقتك ولا وقت كلامك ده
أحمد
ياحلاوه انتي كمان بتقولي الكلام ده قدامي يامروة عادى كده
مروة
معلش يا أحمد زلة لسان بقا
سهير
حرام عليكم والله انا تعبانة مش كفايه عليا التعب اللي انا فيه انا مش قادرة اتكلم والله
أحمد
ماشي ياسهير احنا لينا بيت نتكلم فيه لما شوف اخرتها معاكي ايه
ورجعنا البيت ولما دخلنا حماتي قالت لي
حمد الله على السلامة يارب تكوني جبت الواد عشان قلبي يرتاح
بصيت لها ومردش عليها ودخلت اوضتي وماما جايه ورايا وحماتي قالت لأحمد
الحما
هي مالها مرتك يا احمد شكلها عامل كده ليه زي اللي ماتكون مضروبه علقه
ردت ماما عليها وقالت
مفيش ياحبيبتي ولا علقه ولا بتاع دي أصلها لسه وتعبانة ولا انتي متعرفيش ان لما الواحده تبقا والده مبتقدرش ترد على حد
ودخلت ماما عندي وقالت
هي ايه الوليه حماتك دي هي مش بتفهم في الأصول والزوق ابدا كده قال بتقولو هي مراتك مضروبه علقه ولا ايه كاتها علقه تاخدها وتريحنا منها
سهير
انا مش عارفه هلاحقها منين ولا منين دلوقتي احمد هيعملي مشكلة بسبب سي شريف ابن خالتي ده وامه هتعمل مشكلة لما تعرف اني خلفت بنت انا مش عارفه اعمل ايه ياماما
الام
هتعملي ايه ياحبيبتي هي الخلفه دي بايدك انتي هو انتي اللي خلفتي العيل ولا العيله دي ده ربنا هو اللي اديها لك ياقلب امك وبعدين كمان جوزك يعمل لك مشكلة ليه مش كتر خير ابن خالتك انه جه ووصلنا ولا كنا نروح حريم لوحدينا
سهير
ربنا يسترها بقا لما اشوف ايه اللي هيحصل
ودخلت مروة عندي وقالت
هي الوليه حماتك البومة دي مالها عامله كده ليه اعوذ بالله دي الوليه مش طايقة نفسها خالص
سهير
انتي تسكتي يامروة خالص ومتتكلميش ولا كلمة مش كفايه المشكله اللي عملتيها لي في المستشفى
مروة
و مشكلة ايه دي بقا ان شاء الله ياست سهير اللي عملتهالك انا مش فاهمة
سهير
مش انتي اللي كلمتي ابن خالتك عشان يجي يوصلنا المستشفى ومكنتيش عايزة احمد جوزي يجي والكلام اللي قولتيه قدام جوزي ده كله ايه معملتيش حاجة
مروة
ياختي الحق عليا اني عايزة مصلحتك كتك القرف ده حتى شريف ناوي يعيشك في نعيم انتي وبناتك بدل الفقر ده هو وامه
سهير
انتي تسكتي خالص ومتتكلميش انتي سامعه ولا لا
الام
ماخلاص بقا يابت منك ليها انتو ايه عايزين الوليه اللي بره دي تشمت فينا وتقول ان بناتى ماسكين في بعض أخرسو بقا
وبره في الصاله كان اقعد احمد مع امه وقالت له
مالك يا احمد في ايه من ساعت لما دخلت من بره وانت قالب وشك لا وكمان البت مراتك هي كمان قالبه وشها هو ايه بالظبط طمني
احمد
مفيش حاجة يا أمي قولت لك مفيش حاجة
الام
طيب انا داخله لمراتك اطمن عليها هي ولدك
ودخلت حماتي عندي انا وماما واختي وقالت لي
الحما
عامله ايه دلوقتي ياسهير ايه لسه مش عايزة تتكلمي ده انا حتى لسه لحد دلوقتي معرفتش اني خلفتي ايه هو انتي مش عايزاني اشوف العيل اللي جبتيه
سهير
لا ابدا ازاى بس أصل ااا......
