رواية قدك الفصل الاول 1 بقلم منه محمد
قاعده تذاكر ومره واحده نزلت دموعها سيول ع خدودها
#فلاش باك
ابوها: يعني انتي مش عايزه تتلمي , وتسمعي كلامي وتشحتي
جمره: حرام عليك بقي ارحمني, انا من وانا عندي سبع سنين كل واحد بيرمي زبالته عليا ازاي تعمل في بنتك كدا , ماما قوليلي ان ده مش ابويا
ابوها: اخرسي يا بنت الكلب
جمره: ردي يمه
ابوها: انتي بت قليله الاصل وناكره للجميل
جمره: عمري ما كنت ناكره للجميل , بس انا شاكه انك ابويا ,اصل مش معقول يخلي بنته تشحت في الشوارع
ابوها: يابت اخرسي
جمره صرخت في وش امها: ولله ان ما قلت لي الحقيقه ان الراجل ده مش ابويا ماهرجع الييت تاني , مش عايزه اعيش مع واحد كل يوم بيضربني ويضرب امي لحد ما يكسر عضمنا
ابوها: كدا مش عايزه تعيشي معايا يبقي غوري في ستين داهيه, ده انتي تربيتك هلاك للاكل واللبس روحي اشتغلي في بيوت الدعاره
جمره: اه هروح ومش هعيش معاك
اعتماد قلبها أتمزق علي حال بنتها المسكينة وراحت تزقها: جمره روحي ماطرح ما تروحي
جمره ببكاء: يمه تعالي معايا
اعتماد : بقولك امشي انتي
ابوها: ماتغوري يا بت
جمره صرخت فيه: انا مش بتكلم معاك
ابوها رفع ايده يضربها: اه يابنت الشيطان
حارث: هتمد ايدك ع طفله قدام القسم
ابوها: واحد بيربي بنته مال القسم دلوقت
جمره تبكي بشده: انا مش بنتك
ابوها فقد اعصابه وصرخ باعلى صوته : يابت هكسرك
حارث كتفه : هرميك في الحبس لو عايز تنام ع البورش اسابيع
ابوها بصلها بغيظ وقال: انتي حظك حلو لو جيتي بيتي تاني هـ موتك من الضرب
حارث: واقف تهددها وهنا _ بصلها بعطف_ عايزه تعملي محضر عدم تعرض
ابوها بخوف: خلاص سيبني همشي يله بينا يا اعتماد
جمره بصت لحارث وهي بتعيط: متشكره ع وقفتك معايا
#باك
جمره قفلت الكتاب محتاجه ترمي نفسها على سريرها ..محتاجه تضم مخدتها لصدرها وتعصرها بين ايديها زي ما قلبها عصره باللالم وفعلا رمت نفسها واطلقت العنان لدموعها
...........قصص منه محمد كاتب..............
اعتماد: يا جمره , اه من البت دي غاويه مشاكل, البت مطبختش حاجه اكلها , عشان كدا اختفت
جمره طلعت من الحمام بترفع البنطلون: في ايه يمه, ليه عماله تزعقي وتعلي في صوتك
اعتماد: اه ياني منك البسي الاول واطلعي ساعديني في القهوه بسرعه
جمره: يعني هو ينفع تزعجيني وانا في بيت الراحه , بجد بتبقي حاجه تغيظ يمه في لحظه مميزه زي دي , ياريت بلاش تخرجيني عن مشاعري وبوقي والا معدتي هيجلها اسهال وادخل واقعد طول اليوم في الحمام هتعملي ايه وقتها
اعتماد: انتي بت عفاريت , بقولك تعالي ساعديني في القهوه الزباين كتير , وانا مش ملاحقه طلبات , وانتي بتمثلي وتتظاهري بحجه الحمام , انا نفسي افهم ايه الي عجبك في الحمام ومخليكي مقضيه كل وقتك فيه
جمره بتريقه والش: ابدا بغير من القذاره
اعتمام: يا بنت العبيطه هو فيه حد بيغير من القذاره
جمره: وانتي عارفه القذاره بتيجي منين
اعتماد: نابعه من جوايا, يا بنتي انتي مفكره اني مش امك والله خلفتك من بطني
جمره: والمصحف الشريف مصدقاكي بس جوزك ده بصراحه مش متأكده منه
اعتماد بعصبيه عليها: جوزي ده يبقي ابوكي , مفيش طريقه اخلفك بيها لوحدي , يله اتحركي ساعديني فالحه بس تناقري فيا , وتطلعي روحي شوفي طلبات الزياين
جمره: قلتي ايه زباين , اسمعي انا مش هقف اخدم عليهم, دول رجاله شمال وعنيهم زايغه
اعتماد: يابنتي امال اقف لوحدي, انا مش معايا ولد وابوكي في السجن, وكل مره اقولك نفس الكلمتين , وانتي مفيش منك اي منفعه غير لسانك الطويل واخلاقك الزباله
جمره تأفأت بغيظ : خلاص هتهزقيني رايحه
..................قصص منه محمد كاتب...............
