دخل سيف وكان وشه كله كدمات، اتصدمت هناء وقالت..
هناء
ايه اللي حصل يا سيف انت كمان، شوفت شش شوفت اللي حصل لصلاح انا مش مصدقه انه راح مني..
سيف
اهدي طيب وادعيله، وانا والله لاجيب حقه انتي ما تخافيش....
.
الظابط
ممكن حضرتك تتفضل، لنا عايز اعرف هو راح ليك السخنه ليه..
سيف
هو طلب مني اعرفه علي شباب تكون بتاعت مشاكل وكده لانه اتخانق حد ونصب عليه وعايز يرجه فلوسه..
الظابط
وايه شغل البلطجه ده بقي اومال فين القانون يا استاذ..
سيف
والله انا قولت ليه كده قالي القانون مش هيعمل ليا حاجه لان ما فيش ورق يثبت اي حق ليه..
الظابط
وانت عملت ايه كمل..
سيف
عرفته علي واحد صاحبي،وراح معاه واللي حصل انه فعلا اخد فلوسه وروح البيت..
الظابط
بس هو ما لحقش يرجع البيت ولما لقيناه ما كانش معاه حاجه.
سيف
اكيد اللي عمل كده هو اللي اتخامق معاه، بس انا ما قالش ليا ده يبقي مين..
الظابط
انت ممكن تساعدنا وتقول لينا علي الولاد اللي ساندون مككن تكون معاهم اي معلومه...
سيف
تمام هقول لخضرتك بس اهم حاجه تجيبو ليا حق ابن عمي، ده كان اخويا واكتر.. وبعد شويه انا روحت البيت وقولت لاهلي علي اللي حصل....
الام بحزن
يا حول الله يا رب، ربنا يصبر قلبك يا هناء يا بنتي..
الاب
يا بنتي طيب مين ليه نصلحه يعمل كده، انتي مش ده جوزك اكيد كان بيحكي ليكي اي مشاكل في الشغل..
هناء
لا يا بابا صلاح اصلا عمره ما اتكلم معايا علي الشغل، بس انا شاكه في سيف ابن عمه..
الام
ايه يا بنتي بس الكلام ده ما بصحش دلوقتي.
هناء
لا يا ماما يصح ما حدش كان يعرف حوار اافلوس غير سيف، وكملن هو كانت عينه مني وديما بيحاول يقرب مني وانا اللي كنت برفض وحتي لمو كنت بقول ليه ماوكانش بيصدقني..
الاب
لا فهمبني ازاي بعني بيقرب منك، عمل ايه الولد ده؟..
هناء.
كان ديما بيهتم بيا بزياده وبيطلب مني نخرج ونتفسح والجو ده، وغير نظراتخ وكلامه علي لبسي و..
الام
يا بنتي ممكن من عشمه لانه بيحب ابن عمه، شيلي انتي من دماغك الكلام اللي قولتيه ما دام مش متاكدين وكله الا الافتري..
هناء
اللي يربحكم بس ده اللي حصل وانا حاسه اووي ان هو السبب في اللي حصل لصلاح جوزي..
الاب
اسمعي بس كلام امك ورزحي ارتاحي سويه وان شاء الله كل حاجه هتبان وربنا هيجيب حق جوزك..
_وتاني يوم راحت شيماء عندهم وكانت مدايقه جدا..
شيماء
شايفه يا طنط الكلام اللي قالته هناء.، بقي انا هبقي شمتانه فيها هو ده وقته كلامه ده..
الام
حقك عليا انا يا بنتي بس هر الظرف اللي فيه وحش ربنا ما يكتبه علي حد..
شيماء
ما انا عشان كده يا خالتو مش هزعل منها، هو برغم اللي حصل بينا بس انا ديما بعتبرها اختي وانتي عارفه..
الام
من غير ما تقولي ربنا يكملك بعقلك يا حبيبتي.. والباب خبط وقامت شيماء تفتح وكان سيف..
شيماء
نعم مين حضرتك؟..
سيف
هو ده مش بيت المدام هناء، انا سيف ابن عم جوزها..
شيماء
اهلا وسهلا نورتنا تعالي اتفضل، انا شيماء بنت خالتها..
دخل سيف
اهلا بيكيوالبيت منور بصحابه، هي فين هناء انا ممكن اشوفها.. وطلعت الام..
الام
اهلا بيك يا ابني تعالي جوه بيتك ومطرحك..
سيف
تسلمي يا طنط حضرتك عامله ايه مش كويسه..
الام
بخير يا ابني الحمد لله تعالي اتفضل... دخل سيف وقعد وشيماء قالت..
شيماء
انا هروح انده ليك هناء من جوه.. وطلعت هناء
هناء
لا ما فيش داعي انا جيت اهو نعم يا سيف عايز ايه؟..
سيف
مش عايز حاجه يا هناء انا جاي اطمن عليكي واللهظ
هناء
واطمنت حضرتك اتفضل لو سمحت انامش عايزه اشوفك تاني..
