رواية القاسي والبريئه الفصل الخامس والاربعون45 بقلم ايمان ابراهيم

هديه نزلت وراحت عند مامتها امال فتحتلها اهلا حبيبتى فين جاسر اومال مجاش يا ماما هو نايم انا اللى جايه لوحدى امال استغربت لانها عارفه ان جاسر مش بيخليها تنزل لوحدها ابدا  فقلقت وسالتها انتى كويسه يا هديه شكلك مش عاجبنى من ساعة ما دخلتى قالتلها مقلقيش ياماما ده زهق زهق والله قلت امشى رجليا شويه كنت حاسه انى هموت لو منزلتش سيبت خبر لجاسر مع بدريه لما يصحى امال قالتلها يابنتى ما انتى عارفه انه ممكن كده يعمل مشكلة كنتى استنى لما يصحى قالتلها  متقلقيش ياماما والنبى وتعالى بقى نعمل حاجه نشربها على رواقه قالتلها تعالى يا بنتى وربنا يستر كمال ساعتها جه ولقى هديه قالها هدهد حبيبة بابا ازيك قالتله الحمدلله يا بابا كويسه قالها اومال جاسر فين قالتله نايم انا جيت لوحدى كمال قالها عرفتيه انك جايه قالتله اه قلت لبدريه تقوله كمال سكت شويه كده وقالها ممكن يزعل وانتى عارفه جوزك قالتله يابابا متحسسونيش انى فى سجن ولازم  قالها يابنتى مقصدش انا بس مش عايز يحصل مشكلة احنا مصدقنا الدنيا هديت قالتله مفيش مشاكل ولا حاجه تعالى بس نقعد مع بعض زى زمان بقالنا كتيير مش عارفين نقعد مع بعض قالها طيب هعمل كوبايه شاى واجى امال قالتله استنى هعملهالك انا قالها لا خليكى مرتاحة انا هعملها واجى علطول تسلميلى يا غاليه قالتى يخليك ليا  هديه قالتلهم لا كده نجيب اتنين لمون  واسيبكوا شويه 😉😄😄  امال قالتلها بس يابت انتى هو انا اخلص من اختك ام لسانين 😄😄 تطلعى انتى هديه قالتلها بعاكسك يا مامتى يا حلوة انتى ❤️❤️  امال قالتلها هااا عاملة ايه واخده بالك من نفسك انتى داخلة على شهور الجد بقى قالتلها اه يا ماما والله متخافيش وجاسر كمان مش بيفوت حاجه ده كل خنقتى دى بسبب قلقه الزيادة امال قالتلها معلش يا بنتى ولاده برضه وخايف عليهم ودول مش واحد لا ماشاء الله دول تلاته  قالتلها اه واخده بالى 😏  المهم عايزة اقلك على حاجه امال قالتلها قولى حبيبتى وكمال كان جاب الشاى وجه وهديه حكت قدامه اللى هى ورقيه اتكلموا فيه مامتها وباباها قالولها هى فكرة حلوة اوى بس تفتكرى جاسر هيوافق وانتى بتقولى انه بيقلق عليكى اوى قالتلهم عارفه بس ربنا يسهل ويرضى لان انا خلاص زهقت من القعدة وبعدين هبقى براحتى حبيت اروح او مروحش لانها اختى مش حد غريب قالولها اه طبعا احنا كمان هنبقى مطمنين انكوا مع بعض اما نشوف بس جوزك هيقول ايه قالتلهم ايوة اما اشوف وفى سرها قالت على الله بقى يقف فى دى كمان مش هسكت والله وفضلت تتكلم وتضحك وتهزر معاهم ورقيه جت انضمت للحديث هدهد عندنا يادى الهنا يادى الهنا  وقعدوا مع بعض وضحك وهزار وجو دافى جمييل هديه كانت محتاجه اوى القعدة دى مفيش اجمل من اللمة مع ناس بتحبهم ويحبوك .

