رواية لنا موعد اخر الفصل التاسع والثلاثون39 والاربعون40 بقلم لولا
هند اتعصبت وتابعت بعصبيه ودموع متقوليش ابن رانياا قداامي تااني انتي فااهمه ده ابني اناا واناا اللي ربيته االام اللي تعبت وكبررت مش اللي خلفت يا احلااام
احلام بتوتر حقك عليا يا هند انا مقصدش انا بس بتكلم انك طول ماحاطه عصام في قلبك كده مش هتعرفي تنتقمي منه يبقى شيلي الموضوع ده من دماغك و
هند بمقاطعه وعصبيه احلااام
احلام بلعت ريقها بتوتر وتابعت نعم يا هند
هند بعصبيه مش خدتي واجبك ؟ اتفضلي وريني عرض اكتافك انا تعبانه وعايزه انام
احلام بتنهيده كتر خيرك ياختي وقامت وقفت ومسكت شنطتها وتابعت بس طلما بتحبي الواد كده طلعيه من الحسبه دي كلها واعتبريه ابن بطنك زي ما كل الناس فاهمه وعوضيه عن كل اللي شافه .. عن اذنك
ومشيت وقفلت الباب فهند اتعصبت وزقت الترابيزه فالقهوه وقعت اتكسرت على الارض فقعدت وحطت راسها مابين ايديها وفضلت تعيط وافتكرت
فلااش بااك من 24 سنه يوم ما قاسم اتجوزها
نوال " ام قاسم " كانت واقفه في الشارع قدام العماره بتاعتهم وزغرطت بفرح وحضنته وتابعت الف مليون مبرووك يانن عين امك عقبال ما اشيل عيالك ياارب
قاسم تنهد وطبطب على ضهرها وتابع الله يبارك فيكي ياست الكل
فنوال بصت لهند وابتسمت وتابعت اهي دي البنات اللي تفتح النفس صحيح ربنا يسعدكم يقلب حماتك وعقبال عيالكم يارب
هند ابتسمت بفرح وحضنتها وتابعت ربنا يخليكي لينا يماما والله
نوال بضحك يقلب ماما انتي يلا يلا ياقاسم خد مرااتك واطلعوا شقتكم
فقاسم تنهد وتابع يلا يا هند اطلعي ورايح يطلع فحاتم اخوه مسك ايديه وتابع بهمس قاسم تعالى عايزك
فقاسم بص لهند وتابع بتنهيده طب طلعيها ياما وانا جاي وراكم
فابتسمت نوال وتابعت يلا يحبيبتي تعالي فهند ابتسمت ومسكت اطراف الفستان وطلعت فتابع قاسم بتنهيده خير يا حاتم؟
حاتم بتنهيده انا مكنتش معااك في قرار جوازك ده بس انت عندت وركبت دماغك وفي ساعه شيطان مشيت ورا كلمتين خايبين قالتهوملك امك واتجوزت فخلاص اللي حصل حصل يبقى المفروض تراعي ربنا في مراتك ومتظلمهاش هي ملهاش ذنب فكل ده
قاسم بضيق مش هظلمها ياحاتم متقلقش يعني انت مش عارف اخوك ؟
حاتم برفعه حاجب انا علشان عارف اخوياا فبنبهك وزي مانت عيشت حياتك فرانيا كمان مفروض تعيش حياتها وتتجوز وربنا يعوضها ومتوقفش حياتها عليك زي مانت موقفتش حياتك وروحت اتجوزت اهو
قاسم اتصدم وتابع بعصبيه نعمم !!! هو ايه اللي تتجوز ده !!! انت اتجننت يا حااتم ولا اييه !! ده لو فكرت تعملهاا قسما بالله اقتلهاا هي واللي يفكر يلمحلها بس
حاتم كتم ضحكته بالعافيه وتابع يعني بسم الله ما شاء الله واحده صغيره وزي القمر وعيون زُرق وكلام كبير ايه اللي هيقعدها معلش ؟؟ هتبكي على الاطلال علشان واحد سابها واتجوز ؟؟
قاسم بعصبيه ياحاتم متخلنيش اتغاابى عليك انت مستوعب انت بتقول اييه !! راانيا مين اللي تتجووز ؟!! مفيش رااجل اتخلق يقدرر ياخد منهاا كلمه بعدي مش تقولي تتجوز !! ده انا قسما بالله اقطع خبرهاا لو فكرت مجرد تفكير انها تخلي راجل غيري يلمسها
حاتم فضل يضحك وتابع انا مستوعب كل حاجه على فكره انت اللي مش مستوعب انها طليقتك مش مراتك
قاسم بعصبيه بس ام ابني وعلي مش هيتربى غير في حضني انا وهي وبس انما يوم ماتفكر تدخل راجل غيري عليها وعهد الله لاكسرها خالص
حاتم طبطب على كتفه وتابع بضحك اهدى طيب واطلع لمراتك دلوقتي ونبقى نشوف هنعمل ايه في موضوعك انت ورانيا ده بعدين
قاسم تنهد بعمق وتابع هي عرفت ؟
حاتم بتنهيده لحد دلوقتي لا بس بتكلم ابتسام تطمن عليك واكيد هتعرف
فقاسم رايح يتكلم فنوال تابعت من البلكونه اطلع يا قاسم يلاا
فقاسم نفخ وتابع حاتم هكلمك بعدين يلا سلام دلوقتي
حاتم بابتسامه روح انت وطلع هو كمان شقته (واحلام صاحبه هند كانت واقفه وسمعت كل حاجه بينهم وهي اللي قالتلها بعد كده)
وفوق في شقه قاسم طلع ودخل فتابعت نوال بحده مش كفاياك واقفه في الشارع الناس تقول ايه هاا
قاسم بحده اتنيلت ياماا اتنيلت
نوال بحده انا غايره شقتي عايزه اسمع اخبار حلوه هاا
قاسم بضيق داخل بيه حاضر
نوال لا ياروح امك مش داخل بيه بس اعمل اللي عليك وفرحني بعيل
قاسم برفعه حاجب ده على اساس علي ده ايه؟
نوال بحب علي ده نورعيني ووشها كشر وتابعت بس امه مبحبهاش ورجعت ابتسمت وتابعت انما هند دي حبيبه قلبي فهاتلي حفيد منها يقاسم ورحمه ابوك
قاسم بتنهيده ربنا يسهل ياما يلا روحي انتي شقتك
نوال بحب رايحه يقلب امك وسيبتلكم العشا علشان مخبطش عليكم تاني
فقاسم هز راسه بالايجاب ونوال طلعت وقفلت وراها وقاسم تنهد بعمق ومسح على وشه بايديه وهند كانت واقفه سمعاهم ولما شافته داخل دخلت الاوضه بسرعه وقعدت على السرير فدخل الاوضه وشافها فابتسم بمجامله وتابع قومي غيري هدومك قاعده بيها ليه
هند بصتله بحب وتابعت استنيتك تطلع وراحت لفت ايديها حوالين رقبته وتابعت بحب يعني معقوله يوم فرحنا وافك فستاني لوحدي؟
قاسم غمض وتنهد بعمق وتابع لا ازاي ..لفي طيب افكلك الرباط
فهند ابتسمت بفرح ولفت وتابعت انت عارف انا استنيت انهارده قد ايه يا قاسم؟ حقيقي مش مستوعبه ان ربنا استجبلي وجعلك نصيبي وقاسم كان بيفكه وهو سرحان ومخنوق جدا ومش سامعها ففك الاربطه كلها وتابع بتنهيده خلصته اهو ياهند وقعد على السرير وتابع روحي غيري بقى
هند بحب حاضر يعيوني وراحت بالفعل اختارت قميص وخدته ودخلت الحمام وقاسم قلع جاكته ورماه على جنب ونام على جنبه واتغطى وشويه وهند طلعت فارده شعرها ولابسه قميص احمر وروب شفاف فوقيه وقفلاه وراحت جنبه وهي مصدومه وتابعت قاسم .. قاسم انت نمت؟
فقاسم لفلها وشافها كده تنهد وتابع لا لسه منمتش مصدع شويه
هند بقلق مصدع من ايه يحبيبي قله اكل ولا اعملك قهوه؟
قاسم بتنهيده قله نوم
هند اتصدمت وتابعت افندم؟
قاسم اممم قله نوم واتاوب وتابع حقيقي تعبان وعايز انام
هند بصدمه تنام ؟!
قاسم اه ياهند مالك في ايه؟
هند بوجع لالا يحبيبي محصلش حاجه سلامتك نام بس قوم غير هدومك الاول
قاسم بابتسامه الله يسلمك يا نوده بس حقيقي مش قادر حتى اغير فاطفي النور ده وتعالي نامي يلا انتي كمان
فهند بصتله بقهر وابتسمت بوجع وتابعت حاضر رايحه الحمام بس وجايه وقامت فقاسم بصلها وهز راسه بالنفي بحزن لانه مش قادر يلمسها وصعبانه عليه جدا وهي دخلت الحمام وقفلت وفتحت الحنفيه على الاخر وفضلت تعيط بهستريه ووجع وتابعت لنفسها في المرايه: كنتي فاكره ايه يا هند؟ كنتي فاكره هيفرح زيك ويقولك انا استنيت انهارده كتير؟! وعيطت بقهر وتابعت فاكره هينسى رانياا وهيحطك مكانهاا عادي ؟! قاسم مبيحبكيش يغبيه وانتي عارفه اتجوزك ليه ووافقتي فتستاهلي كل اللي يجرالك وعيطت اكتر وتابعت بوجع بس لالالا مش هسمح لرانيا تفضل في قلبه كفاايه عليها اوي لحد كده ..خدته مني كتير المفروض دلوقتي يحبني انا ..انا وبس وغسلت وشها من الدموع ومسحته بالفوطه وحطت ميكاب رقيق وخرجت لقيته طفى الفون بسرعه وحطه تحت المخده فتابعت باستغراب ايه في ايه
قاسم بتوتر لا ابدا مفيش حاجه بس شوفتك جيتي بقى فطفيت الفون
هند بابتسامه اه تمام وراحت جنبه ونامت على صدره فقاسم غمض عينيه بضيق وسكت
فتابعت هند بابتسامه اطفي النور يلا ففعلا قاسم طفى النور وناموا وبعد شويه لما اتاكدت انه نام مدت ايديها براحه تحت المخده وجابت الفون بتاعه وفتحته لقيت صوره رانيا ظهرت قدامها فاتصدمت وبصتله وهو نايم ودموعها نزلت بقهر وشالت الفون مكانه ونامت بالجنب واديته ضهرها ودموعها نزلوا بوجع
وتاني يوم الصبح صحيوا مخضوضين على صوت زعيق فتابعت هند بخوف ايه ده مين بيزعق كده في اييه
قاسم انتبه للصوت وتابع بخوف دي رانياا بتزعق مع امي وشال البطانيه بسرعه ورايح ينزل فهند مسكت دراعه وتابعت بحده راايح فين بالمنظر ده انت عايزهم يقولوا علياا ايه ؟؟
قاسم بعصبيه مش وقتك ياهند والله
هند بعصبيه ودموع لا وقتي ياقاسم ازااي عريس وعايز ينزل يوم صباحيته ببدله فرحه مش فااهمه طب يسيدي قدر مشااعري انا قدامهم
فقاسم نفخ بضيق وقام دخل الدريسنج وهي مسحت دموعها وابتسمت بخبث ولبست روب طويل فوق قميصها وقفلته وحطت ميكاب رقيق وفردت شعرها وقاسم طلع بعد ماغير لبنطلون بيتي وتيشرت ونزل بسرعه وهند وراه
في شقه نوال
نوال بعصبيه يلا يحبيبتي روحي شوفي راايحه فين مش ناقصه قرفك على الصبح قال انا اللي جوزته قال محدش بيضرب حد على ايده ياختي
رانيا وهي شايله" علي "اللي عمره عام تابعت بعياط وعصبيه: روحي يشيخه ربنا ينتقم منك دنيا واخرى على بيتي اللي خربتيه
فدخل قاسم بخضه وهند وراه وتابع بس في ايه انتي وهي صوووتكم جايب لاخر الدنيا لييه !!
فرانيا بصتله واتصدمت بلبس هند اللي واقفه وراه وقلبها وجعها بشده ودموعها نزلت بقهر وتابعت لا ده امك فعلا صدقت وطلع محدش بيضرب حد على ايده
نوال بابتسامه شوفتي ياختي فرحان بيها ازاي وهي قمر ربنا يحميها وزغرطت بفرح
ورانيا كانت بصاله مقهوره فتابع قاسم بتوتر وعصبيه بس ياماا بس بتهببي ايه على الصبح النااس ناايمه
رانيا راحت وقفت قدامه وتابعت بدموع وقهر وهي بتطبطب على صدره : بتباركلك يحبيبي مش انهارده صباحيتك بردو ؟
قاسم بصلها بوجع وتابع رانيا انا
رانيا بعياط وعصبيه انت اييه هاا ؟؟ انت زي ما امك قالت بالظبط مش عايزني ولا عمرك حبتني ربع حبي ليك لانك لو فعلا بتحبني مش هتعرف تتجوز غيرري زي مانا ماعيني مش عارفه تشوف راجل غيررك بس للاسف كنت مغفله
قاسم بعصبيه يا رانيا بطلي جناان انا طلقتك ساعه غضب انما انا بحبك طبعاا انتي اتجننتي ولا ايه متخليش حد يلعب في دماغك وينسيكي قاسم مين وبيحبك قد ايه
هند اتصدمت بكلامه فتابعت نوال بعصبيه حد مين يحيوان انت هاا
قاسم بعصبيه مقصدش حد معين ياما بس لو سمحتوا محدش يدخل بيناا
رانيا بصتله بقهر وتابعت بيناا !! ليه هو انا وانت مين دلوقتي يا ابو علي ؟؟ احنا خلاص ولا لينا علاقه ببعض اصلا
قاسم بصلها بوجع وتابع اديكي قولتي وبص لابنه اللي على دراعها وباس راسه وبصلها تاني وتابع انا ابو علي وحط ايديه الاتنين على كتافها وتابع يعني ابو ابنك .. فاللي بينا اكبر بكتير من مشاكلنا يارانيا
رانيا نزلت ايديه بعصبيه وتابعت بدموع وعصبيه اوعااا ايدك دي واياك تلمسني تااني انت متخصنيش دلوقتي وتحرم علياا روح شوف كنت بتعمل ايه يعريس يلاا مش عايزين نعطلك
قاسم بعصبيه يارانيا بطلي جنان واعقلي عايزين نحل مشاكلنا دي بعيد عن جوازي خالص
رانيا بصتله بقهر وتابعت بدموع بعيد عن جوازك !! هو انت قلبك طاوعك بجد تلمس ست تانيه غيري !! طب ازاي ياقاسم وعيطت بانهيار وتابعت ازاي وانت حلفتلي ان مفيش ست بعدي هتاخد منك نظره كنت بقولك خايفه اموت تتجوز بعدي كنت تضحك وتقولي بعيد الشر عنك يهبله قطع لسانك ده انا في حياتك مش هعملها وتتقطع ايدي لو لمست ست غيرك اقوم اعملها لو جرالك حاجه ؟! ودموعها نزلت بقهر وتابعت واديك عملتها وقدام عيني وقهرتني بس يتارا فين بقى ؟؟ في اوضتنا وعلى سريرنا ولا غيرت المكان علشان متفتكرنيش؟؟ اصلك ربنا يحميك ويحرسك لشبابك طلقتني وجبتها شقتي
قاسم الدموع اتجمعت في عينيه وتابع لا انا ورايح يكمل فهند مسكت دراعه وتابعت معقتدش المكان هيفرق معاكي في حاجه المهم انه جوزي دلوقتي وانتي طليقته فكفايه اوي لحد كده انا ساكته ومستحمله كلامك وبقول معلش من صدمتها بس قدري انك دلوقتي متخصيهوش وانا اللي على ذمته
رانيا اتقهرت وبصت لقاسم وتابعت سامع مراتك يا قاسم بيه
قاسم بعصبيه هند اطلعي فوق
هند اتعصبت وتابعت انت مش شايف اسلوبها و
قاسم بمقاطعه وعصبيه قولت اطلعي فووق يلا انتي ازاي تنزلي بلبسك ده اصلاا وبص لرانياا وتابع وانتي تعالي عايزك في كلمتين وشدها ودخل بيها اوضه امه فهند مرضيتش تطلع ووقفت تسمعهم
فتابعت رانيا بعياط وعصبيه قولتلك اوعاا سيب درااعي كده الواد هيتخض من صوتنا
فقاسم ساب دراعها وعلي بالفعل كان بيعيط وبص لقاسم وتابع با با فقاسم ابتسم وشاله منها وباس خده وتابع نورعيون بابا من جوه وحضنه وفضل يطبطب عليه وتابع لو مش علشان خاطري علشان خاطر علي يا رانيا وافقي ارجعك وكل حاجه ترجع زي الاول واحسن وانا والله عمري ما هفرق بينكم
رانيا بصتله بقهر وتابعت انت بتقول ايه ؟!! واتعصبت وتابعت انت واعي للي انت بتقوله !! وعيطت بانهيار وتابعت والله العظيم تلاته وغلاوه ابني مايحصل ولا هرجع على ذمتك طول ما الحيوانه خطافه الرجاله دي على ذمتك قال مش هفرق بينكم قال انت عاايز تسااويني بهند يا قااسم انت اتجننت !!
