سديم
بعد ما ام طارق اصرت على الموضوع اطرينا اننا نوافق تحت ضغط لاكن انا وطارق اتفقنا اننا نتم شهرين ثلاثه ونتطلق ونقول انو م اتفقنا وكل زول يمشي في طريقو ودي الحاجه الكانت مطمنا.. طبعا ام طارق عزمت كل خلق الله وقدرت تغطى على موضوع اننا عاقدين وح نعمل دعوة بس... وكمان اكتشفت انو ابو طارق برا البلد وح يرجع قريب...
وام طارق عزمت اخواتها واخوات زوجها يعني العائلة الكريمه كلها وعرفتّهم عليّ وبرضو اتصرفت في موضوع اهلي وقالت انهم برا بس متواصلين معانا وانا اصريت انها تجي تقعد معانا لحدي م العرس يتم.. طبعاً اخواتها قلبهم ابيض زيها م شكو في حاجه وكان عندهن بنات كبار بس كانن بعاينن لي بتكبر واستهزاء بس انا م اشتغلت بيهم كتير..
ومرّ الاسبوع زي السلام عليكم وجاء يوم العرس.. وملاذ اصرت اني البس فستان وجابوا لي المراة البتجيه في البيت وكان عرس لي قومة وقعدة.. وهم اصلا وما عارفين نحنا مخططين ليشنو.. المهم جيهوني ليك ديك يا الجيهة طبعآ كان الرجال برا والنسوان جوا كان الجو مشحوون والاصوات عاليه جدآ.. فجاءة دخلو علينا ف الغرفه بنات خالات ملاذ.. وكلهم سلموا على وباركوا لي وانبهرو بجمالي طبعآ.. الا واحده كدا طويلة وصفراء ونحيفة كانت مكشرة في وجهي صح اتحسست من نظراتها لي بس سكت.. قعدن يتكلمن ويتونسن بعدها قررن ينزلن وبقينا انا ملاذ قاعدين سوا طبعاً ملاذ باقيه لي زي ضلي.. سالتها من البت الصفراء قالت لي ايوا.. دي يسرى بت خالتو عواطف قلت ليها بتعاين لي كدا ليه؟ ملاذ ضحكت بصوت عالي وقالت لي ههه عشان كانت دايرة طارق وطارق ما كان عايزها... بس وامي برضها كانت عايزة تزوجها ليو حتى انها فاتحت خالتو عواطف بالموضوع بس طارق قدر ينفد من الموضوع...
قلت ليها ايواا فهمت... وفي نفسي قلت.. اتاريها بتعاين لي كدا هه بس اتصبر شهرين كدا وبفكوا ليها اتقول من جمالوو المعصص.. قطع تفكيري صوت طق على الباب قامت ملاذ فتحت وطلعت تقريباً نادوها.. بقيت قاعدة برايه واعاين لنفسي في المراية.. تلقائيا اتذكرت امي ونور وسلمى.. وحسيت بوجع فقلبي فظيع وبقيت ابكي لاني حاسه جوايي فراغ كبير.. طول الايام الفاتت كنت بعمل نفسي قويه بس انا من جواا متحطمه تماما.. رجعت ملاذ تاني ولقتني ابكي.. وقالت بصوت عالي دا شنو خربتي المكياج اوفف منك طيب انتظري دقيقه..طلعت وانا عاينت لي اثرها بي حزن وهي همها المكياج ولا سالتني ليه ببكي.. المهم جابت بتاعة المكياج تاني وعدلتو لي وزبط.. ملاذ قالت لي هسي بجي طارق ينزلك تحت قلت ليها بس ما يكون ف رجال قالت لي لالا ما تخافي غير طارق م ح يكون في زول.. اتطمنت حبه وهديت وما هي الا دقائق وجاء طارق لابس ليك بدلة رماديه ومتزبط تب.. مصدق نفسه الغبي.. المهم كان مكشر.. اتقول انا ميتة من الفرح عشان ح نتزوج.. المهم ملاذ اصرت نمسك يدين بعض وبقينا وماشين ولا جارييين ما عارفه.. طارق جاريني وراه بسرعه مبالغ فيها.. انفجرت فيه وقلت.. ممكن تمشي براحه يا اما تفكني وبدون تردد فك يدي وبقينا ماشين كل واحد في بلد.. لحدي ما جات ملاذ تاني من ورانا وقالت.. ما ممكن دا شنو ورجعت خلتنا نمسك يدين بعض نزلنا تحت وكان في نسوان م كتار شددديد بس كتيرات المهم قعدنا في كراسي الجلوس والناس تبارك لينا.. وكانوا عاملين عشاء المهم مرّت الزفه على خير غير نظرات يسرى الما فارقتني.. اصلا لو ذكية كانت ح تعرف من تصرفاتنا انا وطارق اننا م طايقين بعض اصلا..
