رواية غدر الأخت الفصل الرابع 4 بقلم مصطفى جابر
الورقة اللي كتبناها دي يا معتز هنقول إننا لقيناها وسط حاجتها ورقة غرامية من واحد مجهول كدة نخلص عليها خالص لا حد هيصدقها ولا هتعرف ترفع راسها في المنطقة تاني
كريمة بشماتة : والشقة دي بقى هتبقى ملكك إنت ونور يا معتز ونكتب الكتاب الأسبوع الجاي والناس كلها تعرف إن ملك كانت خاطية وعشان كدة إنت طلقتها نكسر عينها وعين ابن عمها اللي جه يغلط فيا في بيتي
نور بدلع : تفتكر يا معتز يوسف هيعمل إيه لما يشوف ملك متجرجرة في الكلبشات يااه ده أنا مستنية اللحظة دي بفارغ الصبر
فجأة الباب اترزع بخبط قوي
كريمه وهي رايحه تفتح : مين الحيوان اللي بيخبط كدة
أول ما فتحت لقت البوليس
الضابط بجمود : معتز إبراهيم ونور محمد وكريمة سيد مختار مطلوب القبض عليكم
معتز بصدمة : قبض ليه يا باشا إحنا ناس محترمين وقاعدين في بيتنا أكيد فيه غلط
يوسف بضحكة سخرية : غلط لا يا معتز مفيش غلط إنت ونور مطلوبين بتهمة التآمر والتشهير ونور مطلوبة بتهمة شروع في قتل ملك كاميرات العمارة وكاميرات المستشفى اللي كنتوا بتخططوا فيها لفضيحة ملك كلها دلوقت في إيد النيابة
نور وشها اصفر : كدب إنت بتتبلى عليا يا يوسف أنا معملتش حاجة أنا كنت بساعد أختي
الضابط زقها لبره : ساعديها في القسم بقى يا شاطرة الكاميرات موضحة إيدك وهي بتزقها من على السلم ومسجلة صوتك وصوت البيه وهو بيخطط يلبسها قضية شرف يالا قدامي إنت وهو وهي
كريمة بدأت تلطم : يا لهوي يا فضيحتنا يا ناس الحقونا البنت بتتاخد من حضني
يوسف قرب من كريمة وبهمس : لمي لسانك والشقة دي بكره الصبح هترجع لصاحبتها والتنازل اللي نصبتي فيه على عمي المحامي بتاعي هيطلعه تزوير نهايتكم النهاردة يا نصابين
بعد شوي في القسم
ملك بوجع : شوفتوا آخرة الغدر شوفتوا اللي كنتم بتبنوا سعادتكم على جثتها واصلة لفين
نور بعياط وتمثيل : ملك يا أختي والله أنا غصب عني معتز هو اللي أغواني هو اللي فضل ورايا لحد ما خلاني كرهتك ارحميني يا ملك وطلعينا من هنا
ملك ضحكت بكسرة : أختي الكلمة دي خسارة فيكي يا نور إنتي مش بس خنتي سري إنتي خنتي دمي كنتي بتمسحي دموعي بإيد وبالإيد التانية بتزقيني للموت عشان تاخدي مكاني مقامك يا نور مطلعش حتى مقام خدامة مقامك بقى السجن والذل اللي كنتي عايزة تلبسيهولي ماليش أخوات أنا خلاص دفنتك مع ابني اللي قتلتيه
نور نزلت راسها في الأرض : أنا أسفة يا ملك أنا كنت غبية الشيطان عمى عيني
ملك لفت وشها لمعتز اللي مش قادر يرفع عينه فيها : وإنت يا معتز يا راجل يا اللي كنت سندي كنت بتضربني وتهينني وصبرت قولت يمكن يتصلح حاله تروح تخونني مع أختي ولما تعرف إني حامل تفكر تتهمني في شرفي عشان القايمة للدرجة دي الفلوس أغلى عندك من عرضك
معتز بصوت مخنوق : ملك أنا كنت مش واعي نور وكريمة هما اللي وسوسوا لي هما اللي قالولي الواد مش ابنك سامحيني يا ملك أنا لسه بحبك
ملك بصريخ : تحبني إنت متعرفش يعني إيه حب إنت مقامك تحت رجلي يا معتز إنت ضيعت ابنك بإيدك وضيعت الست اللي كانت هتشيلك في عينيها النهاردة أنا بقولها قدام الكل انا بكرهك ومقروفه منك وحق القايمة والشقة والضرب هاخدهم منك مليم مليم وإنت ورا القضبان
كريمة بكسرة : يا بنتي ارحمينا أنا زي أمك برضه والبيت اللي أخدته كان عشان أأمنكم