قاسم نزل علي يقف جنبهم ومسك دارعها وتابع بوجع يحبيبتي افهميني انا خلاص اتجوزتها يرضيكي اظلمها واطلقها وهي لسه عروسه كده ؟!!
فهند اتصدمت بشده ودموعها نزلت فرانيا نزلت ايديه بعصبيه وتابعت بعصبيه وعياط ميخصنيش وقولتلك متلمسنيش تااني انت فااااهم واصلا تحمد ربنا اني هوافق ارجعلك بعد كل اللي عملته دده بس كله لاجل عيون ابني لان علي اللي هيتظلم بيناا انما تقولي انتوا الاتنين ومش هفررق بينكم لا يا قااسم مش انا اللي تعيش ليهاا ضره ولا تشارك جوزهاا مع حد نااقصني اييه انا علشان تروح تتجوز غيرري وتطلقني وتمشي ورا امك هااا
قاسم بعصبيه ودموع غلطت يا رانيااا وكلنا بنغلط ومعترف كان قراار متخلف وغبي مني بس دي دلوقتي بقيت مراتي وربنا هيسألني عنهاا فمقدرش اظلمهاا
رانيا بقهر خلاص شيل شيلتك لوحدك انا ميخصنيش وزي ما انت اتجوزت انا كمان هتجوز بس واحد ميشوفش غيري
ورايحه تمشي فقاسم شد دراعها وخبطها في الحيط وتابع بعصبيه شديده: علشان يكون اخر يوم في عمرك انتي واللي تفكري تخليه يلمسك بعدي
فرانيا بصت لقاسم بقهر وتابعت بدموع اشمعنا انت ولا هو حلو ليك ووحش ليااا ده انت مبقالكش غير اسبوع مطلقني وبسم الله ما شاء الله عليك مستحملتش
قاسم بعصبيه ااه يا رانيا اعتبري كدده
رانيا بدموع وعصبيه تمام اوعاا سيبني بقى علشاان همشيي مبروك يا ابو علي وعقبال البيبي
قاسم بوجع هترجعيلي يا رانيا وهنعيش كلنا سواا انا وانتي وابني وبص لعلي اللي قاعد بيلعب وتابع علي مالوش ذنب يتظلم بينا بصي لابنك
رانيا بعصبيه ودموع انا علشان باصه لابني قولتلك طلقها ورجعني انما اعيش مع ضرره وتقولي الحد عندك الاتنين عندهاا لااا يا قااسم انت من حقيي انا وبس ومش هسمح بغير كدده
قاسم بوجع ياستي نرجع وهند هخدلها شقه تانيه قريبه ومش هخليكي تشوفيها خالص بس حقيقي مش هقدر اطلقها
رانيا بعصبيه ودموع ده عشم في ابليس في الجنه بالظبط واتعصبت اكتر وتابعت وقولتلك 100 مره اوعاا ايدك ديي من عليااا
قاسم بعصبيه يشيخه عصبتي اهلي ايدك ايدك في ايه
رانيا بعصبيه لانك مش جوزي فمتحللش اللي ربنا حرمه
قاسم طب رديتك يا رانيا
فهند اتصدمت ولطمت على وشها ورانيا اتفاجئت وبصتله بصدمه ورايحه تتكلم فقاطعها لما قرب باسها بعمق وشدها ليه وهند لفت وشها بقهر ودموعها نزلت بصمت فقاسم بعد عنها وسند جبينه على جبينها وتابع بهمس علشان تبطلي تقولي الكلمه المستفزه دي تاني انتي مراتي وليوم ما اموت هتفضلي مراتي
رانيا وشها احمر من الحرج وتابعت الله يخربيتك عملت ايه قدام الوااد !!
قاسم بضحك يعني هو مركز معانا الوااد وحط ايديه على خدها وتابع بحب تعبت من الكلام المستفز بتاعك ده فكده اعرف انام وانا مرتاح
رانيا بحرج اه طبعا مركز علي بيبص علينا ياقاسم
فقاسم بص لقاه واقف باصصلهم ففضل يضحك بشده وتابع حلو ده خليه يتعلم علشان يطلع لابوه فكل حاجه
رانيا بقهر لا يارب مايطلع لابوه فكل حاجه ويقهر البنت اللي حبيته ابداا
قاسم ابتسم بوجع وتابع رانيا انا حقيقي اسف لوجعك ده واوعدك اللي جاي هيكون تعويض وبس
رانيا بقهر انا عند كلامي يا قاسم رديتني ولا مردتنيش انا ميخصنيش الكلام ده وهرجع بيت اهلي ولما تطلق هند هبقى اجي يلا ياعلي ووطت شالته فعلي شاور على قاسم وتابع بعياط با با
فقاسم قلبه وجعه وتابع طب علشان الواد يا رانيا
فرانيا مردتش عليه وخدت علي ورايحه تخرج فهند طلعت على شقتها بسرعه وبصت عليها من على السلم وشافتها وهي نازله
"" وبعد مرور اسبوع ""
هند وقاسم كانوا قاعدين بياكلوا وقاسم سرحان فهند لاحظت وحطت ايديها على ايديه وتابعت الاكل مش عاجبك ولا ايه؟
قاسم بانتباه ها لا ابدا تسلم ايدك وابتسم
هند بابتسامه الف هنا ينورعيني
فقاسم تنهد وقام فتابعت هند لحقت تاكل يا قاسم
قاسم بابتسامه اه الحمدلله ودخل الحمام يغسل ايديه وهند لمت الاكل وراحت جابتله الفوطه فخدها منها ونشف وشه وايديه وتابع بابتسامه تسلميلي ياهند
هند بحب ده انا عيوني ليك يحبيب قلب هند ولفت ايديها حوالين رقبته وتابعت ناوي تريح قلبي امتى يا قاسم
قاسم تنهد وتابع قصدك ايه ؟
هند بصتله بوجع وتابعت قصدي انا يا قاسم .. هو انا مش عجباك ؟ لحد انهارده انت مقربتش مني وبتنام في اوضه الاطفال مش من حقي اعرف سبب بعدك عني ؟
قاسم نزل ايديها عنه وتابع وهو بيدخل اوضه النوم انا بعمل كده علشانك مش علشاني
هند استغربت ودخلت وراه وتابعت يعني ايه مش فاهمه
قاسم بصلها وتابع يعني انتي فاهمه ان القلوب مش بايدينا وانتي بنت اصول تستاهلي حد يحبك وشاريكي ومش عايز من الدنيا غيرك مش حد قلبه مع ست تانيه وبيحاول يوفق بينكم
هند دموعها نزلت بقهر وتابعت يعني ايه يا قاسم ؟؟ مانا مشتكتش ورضيت باني اكون زوجه تانيه ايه اللي جد يعني
قاسم حط ايديه على كتافها وتابع عارف .. وعارف انك اصيله وست البنات كمان بس رانيا رافضه اني اكون متجوز عليها واانا علشان مظلمكيش اكتر من كده طول الاسبوع اللي فات حافظت عليكي وعلى شرفك علشاان تختاري اللي تستحقيه ويستحقك وتعيشي معاه كل ده لاول مره
هند اتقهرت وبصتله ودموعها بتنزل وتابعت ياااه للدرجه دي !! هو انا رخيصه عندك اوي كده ؟!! بتحافظ على شرف مراتك اللي هي من حقك وحلالك علشان تشيلها لواحد تاني ؟!! ده انت مش بس محبتنيش انت مراعتش ربنا فياا ولا عملت لخاطري حساب اصلا
قاسم بوجع هند افهميني
هند بعصبيه ودموع انا فهماك يا قااسم والله فهمااك انت بس اللي مش هتفهم ولا تستوعب اللي انا حساه دلوقتي بسببك وعيطت اكتر وتابعت محدش ضربك على ايدك علشان تيجي تتجوزني وتزرع الامل جوايا وبعدهاا تاخده مني بلقسوه ديي انا ماليش ذنب ان ست هاانم بتاعتك مرضيتش بياا لياا دعوه بالكلمه اللي انت اديتهاا لاهلي
قاسم بوجع انا ظلمتك ومعترف ومستعد اعملك كل اللي انتي عايزاه بس صدقيني جوازك مني هيظلمك ومش هتلاقي كل اللي بتتمنيه انا كنت قادر المسك على فكره واعاملك بالموده والرحمه وخلاص بس عمرك ماكنتي هتعيشي مبسوطه فانا عايزلك اللي يختارك ويحبك يكون ليه هو الحق ده
هند بصتله بقهر وتابعت بدموع بس انا مكنتش عايزه حد غيرك يلمسني يا قاسم
قاسم اتوجع علشانها وبص للارض فدموعها نزلت بقهر وتابعت انا عيشت اتمنى يتقفل علينا باب واحد ونجيب اخ او اخت لعلي لاني مكرهتهااش .. بس هي كرهتني وكرهتك فياا فخلاص يا قاسم مبقاش لازم تيجي على نفسك تاني بسببي طلقني ورجع مراتك وابنك ربنا يسعدك ..بس بالله عليك بلاش حد يعرف انك اسبوع بحاله مبصتش في وشي كده حتي علشان خاطر كرامتي واذا كان على اللي هتجوزه انا هقوله اني بنت بنوت
قاسم بوجع مش هقول لحد اكيد .. انتي مراتي قولا وشرعا قدام الناس وهتبقي طليقتي بردو بالاصول وسر اوضتنا مينفعش يخرج لحد كده كده
هند ابتسمت بوجع وتابعت كتر خيرك .. يلا طلقني يا قاسم
قاسم بوجع مش لازم دلوقتي و
هند بمقاطعه ودموع مش هتفرق يا قاسم .. والله ماهتفرق .. كده كده النهايه واحده مهما الايام طولت
فقاسم بصلها بوجع وتابع انتي طالق ياهند
فهند دموعها نزلت بقهر وراحت لبست عبايه تداري نفسها لانها كانت لابسه قميص وجابت شنطتها وبقيت تلم هدومها وقاسم بصلها وغمض عينيه بوجع وطلع من الاوضه وسابها وهي فضلت تلم هدومها وهي منهاره عياط ورفعت شعرها ديل حصان وخدت حاجتها وخرجت فقاسم لما شافها قام وقف وتابع بتوتر ها يلا هوصلك
هند بجمود وعينيها وارمه من الدموع لا شكرا مش عايزه حاجه بيتي مش بعيد
قاسم بوجع مش هينفع يا هند حتى علشان الاصول
هند بوجع الاصول انت معملتش بيها من بدري وخلتني العن قلبي انه حبك ودق ليك بس مبروك يا قاسم بيه الخطه مشيت زي ماخططتلها بالظبط روحت جيبت غيرها فاستفزيتها فرجعتلك فخلاص مبقتش محتاجني في حاجه ورميتني
قاسم بوجع هند متحسبيهاش كده انا بس اتسرعت وتسرعي ده ظلمكم كلكم لان حتى رانيا متستاهلش تحس بكده
هند بحده هي ملهااش حسبه الا كده ومتجيش وراياا خلاص مش عايزه اشوف وشك تاني بس اقسم بالله العظيم لهوريك العذاب الوان يا قاسم انت ومراتك وابنك ولو خلفت منها تاني واتعصبت اكتر وتاابعت والله العظيم ماهخليهم يشوفوا يوم عدل ومشيت وقفلت الباب وراها برزع ونزلت الشارع وهي بتعيط وطلعت فونها وتابعت ايوه يا خالد انت فين
خالد بلهفه مالك يا هند في اييه ؟؟ انا لسه راجع من امريكا وقاعد في شاليه اسكندريه
هند بعياط تمام انا هركب وجيالك حالا وركبت عربيه رايحه اسكندريه وبعتت لسعاد اختها " سعاد انا اطلقت ومش مرتاحه مع قاسم وانتي عارفه ان انا وانتي ملناش الا ماما فقوليلها اني غلطت لما مسمعتش كلامها ومحتاجه افصل شويه ولما تخلص شهور عدتي هعملها اللي اتمنته واتجوز خالد ابن خالتي وهقعد معاه في امريكا وارجوكي متحاولوش تدوروا عليا انا عايزه افضل لوحدي" وقفلت فونها وسندت راسها للشباك وبعد شويه نزلت من العربيه وفضلت واقفه في الموقف واتصلت بخالد
فرد عليها وتابع بلهفه شوفتك يحبيبتي خلاص استني بس بركن العربيه وبالفعل وقف ونزل من عربيته وشاورلها وتابع هندد فهند شافته فجريت عليه وحضنته وفضلت تعيط فخالد ضمها ليه اكتر وباس راسها بعمق وتابع بس يحبيبتي بس اهدي مالك في ايه ؟!!
هند بعياط هقولك بس ابوس ايدك محدش يعرف اني معاك هاا
خالد بلهفه محدش هيعرف والله بس مالك في ايه
هند بعياط قاسم طلقني يا خالد
خالد اتفاجئ بس حاول ميبينش وتابع نعم ده ازاي يعني
هند بعياط يلا نروح وهقولك هناك
فخالد ابتسم بفرح وتابع اكيد يعمري حاضر ووطى خد شنطتها وحطها في العربيه وفتحلها الباب فقعدت وقفل وقعد جنبها ومشيوا
وبعد شويه كانوا وصلوا الشاليه وهند حكت كل حاجه لخالد
فخالد تنهد بعمق وتابع والله ما عارف اقولك ايه غير انك ورطتي نفسك مع واحد ندل زي ده تحت مسمى الحب ومجاش من وراه غير لقب مطلقه وانتي لسه صغيره
هند بدموع انا مخسرتش غير قلبي ياخالد لاني متوقعتش قاسم يوجعني كده بس الحمدلله ملمسنيش
خالد اتفاجئ بشده وتابع نعم !! اسبوع كامل ملمسكيش ؟!! وابتسم بفرح
هند بدموع شوف انا في ايه وهو في ايه انت بتضحك يا خالد !!
