رواية قدك الفصل الحادي عشر 11 بقلم منه محمد
علي السفره
جمره: هو ممكن بدل ما كل واحد فيكم عمال يبص للتاني , تتكلموا زي البشر الطبيعين , لانه وضع مش مريح ,فممكن تقوللولي ايه الي حصل , انا شوفت في الاخبار ان ناجي انتـ حر ,هو ده صحيح يبشا
حارث حرك دماغه بحزن: لما وصلنا البيت انا وهادي , لقيناه مقـ تول
جمره: بس الاخبار بتقول كان جنبه رساله بيعترف انه انتـ حر , كتب ايه, بس الاول جاب المسدس منين وانت الي اخدته في بيتك يعني كان فيه مسدس هناك ولا كان معاه يحمي نفسه لو كان كدا ليه انتحر وجاب المسدس منين
حارث بصلهم وقال: مسدسي , المسدس ليا , والبيت كمان ليا
هادي: انا مش فاهم ليه اخدت ناجي لمكان ممكن بسهوله الناس توصله
حارث: عرفت ده اثناء التحقيق, ان المسدس والبيت لوالدي
هادي: انامش فاهم ليه اخدت الشاهد الوحيد للبيت ده , بخلافنا مين غيرنا يعرف بخصوص ناجي حتي انا مكنتش اعرف مخبيه فين لحد ما جه الي قـ تله , لو كنت في مكانك مستحيل كنت اثق في حد
حارث قام: انا محتاج اطلع انام
جمره خرجت وراه : حضره الرائد ممكن نروح مكان نتكلم
هادي اخدها ودخلوا محل بيبيع اندومي وقعدوا ع تربيزه وبدأ ياكل بنهم
جمره بصتله: هو انت مش بتشبع ابدا
هادي: بحبها
جمره: هو حارث هيتسجن , بجد ليه الدنيا وحشه بالشكل ده , شايفه الاشرار بيعملوا افعال سيئه لكن منقدرش نعملهم اي حاجه
هادي: ولسه عايزه تكملي رغم الي شيفاه بيحصل
جمره بأصرار: اكيد هكمل حتي لو طردني مش همشي, استني وهتشوف هشارك ع التواصل الاجتماعي لحد ما احطم عالم الاجرام بأكمله
هادي: مش خايفة
جمره: مش خايفه انا من يوم ما ولادتي بحلم بالعفاريت , وشوفت ناس ميته, وبعد ما كبرت شوفت مشاهد القتل كمان , وبالنسبه للموت انا مش بخاف منه , انا بس بخاف من النهايه ان الشر ينتصر ع الخير
هادي: انتي قلقانه ع المقدم صح
جمره: سبق وقلقت ع غيرك , غالبا لا, انت عامل زي الزومبي مش بتخاف من الموت , وعدم الخوف معناه ان ملكش الي تقلق عليه لما يسيبك ويمشي
...........قصص منه محمد كاتب.............
في القسم دخلت عليه لابسه فستان فوشيا شيك جدا ورافعه شعرها كحكه فوضويه
حارث بصلها بتعجب: ايه البس ده يامرام؟
جمره قعدت قدامه وقالت: متسألنيش
العسكري: هي جات من الباب الخلفي ومشت كل الصحفين , ودي اول مره تدخلي القسم بكرامتك ياجمره
الصول خبطه في جنبه وقاله بتحذير: ياغبي ناديها بجمره هانم
جمره ببساطه: مفيش داعي ناديني جمره , ولا بأي اسم, معنديش مشكله
حارث بجديه: يا عسكري ناديها بمرام هانم بعد كده
العسكري بتحيه الاحترام: امرك يا فندم
الملازم خبط ودخل : حضره المقدم ,جه ناس عايزه تقابلك
جمره قامت من مكانها: اعذرني هرجع البيت لاني غرقانه في مشاريع مهمه , ولسه مخلصتهاش , وده هيكون عبئ كبير ع جوزي يله سلام ابشا
حارث ابتسم وساله: مين الي جه ياحضره الملازم
الملازم: عايله انغام
جمره رجعت قعدت مكانها وحارث قاله: اوكيه اديني خمس دقايق وخدهم غرفه الاجتماع
الملازم: امرك
حارث: تحب تحضر معانا يا حضره الرائد
هادي: بالتاكيد
جمره بترقب: هو انا ممكن احضر كمان
حارث بتريقه: مش غرقانه في المشاريع , بس لو مش مستعجله تقدري تيجي
جمره بسعاده: بجد
حارث: لاننا في نفس الفريق , لكن تقعدي ساكته ومتدخليش في الكلام خالص ,يعني تعتبري نفسك كرسي او تربيزه ,اياكان المهم تسكتي ,ومتتكلميش مفهوم
جمره كشرت بستياء: خلاص ابشا فهمت
حارث: وطلب كمان
جمره نفخت بملل: ايه تاني
حارث: روحي غيري هدومك
..........قصص منه محمد كاتب...........