الحما
اصل ايه ياحبيبتي ايه الكلام واقف في زورك ومش عارفه تنطفي ولا ايه
ماما قالت لها
جرا ايه يا احمد هو في ايه ياحبيبتي ماقولت لك ان بنتي تعبانة دلوقتي ومش حمل مناهدة ولا كلام الله
الحما
ياحبيبتي ربنا يشفيها بس اني عايزة اشوف الواد اللي ابنة خلفه ولا مليش حق اشوف
سكت انا وماما وبصينا لبعض ومروة قالت لها
ازاى بقا ياطنط طبعا من حقك تشوفي البيبي اللي سهير خلفته
وراحت مروة شالت البنت وقالت لحماتي امسكي
مروه
ياطنط شيلي بنت أحمد بنوته انما ايه مشاء الله تبارك الله قمر كده
حماتي مسكت بنتي واتعصبت وقالت انتي بتقولي اييييه بت بت ايييه ياختي وادي ابعدي البت دي عني وراحت حماتي رامية بنتي على الأرض وفضلت تسرخ
انا وماما اتصدمنا وماما قالت لها
ينهارك اسود ومنيل انتي بترمي العيلة اللي لسه مولوده في الأرض انتي اتجننتي ياوليه انتي في دماغك
وساعتها جريت على بنتي اللي في الأرض مع اني كنت تعبانة ومش قادرة اتحرك بس لما شوفت بنتي عي الأرض سرخت وقولت
سهير
بنتييي شوفيها ياماما جرا لها حاجة والنبي طمنيني عليها
الام
اطمني يابنتي الحمد لله كويسه بس لازم اروح اكشف عليها وبصت لحماتي انتي ياوليه انتي مفيش في قلبك رحمة في حد يرمي عيله عمرها ساعات انتي ايه
سهير
حرام عليكي انتي قلبك حجر ليه كده هي البنت ايه والولد ايه وبعدين هدية من عند ربنا ليا انا وابنك ليه تعملي كده
ودخل احمد علي زعيقنا وقال
هو ايه انت بتزعقو ليه كده
الحما
تعالي شوف يا أحمد اللي بيحصل لأمك من الحجر دول حماتك ومراتك طالعين فيا وعايزين ياكلوني
الام
حجر احنا حجر ياوليه والله ماحد حجر غيرك انتي
أحمد
ميصحش كده ياحماتي وعيب لما تتكلمي مع امي بالطريقة دي انتي فاهمة
الام.
امك دي انا هوديها في ستين داهيه دلوقتي يعني ينفع كده بنوريها بنتك اللي لسه مولوده تروح رمياها على الأرض انت يعجبك كده يا احمد
أحمد
معقوله الكلام ده انتي عملتي كده صحيح يا أمي رميتي بنتي في الأرض
الام
اسمع يابني أيوه انا رميتها بس مكنش قصدي اعمل كده
سهير
لا انتي قصدك لانك كان نفسك في ولد ولما عرفتي انها بنت عملتي كده ورميتها
الام
انا هطلع على القسم واعمل محضر في امك يا احمد
احمد
ارجوكي ياحماتي بلاش كلامك مايصحش تقولي لي انك هتعملي في امي محضر معلش محدش هيقف لك غيري انا قولت اهو
مروة
ياجماعه كفايه زعيق بقا حرام عليكم العيال قاعدين وشايفين المشاكل وانتي ياسهير مش حمل زعيق ونكد وانتي والده بقولك ايه ياطنط تعالي معايا نطلع بره انا وانتي نتكلم تعالي تعالي
ومروة اخدت حماتي وخرجت من الاوضة واحمد قالي
احمد
واياكي مره تانية اسمعك ياسهير تجيبي سيرت المحضر ده انتي عايزة
سهبر
يعني امك كانت عايزة تخلص من بنتك وانت عادي وساكت وعلى قلبك مراوح كده لا انت شكلك امك أثرت عليك جامد
احمد
كلمة تانية ياسهير في الموضوع ده انا هطلقك وبعدين هي قالت قدامكم انها مكنتش تقصد يبقا خلاص الموضوع انتهى
