رواية لنا موعد اخر الفصل الثامن والاربعون48 بقلم لولا
فلو مش ده الحب فالحب يبقى ايه كريم؟ فكريم تنهد بوجع وتابع ليه يصاحبي؟ ليه تجيب الحقيقه اللي بحاول اهرب منها وتحطها قدامي؟؟
هاني بابتسامه يعني بتحبها؟ فكريم مرر ايديه في شعره وتنهد بعمق ورجع ضهره لورا على الكرسي وتابع لا مش بحبها بس ساعات بيجيلي تفكير زي اللي انت بتقولوا ده
هاني بضحك لا يرااجل علياا انا الكلام ده يكريم طب لو قولتلك ان في عريس لنيره فعلا وده اصلا اللي دخلني ليك علشان اشوف اخرك ردك هيكون ايه؟
كريم رجع اتعدل وربع ايديه على المكتب وتابع برفعه حاجب عريس مين انت اتجننت ؟؟!
فهاني فضل يضحك وتابع والله زي مابقولك كده باسم الدكتور اللي معاها في الكليه يبقى اخو صاحبي وعلشان عارف اني اقرب صاحب ليك وعارف عيلتكم كلها فقالي كلمهولي
فكريم اتعصب وتابع ااه افتكرته الحيواان ده وعامل فيها محترم ومفيش في نيته حاجه وبيعزمها تشرب معاهم حاجه وزق الطفايه الازاز اللي على مكتبه وقعها فاتكسرت لـ100 حته
هاني غمض عينيه وتنهد وتابع اهدى طيب ونتكلم بالعقل فكريم اتعصب وتابع عقل ايه يهااني عقلل ايه وانا شايفها كل يوم بتضيع مني انت عارف انا رفضت كاام زفت من وراها ومن غير حتى ما ارجعلهاا ؟!
هاني ابتسم وتابع يعني بتحبها اهو
فكريم نفخ بعصبيه وتابع ااه بحبها ومش بحبها بس بموت فيها كمان ارتااحت يهااني ؟؟! سيبني بقى لوحدي الله يباركلك سيبني وزق المكتب برجله وقام يولع سجاره قدام البلكونه الازاز اللي في مكتبه اللي بتطل على الشارع فهاني تنهد وقام حط ايديه على كتفه وتابع بحزن مش مهم انا ارتاح المهم انت اشوفك مرتاح وبص لكريم وتابع انا اكتر حد حاسس بيك وفاهم يعني ايه تحب بنت انت شايفها صعب تكون معاك بس نيره مش مستحيله زي حبيبه
فكريم غمض بوجع وتابع انت بتقول ايه بس وهز راسه بالنفي وتابع نيره مستحيله واكتر من حبيبه وبص للشارع وتابع حبيبه كان ممكن تحبك وتتجوزك لو مش بتحب علي عادي جدا انما نيره !! نيره شيفاني مكان ابوها وبصله وتابع فاهم يعني ايه شيفاني مكاان ابوها؟!! فاهم يعني ايه لو اتحجبت هتفضل تكشف شعرها قدامي؟؟ ولما بيجيلها عريس انا اللي بقعد اتشرط وبترمي نفسها في حضني وتنام عادي فانت فاهم يعني ايه بعمل مع حد كل ده ؟!! يعني ده اخوياا ويحرم عليا انما عمرها ماهتشوفني جوزهاا مستحيل يا هاني مستحيل
هاني ابتسم وتابع والله ولا مستحيل ولا حاجه هي نيره هتلاقي زيك فين ده انت بنفسك قولتلي لما كانت تعبانه قالتلك نفسي الراجل اللي هتجوزه يبقى زيك وان نديم لو عايز يكسبها يبقى زي كريم فإيه المانع لما تتجوز كريم نفسه خصوصا انت ونيره بينكم كيميا رهيبه بجد ما شاء الله
كريم نفخ دخان السجاره وتابع هي عايزه حد زي كريم زي اي بنت شايفه ابوها مثال وقدوه فبتتمنى شريك حياتها يبقى زيه انما اكيد مش هتتجوز ابوها يعني وانا بنسبالها كده بالظبط
هاني تنهد وتابع والله انتوا اللي مصعبينها على نفسكم يكريم لان هي مش اختك ولا رضعت معااك ولا امها امك ولا ابوها ابوك اللي انا اعرفه انكم تجوزوا لبعض وحلال عادي جداا
فكريم بصله بضيق وتابع يحبيبي شرعاا يجوز طبعاا ده حلال ربنا مينفعش احنا نحرمه بس انا طول عمري عايش معاها تحت سقف بيت واحد اني اخوها وابويا كمل وسابني شاب صغير فكملت اربيهم كلهم زي بعض بس مش عارف انا ايه خلاني عملت في نفسي كده مش عاارف حبيتها ازاي وليه اخون الامانه بالشكل دده والدموع اتجمعت في عينيه بقهر
فهاني بصله بحزن وتابع فين خيانتك للامانه يكريم ؟ ده انت لو اتجوزتها يبقي بتريح ابوك اللي وصاك عليهم علشان مستحيل حد يحافظ على نيره قدك يغبي
فكريم هز راسه بالنفي وتابع بوجع مش ابويا بس حتى هي هتغير نظرتها ليا اوي وهتحس اني خونت الامانه لانها هتتصدم اني شايفها زوجه وام لعيالي وهي شيفاني اخ فاهم يعني ايه اخ ؟؟ يعني هي لما بتحضني بتكون حاسه بامان لاني اخوها وابوها فانا بستحقر نفسي اني في نفس اللحظه دي بحس برغبه فيها ومشاعري بتتحرك ناحيتها فا في ايه حقاره وخيانه للامانه اكتر من كده ؟؟؟
هاني بابتسامه طب ما ده طبيعي يغالي .. بنت بتحبها بتحضنك طبيعي تحس انك عايزها بتصعبها على نفسك ليه يكريم بجد؟؟ انت اتجوزها وخدها يحبيبي انما مش معقول هتكبت مشاعرك وتقول مينفعش وتحرم اللي ربنا حلله انا مش فاهم انت صابر ليه وعلشان ايه اصلا
فكريم اتعصب وتابع علشاان هي وااثقه فياا اني مستحيل ابصلهاا بالنظره دي ياهااني .. ياهاني افهمني ورحمه امك يعني لك ان تتخيل بشاعه الموقف لو انا حسيت كده تجاه هناء ولميا او حبيبه اني عايز اقرب لبنت منهم ايه رايك في الموقف؟؟؟
هاني بصدمه ايه الخراا دده اكيد مستحيل تحس كده
كريم بحده بس علييك نورر هو كده بقى نيره المفروض زيهاا زيهم بالظبط ومش هتفرق حاجه عن حبيبه ماهي اختهاا فانا كان لازم اخلي بالي من مشااعري اكتر من كده مينفعش احب اختي مينفعشش وبقالي سنين بحااول لحد ما المحاولات ملت وزهقت مني واني اكرهاا لا مبكرهاش بحبها ااكتر وبتجنن لما بتجيب سيره راجل تاني وغمض عينيه وهو بيفتكر تقرب مروان منها وتابع بقهر انا مش هستحمل حد يلمسهاا والله هموت فيها فتح عينيه وبص للشارع بقهر وتابع والمشكله مش هقدر ارفض طول الوقت انا كده اناني وبحرمها من حقهاا انها تبقى عروسه زيها زي باقي البنات وبردو مش هستفيد حاجه انا بأجل وجعي مش اكتر انما كده كده هيجي وقت وهتتجوز وانا اللي هسلمها لجوزها وابتسم بسخريه وتابع مش اخوها بقى وخد نفسه بعمق وهو بيمنع دموعه
هاني بصله بوجع وتابع صعبه ومتمناش انك تعيشها ابدا وعندي امل والله انك تقدر تخليها تبصلك بنظره الحبيب بدل الاخ نيره بتموت فيك وبتغير عليك وممكن الغيره دي تطور لحب لان الغيره هي اصدق لغات الحب ممكن نخبي الحب جوانا سنين وتيجي الغيره تكشفه زي مانا شوفت الغيره في عينيك عليها دلوقتي وقبل كده
كريم بصله بوجع وتابع صعب تحبني بالشكل ده ومش هعرف اقولهالها اخاف اخسرها كصاحبه وحد قريب مني انا مبرتاحش غير في حضنها ياهاني وبستحقر نفسي وانا بحضنها فوق ماتتخيل لان غرضي اني اقرب ليها واهدا في حضنها وهي بتفكر اني بحضنها باخويه عادي وتنهد وتابع فبنسبالها صعبه اوي لما اقرب منك علشان انت اخويا وانت تبصلي بنظرات حب ورغبه صعبه اوي فوق ماتتخيل وعلشان تقدر تتخيل صعوبتها شوفها من عندك لو انت واختك او علي وسلمى او حتى انا وهناء او لميا فوالله نفس الصعوبه والخرا والقرف لاننا اتربينا اننا كده مش اننا ولاد خاله ونجوز لبعض
هاني بوجع عارف والله انها صعبه وهتبان صدمه اوي لنيره بس مش احسن ماتخسرها وتبقى انت مع ندى اللي واثق انك مبتحبهاش ونيره تبقى مع حد تاني؟
كريم بوجع وايه الجديد هو انا امتى اختارت؟ اي بنت دخلت حياتي كانت هي اللي عايزه تحبني انما انا لاغي قلبي من فكره الجواز خالص ونيره كانت تقولي ازاي يكريم لازم تحبها كنت بقولها لالا حب ايه انا عايز زوجه واولاد وبيت وخلاص مع ان الاجابه الحقيقيه اني عندي قلب وبيحس بس محبش غيرك محبش غير اللي متنفعلوش والدموع اتجمعت في عينيه وتابع بقهر: انا والله حاولت .. حاولت كتير اوي احب غيرها وشوفت بنات اكتر وكلهم كانوا بنات كويسين والله بس كان فيهم مشكله واحده بس
