في المستشفي واقفه تعيط بقلق ع اعز اصحابها الي في العمليات
اكرم قرب منها: بطلي عياط واستريحي شويه وسبيني استناها
حنين: مش همشي واسيبها يا اكرم
اكرم اوعدك لو حصل اي حاجه لـ ايمان ولا ولادها هجر امير للمحكمه
حنين دي جوه بقالها ساعتين بتصارع عشان حياتها يارب احفظها هي واولادها دي غلبانه
الدكتوره خرجت وبستفهام :انت زوج الحاله
حنين هزت دماغها بنفي: لا احنا اصحابها عامله ايه هي واولادها
الدكتوره: حالتها مستقره لكن فيه طفل عنده ثقب في القلب ادعوله اما الاصابات عند الام واضح انها اتعرضت للضرب لو تخميني صحيح لازم ابلغ
اكرم :تمام
الدكتوره وهنقل الحاله لجناح عادي لكن بالنسبه للطفل هحطه في العنايه المركزه واي حاجه جدت هبلغكم متقلقوش
اكرم الف شكرا يا دكتوره
حنين : انتي قدام امتحان جامد يا ايمان اتمني تفضلي صامده
اكرم: حنين لازم تكوني جامده عشان ايمان وتؤامها
حنين : يارب قويني
...........قصص منه محمد كاتب...................
عادل بزعيق: كان فين عقلك انت مش حاسس بالي عملته افعالك كلها قذره لو مكنتش في دهرك هتبقي رد سجون وانتي وقفي عياط ليه ممنعتيش ابنك عن تصرفاته المجنونه امبارح اتصل بيا اكرم قالي هيستني لحد ما تقوم وهيمشوا في الاجرائات القانونيه لو اتهمتك اتعامل مع القضيه لوحدك مش عايز ادخل
امير: اكرم صاحبي باعني والسبب هو البت دي ,ادعت ان الطفل الي في بطنها ليا وقالت الكلام ده بكل وقاحه قدام ليلي ,فأنا اتعصبت لما سمعت عشان كدا هاجمتها اعمل ايه لو رفضت ليلي الجواز
عادل: اه يعني حبيت تظهر بشكل بطولي قدام ليلي , متتكلمش عن الجواز تاني قبل ما تشوف مصيرك جوه السجن ولا بره ,ومش فاهم سبب غضبك لنفرض ان العيل ده فعلا مش ابنك ليه متعملش تحليل لكن لا اسهل تقـ تلها , ومش جايز فعلا يكون ابنك , وده سبب انكارك الشديد
صابرين: انت هتتسرع وتتهمه امير عمره ما حب البت دي
عادل تلفونه رن ورد : ايوه يا اكرم قول سامعك
............قصص منه محمد كاتب...............
في غرفه ايمان بعد الولاده
حنين : حبيبه قلبي عامله ايه( باست دماغها) مبروك ولدتي تؤام حلوين وبأمان تحبي تقومي
ايمان: ياريت
حنين رفعت السرير: ها حلو
ايمان: اه كفايه قوليلي شوفتيهم
حنين: اه جمال خالص ,ولد وبنت , والولد شبهك بالملي , حالا الممرضه تجبهملك بس لازم الاول ترتاحي انتي قايمه من عمليه
ايمان نزلت دموعها: الحمد لله عشت لحد ما شوفت ولادي مش مهم الي حصلي طالما هما بخير
حنين: الحمد لله وانتي اجمدي عشانهم
ايمان بنبرة حزينه: مش قادره اتخيل ايه الي كان هيحصلي لو مكنتيش لحقتيني انتي واكرم ,امبارح الراجل ده كدبني وكان ع استعداد يموتني من غير رحمه حتي ولاده
حنين : كفايه متفكريش في ابليس ده تاني , لما تتحسني ممكن تتكلمي مع اكرم لو عايزه ترفعي قضيه ضده
الممرضه دخلت: تقدري ترضعي البنوته
ايمان بلهفه: اه
حنين اخدتها من الممرضه وباست دماغها وعطتها لايمان الي ضمت بنتها وجريت دموعها ع خدها : سبحان الله كلها ملامح ابوها
حنين: دي قدره الله كان بينكر بستماته انهم مش ولاده
ايمان: بس ابني التاني فين
