رواية لنا موعد اخر الفصل الخامس والاربعون45 والسادس والاربعون46 بقلم لولا
فايد عصام اللي شيلاها اتغرفت فخاف وتابع ايه ده يارفيده ووطى بيها حطها على السرير وهي بتعيط وتصرخ وشال ايديه واتصدم بالدم اللي مغرقها وتابع ايه ده يارفيدده !! واترعب وتابع لالا اكيد لاا ربنا مش هيوجعني فيه لاا
رفيده بعياط وصراخ مش قاادره يعصام انا شكلي بسقط
عصام بخوف ودموع لالا مش هتسقطي متقوليش كده تعالي انا هلحقك والله وسابها وراح جاب عبايه ولبسهالها وهي بتصرخ وتعيط وشالها بين ايديه وهي مسكت في قميصه جامد وهي بتصرخ فتابع بدموع وخوف هلحقك والله بس تماسكي يارفيده ابوس ايدك متفرطيش في ابننا ارجوكي قوي نفسك خمس دقايق وهوديكي المستشفى وغلاوتك عندي اهدي يحبيبتي اهدي وخدها وبقى ينزل بيها السلالم بسرعه رهيبه وخرج من البيت بيها وهو بيجري زي التايه عايز يوصل لعربيته بسرعه وحس انها بعدت اوي رغم ان الجراج مش بعيد فسلمى كانت في الصيدليه اللي تحت البيت هي ورانيا وخرجت على صوت رفيده فاتخضت بشده وتابعت مالها رفيده يعصاام في اييه
عصام بدموع وخوف بتسقط يسلمى هكلمك بعدين لازم امشي فسلمى اتصدمت وتابعت بخوف بتسقط! ينهار اسود استنى هوقفلك تاكسي بسرعه من اول الشارع
عصام بلهفه ودموع مالوش لزوم انا هوصلها
سلمى بحده وخوف ياابني مش هتعرف توصلها باعصاابك دي ليجرالكم حاجه انتوا الاتنين
رانيا بخوف سيبها توقف تاكسي اسرع ياابني انت هتسيب مراتك وتسوق ازاي بس
فرفيده صرخت بوجع شديد وخلت الكل في الشارع بصلها وتابعت بعياط مش قاادره يعصاام بمووت
فعصام هز راسه لسلمى ان تمشي بسرعه فتابعت بلهفه ماما انا هروح معااه قدام علي انا باخد المحلول عند خالتي ام حسن هو عارف انها كانت ممرضه فرانيا هزت راسها بماشي بلهفه وسلمى جريت ووقفت تاكسي وتابعت بخوف يلا يلا اركبوا وركبت جنب عصام وتابعت بخوف اقرب مستشفى يسطا بالله عليك
الراجل حاضر عيني ومشي بالفعل ورفيده مسكت في قميص عصام بقوه لدرجه كرمشته كله في كف ايديها فعصام دموعه نزلت وجاب منديل وفضل يمسح عرقها وتابع بوجع حقك علياا حقك علياا اهدي ..اهدي يبابا ابوس ايدك
سلمى بخوف الله يكون ف عونها تلاقيها بتتعصر من الالم السقوط صعب يلا يسطا بالله عليك بسرعه
فالراجل زود سرعته فتابع عصام بوجع اهدي هنلحقك والله هنلحقك اكيد مش هيسيبني ويمشي وانا مش عايش غير علشان مستنيه
رفيده بعياط ووجع همووت لو ابني جراله حاجه يعصام مش قاادره وفضلت تصرخ فعصام مسك ايديها وتابع متخافيش يحبيبتي خير والله وحس انها هدومه بتتغرق دم فخاف جداا وتابع يارب استر يارب يارب متعاقبنيش بيه ارجوك
فسلمى طبطبت على كتفه وتابعت بدموع اهدى متقولش كده ربك حنين خير ان شاء الله
فعصام دموعه نزلت وتابع يارب ياارب ودقايق ووصلوا المستشفى وعصام شالها ونزل وبقي يجري بيها وتابع بلهفه وخوف مراتي بتجهض حد يشوفها بسرعه
فالممرضه جابت الترولي وتابعت بقلق اتفضل حطها بسرعه
فعصام نزل رفيده اللي بتعيط ووطى باس جبينها وهمس والله ماتخافي هتخرجي انتي وهو بالف خير ووعد عليا هاخد بالي منك بعد كده فرفيده عيطت وخدوها ومشيوا فعصام راح وراهم لحد الاوضه اللي دخلت فيها وسلمى فضلت تطبطب على كتفه وتابع بدموع ربنا يطمنك عليهم يحبيبي
فعصام بصلها وتابع بوجع انا عارف اني عملت كتير وحش بس متخيلتش ابدا اني هشوف كل ده ..صدقيني انا متولدتش كده انا كنت زيي زي الناس بس الفرق الوحيد بينا اني عشت لوحدي في بلد غريبه وعادات وتقاليد عكسهم وابتسم بوجع وتابع يعني في رمضان مكنتش بلاقي لمه عيله وفوانيس بتنور في الشارع لا الدنيا بتبقي هاديه وساكته وبص قدامه وتابع بوجع ومش الدنيا بس حتى حياتي كانت ولازلت ساكته واتعودت ان مفيش حاجه عاوزها بتحصل ولا ليا اهل غير امي وابويا فيوم ما قلبي دق مدقش غير لرفيده فلما لقيت اخوكي هياخدها مني مستحملتش لان رفيده دي كنت انزل مخصوص من امريكا اشوفها احس اني شوفت مصر وعيشه مصر والبهجه اللي في مصر فبقيت نزولتي لمصر بمثابه العيد عندكم علشان بس هشوفها واعتبرتها كل اهلي فمقدرتش اشوف حد بياخد مني كل اهلي واسكت فأذيته ااه بس انا والله مش وحش انا بس لوحدي وهي الوحيده اللي ونستني ودموعه نزلت وتابع وامي بتعايرني ان ماليش عيله فمستني ابني يجي علشان هو واخواته يحسسوني بالعزوه ولمه العيله فخايف يا سلمى .. خايف ارجع تاني لوحدي مع رفيده بعد مافرحت وقولت هيبقي ليا عيله انا مستعد اتعاقب بأي حاجه وراضي بس ابني لا
سلمى بدموع وقهر لا يحبيبي متقولش كده ربنا يطمن قلبك عليه يارب وانت مش وحش علشان ربنا يعاقبك بيه اياك تقول كده تاني وهتشوف الدكتور هيخرج يطمنا دلوقتي على رفيده والبيبي
عصام بوجع يارب يسلمى يارب والله ماعايز غيرهم ده انا ملحقتش افرح وكنت لسه بقولها مش قادر اصدق اننا وصلنا لهنا وانك شايله ابني فسلمى رايحه تتكلم فالدكتور خرج فاراح عنده بسرعه وتابع بلهفه وخوف ها يا دكتور طمني؟
فالدكتور تنهد وتابع انت راجل مؤمن بالله ربنا يعوض عليك في الجنين انما الام بخير
فسلمى شهقت وحطت ايديها على بوقها وفضلت تعيط وعصام اتصدم والدموع اتحجرت في عينيه وهمس يعني خلاص مات؟!
الدكتور طبطب على كتفه بحزن وتابع ربنا يعوضك ومشي فسلمى راحتله وتابعت بعياط حقك عليا والله حقك علياا قدر الله وماشاء فعل هتجيب غيره يحبيبي والله لسه العمر قدامك متزعلش نفسك
عصام كان لسه واقف مصدوم وقلبه وجعه وتابع مكنتش عايز غيره يسلمى وبص لايديه وهدومه اللي اتملت دم وتابع والله ماكنت عايز غيره ودموعه اتجمعت في عينيه وتابع ده هو اللي كان هيهون عليا وحدتي ليه طيب ليه يجي ويفرحني بيه وميلحقش ويمشي ؟
سلمى بدموع استغفر ربك يعصام استغفر ربك يحبيبي ده ابتلاء وربنا اذا احب عبده ابتلاه المهم مراتك بخير والبيبي يتعوض يمكن لو كان كمل كان جرالها حاجه واضح من اوله حمل متعب ونزل فاحمد ربك والله
عصام بوجع ودموع انا السبب يسلمى المفروض كنت اخد بالي منها اكتر من كده ومن ساعه ماعرفت انها حامل كنت كشفتلها علشان افهم طبيعه حملها انما انا فرحتي نستني حاجات كتير ولمستها وكل ده اكيد مكنش ينفع
سلمى بدموع يحبيبي اهدى ومتحملش نفسك فوق طاقتها دي حلالك ومش طبيعي اصلا البيبي ينزل علشان لمستها مره انما ده نصيبها والله فاهدي كده واحمد ربك ومتلومش نفسك على حاجه دي اراده ربنا
فعصام مسح دموعها بقهر وتابع الحمدلله الحمدلله على كل حال ودخل لرفيده كانت نايمه على السرير وعينيها بتنزل دموع وساكته فلما شافها غمض عينيه بوجع وراح قعد جنبها وخدها في حضنه وباس راسها بعمق وتابع حقك عليا ينورعيني حقك عليا والله ربنا يعوضنا يحبيبتي المهم انتي بخير
رفيده دفنت وشها في صدره وعيطت وتابعت ابني مات يعصام مات قبل ما الحق افرح بيه ولا اشوفه في السونار فعصام غمض عينيه بوجع وباس راسها بعمق وفضل يمشي ايديه طالع نازل على كتفها وتابع لعله خير يحبيبتي منعرفش كان ممكن يجرالك ايه لو كمل وانتي عندي اهم من الدنيا كلها فهيعوضنا عنه والله
فرفيده سكتت ودموعها نزلت بصمت وسندت راسها على صدره فعصام مسح دموعها وخدها في حضنه وتابع ايوه كده جدعه اهدي يحبيبي وفونه رن فطلعه كانت امه فرد وتابع ايه يا امي فهند خافت وتابعت انت فين يواد روحت القسم قالوا خرجت خرجت ازاي يعني
عصام بتنهيده علي خرجني
فرفيده بصتله بصدمه وهند اتصدمت زيها وتابعت بصدمه نعمم! علي ! واتعصبت وتابعت علي ازااي يعني ايه يخليه يعمل كدده
عصام بتنهيده والله يماما سلمى طلبت منه وهو متأخرش فيه الخير
فرفيده بصتله بذهول وهند اتصدمت وحست بنار بتغلي جواها من مدح عصام لعلي وخافت يحبوا بعض وهي حالفه توقع بينهم علطول فتابعت بعصبيه لا ده اكيد بيخطط لحاجه اياك تصدق حركاته دي ولا تأمنله ده عمره ماهيحبك
فعصام اتعصب وتابع والله ما وقته كلامك الفاارغ ده مراتي بتموت في المستشفى وابني اللي ملحقتش افرح بيه ماات فانا فيا اللي مكفيني وزياده
فهند اتصدمت وتابعت اييه وعيطت وتابعت رفيده سقطتت ! ازاي يعصاام ازاي !! فعصام تنهد بوجع وتابع لوحدها تعبت وسقطت
هند بدموع وخوف طب اقفل هجيب امها واجيلك لسه كانت عايزه تروح تباركلها ينورعيني
عصام بوجع تمام باي وقفل معاها فتابعت رفيده بذهول علي ازاي خرجك؟
عصام بتنهيده زي الناس عمل خاطر لسلمى مش اكتر
فرفيده فضلت مصدومه ومش قادره تستوعب يعني ايه علي وعصام ممكن يتقربوا وهي مش عايزه كده ابدا لان ساعتها علي مش هيبص لمرات عصام وللابد وفاقت على صوت عصام لما قال:هودي لوما البيت وراجع ها متتحركيش خليكي زي مانتي عايزه حاجه؟
رفيده بتوهه سلامتك وبالفعل عصام قام وباس راسها وخد سلمى ومشي
-
في بيت كريم وتحديدا اوضته دخل وقفل الباب وتنهد بعمق من شده تعبه من احداث اليوم بعد ماخلصوا كل الاجرائات وقعد على السرير وحط راسه مابين ايديه وسمع الباب بيخبط فتابع ادخل
فدخلت هناء وهي مرعوبه وتابعت بتوتر ينفع اتكلم معاك شويه؟
كريم بتنهيده اعمليلي شاي وتعالي واقفلي الباب
هناء بفرح ولهفه بس كده ده من عيوني والله بس انت اتعشيت للشاي؟
كريم بتنهيده لالا مش هتعشى ولا حاجه هلكان
هناء بابتسامه لا يكريم مينفعش شاي على معده فاضيه هعملنا سندوتشات بانيه بالفينو واتنين شاي واجيلك
كريم بابتسامه مستنيكي فهناء ضحكت بفرح وتابعت هوا ويكونوا عندك يبشمهندس وخرجت وتابعت بصوت مسموع من برا : متنامش يكيمو هاا
كريم لا مش هنام متقلقيش ومسك فونه فتحه لقى نيره منزله استوري فدخل عليه لقاها منزله فيد حزين انها لوحدها فتنهد بعمق وتابع مش انتي بس اللي حاسه كده ..واحشتيني يابنت الجزمه ورمى فونه على السرير جنبه وتنهد وسكت ودقايق ولقي هناك جات وهي شايله الصنيه وتابعت بذهول ايه يكريم كل ده مغيرتش يحبيبي
كريم بتنهيده مش قادر اتحرك حقيقي وقام وقف يفتح الدولاب فهناء وقفت وراه وقلعته الجاكت وتابعت بابتسامه سلامتك يعمري وحطت الجاكت على جنب فكريم بصلها برفعه حاجب وتابع لولا متعود على حنيتك دي كنت قولت بتلمحي لحاجه وعايزه تراضيني بس يلا هعديها وخد هدومه ورايح يدخل الحمام فوقفه صوتها لما قالت بتوتر: بغض النظر عن ان ده فعلا اسلوبي معاك بس انا عايزه اتكلم معاك فعلا يكريم
كريم بتنهيده حاضر هلبس وجايلك ودخل الحمام لبس وخرج لقاها قاعده مربعه رجليها على السرير ومستنياه فقعد قدامها وتابع وهو بيمسك السندوتش :تسلم ايدك يعمري فهناء ابتسمت بفرح وتابعت ده يألف هنا والله
كريم قطم الاكل وتابع مش معنى اني بتكلم معاكي بذوق ابقى نسيت اللي عملتيه وسامحتك ها
هناء بصتله بوجع وتابعت وهو انا ايه اللي عملته؟ ساعه نادر انا كنت عيله ماصدقت الفرح خبط على باباها وشافت راجل وحبته والدموع اتجمعت في عينيها وتابعت وسابها وقهرها وفضحها في اكتر يوم اي بنت بتستناه في الدنيا ..اليوم اللي هتكون فيه مراته وقدام الدنيا كلها وخلى سيرتي على كل لسان واكتئبت وبطلت انزل ولا ادرس ولا اعيش اصلا ومحدش قومني من اللي انا فيه غير وسام يكريم هو اللي صلح كل اللي اتكسرت جوايا وطمني بعد ما الخوف ملى قلبي ونساني اي وجع شوفته واشتراني قدام الدنيا كلها وخسر اخوه علشاني فايه غلطي اني حبيته طب هو مكنش ينفع احب طيب؟ مش من حقي اني اختار الراجل اللي هيبقى ابو عيالي؟
كريم تنهد بوجع لا طبعا حقك تحبي بس لما تيجي تحبي تختاري صح مش تروحي تختاري قريب الوسخ اللي انتي قولتي بنفسك دمر حياتك وتكسري اخوكي قدامه وتخليه ياخد بوينت على قفاياا بخروجك مع البيه
هناء بدموع ماعاش ولا كان اللي يكسرك قدام اي حد في الدنيا انا معترفه ان مقابلتي لوسام كانت غلط بس هو في النهايه كان دكتوري واغلب مقابلتنا كانت لغرض العلاج مش اكتر انما انت عارف اختك وتربيتك يكريم ومش عايزاك تزعل مني انا والله بموت في بعدك عني بالشكل ده
كريم بتنهيده وانا علشان عارف تربيتي لاختي كبرت دماغي وقولتلك ادخلي اقعدي واتعاملت معاكي عادي كأن مفيش حاجه حصلت مع اني لسه زعلان منك بس موضوع وسام ده انا مش مقتنع بيه تماما ومش قادر افهم انتي ازاي مصممه تتجوزي واحد من عيله نادر بعد كل اللي شوفتيه
هناء بدموع علشان وسام مش نادر واحسن منه 100 مره انت اللي بتاخده بذنب غيره يكريم
كريم رايح يتكلم سمع خبط على باب الشقه استغرب وتابع مين ده؟
هناء وهي بتمسح دموعها تابعت هقوم اشوف ولفت طرحه على عبايتها وقامت بالفعل فتحت فاتفاجئت لما لقيت وسام وتابعت بصدمه انت لسه مروحتش؟
وسام بتنهيده لا كنت مع علي فوق السطح وجيت عايز كريم في كلمتين قبل ما امشي
فكريم كان طلع ورا هناء وسمعه فتابع بتنهيده ادخل يوسام وروحي انتي اوضتك يهناء بس هاتيله حاجه يشربها الاول
فهناء هزت راسها بحاضر بحزن ومشيت ووسام دخل وقفل الباب فتابع كريم بتنهيده تعالى اتفضل
فدخل وسام وراه فدخلوا اوضته وقعدوا على كرسين جنب بعض وتنهد كريم وتابع خير سامعك
وسام اتوتر وتابع انا مش عايزك تزعل مني على اي حاجه قولتهالك انهارده ..اعذرني انا بس كنت متعصب شويه
كريم بتنهيده لا ولا يهمك انا معتبر اني مسمعتش حاجه اساسا لان في النهايه محدش رايه هيمشي غيري لان انا والي العروسه ولا انت بقى كنت هتخالف شرع ربنا وتتجوزها عافيه؟
وسام بحزن اكيد لا وعمري ماهتجوزها غير بارادتك وعارف انك لو رافض متسحيل نتجوز بس انا طمعان في كرم ربنا عليا وبدعي يحنن قلبك علينا
كريم بص يوسام ..انا مش قاسي ولا مبحسش انا رفضي وعصبيتي دول وراهم خوف انت مش هتعرف تتخيله .. منكرش استجدعت واقفتك معايا انا وعلي انهارده وشايف فيك انسان كويس بس معلش بردو هقولهالك في وشك المظاهر خداعه ..احنا اتخدعنا في ناس عشرناهم كتير اولهم ابن خالتك اللي دخل وخرج علينا 8 شهور واخرهم جوز سلمى بعد سنتين وسليم كمان معاهم بعد خمس سنين فاحنا شوفنا بما في كفايه من صغرنا وكبرنا همنا زاد بجوازت بناتنا مقلش لا فانا مش هسمح ابدا ان هناء تعيش نفس اللي عاشوه اخواتها مستحيل
وسام تنهد بوجع وتابع طب وانت قدرت الوحش ليه بس ماديك قولت شايفني انسان كويس
كريم وهو بيولع سجاره تابع لان ببساطه محدش بيقول على نفسه انا وحش الوحش بيبقى مستخبي يغالي فانا حقي اخاف انا معرفش جواك ايه ولا انت مين اصلا واديني قعدت معاك وكلمتك بهدوء وتغاضيت عن الكلام عن خروجك مع هناء وماسكه ايديها
وسام بوجع يسيدي انا متسعد اعملك اللي يرضيك واثبتلك حسن نيتي بس بالله عليك ماتظلمني وتظلمها ادينا فرصه على الاقل
كريم نفخ دخان السجاره وبصله وتابع لو اختك اتقدملها ابن خاله اللي فضحها وعمل فيها كل ده وسابها يوم كتب كتابها هتوافق تدخلها عيلتهم ويبقي بينهم مقابلات كتير سواء في اعياد او مناسبات؟
وسام بوجع ايوه بس انا خسرت نادر علشانها و
كريم قاطعه بحده وتابع انا بسالك سؤال ترد عليه ..هتوافق ولالا؟
وسام بوجع بصراحه لا ..بس مش علطول على الاقل لو لقيته مصمم وشاريها هجرب
كريم بتنهيده طيب لما الاقيك مصمم وشاريها نبقى نجرب نورت يا دكتور
فوسام اتحرج وتابع تسلم يبشمهندس وقام وخرج فهناء كانت واقفه بعيد عن الباب شويه والدموع متحجره في عينيها وماسكه الصنيه اللي عليها الشاي وساكته لانها سمعتهم فوسام تنهد بوجع وعدا من جنبها ونزل فغمضت عينيها بقهر ودموعها نزلت وسابت الشاي على الترابيزه ودخلت لكريم وتابعت بدموع انا هوافق بقرارك بس عمري ما هنسى ان خوفك ظلمني يكريم .. وعيطت وتابعت بدل ما تحضني وتساعدني انا ابطل ابقى خايفه واعرف احب واتجوز من تاني بعد اللي حصلي بتزود خوفي وترجعني نقطه الصفر بخوفك الاوفر عليا ومصمم تحسسني ان وساام وحش مع اني اضمنه برقبتي بس ماشي يكريم انا راضيه طلما ده هيعجبك وسابته وخرجت وهي بتعيط فكريم اتعصب ورمى السجاره على الارض وداس طفاها ونفخ بضيق شديد
وعند هناء دخلت اوضتها وهي بتعيط ولقيت فونها رن فمسكته وردت وتابعت بعياط ايه يوسام
وسام بوجع كنت واثق هلاقيكي بتعيطي اخرجي للبلكونه طيب
فهناء خرجت ووقفت بصت لقيته تحت باصصلها فابتسم وتابع في الفون: ورب السما والارض ماهتبقي لحد غيري انا مش مغلط كريم وحقه يخاف عليكي انتي غاليه ياهناء ومش سهل يديكي لاي حد عادي كده ..خصوصا لما يكون قريب راجل شوفتوا منه كل الوحش اللي في الدنيا بس ده دوري ..دوري اطمنه واعرفه اني غير نادر وبحبك وشاريكي فعلا وانا اوعدك مش هيهدالي بال غير لما تبقي حلالي
فهناء ابتسمت من بين دموعها وتابعت بحبك وعيطت وتابعت بحبك اوي بجد
وسام ابتسم وهو باصص عليها وتابع وانا بموت فيكي امسحي دي بقي يلا
فهناء مسحتها بلهفه وتابعت حاضر وحقك عليا على اسلوب كريم يوسام انا اسفه بجد
وسام بحب ولا تعتذري ولا حاجه اخوكي راجل وصح فكل كلامه وابتسم وتابع وبعدين ده بيشقيني يهبله علشان لما اوصل للشهد احس بطعمه
فهناء فضلت تضحك وتابعت قصدك محترم ولا؟
وسام بضحك مش محترم اوي يعني اصل انتي كل حياتي معاكي هتبقى شهد سواء عمري اللي هيبقى جنبك ولا قربي منك كله حلويات
فهناء وشها احمر وضحكت وتابعت طب انا هقفل في وشك علشان تحترم نفسك بعد كده
فوسام فضل يضحك وتابع لالا خلاص والله وابتسم وتابع متناميش بقى وصلي الفجر وادعي بذمه ربنا ينصرني على اخوكي اللي طلعلي في البخت ده
هناء بابتسامه هينصرك وواثقه فيك ومطمنه بوجودك وممتنه ليك انك قدرت تحسسني بالامان بعد سنين فاتت كنت خايفه فيها من كل حاجه حواليا بس من سااعه ماظهرت في حياتي وقولتلي انا هنا وكل حاجه بخير حتى انا
فوسام ابتسم وتابع ينعل ابوها المسافات اللي بعداني ومخلياني في الشارع وانتي في الرابع دي
فهناء ضحكت وتابعت كنت هتعمل يعني لو قدامي ها
وسام بضحك لا هقولك بعد كتب الكتاب وغمز وبعتلها بوسه في الهوا فهناء ضحكت وتابعت طب انا هقفل علشاان انت شكلك فايق ورايق وقفلت فوسام بص للفون بذهول وبصلها وضحك وتابع بقى كده بتقفلي في وشي يابنت حاتم ؟!!