خالد بفرح ومضحكش ليه يابنت الكلب ده كده تبقى مكتوبالنا يهبله وبسرعه بدل مانستنى 3 شهور
هند بدموع لسه عايزني يا خالد؟
خالد بفرح لسه عايزك ؟؟هي دي فيها كلام ! طبعا لسه عايزك بس احكيلي ازاي اسبوع كامل محصلش بينكم حاجه مش فاهم
هند بوجع كان بينام في اوضه تانيه
خالد بضحك ياختي في داهيه انا سدااد وبيقرب عليها
فهند حطت ايديها على صدره وتابعت بحرج اتلم واحترم نفسك هاا
خالد بضحك ياستي وماله بس ناويه ترضي عنا امتي
هند بوجع طلما لسه عايزني يبقى قسيمتي تطلع روح هاتها ونتجوز بس قدام الكل انا مش هتجوزك الا بعد 3 شهور هاا مش عايزه حد يعرف ان قاسم كسر بخاطري ياخالد
خالد بحب ده من عيون خالد والله
" وبعد مرور شهرين من جوازهم كانت كلمت اهلها وطمنتهم انها عايشه في اسكندريه وان خالد مستني عدتها تخلص وهيجي من امريكا علشان يتجوزوا بس هما بالفعل متجوزين من بدري "
وبتكلم اختها سعاد وتابعت متزعليش نفسك يسعاد بكره ربنا يكرمك ويفرح قلبك والله انتي مش اول ولا اخر واحده تتأخر في الحمل مجراش حاجه وعادل ابن حلال وهيصبر
سعاد بدموع انا مقهوره والله يا هند بقالي سنتين بلف على الدكاتره ورانيا دي ما شاء الله عليها معاها عيل وحامل في التاني اهو
هند اتصدمت وتابعت نعم رانيا حامل !!
سعاد اتصدمت انها قالت وتابعت بتوتر اقصد رباب يابت رباب جارتنا حامل و
هند بمقاطعه وبدموع سعااد
سعاد بتوتر نعم ياهند
هند بوجع متكدبيش عليا رانيا فعلا حامل؟
سعاد بحزن اه ياهند ..حامل في شهر اهو لسه عارفه انهارده من امك والله
هند بوجع تمام اقفلي
سعاد بحزن يابت بكره ربنا يعوضك و
هند بعصبيه قولتلك اقفلي ورمت الفون بتاعها اتكسر وحطت راسها مابين ايديها وفضلت ماسكه شعرها جامد وهي بتعيط وخالد كانت طالع لاوضتهم اتخض من صوتها وطلع بسرعه وتابع مالك ياهند فيكي اييه
هند بعصبيه ودموع رانيا مبسووطه وحياتها فل عادي بعد ماظلمتني هي وجوزها الحيوانه وحامل يا خاالد .. رانياا حاامل وبتقهرني تاني
خالد ابتسم بوجع وتابع حبيبتي انسيهم وبكره ربنا يعوضنا
هند دموعها نزلت بقهر وتابعت انت بتضحك عليا ولا على نفسك ؟ مانت عارف اني مبخلفش مش روحنا للدكتور الشهر اللي فات وقال كده؟؟
خالد بوجع عارف يحبيبي بس انا هصبر ومش معترض على قضاء ربنا وعندي امل ربنا يكرمنا والله
هند بعصبيه وعياط مش هخلف ياخالد مش هخللف انا عاارفه بقولك ايه وعيطت اكتر وتابعت كان نفسي اجيب راجل يقف لامه ويجبلها حقها لما يكبر بس انا ربنا حرمني من كل حاجه حتى من احساس الامومه وراح يدي رانيا كل حاجه اتمنيتها قدام عيني
خالد غمض بوجع وتاابع يعني انا مش كفايه عندك ياهند؟
هند بوجع كفايه بس لما تساعدني اجيب حقي منها واقهرها زي ماقهرتني
خالد بلهفه هساعدك والله هساعدك ومسك ايديها باسها وتابع اللي وجعك وجعني وانا مش هسكت على الأذي اللي مراتي شافته كده فايدي في ايدك وقوليلي عايزه تعملي ايه وانا ادوسلك عليهم واحد واحد انتي عارفه انا مين واقدر اعمل فيهم ايه هما ولا حاجه قدامي
هند بصتله بحب وابتسمت من بين دموعها وتابعت هفكر واقولك
خالد بحب اتفقنا ورفع دقنها باسها بحب وهمس الا انتي واحشتيني اوي يابت يهند
هند ابتسمت مدت ايديها توقع جاكت بدلته وبصتله وتابعت بابتسامه وانت اكتر
فخالد شدها ليه وباسها بعمق وقرب منها اكتر وبعد شويه كانت نايمه في حضنه وتابعت خالد
خالد بحب عيون خالد
هند بصتله وتابعت انا لاقيت الحل
خالد بحب اؤمريني
هند قربت منه وتابعت بهمس تجيبلي البيبي اللي في بطن رانيا
خالد اتصدم وتابع نعم وانا اعملها ازاي دي وهتستفيدي ايه
هند ابتسمت وتابعت تؤ متعوده عليك اذكي مني مالك في ايه
خالد بدهشه انتي عايزه تربي ابنها او بنتها وتكسريهم بيه بعد كده؟
هند بابتسامه عليك نور .. وكده كده انا مبخلفش فهيبقى فعلا ابننا او بنتنا والايد اللي هتسندنا لما نكبر
خالد بحيره مش عارف يا هند حاسس انها صعبه
هند باسته برقه وتابعت بحب مفيش حاجه تصعب على خالد السيوفي انت هتعرف تجيب البيبي وهنعمله شهاده ميلاد كأنه ابننا وناخده ونسافر امريكا ويكبر هناك وياخد الجنسيه ويبقى حد قوي وتقيل زيك بالظبط
خالد بقلق بس في مشكله الباسبور بتاعي وبتاعك تمام انما البيبي علشان يسافر معانا وامريكا تعترف بيه لازم اثبات نسب انه ابني فعلا علشان ياخد الجنسيه
هند بابتسامه حتى دي متصعبش عليك وانت بعلاقاتك والدكاتره اللي تعرفها تخلص الموضوع ده وتجيب تحاليل DNA مزوره
خالد بابتسامه انتي دماغك دي جيباها منين يخربيت عقلك يشيخه
هند فضلت تضحك وتابعت من عشرتي معاك ياروحي وبالنسبه لاي حد انا اتجوزتك بعد عدتي وسافرنا براا وهقولهم اني حامل بمجرد مانتجوز بكام يوم ولما رانيا تولد هقول اني ولدت في السابع
خالد بتساول هي دلوقتي حامل في شهر يعني؟
هند بابتسامه اه ولما انا عدتي بنسبالهم تخلص هتبقى هي حامل في شهرين فاحنا اتجوزنا وحملت علطول وولدت سابع وهما السبع الشهور اللي فاضلين لرانيا
خالد بضحك دماغك ابوسها وباس جبينها وتابع بضحك يخربيت ام ذكائك حسباها بالظبط
هند بضحك حبيبي والله
وبالفعل بعد 8 شهور رانيا كانت بتكشف علشان معاد ولادتها قرب فتابعت بابتسامه ها يا دكتوره هولد امتى كده اديني في نص التاسع؟
الدكتوره بحزن للاسف النبض توقف ربنا يعوض عليكم
قاسم اتصدم وغمض عينيه بوجع فتابعت رانيا بصدمه ايييه وقف ازااي يعني !! وعيطت وتابعت لالا اكيد في حاجه غلط وبتهز راسها بالنفي وتابعت بهستيريه لالا ده لسه امبارح ضربني في بطني والله العظيم لا انتي قولتيلي انه كويس مات ازااي يعني ماات لييه
فقاسم حضنها يتحكم في حركتها وتابع بوجع بس يارانيا بس اهدي ربنا يعوض عليناا يحبيبتي هو اللي ادانا فهد وهو اللي خده منقدرش نعترض وعلي بالدنيا
رانيا بعياط هستيري فهد ماات يا قااسم فهد ماات بعد ماكبر جوايا وشوفته في السوناار بعيني وفضلت تعيط بهستريه فقاسم حضنها جامد وتابع بدموع قدر الله وما شاء فعل يحبيبتي ابوس ايدك اهدي صحتك مش كده وعلي واقف بعيط على عياطك
رانيا بصت لعلي وتابعت بعياط اخووك مات يعلي اخوك اللي قولتلك تخلي بالك منه وتحطه في عينيك وتبقوا في ضهر بعض ماات وسابنا وبصت لقاسم وتابعت نورعيني ماات يقاسم ابني ماات وفضلت تعيط بهستريه فحضنها جامد وتابع بدموع يرانيا كفاياكي ابوس ايدك
فتابعت بعياط وصوت مكتوم في صدره يارب صبرني ياارب ياارب صبرنيي آه ياوجع قلبي عليك يا فهد آه ياوجع قلبي عليك يا قلب امك
فقاسم بص للدكتوره وتابع بدموع الاحسن نعمل العمليه امتى يا دكتوره؟
الدكتوره بحزن دلوقتي بلاش نستنى ونسيب البيبي ميت جواها اكتر من كده
فرانيا اتخضت وتابعت دلوقتي اييه !! لا محدش هياخد مني ابني دلوقتي وبصت لقاسم وتابعت بلهفه لالا يا قاسم سيبهولي شويه ابوس ايدك سيبهولي شويه متخدهوش مني علطول كده
قاسم بدموع يحبيبتي انتي بقالك كتير في التاسع مش هينفع نستنى اكتر من كده فعلا يلا يا دكتوره انا هقنعها بس نروح فين
الدكتوره عند اوضه العمليات وخلي الممرضات يجهزوها
فرانيا فضلت تعيط وتتحرك بين ايدين قاسم وتابعت لا انا مش هنزل ابني لاا يا قااسم اوعاا سيبني ابوس ايدك
قاسم بوجع يا رانيا متتعبنيش ابوس ايدك يلا يحبيبتي وبيشدها لبرا فتابعت رانيا بعياط وقهر لاا ياقااسم لا انا عاايزه فهد عايزه فهدد طلع عيني فيه يا قاسم مش بعد كل ده يموت ويسبني لاا
وقاسم خدها هي وعلي وخرجوا والدكتوره تنهدت بارتياح فخرج خالد من الحمام اللي كان شايف وسامع كل حاجه وحط قدامها 25 الف وتابع بابتسامه لحد دلوقتي برافو تسلميني الواد تاخدي الباقي
الدكتوره بابتسامه اتفقنا بس لازم ترش للممرضات بردو يا خالد بيه
خالد بابتسامه وماله بس انتي فطميهم على الدور وانا لما تجيلي بالواد هراضيها واديها ليها ولاخواتها
الدكتوره بابتسامه تمام وشالت الفلوس وسابته وخرجت وراحت لاوضه العمليات ورانيا كانت عماله تعيط وتفرك بس اديتها بنج كامل فنامت وتابعت الدكتوره بمجرد ما اقرب اخرج الولد تبعتوا باباه يشتري اي حاجه هاا
الممرضه تمام يا دكتوره وبالفعل ولدت الولد والممرضه شالته وخرجت بيه بعد ما ممشوا قاسم من قدام الباب ونزلت بيه من الباب الخلفي وتابعت بخوف اهو الولد يابيه
خالد بابتسامه وادي الولد الميت اللي هتديهولهم
الممرضه اتخضت وتابعت ينهاار اسود وده جبته منيين ده
خالد بضحك الملاجئ بتاعتهم كل يوم عيل فيها بيموت يجهله وبعدين واحد زيي يقدر يعمل كل اللي هو عايزه اتفضلي انتي روحي بس واخلصي واانا هبعت الراجل بتاعي يحاسبك انتي واخواتك والدكتوره بتاعتكم علشان الواد بيزن وعايز الحق امشي
الممرضه بفرح تمام روح انت دلوقتي
وبالفعل حطوه البيبي الميت في لفته وطلعت بيه لقاسم وتابعت بوجع قدر الله وما شاء فعل بس الاحسن تدفنه قبل ما مامته تصحى علشان متعيطش وتتعب
فقاسم بص للولد بقهر ودموعه نزلت وهز راسه بلايجاب انه هيعمل كده والراجل بتاع خالد كان واقف وبمجرد ما قاسم مشي حاسبهم كلهم واداهم فلوسهم
وعند هند كانت قاعده في فيلتها سمعت صوت خالد وتابع بابتسامه نووده انتي يابت فينك
هند وهي بتعمل ضوافرها بالمبرد تابعت انا هنا يا خالد اهو تعالى
خالد راحلها وتابع بضحك سمي وشيلي ياقلب خالد
فهند اتفاجئت بشده وتابعت بضحك وفرح يخربيت عقلك هي ولدت خلااص وقامت شالت منه البيبي بلهفه
خالد بضحك اه وجبتهولك اهوو
هند بصتله بفرح وتابعت ولد !!
خالد بضحك اه زي ما اتمنيتي بالظبط
فهند بصتله بحب ودموعها نزلت وتابعت ده هيبقى راجلي وضهري وسندي والورقه الكسبانه اللي هكسر بيها رانيا وقاسم وعلي واجيب حقي منهم كلهم
خالد بابتسامه علشان تعرفي ان خالد قد وعده
هند بضحك ده خالد ده نورعيني من جووه وبصت للبيبي ابتسمت انه من البدايه واضح هيطلع شبه قاسم بسبب شفايفه ومناخيره اللي واخدهم منه فقاطع خالد سرحانها وتابع ها هتسميه ايه بقى هي كانت هتسميه فهد
هند بضحك فهد ده ايه وقرف ايه وبصتله بحب وابتسمت وتابعت هسميه عصام وباست جبينه وتابعت عصام خالد السيوفي اللي هيكبر في حضني وهيكون سندي وهيجيبلي حقي تالت ومتلت وبصت لخالد وتابعت لازم نسافر في اسرع وقت ياخالد
خالد اهدي على حالك نسجل عصام يا ام عصام واخلص الاجرائات ونسافر زي مانتي عايزه واحكيلك عن صدمه صاحبتك وقهرتها بخبر موت ابنها
هند بضحك ياريت احب اسمع
وخالد فضل يحيكلها وهي فرحت جداا بالوجع اللي رانيا حست بيه وبالفعل بعد شهر كانوا خلصوا اجرائتهم بالكامل وسافروا امريكا وعاشوا هناك وعصام خد الجنسيه من خالد وكبر تقيل وقوي زي ماهي عايزه
بااك
فهند دموعها نزلت بقهر وبصت لصورتها هي وعصام اللي على الحيطه وتابعت بدموع انا أذيهم بيك ااه انما عمري ما اقدر أذيك انت يانن عين امك
----
عند عصام ورفيده كان نايم على السرير عاري الصدر وهي نايمه في حضنه وبيمشي ايديه على شعرها فتابع بحب روفي
رفيده بابتسامه اممم
عصام بحب فكرتك نمتي
رفيده اتعدلت في حضنه وهي ماسكه الملايه على صدرها وبصتله وتابعت بحب وانا هيهون عليا انام وانا عارفه انك قايم مش مكمل اكلك طب ده كلام !!