وعند مروة اختي اللي قاعده مع حماتي في الصاله بتقول لها
مروه
انا مش عارفة ابنك مستحمل البت سهير اختي دي ازاى ده طول عمرنا في العيله محدش كان بيحبها ابدا طول عمرها عقد ومش بتحب حد
الحما
والنبي يابت يامروة انا قولت لابني ميت مره دي مش تنفعك ياولدي وشوف لك واحده تانية يقولي لا هي دي وبس زوقة يقرف الواد ابني ده
مروة
بصراحة أيوه وبعدين دي خلفتها كلها بنات هو يعني مش نفسه يجيب ولد يشيل اسمة ابنك ده معلش ياطنط يعني فقر اهو خلف منها تلات بنات وعلى فكرة دي لو حملت مره كمان هتجيب برضو
الحما شقهت وقالت
انتي بتتكلمي بجد يامروة وهي فعلا ممكن تجيب الرابعه بت كده يبقا سواد
مروة
أيوه طبعا اصل بطنها مش بتشيل غير بنات وبس فالطبيعي كل مره هتجيب البت
الحما
ياحوستي لا لا ده هخلي ابني يطلقها مش لازم تفضل على زمتة دقيقة كمان
مروة
طيب ياطنط انا بس قولت اهدي النفوس كده واحاول أصلح بينكم بدال ماهي البت اختي مش طيقاكي كده دي بتحلف انها تعمل لك محضر وتدخل السجن يلا ربنا يهديها بقا طيب بعد اذنك ياطنط انا هطلع بقا شقتي اشوف جوزي لحسن سبته لوحده من بدري
الحما
طيب روحي انتي يامروة
سبتها مروة وطلعت شقتها وحماتي قالت لنفسها والله عال ياست سهير عايزة تحبسيني عشان خلفتك العار طيييب ماااشي
وطلعت مروة فوق الشقه لقت التليفزيون شغال وجوزها أسامة نايم على الكنبة في الصاله قالت
مروه
ااه طبعا نايم ولا دريان بحاجة ماهو ده اللي انت فالح فيه ياخويا النوم وبس وبعدين طيب اطفي التلفزيون ووفر الكهربا اللي عماله تتسحب في البيت وانا في الاخر اللي بدفع
وبتصحي أسامة وبتقولو قوم ياسبع البورمبة قوم ياخويا قووم انت ايه اكل ومرعي وبس اصحى
أسامة مش عايز يصحى قالت
أسامة قوم يا اسامة قووم ياراجل انت بتهزر وعامل نفسك مش عايز ترد عليا بقولك قوم أسامة أسامة اسااااامه
أسامة راح ولما الدكتور جه وكشف عليه قالهم
الدكتور
البقاء لله
الوفا سببها جلطه في القلب حصلت له لكن للأسف محدش لحقة بس هو في حد زعله ولا حاجة ياجماعه لان الجلطه اللي جات له نتيجة زعل جامد
مروة ارتبكت وقالت
لا يادكتور زعل ايه ده احنا كويسين مع بعض وزي الفل ومفيش مشاكل ولا حاجة بيني وبينه ده انا حتى رحت مع اختي وهي بتولد وكنت سيباه كويس خالص
الدكتور
البقاء لله الله يرحمة
وبعدها كله خرج من الاوضه وانا اقعد جنبه
مروه
انت غاوي تنكد عليا طول عمري
انا مبحبش البس اسود هتخليني البس
اسود ياللي منك لله 3 ايام مانت خلاص روحت
اي منك لله دي هي الواحده بتلبس اسود
علي جوزها كام يوم لما ادخل علي جوجل اشوف
احسن
وعملنا عزا أسامة جوز مروة اختي وبعد العزا بيومين وانا مش بتكلم مع حماتي خالص احمد قالي
احمد
انتي ياهانم انتي هتفضلي مش بتكلمي امي هي مش الست قاعده في بيتك يعني المفروض تعامليها معامله كويسه انتي مش بتفهمي في الأصول خالص
سهير