نور _♡_
دخلت على ام احمد وانا شايلة ليها الدواء بتاعها لقيتها شايله صور تعاين فيها وتبكي.. قعدت جنبها اواسي فيها من دون ما اعرف سبب دموعها لاني عارفه يعني شنو دموع يعني شنو بكاء..
لمحت في الصور واحدة فيها احمد واقف وجنبه بنت عثل ماسكها من يدها جنبهم طوالي ام احمد بس تنشاف شابه شويه قصدي اصغر من هسي وراها واقفه بت صغيرة شوية بس تشبهها.. فضولي دفعني اسالها ديل منو... انتبهت لنفسي سرعه وقلت معليش لو ما فيها احراج.. قالت لي لا اصلا انا طلعتهم عشان كنت حابة اوريك ليهم... اشرت لي للبنت الواقفه جنب احمد وقالت لي دي زهرة مرت احمد وهنا انا انخلعت بس ما ابديت ردت فعل تابعت وقالت ودي بتي حور... انا عاينت ليها بصدمه لاني اتوقعت احمد ما متزوج.. بقت تبكي وقالت الله يرحمهم ويغفر ليهم يارب.. هنا انا انخلعت زيادة وقلت بسرعه ربنا يرحمهم يارب.. وسالتها الحصل ليهم شنو.. وحكت لي انو قبل كم سنه طلعت زهرة وحور مشوار وقدر الله وحصل ليهم حادث في الطريق وماتوا! .. انا اتاثرت شديد معاها وبقيت ابكي لاني شربت من نفس الكأس..كأس مليان وجع وندم وحزن.. واصلت كلامها وقالت موتهم غير حياتنا والبيت بدونهم بقى مسيخ.. انا م عرفت اعمل شنو بس قعدت اواسي فيها واقول ليها قدر الله وماشاء فعل!♡.. هدت حبه وابتسمت وقالت لي وجودك حالياً جنبي خفف عن وجع فراقهم.. عاينت ليها وقلت وانا زاتي خسرت امي ومتفهمه ألمك كويس.. تلقائيا جرتني عليها وحضنتني وانا م صدقت لقيت حضن دافي اندس فيه.. فجاءة باب الغرفه فتح ودخل احمد وانا قمت مخلعوعه وقبلت بالجهة التانية لانو نقابي برا.. ام احمد قالت دا شنو ي احمد عدم الزوق دا.. رد احمد وقال معليش افتكرتك براك.. رديت وقلت م مشكلة حصل خير.. ام احمد سالت احمد الجابك شنو بدري كدا قال ليها لا بس جيت اشيل ورق حسابات مهم وراجع وقلت اجي اشوفك... انا اتبلمت بي طرحتي وقلت عن اذنكم وطلعت بسرعه...
مشيت المطبخ ولقيت خديجة تطبخ قعدت اساعد فيها ونتونس سوا طبعآ خديجه عارفة الحصل معاي لاني حكيت ليها عن حياتنا اللي مفترض تتعمل فيلم.. انا اصلا كنت محتاجه زول افرغ ليو عن الجوايي وخاص انو قلبي واجعني على اخواتي الما عارفه وينهم.. البشوفني يقول اموري زابطه بس الله العالم بحالي وانا كل يوم قبل انام ببكي لانو فراقهم خلى فقلبي وجع كبير وانوم ودمعتي ف عيني... خديجة مراة متفهمه وحنونه جداً.. اتعاطفت معااي خاصه بعد عرفت المريت بيوو.. وبقت غاليه ع قلبي.. وعلاقتي بيها قويه جداً