هاني بحزن ايه هي؟
كريم تنهد بوجع وتابع مكانوش نيره
هاني بحزن متحاولش تاني يكريم ورايي تعرف ندى من دلوقتي انك مش هتكمل لانك فعلا مش هتحب حد غير نيره وصعب القلب ينسى حد حبه بجد بالشكل ده
كريم بتنهيده ليه وانت منستش حبيبه ؟؟
فهاني ضحك وتابع ومين قالك هنساها؟؟ انا هفضل اعمل زيك بس الفرق بينا اني هتجوز عادي علشان دي سنه الحياه وده النصيب بس القلب والحب خلاص مفيش منه تاني
فكريم تنهد بوجع وتابع اقول عليك ايه ربنا يسامحك قلبت عليا وعليك المواجع
هاني بابتسامه حزينه: لا انا مش مهم المهم انت على الاقل خليتك اعترفت وعرفت عايز ايه بدل مابقالك سنين في صراع وبتكابر
كريم بوجع إلا في صراع دي حرب ياهاني ..حرب مبتهداش ابدا وكل ثانيه احس الشعور واحاول اقنع نفسي بعكسه علشان مقولش لنفسي اني بحبها .. زي ما اكون خايف انطق الكلمه دي اصدقها وانا عايش بضحك على نفسي وبقول انها مش موجوده
فهاني رايح يتكلم ففون كريم رن فكريم مسكه وتابع بتنهيده دي نيره
هاني بتنهيده طب تمام هسيبك دلوقتي وبالنسبه لباسم انا هقفل مع اخوه الحوار فكريم تنهد وهز راسه بماشي وهاني طلع وقفل الباب فكريم رد وتابع خير
نيره بحزن انا اسفه متزعلش مني والله عارفه اني غلطت ومكنش ينفع المس مالك بالشكل ده .. فكريم قعد على كرسيه وتنهد وتابع بقولك ايه ينيره انا مش فاضي للهري ده سلام
نيره بلهفه لالا متقفلش وحياتي ماتقفل استنى بس
فكريم نفخ بضيق وتابع بحده عاايزه ايه ؟؟
نيره بدموع عايزاك متزعلش مني وتوافق اروح مع حبيبه المول اجيب حاجات عايزاها للفرح بكره
كريم بحده ااه قولي بقى كده .. انا كده فهمت مكلماني ليه بس مفيش مرواح مولات ولا ليكي ولا لحبيبه المول بعيد من البيت احترموا نفسكم شويه
نيره بحزن خلاص هقول لعلي يودينا والله
كريم بعصبيه انتي سمعتي انا قولت ايه ؟؟
نيره بدموع يكريم اووف بقى والله محتاجه هيلز وهيربيس وكذا حاجه من هناك
فكريم اتعصب وتابع طب انا قولت مفيش نزول تبقوا تنزلوا ينيره وشوفي هعمل فيكوا ايه .. فنيره رايحه تتكلم لقيته قفل الخط فاتصدمت وبصت للفون وتابعت اووف يكريم بقى فحبيبه بصتلها بتوتر وتابعت والله ما ليا دعوه هتصل بيه اقوله رايحه مع علي فهيرضي يوديني خليكي انتي بقى في البيت ماهو مش انتي تعملي العمله ياختي وكلنا نتعاقب
نيره بضيق ودموع : روحي هيوافق هو بس بيعاند فيا انا وانا خلاص مش غايره اصلا ولا عايزه اجيب
حبيبه تنهدت بحزن وتابعت طب هصورلك واختاري هجيبلك انا طيب
نيره نفخت وتابعت بحده ودموع يحبيبه قولت مش عايزه سبيني لوحدي بالله عليكي بقى فحبيبه تنهدت بحزن وتابعت طب اغسلي وشك وروحي اقعدي مع بنت خالتك شويه هتمشي وتسيبنا بكره خلاص وصدقيني لسه بدري الساعه 12 الضهر لما كريم يرجع هيشوفك كده هيحن وهتنزلوا تجيبي حاجتك والله فنيره هزت راسها بماشي وهي قاعده دموعها على خدها وحبيبه تنهدت وخرجت وقفلت الباب
--
وبعد شويه عند كريم الباب خبط فتنهد وتابع ادخل
فنيره فتحت الباب وتابعت بضحك مع اني مبخبطش بس سامعه الدور كله بيقول انك صعب انهارده
فكريم اتفاجئ بيها وتابع انتي ازاي تنزلي من غير ماتقوليلي انتي اتهبلتي صح؟؟! فنيره ضحكت وقفلت الباب وراحت قعدت قدامه فوق المكتب وتابعت انت اللي ازاي بتعرف تقلب الترابيزه كده هاا ما اديك شايفني ايدي فاضيه وغلاوتك عندي مروحتش المول وسايبه اختي حبيبتي اللي كلها بكره وتسيبني وجيتلك علشان ميهونش عليا زعلك
فكريم تنهد وتابع مش وقته كلام هنا يا نيره انزلي يلا وارجعي البيت فنيره مسكت ايديه وتابعت بحب وحياتك عندي مش هقرب منه بالطريقه دي تاني ولا هضايقك خالص خالص بس متزعلش وتقلب وشك كده
فكريم بصلها وتابع كام مره تقولي الكلام ده ؟؟
فنيره ضحكت وتابعت المره دي غير والله وابتسمت وتابعت خلاص بقى يا كوكي متبقاش قماص كده وباست خده فكريم غمض عينيه ودقات قلبه كانت سريعه وتنهد بعمق وتابع من غير مايبصلها : طيب خلاص مش زعلان منك
فنيره ابتسمت وتابعت لا والله ما اصدقك غير لما تبوس ايدي زي مابتعمل في وسط الكلام يلا ورفعت ايديها لشفايفه فكريم ضحك غصب عنه ومسك ايديها ووطى راسه باس ايديها بعمق وبصلها بحب وتابع مش زعلان يحبيبي والله خلاص
فنيره ضحكت بفرح ووطت وهي قاعده حضنته جامد فكريم ضحك وتابع استني استني طيب ضهرك يوجعك كده وقام وقف وشدها لحضنه فسندت راسها على صدره وخدت نفسها بارتياح وتابعت بحب بحس الدنيا كلها بتضحكلي لما انت تبقى مش زعلان مني بحبك بجد
فكريم باس راسها بعمق وهو حاضنها وتابع وانا بحبك وبموت فيكي فوق ماتتخيلي
فنيره ابتسمت ورايحه تتكلم الباب اتفتح ودخلت ندى اللي شافتهم كده اتصدمت ونيره اتخضت ورايحه تبعد بس ايد كريم اللي على ضهرها رجعتها تاني فبص لندى بحده وتابع انتي ازاي تدخلي من غير ماتخبطي؟؟
فندى بصتله بسخريه وتابعت نسيت يبشمهندس وعامله حساب اني داخله مكتب حبيبي ايه الغلط اللي عملته ولا انت بقى مكنتش عايز حد يقاطعك؟
نيره بصدمه يقاطعه عن ايه انتي مجنونه انا ..
فكريم قاطعها وتابع بحده بس انتي يانيره وبص لندى وتابع بحده انتي شكلك اتجننتي او مخك فلت فغوري من قدامي دلوقتي ياندى علشان منكدش على اللي جابوكي يلااا
فندى بصت لايديه اللي على نيره بغيره وتابعت بعصبيه ماهو تصرفاتك هي اللي بتجبرني اقول كده يعني ايه ادخل مكتبك الاقيك واخدها في حضنك يكريم انت ايه مش عامل احترام للحيوانه اللي في حيااتك خالص؟؟؟
كريم بعصبيه دي اختي وبراحتها ايه الكلام الفاارغ اللي بتقوليه ده لالا انتي شكلك اتجننتي فعلاا وبيشد ايد نيره وبيخرج من المكتب فتابعت ندى بعصبيه رايح فين في شغل عايز امضتك
فكريم اتعصب وتابع انا ميتقاليش رايح فين ولا جاي منين انا بمزاجي ففوقي لنفسك وانتي بتتكلمي معايا ومش همضي ولا هقرا اي خراا دلوقتي شيليهم لبكرره انا ماشي
فندي بصتلها بغل وبعدين بصت لكريم بدموع وتابعت تمام يكريم اتفضل امشي وانا اسفه اني دخلت مكتب الراجل اللي هيبقى جوزي من غير ما اخبط واسفه اني غيرت عليه
فكريم غمض وتابع بتنهيده ندى هكلمك بعدين لان اللي حصل فعلا مينفعش اعديهولك كده انما دلوقتي انا حقيقي مش فاضي خالص فندى هزت راسها بتمام بدموع وسكتت وكريم شد نيره ومشي بيها
فتابعت نيره بضيق وهي بتنزل معاه : كريم انا اضايقت منها بجد اول مره تبقى رخمه كده
فكريم ابتسم وتابع حقك عليا انا هظبطها بس مش وقتها دلوقتي فنيره بصتله وتابعت بحب رايحين فين؟؟ فنزلوا وكريم فتحلها باب العربيه وتابع بحب المول طبعا نشتري الهيلز وباقي حاجتك فنيره ضحكت بفرح وتابعت انت بتهزر بجد !! وركبت فكريم ضحك وركب جنبها وتابع بحب لا والله هنروح كمان علشان تختاريلي البدله اللي هلبسها في الفرح
فنيره بصتله بذهول وتابعت انت كل ده مجبتش بدله فرح اختك يكريم !!