ومين فينا ان شاء الله اللي مش بيفهم في الأصول يا احمد انا ولا امك اللي كانت عايزة تعمل ف بنتي اللي كان عمرها ساعات انا والله لوما انت كنت وديت امك دي في ستين داهيه
أحمد
انتي بتقولي ايه انتي اتجننتي عايزة تدخلي امي السجن عشان حته البت اللي خلفتيها مش كفايه عليا مستحمل لك وانتي خلفتك كلها بناتك
سهير
اااه قولي كده بقا انت بتعايرني عشان خلفتي بنات بس ياحبيبي ده مش كلامك انت ده كلام العقربة امك مش كده برضو
احمد اتعصب عليا وضربني بالقلم وقال
احمد
اخرسي قطع لسانك انا مش هسمح لك انك تجيبي سيرة امي بكلمة واحده انتي فاهمة ولا لا
وفجأه دخلت امه علينا في الاوضة وقالت له
تسلم ايدك ياولدي أيوه كده جيب حق امك بقا تغلطي فيا يابت وتقولي عليا عقربة اني
سهير
انتي وافقه بره وعماله بتتسطني علينا ااه ماهو ده طبعك اكيد انك تتسنطي عشان تولعي البيت حريقة
الحما
حريقة لما تشيلك يابعيده بقولك ايه ياولدي انا همشي من البيت ده ومش راجعه له تاني ابدا
احمد
استني ياما لو مشيتي من هنا انا همشي معاكي ومش قاعد هنا دقيقه واحده
سهير
يعني هتسمع كلام امك وتمشي مع الف سلامه البلد اللي تودي
الحما
والله لاجوز ابني لست ستك ياسهير وهاتشوفي
ومشي احمد وامه وسافرو على البلد وانا فضلت كل يوم اعيط وماما كانت عندي وقالت
ماما
ماكفايه يابنتي كده بقا روحك هتروح منك وبناتك محتاجينك بطلي عياط بقا
سهير
شوفتي ياماما مشي مع أمه وسابني انا وبناتة لوحدنا في الوقت اللي انا محتاجه له فيه شوفتي
الام
خلاص بقا ياحبيبتي متعمليش في نفسك كده العيال ذنبهم ايه يشوفوكي بالمنظر ده متزعليش بكرة يجي راكع تحت رجليكي اصل مفيش واحده هتستحمل امه دي ابدا
ولقينا اختي مروة اللي جوزها لسه رايح مبقالوش اسبوعين وكانت لبسه فستان سهرة وحاطه ميكب كامل وماما لما شافتها كده قالت
ماما
يلهوي ايه اللي انتي عملاه في نفسك ده يابت انتي عقلك راح منك ولا ايه ينهارك اسود ايه ده
رحت زعقت فيها وقولت لها
سهير
ايه يابنتي ده انتي عامله كده ليه يازفته انتي انطفى
مروة
الله جرا ايه ياسهير انتي وماما انتو اول مره تشوفو واحده لبسه كده ولا ايه وبعدين انا مالي مش فاهمة انتو متعصبين ليه كده
الام
تصدقي بالله يابت انتي واحده ماعندك ريحة الدم انتي مش جوزك لسه رايح مبقالوش اسبوعين انتي ازاى لبسه كده وهو لسه دمة في قبرة لسه منشفش انتي اتجننتي
ردت مروة بكل برود وقالت
لا ياماما انا متجننتش ولا حاجة وبعدين المرحوم خلاص الله يرحمة وعلى رأي المثل الحي ابقي من اللي راح يعني انا اشوف حالي واعيش حياتي زي مانا عايزه ولا هو سجن وهو موجود وسجن لما راح محدش ليه دعوة
سهير
يعني ايه محدش ليه دعوة بيكي هو مش انتي ليكي اهل ولا انتي من الشارع دلوقتي الناس لما تشوفك نازله من بيتك بالمنظر ده وانتي جوزك لسه رايح يقولو علينا ايه
مروة
مايقولو اللي يقولوه ياست سهير انا مالي بكلام الناس هي الناس هتحسبني ولا ايه انا اعمل اللي على كيفي واللي انا عايزاه
