رواية لنا موعد اخر الفصل السابع والاربعون47 بقلم لولا
فهاله بصتله وتابعت بحب ايه يحبيبي قول
فمالك بص للباب وفاجاه طلع اخر حد كانت تتمنى تشوفه وهمست بصدمه شديده:علي والدموع اتجمعت في عينيها بذهول شديد فتابع مالك بحزن ابوس ايديكي اهدي واسمعي جاي يقولك ايه
هاله غمضت بقهر وكل اللي عدت بيه بيعدي قدام عينيها كأنه امبارح واستجمعت قوتها وتابعت خده وامشي يا مالك
مالك بحزن يمرات عمي اسمعيه ابوس ايدك اانا جبته في الزحمه علشان منعملش شوشره فهاله بصتله بعصبيه وتابعت بدموع شوشره ايه اللي مش عايز تعملهاا ده انت لو قااصد تفضح الدنياا مش هتعمل كده وفي وقت زي ده الناس كلها طالعه ناازله فمالك تنهد بعمق وهو بيمشي ايديه على وشه وتابع ياست الكل افهميني كله طالع نازل اه بس مش هيسمعوا صوتكم وولا حد هيجي هنا فارجوكي اسمعيه دلوقتي بسرعه
فهاله اتعصبت وتابعت نعم خيير جااي عايز ايه؟ فمالك بصله وتابع بقلق عمي انا هنزل انا وانت كلمها وخمس دقايق وحياه عيالك وتيجي ورايا متتاخرش ها فتابعت هاله بعصبيه عياله مين هو مالوش عيال عندي دول عيالي انا وانا لسه بدور جيباهم منين زي ما قال
فمالك اتوتر وتابع ياست الكل ابوس ايدك مش وقته خناق اسمعيه بس يلا بسرعه ياعمي وسابهم ونزل وخلى الباب مفتوح حته فهاله بصت لعلي وتابعت بعصبيه خيير جاي هناا ليه هو انت مش مكفيك اللي ورتهوني من 20 سنه فجاي تهد كل اللي انا بنيته دلوقتي !! فعلي الدموع اتجمعت في عينيه وتابع انا اسف يا ام نيره حقك على راسي والله وغلطت وجيت عليكي ومن زمان عارف اني ظلمتك بس ميسون لعبت في دماغي وزورت تحاليل وخلتني اصدق اني مش بخلف فطبيعي كنت اجي عليكي فهاله بصتله بقهر وتابعت بوجع طبيعي تيجي عليا !! ليه هو طبيعي ان اختك تقولك كلمتين وتزور تحاليل فتخليك تشك في مراتك !! واتعصبت وتابعت بدموع في الست اللي شافت منك كتير قليل وسكتت وكملت !! ياخي ده اناا شوفت معاك المر وكنت بنصح واحايل فيك وكمللت ده انت تكدب ورق الدكاتره وتكدب الدنيا كلهاا ومتكدبنيش انااا بعد كل اللي عملتهولك ده انت رامتني انا وعيلتين في الشارع في عز المطر من غير ولا جنييه وجاي بعد العمر ده كله تقوليي اسف !! اسف ايه يعليي ؟!! ولا اسف على ايه اصلاا ده بنااتك ميعرفوش ان ليهم اب عايش اساسا وولا عمرهم قالوا بابا غير لحااتم اللي من يوم موته العيال دي فعلا اتيتمت انما انت مين اصلا بنسبالهم ؟! انت ولا حاجه عشت مجرم وهتموت مجررم فالله يخليك ابعد عني وعن بنااتي انا ماصدقت عملتلهم سمعه نضيفه وعايشين مرتااحين
فعلي دموعه نزلت بقهر وتابع معترف اني ظلمتكم كلكم بس من ساعه ما اكتشفت الحقيقه وانا قاطعت ميسون خالص بس اللي منعني عن اني اجي اخدك انتي وبناتي اني اتحبست وعمري راح في السجن ولسه طالع مبقاليش غير يومين تلاته فجيتلك انتي اول حاجه اهو جيت اطلب السماح وابوس على ايدك ورجلك انك متحرمنيش من ان باقي عمري يكون جنبهم
هاله ابتسمت بوجع من بين دموعها وتابعت جنب مين؟؟ هو انت تعرف العيال دي شكلها عامل ازاي اساسا؟ طب سيبك من شكلهم انت تعرف بيدرسوا ايه ولا اتخبطوا ولا لسه؟ انت تعرف ايه عنهم اصلاا يعلي؟ هو الاب اللي بيخلف وبس ولا ايه؟ واتعصبت وتابعت انت معملتش اي حاجه تثبت انك اب ليهم وحتى لو عرفوا بيك عمرهم ماهيحسوا بأي مشاعر علشان هي مش بالاسم والشهاده بالعشره والمواقف ولما بقولهم تعالوا نقرا الفاتحه لبابا بيقولوا بابا حاتم الاول بعدين علي ده بقى في الاخر اصل بنسبالهم ده مجرد اسم في شهاده مش اكتر انما حتي شكلك ميعرفهوش
فعلي اتوجع وتابع بتعاقبيني يا هاله مش كده؟
هاله بقهر اسمها بوعيك مش بعاقبك واحد زيك مجرم واتسجن و شك في امهم لو اتعرف انه موجود وعايش هيدمر حياتهم كلها اللي جايه فبالله عليك ابعد عن بناتي ..بناتي دكااتره واسمهم مرفوع وكريم الله يباركله مطلعهم ادب واخلاق وتدين فمش هتيجي انت في الاخر وتطلعهم عيال تاجر المخدرات فعلي اتوجع جدا من كلامها ودموعه نزلت وتابع انا توبت يا هاله واتمسكت صغير وفضلت سنين في السجن سنين خدت مني مادتنيش واديني طلعت الله واعلم فاضلي قد ايه فمتبعدنيش عنهم ابوس على رجلك انا مش عايز غير ابص في وشهم كل يوم لحد ما اموت ده هما الحاجه الوحيده اللي فضلالي
فهاله قلبها وجعها عليه متنكرش هي لسه بتحبه ومصدومه ان قلبها لسه بيضعف قدامه بعد العمر ده كله ..فكرت مش هتحن تاني بس لما شافته نسيت كل حاجه كانت مقراراها واتقهرت اوي من الحياه اللي عاشوها والشعر الابيض اللي بدا يظهر في شعره ودقنه وهما بعيد عن بعض لان العمر اللي راح عمره ماهيبقي قد اللي جاي فخدت نفسها بعمق ودموعها نزلت وتابعت هسييك يومين تشوفهم واقعد عند مالك بس بشرط
فعلي ابتسم بلهفه وتابع اشرطي زي مانتي عايزه .. فهاله دموعها نزلت بقهر وتابعت لو بتحب بناتك زي مابتقول فعلا متقولش انك ابوهم لانك مش الاب اللي هيشرفهم ولا ينفع يكون جد عيالهم .. فعلي اتصدم بشده وقلبه وجعه اوي ودموعه نزلت وابتسم بقهر وتابع فيكي الخير يا ام نيره فيكي الخير يحبيبتي فهاله دموعها نزلت وتابعت ده الاحسن ليك وليهم لانهم والله ماهيحبوك بس بناتك وليك حق تشوفهم وعايزاك تملى عينك منهم اوي هما الاتنين علشان الاتنين نسخه منك بالكربون وكل ماتشوفهم هتلعن نفسك واليوم اللي فكرت فيه تمشي ورا كلام حد ومتصدقنيش .. فعلي هز راسه بالموافقه بقهر وقاطع كلامهم دخول حبيبه بتجري من علي وهي بتضحك وتابعت انا اسفه انا اسفه والله ووقفت فوق الكنبه فهاله اتصدمت بدخولها وعلي الاب بصلها بلهفه معقول دي بنت من بنااته !! فدخل علي وراها وهو بيضحك واستغرب مين اللي واقف فتابع مين ده ؟ فالسؤال لفت نظر حبيبه فوقفت تبص فهاله اتوترت بشده وتابعت ده .. ده عم مالك يا علي جيه علشان لما يتقدموا لست البنات سلمى فكان بيسلم عليا فعلي فهم انه بردو عم حبيبه فتنهد وتابع ااه اهلا وسهلا نورت مصر والله ياحج
فعلي الاب مد ايديه بابتسامه مليانه وجع وتابع بنورك يا ابني وبص لهاله وتابع بابتسامه مين؟ فهاله ابتسمت وتابعت علي الجارحي ابن عم كريم وخطيب حبيبه بنتي
فعلي الاب الدموع اتجمعت في عينيه وتابع خطيب حبيبه ؟!! هي كبرت اوي كده ؟! فحبيبه ضحكت وتابعت لاا مكبرتش وصغيره على الجواز وهو بيهددني اوافق يا ماما الحقوني يا ماما
فعلي بصلها بتفاجئ وتابع ده مين ده اللي مهددك معلش؟ انا !! فهاله فضلت تضحك هي وعلي الاب وابتسم بفرح لما اتاكد ان دي حبيبه بنته وفعلا شبه بشكل كبير فضحك وتابع طب ازاي طيب انا بفهم في الحب وباين في عينيكي انك بتحبيبه فحبيبه فضلت تضحك وتابعت لا مبحبوش
فعلي بصلها برفعه حاجب وتابع مبتحبيهوش اه ده انتي ليله اهلك سودا ورايح ناحيتها فخافت وتابعت يعلي وحياتك هنط من الشباك ابعد عني ابعد عني والنبي
فالاب وهاله فضلوا يضحكوا بشده وتابعت بضحك عملتلك ايه يعلي المضروبه دي علشان خايفه منك كده فعلي بص لهاله وتابع بحده ياما مديها القميص اللي هلبسه بكره وبقولها اكويه حرقتهولي هو انا يعني فلوس ابويا كتير علشان انزل ادور على واحد زيه تاني
فهاله شهقت وفضلت تضحك وتابعت يا مضرووبه مانتي بتعرفي تكوي وبتكوي لكريم علطول حرام عليكي فحبيبه اتوترت وتابعت والله العظيم بكويله علطول وبيطلع زي الفل بس المره دي كان واقف قدامي وعمال يسبلي بعينيه الحلوين دول قليل الادب اللي مترباش ده فركزت معاه ونسيت القميص دي غلطتي دي !! ففضلوا يضحكوا بشده فتابع علي بضيق لا دي غلطه اهليي انا اني واقف معااكي حقك على رااسي انا اللي متربتش وبصلها بحده وتابع بهدوء مخيف : ده انا هرنك علقه بس تنزلي من جنب الشباك استنيلي بس فهاله فضلت تضحك وتابعت مانت غلطان صح يعلي يعني عارف انها بتكلمك بتنسى الحنفيه مفتوحه والنار شغاله والمكوى متسابه وبتنسى نفسها اصلا فتقوم تقف قدامها هو ده كلام
حبيبه فضلت تضحك وتابعت اهو قوليله شاايف يمفتري يعني ده طلع حب في الاخر وانت عايز ترنني علقه قال شله في ايدك