في غرفه الاجتماعات
حارث بذهول: ملف القضيه اتقفل ليه مبلغتونيش بغض النظر عن الي بيحصل اكيد عايزيني اقبض ع المجرمين
ابو انغام: وايه الفايده من ده ياحضره الظابط , حتي لو عرفنا مين هما , مش جايز يرجعوا ينتقموا مننا , ازاي هتحمينا الشرطه وقتها
هادي بشك: هو انت عارف مين الي عملوا كده
ام انغام ردت وقالت: ياحضره الظابط انغام ماتت واحنا مش بنشك في حد معين ,وناجي كمان مات اكيد المسأله مش صغيره , وابن انغام هو الي بقلنا عشان كدا مش عايزين نفتح ملف القضيه بعد كده, يله يا بنتي نمشي من هنا
جمره راحت لحارث بستفهام: معقول القضيه اتقفلت كدا, ليه غيروا رأيهم, بنتهم اتقتلت وناجي ليه
هادي :حضره المقدم شوفت الي شوفته
حارث: السلسله الدهب
جمره ضمت حواجبها: سلسله
حارث: واعتقد انها مش دهب
هادي: يمكن نكون غلطانين
جمره: معني كدا اشتري المرشدي سكوتهم بالفلوس
........قصص منه محمد كاتب...........
قاعده في غرفتها تفكر لقت الباب بيخبط
جمره فتحت: خير ياعم جابر في حاجه
جابر:ممكن تنزلي تشوفي الباشا
جمره ع السلم: ليه ماله
جابر شاورلها عليه وقال: قاعد هنا طول الليل, ورافض ياكل ,ورافض اشغله النور
جمره: تمام هتعامل معاه ,روح انت نام
جابر: هسبهولك, انا مشفتش البيه بالشكل ده من زمن طويل
جمره راحت المطبخ عملت عصير برتقال ورجعتله: لو مش عايز تاكل اشرب العصير ده ليجيلك هبوط حاد ويغمي عليك , مش هقدر اشيلك
حارث فضل زي ماهو نظراته لقدام ومش بيبصلها وواضح القهر ع عيونه
جمره بمداعبه: عايز حضن يبهجك , هعملك خصم 30%
حارث زي ماهو ساكت ومكشر جدا
جمره ابتسمت بمرح: خلاص 50% عايز, ع فكره ده مش غلطك انت عملت افضل ما عندك رغم الغير ميعرفوش بس انا عارفه( مسكت كف ايده) متلومش نفسك
حارث تبت في ايدها ومره واحده شدها تقعد فوق رجله
جمره بتعافر: ايه ده يبشا
حارث قعدها ولف ايده حوالين وسطها: مش قادر اسيب القضيه دي
جمره بحماس: خلاص متخلهاش تتقفل ,ولو محدش ساعدك هساعدك انا
حارث حط دماغه ع صدرها وهي لفت ايدها حوالين رقبته وقالت بحنان طاغي: متقلقش انا مش هسيبك ابدا
حارث وهو بيضمها بامتنان:: متشكر يامرام , بجد متشكر
......قصص منه محمد كاتب.........