الام
اعمل ايه فيكي ايه حرام عليكي انتي عايزة تعلي عليا الضغط انتي مش بتحسي بحاجة خالص
مروة
لا مش بحس ياماما ومش عايزه احس يلا بقا سيبوني امشي هتأخر كده
الام
هتتاخري على ايه يابت انتي رايحة فين دلوقتي اصلا
مروة
مفيش ياماما اصل شريف ابن خالتي عزمني على العشا برة وبعدين هنروح ديسكو عشان افرفش شويه بدل النكد اللي عايشه ليل ونهار فيه هنا معاكم يلا باااي
وسبتنا ومشيت وماما فضلت تعيط وتقول
الام
عليه العوض ومنه العوض اختك بقت عامله كده ليه ياسهير شوفتي البت وعمايلها
سهير
متزعليش مني ياماما انتي السبب في اللي هي فيه ده انا ياما قولت لك بلاش تتدلعيها زياده عن اللزوم كده وامسكي عليها شويه انتي اللي مكنتيش بتسمعي كلامي
الام
ليه ياسهير هو انا يابنتي اللي قولت لها تنسي الأصول وتنزل من البيت تتسرمح في الشوارع بعد جوزها مايروح وبعدين شوفتي البت وبجاحتها دي بتقولي الحي ابقي مش ده أسامة اللي كانت هتولع في نفسها لو مكنتش اتجوزته
سهير
ااه هو اللي كانت بتقولك ياهو يابلاش ولما اتجوزته وعرفت مفلس بقا وحش خلاص ربنا يهديها ياماما ادعي لها
وعند شريف ومروة قاعدين في مكان الكل نازلين رقص واخر مسخرة وشريف قالها
شريف
تعرفي يابت يامروة طول عمري اقول عليكي انك روشة ودمك خفيف ومش بتاعت نكد خالص
مروة
لا ياشريف ده انا أعجبك اوي بس انت بقا اللي بتحب الرمرمة ورايح تحب اختي المعقدة وسبتني انا مكنتش قادر تحبني انا
شريف
بصراحة يامروة اصل سهير دي حاجة كده نادرة محصلتش قبل كده واحده بتعرف تجبر اللي قدامها انه يحبها ويعشقها وهي دي ان الواحد يأمن على نفسه معاها ودي اللي تستحق ان الواحد يخلف منها من غير مايشك فيها ابدا
مروة بغيظ وغل قالت له
لا ياشيخ بقا هي الحكايه كده يعني قصدك تقول انها احسن مني ومحترمة عني بقا كده ياشريف وانا اللي قولت هساعدك انك تاخدها واقف جنبك لما تهتم بيا اخس عليك انا زعلانة منك
شريف
لا ياروحي انا مقصدش حاجة ده انتي ست البنات يامروة انا بس بقولك انه في اختلاف بينك وبينها انتي حاجة وهي حاجة انتي لذيذة كده مش معقده
مروة
خلاص يبقا تحبني انا
شريف
بصي يامروة انا هحبك وهفضل معاكي وهحقق لك كل اللي بتتمنيه بس بشرط اتجوز سهير اختك وتبقا بتاعتي انا وبس وتسيبها من اللي اسمة أحمد جوزها ده
مروة
خلاص سيب الموضوع ده عليا انا هفضل وراه لحد مايطلقها بس تشخلل جيبك بقا ياحبيبي ماشي انا عايزاك بس تيجي بس في ايه يوم كده تزورنا عندها في شقتها ماشي
شريف
عنيا ياقلبي ماتقومي لما نرقص واعزمك على حاجة تشربيها يلا
وكل يوم بيعدي واحمد مش بيتصل بيا ولا بيسال عليا قولت لماما
سهير
شوفتي ياماما البيه جوزي لا عايز يتصل بيا ولا يقولي انتي عامله ايه وبناتك عاملين ايه يرضيكي كده
الام
معلش يابنتي سبيه على راحتة بس انا عايزة اعرف هو هيفضل سايبك زي البيت الوقف كده ولا منك مطلقه ولا منك متجوزه هي الحرباية امة اكيد قالت له انه يسيبك كده ماهي اللي زي تعمل اكتر من كده