فعلي بصلها وتابع ومين هيرجع يزعل؟ فحبيبه ضحكت وتابعت لالا يعمري بعيد الشر يخش اللي يكرهوك يحياتي ها نسيت القميص ولا احب فيك شويه كمان؟ فكلهم فضلوا يضحكوا بشده فعلي ابتسم غصب عنه وتابع انزلي يحبيبه مش هعملك حاجه فحبيبه بصتله بخوف وتابعت احلف فعلي ابتسم وتابع وغلاوتك في قلب علي ماهعملك حاجه خلاص فداكي وضحك وتابع هي غلطتي فعلا علشان كنت واقف معاكي فهاله فضلت تضحك وتابعت ايوه اتعلم من اغلاطك انا لما بشوفها بتكلمك فون وبتتمشى في الشقه بمشي اراجع وراها على كل حاجه واخر مازهقت مره قولتلها والله ماهتقومي من علي الكنبه فكلهم فضلوا يضحكوا فتابع علي بضحك ايوه فاكر فاكر اليوم ده وبص لحبيبه ومد ايديه وتابع بحب يلا يبطتي علشان لسه هتختاريلي البس ايه بكره بدل اللي اتحرق ده فحبيبه بصتله بخوف وتابع والله ما مرتاحلك بس هصدقك علشان قولت وغلاوه حبيبه فكلهم فضلوا يضحكوا وحبيبه حطت ايديها في ايديه فنزلها على الارض وضربها على قفاها وتابع قدامي يلا فحبيبه فضلت تضحك وتابعت بصي ياماما بيضربني بردو مع انه حلف فهاله ضحكت وتابعت معلش يقلب ماما بينكشك النكش محبه فعلي ضحك وتابع يلا طيب سلمي على عم مالك علشان ننزل فحبيبه بصتله وابتسمت ومدت ايديها وتابعت ازيك يا عمو فعلي الاب قلبه وجعه جدا والدموع اتجمعت في عينيه ومسك ايديها وتابع بخير يحبيبتي بخير ومبسوط اوي اني شوفتك واتعرفت عليكي حقيقي انتي وخطيبك زي العسل يارب نفرح بيكم قريب يارب فحبيبه ابتسمت بفرح وتابعت شكرا بجد والله يارب يسمع منك ربنا فعلي الاب بص للاسم اللي في رقبتها وابتسم وتابع بتحبيه للدرجه دي؟ لان اكيد مش لابساها علشان ابوكي وانتي مشوفتيهوش فحبيبه ضحكت وتابعت مفيش حاجه كشفاني قد السلسله دي هو اه بصراحه انا لابساها علشان حبيبي وبصت لعلي بحب بعدين رجعت بصت للاب وتابعت انما ابويا ده انا معرفش اصلا شكله كان عامل ازاي الله يرحمه وضحكت وتابعت بس زمان بقي كل اللي يسالني لابساها ليه قبل خطوبتي كنت بقول ايه يجماعه انا اسمي حبيبه علي
فعلي فضل يضحك وباس راسها بعمق والاب قلبه وجعه وجاهد ان دموعه متنزلش وهو ميقن انه يستاهل كل اللي بيمر بيه وهاله غمضت بقهر وخدت نفسها بعمق وسكتت فتابع علي بحب طب يلا ينورعين علي وبص لهاله والاب وتابع عن اذنكم وخدها ومشي فعلي بص لهاله بقهر وتابع بدموع الله يرحمه ولابساها لخطيبها وبقيت عمو !! يظهر مش انتي بس اللي هتعاقبيني فهاله بصتله بوجع وتابعت متنتظرش اكتر من كده من بناتي وحقها تلبسها لخطيبها واديك شايف معوضها عن الدنيا كلها قد ايه فمتسيبش عيالك يجوعوا من كتر الاهمال والوحده وتزعل لما ترجع تلاقي غيرك بقي الاب والصاحب والحبيب ودقايق ولقيت كريم دخل ورزع الباب وبصله بحده وتابع انت بتعمل اييه هناا هاا فهاله مسكت كريم وتابعت بخوف بس يكريم بس اهدى هيمشي والله هما يومين وهيمشي
كريم بعصبيه يومين ايه وزفت اييه انتي ازاي تخليه يفضل ثانيتين هناا انتي كده بتهدي كل اللي انا بنيته عم مالك ايه وكلام فااضي اييه اللي قولتيه لحبيبه ازاي تخليهاا تشوفه اصلاا
فعلي اتعصب وتابع ياك هتمنعني اشوف بناتي يااك
فكريم رفع صباعه عند شفايفه وتابع بعصبيه هششش انا كلامي مش معااك اصلا انت بنسبالي وبالنسبه لبناتك ميت من 20 سنه انما انا كلامي وعتابي لخالتي ومسك دراع هاله وتابع بعصبيه ايه يا ام نيره نسيتي شكلك اللي جيتي بيه ؟!! نسيتي تعبتي قد ايه علشان تكبري بنااتك لوحدك بعيد عن اي سمعه وحشه ؟! نسيتي شوفتي ايه من وراه العمر اللي فاات كله !! ده في عز ما كل واحده في حضن جوزهاا كنتي بتحضني نفسك وتمسحي دمعتك علشان الايام تعدي واتعصب اكتر وتابع ايييه واقفته دلوقتي ودمعتين هينسووكي انا عملت اييه وتعبت ازاي لحد ماخليت بنااتك داكااتره !! فهاله عيطت بانهيار من كلامه وتابعت لا منستش ومتزيدش وجعي يا ابني بس اعمل ايه قولي انت اعمل ايه فكريم اتعصب وتابع متعمليش انا اللي هعملل والبنات دي بنااتي اناا والراجل ده هيمشي من هناا ودلوقتي حالا سبق ورفضت وجود مالك لانه هيجر اهله ورا بس كلكم كنتوا ضددي وادي البشاير بتهل واحده ورا التاانيه فهاله عيطت وتابعت حقك تقول كده ومعاك فكل كلامك وهما فعلا بناتك انت ومن حقك تختارلهم الحياه اللي هتريحهم بس ابوس ايدك يا ابني ارحم راجل كبير في سنه واسمحله يشوفهم يومين بس وهيمشي .. يومين بالعدد والله وهقولك مشيه بس كده كده سلمى هتتجوز مالك فهيجي بردو
فكريم اتعصب وتابع انا مش هوافق بالمهزله دي ومش من قله الرجاله هنجوز بنتنا لابن المحمدي سلمى وعلي بيستعبطوا وانا هعرف اقفلهم في موضوع الجواز ده والراجل ده لازم يمشي وجوده هناا هيسبب كاارثه فعلي دموعه نزلت وتابع مش هتكلم يا ابني ومش هقول اني ابوهم انا هشوف نيره واقعد يومين املي عيني منهم وهمشي خالص ومش راجع هنا تاني
فكريم نفخ بعصبيه وتابع مينفعش انت اييه مبتفهمش
فعلي دموعه زادت وتابع احب على رجلك يا ابني تسيبني اشوفهم يومين بس عشت عمري كله محروم منهم ورايح يوطي قدامه فداخله نيره اللي اتصدمت مين ده وبيعمل كده ليه وكريم مسكه وتابع بحده خلاص خلاص خليك
فنيره بصتله بذهول وتابعت ايه ده يكريم مين ده وكان هيوطي قدامك ليه !! فهاله اتصدمت بشده ومعرفتش تقولها ايه وكريم غمض عينيه وتنهد بعمق وهو مش عارف يتكلم فعلي بصلها بلهفه وعرفها لانها فيها شبه من حبيبه وتابع نيره ! فنيره اتفاجئت بلهفته وتابعت ااه انا مين ؟ فعلي دموعه نزلت فتابع كريم بتنهيده ده عم مالك جاي من الصعيد وبقوله اني رافض جواز مالك من سلمى فبيتحايل علياا فنيره اتصدمت بشده ووقفت قدام كريم وتابعت بصدمه وانت من امتى بتوصل حد لدرجه التوسل دي ! ده كان هيوطى يبوس رجلك يكريم انت اتجننت !! فكريم مسح بايديه على وشه بضيق وتابع بعصبيه نيره تسمحي تخرجي نفسك من كل ده !! فنيره اتعصبت وتابعت لا هدخل نفسي انت مين وفاكر نفسك اييه علشان كنت هتوصله للمرحله دي !! سلمى كبيرها عايش وهو يتصرف متدخلش نفسك ومتذلش الراجل بالاسلوب ده انا معرفش عنك كده يكرريم مالك جرالك ايه فكريم مسك دراعها وتابع بحده روحي اطلعي لهناء دلوقتي مش وقتك فنيره اتعصبت وتابعت انت هتطردني انا كمان !! بتعمل ايه بجد !! اوعا كده اطايب بخاطر الراجل وشدت ايديها منه وراحت لعلي اللي باصصلها بفرح ودموعه بتنزل وتابعت انا اسفه بالنيابه عنه يا ابويا ايا كان ايه سبب رفضه لمالك ايه فمينفعش يذلك انت راجل كبير وفي مقام ابوه وباست راسه فعلي غمض ودموعه نزلت بفرح وهو بيبتسم وفرح بكمله ابويا ومنع نفسه انه يحضنها بالعافيه فحط ايديه على شعرها وتابع بدموع ربنا يبارك فيكي ويحفظك يابنتي فنيره بصتله بحزن وتابعت لا والله ماتعيط ومسحت دموعه ووطت باست ايديه وتابعت حقك عليا والله وبصت لكريم بحده فتابع كريم بحده ليكي روقه معايا انتي بس الصبر وسابها ومشي فتنهدت بعمق وبصتله وتابعت بابتسامه كريم طيب وحنين والله اعذره هو بس اكيد شايف ان جواز مالك وسلمى فيه ضرر عليها فبيخاف علينا كلنا زي بعض فاتعصب غصب عنه فعلي بصلها بفرح وتابع انا مش زعلان منه والله انا فرحت اني شوفتك وجيتي دافعتي عني دي بالدنيا وحط ايديه على خدها وتابع بابتسامه ودموع كان عندي بنتي زيك كده وشبهك شويه بس مسافره بقالها سنين برا ولما شوفتك حسيت اني شوفتها فتسمحيلي اخدك في حضني؟ فنيره ضحكت وتابعت يسلام بس كده وحضنته فعلي حضنها وغمض عينيه وحضنها جامد وهو بيتنهد بارتياح وهاله بصالهم ودموعها بتنزل بقهر وقلبها واجعها فعلي باس راس نيره بعمق وفضل يمشي ايديه على شعرها وتابع ياريتها تبقى موجوده وتيجي تشوف بحبها قد ايه فنيره ابتسمت بوجع وتابعت يبختها بيك والله انا عشت عمري كله بتمنى ان بابا يكون جنبي وكريم قدر يخليني اعتمد عليه فكل الادوار في حياتي بصراحه بس لسه بتمناه وبتمني حضنه وبتمنى يسندني كل ما اقع واقعد احكي معاه وبصتله بوجع وتابعت غياب الاب في حياه اي بنت هو غياب اول حبيب وشوكه بتكسر ضهرها العمر كله بس ده لو اب يتساهل مش اب زي بتوع اليومين دول بيرموا عيالهم عادي
فعلي بصلها بوجع وتابع وانتي ايش عرفك ان ابوكي كان هيبقي زي بتوع اليومين دول؟ فنيره ابتسمت بوجع وتابعت انا ابويا كان احسن اب في الدنيا ماما كانت بتحكيلنا عليه كتير علشان كده مشي بدري الله يرحمه فهاله دموعها زادت فتابع علي بقهر الله يرحمه فنيره ابتسمت وتابعت متزعلش من كريم ها فعلي ابتسم بوجع وتابع لا مقدرش ازعل منه متقلقيش
-
تحت في حته بعيده نسبيا عن الناس كانت لميا واقفه مديه ضهرها لادهم وساكته
فتابع ادهم بتنهيده طب ايه هتفضلي ساكته كده كتير؟ فلميا لفت بصتله بوجع وتابعت وانت عايزني اقول ايه؟ فادهم راح وقف قدامها وابتسم وتابع تقولي رايك فيا هو انا كنت عايز اقابلك علشان رده الفعل دي يا لميا اخص عليكي والله
لميا بوجع كدبت عليا ليه يا ادهم؟
فادهم ابتسم وتابع الله على ادهم وحلاوه ادهم وهي خارجه منك يسلام فلميا اتعصبت وتابعت انا مبهزرش دلوقتي ..كدبت علياا لييه وليه انقذتني بمسك وليه مستخبي وليه بتغيب وتظهر انت مين اصلاا !
