ضحيه فرعون
حنين وهي منهارة : زي ما بقولك اتصل , بيها ممدوح يبلغها ان امير بيته اتسرق واتجرح , وادعي انه بيهلوس بأسمها , عشان كدا جريت ع بيته بهدوم البيت
اكرم: بس امير اصر ان هي الي وقعت بيه
حنين: ماهي دي الكارثه انا اول ما وصلت بيته نزلتها ع ما القي ركنه للعربيه , وطلبت منها تسبقني ولما دخلت فرد الامن رفض اطلع لان الوقت كان فعلا اتأخر , وحاولت اتصل بيها مش بترد واكتشفت ان تلفونها معايا في العربيه , ومعرفش رقم امير
اكرم اتنهد بضيق: تمام ومصدق ان ايمان نواياها مش سيئه ولا خبيثه
حنين: ارجوك متسمعش الكلام الي امير بيقوله , انت مفكر ان ايمان معندهاش كرامه
اكرم: تمام فهمت
حنين: ماشي ايه الي هيحصل دلوقت
اكرم: معرفش تعالي اوصلك بيتك الاول, وبعدها اطلع ع بيت امير , ابوه اتصل بيا كذا مره ومش عارف ارد عليه
حنين: يعني اهله عرفه انه اتقبض عليهم في قضيه اداب
اكرم: مع الاسف
..............قصص منه محمد كاتب.............
عمال يهبد بأيده في الجدار من الي بيسمعه وبيحاول يمسك اعصابه لانه قرب أنه ينفجر بأي لحظة وكأنه قنبلة موقوته مصنوعة من قلة الصبر وصرخ: مستحيل ,مش هتجوز البت دي يا بابا
عادل: يعني عايز تتحبس
اكرم قام من مكانه : عمي هستأذن انا
عادل: اقعد يا اكرم انت مش غريب انت ابني دلوقت, مين اعتمد عليه غيرك , امير فكرت في يوم في اسمي وسمعتي, لو الخبر انتشر للصحافه احنا انتهينا وانتهي شغلنا واظن عارف ده كويس , وانا ازاي هواجهه العملاء وشركائي , والناس فكرت في كل ده
امير بعصبيه: يعني يا بابا ده بس الي بتفكر فيه , وبتطلب مني اتجوز البنت الي دمرت حياتي هي وقعتني يا بابا قضت ع حياتي بعملتها , بس عادي انت اصلا عمرك ما همك حياتي, لكن دلوقت همك اتجوز البت الزباله دي
عادل رفع عينه بغضب لـ امير : اسمع سواء رضيت ولا مرضتش , قراري نهائي , وبعد بكره هنكتب الكتاب , وهتتجوزها تعال معايا يا اكرم
امير وهو ثاير جدا : ما تقولي حاجه يا امي, مش انتي كنتي عايزه تجوزيني ليلي , ارجوكي ساعديني يا ماما
صابرين وشها متغير بقهره: لما الامر يتعلق بشرف وسمعه العيله ابوك عمره ما هيتنازل
امير ضم شفايفه مع بعض وضرب ايده بالجدار...ومشى بخطوات سريعه وطلع من البيت
......................قصص منه محمد كاتب..............
قاعده علي سجاده الصلاه ورفعت ايدها للسماء وتدعي : يارب انا مغلوبه ع امري انصرني يارب ......متسبتش حد يظلمني متسبش حد مهما كان .......انت قلت يارب ادعوني استجب لكم ودعوه المظلوم لا يمكن تخذل عبدك فيها ابدا .......وقلت كمان وعزتي وجلالي لانصرنك لو بعد حين ......يارب انت كبير ع كل كبير
حنين دخلت علي عتبه الباب والدمعة معلقة برموشها : انتي منمتيش من امبارح
ايمان بصوت مليان حزن : ازاي يجيلي نوم بكره ولا بعده مش عارفه مصيري
حنين قربت وقعدت قدامها ع الارض:ايمي محدش في العالم يقدر يعرف مصيره ومستقبله وطالما احنا بشر علينا نسعي وندعي ونتوكل , ربنا معاكي متخافيش ربنا سند الصابرين والمظلومين ودعاء المظلوب مستجاب بأذن الله اتصلتي بأمك وابوكي
ايمان حركت دماغها بـ لا لانها ميته رعب وخوف من أبوها ..!!