وفي الوقت ده كنت لبسه هدوم البيت ولقينا الباب بيخبط وماما فتحت الباب لقت شريف وقالت له
اهلا ياشريف ياحبيبي تعالي ادخل انت منورنا والله
سهير
يدخل فين ياماما وازاي تدخليه وانا لبسه كده
لقيت شريف بيبص لي باعجاب اوي وقالي
هو انا غريب ياسهير ده انا ابن خالتي
سهير
ابن خالتي يعني تدخل عليا وانا بهدوم البيت كده
شريف
انتي قمر في كل حالاتك وبعدين يعني انا مش غريب انا واحد منكم
الام
بس ايه كل الحاجات اللي انت جايبها دي ياشريف ياحبيبي كتر خيرك والله لما ادخل اعملك حاجة تشربها وسبتنا ماما ودخلت المطبخ
وشريف بص لي وقال
على ايه بس ياخالتي دي شويه حاجات بسيطة عشان البنات وكمان شويه شيكولاته وحلويات فيها فيتامينات لسهير عشان تتغذى كويس
سهير
متشكرة ليك ياشريف وبعدين هو في حد قالك اني عندي سؤ تغذية ولا ايه انا تمام الحمد لله
شريف
لا طبعا انا مقصدش انا اقصد عشان انتي بترضعي ومحتاجة غذا
سهير
انا الحمد لله بتغذا كويس ومش محتاجة اي حاجة منك ياريت تبقا تاخد الحاجات دي معاك وانت ماشي
شريف
وده ازاى بقا ياسهير مش هينفع طبعا وبعدين ده النبي قبل الهدية ولقيته بيقرب مني وانا اقعده عي الكنبة وجاي جنبي وهمس وقالي
تعرفي انك بتحلوي يوم عن يوم بجد مش عارف انتي كل يوم بتجيبي الحلاوة دي منين
سهير
شريف لو سمحت خليك مكانك ومتقربش مني بعد اذنك ميصحش كده
شريف
انتي خايفة تضعفي معايا ياسهير مش كده انا بصراحة نفسي في اللحظة دي من زمان اوي انا بحبك ياسهير عشان خاطري ارجعي لي بقا
وكل اللي بيحصل من شريف ده ومروة اختي مدارية ورا باب الاوضة وعماله بتصورني وانا وشريف وكل اللي بيحصل منه وقالت لنفسها
أيوه كده حلو اوي لحد هنا كفايه المشهد الرائع ده ولما نشوف ياست لما يوصل لجوزك هيعمل فيكي ايه هاهاهاهاي
وانا شاورت بأيدي ناحية الباب وزعقت لشريف وقولت له
سهير
امشي اطلع برة ياشريف برة ومتجيش هنا تاني وراجل البيت مش موجود اتفضل
خرجت ماما من جوه جري وقالت
في ايه ياسهير مالك يابنتي انتي بتزعقي ليه
شريف
تصوري يا خالتي ان سهير بتطردني من بيتك يرضيكي كده ياخالتي عمايل بنتك دي
الام
لا طبعا ياحبيبي مش يرضيني الله جرا ايه ياسهير ماتهدي يابنتي يعني مش كتر خيره الجدع انه جاي وشايل ومحمل
سهير
انا مش عايزة منه حاجة ياماما ياريت يمشي
شريف
خلاص ياخالتي انا همشي عن اذنكم
وسابنا ومشي تاني يوم مروة بعتت الفيديو
وبعدها اتصلت بيه
مروه
بجد مش عارفه انت ازاي تسيب البيت
انت لازم ترجع ي احمد شوفت الهانم كل يوم
تبعت ل شريف هنا عندنا في البيت
احمد
لا والله هي مصدقت بقي أن مشيت
مروه
انت السبب ازاي تمشي علي الاقل لو مش
باقي عليها ابقي علي عيالك يا اخي
دول بقي يقولوا لشريف يا بابا
احمد
لا هي حصلت كمان ده يحصل والله ما هسكا
ليها
مروه
بقولك اي ارجوك انا مش عايزه اي مشاكل
