رواية قربك حياه وبعدك منفي الفصل الثالث العشرون 23 من هنا
"وما الحبُّ إلا طاعةٌ وتجاوزٌ / وإنْ أكثرُوا أوصافَهُ والمعاني".
في مكالمه بينهم
اسيل:دي اخر محاضره وهخلص
عمر:تمام انا في البيت هخلص شوية شغل على الاب توب واما تخلصي رن عليا
اسيل بابتسامه اووكي هنروح فين ؟؟
عمر:اللي حياتي هتؤمر بيه هنعمله
اسيل وابتسمت بقوه طيب فكر انت في مكان بقا على ما اخلص
عمر :ماشي يا قلبي
عمر قفل مع اسيل
وحط الموبيل جمبه وفتح الاب توب
موبيله رن
بص وكانت فرح
عمر وفتح الاسبيكار
عمر:ايوه فرح ازيك
فرح بصوت مخنوق من اثر العياط ايوه ياعمر
عمر بقلق:مالك في ايه؟؟؟
فرح ببكاء معلش ياعمر بس بابا دخل عمليات دلوقت وانا وماما لوحدنا و..
عمر:بس بس اهدي انتي فين بالظبط وازاي متعرفينش ان كمال بيه هيعمل عمليه
فرح ببكاء:الدكتور طلب فجاءه انا خايفه اووي انا حاسه ان بابا حالته بتسوء انا بعدت عن ماما عشان مش قادره امسك دموعي
عمر:طيب اهدي انا جاي على طول
عمر اخد حاجته وركب عربيته
وطلع على المستشفى وعربية الحرس معه
وصل المستشفى كانت فرح ومامتها هناك منتظرين
سلم عليهم وحاول يطمنهم وقعد جمبهم
موبيله رن وكان يحيى
ولما عرف هو كمان جالهم المستشفى عشان يكون جمب فرح ومامتها
موبيل عمر رن تاني وكانت اسيل
عمر واخد الموبيل وبعد
ورد
اسيل بمرح انا خلصت ياهندسه
عمر:احم ايوه ياروحي
اسيل:ايه اطلع بقا عشان مفضلش واقفه كتير
عمر:معلش يا اسيل مش هنعرف نخرج النهارده
اسيل:ليه في حاجه انت كويس
عمر:متقلقيش كويس بس فرح...
اسيل قاطعته بضيق:فرح تاني مالها المره دي
عمر:باباها بيعمل عمليه دلوقت وكلمتني
اسيل:واحنا مالنا بجد
عمر:البنت هي ومامتها لوحدهم مينفعش اسيبهم ياسيلا
اسيل بصوت مخنوق لا ياعمر خليك جمبهم واتفقل انا ياسيدي يارب ست فرح تكون مرتاحه كدا
اسيل وقفلت الخط.
عمر وبص للمكالمه لاقها قفلت
اتنهد بضيق ورجع عند المكان اللي الكل فيه
شكله كان مضايق
قعد جمب يحيى
يحيى:في ايه مالك؟؟؟
عمر بضيق:مفيش..بنت عمك دي مخها جزمه
يحيى وابتسم بخفه طيب اهدا بس كله بيعدي
عمر كان هيرد بس
الدكاتره خرجوا من غرفة العمليات
الكل اتلف حوليهم وبداء يطمنوا على كمال والعمليه
الدكاتره طمنهم
واتنقل غرفه عاديه
عمر ويحيى اطمنوا عليه وقرروا ان هيمشوا
فرح:شكرا اووي ياعمر انك كنت جمبي
عمر:العفو يابنتي في ايه انت اختي يعني
فرح :شكرا اووي يابشمهندس يحيى تعتبكم معايا
يحيى:عيب يافرح لو احتاجتي اي حاجه بس ابقي كلمني
فرح بابتسامه خفيفه ميرسي اوووي
عمر ويحيى لو واحد فيهم ركب عربيته ورجع على بيته
عمر ورن على اسيل مكنش بيجمع استغرب شويه
عمر بس اتفاجاء اكتر لما فتح الواتساب وتقريبا لاقها عامله له بلوك
عمر :اه يامجنونه يا اسيل
عمر قرر يسبها تهدأ شويه هيبقا يكلمها
عدى يومين
اسيل كانت راجعه من الجامعه
دخلت الفيلا
الكل كان موجود
القت عليهم السلام
نسرين بفرح تعالي يا اسيل خالو عايز يأخد رايك في حاجه
