رواية القاسي والبريئه الفصل الحادي والاربعون41 بقلم ايمان ابراهيم

ليندا طبعا كانت محتاسه واتوترت وحست ان دماغها وقفت بس قالت لنفسها اهدى يا ليندا اهدى خالص مفيش غير انى اروح للمحل تانى واشوف حل وفعلا اخدت الفستان وراحت للمحل ودخلت لصاحبته صباح الخير الست ردت عليها صباح النور اهلا بعروستنا القمر خير اوعى يكون الفستان فى حاجه قالتلها لا والله ده جميل هو بس فى حاجه كده عايزة اسالك عليها ممكن نغطى الاكتاف بس لان خطيبيى مش حابب خالص انه مكشوف قالتلها بصي هو الموضوع هياخد وقت شويه بس عندى فكرة سهلة وبسيطة سيبى الفستان ساعتين او تلاته كده عشام اقدر اظبطه ليندا فرحت قالتلها بجد 😍😍  انا متشكرة اوى اوى وشريف كان بيتصل بيها عشان يشوف هى عملت ايه شريف الو يا ديدا حبيبتى عاملة ايه وحشتينى ليندا قالتله يسلام ايه الروقان اللى انت فيه ده 😄😄 الصراحة هو تنح حبتين😅😅  انت مروق دماغك وانا اللى لايصة قالها ليه بس يا حبيبتى قالتله عشان بظبط الفستان قالها اه ودى صعبه يعنى ده يتقفل فى ساعة زمن وكمان عشان ماخدتيش رايى كان زمانك رايقة زيي كده وبعدين هو الصح انه يبقى محتشم  المهلبيه دى متتكشفش على حد غيرى 😉😉😉 ليندا بعد ما كانت متعصبه راحت ضاحكة 😄😄  تصدق انا كنت متغاظة منك بس انت بتعرف تتطلعنى من عصبيتى قالها  انتى حبيبتى ولازم احافظ عليكى ولما قلتلك لازم الفستان يبقى محتشم ده عشان انا بغير عليكى مش عشان اتحكم او اضايقك واظن انا عمرى ما قلتلك ملاحظات على لبسك لان دايما كنت شايف انه كويس ومفيش حاجه مكشوفه او ملفته لكن اليوم ده كل العيون هتبقى علينا هو اه كل اللى هيبقوا موجودين دول اهلنا بس برضه لازم احافظ عليكى عشان بحبك اوى ليندا فرحت اوى اوى بكلام شريف وقالتله يا حبيبى ياشريف وانا بحبك اوى اوى ولما جبته كنت عايزة ابقى حلوة فى عينيك والله لان اليوم ده مش هيتكرر تانى قالها عارف وفاهم بس المكشوف ده خليه واحنا مع بعض 😉😉 ليا لوحدى يا قلبى انتى ساعتها اكشفى زى مانتى عايزة 😄😄😄  ليندا قالتله وبعدين بقى فى لسانك الطويل ده قالها خلاص كلها شويه وهتبقى حلالى بقى براحتى شويه بقى قالتله بقلك ايه احنا نقفل عشان الحق اخلص اللى ورايا قالها ماشي حبيبتى خلى بالك من نفسك ولما تخلص طمنينى عليكى قالتله حاضر يا حبيبى مع السلامة .