جاسر صحى بقى اه اه ربنا يستر 🙆‍♀️🙆‍♀️  بدا ينادى على هديه يا هديه يا هديه بدريه سمعته وراحت عنده وهى بتدعى ربنا يستر وقالت جاسر بيه الست هديه راحت عند مامتها نععععم 🤨🤨  كده مع نفسها قالتله لا بيه والله هى كانت زهقانه اوى ونفسيتها وحشه خالص قالتلى انها هتمشي رجليها شويه وتروح لمامتها وقالتلى اطمنك لما تقوم عشان متقلقش سكت وهو بيغلى 😡😡  سكت وقالها ماشي اعملى قهوة وهاتيها قالتله حاضر ومشيت بسرعة 😅  عشان ميولعش  فيها  وهى بتعمل القهوة كانت بتدعى وتقول ربنا يستر عليكى يا ست هديه والنبى يارب تسترها دى زى البسكوته  احسن ياكلها ولا حاجه 😄😄😄  ربنا يستر وعملت القهوة وقالتله اتفضل القهوة عن اذنك ومشيت علطول جاسر بعد ما شرب من القهوة شويه راح اتصل بهديه وهى شافت رقمه وقالت لمامتها وباباها هرد على جاسر وارجعلكوا  وراحت بعيد شويه عشان ترد  الو ايوة يا جاسر جاسر بمنتهى البرود اللى يسبق العاصفه ايوة يا ست هانم قالتله ايه ست هانم دى فى ايه  قالها يعنى مش عارفه فى ايه قالتله لا مش عارفه اللى اعرفه انى عند اهلى وسيبتلك خبر يعنى منزلتش من غير معرفك قالها يسلام انتى شايفه كده قالتله اه  انا بقيت حاسه انى انفاسي هتتعد عليا بعد  كده  انا زهقانه زهقانه وحسيت انى هطق كان لازم انزل الدنيا مخربتش وراحت مفتوحة فى العياط 🥹🥹🥹🥹  جاسر قالها بتعيطى ليه دلوقتى انتى عايزة اهلك يقوله عليا ايه انى بزعقلك وانتى عندهم مع انى بتكلم بهدوء اهو  وحسابى معاكى لما ترجعى لينا بيت نتكلم فيه نص ساعة وتكونى عندى قالتله لما احس انى بقيت كويسه هاجى قالها هديه اقصرى الشر واعملى اللى بقلك عليه قالتله ايه يا جاسر انت هتتحكم كمان فى قعادى مع اهلى  قالها انا لو عايز اعمل كده كنتى لقتينى قدامك وباخدك من عندهم لكن عشان ميبقاش منظر مش حلو انا هسيبك انتى ترجعى لوحدك زى ما روحتى لوحدك ومعنديش كلام تانى مع السلامة وقفل معاها .

هديه قالتله طيب بتقفل فى وشى حاضر حاضر ورجعت ولا كان فى حاجه حصلت بس امال وكمال كانوا حاسين ان فى حاجه قالولها اخباره ايه يا هديه كويس قالتلهم اه بخير الحمد لله وكملت القعدة عادى خالص  وجاسر قاعد بيلخم نفسه فى شغل وعينه على الساعه كل شويه وبدريه جت وقالتله جاسر بيه انا همشي بقى عايز حاجه منى قالها شكرا تقدرى تمشي وفعلا مشيت وهى قلقانه اوى على هديه واتصلت بيها وهديه ردت الو ياست هديه ايوة يا بدريه خير فى حاجه قالتلها لا يابنتى متقلقيش انا ماشيه بس قلت اطمن عليكى والصراحة جاسر بيه  شكله ميطمنش متتاخريش يا بنتى وخلى اليوم يعدى على خير هديه قالتلها متحرمش منك يا بدريه متقلقيش انا خلاص شويه وهنزل بدريه قالتله ماشي يا بنتى ربنا يسلم طريقك اشوفك على خير مع السلامة وقفلت معاها  .  هديه قامت  قالتلهم طيب يا جماعة انا هروح بقى مع انى مش عايزة اسيبكوا بس لازم اروح بقى  كمال قالها استنى هاجى اوصلك قالتله ليه يابابا  خليك مرتاح قالها لا هاجى عشان اطمن عليكى قالتله ماشي يلا بينا وسلمت على مامتها ورقيه ونزلت مع باباها ووصلوا وطلع معاها جاسر اول ما سمع الباب بيتفتح قام بسرعة ولما شاف كمال قاله اهلا يا عمى اتفضل قاله كتر خيرك يابنى انا بس حبيت اطمن ان هديه صلت على خير  قاله حضرتك تشرف فى اى وقت كويس ان حضرتك جيت معاها كفايه انها  نزلت لوحدها  وانا نايم وبصلها بصه كده معناها ان لسه حسابنا مجاش وهديه طبعا فاهمة قالتله خليك يابابا اتعشا معانا وبعدين روح قالها لا يا بنتى مش هينفع اولا عشان انتى عارفه انى معرفش اتعشا من غير امك وبعدين عندى شغل فى البيت هروح اخلصه ونبقى نخلى العشا ده بقى انتوا تيجوا عندنا ونتجمع ماشى قالتله خلاص يا بابا اللى تشوفه وسلم عليهم ونزل .