عصام بضحك لا يشيخه ودي من امتى الحنيه
رفيده بضحك الحق عليا يعني عايزاك تاكل
عصام شدها ليه وغمض عينيه وهمس ريحتك تجنن بجد ومشى ايديه على ضهرها وبصلها وتابع بغمز وابتسامه بس انا اتعشيت خلاص وباسها برقه وتابع ومش عايز حاجه تاني تلمس شفايفي بعد الحلويات دي
فرفيده فضلت تضحك وتابعت الدلع ده مش هيفيدك يا دكتور لما تتعب من قله الاكل بكره .. وراك يوم طويل ومناقشه ها
عصام ضحك ورايح يتكلم فالباب خبط فتابع باستغراب ايه ده مين ده اللي جاي دلوقتي ؟
رفيده بحرج مش عارفه بس مش هعرف افتح
عصام وهو بيجيب تيشرته من الارض تابع بضحك على اساس هقولك قومي افتحي بمنظر الآداب اللي انتي قاعده بيه ده
رفيده شهقت فعصام فضل يضحك بشده فقعدت على ركبتها على السرير وفضلت تضرب كتفه وتابعت بحرج الله يخربيت اهلك حد يقول على مراته كده
عصام لبس وقام وقف وتابع بضحك خلاص بجد اتلمي في حد بيخبط قومي استري نفسك متفضحيناش
رفيده بغيظ ما كله منك
فعصام فضل يضحك وهو رايح يفتح وفتح لقى هند فتابع بابتسامه ماما
هند بابتسامه ربنا يديم حسك وضحكتك في بيتك كده العمر كله يا نن عين ماما
عصام ابتسم وباس ايديها وتابع ربنا مايحرمني منك ابدا ياست الكل .. بس في ايه مالك خضتيني تعبانه ولا ايه؟
هند بابتسامه سلامتك من الخضه ينورعيني انا بس حلمت حلم وحش وصحيت مخضوضه عليك فطلعت اطمن عنك واخدك في حضني
عصام بضحك يسلام ده من عيوني وحضنها جامد فهند ابتسمت وحطت ايديها على ضهره وضمته ليها وفضلت تبوس كتفه ودموعها نزلت وتابعت اياك تبعد عني ولا توجعني ياعصام ده انا اموت من غيرك والله
عصام خرج من حضنها وبصلها باستغراب وتابع مالك بس ياست الكل في ايه هو انا هسيبك واروح فين يعني ايه الكلام ده
هند بتوتر ولا حاجه يعمري الحلم مضايقني شويه بس وابتسمت وتابعت ماتيجي تنام عندي انهارده يعصام
عصام بابتسامه يسلام بس كده حاضر اخد شاور واجيلك
هند ابتسمت وتابعت بضحك تاخد شاور !! تبقى بنت الكلب بنت سعاد سمعت كلامي وراضيتك مش كده؟
فعصام فضل يضحك وتابع ياست الكل بس لو سمعتك تقضيها عياط من الكسوف مانتي عارفاها ادخلي بس استنيني
هند دخلت قعدت وتابعت بضحك اه بتتكسف اوي رفيده ده يندب في عينيها رصاصه اسكت انت غلبان زي ابوك متعرفش حاجه
عصام بابتسامه الله يرحمه
وخرجت رفيده وهي لابسه روب طويل مقفول وتابعت باستغراب ايه ده في ايه
هند بضحك جايه اقطع عليكي ليلتك واخد ابني ينام عندي تحت خلاص كفاياكي كده انتي شويه وانا شويه
رفيده اتفاجئت وتابعت بضحك نعم ياختي .. انتي هتشتغليلي في شغل الحموات ده ولا ايه وينام عندك ليه ان شاء الله ما ينام في بيته وحضن مراته
عصام فضل يضحك فتابعت هند بضحك ام وعايزه ابنها شويه ياتربيه ناقصه علشان واحشني يقعد عندي فيها حاجه دي ؟
رفيده بضحك فيها حاجات .. جوزي ومشبعتش منه وعايزاه جنبي
عصام اتفاجئ وفضل يضحك بشده فتابعت هند بضحك مش بقولك عينيها يندب فيها رصاصه مصدقتنيش
عصام بضحك انا منبهر على فكره والله ما بتقولي الكلام ده
رفيده بضحك التقل صنعه بردو يروحي
هند برفعه حاجب مش على ابني ياختي دكتور عصام السيوفي لما يطلب واحده ميتقالوش غير حاضر هو في واحده اصلا تطول تاخد نظره من عينيه ؟!
عصام بضحك ايوه يانوده يا جامده اديها على دماغها كمان خليها تتظبط
هند بضحك قلب نوده من جوه انت
رفيده بضحك شوف اللي مبيطمرش فيه حاجه !!
عصام بضحك يعمري طمر والله بس امي معايا حبتين المره دي فبستغل الموقف انا لو كنت اعرف ان الحلم هيخليها تطبلي كده كنت داعيت تحلم من زمان
هند بوجع ده كابوس يعصام مش حلم .. بس مش مهم المهم انك معايا
رفيده باستغراب حلم ايه ؟
هند بتنهيده مش لازم يتقال علشان وحش المهم خد شاور ويلا يعمري ولا هتزعل تخليك مع مراتك
عصام بحب لا طبعا ازعل ايه ده من عيوني والله
فرفيده مسكت ايديه وتابعت بهمس انت هتنام تحت بجد؟
عصام بحب معلش حتى انيمها واطلعلك ياروفي اديكي شايفه مخضوضه عليا ازاي
رفيده هزت راسها بلايجاب وتابعت ماشي
ودخل عصام خد شاور بالفعل ونزل معاها وفدخلت اوضتها ونامت وفتحتله دراعها وتابعت تعالى يعمري
عصام بضحك ربنا يهديكم انتوا الاتنين كويسين انهارده مش معقوله بصراحه ونام في حضنها
فتابعت هند بضحك وهي بتشد الغطا عليهم : ماشي ياتربيه ناقصه انت فعصام فضل يضحك وهي فضلت تمشي ايديها على شعره ووطت باست راسه بعمق وضميته ليها اكتر وتابعت في سرها " تعب عمري كله طرح فيك انت يعصام.. مش هسمح ان اي حد ياخدك ولا ياخد حُبك ليا ولا يتقال كلمه ماما لغيري مهما حصل "
---------
عند كريم كان وصل تحت البيت ووقف العربيه وبص لنيره وتابع كل اللي هيتقاال انتي ونديم محصلش بينكم نصيب ولو حد علق على هدومك هتقولي غيرتي عند سهيله لاي سبب بقى عصير اتدلق او اي حاجه زي مافهمتك لا اكتر ولا اقل .. وتابع بنبره مليانه تحذير : ومش عايز رغي نسوان وكلام فاضي ولا معاهم ولا مع هنااء .. مش هنبه تاني تمااام ؟؟؟
نيره بدموع تمام
كريم بضيق طب يلا انزلي وصلنا ورايح يفتح نيره مسكت ايديه وتابعت بدموع كريم انا عايزه اتكلم معاك ارجوك
كريم نزل ايديها وتابع بحده الكلام خلصناه من زمان انا ولا قادر ولا عندي هري اهريه معاكي تاني يلا ونزل ورزع الباب فانيره اتخضت ونزلت وراه فقفل العربيه وطلع وهي وراه ومالك كان واقف في البلكونه مستغرب عصبيه كريم وميعرفش دي نيره ولالا
وطلعوا كان باب شقتهم مفتوح فدخلوا وتابع السلام عليكم
هاله بابتسامه وعليكم السلام ورحمه الله وبركاته
حبيبه بصت لنيره باستغراب وتابعت مالك وشك مقلوب وعينيكي حمرا كده ليه ؟؟
كريم بص لنيره وتنهد بعمق وتابع ابدا بس محصلش نصيب بينها هي ونديم وروحت فضيت الليله دي وجيت فطبيعي متضايقه شويه
هاله بخضه يانهار اسود ليه حصل ايه ؟!!
حبيبه بفرح : احسن بردو والله العظيم قرار صح الصح يابت ينيره
هاله بحده اخرسي انتي التاانيه احسن ايه وزفت ايه ليه يانيرره حصل ايه علشان تسيبوا بعض !!
نيره بدموع انا بصراحه مبقتش مرتاحه معاه وحسيت ان كريم صح في رفضه فالو هو شاري صح هيراضي كريم علشان يوصلي انما انا مش هعادي كريم علشانه يماما
حبيبه بفرح : ايوه كده ينيره برافو عليكي انتي صح هي دي نيره اختي اللي انا اعرفها
هاله بخوف وبحده : ولحد امتى يكريم هيفضلوا جنبي يعني ؟!ياابني انا عايزه اطمن عليهم مش كل شويه جوازتهم تبوظ كده
كريم بتنهيده معتقدش وصيه ابويا اني ارميهم يخالتي
هاله بحده ودموع بس وصاك تسترهم وكده مفيهاش ستره كده فيها بلاوي وفضايح وبس
"كريم فاهم ان هاله خايفه من وجود مالك " فتابع بتنهيده متقلقيش يخالتي والله العظيم هطمنك عليهم بس كله بأوانه الاستعجال في الحاجات دي مش حلو وادينا اتسرعنا في اسياا وبنضرب نفسنا 100 جزمه دلوقتي
حبيبه باستغراب هو انا ليه حساكي شايله قنابل وخايفه تنفجر فيكي يوليه انتي ها ؟؟! مالك في ايه مانقعد زي مانقعد هو احنا هنحمض الله
هاله بحده ياختي ياريتكم قنابل كنت راميت من بدري بلا مرار وقامت دخلت اوضتها ورزعت الباب
فتابع كريم بتنهيده متاخدوش عليها هي السكر تاعبها الفتره دي فا زي ماتقولوا الوسواس اشتغل ونفسها تجوزكم وتطمن عليكم خايفه يجرالها حاجه
حبيبه بحزن يكريم فاهمين والله بس الامور متتاخدش كده بردو
كريم بابتسامه معلش اعزريها هي نفسها تطمن ان كل واحده في بيتها وليها راجل حقها بردو
حبيبه بتنهيده ربنا يسهل يكريم يعني احنا اللي عجبانا القاعده اوي
كريم برفعه حاجب حاسس بتلميح ياست حبيبه ؟
حبيبه بتوتر ها لا ابدا يروحي ده انا مبسوطه بالقاعده
كريم برفعه حاجب اممم قولتيلي طب انا طالع علشان هموت وانام
حبيبه بحب اقعد احطلك محشي وبط من بتوع خالتك انما ايه حكاايه
كريم بحب لا طلما محشي وبط من بتوع خالتي هاتيلي بس فوق مش قادر اقعد بصراحه
حبيبه بحب يسلام عيوني اطمن توتي صحيت ولالا بس لانها نايمه عندي وكل شويه ببص عليها وهجيلك
فكريم باس جبينها وتابع ماشي يحبيبي يسلملي عيونك وطلع من غير مايبص لنيره فنيره غمضت بقهر ودموعها نزلت فتابعت حبيبه باستغراب انا ليه حاسه كريم لسه مسامحكيش ومش عايز يبص في وشك؟
نيره بوجع ودموع اه هو واخد موقف شويه
حبيبه باستغراب من ايه مش قولتيله تسيبي نديم علشانه؟
نيره بحده ودموع يوووه يحبيبه وانا ايش عرفني بقى سيبك منه انا حقيقي مش ناقصه ودخلت اوضتها ورزعت الباب فحبيبه اتخضت واستغربت اسلوبها ودخلت اوضتها تشوف تولين لقيتها نايمه زي ما هي بس الغطا اتشال من عليها شويه فراحت غطيتها كويس وباست جبينها وابتسمت وخرجت راحت المطبخ
ونيره فضلت تعيط بهستريه وحطت ايديها على بوقها تكتم عياطها وقعدت على الارض وهي سانده ضهرها للباب وفضلت تضرب ايديها في الارض وتابعت بعياط وقهر : يغبيه خسرتي كل حاجه .. خسرتي كل حااجه ياريتك ماوقفتي قصااده ينيره يااريتك
----------
فوق عند كريم طلع شقته ودخل اوضته اتفاجئ بعلي نايم على سريره وحاطط ايديه ورا رقبته فتابع بصدمه انت ايه اللي جابك اوضتي يحيوان !
علي بضحك لا غلط وقله ادب مش عايز انت روحك في ايدي يعني ممكن ازعلك
كريم برفعه حاجب لا يجدع وده ليه ان شاء الله ؟ ليا عندك ايه مثلا ؟؟
علي بضحك الاوراق اللي سيبهالي اراجعها غلط واخسر شركتكم ملايين
كريم وهو بيرمي جاكت بدلته على جنب تابع بضحك اه ده علشان اعلق امك فيها دي
علي فضل يضحك وتابع كريم انا مبهزرش وربنا
كريم وهو بيفك زراير قميصه تابع بضيق ايوه عايز ايه يعني ؟؟
علي بضحك ايه ياعم قله الادب اللي انت فيهاا دي ماتحترم نفسك وتغور تغير في الحمام انت فاكر نفسك قاعد مع مراتك
كريم اتفاجئ وفضل يضحك وتابع ياابن الكلب يحيوان انا في اوضتي انت ايه اللي جاب اهلك مش فاهم
علي بضحك ماشوف بقى على الدوغري كده انا مش هنزل من هنا غير وانت محددلي معاد خطوبتي انا وبيبه
كريم بضحك اممم قولتلي وده في عُرف مين ده ان شاء الله ؟؟
علي بابتسامه في عرف الاخوه والجدعنه خلي عند اهلك دم ده اخوك قرب يكمل الـ 26 اما ريقه نشف
كريم بتفاجئ وضحك ااه يحيوان يقليل الربايه امشي اطلع برا يالا معنديش بنات للجواز
علي بتنهيده كريم عايز اتكلم معاك بجد والله اقعد
فكريم قعد قدامه وتنهد وتابع خير يعلي
علي انا مش هقولك اني اغلى واعز واحد عندك لانك مفروض عارف ده وانا واثق فعلا انك بتعتبرني كده ولا هقولك اني راجل وقد المسئوليه واعرف ربنا لاني نفس تربيتك وانت شايفني وعارفني كويس .. انا بس هقولك حاجتين الاولى انا قد ايه بحب اختك ومش متخيل حياتي من غيرها وعلى الدوغري احنا شباب زي بعض وهتفهمني وتنهد بعمق وتابع تعبت من اني اتمناها واحس نظرتي ليها حرام ومش من حقي يكريم .. انا بحبها لدرجه بتمنى قربها ليل نهار وده حرام وانا وانت عارفين كده كويس اومال ربنا حلل الجواز ليه؟ علشان اكون معاها بس برضاه عليناا فجيت اطلبها مره واتنين وعشره وشويه انت رافض وشويه هي رافضه وانا حقيقي تعبت من بعدها عني .. حبيبه دي هي نورعيني اللي بشوف بيه انا في وضع صعب ومشاكل من كل ناحيه ففعلا محتاجها جنبي اسند راسي على كتفها من كل الهموم اللي شايلها وابتسم وتابع نفسي اغمض عين وافتحها الاقيها مراتي وام عيالي وكل اللي انا فيه ده عدا فسهلها على اخوك متصعبهاش يكريم انا والله هحط حبيبه جوه نن عينيا وافديها بروحي
كريم بتنهيده انا عارف الكلام ده كويس بس وضعك الفتره اللي فاتت قدامي كان خرا جدا معتقدش لو انا اللي خبيت على اسراء هتسامحني وتعديها
علي اهي دي تاني حاجه كنت عايز اكلمك فيها .. موضوع هناء اختك جاتلي وحاكتلي وكبرتني من خوفها منك وانا تفهمت موقفها ونبهتها متغلطش تاني وفعلا مشافتوش ويمكن لو اسراء صارحتني كنت احترمتها عكس مانا شوفتها واقفه معاه في عز ما فكراني مسجون فانت نفس الوضع .. الصوره عصبتك بس لو جينا ندور هنلاقي ان كل مقابلتها بيه كانت لغرض العلاج مش اكتر والصوره تلقائيه وهي بتكلمه واتوترت من وجود نادر ومش ببررلها على فكره .. بس كلنا حبينا ولما الحب بيسيطر بنغضب ربنا في حاجات كتير خارجه عن ارادتنا وعلشان كده قولتلك نفسي اتجوز حبيبه بسرعه بس هو غفور رحيم وبيسامح فانا وانت مين علشان منغفرلهاش ؟! خصوصا انها بالفعل بطلت تشوفه ورحمه ابويا وابوك
كريم بتنهيده تمام ياعلي سيبك من موضوع هناء ده خالص علشان وسام ده لو وقفت على شعر راسها مش هتاخده بردو انا مقتنع بيه نهائي
علي بتنهيده طب جرب شوفه الواد ابن اصول وراجل وشاريها والله
كريم بحده ولا اجرب ولا اتنيل سيبك منها خليك في موضوعك انت
علي بتنهيده تعبتني يكريم والله بس خد بالك انا ليا عندك حق عرب
كريم ده ليه ان شاء الله ؟
علي برفعه حاجب : بقى انا راجل مش غيور يكريم ؟؟ طب ده انا انهارده رفصت حبيبه رفصه جبت اجلها ودخلتها اوضتها علشان واقفه بالبيجامه وابن عمها موجود
كريم فضل يضحك بشده وتابع يخربيت اهلك مش قادر انت عملت كده بجد ؟؟!!