علي السفره
جمره بصتله: قهوتك مش مره
حارث مدلها المج: تحبي تدوقيها
جمره: لاء مش بحبها مره
حارث رن موبيله ورد: ايوه ياعمي تم انهاء كل شئ ...لا مفيش حاجه متعطله...الف شكر ياعمي مفيش داعي تقلق عليا .....تمام _بعد الموبيل وبصلها_ مرام عمي عايز يتكلم معاكي
جمره هزت دماغها برفض وحارث حط التلفون ع ودنها اجباري
جمره ردت برقه الو اهلا يبشا ....مفيش مشكله....الف شكر...حاضر فهمت .....سلام
حارث :ما انتي بتعرفي تبقي لطيفه اهو
جمره ليه حد قالك بعض
حارث ابتسم :ها عمي قالك ايه
جمره : مقلش كتير طلب مني مقلقش من الي حصل ,وقالي اعاملك بشكل كويس , واهتم باكلك اصلك ضعيف الايام دي
حارث بقهر: وهش كمان, اكتشفت ده ليله امبارح
جمره :وعمك قال ايه ع امر ناجي
حارث: قالي افكر كويس , قبل ما افتح ملف القضيه دي من تاني
جمره بستفسار: ليه عمك ضد كده
حارث : مش بالظبط هو بس مش عايزه ارواح بريئه تموت بالطريقه دي بعد كده , وزعل ع ناجي
جمره بحزن: ناجي المسكين
حارث: عشان بقي ابنه يتيم , وان انا اكتر واحد هيفهم الوضع ده , وقد ايه هيتعذب من غير امه وابوه
جمره: عمك عارف ان الطفل ده ابن ناجي وانغام
حارث انتبه للسؤال لما كملت وقالت: هو انت قلت لعمك بخصوص الطفل , ومش الوحيد الي كان عارف مكان ناجي ,هو عمك صح كدا
حارث اتخبط تاني ويظهر ان عمه له يد في الاحداث الي بتحصل وافتكر لما طلب من عمه يساعده ويدله ع مكان امن وانه معاها شاهد مهمه في القضيه هيحط الكلبشات في ايد منصور وده سر محدش يعرفه
.......قصص منه محمد كاتب.............
في قصر منصور المرشدي تحديدا ع السفره
منصور بصلها: ايه معندكيش شغل اليوم
شوشت ابتسمت: هو شغلي اهم منك
منصور: ع الاغلب لاْ, لانه لو حتي كان مهم , فأنا عايزك تروحي تتعاملي مع حارث
شوشت: متقلقش يا بابي رغم اني بنت , بس مش عايزه اخيب ظنك
منصور: ايه الكلام الخايب الي بتتكلمي عنه , الولد ولا البنت متساوين
شوشت: لو كنت فكرت بالطريقه دي من البدايه , جايز مكنتش مامي ماتت بسبب الاحباط انها مخلفتش الولد
منصور: امتي هتوقفي التفكير بالشكل ده مفيش احباط امك كانت تعبانه سنين طويله حتي من قبل ما تولدك ياريت بلاش تفكري الطريقه دي
شوشت قامت وقفت واخدت شنطتها وماشيه في اتجاه الباب
منصور : انتي رايحه فين
شوشت اخدت نفس عميق ولفت بصتله: رايحه انهي الامر الي بلغتني بيه
منصور بشده قويه: اقعدي
شوشت: بس
منصور بنرفزه شديده: اقعدي وخلصي الاول فطارك , انا موتي وسمي الناس الي بيسيبوا اكلهم , اقعدي وخلصي الطبق متتصرفيش زي ما سبق وعملت معايا امك , الستات فعلا بتنزل الواحد لتحت
.........قصص منه محمد كاتب...........