ادهم بابتسامه انا انس يا لميا نفسه انس اللي بتحبي تكلميه وتحكيله عن يومك ونفسه انس اللي عارف انك بتسعي تلبسي خمار زي سلمى بنت عمك لان شكلها كله عفه وعاجبك ونفسه انس اللي عارف انك لما بتزعلي بتنزلي قدام البحر وتكتبي خواطر زي علي ابن عمك انا هو هو متغيرتش يمكن اتخضيتي لفكره اني ابن عم وسام بس ده مغيرش حقيقتي
فلميا غمضت عينيها بعصبيه وتابعت بهدوء عكس ما بداخلها: حقيقتك اه واتعصبت وتابعت بدموع هناء كانت صح انا ازاي كنت غبيه كدده ازاي كنت بعرف واحد غريب كل حاجه عني وانا معرفش اصلاا اسمه الحقيقي ومن غبائي اخترعتله اسم وكملت غبااء وهو ما شاء الله معاه CV كامل عني وعن اهلي انت عايز ايه يا ادهم عاييز ايه وبتكلمني لييه ايه الاستفااده اللي بتستفدها مني مش فااهمه
ادهم بتنهيده يمكن مكنتش اعرفك لحد يوم الحادثه لما شوفتك عجبتيني وبعدها حاولت اجمع عنك معلومات وعرفت انك لميا الجارحي وعرفت بتشتغلي فين والباقي انتي عارفاه لما جيت انقذتك دي كانت اول مره تقابليني بنسبالك بس بالنسبالي انا كنت اعرفك من بدري فلميا اتنفست بعصبيه وتابعت ايووه وكل ده لييه اصلاا مش فاهمه !!
فادهم تنهد بعمق وتابع بحميكي
لميا بعصبيه بتحميني من ميين ؟!
ادهم بحده بحميكي من نفسك اللي هتضيعيها بمقالاتك ضد واحد تقيل زي عدلي الشامي
فلميا اتصدمت وبصتله بسخريه وتابعت ااه قول بقى كدده انت واحد منهم مش كده؟
ادهم برفعه حاجب واحد من مين؟
لميا بعصبيه من الكلاب بتوع عدلي الشامي وجاي تقولي كده علشان ابطل اكتب عنه مش كدده بس ده في احلامك واحلامه ورايحه تمشي فادهم مسك دراعها رجعها وتابع بعصبيه انتي رايحه فين !! هو انتي ايه مبتفهميش؟! جايه ترمي كلمتين حفظاهم وتمشي والمفروض انا اسمعك واسكت !! فلميا اتعصبت وتابعت سيب دراعي علشان مفرجش عليك الدنيا كلها دلوقتي
فادهم رمى دراعها وتابع بحده طب اسمعيني ومتحكميش عليا من دماغك
لميا بصتله بوجع وتابع اسمعك ايه وانت مين اصلا واتعصبت وتابعت انت ميين ! انا معترفه اني كنت غبيه لما قولتلك كل تفاصيل حياتي وانت استخصرت تقولي انك ادهم العامري فجاي تقولي اسمعيني بعد ايه مش فاهمه؟!
ادهم بعصبيه يابنتي انتي مكنتيش طيقاني واكيد لو قولتلك اني نفس الشخص مكنتيش هتتقبليني ومش بعيد تعملي بلوك فحبيت اكلمك كاني معرفكيش علشان اوريكي شخصيتي الحقيقيه واشوفك هتشوفيني ازاي وتحكمي ساعتها وحاولت كتير اقابلك بس ولا كنت انا بفضى ولا انتي كنتي بتفضي
لميا بعصبيه مش مبرر بردو انك تخبي عليا شكلك واسمك مش مبرر اني افضل مكمله اللعبه السخيفه دي بس انا اللي حقيقي كنت متخلفه جايز كنت بتسلى وانت بنسبالي لغز غامض زي اي لغز في شغلي بس الموضوع كبر مني اوي
ادهم بصلها بوجع وتابع لغز ! يعني انا في الاخر بقيت لغز ! تقدري تقوليلي فهمتي وحليتي ايه بقي في اللغز ده ياست لمياا ؟؟
لميا بحده مفهمتش علشان انت مش سهل والغلطه غلطتي من الاول علشان كشفتلك انا مين وانت شكلك وراك حاجه فحل عن دماغي انا فيا اللي مكفيني ورايحه تمشي فوقفها صوته لما قال: عايزه تعرفي ايه يا لميا؟
فلميا وقفت وبصتله وتابعت بوجع انت مين بالظبط وشغال ايه وليه قابلتني بمسك وليه كلمتني بغموض وليه كلمتني اصلا وليه انقذتني انا حرفيا معرفش اي حاجه غير اسم انا اخترعتهولك فادهم مسك ايديها وتابع بحب طب تعالي ورجعها وقفت قدامه وتنهد وتابع انا ادهم العامري ابن عم وسام وعندي اخت واحده اسمعها زينه وابويا متوفي وشغال ايه دي مش هقدر اقولك دلوقتي وليه قابلتك بمسك لاني مكنتش عايز رجاله عدلي تشوف ملامحي وليه انقذتك لانك تهميني وشغلتيني من يوم ما شوفتك ساعه الحادثه وخوفت عليكي من الناس دي وليه بكلمك لاني بحبك فلميا اتفاجئت بشده فتابع ادهم ومرضتش اكشفلك عن وشي علشان حبيت يكون وش لوش مش تشوفيني لاول مره في مجرد صوره او فيديو ومعرفتش بردو اقابلك لاني متراقب زيي زيك .. ها في ايه تاني عايزه تعرفيه
فلميا بصتله بذهول وتابعت انت بتهزر صح على اساس اني كده ارتاحت !! فادهم تنهد وتابع انا قولتلك كل اللي اقدر عليه صدقيني
لميا بعصبيه هتستخبى من رجاله عدلي ليه غير لما يكونوا يعرفوك وشغلك ايه اللي مش هينفع تقولوا انت اتجننت صح ولا فااكرني اانا مجنونه وجاي تسرح بياا وتقولي بحبك ! ليه عبيطه انا ولا هبله عايزني احب مين واتجوز مين اصلا
ادهم بعصبيه عايزك تبطلي العك اللي بتعمليه ده وتسيبي عدلي في حاله وتسيبي مهمه انكشافه ومحاسبته دي للي يعرفوا يعملوا كده وتحافظي على نفسك انتي بنت وساعتها اه هتجوزك انما بالوضع ده مش هتعيشي اصلا
فلميا بصتله بذهول وتابعت بعصبيه انت بتهددني يحيوان !! على اساس ايه على اساس ان انت من الناس اللي هتحاسبه !! ده انا اقطع دراعي ده ان مكنتش معااه وكل ده فيلم معمول عليا بس لاا انسى يا ادهم انسى اني احبك ولا ابصلك ولا اسيب قضيتي ده بعينك وعينه ورايحه تمشي فتابع ادهم بوجع على اساس محبتنيش؟ فلميا الدموع اتجمعت في عينيها وبصتله وتابعت انا حبيت اه بس انس .. انس اللي رغم غموضه كان شخص مريح ومرح وحنين وكلامه دافي وكنت بطمن بكلامي معاه انما انت لا انا موقفتش معاك غير دققتين وخليت دماغي هتنفجر وقلبي مرعوب ودموعها نزلت وتابعت لو كنت اعرف ان ظهور انس هيتعبني كده مكنتش اتمنيت اشوفه ابدا
فادهم ابتسم بوجع وتابع عرفتي كدبت عليكي وخبيت نفسي عنك ليه؟
لميا اه علشان تخدعني وتداري حقيقتك الزباله اللي حواليها 100 شك مش كده؟
ادهم بوجع لا .. علشان عمرك ماكنتي هتحبي ادهم وتفهمي اللي هيقوله زي ما مفهمتيش دلوقتي .. بس هتحبي انس لانه بنسبالك لغز غامض زي ماقولتي وانتي تعشقي تدوري ورا اي حد فبدل ماكنتي بتدوري وراه لقيتي نفسك حبيتيه وعلى فكره حبتيني علشان دي مشاعر حقيقيه ووصلتلك انا مكنتش بكدب عليكي فكلمه واحده من اللي قولتها ومعملتش كده علشان اوقعك زي مابتقولي انا فعلا بحبك
لميا بدموع مالك بعدلي الشامي وعايز تبعدني عن قضيته ليه يا ادهم ريحني وقولي بدل مانا في 100 سؤال في دماغي وشيفاك انسان قذر دلوقتي ووافق يشاركه فكل الجرايم دي