سيف
طيب انا زعلتك في حاحه يا هناء، انا بس والله جاي اطمن عليكي..
هناء
وانا مش عايزاك تتطمن عليا، ممكن تروح في داهيه وما تخلنيش اشوف وشك تاني..
سيف
تمام انا مش جاي اشحت منك عشان تعامليني كدن، انا جايب ليكي عقدالشقه انا كتبتها باسمك لاز جوزك كان مديني تمنها وملحقناش نغيى العقد بعد اذنكم.. مشي سيف وراحت ورات شيماء..
الام
حرام عليكي الافتري ده الجدع ابن اصول وجدت وجاي مادد ايده بتلخير لين نردها ليه بالشر..
هناء
اوعي تتغري فين يا ماما ده انا اكتر واحده عارفااه ده اكيد بيعمل كده عشان ما حدش يشك فيه..
الام
يالهوي منك تلاقيكي اصلا لا امتي ولا الفلوس في باله، اتقي الله بقي، ده جه وجايب ليكي حقك لحد هنا..
_وتحت كان سيف نازل وهو مدايق وشيماء مسكت ايده وقالت..
شيماء.
لو سمحت استني، ممكن ما تمشيش وانت زعلان..
سيف سحب ايده منها
نعم يا انسه شيماء في ايه؟..
شيماء
انا اسفه جدا علي الطريقه اللي كلمتك بيها هناء، بس هي اكيد ما تقصدش اللي حصل و..
سيف
علي فكره حصل خير يا انسه شيماء، انا مقدر الوضع اللي هي فيه، بس ياريت تخليكي جنبيها..
شيماء
من غير ما تقول بس ابقي غيب زتعالي هما اسال عليها، يعني علي الاقل حد من ريحة جوزها..
سيف
من عينيا يا شيماء، انتي جدعه اووي علي فكره وحده غيرك بعد اللي حصل زمان كانت ما سالتش في هناء..
شيماء
اكيد صلاح هو اللي قالك، بس تقريبا ما قالش ليك اني بعرف الاصول كويس بعد اذنك.. وسابته شيماء وطلعت وهو بص ليها وهو مبتسم..
_وبعد فتره كان سيف بيفتح في الكافي بتاعه، وعدت من هناك شيماء وهي معاها هناء..
شيماء
ايه ده يا هناء بصي كده الكافي ده؟..
هناء
انا لا عايزه اروح كافيهات ولا غيره ونازلن معاكي بالعافيه ومش طيقاكي اصلا...
شيماء
يا ستر كتر الف خيرك بس انا كنت عايزه اوريكي الكافي بتاع سيف الجديد..
هناء
نعممم سيف فتح كافي، وجاب منين بقي الفلوس دي كلها.. ودخلت هناك..
سيف
هناء انتي بنفسك هنا، المكان نور والله، ازيك يا شيماء عامله ايه...
شيماء
انا كويسه الحمد لله انت عامل ايه يا سيف..
قبل ما يرد قالت هناء
الف مبروك علي الكافي وانا اسفه اووي علي اللي حصل في البيت بس انا كانت اعصابي تعبانه..
سيف
لا عادي يا هناء انا مش بزعل منك، وديما موجزد وجنبك ومش عايزك تقلقي من حاجه..
هناء
طيب احنا هنمشي دلوقتي بقي عشان اتاخرنا..
سيف
لا طبعا والله ما ينفع تمسو غير لما تشربو حاجه معايا..
هناء
طيب ممكن تروحي يا شيماء عشان انا عايزه اتكلم مع سيف غي موضوع كده..
شيماء
بجد.. طيب بعد اذنكم.. ومشيت..
سيف
تعالي طيب نقعد يا هناء ونتكلم، هطلب ليكي مانجا عارفك بتحبيها..
هناء
انا بحبك يا سيف واتعاملت معاك كده الاول عشان ما كنتش عايزه ابقي خاينه لصلاح..
سيف
هو انا ممكن ما وصلتش لمرحلة الحب بس انا عايز اتجوز واستقر تقبلي تبقي مراتي يا هناء..
هناء
هو انا عبيطه عشان ارفضك يا سيف، بس انا لسه مخلصه العده من كام يوم ينفع يعني نتجوز.؟..
سيف
ايوه طبعا احنا علي الاقل نتخطب وبعد كده نتحوز تكون عدت سنه علي صلاح...
هناء
ماشي يا سيف انا موافقه... وبعدين رجعت هناء البيت وقالت لمامتها..
هناء
يا ريتك بجد ما مشيتي يا شيماء الوقح فضل يقول ليا انه ما صدق صلاح يموت عشان يتجوزني..
شيماء
بجد امم وانتي بقي كنتي عايزااه في ايه يا هناء..
هناء
انا بس كنت هساله جاب الفلوس منين بتاعت الكافي، وبعدين انتي عارفه ان جوزي راح والفلوس اتسرقت منه..
شيماء
قصدك ايه ان سيف هو السبب في اللي حصل ده..