اسيل وقربت منهم في حاجه ياخالو
صلاح:اه ياحبيبتي البشمهندس عمر الشهاووي كلمني النهارده وبيطلب ايدك
اسيل بضيق:وانا مش موافقه
يارا بتعجب اسيل في ايه؟؟
اسيل:زي ما. سمعتوا مش موافقه مش عايزاه
نسرين:ايه الجنان دا هو في ايه بالظبط هو عمر يترفض
اسيل بعصبيه اه يترفض والا انتوا خايفين تقولوله للشغل يتعطل
في الوقت دا نسرين ضربتها بالقلم انتي مش مؤدبه
اسيل وحطت ايدها مكان القلم
صلاح بغضب:مش كدا يانسرين في ايه؟؟
نسرين وهي بتبص بضيق ل اسيل:بفوقها
يارا ومسكت اسيل من ايدها تعالي يا اسيل تعالي نطلع فوق
يارا واخدت اسيل اللي دموعها نزلت اول مره خالتها تمد ايدها عليها
طلعوا على فوق دخلوا اوضة اسيل
يارا:في ايه يا اسيل وهو انتي متخانقه انتي وعمر؟؟؟
اسيل ومسحت دموعها
وقعدت على السرير
فتحت الموبيل وشالت البلوك ورنت على عمر
عمر وفتح الخط
عمر:اممم البلوك اتشال خلاص
اسيل بعصبيه انا مش موافقه ياعمر مش موافقه على جوازنا
عمر بتعجب في ايه يابنتي انتي هبله والا ايه؟؟
اسيل بعصبيه مفرطه وغضب اهوه انت
عمر بغضب طولت لسانك يا اسيل وبتغلطي ماشي مش هعدلك . اقفلي
اسيل وقفلت الخط
ورمت الموبيل بضيق جمبها
يارا:ايه يا اسيل في ايه لكل دا؟؟؟
اسيل:مش عايزاه ومش عايزه اي حد يكلمني في الموضوع دا تاني
يارا:طيب اهدا بس
تاتي يوم في الجامعه
مي:يخربيت جنانك ايه اللي جرالك يا اسيل دا انا بتمنى اليوم اللي هترطبتي انتي وعمر
اسيل:الموضوع دا اصلا انتهي يامي وياريت نبطل كلام فيه
مي بصتلها باستغراب وسكتت
عدى اسبوع
عمر كان متعصب من اسيل وخصوصا من تصرفتها وانها كل يوم تنزل صور ليها على السوشيال ميديا ودا كان اتفاق بينها وبين عمر انها متنزلش صور ليها
وكل يوم استوري بصورها ف ي مكان مختلف
عمر كان بيبوص على الصور بضيق وغضب وعارف انها بتعاند فيه
في شركة علام
نسرين:انت قلقان ليه؟؟
صلاح :بصراحه مش عارف لو عمر الشهاووي سألني عن موضوع اسيل هرد اقول ايه
نسرين :اكيد يعني مش هيسألك في الاجتماع
صلاح:انا كنت ناوي لو كلمني في الموبيل اقوله مفيش نصيب بس في الموبيل غير لما يكون وجه لوجه كدا
نسرين:لو سألك قوله بتفكر
صلاح :ربنا يسهل .خلي يارا تستعد
نسرين:مصممه انها تحضر معاك الاجتماع دا
صلاح:سبيها اهي واخده الامور بجد عن الاستاذ مروان صحيح هو هيرجع امتى من الساحل
نسرين :كان بيقول بعد يومين...
ــــــــــــــــــــــــــ
في غرفة الاجتماعات
كان يجلس عمر وبحيى ومعاهم فرح وسكرتيرة عمر
عمر:كدا تمام؟؟
فرح:تمام يابشمهندس
يحيى:ابعتلي بس الفلاشه اللي عليها الشغل مع اي حد من شركتك
فرح:تمام على طول حاضر
يحيى ووضع ورق قدامها معلش بقا امضتك على الورق دا
فرح بابتسامه تمام وبداءت تمضي
عمر ووجه كلامه للسكرتيره لو سمحتي يانهي اطلبي لنا قهوه
نهى حاضر يافندم
نهى وطلبت لهم قهوه
عمر ليحيى :فاضل شغل ايه؟؟؟
يحيى:عندنا اجتماع مع شركة علام
عمر:تمام.