هناء بضحك معلش عديها علشان اكتر من كده ابن حاتم هيجي يزعلني ويزعلك
فوسام ضحك وتابع وماله وغمز وتابع مسيرك ياملوخيه تيجي تحت المخرطه وركب عربيته وهناء فضلت تضحك
-
وتاني يوم الصبح كانوا كلهم ماشين في المدافن ورا حازم وسلمى لابسه دريس اسود وخمار اسود وعينيها حمرا زي كاسات الدم مقهور مش عليه على قد ما مقهوره على حالها وعصام صمم يكون جنبها وراح وشال الصندوق معاهم ووسام كمان كان معاهم والناس عماله تدعيله ووصلوا عند قبره ونزلوا وامه اللي كنت اكتر حد مقهور وبيعيط وبصت لسلمى وتابعت بعياط حبيبك سابنا يسلمى سابنا ومشي علطول يابنتي فسلمى عيطت وحضنتها وفضلت تطبطب عليها والشيخ فضل يدعيله وكلهم بيرددو امين فسندت سلمى امه اللي كانت بتعيط ومنهاره وبصت لصندوقه وتابعت في سرها بقهر: هيجي يوم هقف قدامك تاني يحازم بس سامحني ساعتها مش هقدر اسامح رغم اني بأمن معاهم على كلامهم بس الناس لو سامحت ربك مش هيسامح ولا في حقي ولا حق العيله اللي ماتت بسببك ودموعها نزلت بقهر وكملت في سرها مكنش نفسي تبقى دي النهايه ..النهارده كان فرحنا كان اليوم اللي اتمنيناه كتير انهارده كنت هبقى عروسه وهكسر رعبي وخوفي من الجواز لاجلك وهسلم ليك رغم انه صعب عليا بس انت عملت كتير بوظ النهايه اللي كنا محضرينها وكتب نهايه ولا انا ولا انت كنا نتمناها ودموعها زادت وتابعت ينعل ابوه قلبي اللي حبك ومقهور عليك ومش قادر ينسى اللي شافه منك وبيفتكر كل الحلو دلوقتي ويقول ازاي حصل كل ده؟! ازاي فوقت من حلم بتمناه على كابوس زي كده !! بس ده الواقع اللي يقهر واديك موت وسيبتني انا لوحدي اعيش متعذبه وبدفع تمن غلطتك وفاقت من سرحانها على حد بيحط ايديه على كتفها فكان عصام فابتسم بحزن وتابع مش عايزك تفكري في اي حاجه غير ان ربنا اختارلك الاحسن ولطف بيكي
فسلمى ابتسمت بقهر وتابعت عارفه والله كل ده بس بضعف وافتكر كل الحلو اللي عيشناه ودمعت وتابعت اصل انا ملحقتش استوعب انه وحش انت فاهمني؟
عصام بوجع فاهمك وفاهمك اوي كمان وهقولك زي ماقولتيلي على موت ابني اللي انتي فيه ده ابتلاء وصعب جدا كمان بس ربنا علشان بيحبك ابتلاكي ولطف بيكي في نفس الوقت وكتبلك حد اجمل بكتير بس اديله فرصه يسلمى
فسلمى هزت راسها وتابعت بدموع حاضر والله
عصام بتنهيده عايز اسمع اخبار حلوه قريب ها ده ولا جوزك ولا ليكي انك تلبسي عليه اسود
فسلمى ابتسمت وتابعت حاضر يحبيبي
فعصام ابتسم وتابع عيون حبيبك انتي يقمر يلا همشي انا علشان سايب رفيده لوحدها وانتي عارفه انها لسه قايمه من اجهاض وتعبانه
سلمى بحزن سلامتها وقولتلك متجيش وخليك جنبها
عصام بابتسامه بس يهبله مينفعش اسيبك طبعا
سلمى بحب ربنا ميحرمنيش منك ابدا يارب
عصام بحب ولا منك يحبيبتي وطبطب عليها وتابع همشي انا ها
فسلمى ابتسمت بحب وهزت راسها بماشي فعصام مشي فوقفته رانيا وتابعت عصام
فعصام وقف ولفلها وابتسم فراحتله وتابعت بحزن البقاء لله ياابني ربنا يعلم قلبي وجعني قد ايه لما عرفت اللي حصل من سلمى ربنا يعوضك يحبيبي
فعصام ابتسم بوجع وتابع اللهم امين يارب تسلميلي ياست الكل
رانيا بوجع معلش ينورعيني ربنا بيختبرك والله فلازم تكون قد الاختبار ومتعترضش علشان يعوض صبرك بكل خير
عصام ابتسم بوجع وتابع الحمدلله على كل اللي يجيبه
فرانيا رايحه تتكلم فجات سلمى وتابعت بتوتر ماما انا عايزه امشي بسرعه انتوا مطولين هنا؟
رانيا باستغراب مالك يابت في ايه
فسلمى همست لامها بكلام فرانيا فتحت عينيها وتابعت طب روحي مع عصام بسرعه يلا واحنا شويه وهنيجي وراكي يلا
عصام باستغراب ايه في ايه؟
سلمى بتوتر طب لو حد سأل علياا طيب
رانيا بتوتر هقولهم تعبت روحي يلا واخلصي ونفخت بضيق وتابعت مش عارفه انا مفروض حاسبه كويسه وفرحك كان انهارده وقولتي هتبقى بعيد حصل ايه بقى
فعصام فهم وسكت فسلمى شهقت وتابعت بس بس بتقولي اييه انتي يخربيت اللي يعرفك حاجه
فعصام كتم ضحكته وتابع عادي يالوما ولا كأني واقف يلا يحبيبتي يلا قدامي بسرعه
رانيا بضيق طب مفيش صيدليات هنا ولا هنا يا ابني؟
فسلمى بصتلها بذهول وتابعت ياماما بس ينهار اسود بتقولي ايييه
فعصام فضل يضحك وتابع لا يا امي مفيش ده احناا في طريق صحراوي صيدليات ايه بس ده مفيش بوق مايه الواحد ريقه بقي حجر
رانيا شهقت وتابعت يكبدي ياابني عطشان؟
فسلمي بصتلها بذهول وتابعت ياكبديي سيبيناا نمشي ابوس ايدك فعصام فضل يضحك بشده وتابع متقلقيش هوصلها واشرب علطول فرانيا ضحكت وتابعت ايوه يلا بسرعه
فبالفعل سلمى طلعت معاه ورانيا بصت لقيت ان الكل مشغول ومش واخدين بالهم فرجعتلهم تاني وحمدت ربنا
وعند عصام فتح لسلمى الباب فركبت فلف ركب جنبها وبقى يسوق بسرعه متوسطه فتابعت بتوتر على مهلك ها مش عايزين نعمل حادثه
عصام بضحك لالا متقلقيش انا علشانك بس
سلمى بحرج ممكن تخرس وغلاوه رفيده عندك لان انا بتمنى الارض تتشق وتبلعني دلوقتي؟
فعصام ضحك وتابع بطلي عبط هاا دي مش حاجه تكسفك دي نعمه من عند ربنا وابتسم وتابع وبيني وبينك اقولك حاجه ومتتكسفيش مني؟
سلمى بتوتر اممم قول
عصام بابتسامه اتبسطت لما عرفت لاني كنت قلقان حبتين وعايز الشهر ده يعدي على خير
فسلمى تنهدت بارتياح لما تذكرت انها كده بالفعل مش حامل فضحكت وتابعت ااه الحمدلله فعلا والله ماخدت بالي انت اللي فكرتني الحمدلله ياارب بجد
عصام بابتسامه يستاهل الحمد ..وشويه وشافت كولدير مايه فتابعت بلهفه استنى يعصام وقف ثواني فعصام استغرب ووقف وتابع ايه في ايه ؟؟ فسلمى خدت الازازه الفاضيه اللي في عربيته ونزلت ووقفت تملى الازازه فابتسم بتلقائيه وثواني وجات وتابعت بابتسامه امسك يلا وطلعت قعدت وقفلت الباب فعصام ابتسم وتابع دي علشاني؟
سلمى بابتسامه اه مش قولت ريقك حجر اشرب يلا الف هنا
فعصام حط ايديه على راسها وقربها منه وباس راسها وتابع بابتسامه ربنا يديكي على قد حنيتك دي نوررعيني ونعم التربيه يعلي بصراحه
فسلمى ضحكت وتابعت بابتسامه مانا ياما وقعت ولقيتك تقومني فمش كتير عليك ارويك لما تعطش دي حاجه بسيطه اصلا
عصام بحب لا مش حاجه بسيطه لان انا ملاحظ من بدري انك عماله تتلفتي بتدوري على حاجه فانتي كأنك مستنيه نقابل كولدير
سلمى بضحك بصراحه اه مبحبش حد بعزه يبقى جعان ولا عطشان ده طبع فيا من صغري ولما اسراء كانت تطلب مني تشرب واحنا بنام واقولها لا قومي جيبي لنفسك وتكسل تقوم كانت بتصعب عليا فكنت بتراجع واقوم اجيبلها علشان متنامش عطشانه
عصام ابتسم وتابع ومش عايزه حازم يموت؟طب هو واحد زيه يتجوز الملاك دي ازاي طيب؟ فين التشابه بذمتك؟
سلمى فضلت تضحك وتابعت مالك اللي بجناحات اوي يعني؟
عصام بضحك مين قالك كده انا شوفته مرتين تلاته وعلى قد جدعنته بس ابن كلب مش سهل بردو ..بس بيحبك فعلا وده المهم انما انتي مش هنلاقيلك راجل ملاك زيك ابدا
سلمى بضحك في دي عندك حق انتوا شياطين على هيئه بشر
فعصام فضل يضحك وتابع ياستي ربنا يسامحك
سلمى بضحك لالا خلاص متزعلش كلهم معادا علي وكريم وانت
عصام بغمز طب ومالك؟
سلمى بضحك لا مش هحطه دلوقتي لما اضمن انه مش زيهمم الاول
فعصام فضل يضحك وشويه ووصلوا ونزلت وطلعت شقتهم لقيت باب شقه مالك مفتوح وهو قاعد على الكنبه بتاعت الصالون ومرجع راسه لورا فتابعت باستغراب مالك في ايه؟
فمالك رفع راسه بتعب وتابع بتفاجئ غريبه جيتي لوحدك يعني؟
سلمى بتوتر سيبك مني انت في ايه حساك مش قادر تاخد نفسك ليه كده؟
مالك بتنهيده والله يسلمى سخن وتعبان اوي لسه طالع من الصيدليه وجبت ادويه قد كده
سلمى بقلق سلامتك طب ايه فطرت؟فمالك هز راسه بـ لا بتعب فتابعت بخوف طب هحضرلك فطار وجيالك ورايحه تمشي فوقفها صوته لما قال: لو هتيجي باسود متجيش
فلفت بصتله وتنهدت بحزن وتابعت طلع حازم من دماغك ده فتره وخلصت من حياتي بس انا لبساه لاجل الناس اللي هتيجي مش اكتر
فمالك مردش عليها وودى وشه بعيد عنها فتنهدت بحزن ودخلت الشقه وراحت غيرت هدومها علشان البريود لدريس اسود وخمار غير اللي لبستهم ودخلت المطبخ وحضرت فطار وعصير فريش وطلعت بالصنيه ودخلت حطيتها قدامه وتابعت بتوتر لولا مينفعش اقعد معاك كنت فضلت لحد ماتاكل والله بس لازم امشي ..سلامتك
ورايحه تمشي فمالك مسك ايديها وتابع بتعب متسبنيش يسلمى ..تعالي نطلع فوق السطح مش هنقعد في شقتي بس خليكي معايا
فسلمى بصتله بحزن وتابعت واضح عليك وعلى عيني والله بس لو علي جيه شافني معاك فوق بردو هيبهدلني
مالك بابتسامه لما تشوفي عربيتهم داخله انزلي احنا كده كده بنبقى شايفين الشارع كله
فسلمى تنهدت وتابعت طب يلا وشالت الصنيه ومالك بقى يقوم ببطئ وطلعت وطلع وراها فحطت الصنيه على الترابيزه وهو رمى نفسه على الكنبه بتعب فقعدت بعيد عنه شويه وحطت ايديها على جبينه وشهقت بصدمه وتابعت ايه ده يخربيتك ده انا لو حطيت بيض هيتقلي على دماغك حصلك ايه لكل دده يماالك
مالك ضحك وتابع جبته لنفسي خدت شاور ساقع ونزلت الشارع لابس خفيف فخدت حتت دور مش هيسبني غير لما يجيب اجلي
سلمى بحزن بعيد الشر عنك متقولش كده ربنا يشفيك يارب ومالك اتعدل في قاعدته فلفت انتباها ايديه اللي ملفوفه بشاش فتابعت بصدمه ايه ده ! انا مخدتش بالي فكراه رباط ضغط اتاريه شاش مال ايدك الاتنين لاففهم كده ليه!