في بيت حارث ماسكه ملفات تدور فيهم عن اي معلومه مهمه
هادي سحبها منها: سيبي الي في ايدك وكلي الاول
جمره: ياعم اصبر
هادي شد منها بغلاسه: قلت كفايه
جمره: يا رائد مقدرش ابطل تدوير , لو مخلصتش شغلي حياتي هتدمر ,وبلاش تخليني اتخانق معاك
هادي بغلاسه: كلي الاول
جمره: ممكن ترجعلي الملفات
هادي: لاء
جمره هجمت ع ايده: بقولك هات
هادي: وانا قلت لاء
حارث داخل شافهم بيهزروا مع بعض اضايق وحمحم كذا مره
جمره انتبهت وبصتله بهتمام: انت شرقت يبشا , تحب اضربك ع دهرك
حارث: خليكي في حالك يا فضوليه
جابر : يله اتفضلوا الاكل
جمرة: حضره الرائد هي رشا مش عندك اليوم ايه اتخانقتوا
هادي: لاء
حارث: كويس انها مجاتش هنا لو عرفت امها هتعمل مشاكل كتيره
هادي: هي بتيجي عشان تشوفك مش عشاني
حارث بصله جامد وايده تبتت ع الشوكه في الطبق
حارث بص لجمره الي قالت: عادي انا مش حاسه بالغيره متقلقش يبشا , لو مش عارف تقطع الفراخ سبني انا اقطعهالك
حارث بعد ايده وهي قطعت واكلت منها بستهبال
هادي: : ها ناويت تعمل ايه بخصوص قضيه ناجي
جمره: اه صح ناويت تعمل ايه
حارث: متتكلميش وانتي بؤئك مليان اكل , بعدين تتخنقي اتصرفي بشكل مهذب خدي اشربي
جمره شربت وكررت السؤال: ها ناوي تعمل ايه
حارث بجديه: اظن الي سألني الاول هو الرائد , وانا ع ما اظن فهمت سؤاله , اما انتي مين بتكوني
جمره: هو رائد وانا هنا الي ماسكه ملف القضيه بمئئ عيني , اظن نشبه بعض تقريبا
حارث بجديه: مش هسيب القضيه دي , وهكمل فيها بس هعمل ده في صمت , وهتظاهر اني سيبتها
هادي: لنفرض اننا كملنا في القضيه ممكن اطلب منك طلب واحد
حارث: اتفضل قوله
هادي: بطلب ان احنا بس الي نعرف بالامر ده مفيش حد غيرنا حتي لو كان عمك
.........قصص منه محمد كاتب............
ماشيه في الشارع تلفونها رن برقمه
جمره ردت: ايوه يبشا
حارث: مرام انتي فين كل ده
جمره: هو انت في القسم ولا البيت
حارث: لا في البيت راجع بقالي ساعتين , وقاعد مستنيكي
جمره: وليه في البيت ومستنيني
حارث: متدخليش وقوليلي انتي فين بالظبط
جمره: خلاص مش هدخل , انا كنت بشتري شويه لوازم للبيت وداخله علي البيت سلام
لوجين كانت بتراقبها لما عرفت انها قابلت عماد والغيظ والحقد ملوها وخصا لما شوشت كبرتها في دماغها تاخد حقها
لوجين: لو خبطها خبطه تموت مش هرتاح بعدها, وفي دماغي اعمل كده بجد
شوشت بتحذير خبيث: اياك يا لوجي
جمره كانت داخله البيت لمحت رشا بتركب عربيتها وقفت تبصلها بعطف لكن رشا لمحت عربيه طاره بكل سرعتها ناحيه جمره
رشا صرخت: جمره خالي بالك
جمره ملحقتش لان لوجين داست بنزين ودخلت في جمره وقعتها بقوه ع الارض
رشا جريت عليها بخضه: جمره حصلك ايه , طيب انتي كويسه , اتأذيتي فين
