رواية القاسي والبريئه الفصل السابع والاربعون47 بقلم ايمان ابراهيم

مرور زمنى 

بعد سنه تقريبا من الحادثه اللى عملها احمد والحمدلله ربنا ستر وهو وهند محصلهمش غير شويه كدمات نتيجة الخبطات اللى اخدوها واتعمل محضر والسواق اتعمله تحليل وكان مفيش حاجه فى التحليل هو كان خطا من السواق واحمد لما لقى انه راجل غلبان وكويس هو تجاوز عن السرعة المقررة للنقل ودفع غرامه واحمد عمل محضر صلح واكتفى ان السواق هيدفع الغرامه ورجع علشان ساعتها كانت مقابلة عريس اخته وحكى لجاسر اللى حصل بس بعد ما خلصوا المقابلة وحددوا كل حاجه حتى احمد كمان حدد معاد فرحه حتى اسامة ورقيه كانوا قبلهم بشويه واحمد ونهلة كان كتب كتابهم فى يوم واحد وكل واحد اخد عروسته وراحوا يقضوا شهر العسل .

وتفوت الايام والشهور وجاسر ربنا كرمه واتوسع فى الارض بتاعته وكان بيفكر يسيب شغل المدرسه عشان يقدر يتابع الارض خصوصا بعد ما اتوسع فى ارضه وكانت هديه ولدت كمان وجابت ٣ بنات زى القمر جنه وحوريه وجويريه وشريف كان سافر بقاله فترة هو وليندا  وكانت هند وليندا ونهلة كل واحده فيهم حامل مع فروق التوقيت ما بينهم  وقت ولاده هديه كانت نايمة وحست فجاة بوجع شديد اوى وصحت جاسر وقالتله جاسر جاسر قوم الحقنى شكلى بولد انا مش قادرة اه اه اه اه 😫😫😫  جاسر قام نط من السرير  ولبس بسرعة ولبسها وكان تقرييا شايلها وراحوا المستشفى ودخل بيها واخدوها منه على العمليات فورا وهو اتصل بباها ومامتها رقيه كانت خلاص اتجوزت بقى وفى بيتها بس جاسر اتصل باسامة لان اسامة كان محلفه يكلمه وقتها وفعلا كلمه وجه ورقيه طبعا لما عرفت جت معاه وراحت مكلمة احمد بس احمد جه لوحده مرضاش يجيب هند لانها كانت لسه فى اول الحمل والحركة كتيير غلط عليها  وجاسر كان قلقان جدا واسامة كان بيحاول يطمنه  لحد ما الدكتورة جت وطمنتهم ان هديه ولدت بالسلامة وجابت ٣ بنات زى القمر وجاسر لما شافهم مكنش مصدق هو كان نفسه ان شاء الله فى طفل وربنا كرمه ب تلاته ❤️❤️❤️  ودخل عند بناته وكبر واذن فى ودن كل واحده فيهم وهو وهديه كانوا اختاروا اسماهيم والحمدلله هديه ولادتها عدت بسلام من غير اى مضاعفات وخرجت بالسلامة .

عودة للوقت الحاضر التلات بنات كانوا خلاص بيمشوا وبيتحركوا وهديه كانت عينها فى وسط راسها بالذات حوريه كانت معرفته شويه جنه ناعمة زى هديه وجويريه عامله زى جاسر هاديه لكن حوريه دى عفريته شويه وحركتها كتيير شويه كارثه متحركه والوحيدة اللى مكنتش بتخاف من جاسر جنه وجويريه ممكن يكشوا منه شويه لكن حوريه قلبها جامد دى اكيد طالعة لخالتها رقيه 😅😅😅😅  يعنى جاسر ممكن لما يكش شويه فى جنه وجويريه يسكتوا دى بقى لا ابدا 😅  تفضل تناكف فيه حتى اسامه لما يصادف وتيجى السيرة يقوله اهى دى اللى هتربيك يا جاسر ولسه لما تتكلم بقى هتشوف قاله دى كده مش سايبانى اومال لما تتكلم اعمل فيها ايه قاله هى يعنى هتطلع لمين دى جينات يا كبيير 😄😄😄 اشرب بقى انا عندى منها بس على كبيير ولسه لما رقيه تولد بقى ربنا يستر عليا 🙆‍♂️ 😄.