عند جاسر وهديه كانت مجهزة الفستان بتاعها كان لونه ازرق كتف تلتين والكتف التانى حماله عريضه ونازل على واسع خفيف عشان يناسب جسمها بعد الحمل وكانت بتلبسه عشان تشوف شكله عليها وجاسر دخل عليها وشاف الكتف اللى باين قالها ايه ده يا هانم ان شاء الله قالتله ايه جاسر فى ايه قالها ايه الكتف اللى باين ده قالتله ماهى حماله عريضه اهى وشعرى كمان هيداريه قالها ولما شعرك يبقى مش مدارى اعمل ايه بقى قالتله يعنى ايه قالها يعنى تشوفى حل لان مش هتنزلى بالكتف اللى باين ده خلى اختك تشفلك حل  والا صدقينى الفستان مش هيتلبس وسابها ومشى قالت يووووه بقى اعمل ايه دلوقتى وراحت متصلة برقيه الو يارقيه الحقينى رقيه فى ايه يا بنتى الخضه دى قالتلها اللى حصل اعمل ايه بقى ياست روكا قالتلها متقلقيش انا هاجى واظبطلك الدنيا ورقيه فعلا قامت عشان تلحق تروح لهديه وتظبطلها الفستان ورقيه طبعا دى شغلتها فعرفت تعملها كم زى الكتف التانى والحمد لله خلصوا وهديه قالتلها تسلم ايدك يا حبيبتى مش عارفه من غيرك كنت هحل الموضوع ده ازاى والوقت ضيق وجاسر كمان محبكها اوى رقيه قالتلها الحمدلله ان عندى اصلا كمان لون فستانك انا بحب اخلى عندى كده زى كميه احتياطى من الوان اقمشه تحسبا يعنى لاى ظرف وقالتلها طيب يا هدهد انا هروح بقى عشان عندى شغل لازم اخلصه وكمان عشان اكلم اس اس هديه قالتلها ماشي يا عم 😉  مع السلامة وهديه راحت لجاسر وقالتله خلاص ادينى عملت الفستان يا جاسر انا مش عارفه من غير رقيه كنت هعمل ايه قالها كنت هنزل معاكى طبعا نجيب واحد تانى وانسي خالص انك تلبسي اى حاجه مكشوفه تانى انا مش راضى اقلك انك لازم تلبسي الحجاب وسايبك تلبسيه من نفسك لان ده الصح فلما اقلك مفيش مكشوف بقى ابقى مغلطش ولا ايه قالتله انا مقلتش حاجه انا كنت بتكلم عاى ضيق الوقت بس الحمدلله اديها اتحلت بس فى حاجه تانيه قلها خير قالتله نهلة انا مش عارفه ازاى هقدر اكلمها انا محرجه الصراحه قالها انا ليا كلام معاها وهفهمها هى من فترة كانت قالتلى على حد معاها فى الشغل بس هى اللى لسه مترددة شويه هديه قالتله ياريت والله نهلة بنت حلال وتستاهل كل خير جاسر قالها لما هكلمها هقلك قالتله خلاص ماشي .

جاسر فعلا راح عشان يتكلم مع نهلة طلع عندهم فى الشقه وخبط عليها انا جاسر يا نهلة قالتله تعالى ياجاسر راح دخل قالها ازيك يا نهلة واخبار الشغل قالتله الحمدلله قالها بصي يانهلة انتى طبعا عارفه ان شريف خطب وكتب كتابه خلاص قرب اوى وهديه محرجه تقلك يعنى على اساس انك كنتى خطيبته فى يوم من الايام نهلة قالتله قبل ما تكمل ياجاسر انا هاجى عادى لسببين اولا  عشان خلاص الموضوع فعلا انتهى بالنسبالى بجد واذا مجتش هيتفهم ان لسه فى حاجه وانا بجد مفيش اى حاجه خلاص انا اتمنى لشريف كل خير والسبب التانى عشان هديه متفتكرش انى واخده موقف منها انا بحبها بجد وهى ملهاش زمب فى اى حاجه وانا هكلمها بنفسي كمان عشان تتطمن جاسر قالها كده انتى ريحتينى ووفرتى عليا كلام كتيير خلاص انا كده ارتحت اسيبك انا بقى واعملى حسابك ان بكرة هنروح كتب الكتاب وعلى فكرة انا مش ناسي موضوعك انا سايبك تفكرى قالتله انا فكرت وموافقه بس هو هيتنقل مصر وانا موافقه على كده والمرة دى متقوليش مفيش سفر بقى والكلام ده انا مش هروح المريخ يعنى دى كلها ساعتين زمن قالها ماشي يا نهلة اللى فى الخير يقدمه ربنا نخلص بس من كتب كتاب شريف واخوكى وافوقلك بس تقدرى تقوليله انى هقابله وتفهميه الظروف قالتله ماشي هكلمه لانه مستنى الرد جاسر قالها تمام انا هنزل بقى وهستناكى انتى واحمد على الغدا النهاردة قالتله ماشي وسابها ونزل وفتح الباب ونادى على هديه وحكالها اللى حصل قالتله طيب الحمدلله بجد لانى مكنتش عارفه اعمل ايه قالها خلاص الموضوع خلصان وعلى فكرة انا قلتلها هى واحمد يجو يتغدوا معانا النهاردة ماشى قالتله ينوروا طبعا  هخلى بدريه تعمل حسابها قالها طيب انا هروح المكتب اشوف شويه حاجات بخصوص الارض والحسابات اعمليلى قهوة بقى وهاتيها قالتله ماشي .