حنين: ده مش هينفع لازم يعرفه متخلهمش يسمعوا من حد تاني, اجمدي انا هعملك كوبايه ليمون ع ما تكلميهم
ايمان هزت دماغها ومسكت الموبيل وبلغت اهلها الي حصلها وللاسف ابوها انهار وقفل الخط في وشها وهي رمت الموبيل وفضلت تصرخ زي المجنونه وتبكي بقهر
حنين جريت وضمتها: حصل ايه
ايمان ببكاء: بابا قفل السكه في وشي متحملش يسمع الي حصلي مش ده الي كنت عايزه ياحنين
حنين: اصبري اديهم شويه وقت الصدمه كبيره عليهم
ايمان: امي متعرفش لسه , ومعرفش هتستقبل كل ده ازاي
حنين: يا بنتي الموضوع فاجئهم, وكل الي هيعرف هيندهش , المهم انك بريئه وضحيه
ايمان ببكاء شديد: لكن بابا مش مصدقني
حنين: اهدي هتصل بخالك ادهم
ايمان اتعلقت في ايدها تترجاها : لا اوعي تتصلي مكسوفه منه هموت ياحنين هموت طول عمره بيحلف بأخلاقي العاليه وبيعاملني بكل احترام لو عرف اكيد هيخيب ظنه فيا انا دمرت شرفهم انا مجرمه
.............قصص منه محمد كاتب................
امير: مكنتش اتوقع ده منها ابدا رخيصه , وزباله , فلاحه ملهاش اي قيمه
اكرم: امير استغفر كتير واذكر الله , بلاش تبقي من غير ايمان , دايما بيبقي فيه حكمه وري كل محنه , وعارف لما بتكون مضطرب للدرجه مش بتسمع نصيحه اي حد , وخاصا لما نجيب سيره ايمان لكن يا امير
امير قطعه بنبرة حادة : بس كفايه لو عايز تتكلم عن البت دي ياريت تسكت احسن, لان اسمها بيعصبني اكتر
اكرم: بس مش من العدل انك تتهمها من غير ما تديها فرصه تدافع عن نفسها , بأسلوبك ده مفيش حريه التعبير يااخي حتي منظمه حقوق الانسان العالميه بتقر بحريه التعبير
امير ضرب ايده في بعض: بس قضيتي ملهاش علاقه بالقانون انا اتحاصرت انت فاهمني
اكرم: امير حنين شرحت لي الموضوع وفعلا جالهم مكالمه من ممدوح وقالها انك اتعرضت للسرقه لو فعلا ايمان عايزه توقعك ليه جابت حنين معاها بالعقل واحده عايزه تعمل الحرام تروح لوحدها بس جريت من خوفها عليك جات لحد بيتك بالهدوم الي عليها كان كل الي يمهما سلامتك
امير قعد وحط رجل ع التانيه: من طريقه كلامك بتتهم ممدوح انه عايز يوقعني, لو ده فعلا صح ايه دافعه عمري ما عملت معاه عداوه ابدا غير كدا هو صاحبي ودلوقت بس بدأت اقتنع بكل كلمه قالها عنها منطقي ما هي واحده رخيصه
اكرم: حرام عليك كفايه اتهام فيها
امير: انا مش بتهم انا شوفتها بعيني وهو حاضنها هي قدرت تغويه لما كنت مسافر بره ولما مقدرش يظبطها جات تمتلكني لانها خافت للممدوح يتكلم ويكشف اخلاقها الزباله وانا وقعت في فخها
اكرم: ايمان هي الي وقعت في فخكم لانها بنت خام
امير: خام لا يا اكرم هي فضلت تمثل الدور ده عشان تكسب والأغلبية يبقوا في صفها فضلت تتستر بغطا البراءة والطيبة وهي مخبيه خططها جوه ضلوعها , والي بقي واضح قدامي انها ورطتني عشان معايا فلوس لاني غني يااكرم انا بعترف كان عندي شويه مشاعر حب ليها لكن بعد الي عملته فيا بقيت بكرهها كره العمي
عادل: اكرم
اكرم: ابوك بيناديني
............قصص منه محمد كاتب...........
قدام بيت حنين في التجمع واقفه لكن حاسه انها مهزومه وتايهه لكن بتحاول تقف على رجولها ألي حست أنها بأي لحظة هتقع من طولها على الأرض.