جابر طلع بلهفه: حصل ايه
حارث: مرام مين وقعك كده
شوشت نزلت تجري ومثلت القلق والخوف: جمره هانم انتي تمام, اتخبطي فين
حارث بحده مفرطه: انتي الي خبطيها
شوشت: حارث مش انا
رشا: انا شاهده ياحارث
لوجين نزلت وهبدت باب العربيه وقالت بحقد: دي انا
حارث وقف وزعق: ليه يا لوجي, ليه عملتي كده
لوجين: لان مراتك كانت واقفه في طريقي واحمد ربنا اني مدستش عليها ودي معجزه بالنسبه لك , دي عربيه مش جوز واحده تانيه , وانتي واقفه في الطريق بينهم
حارث: لوجين حاسبي ع كلامك
رشا: حارث خد جمره البيت الاول
حارث ركع ع ركبته وحاول يوقف جمره صرخت وقعدت تاني ع الارض وقالت: لا يمكن ادوس عليها ياحارث مش قادره
حارث حط ايده تحت رجلها ورفعها زي البيبي وجمره اتمسكت بحضنه وبصتلهم بغيظ
لوجين صرخت: حارث ليه تشيلها نزلها
حارث همشها ودخل حط جمره ع الكنبه وسالها: تحبي نروح مستشفي
جمره: لاْ مش بتوجعني اوي
رشا: وانا رآي الاحسن تروح مستشفي ياحارث , لكن لو مفيش كسر عادي خليها
لوجين دخلت وزعقت: دي خبطه بسيطه لايمكن تمثلي كأنك اتكسرتي عشان تاخدي اللاهتمام
حارث: عمري ما تخيلت انك تعملي حاجه بشعه زي دي
لوجين بنفعال: حارث انت بأي حق تأنبني
رشا: دي بالنسبه لك خبطه بسيطه , هو انتي عندك عادي تموتي الناس
لوجين: رشا انتي واقفه في صف مين, ياتري نسيتي ان البت دي هي الي اخدت منك حارث
رشا: انا لحد دلوقت مش متأكده من ده, لكن الي عملتيه اليوم انا مقدرش اقف جنبك ابدا
لوجين: غبيه زي اخوكي
جمره قامت بنفعال: تقدري تهنيني زي ما انتي عايزه, بس اياك تهيني رشا
لوجين: هعمل ده بس ليه بتحموا بعض ايه نسيتوا انكم عايزين نفس الراجل
حارث: ما تتلمي بقي
رشا: انا اسفه اعذروني, لازم امشي
شوشت دخلت وبصمت لجمره بحقد وغيظ رهيب
لوجين: لحد امتي هتمثلي دور الصعبنيات قومي وجبي مع ضيوفك, قدمي عصير , سلوكيات مجتمعنا اكيد متعرفهاش , لانك اقل من مستوانا الراقي بكتير
حارث: لوجين كفايه اهانه
جمره برقه: حارث جنبي بيوجعني اوي , ممكن تبص عليه ارجوك
حارث قعد جنبها ولسه هرفع البلوزه يشوف الاصابه
لوجين صرخت بجنون: اه يا وضيعه , يامتسوله بكدا بتشدي الرجاله بالكهن
جمره حبت تكيدها ووقالت بغنج مستفز : حارث انا مش مرتاحه , ليه منطلعش فوق احسن لانهم هنا هيشوفه جسمي , يله يا حبيبي شيلني
لوجين بصراخ: اياك تشيلها دي كدابه ,وخداعه
حارث رفعها ع ايده : اسف مش هقدر اطيع اوامرك
جمره اتعلقت في رقبته: خدوا راحتكم ومفيش داعي تستنوا, لان حارث هيكشف عليا كشف دقيق وهنغيب فتره سوي , والاهم من ده اقولكم باي يله يا حبيبي نطلع
.........قصص منه محمد كاتب...........