مالك تنهد وتابع وانا باخد شاور متعود بيبقي ساقع فدوست على السخن بالغلط ووقفت اعمل جسمي بالشاور فالسه بحط ايدي لقيتها اتحرقت وقشرت الجلد فروحت المستشفى وكانت ليله
سلمى شهقت بصدمه وتابعت بخوف يالهوي يمالك مش تاخد بالك حرام عليك دي مش هتخف بسهوله ابدا وهتسيب اثر واكيد الحرق سبب في حرارتك العاليه اوي دي بردو
مالك ابتسم بوجع وتابع ياستي وفيها ايه ده وجع بسيط مقاررنه بالوجع اللي انتي حسيتيه
سلمى بوجع وانت مالك بوجعي؟ ايه دخل وجعي بوجع حروق ايدك؟
مالك تنهد بوجع وتابع مالي ازاي بقى؟! ده انا مقهور علشانك يسلمى وطول الوقت مستصعب اوي ان بنت يجرالها كل اللي جرالك فمهما هشوف حاجات صعبه وتوجع سواء نفسيا او جسديا هفضل اقول لنفسي وجع حبيبتك اكبر ..انشف كده يمالك انت شوفت ايه من اللي سلمى شافته فانتي بنسبالي قدوه انك لسه واقفه على رجلك للنهارده فحرق ايه وكلام فاضي ايه اللي اعمل عليه حوار ده انا قدامي بنت بـ 100 راجل شافت اكتر بكتير وفضلت واقفه ومكمله
فسلمى دموعها نزلت وبصتله بحب وتابعت بس صحتك وسلامك النفسي او الجسدي يهم سلمى فعلشان خاطري خلي بالك من نفسك يمالك فمالك مسك ايديها ورفعها باسها بحب وتابع عيوني ياست البنات فسلمى ابتسمت وراحت جابتله الاكل وابتدت تاكله لان ايديه الاتنين مربوطين بشاش فاكل منها وتابع بس ايه خلاكي ترجعي لوحدك صح؟
فسلمى اتوترت وهي بتأكله وتابعت عادي يعني اتخنقت وتعبت فقولت ارجع
مالك باستغراب بس مش غريبه دي والناس هتسأل عنك؟
سلمى بتوتر لا قولت تعبانه عادي وبعدين ممكن تاكل وانت ساكت يلا وبتمد ايديها فمالك كل منها وتابع برفعه حاجب والله ما مرتاحلك
سلمى بتوتر ماخلاص بقى يمالك اووف فمالك تنهد وتابع طب اخلصي يسلمى انا مش هقررها تاني جيتي ليه لوحدك؟
سلمى بحرج مش هقول ها
فمالك ابتسم وتابع وغلاوه علي لتقولي فسلمى شهقت وهو فضل يضحك وتابع عرفت نقطه ضعفك خلاص قولي يلا
فسلمى بصت للارض بحرج وتابعت تعبت كده واضطريت ارجع اغير هدومي فعرفت اني مش حامل الحمدلله
فمالك فهم وتنهد بارتياح شديد وابتسم بفرح وتابع الحمدلله الف حمد وشكر يارب بجد
فسلمى الدموع اتجمعت في عينيها من الكسوف وتابعت كمل اكلك لوحدك بقي انا هنزل ورايحه تقوم فمالك مسك دراعها وتابع بضحك استني بس حرام عليكي انا ايدي الاتنين شبه مشلولين والله تعالي مش هتكلم تاني وغلاوتك عندي
فسلمى قعدت بحرج وتابعت انا مبحبش اتكلم في الحاجات دي يمالك بجد
مالك بحب مانا عارف يعيون مالك خلاص والله اقعدي مش هتكلم وبص لعينيها اللي الشمس جايه عليهم ومزوده جمالهم وتابع بهيام مفيش حاجه في الدنيا قادرين يجبوني الارض قد عيونك القناصه دي ..وعهد الله لو اتثبت قدامهم سنه مش همل
فسلمى ابتسمت بكسوف وغمزاتها ظهرت فتابع مالك بضحك طب ايه مش ناويه تخلي التعب اللي عندك ده ميجيش تاني ؟
سلمى باستغراب ميجيش تاني ازاي يعني؟
مالك بضحك بسيطه وافقي نتجوز وانا اريحك منه 9 شهور بحالهم
فسلمى فهمت وشهقت بخجل وتابعت مانت متربتش والله متربتش وانا هنزل واسيبك
فمالك فضل يضحك وتابع خدي خلاص والله خلاص وربنا ماهنطق تاني فسلمى بصتله بضيق وتابعت خد بالك انا مش هوافق اتجوز الا الجود بوي فاتحترم نفسك وانت بتتكلم معاياا
مالك بابتسامه ابقى جود بوي حالا يسلام طب ده وانا في المدرسه في ابتدائي كانوا بيقولوا عليا الجود بوي راح الجود بوي جيه
فسلمى فضلت تضحك بشده وغمزاتها بانت فمالك ضحك وتابع ايوه كده خلي الشمس تطلع يشيخه اصل انتي كده كده فكل الحالات متقدريش ترفضي تتجوزيني لانك طيبه ومش هتقطعي ارزاق الناس
سلمى بضحك ومال ارزاق الناس بجوازنا بقى؟
مالك بابتسامه اقولك ياستي .. لما توافقي ..هيبيع جواهرجي فيوم دبله وهيجيب مأذون عشا لعياله وهيزيد مشروبي في اي كافيه وهيبقى اتنين ونضيف للدنيا اتنين عشاق ..وان موافقتيش بقى .. في رزق هيبقى انتهى مقطوع وانتي احن من البلسم مترضيش تقطعي ارزاق يا لومي
فسلمى اتفاجئت بكلامه وفضلت تضحك بشده وتابعت ايه ده عايزني اضعف وكل دول يصعبوا علياا وكده صح؟
مالك بضحك اه صح مانا عارفك بتعيطي لو لقيتي قطه بتتنفض من البرد مابالك كل الارزاق دي
فابتسمت وتابعت اممم عندك حق
مالك بضحك شوفتي بقى
سلمى بضحك اه شوفت علشان كده هودي علي وحبيبه بدالنا وهما يشتروا من الجواهركي ويعشوا عيال المأذون ويشربوا في الكافيه وهما كده كده عشاق مش لسه هيتضافوا لا
فمالك اتصدم بكلامها وهي فضلت تضحك على ريأكشن وشه وتابعت اهدى على نفسك بس علشان السخونه متضربش في نفوخك تجيب اجلك احنا عايزينك ونزلت وهي بتضحك وهو ضحك غصب عنه من كلامها وتابع بنت كلب والله وبص للسما وتنهد وتابع يارب ساعدني اعوضها وانسيها كل اللي عاشته
--
بعد كام ساعه كانوا كلهم رجعوا ونيره راحت الكليه علشان وراها اهم امتحان عملي في السنه فسهيله شافتها شاورتلها تروحلها فنيره راحت قعدت قدامها ورمت الشنطه جنبها بضيق فتابعت سهيله باستغراب مالك على الصبح في ايه قالبه وشك كده ليه؟
نيره بضيق مفيش يسهيله سبيني في حاله ورحمه ابوكي
سهيله بذهول يابنتي مالك هو انا لازم روحي تطلع معاكي علشان تجاوبي يعني؟
نيره الدموع اتجمعت في عينيها وتابعت امتحان انهارده بالذات اللي خايفه منه ومتوتره اوي وقولتلك حضرتله مع كريم كتير كان مفروض يحصل ايه؟
سهيله بحزن ايوه كان مفروض هيجي معاكي ويستناكي تخلصي ويخرجك
نيره بدموع واهو انهارده جيه واديني لوحدي ونزلت بوست امبارح على امل يشوفه يفتكر بس شافه ومفتكرش ومقاليش حاجه ومجاش معايا هو بجد ليه كل ده هو انا كنت اعرف اللي هيجرالي يعني؟ ده انا على يدك كنت هكلم نديم واسيبه علشانه فمفروض مني اعمل ايه تاني بجد؟
سهيله بحزن اهدي طيب حقك عليا
نيره بعياط اهدى ايه يسهيله اهدى ايه بجد انا كنت فاكره ان كريم عمره مايتخلى عني وهيفضل جنبي مهما يحصل بس لا نيره هانت عليه عادي وحست بوجع في قلبها وتابعت : ساعات كنت بتمنى ان ياريته بابا عايش ودموعها زادت وتابعت كنت نفسي لما يعاقبني واترمي في حضنه ميردنيش زعلانه ويحضني ويطمني .. انا كنت فاكره ان كريم معوض كل الادوار دي في حياتي بس بعده عني كل المده دي اثبتلي اني فعلا يتيمه وماليش حد خالص يسهيله وعيطت وتابعت كريم قسي عليا اوي يسهيله اوي بجد
سهيله بحزن مش قادره بردو اجي عليه كريم راجل دمه حامي والوضع اللي شافك فيه صعب على اي حد ولو عم علي الله يرحمه كان عايش كان عمل زيه واكتر فمتلوميش كريم ينيره انا وانتي عارفين ان كريم مبيحبش حد قدك بس كنتي عايزاه يعمل ايه وهو شايف كلب زي ده بينهش فيكي وبسبب عنادك ووقفتك قصاده من الاول؟
نيره ابتسمت بووجع وسخريه وتابعت مبيحبش حد قدي ! لا ده كان زمان كريم اتغير يسهيله
وكريم كان جيه وسمع كلمتها دي وسهيله شافته اتصدمت فشاورلها تسكت فتابعت نيره بدموع كريم مبقاش هو كريم بتاع زمان لا ده بقى يقسى عليا وبيعاملني اسوء منهم كماان وقلهالي مره واتنين انتي بقيتي اقل منهم عندي وعمرك ماهترجعي لمكانتك
فسهيله بصتله بتوتر بعدين بصتلها فكريم انتبه لكلامها فتابعت نيره بدموع انا اه غلطت ومعترفه بس متخيلش العقاب يبقى قاسي كده وعيطت وتابعت متخيلتش اني اجي احضنه فيبعدني عن حضنه كده ! طب ليه طيب اهون عليه بالشكل ده مهما غلطت؟وازاي اتعود اعيش من غيره وانا عمري كله معاه واقرب حد ليه وابتسمت بقهر وتابعت ده عارفني لما بتعب كل شهر وبيقوم يعملي حاجه اشربها ومبيستحملش عليا الهوا ويجري يكشف ..معقوله كل ده مش هيحصل تاني؟ معقوله ندى خليته يقدر يستغنى عن وجودي في حياته ؟ معقوله هيقدر يكمل من غيري؟ وعيطت وتابعت طب اشمعنا انا مش عارفه اكمل وحياتي واقفه يسهيله؟ حرام عليه يحرمني منه ده هو كل اهلي يسهيله ..مش بيقول انه مكان بابا؟ طب هو بابا هيزعل مني كل ده؟تحسي انه بيبعد عني علشان عارف انه كل الادوار فحياتي فبيعاقبني وبيحسسني بالوحده وياريتها رسيت على الوحده بس ده حتى نسي ان النهارده مهم بنسبالي ومبقتش اهمه بجد مش مجرد عقاب
كريم وانتي مين قالك اني نسيت يا ام لسان طويل انتي ها؟
فنيره اتصدمت بشده وقامت وقفت ولفت شافته اتخضت وتابعت كريم !!
كريم برفعه حاجب ااه كريم القاسي الوحش اللي نسي امتحانك العملي
فنيره عيطت بفرحتها بوجوده وحطت ايديها على وشها وفضلت تعيط فكريم قرب عندها وتابع بابتسامه تعالي يابنت الجزمه وفتح ايديه وتابع علشان عارف خايفه تحضنيني ابعدك زي ما كنت بعمل
فنيره بصتله بلهفه وضحكت ولفت ايديها حوالين رقبته وحضنته جامد بكل قوتها وكريم حط ايديه على ضهرها وضمها ليه جامد وهو بيطبطب عليها وسهيله وقفت وبصتلهم بحب ودموعها بتنزل فتابعت نيره بعياط وفرح انا مش قادره اصدق انك هنا بجد انا مبسوطه اوي
فكريم باس راسها بعمق وتابع وهو حاضنها مهما حصل بينا مقدرش اسيبك في يوم زي ده عمري ماخلفت وعدي معاكي ولا زمان ولا دلوقتي
فنيره ضحكت من بين دموعها وتابعت واحشتني واحشتني واحشتني اوي وضمته جامد وباست كتفه وهي حضناه فكريم فضل يمشي ايديه على شعرها وتابع بوجع مش لوحدك اللي تعبتي بس مكنتش قادر اسامحك ينيره
نيره خرجت من حضنه وحطت ايديها على خده وتابعت انا اسفه والله ابوس ايدك سامحني بس كفايه يكريم كفايه والله استويت وجبت اخري في بعادك مبقتش قادره وعيطت وتابعت انت علمتني اعيش معاك واستخبى في ضهرك بس عمرك ماعلمتني اعيش من غيرك و اواجه الدنيا لوحدي كفايه اهون عليك ورحمه ابوك بلاش اقولك وغلاوتي عندك
كريم حط ايديه على خدها يمسح دموعها وتابع بوجع زعلي منك كان على قد وجعي يعبيطه انا مكنتش قادر اسامحك علشان اختارتي واحد غريب عليا وكنتي هتضيعي مني وانا اموت لو شوفت فيكي أذي ومش هسامح نفسي اني سمحتلك تتخطبيله انما كنتي ولازلتي وهتفضلي اغلى واحده على قلبي وولا ندى ولا غيرها هياخد مكانك زي مابتقولي
فنيره عيطت بفرح شديد وحضنته جامد فكريم حضنها واترفعت عن الارض وتابعت انا اسفه اوي يكريم اسفه اوي بجد واوعدك مش هعمل غير اللي يرضيك بعد كده
فكريم باس جبينها بعمق وحط ايديه الاتنين على خدها خلاص يحبيبي اللي فات مات عايزك تركزي في امتحانك اهم حاجه
نيره بفرح ودموع اتفقنا طول مانت جنبي خلاص مبقتش متوتره اصلا وبصتله بلهفه وتابعت بخوف بس انت بجد سامحتني صح؟ يعني هتشرب قهوه من ايدي وهتسهر معايا وتحكيلي ونعمل كل حاجه زي قبل كده ولا صعب؟
كريم بحب هنعمل كل حاجه وضربها بالقلم بخفه على خدها وتابع هو انا كنت عارف اعيش من غيرك يابنت الكلب علشان تقوليلي صعب ده قسما بالله مافي حاجه كانت كسراني الفتره اللي فاتت كلها ومعكننه عليا حياتي ومخلياني حاسس اني لوحدي غير زعلنا من بعض ..اكتشفت انك عامله دوشه في حياتي يابت ينيره بس دوشه حلوه بتهون عليا وتخلي اليوم يعدي بسهوله انما لما كنا زعلانين كانت الساعه كأنها سنه
فنيره دموعها نزلت وتابعت يحبيب وعيون نيره انت وحضنته فكريم باس راسها بعمق فتابعت سهيله بضحك اخيرا يختي وشك نورر
نيره بضحك ده الدنيا كلها نورت خلاص فكريم فضل يضحك فجات صاحبتها وتابعت بلهفه نيره يلا الامتحان بدا واسمك بعد اللي جوه فكريم ابتسم وتابع بحب طب يلا روحي ربنا معاكي يعمري وواثق انك قدها ..واخرجي بسرعه يلا علشان نروح ناكل ايس كريم واخرجك زي ما وعدتك
نيره بحماس اتفقنا وباست خده ومشيت هي وسهيله وكريم بص عليها بحب وقعد يستناها وهو بيدعيلها وفونه رن فكانت ندى فرد وتابع بتنهيده ايوه ياندى
ندى ايه يكريم فينك كل ده مش قولت هتدفنوا وتيجوا علي وصل اهو
كريم بتنهيده لا انا مش جاي انهارده مش فاضي
ندى باستغراب غريبه وراك ايه اهم من البروجكت اللي شغالين عليه
كريم بتنهيده ورايا نفسي ياندى ..نفسي ليها حق عليا شويه ..حاسس اني عايز افصل واعمل حاجه تريح بالي
ندى بابتسامه ربنا يريح بالك يحبيبي خلاص تمام هقفل انا معاك علشان بعمل حاجات
كريم بتنهيده روحي وقفل معاها ورمى الفون على الترابيزه وشويه ونيره خرجت وهي مبتسمه لانها حلت كويس ورايحه ناحيته فكريم ابتسم وقام وقف فوقفها دكتور زميلها قبل ماتوصل لكريم وتابع دكتور نيره ممكن لحظه؟
نيره باستغراب طبعا اتفضل يا دكتور باسم
باسم بابتسامه انهارده اخر يوم عملي وكده وخلصنا من ضغط رهيب كنا فيه فكنت حابب اعزمك على حاجه نشربها احنا والتيم سوا
نيره بابتسامه بارده لا انا بعتذر عندي مشوار ضروري ولازم امشي
ورايحه تمشي فتابع باسم بلهفه طب خمس دقايق والله وامشي مش هأخرك
نيره بضيق مش هينفع ياباسم صدقني انا ابن خالتي مستنيني اصلا ولازم امشي وابتسمت بمجامله وتابعت باي فباسم تنهد بعمق وسكت وهي مشيت وراحت لكريم وابتسمت بحب وتابعت يلا يكوكي
كريم برفعه حاجب كوكي اه ومسك دراعها جامد وتابع مين ده يحبيبتي اللي وقف معاكي؟
نيره بضحك لالا ملحقناش تصالحني علشان تتحول علياا
كريم بحده مبهزرش ينيره مين دده؟؟
نيره بضحك يحبيبي زميلي في نفس التيم وقالي ان التيم كله هيقعد ويشربوا حاجه سوا فبيعزمني بلطف اروح معاهم بس انا رفضت برخامه مانت شايف ريكشأناتي وانا بكلمه يكرريم فكريم اتضايق وتابع طب يلاا يلا امشي قدامي ده امتى تخلصي ام الجامعه دي وانا احبسك في البيت ووالله ماهتعتبي الشارع علشان حواراتك كترت فنيره فضلت تضحك بشده وخرجت معاه وتابعت بحماس هاتلي ايس كريم من هنا علشان بحبه هناك في الكافيه مش حلو زي هنا
كريم ابتسم وتابع يحول الله يارب وهز راسه بيأس فنيره ضحكت وتابعت ايه يكريم في ايه مش بقول اللي في نفسي الله
فكريم ضحك وتابع انتي باارده يابت ؟ بقى انا متعصب وجسمي بيغلي من الغيره من الكلب ده وانتي بتفكري في الايس زفت !
نيره بضحك ماهو ساقع وهيبردك ياروحي ورفعت صابعها بتحذير وتابعت وبعدين اسمه ايس كريم انطقه صحح علشان نفس حروف اسمك متقولش زفت تااني انت فاهم
فكريم ضحك غصب عنه وتابع طب يلا ياقدري يلا اركبي العربيه وانا هجبلك الايس كريم وجاي فنيره سقفت بحماس وركبت العربيه وكريم ضحك عليها وراح جابلها وجيه ركب جنبها واداهولها فابتسمت بحماس وخدته وتابعت تعيش وتجيب ياروحي بس مجبتش ليك ليه
كريم بضحك لا اجيب ايه بقى ده كريم مع كريم يعمل قفله
فنيره فضلت تضحك وتابعت مبهزرش يكريم بجد
كريم بضحك مش عايز والله ماليش تقل عليه مانتي عارفه فنيره مدت ايديها تاكله وتابعت طب كل مني ولا اقولك استنى وكالت هي الاول بعدين ملت المعلقه تاني وتابعت بضحك كل يلا
فكريم ابتسم بحب وتابع على اساس هقرف منك مثلا وكل من المعلقه وتابع ربنا يهديكي يحبيبتي
فنيره ضحكت وتابعت عارفه مبتقرفش بس بحب تاكل ورايا واكل وراك .. وادعيلي بالهدايا فعلا انا مجنونه صح
كريم بضحك مانا عارف والله بس ايه خلاكي اتاكدتي بقى
نيره وهي بتاكل الايس كريم تابعت بضحك : موقفي مع باسم واد قمر قمرر مفيهوش غلطه عماله اقول لنفسي وانا بغلس عليه ايه يا بهيمه اللي انتي بتعمليه ده
كريم شاورلها تخرج وتابع بقولك ايه انزلي
نيره باستغراب ليه يعنى؟
كريم بضيق انزلي كلي البتاع ده في الشارع
نيره باستغراب وصوت مرتفع نسبيا :لييه يعني مش فاهمه؟
كريم بحده انزلي هتبهدلي العربيه اخلصي
نيره برفعه حاجب على اسااس انها فله يعني
كريم بحده اه فله
فنيره اتعصبت وتابعت تمام وبتفتح الباب تنزل فتابع بضيق اقسم بالله بهيمه
نيره نزلت وتابعت بضيق انت اللي بهيم ومستفز ها
كريم بحده نعم يانيره قولتي ايه؟
نيره بضيق اووف مقولتش يكريم طلعني يكريم الشمس مضيقااني اووف بقى
كريم لما تتعلمي تحترمي نفسك قدامي ومتجبيش سيره اي عيل وسخ من اللي حواليكي دول هبقى احترمك انا كمان واقعدك جنبي
نيره بصتله بذهول وفضلت تضحك وتابعت طب عملك ايه الواد طيب ماهو دكتور محترم وابن ناس اهو
كريم بضيق تمام خليكي هنا بقى يوصلك الدكتور المحترم وبيدور العربيه فنيره وقفت قصاده وتابعت بضحك ولهفه لالا والنبي استنى
كريم بحده اوعي من قدامي ينيره اخلصي فنيره ضحكت وتابعت يعني لو قولت لباسم وصلني ووصلني بجد هتعديها ؟
كريم بحده هعدي عليكي انتي وهو بقطر بس ابقي فكري اعمليها
فنيره فضلت تضحك وتابعت طب خلاص استناني بقى مفيش مشيان ولو هتمشي يبقى تدوسني الاول
فكريم ضحك غصب عنه وتابع جو قديم وبلدي بلديي اللي انتي بتعمليه ده
فنيره ضحكت وتابعت طب اعمل ايه ما مش عارفه اوقفك استنى والله هخلص الايس كريم بسرعه طلما مضايقك وهطلع
كريم برفعه حاجب انا نزلتك علشان لسانك مش علشان الايس كريم
نيره حطت ايديها على بوقها وتابعت بضحك مكتوم: خلاص هشد بلاستر وحياتك فكريم ابتسم وتابع طب اركبي يابنت الجزمه وابقى اسمع حسك فنيره ضحكت وركبت جنبه تاني ونامت على كتفه وتابعت بحماس يلا بينا على الكافيه بتاعنا بقي فكريم لف وشه بارس راسها بعمق وبص للطريق وتابع يلا انا خدت اجازه انهارده واليوم يومك فنيره فرحت وتابعت حبيب قلبي ياناس والله
كريم بضحك يخش يطمر بس فنيره ضحكت وهي بتاكل الايس كريم وتابعت هيطمر والله يكوكي
فكريم فضل يضحك وتابع يادي كوكي بقى البشمهندس كريم الجارحي يتقاله كوكي يابنت الجزمه
نيره بصحك البشمهندس كريم الجارحي دي معاهم بس مع نيرو انت كوكي ومفيش اعتراض
كريم بضحك فضايح دي اياكي اسمعك بتدلعيني قدام اي حد فنيره فضلت تضحك بشده
-
بعد مرور 3 شهور كاملين غيروا كتير في حياتهم واهمهم فارس واسيا اللي فرحهم انهارده وامه وافقت بعد معاناه وحيال منه ومن اخوه الكبير وسلمى اللي ابتدت تمشي في كورس علاج نفسي عند دكتوره مالك رشحها ليها وبيوديها ويجبها وقال لعلي انه عايز يتجوزها وعلي قاله بعدين الكلام ده مش دلوقتي وهي ابتدت تحبه وتحس معاه بامان وعلي وحبيبه بيحضروا في شقتهم وكريم ونيره رجعوا زي الاول واحسن ولميا انشغلت كتير في شغلها وفي قضايا جديده مع قضيه عدلي الشامي وده خلاها تاجل مقابلتها لانس واخيرا هناء اللي كريم وافق بخطوبتها على وسام وبقيوا مخطوبين بعد حيال كتيير اوي فكريم استسلم لالحاحه ووافق وبقالهم شهرين مخطوبين ومحدش حضر غير مامته واخته وبنت عمو واقرب صحابه
-