اكرم: ايمان حاولي تتماسكي شده وهتزول بأذن الله
ايمان نزلت دمعة من عينها : اكرم ارجوك ساعدني , مش عايزه اتجوزه بعد ما اتهمني اني حبيت اوقعه واورطه, هو بيكرهني يا اكرم
اكرم: عارف وانا شرحت له انك كنتي ضحيه مؤامره , بس مش عايز يصدق ابدا , وكل همه محدش يعرف من الصحافه بالفضيحه لانه هيخسر كل شغله
حنين بنفعال: ده كل الي يهمه شغله واسمه , وايه عن مستقبل الضحايا الي زي ايمان , مش مهم
ايمان: لا بابا مش هيسمح بكده هو ولي امري
اكرم: عشان كدا عايز اروحله
ايمان: بلاش سيبني اتصل بخالي الاول
اكر: تمام
ايمان اتصلت: ايوه ياخالي بابا وماما عاملين ايه طمني والنبي
ادهم: الحمد لله هما بخير بس امك من وقت الخبر حابسه نفسها في الاوضه , وابوكي ساكت بعد ما اتكلمت معاه
ايمان: تقصد ايه اتكلمتوا عن ايه
ادهم:لو الشاب ده قرر يتحمل مسؤليته ويتجوزك ابوكي هيوافق
ايمان فرت دموعها بقهره: ايه ياخالي متقولش ان بابا هيتخلي عني بالسهوله دي , انا معملتش حاجه وحشه , والله انا بريئه
ادهم: ايمان انا اسف مقدرتش اقنع ابوكي اكتر قراره قرار نهائي
ايمان: ولو انا رفضت ياخالي انا مش مستعده اتجوز حد, انا لسه مردتش جميل ابويا ومصاريفه عليا انا عايزه اشتغل وانجح الاول , واساعد في مسؤليه اخواتي الصغيرين معاه
ادهم: ايمان لو رفضتي قرار ابوكي مش هيخليكي تخطي خطوه جوه بيته نهائي
ايمان هنا انهارت وحنين اخدتها في حضنها وفضلت تشهق وبكائها يقطع القلب
.........قصص منه محمد كاتب...................
حاطط الموبيل ع ودنه وعمال يتصل : رد ع التلفون اتصلت الف مره ليه مش بترد ياممدوح هربت ع فين
وقف بقهر وهو حاسس أن الضغط بدء يرتفع عنده..
امه كانت قاعده على الكنبة وووشها باين عليه التعب امير اول ما شافها قاعده اتحرك من مكانه
: ماما اتكلمتي مع بابا يلغي خالص فكره الجواز من البت دي المحامي اكدلي اني هطلع منها ماما انا بتكلم ياتري سمعاني هو انتي مش بتحبيني انتي مستعده اتجوزبنت مش من مستوانا وفقيره ومش من اختيارك انتي مش عارفه انا اد ايه بكرهها ليه تجبروني اتجوزها
صابرين: لان ده الحل الوحيد
امير: قلت لك انا اتحاصرت , مش انتي كان نفسك اتجوز ليلي , وده كان حلمك هتقدري تدمري الحلم ده , هل انتي مستعده
صابرين: امها اتصلت بيا ولغت خطوبتك من ليلي
اميرضرب ايده علي الكرسي: ايه ليه يارب , هي البت دي تغلط وانا اشيل الشيله, اقول ايه لصحابي قوليلي
صابرين: خلاص اتجوزها
امير: لايمكن تجبروني عليها ارجوكي متعمليش فيا كده اقنعي بابا ابوس ايدك
صابرين: ده عشان تخرس الاعلام بعد شهر ولا شهرين اعمل فيها الي انت عايزه انا مش عايزها شريكه في حياه ابني ع اي حال
امير: دي حثاله وفقيره ومحلتهاش اللضا
صابرين: للاسف رغم كل ده لازم تتجوزها , يابني ملهاش حل تاني , ولا عايز تهدم مستقبل العايلة كلها
.............قصص منه محمد كاتب................