نهلة بقى اللى متقدلها ده اسمه مصطفى وده كان معاها فى الرحلة اللى طلعتها واعجب بيها من ساعتها وحاول يتكلم معاها شويه بس هى كانت متحفظة شويه فى كلامها معاه بس هو كان انسان واضح ودوغرى قالها انه معجب بيها من فترة بس لما لاقها اتخبطت سكت ولما ملقاش الدبلة فى ايدها عرف انه خلاص حس ان الامل اتجدد عنده تانى وده خلاه يتشجع ويكلمها هو شخص طيب وكل اللى فى الشغل بيحبوه وكان مستنى الرد ونهلة اتصلت بيه مصطفى لما شاف رقمها مصدقش انها اتصلت بيه الو ازيك يا مصطفى قالها الو نهلة انتى بجد ولا انا بيتهيالى 😄😄 قالتله لا بجد انا فعلا عامل ايه قالها كويس الحمد لله طالما سمعت صوتك اتكسفت وسكتت شويه كده قالها مالك سكتى ليه اتكسفتى قالتله الصراحه اه ☺️☺️  قالها وانا مش هضغط عليكى واقلك نفسي اسمع منك اى حاجه لكن كفايه عليا انك كلمتينى قالتله كويس انك متفهم موقفى وان كل حاجه فى وقتها بتبقى احسن قالها فعلا ده صحيح قالتله انا مكلماك عشان اقلك انى موافقة يا مصطفى قالها اييييه موافقه بجد وافقتى طيب اجى امتى اقابل اخواتك قالتله اصبر بس نعدى مناسبه كده عندنا وهقلك قالها مناسبة ايه دى قالتله وهو راح قفش اول ما سمع اسم شريف قالها وانتى هتروحى يعنى قاالتله اويوة ما انا لسه كنت بقلك قالها وانتى بقى مصدقه اللى بتقوليه قالتله يعنى ايه قالها يعنى متاكده  ان  مرواحك مش عشان تشوفى اللى هيتجوزها  غيرة يعنى قالتله نننننعم ايه اللى بتقوله ده خلى بالك من كلامك يا مصطفى انا قلتلك الاسباب اللى مخليانى اوروح وربنا يعلم ان بجد  مبقاش فيه اى حاجه من ناحيتى والا كنت خبيت عليك وقلتلك حد من قرايبنا وخلاص من غير ما اشرحلك خصوصا ان مفيش لسه اى حاجه رسمى بينا ومن اولها كده اذا كل ما هتيجى السيرة دى لاى سبب هيبقى ده رد فعلا يبقى من اولها كده تقلى يا نكمل يا اما لا احنا لسه على البر  لان الثقة دى اهم حاجه  ولا انت ليك راى تانى يا مصطفى ياريت ردك يكون دلوقتى هاا قلت ايه 🤨🤨