والصبح وتحديدا يوم فرح اسيا صحي مالك وفتح بلكونته ياخد نفسه بعمق وهو بيفتح عينيه ببطئ من الشمس مسك فونه يرن على سلمى فقفلت فونها بنوم ومردتش عليه فرن تاني فمردتش فنفخ بضيق وتابع ايه يسلمى موتي ورن تاني فمردتش فدخل الشقه جاب المقشه وخرج البلكونه ومد المقشه وبقي يخبط على بلكونه سلمى اللي جنب بلكونته فحبيبه كانت بتجيب حاجه من البلكونه قدامه فشافته ففضلت تضحك وتابعت ماالك انت يوااد
فمالك اتخض وبصلها وتابع يشيخه حرام على اهلك قطعتي خلفي فحبيبه فضلت تضحك وتابعت بتعمل ايه يخربيتك علي لو شافك والله ليمسكك يرنك علقه انت وهي
مالك بضيق ما مش راضيه تصحى دي بارده ورجع المقشه ومسك مشبك وفضل يحدف فيه على البلكونه تحت ضحك حبيبه المتواصل وتابعت تخيل علي اللي يفتح بقى وساعتها مش هيفتح البلكونه بس ده هيفتح نفوخك كمان
مالك بضحك هرمي نفسي من البلكونه اهون ولا اني اقع تحت ايده ايده تقيله اوي يابت يحبيبه فحبيبه فضلت تضحك بشده وتابعت طب اهدى طيب هروح اصحي علي واصحيهالك
مالك بضحك لا خليها نايمه بنت الجزمه خليها وفضل يرمي مشاابك ويخبط بالمقشه فحبيبه ضحكت وتابعت ياابني هتتهان انت وهي
مالك بضحك لالا ربك يسترها من واقع خبرتي علي نومه تقيل مش هيصحى
حبيبه بضحك والله ابدا وبلكونته جنبها فاشتري نفسك واتلم هصحيهالك
وسلمى سمعت صوت خلاها كمشت عينيها بضيق ففتحت وتابعت باستغراب ايه ده وقامت لبست الاسدال والخمار وفتحت البلكونه وهي بتبصلهم وهي مضيقه عينيها من فرط النور فتابع مالك بضحك اهي المرحومه صحيت اهي فحبيبه فضلت تضحك بشده فتابعت سلمى بضيق قي ايه انت وهي على الصبح ها فمالك مسك مشبك حدفه عليها خبط في راسها وتابع بضيق على جوه يلا شوفي الواتس فحبيبه فضلت تضحك وتابعت لا ده انتوا نكته وانا لو فضلت واقفه هيحصل احتمال من اتنين اما هتاخر على اسيا اللي في الفندق مستنيانا دي اما علي هيطلع ويلاقيني معاكم وساعتها اطلق ولوكا عارف ان ايديه تقيله فسلام انا بقى لان فالحالتين لازم انجز ففضلوا يضحكوا وحبيبه دخلت وقفلت بلكونتها بعد ماخدت الكارينا بتاعتها وسلمى بصتله وشاورتله يصبر وتابعت الصبر عليا هربيك انا علي كميه المشابك اللي بهدلتلي بيها البلكونه دي
مالك بضحك خشي يابت ردي عليا يلا مش عايز اهزقك على الصبح
فسلمى ضحكت ودخلت وقفلت البلكونه ومسكت الواتس فمالك اتصل بيها فيديو كول فردت وتابعت خير يمالك خير يحبيبي عاملي صداع من صباحيه ربنا وقارفني ليه؟ فمالك ابتسم وتابع اظن كلامك معايا ان هتقلعي الاسود ساعه فرح اسيا وادي الفرح جيه وريني هتلبسي ايه بقى علشان البس زيك فسلمى ابتسمت بحماس وتابعت طب استنى وسندت الفون على الكومود وراحت جابت الدريس والخمار ووريتهوله وتابعت بحب بص علي جابلي ده وكان دريس بيبي بلو شيفون وفيه خرز رقيق عند الوسط وكذا طبقه شيفه فوق بعض وخمار نفس اللون فمالك ابتسم باعجاب وتابع خطيير خلاص هلبس قميص بيبي بلو وبنلطون ابيض فسلمي ضحكت وتابعت اتفقنا يلا انجز بس وانا مفروض هقوم اروح للبت مشيت من 8 بس احنا واطين قولنالها هنجيلك 10 واديها 10 فمالك ابتسم وتابع بحب عقبالنا ياحوريتي فسلمى ابتسمت ووشها احمر وتابعت باي يامالك مش فضيالك فمالك فضل يضحك وتابع وماله يعمري باي قومي اجهزي يلا
وعند علي حبيبه دخلت بعد جهزت وكانت لابسه جمب سوت جينز وتحتها بدي كب ابيض وسايبه شعرها بطول ضهرها نازل مموج وراحت خبطت على ضهره بلطف وتابعت علي .. حبيبي قوم يلا يا بابا هنتاخر وهزته اكتر وتابعت يعلي قوم يلا بالله عليك
فعلي اتعدل في نومته وفتح عينيه ببطئ وتابع ايه يحبيبه فحبيبه ابتسمت وقعدت جنبه وتابعت ايه يعيون حبيبه صباح الخير
فعلي ابتسم وحاول يفتح عينيه كويس وحط ايديه على خدها وتابع صباح النور يعمري وبص للساعه وضيق عينيه يحاول يشوفها كام فتابعت حبيبه بقيت 10 فقوم والنبي يعلولي هنتاخر فعلي اتاوب واتعدل وهو قاعد على السرير ورجع ضهره لورا وتابع بنعس هاتيلي التيشرت من وراكي يحبيبه
حبيبه بحرج والله انا ماعارفه بتنام من غيره ليه
علي بضيق حراان يحبيبه حراان مبستحملش ام الحر خالص فحبيبه ضحكت وادتهولوا وتابعت قصدك متربتش يقلب حبيبه فعلي شدها ليه فالتيشرت وقع من ايديها فبصلها بهيام وتابع بالله نفسي ابطل ابقى محترم واوريكي عدم الربايه صحيح فحبيبه ايديها سندت على صدره واتكسفت وتابعت علي بطل قله ادب واوعا ايديك دي عايزه اقوم
فعلي ابتسم وتابع فارس هيدخل ووسام شويه وهيدخل هو كمان وقرب وتابع هو انا دوري امتى
فحبيبه وشها احمر وضحكت وزقته وقامت وتابعت تربيتك وسخه والله لما اشوفها رانيا اللي بتحلف باخلاقك دي ورايحه تخرج لقيت رانيا واقفه بصالهم بذهول فصرخت بخضه فعلي فضل يضحك بشده فتابعت حبيبه بحرج ماما !! انتي ..انتي واقفه من امتى؟!
رانيا بذهول من اول ما التربيه الوسخه كان بيحسد جوازت اخواته وعايز يدخل .. مدخلتش ليه يعلي؟؟ كابت نفسك ليه يقلب امك؟؟
فعلي فضل يضحك بشده وتابع حرام شرعا ياست الكل احنا مش قد غضب ربنا
فرانيا جابت الشبشب وحدفته عليه فقام بسرعه فمجاش فيه فحبيبه فضلت تضحك بشده فتابعت رانيا بحده لا وانت خايف من ربنا اوي ياتربيه ناقصه طالع لابوك فكل حاجه مسبتلوش حاجه خاالص ليها حق البت تقول اجي اشوف والله
فعلي فضل يضحك وتابع جايب اخري ياست الكل جايب اخري حسوا بياا
رانيا بحده تكتب عليها يحبيبي وبعدين براحتك انما مش هتعرف تتحكم في نفسك وحبيبه معاك يبقى متشوفهاش لوحدكم
فحبيبه فضلت تضحك وتابعت احسن علشان تتربي فعلي نفخ بضيق وتابع والله لهكتب الكتاب وماهسيبهالكم تاني
رانيا بضحك قول لكريم الكلام ده بقى ياروح امك احنا كتب الكتاب عندنا هو اثبات نيه مش اكتر انما ممكن ميكملش عادي وامسك تيشرتك ده استر نفسك يحيوان يلا ورمته عليه
فعلي كان بيلبسه وبص لحبيبه بيهام وتابع ميكملش ايه بس ده يجي بس اليوم اللي ارزع فيه الباب ورانا واقفله بترباس وارمي مفاتيحه في الشارع وانا محدش هيشوفني تاني فحبيبه وشها احمر وتابعت عن اذنك يماما ومشيت فرانيا راحت مسكت ودنه وتابعت بضحك انت من امتى مترتبش كدده يواد ها خوفت البت ياللي منك لله فعلي فضل يضحك بشده وتابع هموت واتجوزها قسما بالله ماترحموا ضعف النفس البشريه وتقدموا معاد الفرح مش كده يجدعان فرانيا ضحكت وتابعت ماهو انت اللي بتغير حاجات في شقتك ياخويا هو حد قالك غير؟
علي بضحك خلاص نتجوز على البلاط ونكمل بعد الجواز فرانيا ضحكت بشده وتابعت قول لكريم يحبيبي منك ليه يلا فعلي رفع حاجبه وتابع هو ايه كل حاجه كريم كريم عليه وعلى امه هخاف منه ولا ايه مانا هتجوز بسرعه يعني هتجوز بسرعه فرانيا ضحكت وبصتله بحب وابتسمت وتابعت عمري ماشوفتك ملهوف على واحده كده يعلي ولا عمرك بترفع نظرك لبنت
علي ابتسم وتابع والله العظيم حلفان اتحاسب عليه عيني مابتترفع ولا تشوف غيرها وعارف انها مش حلالي بس قادر اتحكم واغض بصري عن الدنيا كلها الا حبيبه بحس اني بسلم لما بتنادي اسمي بس فرانيا ابتسمت وطبطبت على صدره وتابعت علشان الوحيده اللي حبيتها يقلب امك فعلي ضحك وتابع حب ايه ده انا دايب ياست الكل دايب
--
وعند اسيا كانت حطت الميكاب ولبست الفستان عباره عن فستان ابيض ضيق من عند الصدر وواسع لتحت وديله طويل وبينت حته من شعرها عليها هيربيس والباقي حجاب وطرحه بطول الفستان وحطت ميكاب رقيق وشكلها كان رهيب اوي وتولين لابسه دريس عروسه علي قدها وشكلها كيوت وماسكه البوكيه بتاع امها وكلهم جهزوا ولبسوا دريسات بيبي بلو زي بعض بمختلف الاشكال ووقفت اسيا قدامهم بعد ماخلصت فكلهم فضلوا يزغرطوا بفرح شديد بيها وحبيبه دموعها نزلت وتابعت اللهم بارك بجد ولا غلطه ايه الحلاوه دي يا سوسا فاسيا الدموع اتجمعت في عينيها وابتسمت بفرح فتابعت اسراء بدموع فرح لالا والله ماتعيطي متبوظيش الحلويات بالله عليكي فاسيا دموعها نزلت وتابعت مش قادره اوقف دموعي بجد طايره فسلمى ابتسمت وتابعت بدموع اللهم بارك اجمل بكتير من اول مره بس فارس عارف ان شعرك باين؟ فاسيا هزت راسها بـ لا بتوتر فكلهم قالوا في نفس واحد ياختااي فتابعت حبيبه بحده يابنتي ليه طيب هينكد عليكي خشي اعملي حجاب كامل يلا فاسيا هزت راسها بالنفي وتابعت بضيق لا حابه ابقى زي مانا نفسي سيبكم منه فتابعت نيره بقلق يااسيا هينكد عليكي يااسيا فاسيا هزت راسها بـ لا بتوتر وتابعت لا انا همهدله الجو هو مطلعش ليه كل ده فتنهدت لميا وتابعت لسه كنت بودي لكريم حاجه قالي انه جهز ومستني ترني فاسيا اتوترت ونفخت وتابعت ماشي انا لو عليا ارجع بيتي والله وولا جواز ولا نيله
فحبيبه بصتلها بضيق وتابعت ماتستااهلي مفروض تعرفيه فاسيا اتوترت وتابعت لا انا اقصد عامه جماعه انا خايفه بجد كاني اول مره اتجوز يمراري فحبيبه ضحكت وغمزت وتابعت ماهي اول مره يعمري مبنحسبش نسوان احناا فكلهم فضلوا يضحكوا فتابعت اسيا بحرج لالا بجد هموت من دلوقتي يارب الفرح مايخلص فتولين بصتلها وتابعت بفرح في ايه يمامي خايفه ليه انا مبسوطه خالص فكلهم فضلوا يضحكوا بشده فتابعت اسيا بدموع اممم عليكي ايه انتي يقلب مامي ومسكت فونها من سلمى ورنت عليه فثواني ورد وتابع ايه يحبيبي خلصتي؟ فاسيا اتوترت وتابعت اه يحبيبي بس حصل حاجه كده عايزه اقولك عليها ففارس استغرب وتابع قولي في ايه خير فاسيا غمضت بتوتر وتابعت انا عملت حته من شعري باينه واتكلمت بلهفه وتابعت وقبل ماتتعصب حته صغيره خالص والله يفارس بس شكلها حلو و.. ففارس قاطعها بعصبيه وتابع يتفك وتعملي حجاب كامل علشان مطلعش عين اهلك فاسيا اتصدمت وتابعت بدموع فارس مش هلحق والله و ففارس قاطعها وتابع بعصبيه انا قولت اللي عندي يا اسياا ده انا مشوفتش شعرك لدلوقتي يا اسياا فتوريه للجهموريه كلهاا انتي اتجننتي ولا جرا لمخك حاجه !! خدتي رااي مين اصلا قبل ماتعملي كدده فاسيا نفخت بتوتر وتابعت طب وغلاوتي عندك عديها مش هلحق خالص والله فتابع فارس بعصبيه خلاص يحبيبتي خليكي هبعتلك اخوكي ياخد امضتك وعلى العربيه علطول ولا فرح ولا زفت طلما معملتيش اي احترام للحيوان للي هتتجوزيه انما تخططي وتقولي هلوي دراعه لا انا دراعي مبيتلويش فاسيا زعلت وتابعت انا من نفسي قولتلك بلاش افراح خالص واني كبرت عليها بس انت اللي صممت على العموم تمام ففارس نفخ بعصبيه وتابع متقلبيش ام التراابيزه كبرتي ايه يابنت الكلبب انتي ده انتي انهارده يادوبك هتكملي 23 سنه احترمي نفسك كده وانا من نفسي قولتلك هنعمل وحجزت الفرح وقولتلك حقك تفرحي بس مش مرات فارس الانصاري اللي تبقى فرجه للناس كفايه عينيكي ملفته لوحدها فاسيا اتعصبت وتابعت ومالها عيني يفارس؟ اعميني يفارس يلا كمان علشان تتبسط يلا يحبيبي ميهمكش ماهي ظاطت اقولك لفني بملايه كده زي الكفن وقعدني في قلب القاعه بس متزعلش نفسك خالص ياروحي ففارس ضحك وتابع بالله ياريت ..اخلصي يااسيا علشان انا لحد دلوقتي لطيف ياروحي ها فاسيا نفخت وتابعت تمام استني شويه بقي فتابع فارس بتنهيده نستني لبكره وماله يلا روحي اخلصي فاسيا قفلت معاه وبصت للبنت وتابعت بدموع معلش اعمليها حجاب كامل فكلهم فضلوا يضحكوا فتابعت حبيبه بضحك رجع الارنب لامه وعيونه مليانه دموع مانا قولتلك يابنتي فاسيا عيطت تابعت اخرسي خالص مش طيقاكم كلكم فكلهم ضحكوا والبنت قعدت تعملها الحجاب وبالفعل شويه وخلصتلها الحجاب وحطت الهيربيس والطرحه وكانت شكلها اجمل وارق فراحت تولين بصتلها بفرح وتابعت هقول لبابي انك خلصتي فاسيا ابتسمتلها بحب وتابعت قوليله يعمري فتولين جريت وطلعت من اوضتها خبطت على اوضه فارس فعلي فتحلها وتابع بضحك اهلا اهلا العروسه الحقيقيه وصلت وشالها وباس خدها فتولين ضحكت وباست خده وتابعت بحبك خالص فعلي ضحك وتابع وانا بموت فيكي ففارس شافها انبهر وضحك وتابع لا انا اتجوزك انتي فتولين اتكسفت وضحكت وخبت وشها فعلي فكلهم فضلوا يضحكوا فتابع فارس بضحك لالا تعالي بس تتكسفي من بابي وشالها من علي وباس خدها وطلع فونه اتصور معاها في المرايه فحضنته وتابعت مامي خلصت يابابي ففارس ابتسم وتابع طب يلا يقلب بابي فحسن بصله وغمز وتابع بضحك يبختك ياعم بتحقق حلم العمر عقبالنا فعلي بصله وابتسم وتابع لما البحر ينشف كده ان شاء الله فكلهم فضلوا يضحكوا وفارس خرج وراح لاسيا كانت واقفه مدياه ضهرها فنزل تولين وكلهم زغرطوا لما شافو لابس بدله سودا ومهندم شعره وطالع كله جاذبينه فاسيا اتوترت اوي ففارس لف شافها انبهر وفضل يضحك وتابع يخربيت اهلك ايه الحلاوه دي وحضنها فاسيا فضلت تضحك وزودت احتضانه فتابعت سلمى بضحك يعيال لسه مكتبناش يعياال فاسيا دموعها نزلت بفرح وتابعت هيصلح غلطته دلوقتي متقلقيش وبصتله وحطت ايديها على خده فباس كف ايديها وجبينها بعمق ودموعه نزلت بصمت فتابعت اسيا بدموع فرح لا والنبي لا ومسحت دموعه وحضنته جامد ففارس ضمها ليه اوي ووطي سند راسه على كتفها ودموعه زادت وكلهم اتأثروا بيهم اوي فبصلها وباس جببنها وتابع بحب ودموع مالك كده ما زي القمر اهو فاسيا مسحت دموعه وابتسمت بحب فتابعت نيره بلهفه علي داخل ابعد عنها ابعد ففارس بعد عن اسيا وعلي دخل في نفس اللحظه وكلهم فضلوا يضحكوا بشده فتابع علي باستغراب ايه في ايه فحبيبه ضحكت وتابعت لالا يعمري مفيش ففارس بص لعلي وتابع هنزل القاعه مستنيكم ها ونزل وخد تولين وعلي راح لاسيا وباس جبينها بعمق وتابع بحب والدموع متجمعه في عينيه زي القمر ايه يابت حلاوتك دي فاسيا دموعها نزلت وحضنته فعلي ضمها ليه اكتر وهمس على عيني بعدك عني بس انا متاكد ان المره دي هتكوني مبسوطه فنستحمل فاسيا بصتله وحطت ايديها على خده وتابعت بدموع عمري ماقدر ابعد عنك والله هفضل على قلبك العمر كله وحضنته جامد وتحت كان فارس واقف في القاعه واشتغلت اغنيه انا كل ما اغمض عيني الاقيكي جايه من بعيد لابسه الفستان الابيض وعملوا الفقره اللي اتفقوا عليها وتولين دخلت وهي لابسه فستان عروسه وبتمشي في المرر والكل ببسقفلهم ووراحت لفارس واديته البوكيه وحضنته وهي بتعيط ففارس خده منها وطى باسها وشالها وباس خدها وفضل شايلها وهي حضناه ووراها علطول دخل علي باسيا فكلهم شافوهم سقفوا وفارس عينيه متجمه فيها الدموع ومش قادر يصدق انه اخيرا حقق حلمه وراح علي سلمها لفارس ففارس حضنه وخدها وقعدوا والمأذون بدا يجوزهم بالفعل وشويه وتابع بارك اللهم لكما وبارك عليكما وجمع بينكم في خير ففارس مستناش وقام حضنها وهي ضمته بكل قوتها وهي بتعيط وكلهم فرحانين بيهم وتابعت انا بحبك بحبك اوي ففارس زود من احتضانها وتابع مش قادر اتكلم ولا اقول حاسس بايه بس كل اللي حاسه اني مش عايز اخرجك من حضني واشتغلت الاغنيه اللي فارس كان مختارها ليهم بتاعت تامر حسني ووقفوا على الاستيدج بيرقصوا سلو وهي بصاله وبتتكلم مع الاغنيه وزياد كان موجود وفرحان ليها فجات الحته اللي بيحبها ففارس شالها ولف بيها لما الاغنيه قالت انا من زمااان قلبي نفسه يعيش معاااها وكان حلمي افضل معاااها عشت عمري ده كله ليها ونزلها وهو بيكمل كل اللي كان من حياتي هعيشه ليها نفسي اكمل عمري بيها وابقى جنبها بين ايديها وكملوا الاغنيه تحت فرح الكل بيهم وهما بيسقفولهم وجات بعدها الاغنيه اللي اسيا اختارتها فحطت ايديها حوالين رقبته وتابعت وهي بتغني معاها:انا كان ليا دعوه زمان الاقي الخير..لاقيتك جنبي وسط حياه بتوجعني ونامت على صدره وتابعت بجب وهي مغمضه:في قربك بس اقدر اقول اني بخيرر في حضن امان يساع الدنيا ويساعني ولفت ايديها حوالين رقبته وحضنته وكملت يسللااام دي لسه الدنيا بتحقق لناس احلاام وبصتله وتابعت بحب ودموع وراحلك قلبي يحبيبي وسابني قواام ودموعها زادت وتابعت بحب ياريتك جيتلي من بدري ياريت يكمل معاك عمري يا اجمل فرحه جاتلي في يوم من الايام ففارس حضنها ولف بيها وكلهم سقفولهم تاني بفرح شديد فحبيبه بصتلهم وتابعت بحب ودموع اللهم بارك بجد حلوين اووي فعلي بصلها بحب وتابع انتي عارفه لو معيطيش عليا زي اسيا كده هعمل فيكي ايه؟
فحبيبه ضحكت وتابعت بدموع يسلام ده انا هقلبها عزا بس يلا والنبي جابولي جفاف فعلي ضحك وحط ايديه على كتفها وضمها ليه وباس جبينها فمالك بص عليهم بحب وبص لسلمى وتابع لوما فسلمى بصتله من بين دموع فرحتها باختها وتابعت ايوه ؟ فمالك ضحك وتابع انا غيران فسلمى فضلت تضحك بشده وتابعت من مين بس؟فمالك ضحك وتابع من فارس ومن اخوكي اللي حاطط ايديه على كتف البت ده وباس راسها ومش عامل حساب اني ابن عمها وضحك فسلمى اتصدمت وتابعت ابن عم مين مش فاهمه؟ فمالك اتصدم انه نطق
الفصل السادس والاربعون
فمالك ضحك وتابع من فارس ومن اخوكي اللي حاطط ايديه على كتف البت ده وباس راسها ومش عامل حساب اني ابن عمها وضحك فسلمى اتصدمت وتابعت ابن عم مين مش فاهمه؟ فمالك اتصدم انه نطق واتوتر وتابع ابن عم مين ؟ هو انا قولت ابن عمها؟؟
فسلمى بصتله بحده وتابعت ااه قولت ابن عمها مالك انا مش عايزه استعبااط مش شايفني طارشه و
فمالك حط ايديه على بوقها بسرعه وتابع بلهفه وخوف بس بس يخربيت اهلك اخفي حسك دده في ايه راديوو واتفتحح
فسلمى بصتله بضيق وعضت ايديه اللي على بوقها فشالها وهو بيصرخ بألم وتابع اااه يابنت الجزمههه يحيواانه انتيي ومسك ايديه بألم وبصلها بحده فتابعت سلمى بحده مانت هتفهمني ايه اللي انت قولته ددده ودلوقتي حاالا يعني هتفهمني فمالك مسك دراعها وتابع بحده وهو بيمشيها وراه : تعالي برا مينفعش نتكلم هنا انتي اتجننتي وخرج بيهاا لمكان بعيد عن القاعه فسلمى شدت دراعها منه وربعت ايديها وتابعت ااه فهمني بقى مين اللي بنت عمك دي ان شاء الله وبنت عمك ازاي يعني
فمالك تنهد بعمق وتابع هحكيلك بس توعديني ان اللي هقوله ده هيفضل سر بينا يسلمى
سلمى قلقت وتابعت هو في ايه يا مالك؟
مالك بتنهيده هقولك هقولك وحط ايديه في جيبه وخرج محفظته وخد منها البطاقه وتابع بصي كده
فسلمى مسكت بطاقته وقرات الاسم الموجود " مالك بدر توفيق المحمدي " فشهقت بصدمه وبصتله وتابعت انت ابن عم حبيبه ونيره !!!