يوم كتب الكتاب الي اتعمل ع الضيق في فيلا عائله امير الي أول ماشاف أبو ايمان قاعد
جنب المأذون بصله بنظرة أحتقار وقعد على يمين المأذون لحد ما خلص وامير مسك القلم وهو كاره نفسه ووقع غصب عليه حدف القلم ووسط الدفتر ولف بعيونه والدموع خانقته ......اما ايمان قاعده بعيد عنهم لكن مش مستوعبه ألي بيحصل حاسه نفسها تايهه أو أنه ممكن حلم وبأي لحظة هتصحا منه لكن ايقنت انها خلاص زوجته على سنة الله ورسولة لما عطولها الدفير توقع كأنها بتوقع ع حبل المشنقه
ابوها جه يسلم عليه بصله وبعد تردد مد ايده بالسلام وجه مرزوق يكلمه امير همشه وسابه ومشي وابوها احس جامد بالاهانه
شاهيناز والده ليلي متعمده: صابرين
صابرين بقهر: نعم
شاهيناز عيونها ع مرزوق: انتي تعرفي عايله البت دي
صابرين: معرفش اصلهم , ولا فصلهم , وقعت ابني عشان يتجوزها
شاهيناز: ده الي بيحصل لما الغلابه يخططوا يخرجوا للعز بسرعه , من حظك تاخدي واحده لابنك مجهوله النسب
مرزوق الدمعه فرت من عينه بعد كلامهم : سامع كلامهم عننا يا ادهم
ادهم طبطب ع كتفه: اصبر متاخدش بالك من الكلام الي بيقوله ربنا عالم بالحقيقه
مروزه بدموع: انا مقهور للي حصل لبنتي , شوفت من لحظه جوزها كرهاني ورافض يبصلي دي تصرفات واحد عايز يتجوز بنتي بخاطره
ادهم: متفكرش كدا يامرزوق , انا سألتك فعلا عايز تجوزهاله وانت وافقت , وجاي دلوقت تعلق وتتكلم زي ما تكون ندمان ع قرارك
مروزق: انا ندمان ايمان بنتي الوحيده الي بحبها , جوهره عيلتنا لكن بعد الي عملته كل الصوره دي اتدمرت , عمري ما كنت اتخيل ان بنتي هيبقي فرحها بالطريقه المهينه دي , انا عايز اللطم واعيط بدل الدموع دم
ادهم: خلاص حصل الي حصل وايمان اتجوزت , وقبل ما تمشي من فضلك قابلها لثانيه واحده ممكن
مرزوق اخد نفس وطلب من حنين تدخل تبلغها انه عايز يتكلم معاها قبل ما يسافر القريه وفعلا دخلت وقالت لها لحد ما مروزق دخل غرفتها بقلب مكسور!!
ايمان جريت عليه بدموع: بابا
مروزق: من الساعه دي عيشي حياتك الجديده وانسينا , انتي مش بنتي الي ربيتها وشقيت عليها , مش دي الحياه الي اختارتيها , بس انا وامك بندعيلك تعيشي فيها سعيده دايما متقلقيش علينا هناخد بالنا كويس من نفسنا
ايمان: بابا متقولش كده متعاقبنيش بالشكل ده , والله انا مظلومه
مرزوق: انا بجد ندمان
ايمان ببكاء: لو كنت ندمان مره انا ندمانه الف مره , بس حسرتي الاكبر انك مش مصدقني وامي كمان مش مصدقاني , ورفضت تحضر كتب كتابي, ازاي قدرت تعمل كده
مروزق بشويه عصبيه: ازاي , انتي ليك عين تسألي وتلومي بعد الي عملتيه فينا مش قليل , دي فضيحه جرسه كبيره واثم عظيم
ايمان: اكيد خالي فهمك انا اتعمل عليا مؤامره دنيئه , واتورطت ليه مش عايز تصدقني
مرزوق اتعصب: ليه روحتي بيته , فين كرامتك مفكرتيش خالص في شرفنا , الناس هيقوله عننا ايه في القريه , هنخبي وشوشنا فين انا واخواتك الرجاله , ده جزاء اننا ربناكي وعلمناكي انا بعت الي ورايا عشان ادخلك اغلي جامعه , عشان متبقيش اقل من اي حد دخلتك الجامعه الي بيدخلوها ولاد الناس الاكابر, انا حرمت نفسي واخواتك من كل حاجه عشانك