جمره: خلاص نزلني ليه جبتني اوضتك
حارث: لسه مش عارفه لوجين , دي لو طلعت هنا هتكشف امرنا
جمر: لو طلعت هنا مش هقدر اضمنلك سلامتها يبشا , انا صبرت عليها بما فيه الكفايه
حارث: اعتبريه مجرد حادث حصل بالصدفه
جمره: ايه الصدفه في كده ساقت عربيتها عشان تهرسني تحتها ورشا شافت ولسه بتقول كل ده مجرد صدفه
حارث: بعتذرلك بالنيابه عن لوجين , هي متهوره
جمره بكل شحنه الغضب الي جواها رفعت ايدها وضربته بالقلم مرتين
حارث بذهول: ليه ضربتيني
جمره بحرقه وصوت عالي : بتعتذر عن تصرفها الوضيع , يبقي تضرب بدالها, طبيعي تقف مع الي شبهك, اما انا مليش اي قيمه ,خبطتني بالعربيه وكانت هتموتني , ويمكن محدش كان اهتم وتقوله كلبه وراحت , انا ماشيه خالص من هنا
حارث مسكها: مرام مكنش قصدي كده
جمره شدت ايدها منه وزقته عنها : اوعي سيبني
حارث كتفها: استني لازم تفضلي هنا
جمره بتضرب فيه: سيبني
حارث زقها ع السرير جامد: اقعدي
جمره: سيبني بقولك
حارث: يابنتي اهدي , لان انا مش هسيبك
جمره بصتلوا بوش جامد : بقولك سيبني
حارث : هسيبك لما تهدي الاول
جمره بتضربه في صدره برجولها: سيبني
حارث مسك رجلها وضمها لصدره بالعافيه وهي بتعافر في حضنه
لوجين دخلت: حارث بتعمل ايه, مش خايف تتوسخ من القذاره دي
حارث: لوجي اتكلمي بأحترام متنسيش انها مراتي, ليه اخاف اتوسخ , لو خايفه ع نفسك يبقي متجيش هنا تاني
لوجين: انت اتغيرت كتير , واختفت اخلاقياتك لما سحبت الوساخه دي للسرير , امال هيحصل ايه في المستقبل , انت ليه حياتك بقت متدنيه زيها , يله بينا انا لا يمكن اسمحلك تكمل حياتك معاها
جمره قامت : في ايه يا حربوقه انتي, جايه تخربي بيت اخوكي وعماله تبصي للناس بحتقار ع ايه, ده انتي ولا الحديده المصديه , وبتتكلمي ولا السرسجيه بتوع الشورارع , اي مجتمع راقي ده الي اتربيتي فيه , ده لسانك اسوء من, لاء مش عايزه اوسخ لساني زيك
لوجين مسكتها من شعرها : والله متا سيباكي
جمره سلكت شعرها وبسرعه نطت فوق السرير وراحت ضرباها بالشلوط في رقبتها كومتها ع رلارض وحارث بصلها و اتصدم..!!
جمره عدلت هدومها وحست بشوشت راحت راقده بسرعه البرق ع السرير
شوشت دخلت : هو حصل ايه, مالها لوجي
حارث بص لجمره وقال : يظهر من كتر الزعيق والغضب اغمي عليها, واضح انها عانت من ضغط كتير اليوم خديها للبيت
شوشت نخت ع ركبه ونص وحارث بص لجمره بغضب لما غمزته
.........................
حط لوجين في العربيه وقفل الباب
شوشت: عمري ما شوفت لوجي غضبانه بالشكل زي اليوم
حارث: وانتي بلاش تشجعيها كتير
شوشت: انا قلققت عليها لان المره دي اتصرفت بخطوره , عماد عايز يطلقها
حارث: وهي اتمادت في افعالها كتير محدش يقدر يعارضها وانا كنت غلطان ولو حد مضايقها للدرجه ده حصل بسببي
شوشت: بس المره دي انا مش في صف لوجين, وانت اتغيرت كتير , من اول ما اتجوزت جمره
حارث: جايز ارجع زي ماكنت انا اسف يا شوشت , لو خليتك انتي وغيرك مش مبسوطين فيه حاجه عايزه تقوليها
شوشت : في اليوم ده كنت خايفه لان كان لازم اختار بينك وبين بابي
حارث : مبقتيش خايفه دلوقت
شوشت ابتسمتله: مش هخاف بعد كده
حارث :بس لازم تخافي من مراتي , لان لما بتكون جاده انا مش بقدر اوقفها , وحاجه كمان برغم من انك مبقتيش خايفه انا الي بقيت حاسس بالخوف , وانتي عارفه افضل من الكل اني بكره الجبن والخيانه كتير
شوشت : انا كمان نفس الشئ , بس عمرك ما عطتني فرصه ابدا
حارث : ياشوشو هو انا زي منا ولا اتغيرت , فكري كويس ولو لقيتي الاجابه , ارجعي اتكلمي معايا تاني, اهتمي بالوجين , وسوقي بحذر
شوشت تابعته وهو ماشي وحقدت اكتر ع جمره الي خطفته منها!