فمالك تنهد وتابع ااه فسلمى حطت ايديها على بوقها بصدمه وتابعت ينهاار اسود انت بتقول اييه وليه كدبت عليهمم ومعرفتهمش انك ابن عمهم
فمالك حط ايديه على كتفها وتابع بتنهيده سلمى افهميني في مشاكل بين مرات عمي واهلي قد كده وهي خدت بناتها وبعدت عن الكل وجات هنا والمشاكل دي انا مش هقدر اتكلم فيها لانها متخصنيش بس اقدر اقولك انا مين لانك هتبقى مراتي وحقك تعرفي اهلك واهل جوزك اللي هتبقي وسطهم
سلمى بصتله بذهول وتابعت انت بتقول اييه ولا هتخبي على مين ما اهلك اكيد هيجوا !! واسمك اللي في البطاقه !! وعلي وكريم مش متخلفين وهيعرفواا لان مفيش غير هي عيله المحمدي واحدده بس في قناا
فمالك تنهد وتابع مين قالك ان علي وكريم ميعرفوش يغاليه؟ هو علي لو ميعرفش كان سابني اقف مع بنت عمي دققتين ولا سكت لما قولتله هوصل سلمى لعصام؟ علي عارف اني من عيله المحمدي فبيعديلي يحبيبتي
فسلمى بصتله بصدمه وذهول وتابعت يانهاار اسود انت بتقول اييه علي يعرف ومخبي على حبيبه !! طب ليه ده طول عمرهاا نفسها تعرف ليها قراايب ايه وشكلهم عامل ازاي وتعبت هي واختها من انهم مالهمش حد لييه هو وكريم يعملوا كده
مالك بتنهيده حبيبتي متلوميش عليهم لسه في حاجات كتير انتي متعرفيهاش ومحدش يعرفها غير كريم ..وكريم هو اللي تعب وكبرهم ورباهم وعلمهم بعد موت عم حاتم الله يرحمه وهو وعم حاتم كانوا مقررين ان نيره وحبيبه ملهمش رجوع لقنا تاني ولا هيشوفوا اهلهم وحقهم في اللي عملوا بصراحه
سلمى بذهول طب وانت ايه فكرك بيهم بعد كل ده طلما كده ؟؟
مالك بصلها بحب وتابع جيت علشان محظوظ وربنا كتبلي اشوفك واحبك
سلمى غمضت بضيق وتابعت اانا مبهرزش يا ماالك بجد
فمالك ضحك وتابع بومه والله ومالكيش في الرومانسيه وابتسم وتابع جدي توفيق طلب مني اجي اشوفهم واقعد وسطهم واطمنه ان عيشتهم زي الفل وارجع
سلمى بتنهيده واطمنت؟ فمالك ابتسم وتابع اه الحمدلله علي هيحافظ على حبيبه ونيره في ايد امينه في بيت كريم لحد مايجي اللي يستاهلها
فسلمى تنهدت وتابع طب ومرجعتش قنا ليه؟
مالك بحب مش اطمنت عليهم ؟ فسلمى هزت راسها بـ اه فتابع مالك بحب فمفروض اطمن على نفسي بقى ورفع ايديها باسها بحب وتابع انا مش هبعد عنك خلاص انا لقيت نفسي هناا واهلي هيجوا وهيستقروا هناا بردو
سلمى بتوتر مالك اللي احنا فيه ده مش هيكمل كتير لازم الحقيقه تتعرف ده احنا لو خبينا عليهم بعد الفرح اللي هيتعمل فيه العيلتين مستحيل هنخبي لما ابني يشيل اسم عيله المحمدي احنا علاقتنا ممكن تكشف حاجات كتير قديمه واتنست فمعتقدش كريم هيوافق على جوازنا حتي لو علي وافق لانك بتقول انه يعرف اكتر فانا رايي كفايه لحد كده من البدايه احسن
مالك اتصدم بجوابها وتابع مش فاهم يعني ايه ؟؟ انتي عايزه تنهي علاقتنا يسلمى؟؟
سلمى بحزن انا مقصدش كده بس هيحصل مشاكل وانا مش عايزة اضر اهلي بردو ولا اجمعهم بعيلتك طلما في حوارات قديمه
مالك بصلها بذهول وتابع بعصبيه وانا ذنبي اييه !! انتي بتتخلي عني علشان مشاكلهم !! مايولعوا هما ومشااكلهم بس المهم احنا نبقى سوا انما ليه تستسلمي بكل السهوله دي كأني مش فاارقلك مانتي شوفتي هناء بنت عمك طلع عين اهلها هي ووسام ازاي لحد مابقيوا سواا فسلمى دموعها كانت بتنزل وسكتت فمالك بصلها بسخريه وتابع تمام يسلمى تماام انا كده كده عارف انك محبتنيش وبنسبالك بعدي من قربي مش هيفرق
ورايح يمشي فسلمى عيطت وتابعت لا انا بحبك
فمالك اتفاجئ باجابتها لانها تعبته طول الـ 3 شهور ومنطقتهاش فلفلها وتابع اييه قولتي اييه !!
فسلمى راحت وقفت قدامه وتابعت بدموع قولت اني بحبك وبحبك اوي كمان ومن يوم مانت دخلت حياتي وهي ليها شكل تاني وخلتني احب الشمس تطلع علشان هدخل البلكونه واشوفك زي عادتنا وبفرح لما فطار يجمعنا وبفضل ابصلك واحمد ربنا انه رماك في طريقي وبصتله بحب وتابعت بدموع انا شوفتك طوق نجاه لما غرقت وعكاز لما وقعت وحسيت معاك اللي عمري ماحسيته غير مع علي وبس حتي خوفي من الجواز بتخطاه بسبب مساعدتك ليا انك ودتني لدكتوره نفسيه وبقيت متقبله الفكره شويه بس لو معاك يمالك انما راجل غيرك مش هقدر ولا هطمن ودموعها زادت وتابعت فلما سلمى تقولك انها موافقه انت تقرب منها يبقى تعرف اني عشقتك مش حبيتك بس ..بس اللي سكتني اني مبعرفش اقول كلام حلو لحد مش حلالي
فمالك الدموع اتجمعت في عينيه وتابع سلمى انا .. انا عايز احضنك
فسلمى ابتسمت من بين دموعها وتابعت عمري ماعملتها مع حازم حتى يوم كتب كتابنا بس انا هستنى اليوم اللي تبقى حلالي فيه واوعدك اني من نفسي هعملها بس دلوقتي مش هقدر ساعدني يا مالك
مالك بلهفه ساعديني انتي وخلي اخوكي يوافق يكتب كتابنا خلاص احنا مستنين اييه وبعدين طلما انتي حباني زي مانا حابك كده ليه استسلمتي بسرعه وتقوليلي مش هينفع نكمل وتكسرينى
سلمى بقلق خايفه يامالك خايفه علاقتنا تدمر لما نفاتحهم في موضوع الجواز وحتى معرفش اكلمك زي ما بكلمك دلوقتي
مالك بوجع فتفضلي بعيد عني وتبقي لغيري قدام ؟
سلمى هزت راسها بالنفي وتابعت بدموع عمري ما هبقى لغيرك سلمى لو مش ليك هتعيش عمرها كله لوحدها اهون من انها تبقى لحد تاني بس الموضوع صعب وعايز حكمه
مالك حط ايديه عند مدمع العين ومسح دموعه وبصلها وابتسم وتابع نشفتي ريئ اهلي يابنت الجزمه اخيراا يسلمى فسلمي ابتسمت من بين دموعها فتابع مالك بحب بس متخافيش انا قولت لجدي عايز اتجوز سلمى الجارحي وعرف انك بنت عم كريم ووافق بس انا عارف ان اللي جاي صعب لما يتقابلوا بس المهم انا وانتي برا كل ده وهنمسك في بعض اتفقناا
فسملى هزت راسها بلايجاب بفرح وتابعت اتفقنا يلا هدخل انا وانت شويه وتعالى ورايا علشان محدش يشك فمالك ابتسم وهز راسه بماشي
جوه في الفرح اسيا كانت بترقص مع صحابها وفرحانين وفارس واقف بعيد نسبيا بيتكلم مع صحابه وحبيبه مسكت ايديها ورقصت معاها بعدين سابت ايديها وبقيت ترقص لوحدها والبنات حواليها بيسقفولها واسيا ضحكت بانبهار وتابعت عند ودن حبيبه: ايه يابت المواهب دي كلها يبختك يواد يعلي بيضالك في القفص وغمزتلها فحبيبه فضلت تضحك وتابعت بغمز دي اقل حاجه عندي ياسوسا ولقيت علي بيسحبها من الدايره فشهقت بخضه واسيا فضلت تضحك بشده وبترجع لدرجه كانت هتقع ففارس كان رايح عندها فحط ايديه على وسطها سندها وتابع بضحك اييه يخربيت اهلك في ايه هتقعي فاسيا سندت راسها على صدره وتابعت بضحك مش قادره يفارس حبيبه كانت بترقص ومبدعه علي جيه جرها وراه ولا الجاموسه يوم العيد وغمضت وفضلت تضحك بشده كل ماتفتكر الموقف ففارس فضل يضحك وتابع تستاهل عامه انا سايبك علشان انتي بتهبلي مش بترقصي والفستان واسع فقولت بلاش انكد عليكي
فاسيا بصتله برفعه حاجب وتابعت بعمل ايه يعمرري بهبل ؟؟
ففارس ضحك وتابع بغمز يابت اقصد ان مش ده رقصك الاساسي بقى افهمي ده تنطيط على الماشي كده
اسيا ابتسمت وتابعت لا ياروحي انا كده برقص بجد ففارس اتصدم وتابع نعم يحبيبتي؟
فاسيا ضحكت وتابعت اه برقص بجد اومال انت فاكرني اييه احترم نفسك يحبيبي محدش قالك رايح تتجوز من كبااريه احنا ولاد نااس اوي لعلمك ففارس تنهد وتابع اللهم لا اعتراض هو ده الدلع المتشال ليا مخصوص اللي قالتلي عليه كانت بتغريني علشان ادبس بنت الجزمه
فاسيا فضلت تضحك وتابعت بغمز طب في دلع متشال والله بس اتقل على الرز يستوي ففارس بصلها بهيام وتابع هو بصراحه انا اللي لو قعدت اكتر من كده هستوي
فاسيا اتوترت وتابعت وهي بتبص حواليها فارس احترم نفسك يحبيبي حوالينا ناس وكاميرات مش لازم يعرفوا انك محروم هاا
ففارس فضل يضحك بشده وتابع شوفتي قولتي ايه محروم فبذمتك مصعبتش عليكي؟
اسيا بضحك يااابني اتلم احنا في القاعه ففارس ضحك وتابع يحبيبتي انا متجوزك مخصوص علشان مسمعش اتلم دي تااني مفيهااش ادب خلااص انا زهقتت وجبت اخرري شوف كام سنه بحلم بالنهارده ودي تقولي اتلم قال
اسيا بتوتر انا هروح انام ففارس فضل يضحك وتابع ده عند امك الكلام ده والله فاسيا بصتله بضيق وتابعت طب هتشوف هاا
وعند حبيبه وعلي كان طلع بيها لبرا وتابع بعصبيه انتي ايه اللي بتهببيه ده هاا وتزعلي لما اقولك مفيش حركه من على الكرسي بس انتي اللي زيك فعلا ميتحركش من البيت اصلا
حبيبه بخوف في ايه يعلي عملت ايه لكل ده يحبيبي
علي بعصبيه شوف بردو هتقولي عملت اييه واتعصب اكتر وتابع ده منظرر رقص ترقصيه قدام الناس يحبيبهههه
حبيبه بدموع وبحده ماله رقصي ده اصلا رقصي العادي انا مأفورتش ولا قصدي اعمل حاجه تضايقك
علي بعصبيه ماله ايه وزفت ايه على دماغك ودماغ اهلك ده الرجاله سابت اللي بتهببه وركزت عليكيي ومسك دراعها جامد وتابع بعصبيه انا توصليني لمرحله اني الف ضهري الاقي شويه رجاله اوسااخ عينيهم هتطلع عليكيي !! انا يتبص للي يخصني ومقدرش اتكلم علشان الغلط من عنددي يحبيبههه !!
فحبيبه عيطت وتابعت والله ماشوفت حد البنات كانوا حواليا فقولت مدارين حقك عليا والله
علي بعصبيه يابني ادمههه الفتوجرافر جاابك على الشاشه انتي فااهمه المصيبهه يعني الوسااخه دي في فيديو الفررح
فحبيبه اتوترت وتابعت بخوف والله ماخدت بالي منه وغلاوتك عندي انت عارف انا مبقصدش ازعلك يعلي وقولتلي هاتي فستانك بكم جبته بكم ومقفول اهو فانا مش هشوفه بيصور وهرقص يعني
فعلي غمض عينيه بعصبيه وتابع بعصبيه اكبر حبيبههه غوري من وشي علشان مش طايقك دلوقتي وهقول لفارس يطلب يمسح الحته دي بس كفاايه ان ابن الكلاب ده هيشوفهاا تاني فامشي من قدامي دلوقتي علشان ورحمه ابويا عايز امسكك اكسرك
حبيبه بدموع طب اروح فين؟
علي بعصبيه جنب امي واترزعي لاخر اليوم يلاا وطلع سجاره يشربها
فتابعت حبيبه بوجع طب يعلي بلاش سجااير و...
فعلي اتعصب وتابع وانتي ماال اهلك !! قولتلك غوري ادخلي جوه يلاا وضربها على ضهرها بيزقها لجوه فحبيبه عيطت ومشيت وعلي اتمشى لقدام فرايحه تدخل القاعه فمالك مسك دراعها رجعها لانه كان شايفهم من بعيد وتابع بخوف مالك يابت في ايه فحبيبه عيطت وتابعت متخانقه مع علي
فمالك خدها على جنب وتابع بقلق عملك ايه اهدي بس وفهميني
فحبيبه عيطت وتابعت انا رقصت مع اسيا بس رقصي كان ملفت شويه وانا مخدتش بالي فالفوتجرافر الحيوان جابني في الفيديو وفي شباب بصت عليا وتنحت كده فعلي جيه سحبني من وسط البنات وخرجني برا بهدل بكرامتي الارض وضربني على ضهري
فمالك اتعصب وحس الدم بيغلي في عروقه وتابع بعصبيه انتي بنت ستين كلب وتستاهلي قسما بالله وعلي ده راجل ابن راجل انا لو مكانه ههين اهلك بردو
فحبيبه بصتله بذهول وتابعت بعياط حتى انت يمالك
فمالك اتعصب وتابع ااه حتى انا لانك معملتيش حساب الراجل اللي هتشيلي اسمه وعرضه وواقفه تترقصي قدام الرجاله اييه شيفااه بقرون ولا مش رااجل
حبيبه بعصبيه ودموع يمالك اناا مخدتش بالي انه بيصور والله اكيد مش هحب حد يشوفني كده يعني
فمالك اتعصب وتابع اياا كان مفروض تستأذنيه قبل ماتقومي انما انتي محترمتيهوش انا لو شايفه غلط في حقك هروح اطلع عين اهله وانا ليا صرفه مع علي انما انا شايفه راجل فهروح اقوله تسلم ايديك
فحبيبه عيطت وتابعت ماشي يمالك تشكرر
فمالك اتعصب وتابع ااه اشكر عايزاني اطبلك ولا اييه دي الحقيقه وبعدين انتي ايه مبتفهميش مش واخده بالك ان جسمك ده مينفعش يترقص بيه اصلااا
فحبيبه اتكسفت وتابعت انا مش لابساه ضيق
مالك بعصبيه ومش واسع وشكلك في الرقص فعلا هيبقي ملفت روحي يحبيبه روحي اترزعي على اي زفت متتحركيش وخلي اليوم يعدي وانا رايح اجيب الراجل فحبيبه عيطت وسابته ودخلت وراحت قعدت مكانها جنب رانيا فكريم بصلها بحده وتابع بهدوء مخيف: انا مش هرغي كتير بس لما نروح
فحبيبه نفخت بضيق وتابعت بحده ودموع مش انت وهو علياا ضربني على فكره
كريم بعصبيه هشش مسمعش صوتك شالله يكسرك هكمل عليكي بردو ومش هلومه .. بتقوليلي ضربني على اساس هقوله عملت كده ليه وانا شايف بعيني !!