ايمان: ليه مصدق كلام غيري اكتر من كلام بنتك , روح اسال حنين كانت معايا وقتها
مروزق: انسي ده الظابط منزلك من شقه الشاب بالليل , اللوم كله عليكي , كنتي بتعملي ايه عنده بالليل روحي الله لا يسامحك , انا بحس بخنقه لما بفكر في عارك , امك عماله تعيط ليل ونهار , طبعا بتتمنالنا الموت ده هيفرحك اكتر
ايمان ببكاء بنهيار: بابا متقولش كده ,متعملش فيا كده والنبي سامحوني حقكم عليا بس متطردنيش من حياتكم , ابوس ايدك ارحم حالي وسامحني , متخلنيش بنت عاصيه سامحني
مرزوق نفسه يحضنها يخفف عنها لكن عملتها مخليه قلبه حجرجامد عليها ...وسابها وطلع وهي جريت وراه بتصرخ وبتحاول تمسكه لكن هو مد بخطواته لدرجه ووقعت ع الارض
ايمان زحفت بجسمها: استني يا بابا
حنين: اصبري
ايمان : بابا سامحني
ادهم مسح علي دهرها برحمه: كفايه يا ايمان , الناس بتتفرج عليكي مش كدا
حنين اخدتها وغسلت لها وشها وقعدتها ع حرف السرير وضمتها لصدرها: ايمي هديتي لان انا لازم اروح البيت
ايمان:انتي كمان هتسبيني مبقاش ليا حد , بابا وماما اتخلوا عني, انا جبتلهم العار انا واحده ملهاش كرامه ولا قيمه
حنين تمسح على شعر ايمان :متخلوش عنك , هما بس زعلانين شويه منك
ايمان: ياريت سمعت كلامك ومشتغلتش في شركه امير, مكنش كل ده حصلي, ليه مفكرتش في نفسي قبل ما احب واحد غني وبصفات امير القاسي العصبي, المزاجي , الهمجي , الي عمره ما حبني ابدأ , واتضح انه كان بيلعب بمشاعري طول الوقت ازاي محستش ياحنين
حنين بتمسح دموعها : كبشر بنرسم لحاجات ونرتبت لحاجات لكن ربنا مقررلنا كل شئ , اعتبري ده قدرك ونصيبك كل شئ مكتوب , امير دلوقت بقي جوزك وشريك حياتك , محدش يقدر يمنع النصيب وانا عارفه انك جامده وربنا موجود الجئ له انتي قويه بيه
...........قصص منه محمد كاتب................
اكرم رفع جاكت البدله من ع الارض وضربه في كتفه: انا مروح البيت افتكر انت دلوقت جوزها مبقتش عدوها وعاملها بالحسني
امير لف بصله بغضب: اعامل مين, انت مفكر هقدر اعاملها بالحسني بعد ما ورطتني دي كان لازم تموت
اكرم: يعني ده مش شاملها زيك انت سألت ممدوح
امير: مشفتهوش لسه اخد اجازه طارئه امه عيانه
اكرم: هو ده شخص تثق فيه
امير بلهجه حادة : انا مش فاهم انت ليه عمال تدافع عن البت دي كتير , معقول واثق فيها اكتر من ممدوح صاحبنا
اكرم: لا ممدوح مش صاحبي , صاحبك انت , وخلاص انتهي واتحسمت المسأله , كمل في حياتك الجديده مفيش داعي ترمي اللوم ع حد تاني
صابرين بحده شديده: لو مكنش غلط البت دي تبقي غلطه ابني
اكرم: لا يا طنط , بس انا بقول ننسي الماضي وان شاء الله الجاي افضل واحسن
صابرين بتهكم: سهل عليك تقول كده لانك مش في مكانه , تخيل لقيت نفسك ضحيه زيه لمؤامره نصبتهالك بنت فلاحه شعورك هيكون عامل ازاي
اكرم: انا اسف هرجع البيت مبروك
صابرين: ارجع بيتك يله , امير اياك تتساهل معاها, انت الضحيه مش هي , افتكر ده
.............قصص منه محمد كاتب.................