ملك بحدة : إنتي بالذات تسكتي خالص إنتي اللي علمتيهم الغدر إنتي اللي بعتي يتيمة عشان خاطر شقة وعفش مقامك يا كريمة هانم إنك تعجزي وتموتي لوحدك والشقة هترجع لي رسمي والورقة اللي زورتيها لابويا هتكون حبل المشنقة اللي هيلف حوالين رقبتك
يوسف قرب من ملك : كفاية عليكي كدة يا ملك هما دلوقت عرفوا مقامهم الحقيقي والعدل هياخد مجراه
ملك بصت ليهم بصه أخيرة نظرة كلها احتقار : حسبي الله ونعم الوكيل فيكم دي الكلمة اللي هتفضل تلاحقكم لحد ما تقابلوا ربنا
خرجت ملك وهي ساندة على يوسف وسابتهم وراها في ندم وحسرة
بعد ست شهور
يوسف دخل عليها ومعاه ورد
يوسف بحنان : الجميل سرحان في إيه يا رب يكون فيا أنا
ملك بإبتسامة : سرحانة في كرم ربنا يا يوسف بعد ما كنت فاكرة إن الدنيا اسودت في وشي ربنا عوضني بيك لولا وقفتك جنبي في المحاكم وفي المستشفى وفي كل لحظة انكسار مكنتش هبقى واقفة هنا النهاردة
يوسف مسك إيدها وباسها : أنا اللي ربنا كرمني بيكي يا ملك الست شهور دول كانوا أصعب شهور في حياتي وأنا مستني العدة تخلص عشان أقدر أقولك اللي في قلبي من غير ما أخالف شرع الله أنا حبيتك من وإحنا عيال صغيرة وكنت بموت وأنا شايفك بتتعذبي وبعيد عني
ملك بدموع فرحة : والظلمة اللي كانوا في حياتي
يوسف بضحك : خلاص يا حبيبتي معتز و نور و كريمة بقوا ذكرى سودة ورا القضبان معتز لسه بيسدد في القايمة من جوه السجن ونور لبست تلات سنين عشان الشروع في القتل وكريمة الشقة اتسحبت منها وراحت ليكي رسمي العدل أخد مجراه وزيادة
ملك تنهدت براحة : أنا دلوقت بس حاسة إني حرة وإني ماليش غيرك في الدنيا دي يا يوسف
يوسف بحب : طيب بمناسبة إن العدة خلصت خلاص واستنينا شوي تقبلي يا ملك تتجوزيني تقبلي تكوني ملكة قلبي وحلالي وأعوضك عن كل وجع شوفتيه ونبدأ صفحة بيضاء مفيهاش غير الحب
ملك بابتسامة : موافقة يا يوسف موافقة أعيش عمري كله في ضهرك
يوسف بحب : عارفة يا ملك أنا لما كنت مسافر مكنش فيه ليلة بتعدي عليا من غير ما أبص لصورتك اللي كانت معايا كنت بقول لنفسي يارب تكون متهنية يارب يكون اللي اختارته صاينها ولما كنت بعرف إنك تعبانة كنت بحس بروحي بتتسحب مني وأنا بعيد ومش قادر أعملك حاجة
ملك بكسوف : كنت حاسة بيك يا يوسف حتى وإنت بعيد كان طيفك دايماً بيطمنني بس كنت بخاف أقول لنفسي إنك لسه فاكرني
يوسف بإبتسامة : أفتكرك ده إنتي كنتي الوجع الحلو اللي عايش بيه أنا محببتش ولا هحب غيرك يا ملك إنتي مش بس بنت عمي إنتي الست اللي كنت بحلم أبني معاها بيت مفيش فيه غير الضحك والأمان أنا عايز أعوضك عن كل قلم خدتيه عن كل كلمة وجعتك وعن كل ليلة نمتي فيها ودموعك على خدك
ملك بدموع حب : إنت عوضتني يا يوسف من يوم ما رجعت ووقفت في وشهم كلهم عشاني أنا مكنتش أعرف إن فيه حب حقيقي كدة حب مبيذلش وصاحبه بيبقى ضهر بجد
يوسف قرب منها وهمس : أنا مش بس ضهرك أنا كلك أنا اللي هكون أبوكي وأخوكي وحبيبك أوعدك يا ملك إن من النهاردة مفيش دمعة هتنزل من عينيكي غير ونا سببها بضحكة أو فرحة أنا بحبك فوق ما عقلك يتخيل ونفسي النهاردة قبل بكرة نكتب الكتاب وتكوني في بيتي وباسمي
ملك بابتسامة : وأنا بحبك يا يوسف بحبك لدرجة إني خايفة أكون في حلم وأصحى منه
يوسف ضحك : لا يا روحي ده مش حلم ده حقك اللي ربنا بعتهولك بعد صبرك يالا بينا بقى المأذون مستنينا تحت والنهاردة هتكوني مدام يوسف رسمي قدام الدنيا كلها
يوسف باس راسها بحب ❤
تمت بحمد الله