فحبيبه نفخت وهي بتعيط وسكتت فرانيا طبطبت على كتفها وتابعت بحزن اهدي طيب حقك عليا
هاله بحده تهدى ايه دي عايزه قطم رقبتها فاكره نفسها في اوضتها قدام المرايا
فتابع كريم بعصبيه خلاص يخالتي قفلي على الحوار ده
فهاله تنهدت وسكتت فنيره وريت فونها لكريم وتابعت كوكي ايه رايك في الدريس ده لفرح هناء علشان هشتريه ؟
فكريم ركز معاها وتابع بابتسامه حلو خلي فلوسك معاكي هجبهولك لما انزل اجيب لي لميا وحبيبه
نيره بابتسامه عادي يحبيبي انت ياما جبتلي وبعدين فرحين ورا بعض فمش عايزه اضغطك
كريم رفع ايديها باسها وتابع بحب بطلي هبل هاا انتوا كلكم مسئوليتي ابعتيلي البيدج بتاعته وانا هطلبه خلاص
حبيبه بضيق ااه بوس وطبطب بوس وطبطب يحبيبي وحبيبه تتكسر وتكمل عليها
فكلهم فضلوا يضحكوا بشده فكريم ضحك غصب عنه وتابع انا مش هقوم ارد عليكي علشان انتي لسه واخده علقه فمنبقاش انا وهو
حبيبه بحده ودموع اسلوبه معايا كان خرا وهسيبه على فكره ومالوش حكم عليا تااني
كريم بلا مبالاه وهو بياكل جاتو تابع : سيبيه وبكره اجوزه تمارا هتموت عليه ومستنيه يبص في خلقتها بس
فحبيبه اتعصبت وتابعت بغيره: علشان اقتله واقتلهاا في يوم واحد وبسكينه واحده وادفنهم بعيد عن بعض علشان هغيير
فكلهم فضلوا يضحكوا بشده فتابعت اسراء بضحك طب ليه نقول كلام احنا مش قده طيب
حبيبه بحده مش هسيبه بس مش هيتحكم فيا بردو وقامت ورايحه تطلع برا فراحت قعدت مكانها تاني
فتابع كريم باسغراب نسميه ايه الهبل ده بقى ؟
حبيبه بخوف علي قالي متتحركيش من على الكرسي
فكلهم فضلوا يضحكوا بشده لدرجه عينيهم دمعت فتابع وسام بضحك لا بس مبيحكمش عليكي خالص بجد
حبيبه ولا عمره قدر يحكم
هناء بضحك صادقه يقلب اختك يسلام ده المثل والمثال اهو
------
عند علي ومالك
مالك بتنهيده طب كفاياك دي خامس سجاره تشربها في نص سااعه صحتك دي ربنا هيسألك عنها مش كده
علي كان محني ضهره وساند ايديه علي رجليه وباصص للارض وتابع دمي بيغلي يمالك من نظرات الناس ليها جوايا طاقه مخلياني عايز اقوم اديها علقه ابنجهاا بس مبتهونش علياا
مالك بحزن حاسس بيك هي لما حاكتلي انا بردو دمي غلي واتعصبت اصل في النهايه دي بنت عمي يعني عرضي وشرفي زيك بالظبط واللي حصل زي ماهو ضايقك ضايقني بس معلش هدي نفسك وتعالى معايا عيب تسيب فرح اختك بالشكل ده
علي بحده اخش بانهي وش يمالك ده الناس زمانها قالت علياا مش راجل ومنظري كان زي الزفت بسببها
مالك معلش عيله وغلطت وانت بهدلتها وانا بهدلتها وسلمى بعتالي ان كريم اداها كلمتين وقالها لما نروح البيت ومش عارف ايه فخلاص يابابا دي كلها عيله 20 سنه اتصرفت بطيش وكلنا زعقنا والموضوع خلص خلاص
علي بتنهيده وهي سلمى بعتتلك ليه ان شاء الله؟
مالك بضحك يعني سبت الموضوع كله ومسكت في سلمى !! طيب يسيدي بعتالي علشان حبيبه قالتلها اني روحت اجيبك فبتطمن عليك والباقي انت عارفه انا مخبطتش على باب بيتكم وطلعت اجري انا قولتلك عايزها وشاريها وانت بتقفل الموضوع كل شويه .. ولا انت بقي عايز تاخد اختي وانا مخدش اختك؟
فعلي ابتسم وتابع لا طبعا مش دي الفكره وتنهد بعمق وبصله وتابع بس انا وانت عارفين ان العيلتين مش هيتفقوا
مالك بتنهيده مشاكلهم مع كريم مش معاك وجدي وافق بالجواز على فكره
علي بتنهيده وكريم ده اخويا والعيله دي اذت حماتي اللي هي ام خطيبتي وابوهم الله يرحمه شكك في نسبهم ليه فانت بتتكلم في ايه بجد؟
مالك بتنهيده وانا واختك مالنا بكل ده؟
علي بحده يحبيبي افهمني اهلك لما يجوا يتقدموا معاك الدنيا هتخرب وكل المستخبى هيبان وخالتي هاله مش عايزه كده
مالك بوجع اممم فتقوم ترفض اتجوز البنت اللي بحبها .. انت شايف ان ده سبب؟ مع ان حبيبه حاكتلي قد ايه كريم كان ظالمكم فمفروض حسيت بالظلم الا انك بردو مصمم تظلمنا طلما الوجع مش بتاعك
علي بتنهيده مين قالك كده؟ بالعكس انا موافق بيك جدا وعارف ان سلمى مياله ليك اوي كمان ودي اختي واغلى حاجه في حياتي هي واخواتها بس انا مش عايزكم انتوا الاتنين تخربوا الدنيا وبردو المشاكل مش هتخليكم تكملوا فعلى ايه من الاول
مالك بتنهيده ولو قولتلك انا عايز اتقدملها واكتب عليها علطول وشقتي جاهزه في المعادي علشان مش هقعدها في قنا هتقول ايه وايه بنسبالك يبين اني شاريها وعايزها اكتر من كده؟
علي اتفاجئ بتمسكه بيها وتابع طب ماهي سبق وكتبت ووقعنا في مصيبه فا لازمته ايه الاستعجال
مالك بابتسامه لا يغالي انا هكتب واسبوعين وادخل وهتبقي في بيتي وهعملها احلى فرح كمان
فعلي ابتسم وتابع سيبني اعرض عليها الموضوع واشوف كريم وارد عليك
فمالك تنهد وتابع هسيبك يعلي بس ورحمه ابوك وغلاوه حبيبه عندك بلاش تيجي عليا
فعلي ابتسم وتابع متقلقش والله
وفي الفرح بعد شويه علي دخل مع مالك وهما بيضحكوا والفرح كان خلاص قرب يخلص وبيرقصوا رقصه السلو الاخيره وحواليهم ناس كتير كابل بيرقصوا فعلي قعد من غير مايبص لحبيبه وحط ايديه على الترابيزه وهو باصص لاخته مع فارس بابتسامه وحبيبه بصتله بحزن وحطت ايديها فوق ايديه فسحب ايديه ومبصلهاش ومسك فونه فتنهدت بوجع وسكتت
عند نيره بصت لكريم بحماس وتابعت كيمو بليز تعالى نرقص سلو بلييز فكريم ضحك وتابع وليه بليز تعالي يعمري وخدها وقام ففرحت جدا وفضلت تسقف فحط ايديه على وسطها وهي حطت ايديها حوالين رقبته وفضلوا يرقصوا مع الاغنيه فنيره ضحكت بفرح وتابعت بموت فيك بجد
فكريم ابتسم بحب وتابع مش اكتر مني والله وباس جبينها بحب ومسك ايديها لفها ورجعها لحضنه تاني وكملوا يرقصوا
فوسام بص على فارس واسيا وهمس لهناء بابتسامه هانت يابطتي
فهناء بصتله وابتسمت بحب وتابعت والله لحد دلوقتي مش قادره اصدق انك قاعد جنبي قدام الكل عادي وكلها شويه وتبقى جوزي كمان
وسام بضحك اللهم لك الحمد بجد ومسك ايديها باسها وتابع بحب ده نحمد ربنا ان جالي سفريه الشغل بتاعت امريكا دي علشان وافق يجوزنا بسرعه
فهناء فضلت تضحك وتابعت ده علشان هتطول فيهاا انما لو اسبوعين ولا شهر والله ما كان وافق
وسام بضحك مابقولك نحمد ربنا احنا نتجوز ونسافر امريكا ونفصل شويه بقى بلا قرف
هناء بابتسامه اممم مانت هتسبني وتروح المؤتمرات اغلبيه الوقت
فوسام ابتسم وتابع والله ابدا ده انتي هيبقى ليكي وقت اكبر منهم ده انا ماهصدق اتلم عليكي يابنت الجزمه
فهناء فضلت تضحك ولفت نظرهم لما الكل سقف لما فارس شال اسيا ولف بيهاا فبصولهم بحب وهما فرحانين بيهم وخلص اليوم وفارس واسيا وقفوا برا يسلموا على الناس كلها لحد ماخلصوا والكل مشي فتابع طارق اخوه بحب : يلا تعالوا وبيفتح باب العربيه
فداليا راحت تشيل فستان اسيا علشان تساعدها ودخلتها العربيه وتابعت بفرح مليون مبروك يعمري
فاسيا ابتسمت بحب وتابعت الله يبارك فيكي يحبيبتي
فتولين رايحه تركب جنب اسيا فعلي شالها وتابع بلهفه لالا رايحه فين انتي مش عايزه تقعدي مع خالو حبيبك؟
فتولين بصت لاسيا وهي قاعده في العربيه وتابعت بدموع لا انا عايزه مامي وشاورت على اسيا
فاسيا قلبها وجعها وحست انها انانيه اوي انها هتسيبها حتى لو ليومين وجاتلها لحظه ادراك ان ليه تتجوز وتظلم بنتها حست بعجز ومكانتش قادره تتكلم
فتابعت حبيبه بحب بس بس يوغتي هتعيطي ليه بس خلاص سيبك من خالو علي خالص تعالي باتي مع حبوبه زي ما بتعملي وبكره نروح لمامي ايه رايك؟
تولين بعياط لا انا عايزاهاا انا عايزه اشوف بيتنا الجديد هي قالتلي هنروح مع بابي فارس علطول
فاسيا غمضت عينيها ودموعها نزلت بقهر عايزه تقول لفارس هاتها خايفه تكون بتضايقه لانه عريس وحقه يبقوا لوحدهم وفي نفس الوقت قلبها مش مطاوعها تسيبها فقاطع تفكيرها صوت فارس لما قال بحب: بس يعمري بس بتعيطي ليه ؟ هتيجي معانا وهتشوفي بيتك الجديد ومش هتسيبي مامي ولا بابي ابدا
فكلهم بصولوا بحب واسيا اتفاجئت بشده من رده فعله وفضلت تعيط وحطت ايديها على وشها
فامه اتعصبت من الكلام وتابعت بحده يعني ايه يعني يفاارس حتى ليله دخلتكم مش عارفين تحكموا على البت تسيبكم لوحدكم شويه؟؟
فاسيا اتضايقت جدا من كلامها وفارس مسح دموع تولين وتابع وايه العيب انها تبقى وسطنا وبردو هنعمل اللي احنا عايزينه ومش هتضايقنا مش فاهم؟
ليلى بحده العيب انك المفروض تاخد رااحتك يبقي بالك رايق ازاي ولا تتبسط ازاي وفي وش وعيال
فارس بتنهيده اه يعني كده المفروض لما اخلف اوزع عيالي علشان اقعد مع امهم شويه ؟
فليلى اتعصبت وتابعت انا عامله عليك و
ففارس قاطعها بعصبيه وتابع متعمليش علياا انا عمري ماهبقى مبسووط وبنتي بتعيط عليناا لمجرد اننا هنبقي لوحدناا لا تبقى وسطناا ويخش يحصل بعد 100 سنه .. الموضوع ده ميخصش حد غيري انا واسياا
فاسيا بصتله بامتنان شديد وفرح ودموعها نزلت
فتابعت ليلى بحده بنتك ااه
فارس بعصبيه ااه بنتي وطارق عمهاا وملك بنت عمهاا وزيها زي اختها او اخوها اللي هيجي بكره وبعدده ومش هسمح لحد في الدنيا ايا كان مين يفرق بين اللي لسه هيجوا وبين تولين انا ابوهاا زيي زيهم بالظبط .. الاب اللي بيراعي ويحن ويدعم ويودي حضاانه ويحضر حفالات ويستلم جوايز بنته مش اللي بيخلف ويررمي فاياكم اسمع نقااش في الموضوع ده تااني ودخل تولين قعدها على رجل اسيا اللي كانت بصاله وفرحانه جدا بكلامه وبتعيط وركب وقفل الباب بعصبيه
فعلي ابتسم وبص لـ ليلى وتنهد وسكت وراح وطى قدام الشباك وتابع لفارس : راجل من ضهر راجل وكل يوم بتثبتلي اني كنت صح لما وافقت على جوازك من اختي بس بلاش الجدعنه تاخدك اوي كده واستنى اتحايل على تولين علشان دي بالها طويل ورغايه وبتسهر وغمز وتابع فمش هطول ولا ابيض ولا اسود وفضل يضحك
ففارس ابتسم وتابع يحصل اي وقت انا مش مستعجل يعلي المهم ان هي بقيت مراتي ومعايا خلاص اي حاجه تانيه بقى هتيجي بالوقت بس مش هسيب البت وهي بتعيط كده مستحيل
فاسيا بصتله بحب ودموعها نزلت فعلي ابتسم وتابع راجل قسم بالله وطبطب على كتفه وتابع مبروك يحبيبي وقام
فارس بابتسامه الله يبارك فيك يارب عقبالك انت وحبيبه
فعلي ابتسم وسكت فتابع فارس يلا يطارق اطلع
فطارق ابتسم وتابع حاضر اهو وبالفعل مشيوا وحماتها ركبت وراهم في عربيه قريبهم ومشيت فتابعت اسراء بضيق يباااي منها وليه حربوقه بجدد
حبيبه بابتسامه بس جوزها رد ومسكتش حقيقي انا مطمنه على اسيا مع فارس
كريم بابتسامه ده حقيقي راجل والله العظيم
حسن بابتسامه ربنا يسعدهم يارب وبص حواليه وتابع ها كلكم موجودين علشان نتحرك؟
علي بتنهيده اه يلا انا جاي معاك فحسن ابتسم وتابع تنور يغالي يلا وبص لاسراء وتابع يلا
فعلي مشي معاهم فاسراء بتفتح الباب اللي ورا بضيق فتابع علي بتنهيده اترزعي جنبه مش هزعقلك ياختي انا هقعد ورا
فاسراء ابتسمت بفرح وتابعت حبيبي والله وباست خده وفتحت الباب اللي جنب حسن وركبت وحسن فضل يضحك فجات حبيبه وركبت جنب علي ورا وقفلت الباب فتنهد بعمق ومبصلهاش وطلع سجاره وولعها ونفخ الدخان في الشباك اللي جنبه وحسن اتحرك فحبيبه حطت ايديها على ايديه وتابعت بدموع علي .. فمردش عليها وفضل باصص للشباك فتابعت بدموع ورحمه ابوك ماتكسر بخاطري وترد عليا
فعلي بصلها وتابع خير
حبيبه بدموع انا اسفه وغلاوتك عندي ما شوفته
علي اممم وبعدين؟ انا استفدت ايه من اعتذارك مش فاهم؟
حبيبه بلهفه ودموع يسيدي ليك عليا في اي فرح تاني مش هقوم خالص من جنبك والله
علي بعصبيه انتي كده كدده مش هتقوميي ولو فكرتي تعمليهاا هكسرك اقعدك في سريرك شهرر
فاسراء بصتله بتوتر وتابعت بس يعلي اهدى يحبيبي خلاص حصل خير اعتبرها زينا عيله وغلطت وعديلها
علي بعصبيه غلط عن غلط يفرق يا اسراء ساعه قرايه فاتحتنا رقصت كده قدامي بس انا عديتها لان مكنش في راجل غيري واقف انما جايه في قاعه وقدام كاميرا تعملي عررض ليه فاكره نفسهاا في شارع الهررم
فحبيبه عيطت وتابعت ومش هتقرر والله واعتذرتلك وسيبتك تهدى لاني عارفه انك وقت عصبيتك وحش انما زعلك مني ده فايدته ايه هتسيبني يعني يعلي؟
علي غمض بحده وتابع اه ان شاء الله لما روحك اللي تسيبك هسيبك
فحبيبه بصتله بدموع وتابعت اما مش ههون عليك تسيبني اهو بتتعبني ليه يعلي
علي بعصبيه يحبيبه انا مش طايقك حلي عني الله يرضي عنك فحسن بصله من المرايا وتابع بتنهيده هكلم الواد بتاع الفرح انا عارف البيدج بتاعته وهقولوا يمسح الجزء ده فك بقى ومتنكدش على البت
علي بحده مخرجتوش من باب القاعه غير لما مسحته يغالي مقدرتش استنى اعرف فاارس لان دمي كان بيغلي بس مش دي المشكله ماكل اللي شافها شافها خلاص
اسراء بحزن معلش يحبيبي هي متقصدش واتصرفت بتلقائيه والله ده رقص حبيبه العادي فعلا
فعلي تنهد ومردش فحبيبه دخلت في حضنه وسندت راسها على صدره وتابعت انا اسفه بجد وعيطت وتابعت حقك عليا والله متزعلش مني ارجوك فعلي تنهد بعمق وتابع طب يحبيبه خلاص وفضل يمشي ايديه على شعرها فبصتله وتابعت بدموع ورحمه ابوك مش زعلان فعلي تنهد وتابع ورحمه ابويا مش زعلان اهدي بقى ومسح دموعها فسندت راسها على صدره زي ماهي وعلي فضل يمشي ايديه على شعرها وهمس انا هعديها بس قسما بالله يحبيبه غلطه ليكي تاني وهتشوفي مني وش عمرك ماشوفتيه فحبيبه اتوترت وتابعت يارب ما اشوفه خالص فعلي ضحك وتابع ايوه برافو يعمري
-------
عند اسيا وصلت تحت عماره بيتها وطارق وقف العربيه وبص لفارس في المرايا وتابع بحب يلا يقلب اخوك انزل
ففارس ابتسم وتابع تمام وبيبص لاسيا وتابع حبيبي يلا علشان ... وسكت لما لقاها نايمه وضحك وتابع بتهزري قسما بالله