حنين برتباك ملحوظ: الدكتوره هتكشف عليه ممكن تسأليها ارتاحي انتي دلوقت
ايمان بشك: حنين فيه حاجه انا معرفهاش فين ابني ليه قلبي مش مرتاح
حنين: ايمان بعد الكشف ع ابنك عرفوا ان عنده ثقب في القلب
ايمان بصدمه وصوت باكي: ايه يارب اشفي ابني
حنين: بس متقلقيش الدكتوره بتحاول تعالجه وان شاء الله يتعافي هو بس مشكلته انه سنه صغير ميقدرش يدخل عمليات لكن انا واثقه في الله وابنك راجل قوي ثقي بالله
اتفتح الباب وطلع اكرم وقال: معايا حد عايز يشوفك
عادل دخل ومنزل راسه في الارض مكسوف من افعال ابنه الهمجيه الي اثرها واضح جدا ع وشها
اكرم لايمان: ابنك الخلبوص بخير متقلقيش كتير, لو مرضتي مين هيراعي الطفله الجميله دي
ايمان بصوت مليان دموع والم: انا مستعده امرض واواجهه الصعب بس ولادي لاء ملهمش حد غيري, بسببهم عشت واتحملت لحد دلوقت, يارب انقلي المرض وخليني انا اتحمل المعانه والوجع ابعده عن ولادي الي لسه مولودين ميعرفوش الدنيا القاسيه, يارب استجيب لدعائي ورجائي واتقبله من ام مكلومه
عادل: ايمان بعتذر عن افعال ابني
حنين بغضب شديد: مفكر الاعتذار ممكن يرجعلها الي خسرته في حياتها , هيرجع الي ابنك دمره فيها, الاعتذار هيرجع كرامتها الي داس عليها ابنك
اكرم بحزم : حنين اطلعي بره اذا سمحتي
حنين قامت بعصبيه : ربنا ع الظالم ان شاء الله
اكرم خرج وراها وعادل قرب منها: اه فيه بعض الحقيقه من الي قالته صاحبتك
ايمان بلهجه حادة : ازاي تتجرء وتقول فيه بعض الحقيقه, الحقيقه الي انا فيها مش الاكاذيب الي ابنك بيقولها
عادل: مش ده قصدي
ايمان: شكرا لزيارتك لواحده زي ومن راي متتعبش نفسك بعد كده واستعد لفرح ابنك المنتظر وياريت تنقل رسالتي للسيد امير يكون سعيد في جوازته لان انا وولادي مش هنطلب منه اي حاجه بستثناء امر واحد انه يطلقني والا مش هتردد لحظه ارفع قضيه ضده انا مقبلش اكون متجوزه واحد ديوث و خاليه في جبروته لحد ما يجيله الموت وميقدرش يرد ع ربنا اسفه محتاجه ارتاح
..................قصص منه محمد كاتب.............
امير : ايه البنت شبهي
عادل: نسخه منك شبهك كتير
صابرين بصدمه: ايه ده يا امير مش قلت بتكرهها كره العمي , وعاملتها كأنك عايز تموتها لكن الحقيقه
امير قطعها: الحقيقه ان انا بحتقرها
صابرين: لما بتحتقرها زي ما بتقول امال ليه لمستها ,انت كدبت عليا وكدبت ع ليلي, انت بتحب الست دي
امير : ايه ده يا ماما هي الي غوتني
عادل أنفعل بلهجة عصبيه : اخرس وبطل كدب حتي المجنون هيعرف انها بنتك ودلوقت لو مش ايز تتحمل المسؤليه مراتك وعيالك يبقي الكلام معاك ملوش اي معني هي اصلا طالبه الطلاق والا هترميك في السجن لسنين طويله عايزه كده متوقعتش ابني يبقي غير مسؤل زيك يمكن في الاخره هتزحف وتتوسل تسامحك اما لو مش مذنب متخافش والاهم ان هي الي طالبه الطلاق كدا هيبقي سهل تتجوز ليلي
امير بص لامه بحيره: ماما لو فعلا مرتبتش الفخ ده وموقعتنيش
صابرين ترفع ايدها وتحطها على كتف امير بحنان: مش قلت ممدوح قالك محصلش يبقي هي الي وقعتك, هي الي بتحلم تتجوز واحد عني وابن اكابر , متقلقش
...........قصص منه محمد كاتب.............