فكريم ضحك وتابع تخيلي
نيره بذهول اتخيل ايه لا ده انت بارد وربي ده انا بحضر من يوم ما اتخطبوا ولسه مخلصتش فكريم فضل يضحك وتابع انتوا حوراتكم كتير يحبيبتي ولون ايه وديزاين ايه وميكاب ايه وشعر ايه انما انا يادوبك هي البدله واروح للحلاق قبلها بنص ساعه وهبقى زي الفل فنيره فضلت تضحك وتابعت انتوا منكم لله والله عيشتكم سهله واحنا نحمل ونولد ويطلع عينينا زياده على كل اللي بنشوفه
كريم بضحك ليه بتحملي لوحدك يعني ولا بتعوزي راجل علشان افهم بس؟ فنيره فضلت تضحك وتابعت بنتنيل بس هو بيبقى رايق ولا على باله واحنا نلبس المصيبه فكريم فضل يضحك وتابع لا والله متهيألك لما تتجوزي حد بتحبيه هتبقي نفسك تلبسي المصيبه دي من تاني يوم لان سبحان الله الست بتتعب اكتر اعترف بس ربنا خالق فيها الغريزه دي وتقبل الامر وتبقى بتتمناه كمان
نيره بحب ربنا يديمها نعمه طبعا انا بهزر ويكرم البنات كلها والله فكريم بصلها بحب وتابع يارب يحبيبي ويكرمك بالزوج العدل الاول بس وضحك وتابع مع ان مش هتلاقي حد زيي فنيره ضحكت وتابعت انت بتقول فيها فعلا انت مفيش منك فشكلي هقعد كده كتير فكريم ابتسم فنيره اكملت: بس انت بجد مش متوتر انك لسه مجبتش بدلتك؟ ده انا متوتره وحاسه مش هنحلق فكريم فضل يضحك وتابع مش هنلحق ايه يابنتي هي اشكالها محدوده جدا وانا اصلا مبغيرش الاستايل اللي لابسه ده والوانها معروفه اسود وابيض وبيج ورمادي وكحلي فايه الصعب بجد عادي انا كنت هروح بكره الصبح بس بما اننا رايحين فنجيبها سوا فنيره اتفاجئت وفضلت تضحك وتابعت لالا يخربيت برودكم بجدد وهتجيبها لون ايه بقى؟ فكريم رايح يتكلم فنيره قاطعته وتابعت اسود طبعا زي الـ 3 الاف بدله السودا اللي عندك في البيت فكريم فضل يضحك وتابع طب مانتي شاطره اهو بتسألي ليه بقي فنيره بصتله بذهول وتابعت لا كريم متهزرش بجد وغير شويه علشان خاطري وابتسمت بحماس وتابعت اقولك سيبني انا اختارلك فكريم هز راسه بالنفي وتابع لالا والله ماهينفع انا اخو العروسه كمان بتهزري ولا ايه هاجي اغير اللون والفرح فرحنا فنيره نفخت بضيق وتابعت اووف طب خلاص ساعه لوما انا هختارلك لون فكريم تنهد وتابع طيب لما يجي فرح لوما فنيره بصتله وتابعت حبيبي انت مش موافق بمالك ليه ممكن اعرف؟
فكريم بصلها بحب وتابع انتي تعرفي كل حاجه من غير ممكن يعيون حبيبك بس صدقيني السبب واضح احنا منعرفوش كويس فانا مش مرتاحله بس كده
فنيره تنهدت وتابعت ايوه معاك بس مالك بجد شاريها وحتى قال هيتجوزوا علطول ومعاه شقته في المعادي تحفه وراها لسلمى في فيديو فمش بيلعب ولا بيهزر
كريم بتنهيده ماهو مش بيلعب ولا بيهزر بس سلمى بت قمر بمعنى الكلمه واي راجل يطمع فيها فاهو اه هيتجوزها بس علشان ياخدهاا وبمجرد ما ياخد غرضه مش هتبقي حبيبته لا هتبقى مجرد زوجه وام العيال وانا مش عايز اعيشها الوضع ده انما اخوها مش راضي يصدق هما احرار بقى فنيره تنهدت وتابعت مانت يحبيبي بردو رافض علشان افتراضات في دماغك وارد تطلع كلها غلط وانت ظالمه
فكريم بصلها برفعه حاجب وتابع يعني هو طبيعي يتمسك بيها ويحبها بالطريقه دي بسرعه كده انتي مقتنعه؟ فنيره ابتسمت وتابعت اه يكريم مقتنعه لان سلمى بجد تلفت اي راجل فاهو ممكن فعلا عايزها كجسد علشان كده عجبته انما والله حبها نظره عينيه بتحكي كل حاجه وصدقني هتعرف انك ظالمه فكريم تنهد وتابع بسخريه اتمنى فنيره ضحكت وتابعت بطل بواخه بجد وبعدين تعالى هنا انت ازاي تكدب اخوك وتصدق ندى انا بجد نفسي اعاتبك في الموضوع ده بقالي اسبوعين وزعلانه منك جدا فكريم تنهد وتابع بصي يانيره علشان متسمعيش من بنت الكلب بتاعته اللي جات قالتلك الكلمتين وتزعلي على زعله وخلاص مفروض تيجي تسمعي مني وبصلها وتابع انا معنديش اغلى من علي هو اخويا وصاحبي وضهري مش هقولك ابن عمي لا علي اكتر من كده بكتيرر جوايا وهو عارف بس انا مش بحطه في مقارنه مع ندى خالص هو اللي حط نفسه في المقارنه دي .. كل اللي حصل لقيته داخلي متعصب بيقولي دي بتقول كذا كذا ومشيها حالا فمعلش امشيها حالا ايه؟ اظبط الكلام قبل ماتتكلم دي بردو هتبقى مراتي وميصحش ده حتى لو غلطانه يتكلم باسلوب احسن من كده فالمهم قولتله امشيها ايه وفهمني حكالي الشريط اللي انتي عارفاه فانا مصدقتش مش لان علي كدااب لا طبعا علي مستحيل يكدب بس لان ندى مش هتعمل كده قوليلي ايه الاستفاده هتاخد فلوس مثلا؟ طب ماهي هتتجوزني وكل فلوسي هتبقى ملكهاا وكمان بقالها في الشركه دي سنين من وهي طالبه فمفيش سبب انها تعمل كده وحقها عليا اني اثق فيهاا طبعا فكدبته لانه اكيد فهم غلط وبقوله لا هي متعملش كده لقيته اتعصب بقى وانت بتكدب اخوك علشانها طب انا مش قاعد وهستقيل فقولتله اه بكدبك علشانها اصل هو دماغه اتركبت شمال خلاص ومش هيتفاهم فطلع يجيب الورقه فانا بقولها حصل ايه حكتلي وكلامها عكس كلام علي بالظبط فاهو وارد اتلغبط انتي فهماني ويكون فعلا فهم غلط فقولتله اقعد نتفاهم مرضيش وصمم ومشي فانا معملتش حاجه لحد يانيره علي اللي مبيغيرش اللي في دماغه وانا مش منطقي بردو اخون ندى ..
فنيره تنهدت بحزن وتابعت فهماك بس قولتله هتتجوز حبيبه منين ومش عارف ايه وجرحته يكريم فكريم بص للطريق وتابع بحده طب ما دي حقيقه هو انا هرمي اختي ولا اييه نيره قلبك ابيض ده حسن سافر الامارات عمل فلوس حلوه ورجع بيباشر شغل الامارات من هنا علشان يقدر يفاتح علي لان علي حالف ان اخواته كلهم يعيشوا مستوى نضيف ولا هو اخواته دول ولاد ناس وانا اختي بنت كلاب مانا مش فاهم؟؟ نيره بحزن متتقالش كده بردو يكريم وجعته يحبيبي فكريم تنهد وتابع بضيق بقولك ايه اقفلي السيره دي انا مش عايز اتضايق مين الناس بقى اللي قالت عليا صعب انهارده وانتي دخلالي المكتب؟ فنيره ضحكت وتابعت لا والله على اساس هقول فيتقطع عيشهم مش كده وفضلت تضحك فكريم ضحك وتابع لالا قولي بجد متقلقيش اعرفهم بس فنيره ضحكت ونامت على كتفه وتابعت خلاص بقى يكوكي قلبك ابيض مش هقول مين وحياتك فمتحاولش
فكريم فضل يضحك وتابع يادي كوكي وزفت يحبيبتي بحس لما تقوليلي كوكي دي لازم اكون حالق دقني ولابس شورت وتيشرت وباكل لبانه لانها مش لايقه على الهيبه والبدله خالص بصراحه فنيره فضلت تضحك بشده وتابعت لالا بعيدا عن الهيبه مفيش هيبه مع نيرو انت بتحبها مني ولالا فكريم ضحك وتابع بعشقها .. بتبقى سكر وانتي بتقوليها بدلع لما بتعوزي مني حاجه كده فنيره فضلت تضحك بشده وتابعت اهو شوفت يعني بتضعف وهذا هو المطلوب فكريم ضحك وتابع بضعف بس !!! بلاش اقولك بحس بايه خلينا ساكتين فنيره اتعدلت بصتله وتابعت بضحك لا انا عايزه اعرف بقى فكريم ضحك وتابع وحياتك مش هقول فمتحاوليش فنيره فتحت عينيها بتفاجئ وتابعت بضحك بتردهالي يعني يكرريم فكريم ضحك وتابع اه حاجه زي كده
--
عند اسيا بتتقلب في السرير وبتبص على الساعه بتلقائيه لقيت الساعه 1 ونص بعد الضهر فهشقت بخضه واتعدلت في قاعدتها ووطت جابت روبها من الارض ولبسته فوق القميص بسرعه وخرجت وتابعت بخضه: توليين انتي يابت ياتولين ودخلت الاوضه بسرعه وهي بتجري لقيتها مش موجوده فتنهدت بارتياح وحطت ايديها على صدرها وتابعت يبقى نزلت الحمدلله والدموع اتجمعت في عينيها وتابعت يخربيتك يا اسيا تنامي زي الجاموسه كده والبت وراها امتحان ده الحمدلله فارس صحاها والله وتنهدت بعمق ودخلت تاخد شاور لقيت فارس زي ماهو نايم على بطنه وضهره عريان فوطت التكييف شويه ورمت الروب ودخلت تاخد شاور وشويه وطلعت وهي لابسه البورنص ابيض قصير وبتنشف شعرها بفوطه ورمت الفوطه وراحت فتحت الستاير فالاوضه كلها نورت وقعدت جنبه وتابعت بحزن فارس وفضلت تهز فيه وتابعت حبيبي ووطت باست خده
ففارس عينيه انكمشت بضيق واتعدل ونام على ضهره وتابع بنوم ايه يحبيبي فاسيا مسكت ايديه وتابعت بدموع ممكن تقوم شويه عايزه اكلمك ففارس اتفاجئ بصوتها وفتح عينيه بالعافيه من كتر النور وتابع بخوف ايه مالك في اييه؟؟ فاسيا عيطت وتابعت انت نزلت تولين لامتحانها الصبح؟ ففارس اتعدل قعد وسند ضهره للسرير وتابع باندهاش ااه يا اسيا في ايه يحبيبتي يخربيت اهلك على الصبح بتعيطي لييه يابابا؟؟ فاسيا عيطت وتابعت انا من اولها نمت ومحستش بنفسي واهملت البت خايفه اظلمها اوي او تحس اني اتجوزت ونسيتها اصل ازاي انسى امتحان بنتي وانام بكل اريحيه يفارس ازاي ده انا مكنتش بعرف انام كويس في ايام امتحاناتها
ففارس ابتسم وتابع بهدوء خلصتي؟؟ اسيا هزت راسها بـ اه وتابعت بدموع ااه .. انا طبعا بشكرك انك صحيت ووديتها حقيقي كتر الف خيرك بس انا مش مسامحه نفسي بجد ففارس حط ايديه الاتنين عليها يمسح دموعها وتابع تشكريني على ايه يابنت الجزمه اما بنتي وصحيت وديتها حضانتها عادي ايه عملته اتشكر عليه هو بردو مش انتي سهرتي ونمتي متأخر بسببي يابابا مش انا اللي سهرتك؟؟ فاسيا هزت راسها بـ اه بدموع وتابعت اه انت بس ده حقك وانا متأخرتش لاني عيوني ليك بس بردو تولين ليها حق ومفروض مقصرش معاها
ففارس ابتسم وتابع اسيا اهدي يحبيبي كده واعقلي الكلام انتي ياما يعمري سهرتي معايا وكنتي بتصحي لتولين الصبح وتلبسيها وتنزليها للحضانه بس انتي تعبانه وانا ملاحظ .. ده انتي مسمعتيش المنبه من كتر التعب فمتلوميش نفسك يابابا انا موجود مكانك وسداد ودي بنتي زيك فبلاش تضايقيني كل شويه بقى وتحسسيني اني بعمل معاها جٍميله وان مش من واجبي اعمل كده هو مش بكره لما ربنا يكرمنا بنونو قمر زيك كده هوديه معاها ولا ايه؟؟ فاسيا ابتسمت بحب وهزت راسها بـ اه بدموع ففارس ابتسم وخدها في حضنه وفضل يمسح دموعها وباس راسها بعمق وتابع اديكي قولتي اهو فمش عايز عبط وعُمره ماجوازنا هيخليكي تقصري في حق توتي ولا هيظلمها لان توتي بتعتبرني بابي مش جوز مامي نهائي هاا وضربها على راسها بخفه فضحكت من بين دموعها وتابعت هو في جوز مامي قمر كده ده انا كنت جوزت امي وغمزتله
ففارس فضل يضحك بشده وتابع بنت ابوكي صحيح يغاليه والله بس خالتي مستحيل كانت توافق فاسيا ضحكت وتابعت ااه ياابني انا بهزر ده انا بموت في ابويا وامي بتعشقه ومشافتش غيره صراحه وقالتلك ولا راجل في الدنيا يشاركني فرشتي بعد قاسم مع انها قمر ونسخه مني والرجاله شايفينها معاها اورطه عيال وبردو عايزينها وضحكت وتابعت ولا علي يفارس كان بيتعصب اوي من السيره دي بجد فاهي راحت قالتله كده علشان يرتاح بقى
فارس بابتسامه اصيله والله انتي بقى هتعملي ايه لو انا...