علي بضيق مبهزرش دلوقتي انا شيلت منك بجد وكنت حالف مش هكلمك
كريم بضحك وكلمتني ليه؟
علي بضحك مهونتش عليا يا ابن الجزمه هو انا ليا غيرك
كريم بضحك اسمها ليا عندك مصلحه
علي بضحك او اه ليا عندك مصلحه ايه يزعل اهلك في كده مش فاهم
فكريم فضل يضحك وتابع على العموم كنت بستفزك يحيوان علشان اشوفك هتتمسك بيها ولا هتخلع
علي اتصدم وتابع بتهزر صح ؟!
كريم فضل يضحك وتابع لا ورحمه ابويا بتكلم جد انا استغليت الموقف وكنت بجربك فعلا هو انت في حد في غيرتك ؟!! يعني ده امي دايما تقولي طالع لابوه لما كان يغير كان الشارع كله يسمع صوته
علي بضيق ابعد بقى كده ينعل اهلك في الاارض متكلمنيش تااني اوعاا عايز انزل
فكريم فضل يضحك بشده وتابع يعني انت كنت عادي لما فاكرني بتكلم جد وزعلت لما بقولك كنت بستفزك وبشوف هتتمسك بالبت ولالا
علي بحده لا علشان كنت بتجربني ومش قادر تصدق اني فعلا بموت فيها وعايزها
فكريم فضل يضحك وحضنه وتابع قلبك ابيض بقى اعتبره مقلب صغير وادينا ضحكنا وهزرنا وخلاص ومسك الكوبايه يشرب
علي بضحك مقلب ايه ياعم غور في داهيه انت فاكر نفسك رامز جلال
كريم بضحك احسن منه يحيوان مالك في ايه ودلق باقي الكوبايه على راسه
فعلي شهق وتابع بضحك ياابن الجزمههه الجو برد
كريم بضحك احسن ولا مش احسن ؟
علي بضحك احسن طبعا هي دي فيها كلام يشيخ روح منك لله هتجبلي دور يرقدني في السرير ومسك القميص وبص عليه لقاه غرقان مايه
كريم فضل يضحك وتابع حلو احساس اخو العروسه ده والله عمال اذلك ومتقدرش تتكلم
علي اتفاجئ وتابع اه يعني امتى وغلاوه امك انطق وريحني بقى
كريم بضحك هقولك حاضر هات بس القميص ده هجبلك غيره علشان متتعبش
فعلي قلعه واداهوله وقعد عاري الصدر وكريم قلع قميصه ورمى الاتنين في سبت الغسيل وراح يجيب هدوم
فتابع علي بحماس: كريم تعالى بص صوره الخاتم ده كده جبته لحبيبه قولي رايك ؟
فكريم ساب الدولاب وراح قعد جنبه وتابع باعجاب تحفه ايه الجمدان ده زوقك رايق بجد
علي بضحك حبيبي
وحبيبه كانت طلعت بصنيه الاكل وبتفتح الباب اتصدمت بالاتنين قاعدين كده فشهقت بخضه ووقعت الصنيه وتابعت وهي بتودي وشها الناحيه التانيه الله يخربيتككم ايه اللي انتوااا بتعملوااا دده !!!!
علي وكريم اتخضوا فتابع علي بخوف: بنعمل ايه الله يخربيت اهلك ماالك ؟!!!
حبيبه وهي مغمضه تابعت بحده ازاي تقعدوا من غير تيشرتاتكم كدده وانتوا عارفين اني طالعه
علي بتوتر: والله ما اعرف حاجه وبقى يدور على اي تيشرت بسرعه
فكريم فضل يضحك بشده وتابع انا قولت من الاول وجودك هناا غلط محدش صدقني اقسم بالله يحبيبه اخوكي متربي ابن الكلاب ده هو اللي طلعت لقيته نايم في اوضتي
حبيبه بحرج انا نازله
ورايحه تمشي فعلي لبس اي تيشرت قدامه بلهفه وتابع خدي بس ناازله فين ومسك دراعها دخلها الاوضه وتابع : والله يبابا ما اعرف انك جايه انتي عبيطه هعرف انك طالعه واحرجك كده ازاي يعني !!
حبيبه بحده انت اصلا ازاي تقعد قدام كريم كدده هاا ؟!! هو مراتك وانا معرفش ؟!!
كريم وهو بيلبس تابع بضحك قوليله يقلب اخوكي التربيه الناقصه ده قوليله
علي بصله بصدمه وتابع بضحك يابنتي قسما بالله هو اللي غرقني وقالي اجيب القميص علشان متعبش ده ابن كلب كدااب
كريم بتمثيل : جو قدييم وبلديي .. بلدييي بذمتك انتي مقتنعه بالهري ده ؟؟
حبيبه لا طبعا
فعلي بصلها بذهول وكريم فضل يضحك بشده
فتابع علي بضحك الله يخربيت اهلك على المساا ومسك وشها وتابع حبيبه اظبطي كده مالك في ايه يحبيبتي هقعد كده ليه يعني ؟!! اكيد في سبب وانا والله قميصي غرقان مايه انما موضوع انك طالعه ده الحيوان كريم اللي يعرفه مش انا والله العظييم ما ااعرف حاجه وبص لكريم واتعصب وتابع يااعم ماتقولهااا حاجه يااعم ايه الاستعباط دده
كريم فضل يضحك بشده وتابع يابت بنكشك وبهزر هو فعلا ميعرفش انك طالعه وبعدين فيها ايه قاعدته كده انتي مخك تعبان ولا ايه.. متعرفش هي الشرطه والحربيه بيحصل فيهم ايه يعلي وفضل يضحك
حبيبه باستغراب بيحصل ايه مش فاهمه ؟
علي بضحك بيدخلوا لابسين شورت ومش لابسين من فوق خالص بس كذا نفر مع بعض للكشف الطبي وكده
حبيبه وشها احمر وتابعت بحرج لا انتوا كرجاله متربتوش والله اوعا كده عديني وزقت علي ومشيت
فكريم فضل يضحك وتابع طب والبط اللي وقع ده يحبيبه ؟؟
حبيبه بحرج هجيبلك غيره ونزلت بسرعه فعلي بصله وتابع الله يحرق اهلك ازاي نسيت انها طالعه .. البت تقول علينا ايه واحنا قاعدين ولا اللي بنصيف كده !! شكلنا كان زي الخرا
كريم فضل يضحك بشده وتابع يشيخ اتنيل عليك وعلى اهلك بقى انا دماغي فيها ايه ولا ايه
----------
عند مالك كان بياخد شاور وملامح سلمى مش بتفارق باله وابتسم غصب عنه بعدين فاق من السرحان ده على صوت خبط على الباب
فنزل الرغوه عنه بسرعه ولبس البورنص وخرج يلبس وتابع بصوت مسموع حاضر ثواني ولبس بنطلون بيتي وتيشرت نص كم وساب شعره مبلول زي ماهو وراح فتح
لقاها سلمى وشايله الصنيه فتابع بلهفه هاتي عنك شايله كل دي ازاي بس واستني متتحركيش علشان الارض لسه مبلوله متقعيش
ومسكها منها بالفعل مشي براحه وحطها على الترابيزه وتابع تعبتك والله ياست البنات اشكريلي الست الوالده جدا بالنيابه عني
سلمى بابتسامه تعبك راحه .. عن اذنك
مالك بلهفه استني يسلمى
سلمى وقفت وتابعت بتوتر ايوه ؟
مالك ممكن تقعدي اتكلم معااكي خمس دقايق ؟
سلمى بتوتر الفكره ان مش هينفع افضل هنا ومش هينفع اقف معاك اصلا فاهمني؟
مالك بابتسامه فاهمك وانا راجل صعيدي وافهم في الاصول كويس اوي والله فخلي الباب مفتوح زي ماهو وادينا واقفين قدامه وانا مش هطول عليكي ياستي
سلمى بتوتر طب يلا بسرعه قبل ماعلي يجي بس
مالك اكيد حاضر وتنهد بعمق وتابع بحب بصي يا سلمى انا عمري ماصدقت الحب اللي من اول نظره ده بس من ساعه ماشوفتك وانا فعلا معجب بيكي ومش عارف اخرجك برا دماغي
فسلمى اتصدمت ورايحه تتكلم فتابع مالك بمقاطعه وعارف انك قربتي تتجوزي حبيبه قالتلي كده بس انا متعشم انك تفهمي حبي ليكي ومستعد اتقدملك لو انفصلتي والله العظيم
سلمى بصدمه انت مجنون صح !!
مالك تنهد بوجع وتابع والله ما مجنون وعارف انك كنتي هتستغربي طلبي وهترفضيه بس انا فعلا عايزك ومتضايق ومخنوق من ساعه ماعرفت انك هتتجوزي
سلمى بحده يابني انت تعرفني منين علشان تحبني ؟! الحب يعني عِشره مش جااي تقولي بحبك علشان شكلي عجبك !!
مالك بصدمه شكلك عجبني ايه انتي فهمتيني غلط خالص !! اكيد انا مش حقير كده بس شوفت فيكي بنت اتمنيتها وعملتها في دماغي وعيشت ادور عليها كتير .. متدينه ولبسها واسع ومحترمه وزي القمر انتي فيكي كل اللي اتمنيته فاتشديتلك وخوفت اضيع الفرصه بس لاني سبق وكنت خاطب بس ارضاء لرغبه اهلي انما عمري ماحسيت اني عايز بنت زي ماعوزتك
سلمى بحده الفرصه كده كده ضاايعه انا واحده متجوزه والمفروض تخلي عندك دم وذوق يصعيدي ياللي بتفهم في الاصول وتشوفني تبص في الارض مش تفضل تبصلي في الرايحه والجاايه
مالك بوجع انتي بتحبي جوزك يعني؟
سلمى اتفاجئت وتابعت بحده شوف بقوله ايه يقولي ايه بس علشان اريحك ااه يسيدي بحب جووزي تخيل انت لو متجوز كده حتى لو مراتك مش بتحبك ايه احساسك لو جات قالتلك طلقني اصل في واحد اهبل معرفوش جيه قالي كلمتين حلوين فانا هروح اتجوزه واسيبك انت بعد كل ده .. ايه رايك هتقول ايه ساعتها ؟؟ هتقول انهاا قليله اصل واهلها معرفوش يربوها مش كده ؟؟؟
مالك بوجع من غير تجريح يسلمى انا حسبتك مخطوبه صالونات فقولت مش هتفرق معاكي مين العريس لانك مبتحبيش الاتنين بس المهم يكون كويس وبيحبك وانا فعلا راايدك
سلمى بعصبيه انا مش بضاعه هتتباع ليك ولا لحازم ولا الموضوع شقلب واقلب كده ده خطيبي بقالنا سنه ونص وبنحضر شقتنا بقالنا كتير واختارنا كل حاجه فيها سوا وكتبنا الكتاب وخلاص فاضل القليل فمعتقدش في حد ساذج هيسيب كل ده ويروح لحد ميعرفوش ويبدء من اول وجديد لييه يعني اتجننت ولا اتهبلت ؟؟؟
مالك بوجع عندك حق بردو بس في بنات بتغير رايها لو شافت الاحسن والاغنى والاقيم عادي
سلمى بحده اي واحده تعمل كده الا سلمى .. مش سلمى اللي تبص لراجل غير جوزها معملتهاش و ولا عمري هعملها و ولا عمري هسيبه علشان حد تاني احسن منه دي مش تربيه علي ليناا ولا الحب والجواز بيتقاسوا بالقرف ده
مالك بوجع اممم عندك حق فكل كلمه على فكره انا بس حسيت حاجه حبيت اكون صريح واقولهالك لعل حاجه تتغير قبل فرحك بس خلاص ده نصيب وانا متقبل قدر ربنا اكيد لو كان لينا نصيب في بعض كنت شوفتك بدري عن كده
سلمى بضيق مكنتش تتكلم لان مفيش حاجه هتتغير دلوقتي غير اسلوبي معاك بعد كده علشان لو كنت عملت زي ما دينك امرك وغضيت بصرك مكنش زمانك موجوع دلوقتي
مالك ابتسم بوجع وتابع ياستي متشيليش هم وجعي انا هعرف اداوي نفسي روحي انتي بس شوفي وراكي ايه يعروسه ربنا يسعدك ويفرح قلبك يسلمى
سلمى اتوجعت من نبرته وتابعت مالك انا مش عايزاك تزعل مني ووالله لمست الصدق في كلامك ونبره صوتك وعارفه انك اعجبت بيا فقولتلي علشان عايز الحلال واحترمت شجاعتك جدا في النقطه دي وانت فعلا انسان كويس واللهم بارك مفكش غلطه .. بس مش هينفع انا ست متجوزه ولو فرضا 1% انت عرضت الجواز ده على بنت غيري ووافقت لان انا مستحيل اعمل كده بس فرضا يعني .. تأمنلها ازاي وهي غدرت براجل اداها اسمه وهو واثق فيها علشانك؟؟ ما وارد تغدر بيك علشان غيرك طلما المبدا موجود ولا ايه ؟؟؟
مالك تنهد بوجع وتابع ااه انتي عندك حق فكل كلامك والله معرفش ليه اتصرفت زي المراهقين وطلبتك للجواز مع ان ده ضد الاصول
سلمى ابتسمت بحزن علشانه وتابعت : حصل خير متزعلش نفسك بكره ربنا يراضي قلبك باللي احسن مني 100 مره
مالك ابتسم بوجع وتابع رينا يسعدك يسلمى
سلمى بابتسامه انا وانت اللهم امين يارب يلا همشي انا ها
فمالك هز راسه بلايجاب بمعنى ماشي وسكت
وسلمى رايحه تمشي داست على طرف العبايه ورجليها التانيه اتزحلقت بسبب المايه فاتخضت ومالك خاف عليها جدا وكانت هتقع بس حط ايديه ورا ضهرها وشدها ناحيته بسرعه ووقفها وهي قريبه منه فقلبه فضل يدق بعنف من قربها فبص لعينيها وتابع بهمس مش تخلي بالك يسلمى ؟؟
وعلي طلع على السلم استغرب ان باب شقته مفتوح وبيبص علشان يمسي ورايح يتكلم اتصدم بشده
سلمى اتوترت من ايديه اللي على ضهرها وقربها منه كده ورايحه تتكلم فقاطعها علي بعصبيه وتابع ســـلمــى فاتصدمت بشده وبصت عليه هي ومالك واتخضت لما شافته
------------
عند هناء في اوضتها كانت بتعيط وبتكلم وسام
وسام بعصبيه يابنتي فهميني في ايييه ؟!!! من ساعه قاعدتي مع علي تختفي كدده قلقتي امي عليكي
هناء بحده ودموع كنا بنحاول نصلح اللي البيه ابن خالتك هببه
وسام اتصدم وتابع نادر !! انتي عرفتي ؟!
هناء بحده ودموع ااه عرفت يا وساام عرفت انك كنت مستغفلني وعارف كل حاجه ومعيشني مرعوبه من اليوم اللي هتعرف فيه
وسام بعصبيه انتي ايه الكلام الفاضي اللي بتقوليه ده انتي اتجننتي انا كنت عايز اجيبلك حقك من غير ما احسسك اني قااصد اجيبهولك
هناء بعصبيه ودموع سيبك من الكلام اللي قولته لعلي دده انت خبيت عليا ياا وساام علشان تجيبلي حقيي ولا علشان تراقب تصرفااتي وتشوفني لسه بحب نادر ولالا ؟!!!
وسام اتصدم وتابع عصبيه انا مش هرد عليكي دلوقتي علشان انا لو مشيت ورا شيطاني هاجي اطلع عين اهلك ومش هيهمني حد كل اللي عايز اعرفه دلوقتييي ناادر هبب اييه ؟!!