ادهم بوجع مش هقدر اتكلم ومكنتش هتكلم ولا اوريكي نفسي خالص دلوقتي بس تعبت من الهروب وحبيت ابصلك بجد واكلمك ولو لمره واحده وهتقبل كلامك كله في حقي دلوقتي علشان معنى كده انك مش موافقه تتجوزيني وانا مش عايزك تبقي قريبه مني اصلا الفتره دي علشان تفضلي بخير فلميا بصتله بوجع وتابعت بدموع تمام انت اللي اختارت تسكت وتخسرني فادهم راح وقف قدامها وتابع مش مهم اخسرك دلوقتي مؤقتا بس هكسبك قدام العمر كله وباس جبينها بعمق وهمس خلي بالك من نفسك ابوس ايدك ومشي ولميا دموعها نزلت بقهر وحست انها هتموت وتنفجر من العياط جواها حاجه مصدقاه والف حاجه رافضه تصدقه ومع ذلك جزء منها كان فرحان انها اخيرا شافت حبيبها وملامحه اللي أثرتها كأن احلامها في الراجل اللي عايزه تتجوزه اتجسدت قدامها بالمللي ... وفي نفس الوقت كريم كان واقف وشافه لما مشي واستغرب وراح مسك دراع لميا فاتخضت بشده وخرجت من سرحانها فتابع كريم بحده مين الراجل ده وكان واقف معاكي يعمل ايه؟؟ فلميا اترعبت وتابعت بخوف ده ده قريب وسام وكان بيسألني عنه يحبيبي وقولتله انه فوق بس فكريم اتعصب وتابع طب غوري اطلعي لاختك فوق يلا ومتنزليش وسط الرجاله تاني فلميا هزت راسها بماشي بلهفه وتابعت حاضر ورايحه تمشي فتابع كريم بحده وسلمى فين دورت عليها فوق مش موجوده؟ فلميا بصتله وتابعت في شقتهم يحبيبي راحت مع حبيبه يعملوا حاجه وجايين فكريم هز راسه بماشي ولميا مشيت وهي بتمنع دموعها وادهم كان باصص عليها فعلي استغرب هو باصص ومركز على مين فبص لقى لميا اللي لسه ماشيه فطبطب على كتفه وتابع مش اتعلمنا في بيوتنا انه عيب كده بردو ولا انت اهلك مكانوش فاضيين يربوك يغالي؟ ومسك جاكته وتابع لو مكانوش فاضيين انا معنديش مانع فادهم اتخض وتابع اهدى بس وصلي على النبي
علي بحده عليه افضل الصلاه والسلام يسيدي واقف بتبص على بنت عمي ليه بردو فادهم اتوتر وتابع انا بشبه عليها بس انما مبصتش يجدع اتقي الله عندنا اخوات بنات ابص ايه بس
علي بعصبيه قول لنفسك وبعدين انت بتستعماني انا شايفك وانت هتاكلها بعينيك وبصله بتركيز وتابع انا شوفتك قبل كده صح؟ فادهم اتفاجئ فضل يضحك وتابع مش معقول كده كلكم ذاكرتكم وحشه وهمشي اقول لنفر نفر ان انا اللي خبطت الجماعه بتاعتك بالعربيه فعلي اتفاجئ وتابع بذهول ايوه ايوه افتكرتك ومسكه من لياقته جامد وتابع بحده انت بتعمل ايه هنا بقى ياالا
فادهم اتفاجئ وتابع يالا !! اقسم بالله انا ما عايز ازعلك اكراما للعروسه هتعيط لو شافتك مضروب
فعلي رفع حواجبه بتمثيل اندهاش وتابع لا خوفت وضربه بالراس كان هيوقعه فادهم تاوه بوجع وتابع بضحك لالا كده مش صح انت خدتني على خوانه مش اخلاق محامين دي يامتر كل ده علشان فاكرني بصيت اومال لو مسكت ايديها هتعمل فيا اييه فعلي اتعصب وتابع لا انا مبقولش بس جرب ياروح امك وانت ساعتها تشوف هيحصلك ايه لان احنا بناتنا محدش يقدر يرفع عينيه فيهم ومسكه من قميصه ورايح يضربه فادهم ضحك وتابع لالا خلاص والنبي وانا اسف انت اييه ضرب ضرب مفيش شتيمه والله ما في نيتي حاجه انا بصيت عادي انت ايه معندش اخوات شباب فعلي بصله بضيق وتابع لا معنديش نحمد ربنا ابويا ريحني من الجيش فادهم فضل يضحك بشده وتابع الجيش خسر راجل جدع عامه انا هقولهم انك ملاكم زي الفل واخليهم ياخدوك عِند فعلي ابتسم بسخريه وتابع خفيف يلا واتعصب وتابع اخلص جاي لمين هنا؟ فادهم ضحك وتابع ابن عم العريس والمصحف اكيد مش هاجي تلزيق واهين كرامتي زياده على اللي حصلي ده فعلي بصله بتفاجئ وتابع انت ابن عم وسام !! فادهم ضحك وتابع شوفت الصدف سيب الجاكت علشان عيب انا في مقام اخو العريس وانت بهدلتني خالص فعلي بصله بضيق وزقه ومشي وادهم فضل يضحك وتابع الله يخربيتكم عيله هاخدها من وسطكم ازاي بس ده قسما بالله وسام ده بطل ومالك شافه فتابع بتفاجئ ادهم !! فادهم بصله وتابع بضحك وتفاجئ ايه ده ايه ده عاش من شافك وحضنه فمالك ضحك وبداله الحضن وتابع يبقى شكي في محله ووسام من عيلتك فعلا
ادهم بضحك اه ابن عمي فمالك ابتسم بتفاجئ وتابع انا حسيت والله لما لقيت اسم عيلته العامري وجيت في بالي علطول عامل ايه يحيوان واحشني
ادهم بضحك بخير يغالي والله انت ايه الدنيا في الشغل وبتعمل ايه هنا
فمالك تنهد وتابع انا واخد اجازه بقالي فتره ونفسيتي تعبت من كل حاجه والله وجيت هنا علشان خطيبتي هنا هتجوز سلمى الجارحي قريب ان شاء الله
فادهم فتح عينيه بتفاجئ وتابع بضحك لا بتهزر اخت علي !! ملقتش الا اخت علي يا مالك !! فمالك ضحك وتابع ماله بس علي ده سكر عملك ايه
ادهم بضحك ياخي بس بلا سكر ده اداني براسه من شويه والله دماغي مصدعه من ساعتها فمالك فضل يضحك بشده وتابع اكيد عملت حاجه علي مش بيتعصب من فراغ على فكره
فادهم ضحك وتابع بصيت على لميا وهي طالعه فشافني ابن الجزمه فمالك اتفاجئ وفضل يضحك بشده وتابع طب اهو يبقى تستاهل قسما بالله دول مبيهزروش في الكلام ده احنا صعايده يابا فادهم ابتسم وتابع عارف والله وعايزها بس مش وقته خالص اتكلم فهسكت دلوقتي فمالك ابتسم وتابع عايزها !! يبقى وراك اسرار انت يا ابن الكلب انا حاسس تعالى وحط ايديه على كتفه ومشيوا وهما بيتكلموا
-
وفي شقه رانيا كانت مفتوحه وحبيبه وسلمى فيها فدخل كريم وهو متعصب وتابع سلميي انتي يا زفتهه فسلمى اتخضت بشده وخرجتله هي وحبيبه وتابعت بخوف ايه يكريم في ايه؟ فكريم مسك دراعها جامد وتابع بعصبيه انتي مين قالك انك هتتجوزي الحيوان اللي اسمه مالك ده هاا فسلمى خافت وتابعت بتلعثم: محدش ..محدش قالي حاجه انا قولتله اني سيبالك انت وعلي الموضوع ده والله العظيم
كريم بعصبيه وانا مش موافق بالحيواان ده انتي بتستعبطي لو فكرتي ان سعادتك معااه احنا نعرفه منين اصلاا علشان نجوزهولك ده انتي لبستي مصيبه مع واحد عشرنااه سنتين ماابالك ده اللي يادوبك 4 شهور
حبيبه بتوتر ايوه يكريم بس هو عمل اللي يثبت انه بيحبها فعلا وشاريها و
فكريم قاطعها بعصبيه وتابع انتي تخرسي خاالص انا موجهتلكيش الكلام دلوقتي فسلمى دموعها نزلت وتابعت ولو قولتلك اني عايزاه يكريم؟
فكريم بصلها بصدمه وتابع بعصبيه عاايزه مين ! عايزه مالك ! ليه تعرفيه منين اصلاا علشان تتعلقي بيه بالطريقه دي ! ولا تكوني بتكلميه من ورانا يسلمى؟
فسلمي عيطت بخوف وتابعت لالا والله مش بكلمه من وراكم ولا حاجه لما بيكلمني علي بيبقى عارف والله و
فكريم قاطعها بعصبيه وتابع علي ده اتجنن ولازمله قااعده انما بالنسبه لمالك انا مش موافق ومستحيل اوافق انسي الموضوع ده خالص يسلمى فتابع علي بحده من وراه :بس انا موافق
فسلمى وحبيبه بصولوا بلهفه وسلمى دموعها نزلت فراح علي وقف قصاد كريم وشد دراع اخته ووقفها وراه فكريم بصله بصدمه وتابع مكنتش بتهزر في المكتب ؟! فعلي ابتسم وتابع تؤ ..كنت بقولك الحقيقه انا فعلا موافق بمالك وجو انك تحكم على بيتي وانا عايش ده بطلنااه وعايز تيجي فرح اختك اهلا وسهلا مش عايز هنفرح بردو وهنعتبرك موجود علشان منزعلش نفسنا فكريم ابتسم بوجع وتابع سامعه كلام خطيبك يحبيبه؟ فحبيبه بصت للارض بحزن مش عارفه تعمل ايه واقفه حيرانه بين اخوها وحبيبها فتابع علي بعصبيه كلامك معايا انا مالكش دعوه بحبيبه زي مانا طلعتها براناا لما طلعت خطيبها كدااب وقولتلها اخوكي اتعاملي معاه عادي