...............قصص منه محمد كاتب................
حارث رجع غرفته ملقاش جمره اتجنن وراح غرفتها لقاها بتلم هدومها
حارث بدء الدم يفور عنده من حركتها وحاول يكون ريلاكس : ليه رجعتي الاوضه دي, وواخده هدومك ورايحه فين
جمره بوش خشب : راجعه بيتي الي برتاح فيه , اما هنا عباره عن اشخاص قاسين بيحتقروا الناس
حارث: وقفي يامرام , لان انا مش هسمحلك تمشي
جمره حطت ايدها في وسطها وبعناد: وانا بقي هخاف ,واسمع كلامك
حارث اتنهد: طيب لو اعتذرت
جمره: تعتذر عن ايه مين يعتذر بالنيابه عن غيره , لو اعتذرت عن غلط اختك خلهولك لان هي مش هتقف ابدا عن اذيتي, البت دي اعلنت انها عدوتي للابد , وانت شوفت ده بعينك , وشايف انا اتحملتها بما فيه الكفايه, وبقولك لو حصل ده تاني انا هعمل فوضي كبيره اليوم احترمتك حصل ايه وقفت جنب اختك بدل ما تقف تاخد حقي انا مقدرش اعتمد عليك يبقي اعتمد ع نفسي
حارث: مرام اتوسل اليكي اتكلمي بهدوء راسي بتوجعني
جمره بعصبيه ونرفزه: اتكلم بهدوء ازاي اعمل ده , اه زي ما عملت وانت واقف تتكلم مع حبيبتك من شويه , واقفين وقريبين من بعض , يبقي ليه مأجرني وترمي عليا فلوس كده
حارث: انتي غيرانه
جمره: اغير , انا اغير من عفريته , انت نسيت يبشا اتعاملت ازاي مع امي وانت بتقبض عليها بتهمه المخدرات , الاغنياء الي زيكم هايلين في التظاهر تلبسوا ماركات جميله كل يوم ,والواقع انكم مزيفين خداعين: مراتك نايمه تتالم من الوجع في البيت ويسحبوا جوزها بره عشان يضايقوها
حارث : هو مش ممكن تفصلي كلام للحظه
جمره انفعلت وزعقتلو : مش هفصل , ولما جات حبيبتك واختك يهزقوني من غير ما يفصلوا ليه مسكتهمش وقتها ,ليه تسكتني انا , اه صح متقدرش تحكم عليهم , انت بس فالح تحكم عليا بالفلوس الي بترشها ع دماغ جمره البنت الغلبانه , تقدر تشتريها بفلوسك يبشا
حارث اتك ع اسنانه وقرب عليها وهي بعدت: هتعمل نفس الحيله, تتظاهر انك جاي ناحيتي تبوسني
حارث مسك وشها بأيده وباسها من شفايفها بشغف وهي رمشت كتير وكأنها بتستوعب وقلبها بيدق بسرعه لحد ما بعد
جمره وشها احمر: انت عملت ايه
حارث بتهديد: لو فضلتي تتكلمي ,هفضل ابوسك ,ومفيش داعي تمشي لـ اي مكان ,خليكي هنا مش هسمحلك تنامي بره البيت
جمره بستفهام: ليه عملت كده يبشا
حارث قرب منها اوي وقال: انتي واحده بالغه ,ولسه مش فاهمه ,لو فضلتي ع ذمتي , مفيش راجل هيزعجك
جمره تابعته لحد ماخرج وحطت ايدها ع شفايفها وقالت :ليه طعمها حلو كده , ياكسوفي
اما حارث راح غرفته وهو سعيد ومبسوط وحط علامه قدام سعر البوسه الي اخيرا طالها