في عربيه البوكس بعد ما جالهم اخباريه عن قهوه اعتماد انها بتاجر في الحشيش
حارث اتكلم في الاسلكي : بلاغ لجميع القوات , احنا قريبين من الهدف , خليكم مستعدين كلكم
العسكري بحترام: حارث بشا خليك هنا , خلينا احنا نهتم بالمهمه
حارث: اوكيه اهجموا عايز كل فرد جوه القهوه دي
جمره كانت في الحمام ولما حست بالدربكه قامت لبست طرحه ولفت وشها وهي خارجه تتسحب بهدوء حارث لمحها ولسه بيحاول يشنكلها وهو بينزل من العربيه كانت هي قفلت عليه الباب وطلعت تجري بسرعه الصاروخ وهو طلع يجري وراها من حاره لحاره لحد ما لفت من ناحيه تانيه وهي بتجري وتبص وراها لقت نفسها خبطت في صدر حد عريض لقته هو
حارث مسكها: انتي رايحه فين؟
جمره بتحاول تفلت بأعجوبه من مسكه ايده الي متبته ع ايدها بكل قوه وهو غضبه زاد بشده ومسك اكتروضغط علي دراعها لدرجه ان صوابع ايده غرزت فيها
حارث: بتحاولي تفلتي يا عجوزه يا لئيمه , دي خدعه قديمه اثبتي مكانك ( بص لـ ايدها الي من غير تجاعيد وقالها_ الله انتي طلعتي شابه صغيره حلو جدا
جمره اخدت كف ايده بخبث وحطتها بسرعه ع صدرها وهو بحلق فيها بصدمة ..لانه متوقعش أنها جريئه اوي كده
حارث : انتي سكرانه
جمره: انت الي منحرف بتمسك صدر البنات
حارث: انتي مجنونه هو انا مسكت حاجه
جمره صرخت انه متحرش والناس اتلمت عليه ونزله فيه ملامه كانت هي جريت وهو بيحاول يشوفها لحد ما زقهم وطلع يجري وراها لحد ما قدرت تسحب جلابيه رجالي من ع حبل غسيل ولبستها وطلعت اتشعبطت في سقاله مع العمال وهو فضل يلف بعيونه عليها وهي كل شويه تحدف عليه ميه وهو يبص يشوفها تلف بجسمها بسرعه لحد ما زهق ورجع لمكان البوكس
العسكري: مش قلت لك يابشا تستنانا هنا, الي زيك مينزلش مستواه للناس دي , وحضرتك دي مهمه صغيره بالنسبه لك مش هتقدر تنجزها , انا هنا انجزها, شوفتهم مش طبيعين
اعتماد لحارث بعصبيه ونرفزه: انتم ليه مسكنا هشتكيكم كلكم
العسكري :يعني مش عارفه ان الحشيش ضد القانون
اعتماد: انت شوفتني ببيع ولا بشربه , ما تمسكهم هما انا مالي , انا لاحراميه ولا بتاجر في المخدرات , ده انا ست شقيانه وغلبانه
حارث بجديه: يله اركبي البوكس معاهم وبسرعه
..............قصص منه محمد كاتب.................