فقاطعته اسيا لما قربت باسته ففارس اتفاجئ بفعلتها بس فرح وشدها ليه وباسها بحب ودقايق وبعد عنها فسندت جبينها على جبينه وهمست :رأيي ده هو الرد المناسب اياك تقول على نفسك كده يفارس انا محبتش ولا هحب قدك ويارب يجعل يومي قبل يومك علشان انت لو مشيت قبلي انا مش هعيش اصلا علشان اتجوز والدموع اتجمعت في عينيها
ففارس اتفاجئ بشده وتابع بس بس هتعيطي لييه انا بسال سؤال عادي يخربيت اهلك وحضنها جامد وهو بيضحك فاسيا عيطت وتابعت لان مش معنى اني اتجوزتك انت لتاني مره فاني هقدر اعملها بعدك ده انا الموت اهونلي من ان راجل غيرك يلمسني هو سليم ده كان منظر جوز ولا راجل اصلا ده انا كنت مدفونه معااه وبمثل علشان اراضيه وخلاص ففارس فتح عينيه بدهشه وفضل يضحك وتابع بتعملي ايه؟! انتي بتعرفي تمثلي انك قابله القرب يا اسياا !! الله يخربيت اهلك هتشككيني فكل لحظه خلاص
فاسيا فضلت تضحك بشده وتابعت لالا والله انت لا وقربت منه وتابعت بذمتك انا بمثل؟ انا راضيه ذمتك هي اللي تحكم ؟
ففارس بصلها بهيام وحط ايديه على ضهرها وشدها عليه وتابع بابتسامه بصراحه لا بس قولت اتاكد
فاسيا ابتسمت بحب وتابعت من غير ما تتاكد انا قلبي نفسه راضي عن قربك احنا هنهزر ولا ايه ده ياريتني متجوزتش غيرك يفارس والله ونامت على صدره وتنهدت بحزن ففارس ابتسم بحب وفضل يمشي ايديه على شعرها وتابع مكنش هيبقى عندنا توتي تسلينا دلوقتي فالحمدلله على كل اقدار ربنا اه بتوجع لما بفتكر ان راجل غيري لمسك بس معلش المهم دلوقتي انتي معايا فاسيا بصتله بحب وتابعت يبان كده للدنيا كلها بس اسيا قلبا وروحا محستش انها اتجوزت بجد ومع راجل بتحب قربه فعلا غيرك
ففارس ضحك وتابع انتي بتاعه كلام يابت انا بحب الافعال وشال دراعه اللي نايمه عليه فوقعت على المخده فاعتلاها فضحكت وتابعت لالا مش وقتك خالص عندك عياده الساعه 5 يعني يادوب تقوم تاخد شاور وتفطر وتمشي وكمان البت قرب معادها يجي لازم انزل ففارس وطى باس رقبتها وهمس طارق هيروح والمديره هتكلمنا علشان نسمحله ياخدها وهيجيبها مع ملك متقلقيش ركزي معايا بس
فاسيا ضحكت وتابعت بهمس وتأثر: فارس مش وقتك حقيقي ففارس بصلها وتابع بضحك وغمز بتضحكي عليا ولا على نفسك هاا فاسيا بصتله بحب وتابعت عمري ماحسيت برفض ناحيتك وانت عارف كده كويس بس والله مافي وقت وتوتي شويه وتلاقيها بتخبط كمان فاتلم كده انت مبقتش عريس للدلع ده ففارس فضل يضحك وتابع وهو اللي قرب يكمل شهر ده مش عريس ياروح امك؟؟ فاسيا ضحكت وتابعت اه طبعا ده شهر بحاله فمش عريس خلاص ففارس فضل يضحك وتابع شهر ايه بس ده جري ولا الاسبوع الايام معاكي بتعدي بسرعه يابت يا اسيا ووطى باسها بحب فاسيا بصتله بحب وتابعت لاجل الكلام السكر ده خلاص ياروحي انت لسه عريس ففارس فضل يضحك وتابع طب مانا لسه عريس فعلا وهفضل عريس لحد 15 سنه كده فا لسه بدري ففوقي معايا كده
فاسيا بصتله بدهشه وتابعت بضحك كاام يقلبي؟؟ 15 !! ما تستنى ليله دخله تولين ونتجوز من اول وجديد معاها علشان تبقى عريس بحق وحقيقي ايه رايك؟؟ ففارس فضل يضحك وتابع وماله انا موافق اتجوزك كل يوم .. وبيفك رباط البورنص فاسيا فضلت تضحك وتابعت :بيأنب ضميري اقوله لا ازاي ده يااربي ميتقالوش لا بالسكر ده بصراحه ففارس فضل يضحك وتابع شوفتي بقى بس ابعتي للمديره ان طارق هياخد البت علشان لو رن عليكي هشتمه فاسيا فضلت تضحك وتابعت حاضر وبعتت للمديره بالفعل وسابت الفون وتابعت بضحك بعتنا اهو ياسي فارس اعمل اي حاجه كمان لجناب الدكتور؟ ففارس ابتسم وتابع لا خلاص الدكتور اللي هيعمل بقى فاسيا فضلت تضحك وقرب باسها بحب واسيا حطت ايديها حوالين رقبته
وبعد شويه فارس نام جنبها وسمع صوت تولين بتخبط وبتقول باابي افتح ففضلوا يضحكوا بشده فتابع فارس بضحك قلب بابي ياناس ايوه مواعيدك مظبوطه احبك وانتي كده فاسيا فضلت تضحك وتابعت طب قوم افتح للبت واتلم يلا بس البس تيشرتك ده ففارس فضل يضحك وتابع سكر والله بابي افتح ولبس التيشرت واسيا فضلت تضحك فخرج يفتح وهي قامت جابت البورنص ولبسته وخرجت وراه ففتح الباب ووطى لمستواها وتابع بفرح حبيبي حبيبي اللي واحشني فتولين جريت حضنته وتابعت وانت اكترر ومامي اكترر ففارس فضل يضحك وباس خدها وشالها وتابع ها عملنا ايه في الامتحان فتولين وريته الورقه وتابعت بحماس فل مارك ففارس بصلها بفرح وتابع ايه الحلاوه دي يانااس حبيبي الشاطور اللي شكله هيبقى دكتور زي بابي فاسيا بصت للورقه وتابعت بفرح برافو بجد يا توتي ايه الشطاره دي
فتولين ضحكت بفرح وتابعت طب هتجبولي ايه بقى مكافاه ؟ فاسيا وفارس ضحكوا فتابع فارس بضحك ده انا اجبلك كل اللي انتي عايزاه وهوديكي الملاهي زي ماوعدتك كمان فتولين بصتله بفرح وتابعت بجد يابابي؟؟ ففارس ابتسم بحب وتابع بجد ينورعين باابي فتولين سقفت بفرح وباسته وتابعت انا بحبك خالص ففارس ضحك وتابع وانا بموت فيكي وباس خدها ونزلها وتابع بحب هروح انا اخد شاور وجايلك علطول اتفقنا؟
تولين بحب اتفقنا فاسيا بصتلها بحب وتابعت تعالي اغيرلك هدومك يلا وشالتها ففارس باس خد اسيا وتابع بحب طلعيلي هدوم ها
فاسيا بصتله وتابعت بحب حاضر يحبيبي واعمل حسابك انا هنزل انا وتولين لهناء شويه ففارس ابتسم وتابع هاخدك في طريقي بس يلا بسرعه فاسيا هزت راسها بماشي ودخلت تغير لتولين وفارس راح ياخد شاور فاسيا حست بدوخه وحطت ايديها على جبينها فتولين بصتلها بقلق وتابعت مامي انتي كويسه؟ فاسيا هزت راسها بـ اه وتابعت اه يعمري متقلقيش كويسه البسي بس ولبستها بالفعل وراحت تاخد شاور في الحمام التاني بالعافيه وشويه وحست انها هتقع فمسكت في الحوض وتابعت فارس وغمضت عينيها بدوخه وتابعت بصوت اعلى فااارس ففارس كان خرج ولبس بدلته فسمعها فجري عليها وفتح الحمام كانت بتحاول تجيب البورنص فتابع بخوف اييه يحبيبتي في اييه
فاسيا مسكت فيه وتابعت بدوخه مش قادره يفارس حاسه هيغمى عليا ودايخه اووي ففارس سندها بقلق وتابع خلصتي شاورك طيب؟ فاسيا هزت راسها بـ لا ففارس مشي بيها براحه وقفل قاعده الحمام وقعدها وتابع خليكي طيب هساعدك يمكن الشاور يفوقك شويه وقلع جاكت بدلته علقه وشمر اكمام قميصه فاسيا بصتله بتعب وتابعت هتبهدل نفسك يفارس لا بلاش
ففارس ابتسم وتابع نبطل عبط ها وقفل الباب علشان تولين لو عدت وشغل الدش وبدا يساعدها تاخد شاور واسيا مغمضه ومش قادره تفتح وتابعت بتعب انا عايزه اخرج اريح شويه ارجوك ففارس ابتسم وتابع هنخرج حاضر والله بس علشان لازم تاخدي شاور واديكي في الحمام يحبيبي فبالمره قربنا والله خلاص فاسيا هزت راسها بماشي وفارس ساعدها تخلص وقومها لبسها البورنص وقفله وفتح الباب وشالها بين ايديه وخرج بيها وهي مغمضه ومستسلمه خالص فحطها على السرير وتابع بقلق لا انا كده هشوفلك داليا تطلع تشوف فيكي ايه مش معقول كنتي كويسه بجد فاسيا كانت مغمضه وتابعت لالا انا زي الفل تلاقي ضغطي وطي ولا حاجه هاتلي حاجه حادقه بس