جاسر بعد ما كمال نزل هديه كانت هتروح الاوضه قالها استنى رايحة فين قالتله عايزة اخد دش واغير هدومى قالها لما نتكلم الاول قالتله لا لما اخد دش واغير هدومى الدنيا مطارتش وسابته ومشيت جاسر مش مصدق اللى بيحصل يا ترى يا هديه ناويه على ايه 🤔  هديه فعلا دخلت تاخد دش وطلعت صلت ركعتين وكانت لابسه قميص هو مش مكشوف عادى خالص نص كم بس  محدد شويه عليها ولونه ازرق وفى دانتيل خفيف من عند فتحة الرقبه على شكل ٧  كانت مغريه اوى اوى 😉😉  وجاسر راح فتح الباب فجاة وكان على اخره بس لما فتح الباب فجاة وشافها تنح 😳😄😄😄  لانها كانت مغريه بصورة مهلكة وهو من كتر ما كانت حلوة ومغريه راح بلع ريقه وكان لسه هيزعق راح اتكلم بصوت خشن شويه قالها ينفع اللى انتى عملتيه ده قالتله  بصوت انثوى ناعم عملت ايه كنت زهقانه روحت لاهلى وقلت لبدريه تقلك عشان متقلقش وكانت واقفة قدامه بالظبط وباصه فى عيونه يبقى غلطت فى ايه هاا راح بلع ريقه وخشن صوته برضه قالها انتى عارفه انك مش بتنزلى غير وانا معاكى قالتله بصوت مهلك مجتش من مرة يعنى وبعدين انت ناسي انك مزعلنى ومش راضى تخلينى اروح مع اختى مع ان هبقى براحتى اروح مروحش عشان دى اختى مش غريبه يعنى ولا ايه جاسر كان تايهه فى جمالها قالها وانا والبيت هتلاقى وقت لكل ده ازاى هتبقى فضيالى امتى قالتله وانت لما بتتشغل عنى بتكلم ولا بفتح بقى وراحت رايحة وقاعدة على السرير وقالتله هو انا فى سجن يا جاسر قالها سجن يا هديه بتقولى على بيتنا سجن قالتله لما احس انى مش عارفه اروح ولا اجى يبقى ايه قول انت راح رايح وقاعد جمبها وشدها من وسطها عليه قالها متقوليش كده تانى وبعدين اذا كنت هوافق ليا شروط واذا محصلتش هتقعدى فورا قالتله ايه هى الشروط دى بقى قالها اولا المواعيد التاخير مش مسموح بيه ابدا يعنى اجى البيت تكونى موجوده وثانيا  انا هوديكى واجيبك كمان اذا نفع معايا قالتله واذا منفعش قالها يبقى ممكن تستنى اخدك وانا مروح او نتفق ساعتها المهم ابقى عارف والبيت ونظامه ميتاثرش بالموضوع ده قالتله شروطك كتيير اوى بس تمام قالها يعنى اذا فى حاجه معجبتنيش هتقعدى ودى مفيهاش كلام ماشي يا هديه قالتله ماشي ولو ان طبيعى لما هولد هقعد انت عايز تقعدنى من بدرى وخلاص قالها اه ياستى عايزك كده قصادى علطول وراح قارص على وسطها شويه راحت هديه قالت اى اى بالراحة وحطت ايدها على بطنها قالها ايه وجعتك قالتله يعنى قالها ناويه من امتى بقى قالتله هشوف مع رقيه امتى هنبدا قالها ماشي مش هنام بقى ولا ايه 😉😉😉  😊😊   وراحوا للعالم بتعاهم ❤️❤️❤️.