وتعدى الشهور وجاسر وتحكماته مش بتتغير اوقات يعرف يسيطر على نفسه وساعات يحصل صدام جامد بينه وبين هديه وللاسف لما بيحصل والبنات بيسمعوا طريقته كانوا يخافوا  يقربه منه لانهم بيكبروا برضه وهديه كانت حنينه معاهم و بتحاول تعوض غياب وانشغال جاسر عنهم بسبب شغله وكمان عشان باباها مش دايما كان بيقدر يبقى معاه ويباشر شغل الارض والانفار واحمد كان بيساعد على قد ما يقدر لان برضه كمال بيكبر فى السن وصحته مش دايما كانت بتساعده انه ينزل وطبعا جاسر كان بيشيل الجزء الاكبر وشريف بينزل اجازات على فترات طويله بسبب شغله ومكنش بيقدر برضه يتابع اوى لان اجازته مش كبيرة وجاسر رغم تحكماته الا انه كان امين جدا فى ادارة ارض بابا هديه كانه كمال موجود بالظبط وبرضه اتوسعوا فى الارض عند باباها واحمد كان بيساعد فى الحسابات وتعدى الشهور والسنين والبنات كبروا وبقوا عندهم ٤ سنين وكانوا دخلوا الحضانه فده ساعد هديه شويه انها تقدر ترجع تانى مع رقيه حتى عشان تفصل شويه من جاسر وعصبيته اللى بقت زياده حتى البنات كانوا يسالوها ليه يا ماما بابا مش بيقعد معانا كتيير او بنخرج نتفسح ويبقى معانا قالتلهم معلش يا حبايبى هو عنده حاجات شغلاه واول ما هيخلصها هنخرج كلنا مع بعض ونقضى يوم بحاله برة انتوا عارفين هو بيحبكوا ازاى حوريه اللمضه زى خالتها قالتلها ايوة يا مامى واحنا بنحبه اوى اوى بس هو خلقه ضيق وروحه فى مناخيره دايما 😅😅😅  هديه قالتلها بنت حد يقول كده برضه على باباه انتى سمعتى الكلمة دى فين انطقى قالتلها سمعت مرة حد فى الحضانه بيقولها  هى عيب يا مامى ☺️☺️ قالتلها مش كل اللى نسمعه نقوله يا حبيبتى الحمدلله ان جاسر مسمعكيش والا كان علقك 😅😅  جنه وجويريه قالوا اه يا مامى احنا بنبقى عايزين نحضن بابا بس بنخاف احسن يتعصب علينا برضه قالتلهم لا يا حبايبى ده بيحبكوا خالص هو بس  والله عشان مشغول ومش بيعرف يقعد معانا كتيير  عشان يقدر يجيبلكوا اللى انتوا عايزينه بس انا هقله اننا نقضى يوم مع بعض ماشي البنات فرحوا وقالوا  هيه هيه ايوة ايوة ماشي 😍😍  حوريه قالتلها ممكن انا اللى اقوله يا مامى والنبى قالتلها خلاص انا وانتى هنقوله مع بعض اتفقنا .

احمد كان خلف وجاب ولد سماه سيف وعنده سنتين ورقيه برضه جابت بنوته زى القمر اسمها سما وكان عندها سنه ونص ونهلة جابت ولد وسمته ايهاب وبرضه عنده سنتين وشريف بقى جاب توام ولد وبنت عدى وفيروز  .