فارس بلهفه عيني يحبيبتي حاضر وراح يجبلها واسيا مسكت فونها وبعتتلها مسدج " اخبار تحاليلي ايه يا داليا انا بموت" فداليا شافت وبعتتلها "مستينه المعمل يقولي وهقولك والله متقلقيش يحبيبتي" ولقيت فارس داخل فعملت قلب وسابت فونها واكلت منه الجبنه القديمه وغمضت عينيها بضيق وتابعت يخرابي يفاارس فتابع بقلق هي اكتر حاجه حادقه حقك عليا والله وباس راسها بعمق فاسيا ابتسمت وتابعت عادي يحبيبي خلاص وغمضت عينيها فقعد جنبها وفضل يمشي ايديه على شعرها فدخلت تولين وتابعت بحزن هي مامي تعبانه؟ ففارس بصلها وتابع لا يعمري مش تعبانه هي دايخه شويه بس متقلقيش ودقايق واسيا حست انها بقيت احسن ومسكت ايد فارس وتابعت قومني اقوم البس يحبيبي ففارس بصلها بلهفه وتابع خليكي طيب هجيبلك الهدوم فاسيا ابتسمت وتابعت متخافش انا احسن والله انا بقالي فتره الدوخه دي ملزماني من الضغط وشويه وببقى احسن ففارس تنهد وتابع لا نكشفلك ماهو مش معقول دايما ضغطك في النازل كده فاسيا بصتله بحب وتابعت لو متحسنتش خالص هنكشف والله قومني بقي علشان متاخرش على هناء ففارس تنهد وتابع ماتخليكي يا اسيا وقوليلها عمرها ماهتزعل لو عرفت انك تعبانه فاسيا بصتله وتابعت يحبيبي انا بقيت احسن واصلا مينفعش دي هتمشي بكره وهتطول منا ماتيجي وكمان انا اللي هحنيها ففارس بصلها بتفاجئ وتابع بتعرفي تحني انتي ياقرده؟ فاسيا ضحكت وتابعت اه كنت بعمل لبنات الشارع كله
ففارس ضحك وتابع ومعملتيش لروحك ليه اما بتعرفي ها وضربها بخفه على راسها
فاسيا فضلت تضحك وتابعت قال يعني انت فارقلك اوي ونفسك مسدوده فعايز رسومات ففارس فتح عينيه بتفاجئ وفضل يضحك وتابع اتلمي طيب مش هعرف ارد عليكي البت قاعده فاسيا فضلت تضحك وتابعت بس وماله ياروحي اتحنالك انهارده يسلام وغمزت
ففارس ضحك وتابع قومي طيب قومي البسي انتي تعبانه وفيكي اللي مكفيكي لوحدك مش عايز احس اني راجل مفتري فاسيا ضحكت وتابعت كده كده توتي قعدالك اهو ريح بقى وقامت تلبس وفارس فضل يضحك وتابع بحب تقعد تنور دي قلب بابي دي وبص معاها في الفون وتابع بتعملي ايه فتولين ابتسمت وتابعت بتفرج على ماشا والدب ففارس ضحك وتابع يادي ماشا وسنين ماشا البت دي فراكه اوي وبتعصبني
فتولين ضحكت وتابعت والله يابابي جميله خالص بص ففارس شال تولين قعدها على رجله وبقى يتفرج معاها وتابع بحب نبص يعمري منبصش ليه واسيا وقفت تختار الشميز اللي هتلبسه وطلعت واحد اسود فيها خرز رقيق ولبسته على بدي ابيض وبنطلون تلجي وطرحه سودا وجاتلها مسدج من داليا وهي بتلف الطرحه فقراتها واتفاجئت بشده والدموع اتجمعت في عينيها وخرجت وتابعت فارس ففارس كان باصص مع تولين بتركيز فبصلها اتصدم وتابع مالك في ايه تاني انا مش عارف مال هرموناتك الايام دي يا اسيا ونزل تولين على السرير وتابع بحب ثواني يعمري جايلك وراح لاسيا وتابع بقلق في ايه تاني
فاسيا لفت ايديها حوالين رقبته وحضنته جامد وفضلت تعيط بهستريه وعياطها بيزيد وده قلق فارس جدا فخرجها من حضنه يبصلها وتابع بلهفه وخوف مالك يا اسيا في ايه يحبيبتي خلعتي قلبي فاسيا بصتله بحب وتابعت بعياط انا حااامل يا فارس انا حاامل وحطت ايديها على وشها وفضلت تعيط بهستريه ففارس اتصدم واتفاجئ بشده وتابع نعم ؟! انتي ايه؟؟! فاسيا فضلت تضحك من بين دموعها وتابعت والله حامل وحياتك وفضلت تعيط وحضنته ففارس بصلها والدموع اتجمعت في عينيه وتابع اسياا انا مبهزرش انتي حامل بجدد ؟! فاسيا بصتله وتابعت بدموع بذمتك ده منظر واحده بتهزر ده انا كنت بموت من شويه اهو وابتسمت بدموع وتابعت يظهر ابنك طالع لابوه من اولها عايز واحده عندها صحه ففارس مكنش مستوعب كلامها ومش قادر يصدق وتابع بدموع اسيا انا وربنا ما مصدق انتي حامل !! وحضنها جامد ففضلت تعيط بفرح وهو دفن وشه في حضنها ودموعه فضلت تنزل وتابع انا مش قادر انطق والله ما عارف اقول ايه وضمها ليه اوي واسيا زيه بتضمه اوي وعياطها يزيد فبصلها بلهفه ودموع وتابع اقسم بالله انتي متاكدده يا اسيا يعني الكلام ده اكيد مش ممكن يطلع لا فاسيا بصتله بحب وتابعت بدموع وغلاوتك عندي متاكده بص اهو التحاليل داليا باعتتها حللت امبارح من وراك لاني حسيت بس محبتش اعشمك اقراهم بنفسك ففارس مسك الصور وقراها والتاكيد على الحمل قراه قلبه قبل عينه فغمض ودموعه نزلت وتابع الله واكبرر اللهم لك الحمد وحضنها جامد ودموعه نزلت وتابع اللهم لك الحمد حقيقي وباس راسها بعمق تحت عياطها المتواصل وتابع بدموع بس بس اهدي كفايه فاسيا بصتله وتابعت بعياط مش قادره اصدق يفارس بجد والله مبسوطه وهطير ربنا كرمنا بسرعه اوي الحمدلله ففارس ابتسم بدموع وتابع قولي الحمدلله وبسم الله ما شاء الله هتحسدي نفسك يعبيطه فاسيا عيطت بفرح وتابعت الحمدلله الحمدلله الف مره والله ففارس حضنها جامد وتنهد بارتياح وباس راسها بعمق وتابع ربنا يقومكم لياا بألف خير ياارب فاسيا ابتسمت بدموع وتابعت يارب يحبيبي ففارس بصلها وضحك وتابع انا عمال اقول بردو هرموناتك مش طبيعيه وبتضحكي وتعيطي في نفس الدقيقه ونومك الكتير الكام يوم دول وعدم صحيانك انهارده من المنبه فشكيت والله بس استبعدت الامر قولت مش معقوله بس اللهم بارك الحمدلله كرمناا فاسيا ضحكت من بين دموعها وتابعت لا متقولش هو الهبل اللي انا فيه من الصبح ده بسبب الحمل؟ ففارس فضل يضحك وتابع تخيلي اه طبعا بس الحمدلله مبتقرفيش مني سجده شكر
فاسيا فضلت تضحك وبصتله بحب وتابعت ده حقيقي وغمضت عينيها وهي بتقرب وشها من رقبته وتابعت بهمس ريحتك تجنن بجد ففارس حضنها وتابع بتوتر اه يحبيبتي وانا كمان بحبك والله وضربها على خدها بخفه كذا ضربه وتابع بهمس فوقي كده البت سابت الفون حالا وركزت معاناا فاسيا اتحرجت وتابعت بهمس انا نسيت انها في الاوضه يانهار ازرق
فارس بضحك بصالك اهي فاسيا لفت شافتها واقفه بصالهم وبتبتسم فضحكت وتابعت توتي قلب مامي ده مامي محضرالك مفاجاه متتخيليهاش فتولين فرحت وتابعت هتوديني الملاهي؟ ففارس فضل يضحك بشده فتابعت اسيا بضيق لا دي بابي يوديهالك انا جيبالك مفاجاه اجمل بكتيرر فتولين استغربت وتابعت ايه هي اغمض؟ ففارس فضل يضحك وتابع يا اسيا قوليلها علطول مش هتفهمك دي
فاسيا فضلت تضحك وتابعت اه والله على رايك بمهد لمين انا وحطت ايديها على بطنها وتابعت مامي عندها نونو اخوكي او اختك وكمان شويه هيجي ويلعب مع توتي
فتولين شهقت بفرح وحطت ايديها الاتنين علي بوقها وتابعت بجدد !! فاسيا وفارس فضلوا يضحكوا بشده فتولين فرحت وتابعت بجد يامامي والله هيبقى عندي اخت صغننه كدده ؟! اسيا بضحك ااه يقلب مامي او ولد لسه مش عارفين فتولين ضحكت وتابعت انا عايزه بنوته زيي علشان نلبس سوا هاتيها بنوته بليز يا ماميي فاسيا وفارس فضلوا يضحكوا بشده فتابع فارس بضحك يعمري مش احنا اللي بنختار هو ربنا اللي هيبعتلنا ولد او بنوته جميله زيك فتولين ضحكت وتابعت خلاص هقول لربنا يبعتلي بنوته فاسيا بصت لفارس وتابعت بضحك الحق بقى امسكها اولع فيهاا دي ولا اعمل ايه انا عايزه يونس اناا
ففارس فضل يضحك وتابع كله نعمه دول المؤنسات الغاليات عايزاني ارد اقول ايه طيب حقها تتمنى بنوته زيها فاسيا دبدبت في الارض زي الاطفال وتابعت بضيق ماهي معاها ملك نجيب يونس بقى انما هخلف بنات بس؟! ففارس ابتسم وتابع وفيها ايه ما الرسول عاش طول حياته معاه بنات بس واولاده ماتوا هما البنات وحشين اخص عليكي يا اسيا فاسيا بصتله بضيق وتابعت بس انت وهي هو ولد انا الام وحاسه اخرسوا فتولين فضلت تتنطط وتابعت بفرح لا بنت فاسيا بصت لفارس وتابعت يفاارس هضربهاالك ففارس فضل يضحك بشده وتابع بس يابت ضربه في ايدك وشال تولين باس خدها وتابع بحب يارب يجيلك بنت يعمري وتبقى اختك وصاحبتك انا عن نفسي عادي هي مامي مجنونه شويه واحنا مش هناخد عليها الفتره دي وفضل يضحك واسيا فضلت تضحك وضربت كتفه وتابعت بضحك طب غور انت وهي من قدامي يلا مخصماكم وطلعت من الاوضه ففارس فضل يضحك وتابع بت يا اسياا متعرفيش حد انك حامل من غيري انا مش هاجي انهارده غير اخر حبه فاتقلي كده لحد مانروحلهم سوا كده كده امك عزمانا بعد بكره فاسيا ابتسمت وتابعت حاضر يعمري