فكريم بصله بتفاجئ وتابع لا والله انت كمان كنت عاايز تبعدهاا عني مثلاا لا برافو يعلي فعلي اتعصب وتابع انا مبعدتهاش ومش هبعدها لان حبيبه روحها فيك بس بوريك اني مش بحطها بينا علشان هي اللي هتتعب. فكريم تنهد وتابع وانت شايف انك كده صح لما توافق على جوازه كبيركم رافضها؟ فعلي بصله وتابع انا ماليش كبير كبيري الله يرحمه واخويا الله يعينه على حاله ويقويه على اللي جاي يشوف هيسد الفلوس اللي هتتسرق منه ازاي فانا كنت ممكن احترم رايك كإبن عم العروسه لو في سبب للرفض انما السبب اللي انا وانت عارفينه ميخصنيش وميخصش سلمى ومالك فمش هوقف سعاده اختي تحت اي سبب فكريم بصله بوجع وتابع تسلم يعلي ومشي فحبيبه دموعها نزلت
--
عند هناء ووسام كانوا قاعدين على الكنبه في اوضتها وصوت الاغاني هادي والبنات حواليهم بس بيتكلموا ومش مركزين معاهم
فاسيا بصتلهم وتابعت بابتسامه احنيهالك بكره ولا مبتحبهاش فوسام بصلها وتابع بضحك لاا اياكي بلاش الكلام ده خليها كده زي القمر شمعه منوره فكلهم فضلوا يضحكوا فتابعت اسراء بضحك طب ده احلى حاجه الحنه والرسومات وتكتشفهم رسمه رسمه بقى فهناء اتكسفت وكلهم فضلوا يضحكوا فتابعت إيلين بضحك اقعدي ياتربيه وسخه انتي اختي على فكره وجيتي بيت الجارحي بالغلط
فوسام فضل يضحك بشده وتابع محنا كده كده بنكتشف مش لازم رسومات خلاص فهناء ضحكت وضربته بقبضه ايديها على صدره وتابعت اتلم هاا فوسام فضل يضحك وتابع الحق عليا بريحك من الرسم والمرار ده ؟ ..فاسيا ضحكت وتابعت ايوه حنين مش هاين عليه يقعدك 100 ساعه تنشفي الرسومات فهناء ضحكت وتابعت ريحني فعلا بس انا عايزه اسمك بس يوسام علشان خاطري فوسام غمز لاسيا وبص لهناء وتابع هترسميه فين؟ فكلهم فضلوا يضحكوا بشده وهناء شهقت بحرج وفضلت تضربه على كتفه كذا ضربه متتاليه وتابعت بضحك وانت مالك انت ياللي مشوفتش رباايه هاا فوسام فضل يضحك وتابع خلاص خلاص والله وبص لاسيا وتابع ارسميلها اسمي يااسيا زي ماهي عايزه ونبقى نكتشف احنا زي ماقالت اسراء فكلهم فضلوا يضحكوا بشده ولميا كانت واقفه سرحانه فتابعت هناء باستغراب من بين ضحكها مالك يا لولو في ايه؟ فلميا فاقت من سرحانها وتابعت ها لا مفيش يحبيبتي وابتسمت وتابعت عن اذنكم هعمل حاجه وجايه تاني وخرجت راحت على المطبخ ودموعها فضلت تنزل وهناء مصدقتش فهمست لوسام حبيبي هقوم ثواني وجايه ها .. فوسام مسك ايديها وتابع رايحه فين اياكي تخرجي برا اوضتك كده ممكن اي حد يطلع فهناء ابتسمت وتابعت متقلقش باب الشقه مقفول لو حد خبط هاجي انا وهخلي لميا تقتح فوسام هز راسه بالموافقه فرايحه تمشي كانت هتقع من الكعب فوسام قام سندها بخوف وتابع يابنتي يابنتي قولتلك بلاش الكلام ده فهناء مسكت في جاكته وفضلت تضحك وتابعت الحمدلله انك قومت كنت هتكسر قبل فرحي فوسام ضحك وتابع عين ياروحي حسدوكي يوغتي وباس خدها فهناء اتكسفت وتابعت بضحك اتلم بس و اوعى كده .. فوسام ضحك وتابع هوعى حاضر استني بس ووطى يقلعها الهيلز فهناء ابتسمت ووشها احمر وتابعت لالا وساام
وسام بابتسامه خفي عبط هاا وقلعها الهيلز ووقف رجليها الاتنين على الارض وكلهم باصينلهم بحب وقام وقف ومسك ايديها رفعها باسها وتابع بحب اظن انتي بقيتي مراتي وبقينا واحد فمفيهاش حاجه لما اوطى اقلعلك الهيلز اكيد مش هخليكي انتي توطي وفستانك قصير كده فهناء بصتله بحب والدموع متجمعه في عينيها ووقفت على اطراف صوابعها وحضنته جامد وتابعت بهمس قلب وعيون مراتك انت والله فوسام حط ايديه على ضهرها وضمها جامد فاسراء ضحكت وتابعت هناء كنتي رايحه تعملي حاجه ياروحي
فكلهم فضلوا يضحكوا بشده فتابع وسام بضحك ده انتي قطاعه ارزاق يشيخه فهناء ضحكت وتابعت نساني اللي عايزه اعمله من دلوقتي ما بالكم لما اسافر معاه والله ماهعرفكم تاني
فكلهم فضلوا يضحكوا فتابعت اسيا بضحك واطيه وتعمليها فهناء ضحكت وخرجت من الاوضه وراحت المطبخ شافت لميا بتعمل شاي ودموعها على خدها فحطت ايديها على ضهرها وتابعت بقلق مالك يا لميا في ايه ومتقوليليش مفيش علشان مش هصدقك وبتعملي ايه ده وقته شاي فلميا بصتلها وتابعت بتنهيده بعمله لكريم ومتقلقيش انا فعلا كويسه وبصت على الكاتل مستنياه يطفي فهناء وجهت وشها ناحيتها وتابعت على اختك؟ فلميا دموعها نزلت وتابعت انا شوفت انس فهناء اتصدمت بشده وتابعت نعم !! شوفتيه فين وروحتي امتى انتي اتجننتي !
لميا بوجع هو اللي جالي لحد عندي مش انا اللي روحت انس هو نفسه ابن عم جوزك
هناء بصدمه شديده ادهم !
فلميا اتصدمت وتابعت انتي تعرفيه ؟!
هناء بذهول ااه طبعاا وبتكلم معاه كتير لما يكون مع وسام ومش مستوعبه ازاي هو نفسه انس
لميا بوجع ولا انا مستوعبه ولا عارفه ليه كدب عليا وخبى حقيقته وبصتلها بلهفه وتابعت طب بما انك تعرفيه هو شغال ايه يا هناء عرفيني ابوس ايدك
هناء باستغراب لا طبعا معرفش ووسام عمره ما قال قدامي بس اشمعناا هو مقالكيش شغال ايه؟
لميا هزت راسها بـ لا بحيره وتابعت لا وشكله وراه مشاكل كتير وانا زي العبيطه قولتله كل حاجه عني
هناء بحزن انتي حبيتيه يا لميا مش كده؟ فلميا بصتلها بوجع والدموع في عينيها وتابعت حبيت انس ومسكت الكاتل تصب الشاي وتابعت انما ادهم ده حد مريب جدا بنسبالي وخايفه منه وشايفه في عينيه غموض وجوايا شكوك بالنسبه لشغله لو اتاكدت منه يبقي انا كنت اغبى واحده في الدنيا
فهناء استغربت وتابعت شكوك ايه؟ فلميا مسكت الكوبايه وتابعت لما اتاكد هقولك ومشيت وسابتها مستغربه ومصدومه جدا من فكره ان انس اللي ياما حذرت اختها من الكلام معاه هو نفسه ادهم فقاطع تفكيرها دخول وسام للمطبخ وتابع بضحك اخيرا اتلميت عليكي لوحدناا ده انا مش عارف اتنفس منهم فهناء ضحكت وتابعت كل قله الادب دي ومش عارف تتنفس بردو؟ فوسام ضحك وتابع لا ده تمهيد ده لسه مفيش قله ادب جات ولا حاجه وحط ايديه على وسطها وشدها ليه وتابع بحب بوسه بالادب علشان نطلع بسرعه يلا
فهناء وشها احمر وفضلت تضحك وتابعت والله لو عملت ايه انسى وابعد كده علشان لو كريم طلع وشافك لازق فيا اللزقه دي وبالفستان الكب بتاعي ده هيلزقنا انا وانت في الحيط فوسام بصلها بهيام وتابع والله انتي مراتي يعني ولا كريم ولاغيره ليه عندي حاجه فهناء ضحكت وتابعت طب والله يوسام كان ملبسني طرحه علشان يداري كتافي وصدري بس رميتها لما نزل فوسام بصلها بتفاجئ وتابع بتهزري صح !