يوم خروج ايمان من المستشفي الي عرفته ليلي ورسمت خطه واخدت امير ودخلت تلف بعيونها عليها
حنين: فين خطيبي قالي نستناه هنا
ليلي مثلت الدهشه: هاي ايمان ياتري بقيتي كويسه
ايمان بتعالي: هو انا اعرفك
ليلي: اسفه نسيت بعد ما دماغك اتخبطت في الحيط يظهر فقدتي الذاكره
امير: متهتميش بيها مش قلتي هتزوري واحده صاحبتك يله نزورها قبل ما تموت
ليلي وقفت بكيد : بالمناسبه الاسبوع الجاي فرحي انا وامير, هنتجوز وهنكون شركاه بس انا معنديش مانع تبقي ع ذمته مؤقتا, عارفه ليه لان انتي الخيال وانا الاساس
حنين: جري ايه يا بت يا اراجوز
اكرم كان هنا جه وقرب منهم وايمان فضلت قاعده جامدة في مكانها بكل غرور
ليلي ضحكت: هاي اكرم سمعت انك ناويت تتجوز ايه اسمها البت دي اصلي نسيت اه ام لسان طويل امتي فرحكم ولا مستنين لما يتقبضوا عليكم في قضيه دعاره
حنين تحاول تتمالك عصبيتها: كرريها تاني
ايمان موجه كلامها لاكرم بنظره مليانه تهديد لامير : اكرم لو موصتلنيش ورقه طلاقي قبل فرحه , شوف لي محامي يرفع قضيه ضد واحد اسمه امير عادل بتهمه الشروع في قتلي وضربي , ودليل ع حبي الكبير له هخليه يحضن قضبان السجن
امير اتغيرت ملامحه لكن ابتسم يداري قهرته وهو بيقرب منها بنظرة حادة : مفكره عايزك لحظه ع ذمتي , ده انا بسببك كرهت نفسي
اكرم بتحذير: امير
ايمان بسخريه: سيبه تصرف متوقع ,مولع بالتباهي قدام الستات , بس تحذير خاليها تاخد بالها من كلامها وتتعلم ازاي تبقي انسانه متحضر مع واحده زي, اما لو هتقل ادبها عليا تبقي بتغلط جامد, و متختبرش صبري يا امير متخلنيش اكشف كل ظلمك في المحكمه
امير بنظره هزته: مش بكرهك من فراغ وعادي اكشفي ميهمنيش , لانك مقرفه وانا بحتقرك من اول ما قابلتك ولحد اليوم بكره اشوفك ومش هتبقي في قلبي لحد ما اموت ومترسميش الطيبه قدام صحابك واسمعيني كويس قدام صحابك ايمان مرزوق لما اتجوز ليلي هطلقك وقتها هطلعك نهائي من حباتي
ايمان: مفيش لزوم الانتظار ليه مطلقنيش دلوقت بلاش تبقي جبان امير يا ابن عادل قدام صحابي اوعدك طول ما انا بتنفس مش هقبلك في حياتي الا لو ربنا محي ذاكرتي حنين يله نمشي
ليلي بتحط ايدها في دراعه امير سابها ومشي متعصب جدا
ليلي ضربت الارض برجليها: الله ليه بتتنرفز عليا انا مالي
.............قصص منه محمد كاتب..............