-
وبالفعل مر يوم الحنه وجيه يوم فرح هناء الصبح وكانت قاعده على كرسيها قدام التسريحه في اوضه الفندق والميكاب ارتيست بتاعتها بتحط اخر لمسات في اللوك وابتسمت وتابعت بس كده خلاص شوفي بقي فهناء بصت للمرايا وابتسمت بفرح وتابعت تحفههه تسلم ايدك بجد وهادي خالص ومش مغير ملامحي نهائي زي ما وسام قالك فالبنت ابتسمت بفرح وتابعت الحمدلله عجبك مليون مبروك يحبيبتي فهناء بصتلها وتابعت بفرح الله يبارك فيكي يارب وسمعت الباب خبط فتابعت ادخل فالبنات كلهم دخلوا بعد ما راحوا لبسوا فساتينهم وكانوا كلهم لابسين بينك فاتح فشافوا هناء انبهروا وفضلوا يزغرطوا بفرح فهناء فضلت تضحك وتابعت ايه رايكم بس من غير عياط مش عايزه اعيط والنبي فلميا حاولت تمنع دموعها وتابعت بتأثر: قمر قمر بجد اللهم بارك ربنا يسعدك يانن عين اختك وراحت حضنتها فهناء ضمتها اكتر وتابعت بحب ينورعيني انتي عقبالك يارب فنيره دموعها نزلت وبصت الناحيه التانيه فتابعت هناء بحزن نيرره بردو عياط فنيره فضلت تعيط وتابعت هناء انا اسفه بس هطلع برا مش قادره والله انا مش عارفه هعيش من غيرك ازاي كل اللي جاي ده اصلا ورايحه تخرج
فهناء راحتلها وتابعت بدموع لالا تعالي والله خلاص وحضنتها فنيره فضلت تعيط بهستريه وضمتها ليها اكتر وتابعت والنبي ماتطولي في امريكا والنبي ياهناء فهناء ضمتها ودموعها زادت وتابعت حاضر والله حاضر وبصتلها وبقيت تمسح دموع نيره بايديها وتابعت اهدي بس ده لولا الميكاب معمول بضمير كان زمانا اتبهدلنا والله فنيره ابتسمت من بين دموعها وتابعت ربنا يسعدك ويفرح قلبك ينورعيني انا مبسوطه اني هشوفك مع اللي بتتمنيه والله فهناء ابتسمت بحب وتابعت يارب يعمري انا وانتي وبصتلهم بحب وتابعت استنوني البس الدريس وجيالكم بقى
فاسراء بصتلها بجب وتابعت جبتيه صك زي ماقولتي؟ فهناء ابتسمت وتابعت ااه صك وليه اسكتنشن منفوش من الجناب كده علشان يبقى سهل في الحركه وكمان انا هسافر بيه فكلهم هزوا راسهم بتمام ودخلت هناء هي ولميا ونيره للحمام فنيره مسكت الفستان ووطت بيه فهناء قلعت البيجامه الستان اللي لابساها وفضلت بطقم كارينا كب وبرموده وحطت رجليها في الدريس فنيره بصتلها وغمزت وتابعت حلويات حلويات يعني
فهناء فضلت تضحك وتابعت بترديهالي لما قفشتك وانتي خارجه من الحمام يعني فنيره ضحكت وهي بتقوم بالفستان ترفعه وتابعت حاجه زي كده بس لا بجد والله قمرايه وبصت لاسم وسام المكتوب على اول صدرها وغمزت وتابعت اه يقليله الربايه انتي فهناء ضحكت وتابعت انا بردو
فلميا فضلت تضحك وتابعت اتربي انتي وهي لفيلي يلا اقفلك السوسته دي
هناء فضلت تضحك وتابعت مش عيب تربيتنا تبقى زباله كده قدام الكبيره بتاعتنا فلميا قفلت السوسته وتابعت بضحك وهي بتظبط الفستان: قال يعني عاملين اعتبار للكبيره ده كريم معرفش يربيكم والله ففضلوا يضحكوا بشده فلميا بصت لهناء وغمزت وتابعت بضحك لا بس صحيح ايه الحلويات دي اياكي يشوفك حلوه كده يقولك كلمتين يخليكي تفرطي في شرف العيله كله الا الشرف يقلبي
فهناء ونيره فضلوا يضحكوا بشده فتابعت نيره بضحك لالا بس كريم عرف يربيكي انتي حقيقي
فلميا ضحكت وتابعت اه اومال ايه وابتسمت بدموع وتابعت ربنا يسعدك ويفرح قلبك واشيل عيالك يانن عيني فهناء حضنتها جامد وغمضت عينيها وتابعت ويسعدك ياحته من قلبي وخلصوا لبس الفستان وخرجوا والبنت دخلت لهناء تكملها لفه الحجاب والطرحه وشويه وخلصت وكلهم وقفوا فاتحين الكاميرا وثواني وهناء خرجت وهي جاهزه وشكلها كان يسحر ورقيقه فكلهم شافوها زغرطوا بفرح ودموع وهناء بصتلهم وابتسمت وعينيها ازاز من تجمع الدموع فيها فحبيبه راحت حضنتها وتابعت بدموع مليون مبرووك ينورعيني شكلك يسحر بجدد
فهناء حضنتها اكتر وتابعت عقبالك انتي واخويا ياروح قلبي فحبيبه ضحكت من بين دموعها وتابعت يارب يسمع منك ربنا يهناء ده انا لبست سنتين كليه هيطلعوا من عيني والله فكلهم فضلوا يضحكوا فتابعت سلمى بضحك يادوبك نحتفل بعيد ميلاد ابني او بنتي ونجهز لفرحكم فكلهم فضلوا يضحكوا بشده فتابعت حبيبه بضيق شايفين الاستفزاز ولما اخربها على نفوخها دي وابوظ جوازتها
فهناء فضلت تضحك وتابعت معلش معلش حقك عليا انتي الكبيره والله فحبيبه بصت لسلمى بضيق وتابعت لا ده هو شهر مالوش لازمه همسكها ارنها علقه دلوقتي ورايحه ناحيتها فاسيا مسكتها وفضلت تضحك وتابعت وغلاوه علي عندك ما وقته انا هرنهالك العلقه بس نخلص يوم البت فكلهم فضلوا يضحكوا فتابعت حبيبه بضيق دي بارده بجد علشان عارفه اني هطق وهموت ان فرحي متاجل سنتين ده كان خلاص فاضل خمس شهور يااربي بقى فاسراء بصتلها بحب وتابعت ولا يهمك يعمري والله هيعدوا هوا بس المهم تكوني ساعتها حرم الباشا يابت وايه بقي هيبقي ليكي لازمه في المجتمع كده فكلهم فضلوا يضحكوا فحبيبه ضحكت وحضنت اسراء وتابعت بحب حبيبه قلبي دي غوري يسلمى فسلمى فضلت تضحك ودقايق والباب خبط فهناء تابعت ادخل
فدخلت لينا اخت وسام وكانت رقيقه وجميله خالص وابتسمت بحب لما شافتها وتابعت وسام بيسألك يجي ولا لسه؟ فهناء ابتسمت وتابعت خليه يجي يعمري خلاص انتي ايه الحلاوه دي هنجوزك كدده فالينا ابتسمت وتابعت بضحك مفيش بعد جمال مرات اخويا والله فهناء ضحكت وتابعت قلب مرات اخوكي وحضنتها فالينا باست خدها وتابعت بحب هروح اجبهولك حالا فهناء مسكت ايديها وتابعت استني يا لينا
فالينا بصتلها فهناء تابعت نادر ويارا جم؟؟ فالينا اتوترت وتابعت بصي مالكيش دعوه بيهم هما اه جم مع خالتو بصراحه وواقفين تحت بس وسام طردهم بالذوق عملوا فيها ندمانين وغلابه فماما صممت يحضروا بس مالكيش دعوه بيهم ولا تركزي معاهم هاا فهناء غمضت بعصبيه وتابعت تمام هاتي وسام فالينا ابتسمت وخرجت فتابعت حبيبه بتنهيده اهدي وبلاش تخلف ده جوزك ودي ليلتك متنكديش على نفسك يهبله انا لو منك اقهرها واوريها اني خدته مش هي اللي تيجي تكيدك في فرحك يعبيطه
هناء بعصبيه وايه يجيبهم اصلاا انا مش عايزاهم في حياتي لا في فرح ولا في حزن
فنيره بصتلها وتابعت بت متبقيش هبله نادر ويارا 99% جايين يعملوا فيها طيبين بس حاطين في دماغهم يخربوا بينكم بعد كده فمتبقيش هبله وتسمحي لحد يعمل بينك وبين جوزك مشاكل ولما يجي وسام متبينيش انك اتضايقتي وتشمتيها فيكي يهبله
فاسراء ضحكت وتابعت واحضني يابت وبوسي في السيشن مش جوزك وحلالك بردو وخليها تموت بحسرتها فكلهم فضلوا يضحكوا بشده فهناء ضحكت غصب عنها وتابعت والله ياسراء انتي هتموتيني فاسيا ضحكت وتابعت انا معاها بجد عيشي دي ليلتك طب ده ياريت في واحده حربايه بتموت في فارس من اهله كده ده انا كنت كيدتها انتي متعرفيش كيد النسوان ولا ايه؟
هناء ابتسمت بخبث وتابعت معرفوش ؟!! ده انا كنت هموتها بحسرتها قبل كده فكلهم فضلوا يضحكوا فتابعت لميا بضحك بس خلاص كملي زي مانتي يعمري ولا ينكدوا عليكي ولا يشغلوكي فهناء ابتسمت وتابعت اتفقنا ولقيت الباب خبط فوقفت وادت الباب ضهرها فوسام دخل بعد مالبس بدلته وجهز وكان كله جاذبيه وشكله وسيم جدا وكان متوتر لان لينا قالتله