هناء بدموع البيه بعت لكريم صوره لينا يوم ما روحتلكم المطعم وانا ماسكه ايديك وكريم عرف وجيه دور فيا الضرب وبهدل بكرامتي الارض وخسر علي بسببي
-------------
في اوضه كريم كان قاعد بيعمل حااجات على اللاب توب وحبيبه جايبه صنيه وبتلم الاكل مكانه هو وعلي وتابعت بحب علي اكل كويس ؟
كريم بضحك طفح ياختي
حبيبه بضحك يكريم حرام عليك قول الف هنا
كريم تنهد وتابع ااه .. خليني ساكت علشان مقومش اعجنك احسن
فحبيبه فضلت تضحك وتابعت ماشي يسيدي وشالت كل الاطباق على الصنيه ففون علي بعت مسدج فتابع كريم ايه ده هو نسي فونه؟
فحبيبه بصت على الكومود لقيته وتابعت ااه تصدق نسيه
فتابع كريم بتنهيده طب خديه معاكي وقوليله يجي ياخده علشان ميقلبش عليه الدنيا
فتابعت حبيبه بحب حاضر وخدت الفون والصنيه وتابعت اطفيلك النور؟
كريم بحب لا يعمري بعمل شويه حااجات وهستنى صلاه الفجر
حبيبه بحب ماشي يحبيبي
وخرجت وقفلت الباب ونزلت حطت الصنيه في المطبخ ومسكت فون علي وفضولها خدها تشوف لسه حاطط صورتها على الشاشه ولالا فلقيته مقفول بباسورد فنفخت وتابعت اووف بقى هيكون عامله ايه دده
وجربت تفتحه بتاريخ ميلادهاا ففتح ففرحت بشده وفضلت تتنطط وتابعت بضحك وفرح : ياروحي يانااس بحبه بموت فيه والله وبصت للشاشه لقيت نفس صورتها اللي كان حاططها من يوم خروجه من السجن مغيرهاش فابتسمت اوي وهي بصالها وقطع سرحانها مسدج تانيه جاتله على الواتس نزلت قدامها فقرائتها اتصدمت كان مضمون الاولى اللي اتبعتت وهي عند كريم " علي انا رفيده "
والرساله التانيه اللي اتبعتت دلوقتي " انت واحشتني اوي على فكره برن عليك فيديو كول مش بترد ليه ؟ "
فحبيبه اتصدمت بشده وقلبها وجعها والدموع اتجمعت في عينيها وتابعت الحيوانه دي ازاي تعمل كده ؟!!! ودخلت على الشات بينهم لقيت ان ده اول كلام بينهم وحست ان مخها هيطق من كتر التفكير " معقوله علي بيكلمها وبيمسح الشات اول باول ولا دي اول مره "
فدخلت اوضتها وهي متعصبه جدا ولبست عبايه وسابت شعرها زي ماهو :وخدت فون علي والمفتاح ونزلت وخرجت من عمارتهم ودخلت عماره عصام وطلعت شقته وخبطت
فدقايق وفتحتلها رفيده واتصدمت بشده من وجودها
فحبيبه بصت لمنظرها ولبسها المكشوف من فوق لتحت باشمزاز وبصتلها بكيد وتابعت الا قوليلي يا رفيده
رفيده بلعت ريقها بتوتر وتابعت خير؟
حبيبه بابتسامه : دكتور عصام السيوفي يعرف ان حرمه المصون بتبعت رسايل حب وغرام لخطيبي اللي هو طليقها ؟!! ورفعت الفون في وشها فرفيده فتحت عينيها بصدمه شديده
الفصل الاربعون
حبيبه بابتسامه : دكتور عصام السيوفي يعرف ان حرمه المصون بتبعت رسايل حب وغرام لخطيبي اللي هو طليقها ؟! ورفعت الفون في وشها
فرفيده فتحت عينيها بصدمه شديده وتابعت انتي اتجننتي ! ايه الكلام الفاارغ اللي انتي بتقوليه دده !
حبيبه بضحك اتجننت اه انا هوريكي الجنان على اصوله ومسكتها من شعرها فرفيده صرخت بألم وخوف وتابعت اوعي يحيواانه انتي اوعي سبيني
حبيبه بحده لا الحيوانات دي المرضى بتوعك يحبيبتي فاحترمي نفسك كده وانتي بتتكلمي معايا وشدت على شعرها اكتر تحت صراخ رفيده وتابعت بعصبيه ومتبقيش زبااله وعينك قوييه وبجحهه علشان وديني وما اعبد يارفيده اللي يجيبني عندك الساعه 3 الفجر قاادر يخليني افضحك في الشاارع كله وماهيفرقلي انك ست
رفيده بحده ووجع قولتلك اوعي وسبيني انا معملتش حاجه انتي جايه تتهميني في بيتي وتتبلي علياا يحبيبه وفكراها هتعدي بالسااهل ؟!
حبيبه بابتسامه اتبلى عليكي ااه ..لا صدقتي يطاهره يشريفه وانا دلوقتي مش عايزه الا الحق يغاليه فايه رايك نجيب جوزك عصاام بيه السيووفي اللي انا عارفه اتهامي لمراته لو بااطل هيجرا ايه في عيلتنا .. وهو بقى يحدد رقمك وانتي اللي بعتي ولالا ؟
رفيده خافت وتابعت بحده امشي اطلعي براا وبتزقهاا
فحبيبه ضحكت وزقتها وتاابعت وهي بتدخل شقتها: استني بس مش لماا نشوف الباشا فين ولا هو عامل فيهاا راجل على اللي خلفوناا بس وسايب مراته تقرفنا
رفيده بعصبيه احترمي نفسك يحبيبه واعرفي بتتكلمي مع مين الاااول قبل ماتقولي اي كلام وخلااص
حبيبه بصتلها بخبث وتابعت عارفه طبعاا ده انتي حرم عصام بيه السيوفي اللي بيوقف رجاله بشنبات على رجل واحده مقدره صدقيني كم الواسطه وارتفاع المكانه اللي بقيتي فيه يروفي وعلشان كده حابه اشوفه روحي ناديه يروحي يلا بدل ماقسماا بالله هعرف اجيبه بطريقتي
رفيده بعصبيه عصام مش هنا ممكن تتفضلي تغورري علشان عايزه انام
حبيبه مسكت شعرهاا بقوه فرفيده صرخت وعيطت بوجع فتابعت حبيبه بعصبيه واماا انتي جوزك مش هناا يازباله بتتصلي بخطيبي فيديو كول وانتي لابسه قميص قذر زي ده لييه هاا ؟؟ عاايزه ايه من علييي يارفييدده فهمينيي ؟؟
رفيده بعصبيه ودموع وانتي ماالك انتي هعوز ايه اتنين بيحبواا بعض انتي ايه اللي يدخلك
حبيبه بصتلها ذهول وتابعت اييه قولتي اييه ؟؟ وضحكت وتابعت مين ده اللي بيحبك انتي لسه عايشه في الوهم ده !! وابتسمت وتابعت طب يشيخه بعيد عن علي اللي انا واثقه لو سمعك دلوقتي هيتف في وشك بس جوزك ده ايه؟ واتعصبت وتابعت الرااجل اللي اداكي اسمه وسمعته ده اييه ؟ طب يشيخه متحبيهوش بس على الاقل احترمي اسمه اللي انتي شيلااه وصوني بيته اللي بيسبهولك مطمن وهو واثق في اهللكك انك تحترمي غيابه علشان مهماا كانت وااحشااته مع علي والبلاوي اللي حطه فيهاا بس متمنالوش ابداا ان مراته تبقى شمال دي تكسر اي رااجل
رفيده اتعصبت ورايحه تضربها بالقلم فحبيبه مسكت ايديهاا وتنتها ورا ضهرها فرفيده عيطت بألم فابعت حبيبه بضحك لا ياروح امك مش على اخر الزمن واحده متطلعش 40 كيلو على بعض هتمد ايديهاا علياا انا خافي على نفسك تتكسري يبسكووته ها وزقتهاا
فرفيده مسكت ايديها بألم وتابعت بدموع وعصبيه فرحانه اوي ان الجو خلالك وعلي طلقني يرخيصه وكنتي فعلا حاطه عينك على جوزي زي ما شكيت وعامله اخته وفضلتي وراه تدحلبي تدحلبي لحد ما هيتجوزك مش كدده ؟!
حبيبه ضربتها بالقلم بقوه فرفيده اتصدمت بشده فتابعت حبيبه بعصبيه :الرخيصه دي اللي تروح ترمي نفسهاا في حضن راجل مش بتحبه علشان الفلوس ..الرخيصه دي اللي تتصل فيديو كول براجل خااطب الساعه 3 الفجر بقميص نوم ومعروف غرضها ايه .. الرخيصه دي اللي تخون جوزهاا انما حبيبه دي ستك وتااج رااسك اياكي يازبااله تتكلمي عني تاني بالشكل دده علشان قسما بالله المره الجايه مش هيبقى قلم وبس وهخلي العاشر كلها تحوشك من تحت ايدي
رفيده بعصبيه ودموع مهماا تعملي يحبيبه مش هتعرفي تكونيي رفيده ولا تااخدي مكااني لتكوني فكرتي نفسك هتعوضي مكااني في قلب علي ؟!! ده اقسم بالله حتى لو اتجوزك هينطق اسمي في حضنك ويقهرك انا في باله وعقله ومش هيعرف يتخطاني
حبيبه فضلت تضحك بشده وتابعت انتي بجد متتخيليش انتي مضحكه قد ايه مفكرتيش ليه تقدمي فيديوهات كوميدي على التيك توك وكانت هتجيب معاكي والله بدل شغلانه البهايم اللي بهتت عليكي دي وخلت تفكيرك زيهم
رفيده بعصبيه احترمي نفسك يحبيبه انتي بتقولي كدده علشان عارفه اني كلامي صح وعلي مستحيل ينساني انا حب عمرره
حبيبه بضحك عمره ده اللي هما سنتين الخطوبه؟
رفيده بعصبيه ودموع ومن قبل الخطوبه بكتير
حبيبه بابتسامه اممم انتي بقى اللي كنتي بتحبيه مش هو .. بس بجمله الحكاوي القديمه دي علي مقالكيش مين حبيبته الاولى؟
رفيده بغيره وعصبيه: لا مقاليش لانه محبش غيري
حبيبه فضلت تضحك بشده وتابعت طلما عملتي كده تبقي عارفاها .. مش معقوله الصورم بجد .. يحبيبتي اهدي ليطقلك عرق يحسبوكي علياا بني ادمه
رفيده بعصبيه ودموع اطلعيي براا مش عايزه اشوف وشك يلااا
حبيبه بضحك اهدي بس انا مش قصدي اعصبك والله انا بس بفكرك مين اللي قلبه دقلها اول واحده وابتسمت وتابعت والمفاجاه بقى انه كان بيحاول ينساني بيكي يرفروفتي يعني علي محبكيش وابتسمت بانتصار وتابعت فأوهام اسمك اللي يتقال في حضني دي تلاقيها في خيالك بتفكري فيها قبل ماتنامي علشان تعرفي تعيشي ..وتطلع منك عادي تتخيلي علي مكان جوزك علشان انتي رخيصه بس علي لا وابتسمت وتابعت علي هيموت على حبيبه .. حبيبه وبس ومن دلوقتي وحياتك بيتمنى قربي ليل نهار ..الله يرحم ما كان عامل بينه وبينك حدود ولا اللي عندك كورونا
رفيده اتقهرت من كلامها وتابعت بدموع انتي كدابه علي بيحبني
حبيبه بابتسامه وفونه اللي سايبهولي والباسورد اللي بتاريخ ميلادي وفتحته وتابعت وصورتي اللي على فونه كلهم انا اللي عملاهم مش كده؟
رفيده اتصدمت بصورتها اللي مكان صورتهم وتابعت بعصبيه ودموع: علي ملاقش غيرك ولقاكي بتحبيه فوافق وخلاص علشان يعمل عيله لاني سبق وسيبته تخيلي لو مكنتش سيبته يحبيبه كان فكر فيكي ولا اتجوزك؟
حبيبه ابتسمت وتابعت فكراني هعيط وكده من السؤال صح؟ واقول يخرابي ده علي فعلا لو مكنش طلق رفيده مكنش هيبقي ليا يعني مختارنيش واعيط مش كده وضحكت بشده وتابعت بس انا هجاوبك علشان اقطم رقبتك خالص واوقعك انتي على جدور رقبتك وقربت من ودنها وهمست بضحك : كان ساعتها هيقول في حضنك انتي اسم حبيبه
فرفيده بصتلها بصدمه فحبيبه بعدت عنها وتابعت بضحك لانه اوريدي محبش غيري فـ اه مش هيتجوزني علشان هو مكنش يعرف اني بحبه ومش ظاالم علشان يطلقك بسببي بس انتي اللي حظك كان هيبقى وحش اوي يارفيده لان جوزك حاطط عينيه علياا اصل بصي لنفسك وبصي لياا ده انا حبيبه علي المحمدي مفكره سهله ان راجل يحبني وينسااني ؟؟ اصل انا اتنسي بجمالي ودلالي ده وانتي اللي تتحبي !!'وفضلت تضحك وتابعت ده انتي يحبه عيني عضم متعاص لحم ولابسه مكشوف ومنظرك يعر مش يغري خاالص بس معلش العين عمرها ماتعلي عن الحاجب اصل المقارنه بينا صعبه اووي معترفه
رفيده بعصبيه ودموع مفيش مقاارنه اصلاا انا دكتوره رفيده عاادل ومهما علي يضحك عليكي بالكلام هيجي يوم اثبتلك اني لسه جوااه وهتشوفي
حبيبه فضلت تضحك وتابعت والنبي وانتي بتقولي دكتوره هدي حسك شويه لحد من الجيران يسمعنا وينزل يستفسر عن معلومه تفضحيناا اهدي وكني كده يبابا اشحال مش دكتوره بهايم وبتحطي ايديكي في حاجات غريبه كده كنتي عملتي فينا ايه ؟!! وضحكت اكتر وتابعت انا عارفه كان ماسك فيكي على ايه وياكل من طبخك ازاي بس يلا اديه فااق وهزت كتافها بدلع وتابعت بضحك وهيخطب دكتوره حبيبه علي المحمدي بس دكتوره في معامل وتجارب كيميائيه ملناش في الزرايب بعيد عنك
رفيده اتعصبت جدا من كلامها ودموعها نزلت وحبت تبوظ علاقتها بعلي فتابعت معترفه قال انك اول حب بس جيه بعد كده ونكر كل ده وقالي اني عوضته عن كل حاجه ومبقاش عايز غيري من الدنيا وده اللي عشمني لان علي عمل علشاني كتير وصبر على اسلوب بابا ومعتقدش دي اسباب صالونات وخلاص لا هو حبني
حبيبه بحده محبكيش ولما سألتيه عن رايه فياا في المستشفى قالك مبتحبنيش فمكناش هنتخطب ولما قولتيله ده السبب الوحيد قالك لا وكريم مش هيوافق فعلي قال الاسباب الفعليه اللي بعدتنا عن بعض هو مكنش يعرف اني بحبه وخاف يخسر كريم ولولا الحاجتين دول مكنتيش هتنولي شرف انك تبقي طليقه علي الجاارحي ففوقي لنفسك يرفيده واعرفي قيمتك كويس علي لو حبك مكنش نسيكي بسرعه وراح غنالي ورقص معايا في فرحك وابتسمت وتابعت كانت بتقول ايه الاغنيه اللي جننتك ااه ..لو عشت احلف طول حياتي كلهاا مش هقدر اوصف بحبك قد ايه هحتاج حياه اتنين تلاته على حياتي علشان اوصف يحياتي بحبك قد ايه وابتسمت وتابعت مش دي اللي كان بيعد فيها على صوابعه وهو بيلفني ويرقص معايا وكانت هتموتك ؟؟ وغمزت بابتسامه وتابعت كني بقى واتربي ولمي نفسك علشان المره دي انا همشي وهعديها بمزاجي المره الجايه هجرجرك في الشاارع كله وماهيفرقلي .. ورفعت صابعها بتحذير وتابعت خطيبي تبعدي عنه يرفيده انا مش هنبهك تاني المره الجاايه اقسم بالله عصام هيكون حاضر ومش لوحده
ورايحه تمشي فتابعت رفيده بتمثيل : خلاص قوليله هو يبطل يتصل بيا طلما ناوي يتجوزك بلاش منها المكالمات الفيديو اللي بيطلبها دي وبتعشمني بحاجات مش موجوده
فحبيبه فتحت عينيها بصدمه ولفت بصتلها وتابعت انتي عبيطه في دماغك صح؟
رفيده بدموع وتمثيل مش مهم تصدقيني المهم توصلي الرساله وبس
حبيبه ضربتها بالقلم بقوه فصرخت بألم فتابعت حبيبه بعصبيه هو انتي فاكره يحيوانه انتي ان كلامك ده هيشككني في عليي !! علي مستحيل يعمل كده مكالمات ايه اللي بيطلبها منك انتي يا نااشفه يابت بصي لنفسك في المرايه بعدين تعالي اتكلمي قاال مكالمات قال اتفو على تربيتك بجد ده الله يكون في عونه جوزك ربنا ابتلاه والله العظيم
-
عند علي ومالك كانوا بيتخانقوا وعلي ماسك دراع سلمى جامد
فتابع مالك بحده يعلي افهمني والله العظيم مافي اي حاجه من اللي في دماغك
علي مسكه من تيشرته جامد وتابع بعصبيه انت تسمح تخرس خاالص ومسمعش حسكك !! انا بتكلم مع اختي يبقى مسمعش صووتك نهاائي
سلمى بعياط وخوف والله ياعلي والله العظيم مفيش حاجه كل الحواار اني جيت اديه الاكل اللي ماما عملته والارض لسه مبلوله منشفتش فكنت هقع فمسكني والله العظيم ورحمه ابوك مفيش اكتر من كده
علي بعصبيه شديده :وانتي ايه اللي يدخلك شقته وهو عازب ولوحده انتي اتجننتي !! الصح تديه الاكل من على الباب وتمشي علطول انما حاجه زي دي تطلع منك انتي يسلمى ! انتيي ! ده انتي وانتي بطولك عمرك ماعملتيهاا تعملي كده وانتي شاايله اسم رااجل المفروض تحترميه في غياابه قبل وجووده ؟!! هي دي تربيتي ليكي يسلمى !!