ثم وجه كلامه لفرح: كمال بيه عامل ايه؟؟
فرح:الحمدلله احسن بس الحركه بس صعبه شويه
عمر:ربنا يشفيه
الجميع ياارب
عمر ومسك الموبيل
كان واصله اشعارات كتير ان اسيل حطت استوري على البيدج بتاعها
بص عليهم بضيق
وقفل الموبيل بزهق وحاطه على التربيزه بضيق
فرح ويحيى بصوله بس محدش اتكلم
القهوه وصلت شربوها
وفرح مشيت
ووصل صلاح ويارا
اللي اتفجاء من وجودها يحيى
مش هينكر من جواه انه كان نفسه يشوفها
بس اكتر حاجه جذبت انتباهه ان لابسها اتغير على الاقل انه مقفول وبكم
قعدوا وبدوا يتناقشوا في الشغل
يارا مكنتش بتتكلم كتير وكانت سايبه المساحه لصلاح في الكلام وكانت بس بتخرج معه الورق
عمر كان عملي جدا ومتكلمش في حاجه خارج الشغل
اما يحيى فكان بيحاول يبقى طبيعي وميبصش عليها
يارا كانت طول الوقت باصه قدامها هي مش ناسيه يوم ماهو طلب ان اي شغل ميكونش غير مع نسرين او صلاح
خلصوا كل حاجه
عمر:مين هيمضي مكان مروان المفروض هو المدير التنفيذي
صلاح:يارا هتمضي عادي مكان مروان
عمر :تمام
عمر وقام وقف خلاص يا يحيى مضي استاذه يارا وانا هاخد صلاح بيه ونشرب القهوه في مكتبي ياريت تخلصوا وتحصلونا
يحيى:تمام
عمر :اتفضل ياصلاح بيه
صلاح وقام اتحرك هيخرج بره الغرفه
عمر اتحرك ووطى على يحيى ابقى افتكر الجمايل دي
ابتسم يحيى بخفه وهو باصص قدامه
عمر وخرج وحصل صلاح
يحيى:عامله ايه؟؟
يارا بجديه من غير ما تبصله كويسه
مش هينكر انه كان جامد وحاد معها
يحيى وبداء يخرج ورق
يحيى:ماشي اتفضلي
يارا واخدت الورق وبداءت تمضي مكان اخوها
يحيى:فين مروان؟
يارا باختصار مسافر
يحيى:اممم تمام
يارا:في حاجه تانيه؟؟؟
يحيى:اه
يارا:فين؟؟
يحيى:جميل اووي اللبس اللي انتي لابساه دا
في الوقت دا يارا واقفت تمام يبقا الشغل خلص يابشمهندس
يارا واتحركت عشان تخرج
يحيى وماسكها من ذراعها
يارا وبصتله
يحيى:سوري كنت قاسي اوي عليكي وعلى. نفسي
يارا:مش فاهمه؟؟
يحيى:انتي فهمه كويس انا اقصد ايه
يارا وبتحاول تمنع دموعها لا مش فاهمه ولا عايزه افهم
وخرجت من الاوضه ودموعها نزلت
مسحت دموعها وقعدت في الاستراحه تنتظر والدها
يحيى وخرج وعلى طول على مكتب عمر...
ـــــــــــــــــــــــــــ
عمر وبلال كانوا مع بعض عند بلال
بلال:اخيرا يابني
عمر:معلش انت عارف كنت مشغول الايام اللي فاتت
بلال:انا عارف ياعمر اخباركم ايه؟
عمر:تمام
بلال:يعني كلمت بسمهندس صلاح
عمر وفهم انه بيتكلم عنه هو واسيل
عمر وبصله شويه الابله اسيل مش عايزه تتجوزني وكل يوم التاني بتعاند وتحط صور ليها على السوشيال مديا بس والله لرابيها بس اصبر عليا هفوق لها
بلال:ايه اللي قلب حالكم كدا
عمر:مش متقبله وجود فرح يا بلال وللاسف فرح النهارده مكان ابوها مقدرش اسحب الشغل بسهوله كدا وبعدين حتى لو فكرت اعمل كدا مش يوم وليله زي ماهي مفكره دا ياخد سنين
بلال:فهمها دا براحه هي بتحبك
عمر :اتكلمت كتير بس الهانم مش مش مقتنعه وبعدين اسيل في عيله كلها كدا مش جديد عليها يعني
بلال:ربنا يهديها
عمر جاله اشعار على الموبيل
كانت اسيل نزلت صوره
عمر:اهي الهانم نزلت صوره هي
فتح الصوره
اتفاجاء ببوست ل اسيل في صوره مع ولد
وكاتبه على الصوره
(الصديق وقت الضيق، وهو الأخ الذي لم تلدُه أمك)
عمر ووقف بصدمه وغضب والله لاربيكي يا اسيل
بلال وقف في ايه ياعمر
عمر ودورله الموبيل شوف بنفسك
بلال :طيب اهدا انا هحاول ارن عليها
عمر وبص في ساعته لا انا بقا هروحلها وعرفها الصديق اللي بجد
عمر نزل وبلال نزل وراه وركب معه
بلال:انت هتروح فين؟؟
عمر كان سايق بغضب ومردتش
وقفوا عند جريده اللي اسيل بتدرب فيها
اسيل وركبت مع الولد اللي كان معها في الصوره وكان اسمه شهاب وزميلها في الجامعه
عمر واتحرك وراهم بالعربيه
ووصل ليهم ووقف قدام العربيه بالعرض
شهاب:في ايه يابنى اد م انت؟؟
عمر ونزل من العربيه وفتح عربية شهاب وشد اسيل من ايدها
اسيل بضيق في ايه ياعمر؟؟؟
شهاب نزل وقرب من عمر في ايه يا استاذ انت
وقتها قرب وساب اسيل ومسك في شهاب
عمر ووضع ايده عند حنجرته وضغط بقوه
عمر واتكلم بصوت كله غضب دي تخص عمر الشهاوووي سامع تخصني انا بتاعتي انا فاهم والا لا
شهاب مكانش قادر ينطق من الخنقه بلال قرب منهم وقدر يبعد عمر عن شهاب