هناء
اكيد طبعا هو كان طمعان في كل حاحه مع ثلاح حتي انا....
شيماء بضيق
اما طالعه رايحه اساعد خالتو وماما في تجهيزات الغدا.. وطلعت وبعدين رجعت بس سمعت هناء بتتكلم في الموبيل واتصدمت لما لقيتها بتقول؟؟..
_وتاني يوم راحت شيماء الكافي بتاع سيف وقالت..
شيماء
انا لازم اتكلم معاك في موضوع مهم..
سيف
خير يا شيماء تعالي بس نقعد جوه، بعيد عن الدوشه اللي هنا.. ودخلو جوه..
سيف
ايوه يعني سمعتيها بتقول ايه، وقبل ما تحكي انا هخطب هناء علي فكره وهي عارفه وموافقه..
شيماء
ازاي يعني الكلام ده، هناء امبارح قالت ليا انك رخمت عليها و اللي سمعته كان..
سيف
ازاي يعني الكلام الغريب ده، وبعدين انتي ايه اللي سمعتيه بالظبط.. ردت عليه شيماء وقالت..
_فلااااش باااك..
هناء
ايوه يا محمد انا هخلي اهلي يشكو في سيف وبعدين هروح ابلغ وانت تقول بقي انهم اتخانقو قدامك علي الفلوس عشان بقي نخلص منه..
محمد
تمام وبعدين هنتجوز انا وانتي ونعيش بالفلوس اللي معانا...
هناء
المهم يا محمد.ان ما حدش يعرف ان انا وانت اللب عملنا كده في صلاح..
محمد
اكيد طبعا، ما حدش هياخد باله اصلا..
هناء.
بس انت متاكد بقي يا محمد ان ما حدش قي الشركه يعرف ان انت وصلاح كنتو علي خلاف مع بعض..
محمد
لا لا ما حدش يعرف، ويلا بقي اقفلي عشان ما حدش يسمعك..
باااااااااااااااك..
شيماء
وكان الفون بتاع هناء عالي وعشان كده سمتو صوت محمد صاحب صلاح في الشركه..
سيف
احنا لازم نبلغ الشرطه بالكلام ده وهما يدورو بقي ونعرف الحكايه.. وفعلا راحو هما الاتنين بلغو...
الظابط
بس احنا لازم عندنا دليل اقوي عشان نقدر نقبض عليهم..
سيف
انا عندي فكره، محمد مره عرض عليا اجيب ليه ورق مشروع من صلاح زاخد فلوس وانا رفضت ممكن اروح واجرجره في الكلام..
الظابط
تمام اعمل كده.. وراح سيف الشغل عند محمد..
محمد
انا ديما يا سيف بتعجبني دماغك اكتر من صلاح..
سيف
المهم انا عايز بس اعرف ايه المشكله اللي كانت بينكم هو قال ليا علي كل حاجه.
محمد بقلق
كل حاجه ازاي يعني انا مش فاهم انت تقصد ايه؟..
سيف
لا وكمان عرفت ان اللي حصل لصلاح بسببك، بس مش عايزك تقلق انا ما صدقت وخلاص راح وكده الطريق قدامي مفتوح وعايز امد مكانه هنا في الشغل تقدر..
محمد
مش بقول ليك دماغك حلوه، علي العموم زي ما قدرت ارتاح منه واخد الفلوس واخد مىاته كمان اللي كانت شريكتي في كل حاجه، هقدر كمان اخليك تمسك مكانه هنا.... وفي الوقت ده دخلت الشرطه وقبصت عليه..
محمد بصدمه
ايه اللي انتو بتعملوه ده انا هوديكم كلكم في داهيه انتو فاهمين..
سيف
معلش بقي يا محمد الداهيه دي ما حدش هيروحها غيرك انت المدام هناء..
الظابط
انا بشكرك جدا يا استاذ سيف، ودلوقتي كمان بعتنا قوه قبضت علي هناء.. وراح سيف وشيماء هناك وكانت هناء بتعيط..
سبف
بجد انا ندمان اني في يوم فكرت احب واحده زيك..
هناء
انت اصلا حيوان وانا هعرف انتقم منك..
سيف
ده لما يبقي كفاره يا مدام، وقرب من شيماء وقاا..
سيف
علي فكره انا ما شوفتش في حياتي بنت اجدع منك تتجوزيني..
شيماء بتوتر
ايه اتجوزك انت بتتكلم جد؟..
سبف ضحك
اومال يعني هتتجوزي امي الله يرحمها..
شيماء
هو انت خدت بالك اني بحبك صح، بس لا انا كشزهتجوزك غير لما انت تحبني الاول..
ضحك سيف وقال
اصلا انا من اول ما دخلت عند خالتك وشوفتك وانا قلبي بيدق ليكي بشكل غريب وبعد جدعنتك دي والله ما في واحده هتكون ام عيالي غيرك..
ابتسمت شيماء وخدها هو ومشي، وهناء فضلت بصالهم بندم وكره، وكانت دي نهاية الشر اللي جواها..
تمت بحمد الله