جاسر صحى الصبح ودخل عشان ياخد دش وطلع غير هدومه وراح باس هديه من راسها بالراحة وخرج راح اوضه المكتب يخلص شويه اوراق وحاجات خاصة بالارض والانفار اللى بيشتغلوا فيها ويعمل كام تليفون عقبال ما هديه تصحى وهديه كانت بدات تصحى وقامت تاخد دش وكانت حاسة بوجع فى بطنها بس محطتش فى بالها قالت شويه مغص عادى يعنى وهى بتاخد دش المغص كان بيزيد ومرة واحدة راحت مصرخة اه اه يا جاسر الحقنى جاسر قام من المكتب مفزوع وجرى على الاوضه ودخل الحمام لقى هديه قاعدة فى البانيو مش قادرة تقوم وماسكة بطنها قالها مالك مالك فى ايه 😮😮  قالتله مغص جامد اوى راح جاب برنص الحمام ولبسها وشالها ونيمها على السرير وكانت بدريه بتخبط راح جرى فتحلها وقالها بدريه معلش روحى لهديه بسرعة خليكى معاها لحد ما اكلم الدكتورة تجيلها بسرعة قالتله حاضر حاضر خير يارب راحت رايحة لهديه وخبطت ودخلت عليها ودخلت عليها صباح الخير يا بنتى مالك فى ايه قالتلها مغص جامد اوى يا بدريه مش عارفه ايه ده بس بدريه عرفت 😊😄🤭  من منظر هديه فهمت طبعا قالتلها متقلقيش يا بنتى مفيش حاجه الحاجات دى عادى شويه مغص كده وهيروحوا  والدكتورة هتيجى تطمنك دلوقتى لان جاسر بيه بيكلمها قالتلها يخرابى احسن ياخد اللى حصل ده حجة بقى ومينزلنيش مع رقيه يووووه 🥹🥹  قالتلها يا بنتى استهدى بالله بس لما نشوف الدكتورة هتقول ايه جاسر دخل وقالها انتى كويسه 😕😕   قالتله يعنى المغص هدى شويه الحمد لله قالها الدكتورة جايه لحقتها قبل ما تروح المستشفى وفعلا شويه والدكتورة جت وجاسر فتحلها قالها اهلا بحضرتك اسف على انى جبتك كده قالتله لا مفيش حاجه ده واجبى وشغلى خلينى اشوف هديه عشان نطمن عليها وراحولها ودخلوا والدكتورة سلمت عليها اخبار مامى الحلوة ايه قالتلها الحمد لله بس مغص جالى وجعنى اوى اوى قالتلهم طيب ممكن تخلونى معاها اكشف بس جاسر طلع هو وبدريه وبدريه قالتله خير يا جاسر بيه متقلقش بس انت اهدى شويه 😄😄  طبعا هو مفهمش قصدها ايه هو فاكرها تقصد  يهدى اعصابه 😄😄 قالها خير ان شاء الله قالتله انا هروح اجهز الفطار عقبال ما الدكتورة تخلص كشف الدكتورة سالت هديه ايه اللى حصل قبل المغص انتى كنتى مضايقه او حصل حاجه قالتلها لا خالص والله قالتلها طيب هسالك بصراحة حصل علاقه هديه اتكسفت وسكتت والدكتورة فهمت قالتلها طيب خلاص متقلقيش انتى كويسه والمسكن اللى اخدتيه هيخليكى كويسه متقلقيش وتقدرى تقومى وتتحركى عادى خالص مع الحرص طبعا 

صدق اسامه لما قال هيولد البت قبل معادها 😅😅😅  الدكتورة طلعت لجاسر وسابت هديه تغير هدومها  هو اول ما شافها سالها هااا طمنينى هى كويسه قالتله اه كويسه الحمد لله انا بس ليا طلب منك انت قالها خير قالتله بص انا اللى فهمته من هديه من غير هى ما تقول ان حصلت علاقه قالها وايه المشكلة معلش اخينا جريء حبتين 😅😅🤭  قالتله مفيش مشكلة ولا حاجه بس واضح ان كان فى شده شويه  ممكن بس بالراحة لان جسم الست بيبقى حساس شويه وقت الحمل خلينا نبقى حرصين بس شويه مش اكتر راح قال احم حاضر مفيش مشكلة تمام قالتله غير كده هى بخير وكل حاجه طبيعى قالها متشكر اوى واسف مرة تانيه حضرتك تفطرى معانا واوصلك فى طريقى هروح بس اشوف هديه وارجع لحضرتك راح لهديه لاقها لبست وغيرت هدومها قالها انتى كويسه قالتله اه الحمد لله قالها بصي بقى مفيش نزول مع رقيه قالتله اييييييه  ليه بقى