سلمى بعياط وخوف: وانت عارف سلمى وتربيه سلمى والله العظيم يعلي ماكنت اقصد انا اسفه مش هتقرر تاني وغلاوتك عندي
علي بعصبيه انا لو مش عاارف سلمى وتربيه سلمى وتدينها وحدودها مع اللي حواليها عامله ازااي كنت دفنتك حييه دلوقتي على ايديه اللي لمست ضهرك دي انما انا مصدووم من اللي عيني شاافته لاني اتخيل اي حد يغلط ويعدي الحدود عادي انما انتي لاا يسلمى انتي لااا
فمالك تنهد بعمق ومسح بايديه على وشه بضيق شديد من الموقف وسلمى بصت لعلي بخوف وتابعت بعياط حقك تتصدم وحقك تعمل فيا ما بدالك ومحدش كان هيقدر يتكلم بس والله يعلي والله العظيم كمان مره ماكنت اقصد اللي حصل انت اصلا عارف انا بخاف قد ايه من الناس كلها .. حقك عليا والله وانا صدقني مش هجيله تاني وحياتك
علي زقها ناحيه الباب وتابع بحده طب غوري على اوضتك دلوقتي يلا
فسلمى هزت راسها بماشي كذا مره بلهفه ومشيت بسرعه وهي بتعيط
فعلي بص لمالك برفعه حاجب وغضب شديد
فتابع مالك بتنهيده ايه صورتني كام صوره؟
فعلي مسكه من تيشرته وخبطه في الحيط بقوه فمالك اتخض من تصرفه وتابع بعصبيه انت بتعمل ايه ياعم انت .. انت اتجننت !!
علي بهدوء مخيف : انا لحد دلوقتي بعقلي انما اقسم بالله العظيم لو مابطلت اسلوبك ده ونظراتك لاختي وكلامك عن خطيبتي كأنها اختك في الرضاعه ساعتها وغلاوتها عندي بحق مابقول يارب يجمعني انا وهي على خير هتشوف الجنان صح وهندمك على حاالك وضرب خده كذا مره بخفه وتابع ماشي يغالي ؟
مالك بعصبيه انا ماليش دعوه باختك هي كانت هتقع وانا ساعدتها مش اكتر انما حبيبه دي بنت عمي يعني لحمي ودمي فملكش انك تحكم اتصرف ازاي
فعلي ضربه بالراس بقوه وقعه على الارض بيصرخ من الوجع وتابع بابتسامه :انا قولت اللي عندي .. وهعتبر نفسي مسمعتش حاجه وابقى اشوفك منفذتش كلاامي علشان نظرااتك دي انا كاشفها كويس اوي
ومالك فضل يتألم من حاجبه اللي اتفتح وتابع بعصبيه اقسم باالله العظيم لهوريك ازاي تتجرأ تضربني اناا يعلي الصبر بس
علي بضحك اه والنبي وريني لحسن انا عايز اشوف وبصله بضيق ومشي فمالك اتعصب وزق الترابيزه الصغيره اللي جنبه برجله فوقعت اتكسرت وتابع بعصبيه انساان غبي مبيفهمش قسماا بالله وغمض بغضب وهو بيفتكر خوف سلمى وعياطها بسبب علي وكور ايديه بغل وضربها على الارض
--
عند هناء ووسام
هناء كانت حاكتله كل حاجه وهي بتعيط ووسام كان مصدوم وتابع انتي بتقولي ايه ازاي الحيواان ده يعمل كده
هناء بعياط المشكله مش هو دلوقتي المشكله اخوياا اللي مبقاش طاايقني ومش واثق فياا وعلي اللي جوازته وقفت بسببنا انا مقهوره اوي بجد يا وسام مش عارفه ارمي وجعي عليك ولا الومك انك خبيت عليا وعيشتني مرعوبه من كلب زي ده
وسام بعصبيه يهنااء افهميني انا كنت عايز اكسرهم قدام عينك من غير ماتحسي اني قاصد اعمل كده كنت عايزك تفرحي من جوااكي ان ربنا رتب الظروف وجابلك حقك انما عمري ما كنت هاخدك بذنب ناادر انا عرفت انك انتي اللي كنتي خطيبته ومع ذلك كملت
هناء بقهر ودموع تمام بس بردو ده مش هيغير حاجه في المصيبه اللي حصلت شكلها كده جابت اخرها يا وسام
وسام بوجع هناء انا بحبك .. والله العظيم بحبك ومش هقدر اعيش من غيرك ..انتي بس افهميني من جوه هتعرفي انا عملت كده ليه اظن وسام مش جديد عليكي
هناء بعياط وانا بحبك اكتر وفهماك بس كل ده مش هيعمل حاجه كريم مستحيل يوافق بعلاقتنا
وسام بلهفه لالا متقوليش كده انا هفضل وراه لحد مايوافق انتي مش هتكوني لحد غيري بس اوعي تملي وخليكي جنبي وانا والله العظيم مستعد احارب العمر كله علشان تكوني معايا
هناء ابتسمت بقهر وتابعت بدموع وانا مستعده استناك العمر كله يا وسام .. انا محستش بامان غير معاك ..بطمن بوجودك لدرجه اني هموت وارمي نفسي في حضنك دلوقتي بس الدنيا والدين وتربيتي والظروف وكل حاجه هتمنعني
وسام غمض بوجع من نبره صوتها وتابع بحنان: اوعدك .. وغلاوتك في قلبي فتره وهتعدي وحضني هيبقى من حقك وهيتفتح ليكي العمر كله .. بس متشغليش بالك بأي حاجه انا هتصرف
هناء ابتسمت بدموع وتابعت يارب اللهم امين
وسام بابتسامه حزينه: يارب يحبيبتي .. امسحي دموعك واهدي وانا هروح اتوضى علشان الصلاه قربت
هناء وهي بتمسح دموعها تابعت بوجع حاضر وزعلت من نفسها وتابعت وحقك علياا في اللي قولتهولك بس انا بجد اتضايقت لما عرفت
وسام بابتسامه وانا مخدتش على كلامك لاني عارف انك متعصبه متقلقيش وهنتكلم براحتنا في كل اللي انتي عايزاه في الموضوع ده بس لما نخرج من الفتره دي اتفقنا ؟
هناء بابتسامه اتفقنا يلا باي
وسام بحب باي يعمري وقفل معاها وهو متعصب جداا وقام غير هدومه لقميص وبنطلون ونزل وهناء قعدت على سريرها وطلعت دفتر بتكتب فيه مشاعرها علشان تخرج الطاقه السلبيه اللي جواها ودي حركه وسام اللي قالها عليها
----
عند حبيبه بتتقلب ومش عارفه تنام وبتنفخ وبتبص للساعه كل شويه علشان معاد الصلاه ولقيت تولين بتدعك في عينيها وبتفتح وتابعت حبيبه
حبيبه بصتلها وتابعت عيونها
تولين بنعس عايزه اشرب
حبيبه بحب يسلام عيوني يناس ومسكت الكوبايه وحطت فيها مايه وتابعت تعالي يعمري وابتدت تشربها فتولين شربت وتابعت بابتسامه الحمدلله
حبيبه بضحك الحمدلله يقلبي وباست خدها وخدتها في حضنها وتابعت يلا نامي تاني
تولين انتي صاحيه ليه؟
حبيبه تنهدت بعمق وتابعت اقولك الصراحه؟
تولين بحب اه
حبيبه بوجع علي مضايقني ومش عارفه انام وانا زعلانه منه
تولين ببساطه :خلاص قوليله انك زعلانه وهو هيصالحك والله
حبيبه ضحكت بغلب وتابعت بالسهوله دي ؟
تولين بحب اه والله علشان خالو بيحب حبوبه اوي فمش هيزعلها صدقيني ..انتي روحي قوليله وهو هيقولك متزعليش والله
حبيبه ابتسمت وتابعت هقوله اني زعلانه علشان حاطط صورتك انتي وهو على شاشه القفل
تولين اتصدمت وتابعت انتي بتغيري مني يحبوبه !!
فحبيبه فضلت تضحك بشده وحضنتها وتابعت لا ينورعين حبوبه مقدرش والله ده انتي بنتي وحبيبتي انا بهزر معاكي وباست جبينها بعمق
تولين اتاوبت وتابعت بابتسامه ماشي انا هنام بقى بس ابقي قولي لخالو انك زعلتي اتفقنا؟
حبيبه بابتسامه اتفقنا وباست جبينها وغطيتها حلو في حضنها وبالفعل دقايق وتولين نامت فحبيبه قامت براحه ونزلتها على السرير وغطيتها حلو ولبست عبايتها تاني وسرحت شعرها وسابته مفرود بطول ضهرها وخرجت من اوضتها ونزلت من الشقه براحه وراحت دخلت عماره علي اللي في وشها وخبطت على شقتهم فثواني ورانيا فتحت وتابعت بتفاجئ حبيبه .. تعالي يعمري مال عينيكي حمرا كده ليه؟!
حبيبه بتنهيده علي صاحي يا ماما رانيا ؟
رانيا لا يعمري بس هصحيه علشان ينزل يأذن ويصلي ادخلي
حبيبه تمام لابس هدومه ولا قالع التيشرت؟
رانيا باستغراب لا لابس ليه في ايه؟
حبيبه وهي داخله تابعت لا ابداا عايزاه في حاجه ضروري ولو سمحتي يماما محدش يدخل ودخلت وهي متعصبه جدا وقفلت الباب وراحت شدت الغطا من عليه وضربته على ضهره وتابعت بحده قووم قامت قيامتك ده انت ليلتك سوداا معايا
فعلي اتخض وتابع بصوت مرتفع : بسم الله الرحمن الرحيم وبصلها بتفاجئ وهو بياخد نفسه بسرعه وتابع بحده ايه اللي انتي عملتيه ده انتي اتجننتي حد يصحي حد كدده !!
حبيبه بدموع وبحده انت ايه ياخي مبتحسش خالص ؟!! نايم ولا على باالك وانا عيني مش عارفه تغمض بسببك !!
علي دعك عينيه وبصلها وهو بيفتح عينيه ببطئ وتابع بحده في ايه على الصبح الله يحرقكك هببت ايه اناا ما اديكي جيتي لقيتيني مخموود
حبيبه بدموع انا بثق فيك يعلي بس مش عارفه ابطل افكر ولا انام فجيالك تجاوبني على اسئلتي لان بغض النظر كريم موافق بعلاقتنا او لا مفروض اننا بنحب بعض ولا ايه؟؟
علي قام وقف وبصلها وتابع وبموت فيكي كمان وحط ايديه على خدها وتابع بحب في ايه يعمري؟ قولي وانا هجاوبك
حبيبه حطت ايديها فوق ايديه اللي على خدها وبصتله بدموع وتابعت اخر مره شوفت رفيده امتى يعلي؟
علي استغرب وتابع من زماان جدا تحديدا لما شوفتيني وجبتلك الجمبري علشان اراضيكي من يوميها مشوفتهاش
حبيبه تنهدت بوجع وتابعت ولا كلمتها واتساب ؟
علي باستغراب ولا كلمتها واتساب ليه حصل ايه؟
فحبيبه تنهدت بعمق وفتحت فونه وتابعت انت نسيت فونك وانا بحسن نيه بجرب تاريخ ميلادي فتح كنت عايزه اشوفك حاطط صورتي زي ماهي ولالا و
علي بمقاطعه خلاص بتبرري ليه مانا وانتي واحد هو انا لو فتحت فونك هتزعلي؟ وابتسم بحب وتابع حبيبه انتي هتبقي مراتي يعني فوني وكل حاجتي تخصك وانا مبعملش حاجه غلط علشان اخاف تفتحيه
حبيبه غمضت ودموعها نزلت وحست بندم انها شكت فيه وتابعت طب خلاص انسى اللي كنت هقوله مفيش حاجه
ورايحه تطلع فعلي مسك دراعها رجعها وتابع برفعه حاجب في ايه يحبيبه ؟
حبيبه بدموع مفيش يعلي
علي بعصبيه انتي هتقولي في ايه ولا انا اعرف بطريقتي؟؟
حبيبه بلهفه ودموع لالا خلاص هقولك وجابت الشات وتابعت وانا ماسكه فونك لقيت رفيده بعتتلك كده ووريته الشات فعلي اتصدم بشده فتابعت حبيبه بدموع وبصراحه من كتر الغيره والعصبيه روحت وانا حالفه هبهدلها واشتكيها لجوزها بس مكنش هناك وحصل بينا خناقه و
علي بمقاطعه وصدمه هنااك فين ؟! وبص لعبايتها لقاها ضيقه وتابع بعصبيه انتي روحتي للناس بيوتها في انصاص الليالي وبالمنظر ده انتي اتجننتي !!
حبيبه بعصبيه ودموع ماله منظرري وبعدين ده كل اللي فاارقلك !! انا بحبك يعلي وغيرت عليك من كلامهاا فروحت ابهدلهاا واعرفها انك تخصنيي اناا وانها تحترم الراجل اللي متجوزاه شويه
علي بعصبيه انتي مروحتيش علشان تثبتيلها كدده انتي روحتي علشان تتاكدي في بينا علاقه ولالا
حبيبه بلعت ريقها بتوتر وتابعت لا يعلي انا اه فكرت فيهاا بس عمري ما اشك انك تكلمها فيديو كول والقرف ده .. انا روحت لقيتها لابسه لبس مكشوف ومقرف شبها وانت عمرك ماتعمل حاجه حرام انما شكيت انك تكلمها وتحن عادي وعلشان كده كريم موافقش بجوازنا خاف تحنلها
علي ابتسم بسخريه وتابع عمري ما اعمل حاجه حرام !! يعني ده بنسبالك السبب الوحيد ؟!! وبصلها بوجع وتابع مش اني عمري ما اقدر ابص لبنت غيرك بردو؟؟
حبيبه بدموع انا قولتلها كده على فكرره وقولتلها انها كدابه وانك محبتش حد قدي وبهدلت بكرامتها الارض وبصتله بلفهه وتابعت وحتى والله العظيم قالتلي قوليله يبطل يطلب يتصل بيا فيديو كول وكده مصدقتهاش وهزقتهاا فانا بثق فيك بس ..