هناء بضحك والله ابداا قالي حطي طرحه فعلا بس انا شيلتها عيب عليك اصل هخبي نفسي من مين ياناس من نفسي وروحي؟
وسام بصلها بحب وتابع ادي بقي الكلام اللي هيخلي الواحد ميعملش اعتبار لانه في المطبخ دلوقتي ده بس لا جدعه يابت هناء تخبي نفسك من مين صح ده انتي كلك ملكي خلاص ووطى راسه يحضنها ويدفن وشه في رقبتها فهناء فضلت تضحك بشده وتابعت وسام وسام والله ماهينفع حركاتك دي ابعد شكلنا هيبقى وحش لو حد جيه فوسام اتأثر بريحتها وتابع بهمس قولتلك بوسه وهطلع والله فهناء ضحكت وتابعت طب حاضر بس قولي ادهم شغال ايه؟ فوسام استغرب ورفع راسه بصلها وتابع انتي بتقايضيني؟ وبعدين مالك انتي بادهم وشغله
هناء بتوتر لا يحبيبي مش بقايضك طبعا بس عايزة اعرف فعلا وهفهمك ليه بعدين؟
وسام بتنهيده ميخصناش يهناء يشتغل ايه وميشتغلش ايه هو ليه 100 مجال وماسك شركه ابوه الله يرحمه بردو بس مالك بيه مش فاهم
هناء بتوتر هفهمك والله بعدين المهم خلاص متضايقش نفسك هي خرجت مني بتلقائيه بس اكيد مش هقايضك علشان حاجه زي دي فوسام تنهد وتابع طيب ورايح يخرج فمسكت ايديه وتابعت بضحك لالا والنبي ماتتقمصش تعالى هات بوسه وحياتي
فوسام ابتسم غصب عنه وتابع طب ما كان من الاول فهناء ضحكت وتابعت كنت بتقل بس لقيتك هتطلع بجد قولت الحقك فوسام فضل يضحك ورايح يقرب فهناء شهقت وتابعت لالا رايح فين يغالي انا اقصد خدي واديته خدها فوسام فضل يضحك وتابع خدك دي قدام الناس بس لما واحد ومراته يكونوا لوحدهم فتحترمي نفسك وتتقي الله وشدها ليه باسها بحب وهناء ايديها كانت حوالين رقبته وفي داخله اسراء المطبخ شايله صنيه فشافتهم اتصدمت وشهقت بحرج والصنيه وقعت منها فخضتهم بشده وبعدوا عن بعض وهما بيتمنوا الارض تنشق وتبلعهم فاسراء فضلت تضحك بشده وتابعت انتوا بتعملوا اييه يخربيت اهلككم فهناء بصتلها بخوف وتابعت بلهفه وحرج هشش هشش انتي ايه مبتفهميش وطي صوتك
اسراء فضلت تضحك وتابعت استغفر الله العظيم استغفر الله العظيم يارب وانا والواد دورنا امتى في المسخره ديي
فوسام وهناء اتفاجئوا وفضلوا يضحكوا بشده فتابع وسام من بين ضحكه :طب تمام الحمدلله جات في اسراء الفرع اللي مترباش في عيلتكم وطلع وهو بيضحك بشده فهناء ضحكت وتابعت الله يخربيتك بتقولي ايه يحيوانه انتي فاسراء فضلت تضحك وتابعت ياختي فرفشي ده جوزك حلالك محدش واخد منها حاجه معرفش مكسوفه على ايه هو حد طايل فهناء فضلت تضحك بشده
-
وتاني يوم الصبح بدري في بيت علي كان الكل لسه نايم والباب خبط فصحي من النوم وبص لقى الساعه 8 ففتح الباب وهو بيتاوب كانت حبيبه فساب الباب مفتوح وتابع دي مواعيد دي يشيخه حرام على اهلك ده انا قافل معاكي بعد الفجر فحبيبه بصتله بذهول من شكله وتابعت انت ازاي تفتح من غير التيشرت افرض مش انا !! انت اتجننت يعلي ! فعلي ضحك وتابع وهو بيمشي ناحيها على اساس انتي حلال وكده وغمز فحبيبه ضحكت ومسكت المخده من على الكنبه وزقيته بيها وتابعت بضحك ابعد بدل ما قسما بالله الم عليك البيت كله واقول بيتحرش بيا فعلي فضل يضحك وتابع بتزقيني بالمخده يابنت الكلب ليه شيفاني وباء وبعدين ده انتي اللي جيالي عايزه ايه على الصبح يحبيبه اخلصي فحبيبه بصتله بحب وتابعت هقولك والله بس ننزل عزماك على الفطار برا ممكن
فعلي بصلها برفعه حاجب وتابع ده على اساس ان انا علشان سيبت الشغل بقيت بشحت وهاكل من فلوس حريم على اخر الزمن ! فحبيبه بصتله بتفاجئ وتابعت حريم ايه وكلام فاضي ايه بس يعلي انا حبيتك يعني احنا واحد يحبيبي وبعدين مانت ياما صرفت فيها ايه لما انا اعزمك مره واحده يعني علشان مبسوطه حبتين فعلي تنهد وتابع يارب دايما مبسوطه يحبيبي بس احنا واحد فكل حاجه الا الفلوس ده واجبي اني اصرف عليكي العمر كله انما مخدش منك انتي جنيه انتي عبيطه ولا ايه !! فحبيبه ضحكت وتابعت عارفاك والله مش هتتنازل فهستسلم انا كالعاده روح البس بس بسرعه مستنياك فعلي بصلها من فوق لتحت وتابع انتي هتنزلي كده؟ فحبيبه بصتله باستغرب وتابعت اه في ايه؟ علي بحب في ان حلاوتك زايده في الطقم ده فهتروحي تغيريه فحبيبه بصتله بذهول فتابع علي بضحك ايوه زي ماسمعتي كده متستغربيش انا لما بشوفك حلوه زياده مش بحب انزلك مهما كنتي شيك علشان محدش يشوفك كده فا يلا يحبيبي زي الشاطره تروحي تغيري وخليكي معفنه حبتين فحبيبه ضحكت وفضلت تضرب في كتفه وتابعت بضحك معفنه يمعفن ماشي يعلي ليلتك سودا بس مش هنكد من اول اليوم علشان مبسوطه بس
فعلي فضل يضحك وتابع يلا يحبيبه بجد روحي مبهزرش عايزين نشوف فطار ايه اللي مصحيانا عشانه 8 الصبح ده فحبيبه بصتله بضيق وتابعت حاضر وراحت بالفعل غيرت ولبست الجمب سوت الجينز وتحتها بدي كب اللي راحت بيها الفندق ساعه فرح اسيا وراحت خبطت فعلي فتحلها كان لابس تيشرت اسود ضيق عليه وبارز عضلات جسمه ودراعه وبنطلون جينز ومسرح شعره ودقنه وريحه البرفيوم بتاعته فكل مكان فحبيبه بصتله بحب وابتسمت وتابعت يخرابي ياناس على حبيبي وجماله ومسكت دقنه وتابعت بضحك والحلويات اللي هتوحشني دي فعلي ضحك وتابع لا متقلقيش مش هحلقه ساعه فرح سلمى جربت ساعه خطوبتنا وحلفت ماهعيد التجربه فحبيبه ضحكت وتابعت انا مقصدش سلمى فعلي استغرب وتابع اومال ايه فحبيبه بصتله بحب وتابعت هقولك
ورايحين ينزلوا مالك فتح الباب وبصلهم بتفاجئ وتابع الله الله رايحين بدري فين وبتتسحبوا وانتوا متظبطين كده فحبيبه رايحه تتكلم فتابع مالك : اقولكم انا دي واقفه ريحتها ورقتين عرفي رايحين تضربوهم من ورانا
فحبيبه فضلت تضحك فتابع علي اقولك انا هضرب مين ومتزعلش ورايح ناحيته فحبيبه مسكته ومالك فضل يضحك وتابع لالا والنبي خلاص حقك على راسي بنهزروا معاك متبقاش دمك حامي كده الله فحبيبه ضحكت وتابعت رايحين نفطر يا ابو لسان طويل
مالك بضحك حلو النشاط ده خدوني معاكم انا والبت لوما فعلي مسك ايد حبيبه وتابع بعينك انت ولوما ونزلوا وحبيبه بتضحك واتمشوا فرفيده كانت راجعه من برا ونازله من عربيتها ووقفت بصت عليه فحبيبه اتغاظت جدا وبصت لعلي لقيته مش باصصلها وماشي عادي فشبكت ايديها في ايديه بامتلاك ومشيت وهي بتتجاهلها وركبوا تاكسي وتابع هتروحي فين فابتسمت وتابعت ايه رايك الممشى ونفطر في اي كافيه تحت بس بعيد عن البحر شويه ؟ فعلي ابتسم وتابع تمام ماشي الممشى يسطا وبالفعل اتحركوا وشويه ووصلوا ونزلوا تحت وطلبوا الاكل فعلي ابتسم وتابع ايه بقي سر النشاط العجيب ده وانا بصحيكي كل يوم بعد الضهر بالعافيه؟ فحبيبه تنهدت وتابعت توعدني انك متزعلش مني ها؟ فعلي استغرب وتابع في ايه يحبيبه؟ فحبيبه اتوترت وتابعت هقولك والله وبصتله والدموع متجمعه في عينيها وابتسمت وتابعت علي انا بحبك واظن انت عارف غلاوتك جوايا قد ايه وقابله بيك وبظروفك وجنبك لو كل الدنيا ضدك بس انا علشان بحبك فطول الوقت دماغي بتفكر ازاي اساعدك تبقى انجح حد في الدنيا وتحقق حلمك وتنهدت وتابعت ولان الدنيا مفيهاش صدف وكل حاجه بتحصل ليها اسباب فانا فهمت دلوقتي ليه ربنا رمى ايلين في طريقي انا بالذات .. فعلي استغرب وتابع مش فاهم ومال إيلين بحياتي؟ فحبيبه ابتسمت بدموع وتابعت لما انقذت حياه إيلين يوميها باباها فضل يتحايل عليا اخد مقابل او اطلب منه اي مساعده بس انا رفضت وبصراحه هو حد جميل اوي واعتبرني زيها بالظبط بس فضلت شايله الكارت بتاعه ده العب بيه في وقت عوزه مع اني عارفه ان انكل مستحيل يتاخر عليا في اي وقت بس انا مش حابه اتقل عليه فقولت هسيبه لوقت فعلا ما احس اني محتاجاه ومطلبتش منه مساعده غير لما انت اتحبست وبعتلنا امجد ووقف جنبنا بالفعل وقالي صممي ارفعي رد شرف وكأن شيئا لم يكن وتنهدت بعمق وتابعت وبعد كل اللي مريت بيه وكميه الصعوبات اللي قابلتها في كل شغلانه اشتغلتها انا مكنتش بعرف انام وفضلت افكر علي نفسه في ايه؟ علي عايز يبقى ايه علشان يحب شغله ويكمل فيه مش مجرد وظيفه بتجبله فلوس وخلاص وابتسمت بدموع وتابعت وتوصلت للاجابه وطلبت مساعده انكل وهو متأخرش ولسه مش هيتأخر ولانك حبيبي واهلك اهلي فكان سهل عليا جدا اجيب بطاقتك والديتلس كلها عنك واقدملك الكتروني علشان تحقق حلم حياتك وحطت قدامه كرت التردد للمتقدمين لكليه الشرطه فعلي بصلها بذهول شديد فتابعت بدموع وحب والباقي انا مش هقدر اعمله انا قدمتلك الكتروني وجالي الميعاد بس انت لازم تكمل وتروح وانكل وعدني انه هيساعد في قبولك وهيتوسطلك علشان تكمل حلمك فمبروك يحضرة الظابط ملفك اتفتح رسميا فعلي حط ايديه على وشه ودموعه نزلت بغزاره وانهيار وهو مش مصدق ولا مستوعب اللي بيتقاله فحبيبه عيطت وتابعت والنبي لا وقامت شدت كرسيها جنبه ومسكت ايديه وتابعت بعياط والنبي يعلي علشان خاطري ماتعيط انا قصدت افرحك والله فعلي بصلها ودموعه زادت وتابع انا مش عارف اقول والله ما عارف اقول ايه وفضلت دموعه تزيد وحضنها جامد فحبيبه حضنته اكتر وفضلت تعيط وتابعت مع ان يعز عليا ان فرحنا هيبقي بعد سنتين مش 5 شهور بس والله راضيه المهم انت تحقق حلمك ينورعيني فعلي دموعه فضلت تزيد وتابع حبيبه انا مش مستوعب عملتي كده ازاي !! مش قادر افهم امتى وازاي فحبيبه بصتله وفضلت تمسح دموعه وتابعت بدموع وحب التقديم الكتروني سهل ودفعت الفلوس وروحت طبعت الكرت الترددي وجبتهولك اهو يعني انا دبستك انما الباقي لازم انت بنفسك اللي تروح علشان كده عايزاك اليومين دول تروح جيم وتبطل سجاير علشان اختبار الجري متتعبش فيه والفلوس اللي هتحتاجها بعدين من جوه الكليه لهدوم وحاجات كتير معايا متشيلش هم
علي بصلها بذهول وتابع معاكي ازاي جبتيهم منين مش فاهم ! فحبيبه ابتسمت بدموع وتابعت والله معايا وفتحت شنطتها وتابعت بابتسامه بص دول 30 اتبقوا بعد ما صرفت الفلوس المبدائيه للتقديم فعلي اتصدم وبصلها وتابع بحده انتي جبتي منين الفلوس دي كلهاا استلفتيهم من مين ؟!! فحبيبه ابتسمت وتابعت مستلفتهمش والله العظيم متقلقش
علي اتصدم وتابع بحده انتي بتتنيلي تقولي اييه اما مستلفتيهمش جبتيهم منين يحبيبه !