خالص خليني انا بعيد مليش دعوه
لمشاكلك انت ومراتك دي اتغيرت
عن الاول وكمان من بعد بعدك دي
بقت كل يوم تخرج مع شريف في ديسكوهات
احمد
اي الكلام ده معقول مراتي انا بتعمل كده طيب
ازاي وامك فين
مروه
محدش بقي قادر عليها خالص بقولك إتحولت
من بعد ما مشيت
احمد
طيب اقفلي اقفلي انا جاي وبعدها قفل
معاها وهي كانت قاعده في اوضتها
وندي بنتي دخلت وقالت ليها
ندى بنتي قالت لها
خالتو انا هلعب في تليفونك شوية
مروة
ماشي ياندي خوديه شويه صغيرين واوعي توقعية على مادخل اخد دش وأخرج ودخلت الحمام
وفتحت ندى التليفون وشافت الفيديو وقالت لي
ندي
ماما الحقي انتي وانكل شريف في الفيديو
سهير
انكل شريف وريني كده
لما شوفت الفيديو اتصدمت وقولت لماما
الحقي ياماماااا شوفي بنتك عملت ايه
الام
ينهار اسود هي حصلت لكده ازاى تصور حاجة زي دي هي فييين
سهير بتعيط
في الحمام بتاخد دش
وساعتها خرجت مروة من الحمام وهي عماله تغني راحت ماما مزعقه فيها وقالت لها
انتي ازاى يابت تعملي في اختك كده
سهير
انتي عايزة تعملي ايه بالفيديو ده انطقي
وفجأة لقيت باب الشقه بيتفتح واحمد جوزي داخل شايط ومتعفرت
احمد
خلاص عملتي اللي كنتي عايزه انتي
طالق ومش عايز اكمل معاكي تاني
سهير
اخس عليك بطلقني بعد الحب اللي كنت بحبه
ليك ليه عملت فيك اي علشان تعمل فيا
كده اخس عليك
احمد
انا جاي اخد باقي هدومي وبعدها دخل
لم هدومه ومشي
الام
هو فيه اي بالظبط اي اللي حصل ده
اكيد فيه حاجه وانا كنت ماسكه الموبيل
وقولت
سهير.
عايزه تعرفي فيه اي شوفي بنتك
عملت اي منك لله بعتا لجوزي الفديو ليه
مروه
علشان انتي وش فقر ومش عايزه
تسوفي نفسك المفروض واحده
غيرك تتجوز شريف مع أنه خسراه فيها
واحد بيدفع كل الفلوس اللي انتي عايزه
انتي عايزه اي تاني
سهير
بقولك اي امشي اطلعي برا
مش عايزه اشوف وشك خالص هنا
انتي سامعه ولا لا
الام
لا برا البيت خالص انا كمان مش عايزكي
في بيتي
مروه
هو انا هخرج من الجنه يا خي همشي
عادي مش عايزه اعيش معاكم بس
انا هاجي وابيع شقتي امال هعيش ازاي
وفي المستشفي كانت قاعده حماتي
ودخل
الحما
اي يابني انت ازاي تمشي
كده واخوك في المستشفي
احمد
روحت طلقت سهير ورجعت بجد
كان عندك حق مكنش ينفع اعيش ما واحده
زي دي
الحما
اخس عليك وبناتك يابني ازاي تعمل كده مينفعش برضه مراتك بتحبك
احمد
شوفي الهانم خليتي مشيت وعامله تبعت
لابن خالتها كل يوم يكون عندهم
الحما
مراتك عمرها ما تعمل حاجه غلط يابني
بتحبك وبتحب بناتك اوعي تفرط فيها
احمد
انتي اللي بتقولي كده مش دي اللي كنتي
عايزني اسبها ازاي بتقولي كده
الحما
مراتك كويسه يابني وبتحبك وانا اللي
كنت وحشه معاه
احمد
اي ده من أمتي يا امي وانتي بتقولي
كده انتي خلاص كنتي رايحه تخطبي
ليا قبل ما عتمان يعمل الحادثه
الحما
كنت غلطانه يا ولدي وربنا قالها ليها قادر اخذ منك الصبيان ما بقتش بالولد ولا بالبنت انا اللي كنت ست متخلفه
احمد