قاعده ع سجاده الصلاه ورافعه ايدها للسماء وبتدعي بدموعها الغزيره: يارب اغفر لجوزي وابويا وامي ..........واغفر ذنوبي .........يارب قوي قلبي عشان اقدر اواجهه يارب لو دي مشيئتك انا قابله وارضيه .......اجعلني زوجه صالحه...... وحنن قلب جوزي عليا وخاليه يقبلني, و اسعدنا وباركلنا في حياتنا( حطت ايدها ع وشها وانهمرت في العياط)
امير بدون مقدمات فتح الباب وزقه بقوة ودخل وبصلها وهو رافع حاجب وقال بنبره كلها تريقه: ايه ده هو الي زيك يعرفوا ربنا
ايمان قامت لمت السجاده وطبقتها وحطتها ع ايد الكرسي
امير: يا بقره ايه ده ارفعيها , بقولك ارفعيها , اسمعي مش هسمحلك تشاركيني حاجاتي مفهوم حطي ده في عقلك , ومن دلوقت انسي تشمي قرش واحد من فلوسي , سمعاني لازم تتاذي وتاخدي درس
ايمان فضلت واقفه مكانها زي الجماد لحد ما دخل الحمام وطلع بالبورنس وراح قلعه وهي لفت وشها
امير لبس بنطلون وتي شيرت وقال بكل معاني الأحتقار: وش كسوف اوي , هما الي معدومين الكرامه امثالك يعرفوا الكسوف
ايمان فضلت واثقفه زي ماهي ومايلة بجسمها بعيد عنه
امير اتجنن وجر كف ايدها بقوة لوحه لوري وهي صرخت : سيب دراعي يا امير
امير اتك ع اسنانه : انتي تعرفي الالم وعن المي انا ايه , ياتري فكرتي في وجعي
ايمان صرخت في وشه : لما مش بتحبني ليه اتجوزتني , انا مجبرتكش عليا
امير ضربها بالقلم لدرجه ايمان وقعت جامد ع الارض وحست بكل معاني الذل
امير صرخ فيها: قومي , بقولك قومي ( سحبها بقوه) يبقي تقومي , انتي حثاله
ايمان بتدفعه عنها:ابعد عني
امير سحبها من شعرها: قومي ضربي بيوجعك , ده ميجيش حاجه جنب وجعي ,ولو رديتي عليا كدا تاني هكسر راسك
ايمان : ابعد ايدك عن شعري يا امير
امير بيشد اكتر بقسوه : اياك تنطقي اسمي, الواحده الرخيصه الي زيك متقولش اسمي بود فاهمه ومن الساعه دي اسمي سيد امير مفهوم سمعتي
ايمان بألم: سمعت سيد امير فهمت
امير زقها ع الارض وضرب أيده في بعض وأخد نفس بقوة يحاول يهدى وميعملش اي شئ يندم عليه...مشى بخطوات سريعه وحدف جسمه ع السرير ....اما ايمان كورت جسمها وحطت ايدها على بؤها تبكي بحرقة بدون صوت وتحاول مايطلعش لشهقاتها صوت والدموع على خدها ماوقفتش بعد ما قدرت تلملم نفسها شويه قامت تناجي ربها يفك كربها وفضلت كدا لحد ما شقشق النهار بيوم جديد قامت ولبست فستان بسيط وحجاب وبصت في المرايا تشوف جرح خدها ورفعت شفتها لفوق وقالت : الحمد لله شفتي مجروحه من جوه مش من بره , بس فيه كدمه في خدي يله ادريها بكريم الاساس متجوزه ولا مصارع كاراتيه
ايمان خلصت وحطت الحاجه في الشنطه وبتلف لقته واقف يبصلها بنظرة غريبة
ايمان بعدت عيونها عن عيونه وقالت في سرها: هو بيبصلي اوي كده ليه ياتري بيحب يشوف وشي وهو متشلفط ولا هيطلب مني ارتب السرير لا مش هلمس حاجاته ولا هيضربني مره تانيه
امير فضل وهي فضلت تتسحب بجسمها لحد ما قدرت توصل للباب وهي بتجري شد طرحتها بمداعبه وفضل يضحك عليها وهي بتجري منه زي العبيطه وقعد ع حرف السرير وقال: هي حلوه وبسيطه وشوفتها بجد بتسرني لو طاوعت مشاعري( سكت) لاء, لاء , لاء, لحظه ضعف واحده منك هتوقعك تحت رجليها يعني مش عارفه نوايها الحقيقه .....انها توقعك في شبكها ....بس مترفعيش امالك يا ايمي .........هحرص تركعي تحت رجلي تبكي معتذره , ووقتها هكشف حقيقتك للجميع....... والله لا أخلي أيامك سوده .....ان ماخليتك تندمي على الي عملتيه فيا , ما أكون امير صبرك عليا