فنيره همستله متقلقش خلاص احنا هديناها فتنهد بارتياح وابتسم بفرح وهمس فتحتي نفسي ياشيخه امسكي البوكيه ده امسكي واداها البوكيه ولف بص لهناء وتابع بانبهار : لالا ايه الجمال ده ولما يغمى عليا دلوقتي في مايه بسكر حد يلحقني هنا؟؟
فكلهم فضلوا يضحكوا بشده فهناء ضربته بقبضه ايديها على صدره وتبعد بضحك مثل ياخويا مثل عشان ميتنكدش عليك دلوقتي فوسام فضل يضحك وحضنها جامد وتابع بحبك وبموت فيكي والله حقيقي طالعه زي القمر وبنبهر بيكي كل مره والله كانها اول مره فهناء ابتسمت بحب وطبطبت على ضهره وتابعت ملامحي زي ماهي صح؟ فوسام ابتسم وبصلها وتابع ملامحك زي ماهي !! ده انتي اللي حليتي الميكاب طالعه زي ماكنت عايز بالظبط بجد وباس جبينها بحب وكلهم واقفين بيبصولهم فرحانين بيهم فهناء ابتسمت بدموع وتابعت انا مش هنكد على نفسي بعد اللي عرفته من لينا المهم بنسبالي ان انت جنبي وانا بيك هعدي اي حاجه فوسام ابتسم بفرح وتابع ربنا يكملك بعقلك ويديمك ليا يروح قلبي يارب والله يابنتي حاولت امشيهم معرفتش فهناء ابتسمت وتابعت خلاص عادي انا مش هركز مع حد في الدنيا غيرك اصلا
فوسام ابتسم بحب وتابع هو لازم نعمل فرح؟ انتي مراتي على فكره ما يلا نخطفلنا ساعتين في شقتنا بعدين نطلع على السفر علطول؟؟ فكلهم فضلوا يضحكوا بشده وهناء فتحت عينيها بتفاجئ وضربته كتفه وتابعت بضحك يوسام احترم نفسك بقى بجد الله فتابعت لميا بضحك طب يلا انزلوا اكسبوا وقت علشان السيشن والفرح وبعد كده طير براحتك يغالي فوسام تنهد بضيق وتابع انا هطير فعلا طيران 12 ساعه لامريكا غير الاستراحات
هناء اتصدمت وتابعت وسام انت بتهزر صح هو في حمام في الطياره؟ فكلهم فضلوا يضحكوا فوسام بصلها بذهول وتابع هو اه طبعا في بس ده كل اللي همك؟ ودخلتنا دي ايه كل ابوها قطر؟ فهناء فضلت تضحك وهما بيضحكوا على ضحكتها وتابعت لا مفيش دخلات انا هدخل في بلدي مش في بلد الغرب
وسام بضحك والله ما اتحرك من مكاني خليني في مصر مالها مصر دي حبيبتي وام الدنيا نسيبها ونروح لغيرها ازاي يعني فين الوطنيه والانتماء
فكلهم فضلوا يضحكوا بشده فهناء فضلت تضحك وتابعت حلوه دلوقتي مصر حبيناهاا فوسام فضل يضحك وتابع ااه طبعا انتي مشربتيش من نيلها ولا ايه فكلهم ضحكوا فتابعت حبيبه بضحك لالا انا مش قادره هتموتوني والله فاسيا ضحكت بشده وتابعت قاعدتهم حلوه بس للاسف مفيش وقت اخلصوا الساعه 4 الا تلت معادكم 3 فوسام ضحك وتابع طب يلا نكمل الكلام ده في الطياره ده معانا سفر يوم كامل يعتبر والله فلميا ابتسمت وتابعت توصلوا بالسلامه يغالي فوسام ابتسم وتابع يارب يحبيبتي ومسك ايد هناء ونزل وكلهم معاه وراحو بالفعل السيشن وابتدوا يتصوروا ووسام كان حاطط ايديه على وسطها ويارا واقفه هتولع ودموعها نزلت وتابعت انا مش قادره منك لله ياريتني ماجيت فنادر بصلها وتابع ممكن تبطلي غباء شويه لازم كنا نيجي ده مهم لو عايزه وسام بعد كده
فيارا قلبها وجعها ودموعها زادت وتابعت بعد ايه بعد ما يلمسها انت عايز تموتني بحسرتي يا نادر فنادر اتعصب وتابع يعني انا اللي مش هموت بقولك ايه انتي تخرسي خالص علشان كل اللي احنا فيه ده بسببك انتي ده كان زمانها شايله ابني لو سبتينا في حالنا
فيارا اتخنقت وعيطت بضيق ووقفت بعيد شويه لما شافت وسام بيبوس خدها وهي بتبص للصوره وبتبتسم وعلى جنب كان قاعد كريم وباصص عليها وعينيه حمرا من الدموع فنيره راحتله وقعدت جنبه وتابعت بوجع ممكن تهدى وكفايه انت من امبارح عينيك مبطلتش دموع يحبيبي فكريم غمض بقهر ودموعه نزلت وتابع مش فاهم وافقت ازاي تبعد عني ده انا مبقدرش اقعد من غيرها خمس دقايق ودموعه نزلت وتابع دي بتتاخر في الجامعه شويه بموت يانيره ازاي هسيبها تبعد عني شهور والله ما مستوعب
فنيره دموعها نزلت وتابعت فهماك اوي بجد بس احنا علشان بنحبها هنحب انها تبقي مبسوطه مش كده بردو يكريم؟ فكريم بص عليها ودموعه نزلت وهز راسه بالنفي وتابع لالا انا عايزها عايزها بجد مش هقدر اسيبها تسافر قسما بالله هنام ازاي وهي مش في البيت يانيره مش هعرف والمصحف
فنيره حضنته ودموعها زادت وتابعت حقك عليا انا نفسي مش قادره اتخيل انها تغيب عننا ده لو اتجوزت بس هتضايق مابالك سفر فكريم دموعه زادت في حضنها وتابع متعودتش اعيش من غيرهم يانيره والله ماهقدر افتح اوضتها ملقيهاش وياريت اقدر ازورها بردو هتفضل بعيده عني انا عقلي كان فين لما وافقت فنيره عيطت وتابعت حقك عليا والله بس هناء مبسوطه يكريم مينفعش نكون انانيين فكريم بصلها وعينيه حمرا وتابع انا مبسوط عشانها بس مش هقدر اعيش من غيرها حقيقي صعبه فهناء بتتحرك علشان تروح مكان تاني فشافته فسابت التصوير وشاورت لوسام بمعنى ثواني وراحت عنده وتابعت بحزن كرريم يحبيبي مالك من امبارح بسكتك يكريم فكريم مسح دموعه وابتسم وتابع كويس يحبيبتي كويس فهناء دموعها نزلت وتابعت اه كويس اوي لدرجه مهنش عليك تطلع تشوفني وانا عروسه فكريم وطى راسه وحط ايديه عند مدمع العين فهناء دموعها نزلت وتابعت حقك عليا والله اهدى طيب وبتوطي قدامه فكريم قام وقف ووقفها ومسك ايديها باسها بحب وباس راسها بعمق وحضنها جامد وتابع انا كويس المهم انتي مبسوطه
فهناء بصتله بدموع وتابعت عمري ماهبقي مبسوطه وانا شيفاك بالشكل ده ورحمه ابوك انا هموت فمتصعبهاش عليا فكريم بصلها واتأمل شكلها وهي عروسه ودموعه زادت وتابع هناء امشي دلوقتي علشان متتنكديش بسببي بجد
فهناء عيطت وتابعت لا مش هسيبك كده والله وحضنته جامد فحضنها ووطى راسه على كتفها ودموعه فضلت تزيد وتابع والله ماهقدر اسيبك تسافري مش هعرف صعبه اوي يهناء صعبه
فنيره دموعها نزلت وفضلت تطبطب على ضهره فهناء عيطت وتابعت والله هنزل هحاول اقول لوسام وانزل انا كل شويه وارجعله تاني مش هبعد عنك صدقني انا مقدرش اعيش من غيرك فوسام جيه وابتسم بتأثر وتابع ياخي قسما بالله انت ماهتخليني اجوز لينا بالوضع ده فكريم رفع راسه عن كتفها وبص لوسام وهو بيمسح دموعه وتابع دي تعب عمري كله هي واخواتها فانا هموت فكل فراق واحده فيهم يمكن حبيبه اهونهم علشان في وشي زي ماهي فوسام ابتسم بحزن وتابع عارف والله وحقك على راسي انا فعلا مضطر للسفر واكيد مش هسيب مراتي هنا انا قولت بالمره تبقى شهر عسل انت فاهمني؟ فكريم هز راسه بلايجاب وتابع بحب فاهمك فاهمك والله ربنا يسعدكم يارب وبص لهناء وباس جبينها بعمق وتابع بابتسامه طالعه زي القمر مشوفتش ولا هشوف في حلاوتك كبرت البنوته وبقيت عروسه مفيش منها ولا في حلاوتها بجد فهناء ابتسمت من بين دموعها وتابعت روح قلب البنوته من جوه وباست خده ونامت على صدره وغمضت عينيها وتنهدت بارتياح فكريم ضمها ليه وباس راسها بعمق وتابع بحب روحي مع جوزك يلا قبل ما الشمس تغيب مفيش وقت فهناء بصتله وهزت راسها بماشي وتابعت بحزن حاضر بس متعيطش تاني والنبي فكريم ابتسم وهز راسه بماشي وهناء خرجت من حضنه وراحت مع وسام وكملت التصوير ونيره واقفه جنبه بتطبطب على كتفه وشويه وجيه وقت الفرح وراحو القاعه والكل كان جوه وهناء دخلت مع وسام وسط تسقيف من الكل وفرحه بيهم الا عين يارا ونادر اللي هتاكلهم فدخلت وهي بتاخد نفسها بتوتر فوسام بصلها وابتسم وطبطب على ايديها ودخلوا وبمجرد ما وقفوا على الاستيدج الاغنيه اتغيرت للاغنيه اللي هيرقصوا عليها فهناء وقفت وحطت ايديها حوالين رقبته وهمست بضحك وسام انا متوتره اوي بجد كلهم باصين عليا فوسام ضحك وحط ايديه على وسطها وهمس جنب ودنها سيبك من الكل خليكي مع الاغنيه ومعايا مش هتوتري وبدات الاغنيه فهناء بصتله وكانوا بيغني معاها وفيه زينه بتطلع ونيران حوالين الاستيدج وتابعوا خبيني جوه حضنك يوم ودفيني ..