جاسر وهو مع الانفار فى الارض بيتابع لقى فى واحد شيك اوى من بعيد بيتكلم مع حد من الانفار ومعاه اتنين بودى جارادات وبيبص ناحيه جاسر فجاسر راح عندهم وقالهم اهلا وسهلا حضرتك عايز حاجه قاله عايز اقابل جاسر بيه صاحب الارض دى قاله ايوة يا فندم انا اقدر اساعدك فى حاجه قاله انا كنت بدور على ارض موقعها كويس اقدر اشتريها والصرحه عجبانى اوى الارض دى حضرتك شوف تسوى كام وانا فلوسي جاهزة قاله بس انا مش بفكر فى بيع خالص بس اقدر ادلك على حد كويس اوى اذا عايز تشترى قاله لا انا عايز الارض دى بالذات جاسر استغرب من طريقته ولهجت الراجل اللى اتغيرت كده كانه بيدى قرار  قاله يا فندم قلتلك الارض مش للبيع كلامى واحد الراجل قاله انت الظاهر متعرفش انا مين قاله لا والله محصليش الشرف ولو ان ده مش هيغير رايى برضه قاله انا قاسم الشناوى رجل اعمال واسال عنى وانت تعرف وانصحك تفكر فى العرض بتاعى وانا مش هاخد على كلامك وعلى فكرة انا لما بحب حاجه بفضل وراها لحد ما باخدها جاسر معجبوش الكلام خالص  وقاله وانا معروف عنى انى مش برجع فى كلامى وحضرتك تقدر تسال عنى قاله سالت وعارف كل حاجه اسمك وسمعتك سابقينك ده انت حتى عندك ٣ بنات زى القمر ربنا يخليهملك جاسر حس ان فى حاجه فعلا مش مريحة خالص فى الراجل ده ولا نظراته قاله انا همشي دلوقتى ولينا مقابلة تانى اكيد وياريت تفكر كويس فى كلامى سلام يا جاسر بيه وسابه ومشى وجاسر  كان من جواه شايط منه ومن طريقته واول حاجه جت فى باله يكلم اسامه فورا وفعلا اتصل بيه وقاله الو ازيك يا اسامه عامل ايه اسامه قاله الحمد لله يا كبيير جاسر قاله ورقيه والبنوته بخير قاله بخير وزى الفل ومجننى هما الاتنين بس والله انا بعشقهم وببقى عايز اروح عشان اشبع منهم ومن جننانهم 😍😍  جاسر قاله ربنا  يخليكوا لبعض ويفضلوا مجننينك علطول وانت مش ناقص اصلا 😅😅  قاله ماشي ياعم مقبوله منك وانت عامل ايه والبنات وهديه قاله الحمد لله بخير قاله وحوريه بالذات جاسر قاله اهى دى بقى اكتر واحدة مجننانى انا شخصيا يا اخى البت قلبها جامد 😄😄 ولسانها متبرى منها وهى مش باينه من الارض قاله قلتلك دى اللى هتربيك من اول وجديد قاله اه يا اخى دى هتغلبنى باينها كده اسامة قاله ياسيدى ربنا يخليهلك وتشوفهم احلى عرايس جاسر قالها ربنا يخليك يا اسامه بقلك ايه فى واحد عايزك تجيبلى قراره  ممكن قاله انا ولله الحمد اقدر اجيب العفريت بس قولى اسمه قاله اسمه قاسم الشناوى اسامة سمع الاسم من هنا وقاله ايييه بتقول قاسم الشناوى قاله اه انت تعرفه قاله اه ده ريحته بدات تفوح انه تاجر اثار بس لسه محدش عارف يمسك عليه حاجه ليه عايز تعرف عنه هو قربلك قاله ده جالى لحد عندى وعايز يشترى الارض ومصر عليها بشكل غريب وفضل يقولى انا اعرفك واعرف انك عند بنات زى القمر كانه بيحذرنى وكلامه معجبنيش خالص عشان كده كلمتك اسامه قاله طيب بص اذا جالك تانى جاريه فى الكلام وعرفنى هتقابله امتى وخلينى معاك خطوة خطوة اوعى تعمل حاجه من غير ماتقولى احسن ده تعبان وانا برضه هشوف معلومات عنه اكتر بس طلبه لارضك ده وراه سبب وسبب كبيير ادينى ٢٤ ساعة وهجيبلك خبره جاسر قاله ربنا يخليك ليا يا صاحبى مش عارف من غيرك كنت هعمل ايه اسامه قاله عيب يا كبيير ده احنا اخوات وعشرة عمر انت اخويا اللى امى مجابتوش واهلك هما اهلى ويعلم ربنا بناتك دول زى سما بالظبط واللى يفكر يمسهم انسفه جاسر قاله ربنا يخليك يا اجدع اخ وصاحب فى الدنيا وقاله انتظر منى تليفون وزى ما اتفقنا سلام يا كبيير