حبيبه بابتسامه ودموع مش عايزه اقول يعلي وعلشان خاطري متضغطش عليا
فعلي اتعصب ورايح فلفت انتباهو رقبتها الفاضيه فاتصدم بشده وتابع سلسلتك اللي بإسمي فين يحبيبه؟؟
فحبيبه بصتله بتوتر وتابعت بدموع هعوضها والله هعوضها بس اهم حاجه انت دلوقتي
فعلي مسك دراعها فخافت والدموع اتجمعت في عينيه وتابع انتي بتخرفي بتقولي ايه !! انتي بيعتي السلسله اللي جيباها بجمعيه دخلتيها وانتي عيله يحبيبه !! بيعتي السلسله اللي بتحبيها وبتتجنني لو وقعت منك !!! ودموعه نزلت وتابع ده انتي مبتقلعيهااش حتى لو بتاخديي شااور هانت عليكي ازاي فهمينيي
حبيبه بصتله بحب ودموع وتابعت لا سبق وقلعتها علشانك بردو ولا نسيت لما رهنتها علشان يدخلوك المستشفى؟؟ وحطت ايديها على خده وتابعت بدموع انا الدنيا كلها تهون علياا مقابل اشوف علي مبسوط ومرتاح سبق وقلعتها علشانك ودلوقتي بردو قلعتها علشانك وابتسمت بدموع وتابعت ولما فكرت البسها بردو لبستها علشانك انا حبيتك انت مش السلسله يعلي واسمك محفور جواياا حتى لو مفضلش في رقبتي فعلي دموعه زادت وتابع ليه يحبيبه لييه حرام عليكي ليه مصممه تحسسني بالعجزز وغمض بقهر ودموعه نزلت فحبيبه بصتله بلهفه وبقيت تمسح دموعه وتابعت بحب لا عاش ولا كان اللي يحسسك بالعجز علي افهمني انا عملت كده علشاني وعلشانك وعلشان حمزه وابتسمت بفرح وتابعت بدموع بكره تبقى ظابط ومرتبك كويس وليك سلطه ونفوذ وانا حرم النقيب ولا الرائد وحمزه كمان وابتسمت بفرح وتابعت حمزه هيبقى فخور بيك وبيتمني يبقى زيك انا فكرت في 100الف حاجه هنعيشها لو ضحينا بالسلسله دلوقتي وجمعنا فلوس تستندنا في الكليه فعلي مسك ايديها وقام وتابع يلا هنرجعها وهنشوف حوار الفلوس ده بعدين فحبيبه بصتله بلهفه وتابعت لالا ترجع ميين مستحيل ارجعهاا مهما تعمل انا اصلا صرفت من الفلوس فعلي بصلها وتابع صرفتي كام؟ حبيبه بدموع الفين
فعلي تنهد بعمق وتابع هدفعهم يلاا وبيشدها وتابع للجرسون شويه وراجعين وخرج بيها تحت رفض حبيبه المتواصل فتابعت بحده ودموع مش هرجعها يعلي والله مهما تعمل مش هرجعها ووجهت وشه ليها وتابعت بدموع افهمني يعلي انا مش هحب حتت دهب اكتر منك انا لو رجع بيا الزمن الف مره هبيعها بردو بدل ماكنت ابيع خاتمي ولا دبلتي وهيبقوا اكتر من 30 بكتير ده الخاتم لوحده 20 بس انا مقدرتش لان دول منك ففهمت قيمه الدهب بنسبالي ايه؟ الهديه منك فضلت محتفظه بيه واللي انا لبساها من حبي فيك بيعتها بردو من حبي فيك ووالله هنعوضها فعلي وطى حضنها جامد ودموعه بتنزل وتابع انا اسف يحبيبه حقيقي حقك على راسي فحبيبه باست كتفه ورفعت وشه وبقيت تمسح دموعه وابتسمت وتابعت اياك اسمعك بتعتذر تاني ده انا متبسطش في حياتي قد اللحظه دي اللي خلاص قربنا فيها نحقق حلم الباشا الصغير اللي اتصور بالبدله وهو طفل وكان كله احلام وطموحات والدنيا سرقتها منه بس خلاص حبيبه جات وضحكت بدموع وتابعت وجابت الواسطه وهنبقي ظباط غصب عن الكل فعلي ابتسم من بين دموعه وتابع انا مش مصدق عامه فحبيبه ضحكت بفرح وتابعت ولا انا بس واثقه خلاص الوحش قرب يفوت واللي جاي كله عسل فعلي باس راسها بعمق وتابع طب ريحيني وقوليلي اسم المحل ايه بس وانا وغلاوتك خلاص مش هرجعها بس اعرف روحتي فين فحبيبه ابتسمت وتابعت اللي عند البيت اللي اشترينا منه الدبل فعلي ابتسم وتابع اه عارفه طب يلا علشان ناكل ولا ايه فحبيبه ابتسمت وتابعت يلا وبالفعل كالوا وروحوا ولما حبيبه طلعت علي نزل تاني لوحده وراح للراجل وتابع بابتسامه سلام عليكم فالراجل رد وعليكم السلام يا ابني اتفضل فعلي ابتسم وتابع يزيد فضلك ياحج خطيبتي كانت هنا من شويه وباعت سلسله باسم علي في حدود 32 الف جنيه هي كبيره كده موجوده؟ فالراجل ابتسم وتابع اه موجوده فعلي تنهد بارتياح وتابع طب بص يا ابويا السلسله دي مهمه جدا بالنسبالي وبالنسبالها وباعتها لظروف وانا مستعد اديك الضمان اللي يعجبك بس تشلهالي على جنب ولما ادبر المبلغ هاجي اشتريها منك بالغالي زي ماسعر الدهب يكون اتفقنا؟ فالراجل ابتسم وتابع كنت هبعتها علشان يسيحوها ويتعاد تشكيلها بس خلاص اعتبرها في الحفظ والصون مستنيك فعلي ابتسم بفرح وتابع اكيد ولا؟ الراجل بضحك لالا اكيد متقلقش انا حسيت بردو وهي بتديهاني ان بتديني حته من قلبها فمش مستغرب كلامك وتعلقكم الشديد بيها فعلي ابتسم بوجع وجواه نار قايده على حبيبه واقسم انه يرجعها مهما كان التمن ويعوض حبيبه بكل الحلو اللي في الدنيا وتابع ربنا يباركلك ويوسع رزقك يا راجل ياطيب مش هطول باذن الله وهجيلك يلا السلام عليكم فالراجل ابتسم وتابع نورت يحبيبي
--
وفي شقه هاله كانت نيره قاعده وقدامها مالك بيلعبوا كوتشينه والباب مفتوح
فنيره ضحكت بحماس وتابعت اهو راحت يباشاا خلااص خدت الدور فمالك ضحك وتابع انا مش بلاعبك بحماس والله علشان مش بتراهنيني فنيره ضحكت وتابعت نينيني اه عارفاه انا الكلام ده فحبيبه ضحكت وتابعت خلاص راهنيه يابت يا نيره اما نشوف اخره فمالك فضل يضحك وتابع طب والله لما بتراهن بتحمس واركز كده فسلمى كانت داخلالهم فسمعته وتابعت بابتسامه الرهان حرام يا بيه ودخلت تقعد معاهم فكلهم فضلوا يضحكوا فتابع مالك بضحك قلب البيه اهلا بحبيبه قلبي ومسك ايديها باسها وتابع بحب اللي هتدخلني الجنه فسلمى فضلت تضحك وتابعت ولا عمرك هتشمها بالبوس وقله الادب دي وضربته في كتفه بالبوكس وقعدت جنب حبيبه فمالك بصلها بتفاجئ وكلهم فضلوا يضحكوا فتابعت نيره بغمز وضحك قوليلها الشيخ علي بيعمل ايه يابت يحبيبه خليها تشوف الجنه صحيح فحبيبه اتوترت وتابعت هشش يخربيت اهلك اخرسي ادي اخره اللي تتكلم معاكي فنيره فضلت تضحك بشده فتابعت سلمى بذهول لا متهزريش وتقولي ان علي بيتعدى حدوده معاها فنيره فضلت تضحك فتابع مالك بضحك بيتعدى حدوده ؟! ده متجوزين عرفي ومعاهم عيلين فنيره فضلت تضحك بشده وضربت كفها في كف مالك وتابعت لالا مش قادره بجد فحبيبه اتكسفت وتابعت والله انتوا ماتربيتوا .. فسلمى ضحكت وزغدتها وتابعت لا فهميني وانا اروح اطلعلك عينه بيعملك ايه علي؟ فحبيبه اتوترت وتابعت مبيعملش واتلموا علشان ده القدوه بتاع البت فمالك ضحك وتابع قدوه ااه .. ااه يقدوه ياني ياماا فنيره فضلت تضحك بشده وضربت كفها في كفه وتابعت العب العب هراهنك شوفك على كام
حبيبه بحرج ماشي يحيوانه منك ليه اما سلطت علي عليكم مبقاش اناا فمالك ضحك وتابع بس يابت اتلهي وسبيني افكر اراهن على كام
فسلمى بصتله بضيق وتابعت مالك انا قولت حرام والله هزعل منك بجد ومبهزرش فمالك ابتسم وتابع لا خلاص ضعفت مقدرش ازعل السندريلا بتاعتي فهلاعبك على البالطو مش دكتوره يبقى معاكي بالطو فكلهم فضلوا يضحكوا بشده فتابعت نيره بضحك مش قادره ده على اساس لو انا كسبت هاخد منك ايه ان شاء الله؟ فمالك ضحك وتابع معروفه مهندس يبقى مسطره فكلهم فضلوا يضحكوا فتابعت سلمى بضحك يسلام طب وانا علوم تراهني على ايه؟ فمالك بصلها بهيام وتابع اراهنك على حضن هو مش الحضن ده فيه تفاعلات كيميائيه حيويه بتفرز هرمون الاوكسيتوسين؟ فخلاص اللي يكسب يحضن التاني وساعتها هخسر نفسي قصد فكلهم اتفاجئوا برده وفضلوا يضحكوا بشده حتى سلمى اتفاجئت برده وربط المعلومات اللي قالها في الرد وفضلت تضحك ووشها حمر فتابعت نيره بضحك لالا كريتف والله فنان فمالك فضل يضحك وتابع شوفتي استاهل الحضن ولالا بقى فتابعت حبيبه بضحك وعلي لو سمعك بما انه هيبقى ظابط يجي يراهنك على علقه سخنه زي بتاعت القسم كده ايه رايك؟