ده فاتوا سنين انا وعيني بنحلم بيك ..وديني دنيا تانيه جديده وكفايه احس هواك ده جوايا واعيش حواليك وابتسمتله وتابعت لا انا بحلم حبيبي في يوم ولا بتمني غير.. اعيش العمر كله معاك واحس انك بخير ..عيش جوه حضني ومتسبنيش مهما اقولك بردو مفيش كلمه توصف اللي انا فيه .. واه بوعدك ان افضل ليك وابقي قلبك وابقي عينك وكل حلم بتحلم بيه وحضنته وتابعوا نسيني اللي قبلك عيشته في سنيني وعينيها جات في عين نادر فغمضت وهي حاضنه وسام وتابعت ووقت الضعف قويني على الايام وبصتله وتابعت احلاامي فيك لقيتها حقيقه قدامي بخاف لتعدي ايامي حبيبي قوام وحضنها فتابعوا ده لو فكرت الاقي كلام اقوله حبيبي فيك وحطت ايديها على خده وتابعت بحب ودموع يفوت العمر كله قوام وانا بوصف عينيك .. وبصتله بفرح وهي بتحرك ايديها وتابعت قوول من النهارده خلااص ياهمووم مش هتبكي عيوناا في يووم فوسام حضنها ولف بيها والكل بيسقفلهم وهما بيكملوا : غير دموع الفررحه وبس وفضل يلف بيها والزينه والنيران زادت فنزلها وتابع وهو حاضنها و ااه مهما قطر العمر يفوت بردو هفضل احبك مووت وعمري شوقي مايوم ينقص وبصتله وهي بتعيط وحضنته جامد تحت تسقيف الكل فهناء عيطت وتابعت وسام انا بحبك بجد فوسام ضمها اكتر وتابع وانا بموت فيكي وباس جبينها بعمق واشتغلت الاغنيه التانيه اللي اختاروها فهناء مسكت ايديه الاتنين وهي بترقص معاه وتابعت مع الاغنيه مش حبيبي بس .. انت صاحبي وقلبي ونصي اللي كنت بدور عليه مش حبيبي بس انت قمري وقدري نصيبي وطبيبي اللي تسلم ايديه وحضنته والزينه بتزيد عليهم وتابعت بفرح مع الاغنيه في حبك انت شوفت كل المعجزاات وعرفت جيت الدنيا ليه وبصتله وتابعت وهي بتشاور عليه وبقاالي حد اعيش عشاانه وضهر اتسند عليه وحضنته وتابعت طب متقابلنااش بدرري ليه ليه يعني على العمر اللي فاات ..وعيني عيني عيني عيني عيني على بينك انت وبيني عيني على اللي حبه جااني حيااني تاني انت اجمل ما رات عيني ياعيني وحضنته فلف بيها وشالها وسط تسقيف الكل وفرحتهم ونادر واقف متعصب ومقهور من كلامها ونظراتها لوسام واحساسها في الاغنيه وهي بتقوله طب متقبلناش بدري ليه حس انه عايز يروح يضربها ويقولها انتي بتقولي ايه انتي مراتي انا ومن حقي انا بس كتم عصبيته وخرج من الفرح خالص فيارا بصت عليه بسخريه ودموعها في عينيها ولما شافت الاغنيه خلصت وهناء راحت على الكوشه ووسام وقف مع حد من زمايله فراحتلها وهي بتقعد ونيره ولميا بيظبطوا فستانها على الكوشه فبصتلها وتابعت بتمثيل خضه بسم الله الرحمن الرحيم يا بنتي حرام عليكي ده انا لسه عروسه وعايزه خلفي حتى مش حرام يتقطع كده ايه كل الميكاب ده انت كنتي عند نقاش وضحكت فيارا بصتلها بكرهه وتابعت بدموع يبان انك كسبتي دلوقتي وابتسمت بخبث وتابعت بس هيجي يوم ويكون ليكي الشرف اني ابقى ضرتك وساعتها هخلي وسام يرميكي انتي فهناء فضلت تضحك وتابعت بغمز طب ومخدتيهوش انتي من الاول ليه وهو لسه بخيره كده بدل مانا هاخد عافيته وميبقاش فيه حيل ليكي بعد كده وفضلت تضحك فيارا اتعصبت وحاولت متبينش وتابعت سيباكي تتهاني شويه علشان اللي جاي مش هيعجبك ولما يطردك من حياته وانتي بنت غير لما يطردك وانتي مدام ومتلاقيش اللي يعبرك فهناء ابتسمت وتابعت بعيدا عن احلام العصر بتاعتك دي وانه هيطردني وجو الافلام الهندي الهابط بتاعك ده بس كفايه هبقى مدامته.. كفاايه هتهنى شويه في حضنه ياستي ماشي سبيني كتر الف خيرك وفضلت تضحك ونيره ولميا كانوا مبسوطين بيها فتابعت يارا وعينيها مليانه دموع وغل: اضحكي اضحكي بس وعهد الله ده اللي الجاي بيني وبينك سواد فهناء فضلت تشم بمناخيرها واستغربت وتابعت اييه ده انتوا شامين ينهار اسود اييه ده !! فلميا بصتلها وتابعت بقلق ايه في اييه ؟؟ فهناء بصتلهم وتابعت انتوا ازااي مش شامين بجدد !! فنيره قلقت وتابعت انتي شامه اييه مش فاهمه؟؟ فهناء ابتسمت وتابعت شامه ريحه شياط ياختي البت شاطت طفيها انتي وهي قبل ماتولع وتمسكلي في القاعه انا مش عايزه فرحي يخرب فنيره ولميا فضلوا يضحكوا بشده ويارا اتعصب ومشيت من قدامها فلميا ضحكت وتابعت برافو والله ابهرتيني فهناء ضحكت وتابعت ميرسي ياروحيي وشويه وباقي الاغاني اشتغلت وكلهم قاموا يسقفوا لهناء ويرقصوا معاها ووسام كان مشغول مع صحابه الدكاتره اللي جايين من برا فحبيبه بصت لعلي بنظره فهمها فابتسم وتابع والله لو قولتيلي هسقف بصباع واحد وباقي ايديا مشلوله بردو مش هقومك من مكانك فحبيبه نفخت بضيق وتابعت يعني مفيش امل يعنيي فعلي بصلها وتابع ولا امال حتى بطلناه خلاص فربعت ايديها بضيق وتابعت انت ناقص يوم فرحي متقومنيش فعلي ضحك وتابع لما يجي بعد سنتين يقلبي بقى نشوف هنعمل ايه فحبيبه تنهدت وتابعت علي بالله ماتحرق دمي انا حقيقي متضايقه فعلي ابتسم وتابع مين سمعك وتنهد بعمق وتابع دي اكتر حاجه مضيقاني عامه فحبيبه بصتله بضيق وتابعت كان نفسي نتجوز اوي زي ماكنا مخططين بس يلا عادي فعلي ابتسم بحزن وتابع حقك عليا عارف ياما استحملتي معايا فحبيبه ابتسمت بحب وتابعت بس يعلي متقولش الكلام ده..ده انا استحملك واستناك العمر كله فعلي ابتسم بحب وباس جبينها بعمق
وعند نيره كانت عماله تدور على كريم بعينيها ملقيتهوش فخافت يكون قاعد مع نفسه ومتضايق فنزلت من جنب هناء تدور عليه وراحت عند الترابيزه بتاعتهم وتابعت علي كريم فين فعلي تنهد وتابع واقف برا بيشرب سجاير فنيره هزت راسها بماشي وخرجت تدور عليه وعند الكوشه وسام كان جيه قعد جنبها ولميا جنبها من الناحيه التانيه ومركزه في الفون ففاقت علي صوت ادهم لما جيه وتابع بابتسامه مليون مبروك يحبيبي ربنا يسعدكم فرفعت عينيها بلهفه شافته وقلبها وجعها فهناء بصت لاختها بحزن وتنهدت ووسام قام حضن ادهم وسلم عليه وادهم فضل باصص على لميا فقامت وابتسمت وتابعت هناء انا رايحه شويه وجايه تاني معلش يحبيبتي فهناء هزت راسها بماشي بحزن وقامت وقفت لان ادهم مدلها ايديه وسلمت عليه وابتسمت
وعند نيره لقيت كريم واقف في الجنينه اللي جنب القاعه ومعاه مالك وعلي فاستغربت جدا وبتقرب منهم شافت كريم متعصب وقبل ماتتكلم سمعت كريم بيقول بعصبيه: طلبت مني تقعد يومين تشوف بناتك سبتك تقعد اليومين انما جاي فرح اختي وعايز تفضل وسطنا طول الوقت انت كده تبقى اتجننت رسمي
مالك بعصبيه كريم احترم نفسك وانت بتتكلم مع عمي
كريم بعصبيه عليك انت وعمك بقولك ايه انا مش ناقص قرف هو مش شاف حبيبه ونيره خلاص قاعد ليه؟؟ وعمال بناتي بنااتي واصلا بناته ميعرفوش بيه ومعتبرينه مات
فنيره اتصدمت بشده وحست انها هيغمى عليها من فرط الذهول وتابعت بصوت يكاد يطلع بالعافيه: بناته مين يكريم !!! فكلهم باصوا عليها شافوها اتصدموا بشده كانت واقفه والدموع متحجره في عينيها ومصدومه