جمره راحت تاني يوم القسم تدفع الكفاله وتخرج امها ودخلت لقتها عامله دوشه هي واهل الحاره الي ممسكوين معاها
جمره جريت عليها: ماما
اعتماد للصول: دي بنتي جمره
جمره: امسك الكفاله يا حضره الصول , جايه اطلع امي وقاريبي الي معاها
اعتماد ضربتها في دراعها: ليه جايه لي متأخره يا جمره
حارث بصلها بتدقيق ونطق اسمها بهمس: جمره
جمره ارتكبت من نظرته عليها وقالت وهي بتعلي صوتها : عرفت لما كنت في المدرسه وكنت في الحصه , وجيت هنا ع طول, اه كنا فين يا حضره الشاويش هدفع الكفاله وهرجع للمدرسه عندي امتحان لازم ارجع اكمله شهل شويه
الشاويش اخد الكفاله وطلعوا هي وامها من القسم وجمره قالت لها: يمه اقفلي المخروبه دي هيتقبض عليكي تاني
اعتماد: هترجعي البيت الليله
جمره بسخريه لاذعه: ليه هو جوزك طلقك عشان اروح هناك
اعتماد بنفعال وصوت عالي: يابت الغبيه ازاي تتكلمي بالشكل ده عن ابوكي
جمره: يمه يعني جايه تعرفيني ان الراجل ده ابويا وهنا قدام القسم , يله اردحي وانتي قدام المركز لما يطلعوا يشدوكي ع صوتك العالي
اعتماد بقرفه: واحده طويله اللسان , وانا حره بتكلم كدا ,ومفيش لزوم تفقعي مرارتي وتخرجيني عن شعوري , جوزي يبقي ابوكي غصب عنك
جمره: اسمعي بقي من دلوقت انا هغير اسمي وبكدا مش هيبقي فيه اي مشاكل مع بعض
اعتماد حطت ايدها الاتنين في وسطها: جرالك يا بت , يعني ايه تغيري اسمك, هتسمي نفسك ايه
جمره : ناكره الجميل
اعتماد زقتها في دماغها وقالت: انتي ذكيه زياده وانا ماشيه
جمره :مع السلامه يمه
كان جاي ووقف بالموتسكل قدامها وهي راحت سلمت عليه بأحترام: ازيك ياحضره الرائد
هادي ابتسملها: انتي جيتي هنا تاني , مش من يومين كنتي هنا
جمره بأحراج: لا المساله مختلفه النهارده , جيت اطلع امي من الحبس
حارث طلع سند بكتفه ع الباب وفضلت عيونه متبعاها وهي واقفه مع هادي لانه شاكك انها البنت الي جريت منه !!
العسكري :حارث بشا دي اخرمستجدات القضيه
حارث عيونه ع جمره وقاله وهو داخل القسم: حطها ع مكتبي
العسكري: البنت الي جات تخرج امها والي معاها في تهمه الحشيش اسمها جمره
حارث بهتمام : جمره
العسكري: ايوه جمره مع ان المفروض يسموها قمره , ابوها كان بيلعب قمار , واتقبض عليه من فتره
حارث: هي اسمها جمره بجد
العسكري ابتسم : ايوه وهي طالبه في ثالثه ثانوي عام
..........قصص منه محمد كاتب...............
في فيلا انيقه جدا خاصه بعم حارث
فاتح: ها اختارتي ايه؟!