طارق بضحك ايه في ايه ولف شافها سانده راسها على كتف فارس ونايمه ففضل يضحك وتابع ده السهره شكلها صباحي وفيها لب وسوداني مع تولين على كراتين ديزني
فداليا وفارس فضلوا يضحكوا بشده فتابع فارس بضحك لالا لو حد حلفلي ان ده اللي هيحصل يوم فرحي مكنتش صدقته اسيا قومي مش لازم يحصل حاجه بس ابص في وشها استوعب اني اتجوزتها اي حاجه طيب وفضل يخبط على وشها بخفه
فتولين ضحكت وتابعت هي نامت ؟ ففارس بصلها وتابع بضحك دي ماتت مش نامت يتوتي وخبط بخفه على خدها وتابع انتي يابت
فاسيا فتحت عينيها ببطئ وتابعت اممم ايه يفارس ؟ ففارس فضل يضحك وتابع حمدلله على السلامه يقلبي وصلناا صباح الخير ده انتي الصبح طلع عندك خلاص
فاسيا اتصدمت وبصت حواليها وتابعت انا حالفه ما انام وغلاوتك عندي يحبيبي
فكلهم فضلوا يضحكوا فتابع فارس بضحك ايوه صادقه يقلب حبيبك صادقه يلا تعالي ياتوتي علشان انزل مامي وشالها خرجها برا العربيه وداليا وطارق وملك نزلوا زيهم ففارس مد ايديه لاسيا وتابع بحب يلا فاسيا ابتسمت وحطت ايديها في ايديه ونزلت وبصت حواليها باعجاب المكان حلو ومليان زرع وورد من كل النواحي وفي جنينه صغيره جنب البيت فقاطع تفكيرها صوت ليلى اللي لسه واصله وراهم وتابعت بتنهيده نورتي بيتك يعروسه
فاسيا ابتسمت بتوتر وتابعت بنورك يماما
ففارس بص لطارق وتابع طلعلي تولين متسيبهاش تطلع لوحدها لتقع فطارق هز راسه بماشي وفارس وطى شال اسيا مابين ايديه فشهقت بخضه وفضلت تضحك وحطت ايديها حوالين رقبته وتابعت خضتني وحياه ربنا يافارس
فتابع فارس بضحك وهو بيتحرك بيها : سلامتك من الخضه يعيون فارس بس ايه كل ده ها ضهري هيتقطم من اولها ومش قادر اشيلك
فاسيا شهقت بخجل وضربته على كتفه وهما طالعين السلم وتابعت بضحك انت متربتش متربتش والله اوعاا كده نزلني يلا
ففارس فضل يضحك وتابع اوعا ايه بقى ده انا مستني الفرح يخلص بفارغ الصبر قسما بالله
اسيا بتنهيده وافرض تولين منامتش ومش بهزر بجد وعلى قد فرحتي على قد زعلي علشانك
فارس بابتسامه ولا زعل ولا افوره بكره او بعده او اي وقت بطلي هبل كده هاا ووصلوا عند باب شقتهم فنزلها وفتح الباب وشالها تاني ودخلوا ومشي بيها على اوضتهم فاسيا اتوترت وخدت نفسها بعمق وبصتله وتابعت فارس
فارس بصلها وتابع عيونه
اسيا بتوتر انا خايفه .. خايفه اوي بجد ومش قادره افهم ليه
فارس ابتسم بحب وتابع معايا؟ طب ده عيب بالله ده انا حب العمر والامان كله يابنت الجزمه
ودخل بيها اوضتهم فتابعت اسيا بتوتر :يمكن ده اللي مخوفني انا الاول مكنش بيفرقلي الحبايه اللي طلعالي ولا الندبه اللي خنقاني وكنت بعمل واجباتي كزوجه علشان ده المفروض واللي ربنا امرني بيه انما انا دلوقتي حاسه اني رجعت عيله مراهقه خايفه اكون مش مظبطه اي حاجه او اقصر ومكونش بيرفكت دايما
فارس حطها على السرير وقعد جنبها وقرب منها وتابع بحب الاول كنتي زوجه انما دلوقتي انتي حبيبه فتوترك انك تكوني بيرفكت علطول طبيعي لانك عايزه تفضلي حلوه في عين اللي بتحبيبه وحط ايديه على خدها وتابع بس علشان انا فعلا بحبك .. فاطمنك انا شايفك حلوه طول الوقت ومش عايزك تخافي ولا تتوتري ولا تركزي مع اي حاجه مضيقاكي اصلا لان انا عمري ماهشوف فيكي عيوب فاسيا حضنته جامد ففارس غمض عينيه وتنهد بارتياح شديد ووطى باس رقبتها بحب فغمضت بتوتر وجسمها ارتعش ففارس بصلها وتابع وده اسميه ايه؟ استجابه ولا خوف ؟ فاسيا بصتله بتوتر وتابعت لا طبعا استجابه انا مبخافش منك يفارس بس غصب عني قلبي بيدق جامد وبتوتر من قربك
فارس ابتسم بحب وسند جبينه على جبينها وهمس عشت عمري كله بحلم بانهارده حقيقي مش مستوعب ان ربنا استجبلي وجعلك نصيبي
فاسيا الدموع اتجمعت في عينيها وتابعت انا بحبك اوي بجد
فارس بحب وانا بموت فيكي ورفع وشها ليه وبيقرب رايح يبوسها فاسيا اتوترت وغمضت عينيها فسمعوا صوت طارق وتولين فاتخضوا وبعدوا عن بعض واسيا فضلت تضحك بشده وتابعت روح شوفها روح بس افتحلي رباط الفستان ده الاول مش قادره
فارس بضحك تعالي ياختي وقامت وقفت لفتله وابتدي يفكه
فتابعت اسيا بضحك اختك في عينك ياشيخ
ففارس فضل يضحك وتابع هي باينلها غير اختي جتك نيله عليكي وعلى اهلك فقريه وفتح الفستان كله وتابع امسكيه هيقع انا فكيته خلاص ورايح يفك الطرحه فتابعت اسيا بلهفه لالا سيبها عايزه افاجئك بشكل شعري ولونه
فارس بصدمه انتي صبغتيه؟
اسيا بضحك لا يحبيبي اقصد لونه الطبيعي البني ده زي تولين كده
ففارس تنهد بارتياح وتابع ااه عارف من زمان من قبل ماتتحجبي انه اللون ده بس مشوفتوش من ساعتها
اسيا بحب مانا هفاجئك بقي
فارس بحب يسلام مستنيكي وخرج وقفل الباب وراه واسيا سابت الفستان يقع وكانت واقفه بطقم كارينا وتابعت يبااي يخربيتك تقيل ومقرف وقعدت وابتدت تفك الطرحه وعند فارس طلع وتابع بضحك تعبتك يا طروقه حقك عليا اتاخرت
طارق بضحك لالا والله محصلش حاجه ده انا سايبك وبقولها استنى هيجيلنا دلوقتي قولت تلحقلك اي حاجه وخلاص
ففارس فضل يضحك بشده وتابع فيك الخير يقلب اخوك والله
فتابعت تولين بفرح بص يابابي عمو جابلي حاجات حلوه ايه زي ملوكه
ففارس ابتسم ووطى لمستواها وتابع بحب حلوين يقلب بابي وقولنا لعمو شكرا ولالا؟
تولين بفرح قولتله ففارس ضحك وتابع شاطره يعمري فطارق ضحك وقام وقف وتابع عسل بسم الله ماشاء الله عليها يلا هنزل انا وداليا طلعتلكم الصنيه اهي مبروك يحبيبي
فارس حضنه وتابع بحب الله يبارك فيك يغالي وبالفعل طارق نزل وقفل وراه ففارس بص لتولين وتابع بحب هشغلك الشاشه على كرتون وهروح اخد شاور وجايلك اتفقنا؟ فتولين بصتله بفرح وتابعت اتفقنا بس مامي فين؟
فارس بحب بتاخد شاور هي كمان ووطى باس راسها وتابع يلا مش هتأخر عليكي
فتولين بصتله بفرح وتابعت ماشي ففارس شغلها الشاشه على روبانزل وفضلت تاكل الحاجات اللي طارق جابها وهي بتتفرج فبصلها بحب وابتسم ودخل الحمام التاني بعد ماخد بنطلون بيتي وتيشرت وشويه وخرج كانت تولين قاعده زي ماهي فشافته تابعت بابي انا جعانه
ففارس ابتسم وتابع ياروح بابي من جوه وراح شالها وباس خدها وتابع تعالي اوريكي الصنيه اختاري اللي يعجبك اكلهولك وراح بيها قدام الصنيه وشال الالمونيوم عنها وتابع بحب عايزه تاكلي ايه يعمري فتولين شاورت علي الفراخ وتابعت هاكل فراخ ورز اصفر
ففارس فضل يضحك وتابع رز اصفر والله انتي سكر وباس خدها وتابع يلا نجيب طبق واكلك من عيوني وراح بيها المطبخ وجاب طبق ومعلقه وراح حطلها رز وفراخ وكفته وقعدها على السفره وشد الكرسي وقعد قدامها وبدا ياكلها وتابع بحب يلا افتحي بوقك
فتولين اكلت منه بحماس وبصت حواليها وتابعت هي مامي فين كل ده؟
فارس بحب بتاخد شاور وهتيجي دلوقتي كلي انتي بس يلا مش جعانه ومدلها ايديه فتولين كالت منه وتابعت اه جعانه خالص
ففارس فضل يضحك وتابع يقطعني ياما والله .. علي قالي انه هياكلك في الفرح ماكليش؟
تولين هزت راسها بـ لا وتابعت قالي ومرضتش اكل بعدين طلع مع حبوبه وهو متضايق منها ومدخلش غير اخر حبه
فارس بتفاجئ ده انتي مرقباه بقى
تولين بضحك ااه واقولك اتخانق معاها ليه؟
فارس بضحك ااه ليه؟
تولين بهمس متقولش اني قولتلك علشان مامي قالتلي مقولش اي حاجه اشوفها بس انت بابي عادي
ففارس فضل يضحك وتابع لا متخافيش سرك في بير يقلب بابي قولي
تولين بهمس علشان حبوبه كانت بترقص حلو وعمو بتاع الكاميرا صورها
ففارس فضل يضحك بشده لدرجه عينيه دمعت وتابع لالا مش قاادر هتموتيني والله .. يابت جايبه اللماضه دي منين ده امك مكانتش بتتكلم يخربيتك
فتولين فضلت تضحك وفارس بقى يأكلها وهو هيموت من الضحك واسيا سمعت صوتهم لما خرجت من الحمام فتلقائي ابتسمت واتسحبت وهي لابسه البورنص وطلعت شافته بيضحك معاها وبيأكلها فابتسمت بحب شديد واتأثرت اوي ودخلت تاني وهي مبسوطه وبتحمد ربنا على فارس وقعدت رطبت جسمها ورشت بادي سبلاش واختارت لانجري احمر حمالات ماسك على الصدر وواسع شيفون لتحت وفوقيه روب فيه خرز ودانيل ووقفت تسرح شعرها اللي واصل لنص ضهرها ولونه بني فاتح وحطت روج احمر داكن لايق بشده على بشرتها البيضه وعيونها الزرق وشكلها كان يسحر
وعند فارس تولين كالت وفضلت تدعك في عينيها وتابعت بنعس: بابي عايزه انام في حضنك
فارس بضحك بركه يقلب بابي يسلااام ده انا انيمك في قلبي مش حضني بس وشالها وقعد بيها على الكنبه ونيمها على رجله وخدها في حضنه وفضل يطبطب عليها وباس راسها بعمق وتابع لابسه حاجه تنامي بيها ولا حاجه تحت الفستان ده؟
تولين اه مامي ملبساني شورت وبدي كت بنام بيهم
فارس بحب طب استني افتحلك السوسته بتاعته علشان منفوش ويخنق فبالفعل تولين قامت وقفت وفارس فتحلها السوسته فقلعت الفستان وطلعت نامت في حضنه تاني وفضل يطبطب عليها وشال الفستان حطه على الكنبه وشويه وكانت خلاص راحت في النوم وهو ايديه لسه بتطبطب عليها فخرجت اسيا وهي شكلها يسحر ويحبس الانفاس وتابعت بابتسامه طب والله برافو انك نيمتها
فارس بضحك اومال انتي فاكره ايه هو انا ورفع راسه يبصلها اتصدم واتفاجئ بشده من شكلها وفضل باصصلها وهو حاسس ان لسانه اتلجم وعينيه مش بترمش من فرط مفاجئته بيها وفضل يبصلها من اول مشط رجليها لحد اول راسها بانبهار شديد فاسيا اتكسفت اوي وتابعت بضحك ايه في اييه اتلم يحبيبي مش حاجتكم دي
فارس حط تولين على الكنبه وقام شد وسطها ليه وتابع بضحك اومال حاجه مين يابنت الجزمه انتي ها ؟
اسيا بتوتر فارس البت تصحى دخلها الاوضه الاول واتلم
فارس بضحك وهيام لالا استني بس سبيني استوعب ورفع دقنها ليه وبص لعينيها وتابع بهيام : ده الطرحه ولبسك الواسع ياما دارى والله ايه الحلويات دي يخربيت اهلك
فاسيا اتكسفت بشده لدرجه وشها احمر وبصت للارض ففارس فضل يضحك وتابع لالا بجد مفيهاش كسوف انهارده انتي تسمعي كل اللي جوايا انا مكبوت بقالي سنين ومشوفتش حلويات قبل كده
اسيا بصتله بحب ولفت ايديها حوالين رقبته وتابعت بابتسامه قول اللي انت عايزه مش مراتك حلالك خلاص هنخاف من مين مثلا
فارس ابتسم وتابع تعبت اوي يابت يا اسيا لحد ما بقيتي من حقي وواقفه في بيتي وبتقوليلي الكلام ده وضمها ليه جامد ووطى دفن وشه في ورقبتها وتابع طلع عين اهلي حقيقي فاسيا خدت نفسها بعمق وحطت ايديها على راسه وبتضمه ليها اكتر فباس رقبتها بعمق وبصلها وتابع ادخل تولين واتوضى واجيلك نصلي اتوضى انتي كمان والبسي اسدال
اسيا بحب متوضيه ومستنياك وكنت هقولك نعمل كده
فارس باس جبينها وتابع بحب ربنا يباركلي فيكي ياست البنات ووطى شال تولين وباس جبينها ودخل بيها اوضه الاطفال وحطها في السرير وغطاها وباس جبينها وطلع راح اتوضى ودخل كانت اسيا جهزت ولبست الاسدال فوق القميص ووقفوا صلوا جماعه ودعوا ربنا يبارك حياتهم ويرزقهم الذريه الصالحه وخلصوا وقاموا واسيا راحت شالت السجاد وقلعت الاسدال ففارس بصلها باعجاب من فوق لتحت فضحكت وتابعت انت مش هتبطل نظراتك دي يا دكتور يامحترم ولا ايه؟
فارس فضل يضحك وراح حط ايديه على ضهرها وشدها ليه وتابع ولما مبصش على مراتي المفروض ابص على مين
اسيا بغيره متبصش اصلا علشان لو فكرت تعملها هخزقهوملك
فارس بحب طب وعلى ايه انا عايز عيوني وبخاف عليهم فهبص عليكي انتي بس وبصلها باعجاب وهو بيتأمل شكلها كله وشعرها وعينيها فاسيا اتكسفت وتابعت يسيدي حقك بس نظراتك بتكسفني يفارس والله
فارس بضحك احنا لسه بنقول يهادي وهتقرفيني يا اسيا ؟؟ بقولك ايه انتي اتكتمي وصوتك مسمعوش خالص انهارده .. فاسيا فضلت تضحك بشده وتابعت لا يعمري براحتك انا بهزر معاك
فارس بحب لو لسه عايزه تنامي نامي والله ومش هزعل من حاجه بلاش هبل
اسيا بحب انام ؟! طب ده انا ياما جيت على نفسي علشان الايام تعدي فحتى لو عايزه انام معرفش اسهر شويه لاجلك ؟ ده انا اسهر العمر كله لو هيراضيك واقيدلك صوابعي العشره شمع واحطك في عيني العمر كله وبردو هيبقي قليل عليك يفارس
ففارس ابتسم بحب ومسك ايديها باسها وتابع والله انتي نورعيني بس انا معملتش حاجه انتي الدنيا كلها قليله عليكي وتحت رجلك
اسيا بحب لا عملت .. عملت كتير معايا ومع بنتي ولو فضلت عمري كله اشكرك مش هوفيك حقك يفارس وانهارده بالذات وانك وافقت تولين تبقى وسطنا ودي مش سهله خالص عليك
فارس بحب بطلي عبط يا اسيا يعني عملالي ايه تولين دي بنتي زيي زيك ومش مصمم تقولي يابابي عيااقه لا هي فعلا بنتي ومقدرش اسيبها تعيط علينا لاي سبب .. ما اديها وسطنا واحنا مع بعض اهو عملتلنا ايه يعني
اسيا بحب ودموع انا بحبك اوي يافارس بجد وحضنته جامد ولفت ايديها حوالين رقبته وتابعت وبشكر ربنا انه حققلي حلمي الاولاني وجعلني ليك وعوضني بيك ففارس ضمها ليه اكتر ووطى راسه باس كتفها بحب وتابع وانا بموت فيكي والله العظيم ربنا مايحرمني منك ابدا ينورعيني واتأثر بقربه منه وريحتها اللي عجبته فحاول يتماسك وبصلها وحط ايديه على خدها وتابع بحب عايزه تاكلي؟
اسيا بصتله وهي لسه قريبه منه وسندت جبينها على جبينه وتابعت بحب وهمس : تؤ .. عايزه بيبي منك
ففارس ابتسم وقلبه دق بعنف من الكلمه وحط ايديه على وسطها وشدها ناحيته وتابع بهمس وهيام: انتي قد الكلمه دي ؟
فاسيا بصت للارض وتابعت بحب وهمس ااه قدها .. وبصت لعينيه وتابعت بنفس النبره: قلبي وعقلي عايزينك زي مانت عايزني واكتر .. عايزه ابقى ملكك بجد يفارس
ففارس كأنه استنى موافقتها بفارغ الصبر وقرب باسها بعمق واشتياق شديد وايديه بتشدها ناحيته وبتفك رباط الروب واسيا حاطه ايديها حوالين رقبته وبتقربه اكتر فقلع تيشرته ورماه على جنب وهو بيقربها منه اكتر ..