لا يا امي بس هي فكرت ترجع لشريف خطيبها الاولاني علشان خاطر الفلوس
الحما
في حاجه غلط في الموضوع ده والله وانت مش قادر تفهم مراتك عمرها ما هتعمل كده
روح رجعها
احمد
الموضوع بقى صعب قوي يا ماما والله وانا كمان بعد الفيديو اللي انا شفته ده مش قادره اسامحها
الحما
هو مين يا ولدي اللي وراك الفيديو ده انا مش فاهمه حاجه
احمد
اختها مروه يا ماما اللي عملت كده
ارجوكي أنا مش عايز اتكلم في الحوار ده تاني
الام
اختها دي مش كويسه حتى لو اختها كانت بتعمل حاجه غلط تيجي وتقولك في حاجه غلط في الحوار ده
احمد
بقول لك يا ماما خلينا مع عتمان دلوقتي
وانا بعدين ابقي اشوف اعمل اي
الام
وأنا هقوم اصلي ركعتين لله أن ربنا يشفي
اخوك
وبعدها جه الدكتور
الدكتور
الحمد لله يا جماعه عتمان فاق وعايز يشوفكم بس مش عايز كلام كثير معايا
الام
ولدي حبيبي ربنا يخليك يا دكتور والله
وبعدها دخلت وطمنوا عليه
وفي شقه شريف راحت مروه
مروه
ازيك يا شريف عامل ايه بجد انا عايزه انتقم من اسمها سهير دي متعرفش دي عملت فيا اي
الخاله خرجت من جوا وقالت
بقول لك ايه يا مروه ابعدي عن ابني انا ما صدقت خلاص اقنعته ان هو ما لوش دعوه باختك ثاني
مروه
الكلام اللي انت بتقوليه ده على فكره هو اللي كان عايزها وانا كنت بساعده علشان شايفاه ان هو كان بيحبها
الام
خلاص احنا حجزنا التذاكر السفر وهنسافر انا وهو ومنهوش دعوه باختك ثاني وانت اطلعي بره حياتنا بقى انتي ايه شيطانه ازاي تعملي في اختك كده
مروه
هو انت راضي على الكلام ده يا شريف شايف مامتك بتكلمني ازاي
شريف
بجد هي عندها حق انا كنت غلطان جدا لاني كنت عايز اخد حاجه مش بتاعتي اطلعي بره مش عايزه تشوفك يا مروه
مروه
لا بقول لك انت وهي انا عايزه الفلوس اللي انت اتفقت معايا عليها انت سامع ولا لا
الخاله
عمري ما كنت اتوقع انك تحبي الفلوس قوي كده امشي اطلعي برا
وبعدها نزلت وكانت بتكلم حد في التلفون
وبتقول
مروه
انا ما ليش دعوه انا عايزه البسها قضيه شرف
وفي الوقت ده مش اخدت بالها من العربيه
اللي جايه وبعدها العربيه خطبتها وراحت المستشفي
وبعدها روحنا
الدكتور
البقاء لله يا جماعه الحاله توفت
الام
بنتي معقول وبرضه زعلنا عليها اوي
وجت حماتي تزعي
الحما
الله يصبر قلبك يا ام مروه
والله ويسامحها علي اللي كانت بتعمله
اي يا سهير مش هتسلمي عليا
سهير
بقولك اي اوعي تفتكري أن هسكت
علي اللي عملتي وخليتي ابنك جنبك
الحما
ليكي حق تقولي اكتر من كده
بس والله عتمان كان
عامل حادثه وهو كان جنب اخو
سهير
طيب ازاي ميقولش ليا
الحما
مش وقته أنا جايه اعتزر عليكي
علي اللي حصل والنبي ما تزعلي حقك عليا
ابني كان هيروح مني بسبب اللي عملته فيكي
سهير
والله ما فيه حاجه بيني وبين شريف
الحما
متاكده والله سامحني يا بنتي وانا كلمت
احمد يرجعك
وفعلا رجعنا وحماتي بقت تحب بناتي اوي
بس مش عارفه اسامح مروه علي اللي عملته
بس يلا بقي الله يرحمها
تمت بحمد الله