لجين فاتحه مجل الازياء وقالت له : الي اخترته هو ده , ها ايه رايك حلو ولا نص نص
فاتح عم حارث : حلو وجميل وده كمان حلو
لجين بحيره: بس الاول احلي , واجمل منه بكتير شكله اقيم واغلي
حارث دخل: مساء الخير
فاتح مبتسم: مساء النور
لجين: حارث ليه راجع متأخر اليوم , ده انت اترقيت دلوقت مش لازم تقوم بكل الشغل الصعب
فاتح: ابتسم: ليه يا لوجين فيه ظباط متعودين ع الشغل , عامل ايه يا حارث في اول اسبوع شغل بعد التريقه مبسوط ولا تعبان
حارث: لاء الحمد لله مبسوط ومفيش اي مشاكل
فاتح: لو فيه حاجه تعباك ياريت تبلغني , وانا الحق الامر بهتمام من البدايه , انت دلوقت بقيت مقدم
حارث: الف شكر يا عمي بس انا شايف ابدء الامر بالتدريج
فاتح: لو فـ
لوجين رفعت المجله لفوق وقطعته وقالت: لا كدا كفايه بتتكلموا , انا عايزه كمان اتكلم
حارث ضحك بسيط : تتكلمي في ايه يا مشاغبه يا صغيره
لجين قعدت جنبه وقالت : حارث بلاش تناديني بالاسم ده وتخلي الغير يقوله , يله ساعدني اختار الفستان من هنا كل الي اختارهم بابي موديلات قديمه
حارث :انا راي تسالي العريس
لوجين كشرت : متجبليش سيرته دلوقت معرفش حتي هو مختفي فين , وبتصل بيه مش بيرد وده مخليني مضايقه
فاتح ضحك: ده لسه خطوبه امال هتعملي ايه لما تتجوزيه , وانتي من دلوقت مضايقه منه ,اه ياحارث امتي ناوي تتقل من هنا
لوجين: لاء مش عايزه اسمع حارث مش هيمشي انا مش هسمحله
حارث قام من مكانه: بس انا مصمم امشي يا لوجي
فاتح:سبيه ع راحته يا لوجين
لوجين دخلت وراه: ليه عايز تمشي من هنا , وتروح تعيش في مكان تاني
حارث: لان الشقه الي هاخدها قريبه من شغلي
لوجين: وعني انا ايه هو انت مبقتش قلقان بخصوصي بعد كدا خلاص
حارث: ازاي يعني طبعا هفضل قلقان , وهاجي اشوفك واطمن عليكي كل شويه بس لما تتجوزي مش هتتكلمي معايا كتير زي دلوقت عندك عماد حبيبك
لوجين سهمت وبصت للفراغ وحارث سالها: لوجي انتي فيه حاجه مخبياها تانيه خلصتي ترتيبات فرحك
لوجين: ايوه كل الترتيبات خالصه بس العريس
حارث بقلق: ماله العريس عمل حاجه
لوجين: اكتشفت قريب انه مهتم ببنت تانيه
حارث : ازاي عرفتي الموضوع مين الي قالك , وانتي واثقه من كلامه
لوجين: طلبت من حد يراقبه وطبعا اتاكدت قبل ما انطق بكلمه
حارث كتف ايدها حوالين صدره بستفهام: وناويه تعملي ايه لسه عايزه تتجوزيه
لوجين بحقد: طبعا هتجوزه بصرف النظر عن الي بيحصل , مصممه اتجوزه مش كل الجواز مبني ع الحب فاهم كلامي , وعماد هو انسب شخص ليا ,وانا اخترت ادخل التحدي
حارث: معني كلامك مش هتسمحي له انه يكون مع واحده غيرك
لوجين: لا طبعا مستحيل اسمحله , عماد ده ملكي انا لوحدي , اما البنت الساقطه مش ناويه اشاركها جوزي , وانت لازم تساعدني
حارث عقد حواجبه بستفهام: اساعدك ازاي
لوجين : عرفت انها ساكنه في حي شعبي فقير, جنب القسم الي بتشتغل فيه ,وانت هتساعدني اتعامل معاها بحكم وظيفتك
حارث: لوجي مقدرش اعمل حاجه مؤذيه من خلال وظيفتي
لوجين بغضب: لاء تقدر, انا اتأكدت ان ليها علاقه معاه , ودي واحده شمال غير عماد خالص سمعتها وحشه وفقيره ومستعده تبيع نفسها عشان الفلوس , حتي لو هتكون عشيقه لعماد بالنسبه لها مسأله سهله وبسيطه
حارث: قوليلي اسم البنت دي ايه
لوجين بحقد: اسمها جمره
حارث: جمره
لوجين: مسمعتش الاسم بشكل غلط , اسمها جمره يعني نار ولهيب شرار , واكيد شخصيتها زي اسمها المشمئز
حارث بضيق : لوجي بلاش تقولي الكلام ده
لوجين: ليه مقدرش اقول , دي اخدت حبيبي مني , لآءمش ده يبقي ردك عليا
حارث مسد على كتفها بحنيه : خلاص اهدي
لوجين: عايزه اعرف دلوقت ايه الي هتعمله عشان تساعدني لان
حارث قطعها: متكمليش عارف ده , لان لازم اساعدك قصاد خدمات عمي عليا , انه رباني بعد وفاه امي وابويا وصرف عليا لحد ما بقيت ظابط
لوجين مسكت ايده: حارث مكنتش اقصد ده , انا بس عايزك تساعدني ده كل الموضوع ,ارجوك