وبعد وقت فات بيهم كان فارس نايم على السرير عاري الصدر وساند ضهره للسرير واسيا نايمه في حضنه وايديه بتعدي على شعرها فباس راسها بعمق وتابع بهمس اسيا
فاسيا بصتله بحب وتابعت اممم
فارس بحب كنت بشوفك نمتي ولا صاحيه يعمري وباسها برقه
فاسيا ابتسمت وتابعت مش عارفه اناام ومش قادره احدد اللي انا فيه ده حلم ولا واقع
فارس بضحك بعد كل ده ومش قادره تحددي حلم ولا واقع لا ده انا اخليكي تحددي وتستوعبي كمان بس كده يسلاام وبيقرب فاسيا فضلت تضحك وحطت ايديها على صدره تبعده وتابعت من بين ضحكها لالا خلاص صدقت والله
ففارس فضل يضحك بشده وتابع يسلاام للدرجه دي يابنت الجزمه
فاسيا ضحكت وتابعت والله ابدا واتعدلت وحطت ايديها على خده وتابعت بحب ده عيوني ليك مانت عارف وواخد بالك اني مش رافضه قربك نهائي بالعكس
فارس خدها في حضنه وباس راسها بعمق وتابع بحب ودي اكتر حاجه فرحتني بصراحه
فاسيا ابتسمت وهي نايمه على صدره وتابعت بحب اقولك حاجه قديمه ومتضايقش؟
فارس بحب قولي ياروحي
فاسيا بصتله فشعرها جيه على وشها ففارس رجعه لورا وهو بيبتسم وباس خدها فبصتله وتابعت مش هجيب سيره الحيوان ده تاني بس انا حسيت بحاجه وكنت عايزه اقولهالك
فارس بحب سامعك يعمري فاسيا بصتله بحب وتابعت قبل كده كل ده بنسبالي كان تأديه واجب حتى اني بعد تولين خدت حبوب منع حمل سنين ومكنتش عايزه عيال تاني من سليم وبقنع نفسي ان كده احسن علشان اربي تولين كويس وهو كان بيزن بصراحه واخر مازهقت وافقته ابطل الحبوب بس مش علشان انا عايزه على قد ماهو اللي كان مصمم .. وكل مره كان بيطلبني كنت بحس اني جسد من غير روح مع اني حبيته بس عمري ماحسيت اني متقبله او مبسوطه دايما بحس اني مجبره واني موجوده لشهواته مش اكتر وكان بيحسسني اني فياا عيوب واني مش مهتمه بنفسي وشكلي عجز بدري وحاسه معاه طول الوقت ان نفسي مكتوم وبصتله بحب وهي حاطه ايديها على خده وتابعت انما معاك من اول يوم اتمنيت قربك واتمنيت اشيل ابنك وحسيت اني مبسوطه فعلا وقلبي وعقلي متفقين عليك وحسستني اني احسن واجمل بنت عينيك تشوفها وقولتلي ايه يا اسيا ده انتي 23 سنه بطلي عبط وبقيت اعرف اخد نفسي جنبك وانا مرتاحه .. فارس انا اكتشفت لما اتجوزتك اني عمري ماكنت افهم يعني ايه راجل وست بيحبوا بعض فالحب ده بيخليهم يعوزوا بعض بنفس المقدار .. كنت فاكره ان ده احساس الرجاله بس تجاه اي ست .. بس انهارده اكتشفت غير كده
ففارس ضمها ليه وحضنها جامد وهمس بحبك
فاسيا ضمته اكتر وخدت نفسها بارتياح بعد سنين تعب والدموع متجمعه في عينيها وتابعت وانا بموت فيك ففارس خرج من حضنها وتابع بحب وهو ساند جبينه على جبينها: كل سنه وانتي طيبه يا ست البنات كلهم ويارب العمر كله وانتي معايا انا اختارت عيد ميلادك يبقى يوم فرحنا لاني مش هلاقي يوم اجمل ولا مميز اكتر من ده اصلا
فاسيا دموعها نزلت بحب وتابعت وانت طيب يحبيبي حتى عيد ميلادي عملتله معنى وشكل ويارب عيد ميلادي اللي جاي يبقى معانا يونس كمان وابقى مش عايزه حاجه تاني من الدنيا
فارس ضمها لصدره بحب وباس راسها بعمق وتابع يارب يا ام توتي فاسيا ضحكت من بين دموعها وتابعت عيون ام توتي انت
---------
تاني يوم الصبح في مكتب كريم كان في صوت خناق وعصبيه طالع منه لان علي وكريم كانوا بيتخانقوا
علي بعصبيه ياابني ورحمه ابويا وابوك سمعتها بتتفق معاهم وقالت ان النااس دي هتتم معاك الصفقه وتاخد المقدم وهيهربوا برا البلد ومش هتعرف تجيبهم
كريم بعصبيه ندى متعملش كده تلاقيك فهمت غلط دي مش بقالها سنه ولا اتنين هنا دي من وهي طالبه شغاله معانا ومخلصه للشركه واسرارنا في حضنها سنين اشمعنا هتعمل كده دلوقتي فوق لنفسك وانت بتتكلم عنها يعلي
فعلي بصله بذهول وتابع انت بتكدبني انا علشانها !! بتكدب اخوك علشان دي يكريم !! وشاور على ندى اللي كانت واقفه بتعيط
فكريم اتعصب وتابع اه بكدبك لانك اكيد فهمت غلط وقولتلك الف مره تنسى انك اخوياا هنا في الشركه الشغل شغل والاخوه دي في البيت مش هنا يعلي
علي بصله بوجع وتابع ولا هنا ولا في البيت انا هقدم استقالتي وماشي علشان انا مش هقعد واوافق علي عقد هيتختم بيه على قفانا كلنا
فكريم رايح يتكلم فعلي خرج ومسابلوش فرصه وراح بالفعل يمضي الاستقاله وكريم واقف حيران وبص لندى وتابع بحده وهو حصل ايه وسمعك وانتي بتقولي ايه بالظبط ؟
فندى عيطت وتابعت سمعني وانا برد على كلامهم انهم هيتمموا الصفقه لما يرجعوا من برا وفهم العكس ان هيتمموها ويسافروا فكريم هز راسه بتفهم وتابع بحده هو متخلف كده ومتسرع علطول معلش حقك عليا انا ولقى علي داخل عليه بالورقه وتابع امضي
كريم بتنهيده ولو قولتلك مش همضى واقعد في سوء تفاهم في الموضوع ؟
فعلي اتعصب وتابع لا هتمضي ولو مش هتمضي هستني المدير الاساسي يرجع وهاجي امضيها بردو انما مش هكمل
فكريم بصله بضيق وتابع اه وهتشتغل فين ان شاء الله وهتتجوز اختي منين؟ فعلي اتوجع من كلامه واتعصب وتابع مالكش دعووه حبيبه ابن عمها موجود وجدها توفيق موجود وقريب اوي هنشوف بعض كلنا علشان انا مش هعلق سعاده اختي باسراركم اللي خايفين تنكشف وهوافق بمالك فانت اللي اخرج برا عيلتنا كده يكريم انا واهل حبيبه هيبقى في بينا نسب
فكريم اتعصب ومرضيش يتكلم قدام ندى ومضى ورمى للقلم بعصبيه وعلي بصله بضيق ومشي وهو بيرن على حبيبه فردت وتابعت ايه يحبيبي فعلي تنهد بعمق وتابع فينك كده؟ فحبيبه استغربت صوته وتابعت خارجه من الجامعه اهو مالك في ايه؟؟ فعلي تنهد وتابع طب استنيني جايلك لو مالك جيه يروح سلمى متمشيش معاه انا عايزك
فحبيبه قلقت وتابعت حاضر عيني بس مالك في ايه انت كويس يعلي؟ فعلي ركب ميكروباص رايح ناحيه الجامعه وتابع بوجع لا مش كويس وسلام دلوقتي يحبيبه وقفل معاها فحبيبه بصت للفون بذهول وقلقت
فجيه مالك وتابع بحده انتي يابت مش بقالي ساعه بناديكي؟؟ فحبيبه اتوترت وتابعت معلش يمالك مسمعتكش المهم روح انت وسلمى انا مستنيه علي هيخرجني
فمالك تنهد وتابع سلمى في العربيه انتي اللي وقفتي ومجتيش وراها بس مش مهم هستناه معاكي مينفعش اسيبك في الشارع لوحدك فحبيبه هزت راسها بماشي وسكتت وهي قلقانه على علي وشويه وعلي جيه عينيه حمرا اوي وده خض حبيبه جدا بس سكتت قدام مالك
فمالك بصله وتابع وقفت معاها لحد ماتيجي مكنش ينفع اسيبها بس انت بخير؟ فعلي ابتسم وتابع اه بخير متقلقش راجل والله تعبتك يحبيبي
فمالك ابتسم وتابع متقولش كده يعبيط يلا باي فحبيبه تابعت باي وماصدقت مالك مشي وحطت ايديها على خد علي وتابعت بدموع وخوف مالك يحبيبي في ايه؟
فعلي تنهد وتابع تعالي نتمشى وهقولك وبقي يمشي بيها وتابع انا سبت الشغل فحبيبه بصتله بصدمه وتابعت اييه سيبت الشغل !! طب ليه وازاي ؟!! فعلي قعد على مقعد للاستراحه وهي قعدت جنبه وتابع بتوهان: مش عارف اكمل بعد اللي حصل بيني وبين كريم
فحبيبه اتخضت تابعت ليه حصل ايه بينك وبين كريم يخليك تسيب الشغل .. يعلي ابوس ايدك وترتني انطق
فعلي تنهد بعمق وتابع هقولك "وبقى يحكيلها كل اللي حصل وانه سمع ندى بتتفق عليهم " وتنهد وتابع وبيعايرني لما بقوله هستقيل ويقولي وهتتجوز اختي منين ان شاء الله
فحبيبه اتصدمت بشده ودموعها نزلت وتابعت كريم عمل كده !!! فعلي دموعه نزلت وهو بيهز راسه بلايجاب كذا مره
فحبيبه مسحت دموعه وحضنته وتابعت بدموع شالله ما عنه صدق وهيندم علشان صدق الحيوانه دي عليك وحبيبه جنبك ومعاك وحتى لو هنعيش بلقمه وملح انا مقدرش اعيش من غيرك يعلي سيبك من كريم ومن كلامه الفاضي ده
فعلي طبطب على ضهرها وبصلها وتابع بوجع بس انا ميهونش عليا اكلك لقمه بملح انا عايز اجبلك الدنيا كلها تحت رجلك وزي ماهتمنى اخواتي يعيشوا في هنا وراحه هبقي عايز اعيشك زيهم فحبيبه بصتله بلهفه وتابعت بدموع مش مهم كل ده بنسبالي مش مهم كفايه عليا اقعد في بيت اشوفك بتفتح بابه كل يوم انا بحبك يعلي فاهم يعني ايه بحبك
فعلي رفع ايديها باسها بعمق وتابع بدموع وانا بموت فيكي بس الطريق صعب عليا اوي يحبيبه .. حقيقي تعبت ومش عارف المفروض الخطوه الجايه اعمل ايه
فحبيبه بصتله بحب وتابعت بدموع بس هنعدي كل حاجه سوا وهنحلها والله وبصتله بلهفه وتابعت وايه رايك ترجع تنشر روايتك بس المره دي ورقي انت خلصت كتابتها من زمان
فعلي تنهد وتابع اه بس دي اتحرقت في المكتبه فحبيبه بصتله بحب وتابعت ومعايا انا كمان النسخه التانيه اللي فاضله منها لاني مستنتش تنشرها وخدتها منك ومتقلقش مش هنصرف كتير في الاول غير على القد ونجرب لو اتابعت نزود وواثقه هتتباع لحد مانشوف هتعمل ايه جنبها
فعلي ابتسم وتابع ربنا ميحرمنيش منك ابدا ياست البنات يا اصيله
فحبيبه بصتله بحب وتابعت ولا منك يحبيبي وسكتت وفكرت في فكره بس سكتت لحد ماتفكر هتعملها ازاي وبصتله بحب وتابعت يلا بينا نتمشى شويه بقي واحشني التمشيه معاك فعلي ابتسم وتابع بحب يلا يعمري
-------
وعند اسيا صحيت من النوم لقيت فارس مش جنبها فاستغربت وقامت تاخد شاور ولبست كاش حمالات وقصير لحد قبل الركبه وفردت شعرها وخرجت وهي بتتاوب ولقيته واقف في المطبخ فتابعت بابتسامه : صباح الخير ففارس شافها ابتسم وتابع بحب ده ياصباح الفل والورد والياسمين وشدها ناحيته وباسها وتابع صباحيه مباركه على احلى عروسه عيني شافتها .. كل ده نوم .. فاسيا اتكسفت وتابعت الله يبارك فيك يحبيبي ليه نمت قد ايه كده؟ ففارس بص للساعه وتابع 3 العصر اهي فاسيا شهقت وتابعت يخرابي وفينها البت كل ده نايمه؟؟ ففارس فضل يضحك وتابع نايمه ايه دي مصحياني من 11 الصبح وفطرتها ونزلت تلعب مع ملك تحت
اسيا بخوف فارس لامك تزعق فيها ففارس ابتسم بحب وتابع امي في شقتها انا نزلتها لداليا والله متقلقيش وبعدين محدش يقدر يفتح بوقه بكلمه لتولين طول مانا عايش خفي عبط هاا انا ليا شخصيه
فاسيا ضحكت وتابعت وهو بتلف ايديها حوالين رقبته الله يمسيك بالخير يا بعيد
فارس بضحك ايه مكنش ليه شخصيه؟
اسيا بضحك لا مكنش راجل
ففارس فضل يضحك بشده وتابع عسل يابت يا اسيا هاتي بوسه فاسيا فضلت تضحك وتابعت بس كده ده من عيون اسيا ووقفت على اطراف صوابعها باسته ففارس شدها ليه وباسها بعمق وتابع لا بقولك ايه فكك من الفطار دلوقتي وطفى النار فاسيا فضلت تضحك وتابعت لالا انا لسه كنت هقولك هروح على السرير وهاتلي الفطار زي في الافلام ففارس فضل يضحك ووطى شالها بين ايديه وتابع ماحنا هنروح على السرير بس من غير فطار عديها بقي يا اسيا ميبقاش دمك تقيل فاسيا فضلت تضحك
----------
وفي مستشفى لمكافحه الادمان دخل عصام وكان رايح يتبرع للناس اللي عايزه تتعالج بس غير مقتدره وقاعد في المكتب مستني الدكتوره المسئوله عن التبرعات تيجي وثواني ودخلت إيلين واتفاجئت لما شافته وتابعت دكتور عصام؟! فعصام شافها استغرب وقام وقف وتابع على ما اتذكر انتي صاحبه حبيبه مش كده؟ فإيلين ابتسمت وتابعت اه انا اتفضل ارتاح
فعصام قعد وهي قعدت على كرسيها وتابعت بابتسامه الحقيقه لما عرفت المبلغ اللي هيتدفع حبيت اشوف المتبرع بنفسي واشكره مش مجرد اجرائات عاديه وتعدي بس تسمحلي اسالك ايه السبب؟
عصام تنهد بحزن وتابع كان ليا صاحب مات بسبب الادمان وجوز سلمى كمان قريب وكذا حاله بتحصل كل يوم سواء اعرفهم ولالا فبصراحه حبيت جزء من الفلوس اللي بتبرع بيها يبقى في مستشفى محترمه لعلاج الادمان وابقى ساهمت في ان شاب او بنت يرجعوا يبصوا للحياه تاني بنظره مختلفه كأنهم اتولدوا من جديد
فإيلين بصتله وابتسمت بحب وتابعت حقيقي مش عارفه اقولك ايه يا دكتور عصام بس يارب يكتر من امثالك واوعدك انا هكون المشرفه على الفلوس دي انها تروح للناس الصح ويتعالجوا على اعلى مستوى
فعصام ابتسم وتابع ده المهم ولو سمحتي لو ينفع اخد رقمك لاني مش هعرف كل شويه اجي بنفسي فهبعتلك الفلوس مع اي حد فإيلين بصتله بلهفه وتابعت اه اه طبعا واديته فونها فكتب رقمه ورن فرقمها ظهر عنده فتابع بابتسامه تمام يا دكتوره .. وسكت لانه ميعرفش اسمها فتابعت هي بابتسامه وتابعت إيلين
فعصام ابتسم وتابع اه دكتوره إيلين .. مبسوط ان المره دي احسن مره شوفتك فيها مره خبطتي عربيتي ومره كنتي هتقعي وفضل يضحك
فإيلين ضحكت وتابعت قلبك ابيض بقى يا دكتور وحقيقي اتشرفت بمعرفتك جدا فعصام ابتسم وتابع الشرف ليا حقيقي وقام وقف وتابع عن اذنك فإيلين قامت وقفت وتابعت اذنك معاك وخرج عصام وهي فضلت باصه لطيفه بسرحان وبتاخد نفسها فاستنشقت البرفيوم بتاعه اللي ملى الاوضه وابتسمت وتابعت ااه لو مكنتش متجوز يقمر انت وضحكت وتابعت بس لا علي يفتح نفوخي ويقول لحبيبه متعرفيهاش تاني ورجعت تشتغل
------------
بعد مرور اسبوعين جيه يوم كتب كتاب وسام وهناء والكل كان بيجهز وفرحان وكريم وعلي مبيكلموش بعض خالص وعلي بالفعل نشر الروايه ونجحت بس مدخلتلوش لسه الدخل اللي يقدر يعمل بيه حاجات كتير
في اوضه هناء كانت واقفه لابسه فستان ابيض ستان وكب من عند الصدر وماسك على الصدر ونازل منفوش قصير لحد الركبه وهيلز بيضه وسايبه شعرها طويل ورا ضهرها وعملاه ويفي وحاطه ميكاب رقيق وهيربيس فكلهم بصولها بانبهار
فتابعت حبيبه باعجاب شديد: جمدان يابنت الايه وفكرتك تحفه فهناء ضحكت وتابعت اومال انا عبيطه زي اسيا افضل اتحايل ابين نص شعري وهو يرفض؟ لا قولت مش هنزل خالص والبس اللي نفسي فيه في اوضتي وهو يطلعلي وسطكم وخلاص
فكلهم فضلوا يضحكوا بشده فتابعت اسيا بضحك تسلمي ياقلب اختك بس انا ياختي كتبت واتجوزت في يوم واحد فاضطريت اسمع كلامه انما انتي عامله كتب كتابك بنات بس والرجاله تحت وهو هيطلعلك وهتتكفني عادي في فرحك زيك زيي فكلهم فضلوا يضحكوا
فتابعت هناء بضحك اه ده حقيقي بجد فقولت افك انهارده وفي الفرح كده كده هتكتم كتمه سودا .. بس حقيقي مكسوفه مش متعوده البس كده
فنيره ضحكت وتابعت بس يابت بلا مكسوفه شكلك خطير بجد والكحل الاسود مع عينيكي العسلي واو واو بجد
فاسراء بصتلها باعجاب وتابعت بصراحه تحفههه دي كلمه قليله اوي مع ان عدم نزولك تحت في يوم كتب كتابك حاجه رخمه بس الاهم ان الاطلاله عجباكي وجوزك هيشوفك ده المهم
فهناء اتوترت وتابعت مكسوفه منه اوي بجد يجماعه ده انا يعتبر مش لابسه فلميا ابتسمت وتابعت انتوا مش لوحدكم احنا معاكي وفستانك جميل اوي متوتريش نفسك
فإيلين ضحكت وتابعت يجدعان انا لبست زيه بس احمر في عيد ميلادي مالكم في ايه حسستوني اني متربتش
فكلهم فضلوا يضحكوا فتابعت حبيبه بضحك لا انتي متربتيش فعلا يعمري وقاطع كلامهم خبط كريم على الباب فكلهم سكتوا وكريم دخل وتابع هناء امضي يلا و وسكت بصدمه من شكلها وتابع ايه ده؟
فهناء خافت وتابعت ايه في ايه؟ فكريم اتعصب وتابع انتي ايه اللي لااابساه وعملاااه ده انتي عايزه وسام يشوفك كده انتي اتجننتي ؟؟!! فكلهم فضلوا يضحكوا
فتابعت نيره بضحك يحبيبي ده هيبقى جوزها وبكره حنتهم وبعده فرحهم متنكدش عليها بقى الله يخليك
فكريم اتعصب وتابع لا طبعا مينفعش يشوفها كده ايا كان لما تدخل بيته بقى حطي طرحه ولا حاجه على كتفاك وصدرك ده انتي اتجننتي ولا ايه؟؟؟؟
فنيره غمزتلها تهاودو فهناء جابت طرحه بيضه وحطيتها بتوتر فكريم خبط الورق قدامها وتابع امضى فمسكت القلم بتوتر ومضت وبصمت عليه كله وكلهم زغرطولها بفرح وكريم نزل فتابعت اسيا بضحك شيلي بقي فهناء رمتها على جنب وكلهم فضلوا يضحكوا
فتابعت نيره بضحك هو غيران عليكي انما مش طبيعي الخنقه دي بجد فلازم نهاود الرجاله لما مخها يبقي تعبان كده
فكلهم فضلوا يضحكوا وتحت البيت كان قاعد وسام وماسك ايد كريم واهله واهلها حواليهم رجاله وبعض الستات وبعد ماخلصوا المأذن قال بارك الله لكما وبارك عليكما وجمع بينكم في خير وفوق كانوا سامعينهم وهناء قلبها كان بيدق بعنف ودموعها بتنزل بفرح وهي بترتعش وبتردد معاهم وفاجاه الكل بقي يزغرط واسراء شغلتلها اغنيه كتبوا كتابك يانقاوه عيني وبقيوا يرقصوا معاها ويلفوا حواليها ووسام قام بفرح وحضن كريم وتابع بضحك اطير انا بقى خمسه ونازلكم
فكريم ضحك وتابع طير ياخويا فوسام خد السلالم جري حرفيا من كتر لهفته انه يشوفها وانها خلاص بقيت مراته ولقى باب الاوضه مفتوح فدخل لقاها مبسوطه وبترقص وهما حواليها فاتسمر مكانه من جمالها وشكلها متخيلش شكلها في الفستان ومن غير الطرحه هيبقى بالجمال ده كله فكلهم بعدوا عنها لما شافوا وهناء خدت بالها واتخضت لما شافته وفضلت تضحك ووشها احمر وتابعت حرام عليك ياوسام خضتني
فوسام ضحك وتابع ده حرام عليكي انتي اللي عملاه فيا ده وراح حضنها جامد بكل قوته لدرجه رجليها اترفعت عن الارض وهناء لفت ايديها حوالين رقبته وضمته اكتر وكلهم فضلوا يزغرطوا بفرح فتابع بحب ودموع اخيراا بقيتي ليا اللهم لك الحمد الف مره وباس جبينها بعمق وهمس باعجاب شديد : قمر قمر قمر بجدد شكلك حلو فوق ماتتخيلي
فهناء بصتله بحب ودموعها بتنزل وتابعت كنت قد وعدك يوسام واخيرا الحدوته خلصت والدار اصبح امان وحضنته جامد
فوسام ضمها ليه اكتر وشالها ولف بيها في وسط فرحتهم على الاغنيه ونزلها وهو لسه حاضنها وتابع مع الاغنيه ده عملت اللي مايتعمل علشانها بجد والله فهناء ضحكت من بين دموعها وتابعت طلع عين اهلك عارفه والله
فوسام ضحك وتابع ده طلع عين اهلي وعين اللي خلفوني بس وماله كله فداكي المهم وصلنا للنهايه اللي عايزينها وبقيتي مراتي بجد مش مجرد وعد ولا كلام وفضل يمشي ايديه على شعرها فهناء بصتله بحب ودموع وتابعت حلو؟
فوسام ابتسم وتابع انتي كلك علي بعضك زي القمر مبهور بيكي والله العظيم لا فكره حلوه واديها عشره من عشره ومسك كفها ولفها بايديه حوالين نفسها ففستانها اتنفش
فاسراء ضحكت وتابعت وبوسه مش عشره من عشره بس
فوسام ضحك وتابع والله مانا كاسفك وباس خد هناء وتابع بضحك وبوسه
فكلهم فضلوا يضحكوا وسقفوا بفرح ولميا سمعت الباب بيخبط فطلعت فتحت كان راجل شكله مش غريب عليها وتابع وسام موجود هنا ؟
فلميا بصتله باستغراب وتابعت انا شوفتك فين قبل كده؟
فادهم ابتسم وتابع انا ادهم العامري اللي خبطت بنت عمك قبل كده وابقى ابن عم وسام
فلميا بصتله بذهول وتابعت بحده ااه قولتلي افتكرتك افتكرتك يا سوء الصدف والله انه يطلع ابن عمك موجود استنى اناديهولك ورايحه تمشي فتابع ادهم طب معقوله افتكرتي شكلي ومفتكرتيش صوتي ولا لازم اقولك انس
فلميا وقفت وهي مصدومه بشده
-----------
وعند هاله كانت طلعت تظبط طرحتها ونازله كتب الكتاب تاني والباب خبط فراحت فتحت وتابعت بحب تعالى يا مالك ادخل يحبيبي
فمالك دخل وتابع بتوتر عايز اقولك حاجه يامرات عمي
فهاله بصتله وتابعت بحب ايه يحبيبي قول
فمالك بص للباب وفاجاه طلع اخر حد كانت تتمنى تشوفه وهمست بصدمه شديده: علي