امير قاعد وفيه شئ مكتوم على أنفاسه : مالك مضايق ليه مش ده الي كنت عايزه طول الوقت ليه حاسس بالتعاسه طب لو طلقتها مش يمكن تتجوز راجل تاني ويمكن اكرم عينه منها وياخدها زوجه تانيه لا اطلعي من دماغي عندي ليلي هي اجمل منها بعشر مرات اخرجي من حياتي انا بقرف ابصلك
صابرين دخلت لقته قاعد وكئن اتبدلت ملامحه وسكنها الضيق والقهر: في ايه يا امير انت لسه مش جاهز, و ليه مضايق كده
امير بكدب: ولا حاجه اتصلت بصاحبي حالا , ومفيش شبكه عشان كدا مضايق
صابرين بصت لقت الموبيل بعيد عنه سحبت البدله وراحت له: خد البس شويه وهنمشي بلاش نتاخر انا متأكده هتكون مبسوط في حياتك مع ليلي
امير خرج تنهيده طالعه من قلبه الحزين وقام فتح البلكونه حاول يشم الهوا ونزلت دموعه تجري ع خده مليانه قهرو ألم وكأن تملكه تأنيب الضمير لما افتكر كلمه ايمان....بالشكل ده عمرك ما هتشوف راحه في حياتك لانك مش بتتقي الله
.................قصص منه محمد كاتب............
قاعده تتكلم واتس وتضحك بسعاده كبيره
ايمان خرجت وبصتلها: شكلك مبسوطه
حنين: حددنا انا واكرم معاد فرحنا بعد ما اهلنا وافقوا
ايمان بسعاده: بجد
حنين: ايوه
ايمان: الحمد لله هيبقي عندك الي ينام جنبك انتي واكرم لايقين ع بعض مبروك انتم الاتنين نفس الوضع الاجتماعي ع عكسي انا من عايله فقيره وطمعت اتجوز واحد غني وعشان كدا بقيت كده
حنين: ايمي ليه تتكلمي عننا كده , اهلنا مش وافقوا عشان اكرم نفس المستوي , بس عشان بنحب بعض, ايمي انتي عارفه اهلي شيفاهم في نفس مستوي اهل اكرم الاجتماعي, متخليش نقطه سوده تعكر جردل لبن كامل , متفكريش كل الاغنياء معدومين القلب , ولا كل الفقراء طيبين كل البشر فيهم الكويس والوحش فيهم الصالح والفاسد والانسان الي بيكتب الشر ع نفسه مش من اهله
ايمان: حنين انتي فهمتي كلامي غلط , عمري ما اتحيزت ضدي اي شخص وخاصا انتي واكرم او واهلك انا بس بشارك تجربتي لو كنت من اسره غنيه في رايك السيد امير واهله كانوا هيعاملوني بالطريقه دي وانا اسفه لو اسات اليكي مش عارفه ليه انا عصبيه الليله شكلي عندي اكتئاب بعد الولاده
حنين: ولا حزينه انه هيتجوز الليله
ايمان بصت في ساعه الموبيل وقالت: الساعه 11 زمانه اتجوز, وبشكل غيررسمي انا مطلقه دلوقت , يبقي ليه احزن انا عايزه اخلص من المختل ده , واعيش لولادي, انا متماسكه بسببهم
حنين : بس لسه بتعيطي
ايمان وهي بتقوم: وانتي تلفونك بيرن ردي ع ما اقوم اشوف بنتي
ايمان دخلت وهننت بنتها الي بتعيط: مالك ليه رافضه تاخدي الرضعه ,معدتك بتوجعك
حنين دخلت بفزع: ايمان اكرم بلغني حالا امير وامه عملوا حادثه صعبه , وامه فيها كدمات وكسور, اما امير في غرفه العمليات وفرصه نجاته ضعيفه لو عايزه تروحي تعالي اوصلك
ايمان حطت دماغها ع المخده وقالت ببرود وعدم مبالاة: انا هنام , واتمني بنتي تنام لحد الصبح ,ومتعيطش فجأه
حنين أستغرب رد فعلها ع الحدث الجلل: ايمان بقولك امير عمل حادثه وهو رايح لبيت ليلي والحادثه حصلت المغرب واكرم لسه عارف من شويه وامير حالته خطيره , وطلب ابوه من اكرم يقولك لانك لسه ع ذمته ولو مات هيبقوا ولادك ايتام
ايمان نزلت دموعها وقالت: اذا كان عيالي ايتام من ولادتهم وانا عايشه ارمله من شهور
اسوب ياتري هيحصل ايه في حكايتنا يله هوب نشقلب الاحداث لصالح ايمان