فكلهم فضلوا يضحكوا بشده فتابع مالك بضحك يشيخه اتقي الله ده انا مش خلصان منه وهو محامي عايزاه يضربني لما يبقى ظابط يمفتريه
حبيبه بضحك علشان تحضن بضمير فسلمى ضحكت وتابعت بفرح عرفتيه صح ولا لسه؟
حبيبه بحب عرفته انهارده اصل خلاص الاختبار يوم الاتنين وكفايه اخبي عليه العيله كلها عارفه الا هو فقولت خلاص يعرف بقى
نيره بفرح فرح مش كده؟
حبيبه بحب إلا فرح يارب يديم فرحته ووجوده واشوفه انجح واسعد راجل في الدنيا اللهم امين فسلمى ونيره رددوا وراها بحب فبصت لمالك برفعه حاجب وتابعت امن ورايا ياالا وبطل صُفر مش جوز امك هو
فمالك فضل يضحك وتابع يجيلي قلب ازاي اقول امين طيب وانا هاخد كل علقه والتانيه اسخن من اللي قبلها بعد البنيه الجسديه اللي هيعملها زياده على فورمته
فكلهم فضلوا يضحكوا بشده فتابعت حبيبه بضحك طب ما تخليك متربي وهو عمره ما هيضربك الله
مالك بضحك بحاول والله بس مش قادر وبص لسلمى وغمز وتابع ها تيجي على حضن
سلمى ضحكت بكسوف وتابعت حاضر يوم كتب الكتاب والله
مالك برفعه حاجب وانا يوم كتب الكتاب هقعد العب كوتشينه على الحضن !! داهيه تسد نفسك ده انا هدخل علطول فكلهم فضلوا يضحكوا بشده ونيره نامت على كتفه من فرط الضحك لانه كان قاعد جنبها على الكنبه وتابعت لاالا مش قاادره يمالك هتموتني الحمدلله ماما مش هنا كانت قتلتلك على جرائتك معاها
سلمى بحرج انا همشي واسيبك والله علشان انت متربتش
فمالك ضحك وتابع لالا خدي بس حقك عليا وربنا تعالي يعمري تعالي
فسلمى بصتله بضيق وتابعت عايز ايه فمالك طبطب على الكنبه جنبه وتابع تعالي بس فسلمى راحت قعدت جنبه وبينهم مسافه بسيطه فتابع بحب ايه مضايق مزتي بقى فسلمى تابعت بضيق هو انا مش قولتلك يمالك اني بتكسف ومش بحب الكلام ده
مالك بضحك اعمل ايه طيب انا بشوفك الكلام بيطلع لوحده وربنا
فحبيبه فضلت تضحك بشده وتابعت علي بقى مرض ومنتشر في الجو ولا ايه فسلمى بصتلها بضيق وتابعت بس يعسل بلا علي اخويا مش بتاع الحركات دي
فحبيبه فضلت تضحك وتابعت خاالص ملاك بريئ بجناحات لولا بنربطه في السرير كل ليله كنا ممكن نصحى نلاقيه طار
فكلهم فضلوا يضحكوا بشده وكريم كان نازل الشركه فشافهم واتصدم بقاعدتهم مع مالك وراس نيره اللي على كتفه فدخل وتابع ده ايه ده ان شاء الله ؟؟ انت قاعد ولامملي بنات العيله كلها حواليك ؟!!
فنيره شافته اتعدلت في قاعدتها وسلمى قامت وقفت وبصت للارض بخوف وحرج فمالك ضحك وقام وقف وتابع وهو ماشي ناحيته: ما شاء الله بيهابوك كلهم عرفتوا تربوا والوحيده اللي قامت تجري من جنبي اللي هتبقى مراتي
فكريم ابتسم وتابع اه وانت مين قالك بقى ان ده هيحصل؟
مالك بابتسامه لمؤاخذه كده مع احترامي ليك يغالي بس خدت موافقه كبيرها الوحيد .. اخوها يعني فكريم ابتسم وتابع وطلما اخوها وافق واداك كلمه انا مقدرش اصغره فمبروك عليك بنتنا بس لو انت او حد من اهلك عمل حاجه متعجبنيش متزعلش من رده فعلي ساعتها وانت فاهم كلامي كويس .. انا تعبت وطلع عين اهلي علشان احافظ على العيله دي واربيهم احسن تربيه فمش هتيجوا انتوا تهدولي كل اللي بنيته
فحبيبه استغربت وتابعت قصدك ايه يكريم و
فكريم قاطعها وتابع هشش محدش يتدخل هو فاهم قصدي ايه وبص لنيره وتابع بحده وانتي تعالي عايزك فنيره خافت وتابعت حاضر وراحت مسكت ايديه فشدها ومشي ودخل اوضتها ورزع الباب قفله وراهم فاتخضت وجسمها اتنفض فبصلها بحده وتابع بعصبيه انتي ايه اللي كنتي بتعمليه ده ها !! ومسك دراعها جامد وتابع بعصبيه نيمالي على كتفه ينيرره ! لييه تعرفيه منين ده ولا يبقاالك ايه علشاان تقربي منه بالشكل ده انتي اتجننتي !! فنيره خافت وتابعت والله ماكنت اقصد الحركه جات بتلقائيه وغلاوتك عندي لاني كنت بضحك فسندت عليه انما مش قصدي خالص والله فكريم اتعصب بشده وتابع مش قصدك اييه وزفت اييه !! انتي لو عامله حساب لحد تقعدي بادبك وبينك وبينه يبقي مساافه ده خطيبته اللي اسمها خطيبته منامتش على كتفه النوومه دي !! انا عايز افهمم انتي بتكبرري بتعقليي ولا تتجنني فنيره دموعها نزلت وتابعت انا اسفه
فكريم غمض عينيه بعصبيه وزق المظهريه من على التسريحه بغل كسرها وتابع بعصبيه شديده انا مباخدش منك غير الاعتذار وبس اسفهه اسفهه ومفيش تغيير ومطلوب مني استحمل الطيش وقله الادب اللي بتعمليهاا كل شوويه انتي بجد بقيتي تربيه وسخه وعايزه يتعاد تربيتك من اول جديد بس ومااله اانا هربيكي ينيرره الصبر وطلع ورزع الباب وراه وهي قعدت على السرير ونفخت بضيق وفضلت تعيط
وبعد شويه كريم وصل الشركه وكان متعصب جدا ومش طايق نفسه وكل المهندسين واخدين بالهم وبيتجنبوا يروحوا المكتب عنده فالباب خبط فكريم تنهد وتابع ادخل فدخل هاني وتابع بضحك مين معصبك على الصبح المهندسين كلهم خايفين يدخلولك كريم تنهد وتابع ادخل يا هاني ادخل هي حرقه الدم جديده يعني فهاني دخل قعد قدامه وتابع مالك في ايه فهمني؟ فكريم تنهد بضيق وتابع بحده سلمى وحبيبه ونيره كانوا قاعدين مع مالك الصبح لوحدهم ونيره بنت الكلاب سندت راسها على كتفه اتجننت دي ولا جرا لمخها حاجه !!فهاني ابتسم وتابع وايه المشكله ده ابن عمها فكريم بصله بحده وتابع بعصبيه ابن عمها ايه وزفت ايه انت التاني على اساس انها عارفه يعني؟ فهاني ابتسم وتابع ويسيدي اعتبرها مش عارفه زعقلها وخد موقف منها ومش هتقررها بس انت بينك وبين نفسك عارف انه ابن عمها وعادي يعني ده زي اخوها فاهدي كده فكريم اتعصب وتابع هاني بقولك ايه روح شوف وراك ايه يلا انا مش طايق نفسي فمش عايزها تيجي فيك فهاني ابتسم وتابع انت مش ملاحظ انك غيرت على نيره بس مع ان اخواتك التانيين قاعدين معاه بردو؟ فكريم بصله باستغراب وتابع وفيها ايه لانها هي الوحيده اللي لمسته بالطريقه دي فهاني ضحك وتابع والله؟ انت مقتنع باللي انت بتقوله؟ فكريم تنهد بعمق وتابع هاني انت عايز توصل لايه بالظبط فهاني ابتسم وتابع مش انا اللي عايز شوف انت اللي عايز ايه يكريم فكريم بصله بحده وتابع انت عبيط ها دي اختي!! فهاني ضحك وتابع انا اصلا مقولتش اي حاجه انت اللي فهمت كده من نفسك فكريم تنهد وتابع طب سيبني لوحدي شويه الله يباركلك يهاني فهاني ابتسم وتابع نيره اقرب واحده ليك فيهم والوحيده اللي بتتجن لو راجل لمسها ولا لو لمست حد وكل ما تقول انها بتكراش على واحد تيجي مش طايق نفسك ومبتستحملش عليها الهواا وعادي بنسبالك حبيبه ولميا وهناء يتجوزوا وتيجي عند نيره تخترع 100 حجه و100 سبب علشان متتخطبش ولا تتجوز وبتفسر ده بانك مش عايز تبعدها عنك او ان في راجل يدخل حياتها وعلاقتكم متبقاش زي الاول واسرارك وضعفك مبيطلعوش غير قدامها والوحيده اللي بترتاح وانت بتتكلم معاها وبتلاقي نفسك وبتفصل من الضغط بلفه بعربيتك جنبها و توبت من القهوه اللي بتعشقها لما هي بطلت تعملها فلو مش ده الحب فالحب يبقى ايه كريم؟ فكريم تنهد بوجع وتابع ليه يصاحبي؟ ليه تجيب الحقيقه اللي بحاول اهرب منها وتحطها قدامي؟