علي قاطعها بعصبيه وتابع بس اييه ؟! بس ايه وزفت ايه على دمااغك؟!! هو انا هفضل لحد امتى احاارب اثبتلك انتي وكريم والدنيا كلها اني بحبك ؟!! رفيده ايه دي اللي ابصلها واكلمها بعد ما اديتك وعد اني بحبك انتي ومحبتش قدك ..انتي شيفاني عيل بريااله ولا اييه
حبيبه بدموع ولفهه لالا والله ابدا انا بثق فيك بس غصب عني شكيت تحنلها يعلي شكيت في انك تتكلم معاها بس مش اكتر والله
علي مسح على وشه بضيق وتابع انا فكرت المشكله الوحيده في كريم .. بس اتضحلي ان حتى انتي مش قادره تصدقي اني حبيتك ورايحه تخبطي على الناس في وقت متااخر علشان تتاكدي من شكوكك بدل ماتيجي تسأليني وجايه بعدهاا بكل برود عايزه اجوبه والمفروض اني عاادي
حبيبه بدموع علي ارجوك افهمني انا..
علي بمقاطعه وعصبيه ارجوكي انتي اطلعي براا وسبيني لوحدي انا على اخرري منك وشد منها فونه ورماه على السرير وشاور على الباب وتابع بعصبيه براا يلا واطلعي شقتك بسرعه علشان قسما بالله لو حد لمحك بالعبايه الخرا دي هدفنك حيه
حبيبه بتوتر ودموع : هي ضاقت عليا جديد والله مش هلبسها تاني و
علي الدموع اتجمعت في عينيه وتابع بعصبيه طب قولت براا
حبيبه بقهر ودموع علي ابوس ايديك متزعلش مني انا مشكتش فيك والله ومش مستحمله الوجع اللي في عينيك بسببي ومسكت ايديه وتابعت بلهفه ودموع علي انا روحي فيك .. انت حبيبي وهزت راسها بـ لا ودموعها بتنزل وتابعت لالا انت حبيب عمري مش حبيبي بس وغيرتي عليك عامله زي الناار بتحرقني انا قبل ماتحرق اللي حوالياا فغصب عني والله غصب عني
علي بعصبيه الصح كنتي تيجي تواجهيني انا وانا هقولك الحقيقه لان انا فعلا مبعملش حاجه غلط علشان اخبيها بس انتي محترمتيش نفسك وروحتي عايزه تعملي فضيحه وجوزها لو عرف يرجع يحطني في دماغه تاني ومشاكل بقي كل شويه وقرف على دمااغك .. انتي معرفتيش تتصرفي وكل ده علشان الشك دخل جواكي ناحيتي وانا مش هعرف اعيش مع واحده بتشك فياا يحبيبه
حبيبه اتصدمت وحست قلبها وجعها وبصتله بقهر ودموعها نزلت بصمت وسابت ايديه ونطقت بالعافيه: يعني ايه يعلي؟ هتبطل تحاول علشاني؟
علي اداها ضهره وتابع سبق واختارتي كريم عليا وانا من ساعتها مفروض كنت اقاطعك بس معملتش كده انما دلوقتي هختار نفسي
حبيبه حست قلبها اتكسر ودموعها نزلت بصمت وتابعت تمام .. مش اول مره تبيعني وتتخلى عني يعلي ..بس الغلط مش منك انا اللي كنت متاحه وتحت رجلك طول الوقت ..بس وحياه ما حبيتك هنساك وسابته وخرجت وهي بتعيط وسلمى كانت صاحيه وواقفه في الطرقه سمعتهم بالصدفه وتابعت بحزن حبيبه ..حبيبه استني"بس حبيبه مشيت ومردتش عليها"
ودخلت لقيت علي قاعد وحاطط راسه مابين ايديه فقعدت جنبه وتنهدت وتابعت انا سمعتكم بالصدفه لان صوتكم كان عالي اوي بس مكنش ينفع تقولها كده يعلي
علي بوجع سيبك منها انا بربيها علشان مينفعش تشك فيا انما انا مقدرش اعيش من غيرها يسلمى
سلمى بوجع متلومش على حبيبه يعلي انت مشوفتش اللي هي شافته بسبب حبها ليك وتنهدت وتابعت حبيبه اتلامت واتوجعت واتقهرت بسببك كتير بس استحملت اكتر وفضلت بتحبك ومكمله فلما تشك مره مش معناها وحاشه منها بس اعتبره خوف ياخي ..خوف من انك تكون بتحن لحبك القديم وتهدم كل احلامها وامنياتها وتوقعها على جدور رقبتها ..البنت مننا لما بتحب راجل بيبقى كل امنياتها انه يحبها ولما يحبها .. بتخااف يبطل يحبها .. بتبقى نفسها تعيش معاه العمر كله وجواها 100 سؤال..هل بيحبني بجد؟ طب بيحبني قد مابحبه؟ طب هيفضل معايا؟ طب هيطلع يستاهل حبي ليه؟ واسئله تانيه كتير مابالك في موقف حبيبه اللي عاشت عمرها كله شايفاك امنيه بعيده وفاجاه هتبقى من حقها هي؟ فاهي اصلا لسه مستوعبتش ان علي ليها علشان تستوعب انه نسي طليقته .. حقها تخاف .. حط نفسك مكانها مره واحده .. ده خوف من انك تميل لغيرها مش شك
علي ابتسم وبصلها وتابع كبرتي يا لوما وبقيتي تقولي كلام كله حِكم
سلمى بحب من عشرتي معاك يانن عين لوما .. متخسرش حبيبه يعلي والله ماهتلاقي زيها تاني في الدنيا
علي بحب عارف ومتاكد من كده انا بس واخد على خاطري منها شويه انما عمري ماهبعد عنها ولا هلاقي واحده تعوض ضافرها متقلقيش ويلا روحي اتوضي علشان الصلاه
سلمى بحب عيوني وباست خده وقامت وعلي بصلها وابتسم بحب ولما خرجت تنهد بعمق وقام يتوضى ونزل هو وكريم وكالعاده اذن بصوته المميز والصوت اتردد في ارجاء المكان والناس استعدوا للصلاه وحبيبه كانت واقفه بالاسدال دموعها مش راضيه تقف وبتتنفض من كتر العياط
----
عند وسام كان وصل تحت بيت خالتو ونزل من العربيه وقفل الباب بعصبيه وطلع وفضل يخبط جامد فتابع نادر بحده ايوه ايووه في اييه واقفين قدام الباااب وفتح فاتفاجئ بوسام قدامه وتابع وسام !! فوسام ضربه بالبوكس بقوه وقعه على الارض فنادر صرخ بوجع فدخل وسام وشده من تيشرته وقفه وتابع بعصبيه بتصورني ورايح تبعت الصوره لكريم يا ناادر فااكر انك كده بتبعدهاا عنيي ؟؟!
نادر بصله بصدمه وحط ايديه على خده وتابع انت عارف ! واتعصب وتابع عارف انها كانت هتبقى مراات اخوك وبصتلها يا وساام !
وسام بعصبيه كانت هتبقى بقى ..انما هي دلوقتي متخصكش وميربطكش بيهاا اي حااجه وهاخدها غصب عن اهلك كلهم
نادر بعصبيه تاخد مين انت اتجننت !! دي خطيبتي ومش مجرد خلااف بينا يخليك تبصلها انت لو اخ صح تساعدني ارجعها مش تاخدها مني
وسام بعصبيه وانت ولا اخويا ولا ابن خالتي ولا تخصنيي اصلاا واللي يجي على هنااء كأنه جيه علياا بالظبط وخطوبتها ليك دي انت تبلها وتشرب ميتهاا الخطوبه مجرد وعد مش اكتر
نادر بعصبيه يبقى عليا وعلى اعدائي ولا انا ولا انت يا ابن خالتي
وسام ضربه بالراس بقوه فصرخ بألم وتابع وسام بعصبيه: الكلاام ده عند امك يحبيبي .. هناء تخصني وهاخدها غصب عن الكل حتى لو عن اخوهاا نفسه فانساهاا كده وبطل تجيب سيرتها على لساانك لا بالخير ولا بالشر علشان وربي وما اعبد يا نادر لهوريك اياام سودا وهعرفك وسام العاامري يعرف يعمل ايه بجد واللي انت عملته معاهاا انت واختك مش هيعدي بالسااهل وهعيشكم تندموا كل لحظه على الاذي اللي عيشتوها فيه
نادر بصله بغل وتابع بعصبيه قول بقى انت كنت مغلطني ومش موافق ارجعها علشان يخلالك الجو وعامل فيها كبير العيله
وسام ضربه بالقلم بقوه وتابع وهو رافع ايديه بتحذير: لما تتكلم قصاادي تحفظ ادبك.. علشان منساش اني دكتور محترم وليا اسمي واقل من كرامتك انت واللي جايبينك .. انا مكنتش اعرف ان هناء نفس البنت لما قولتلك سيبها في حالها ومترجعلهاش بس اديني عرفت وبقولك في وشك وانا باصص لعينيك هاخدهاا علشان انا مش ذنبي اتعااقب على افعاالك ضيعتها من ايديك فتستاهل تعيش تندم عليها العمرر كله واتعصب وتابع رايح تتهمها في شرفها مع صاحبك ياناقص وزعلان انها مش عايزه ترجعلك ؟! انت اييه يااخي جنس ملتكك اييه ؟!
نادر بوجع وندمت فذنبي ايه اشوفها معاك .. تقيله علياا صدقني
وسام بعصبيه بس مش اتقل من ان عروسه فرحتها تتكسر يوم كتب كتابها وتتفضح في الشارع كله ..انت متستهلهاش لانك مش شبهاا في اي حااجه انت روحت مشيت ورا كلام خاايب اختك قالته واتكلمت في سمعه وشرف بنت الناس اللي هي اصلاا تعلمك يعني ايه الشرف واشرف من عيلتكم كلهاا وهسيبها في بيتي وامشي وانا واثق ومطمن اني سايب ورايا بنت ب100 راجل ولو حد رفع عينيه ليها هتخزقهاله ..واقسم بالله العظيم يا نادر اقسم بالله العظيم كمان مره انا مسجل كل اللي فاات هنا وشاور على عقله وتابع بنبره واثقه: وهوريكم العذاب الواان على اللي فات اللي انا مكنتش مشاركهاا فيه ..مبالك اللي انا فيه؟! وانهاارده حساب تاني جديد خالص انت فتحته معايا .. ومن اول السطر كريم يمد ايديه عليها بسببك ..وانا ولا هعديلك اللي فات ولا هعديلك اللي جاي حتى لو فكرت تأذيها بنظره مش هقولك بكلمه او فعل ورايح يمشي وتابع ااه صحيح نسيت اقولك اني من انهارده معتبرك مُت يانادر ومالكش اخ كبير اسمه وسام
نادر كان بيسمعه مصدوم وموجوع وندمان اوي وتابع:طب لو انت بتربيني شويه انا هقبل يسيدي عادي احنا بينا عشره واخوه ..انما هتقدر تجرح اخوك وتتجوز اللي كانت هتبقى مراته عادي !!
وسام ضحك وتابع اه عادي هو حرام شرعا ولا ايه ؟! وفضل بضحك ووقف قدامه وهمس عند ودنه بابتسامه: مش بيقولوا ان من الاصول الاخ لما يموت الاخ التاني ياخد مراته ويحافظ عليهاا ؟؟ وانا زي ماقولتلك معتبرك مت وطبطب على كتفه وتابع فمتقلقش يغالي نوئه في عيوني الاتنين وشاور على عينيه الاتنين وبصله بضيق ومشي ورزع الباب وراه ونادر اتعصب وكسر المزهريه اللي جنبه
ونزل وسام ركب عربيته ومسك فونه اتصل بابن عمه ادهم
-
تاني يوم الصبح حبيبه كانت نايمه ودموعها ناشفه على خدها وفونها رن فصحيت بارهاق وفتحت عينيها بطئ ومسكت الفون لقيته «حبيب عمري» فنفخت بضيق واتعدلت قعدت على السرير ورجعت شعرها لورا وردت وتابعت ايوه يعلي
شخص :حضرتك حبيبه؟
حبيبه اتخضت وتابعت ايوه انا في اييه وعلي فيين ؟؟!!
الشخص : هو تعبان جدا وقالنا نكلمك تيجي علشان رايحين المستشفى وبيقولك متقوليش لحد علشان ميقلقوش
فحبيبه اتصدمت بشده وتابعت بعياط ينهاار اسود انت بتقول اييه فين المكان بسررعه وشالت الغطا من عليها وقامت بلهفه وهي بتدور على اي لبس
فتابع الشخص هبعتلك الوكيشن يافندم احنا قاعدين بيه قدام كافيه في الزمالك
حبيبه بخوف ودموع طيب طيب مستنياه بسرعه بس ابوس ايدك
الشخص تمام يا فندم وقفل معاها وبعتلها اللوكيشن
وحبيبه لقيت في وشها جيبه بينك شيفون وبلوزه شيك بيضه خدتهم تلبسهم ودموعها بتنزل وتابعت يارب استر ياارب ايه اللي ودااك الزمالك بس يعلي ولبست ورايحه تنزل تولين دخلت وتابعت بابتسامه حبوبه انتي صحيتي تعالي وديني لمامي
حبيبه بدموع ولهفه: لماا ارجع يتولين لما ارجع وطلعت ونزلت علطول فامها اتخضت وتابعت حبيبه .. انتي ياابت .. الله يخربيت اهلك على الصبح راحت فين دي وبتجري كده
وحبيبه نزلت ركبت تاكسي وفضلت تدعي وهي بتعيط وتابعت يارب استر ياارب يارب استر واتصلت بعلي بس محدش رد فنفخت بتوتر شديد وتابعت بسرعه يسطا الله يكرمك
الراجل حاضر والله الزحمه دي غصب عني صدقيني
حبيبه هزت راسها بتفهم وهي بتعيط وشويه ووصلت وحاسبت الراجل ونزلت بسرعه وهي بتجري تدخل الكافيه لانها ملقيتش حد قدام الكافيه فتابعت بخوف ولهفه: علي فين ؟؟ قالولي انه هناا ؟!!
العامل:فوق يافندم في الدور الاخير اتفضلي اطلعي في الاسانسير
فحبيبه جريت بالفعل وطلعت في الاسانسير ودخلت لقيت الدنيا ضلمه استغربت وتابعت بقلق علي .. علي انت فين انا مش فاهمه حاجه ؟؟
وفاجاه لقيت الانوار كلها اشتغلت والمكان كله مزين بصورهم و ورود في ترابيزه في النص جوه قلب معمول من الورد وموسيقى هاديه والبحر قدامهم تحت الكافيه بس لانها اخر دور شيفاه فاتفاجئت بشده وفضلت تبص لكل ركن بانبهار ودموعها بتنزل فعلي جيه من وراها وتابع بابتسامه طب اسالي في اللي تعبان ده طيب
فحبيبه لفتله شافته فعيطت بشده وتابعت حرام عليك يعلي حرام عليك والله العظيم
فعلي ضحك وراح بسرعه يمسح دموعها وتابع بلهفه وضحك : بس بس انا اسف والله حقك عليا اهدي يابابا انا كويس اهو والله وباس راسها بعمق
حبيبه بعياط طب عايز تفاجئني تخلع قلبي عليك كده يعلي يعني ده ينفع ؟!!
علي بحنان حقك على عيني والله ورفع ايديها باسها بعمق وبصلها بحب وتابع بس زعلك غالي فلازم كان يتعمل لرضاكي اغلى حاجه في الدنيا
حبيبه ابتسمت بدموع وتابعت وانا زي الهبله هسامح مش كده؟
علي بحب انتي متقدريش تشيلي مني اصلا ولا انا اقدر اعيش من غيرك
حبيبه بوجع لا تقدر ..سبق وقولتلي هختار نفسي ولا ايه
علي بحب طب مانا اختارت نفسي ومسك دقنها ورفع وشها ليه وتابع انتي نفسي ..ونصي التاني والست الوحيده اللي اتخلقت من ضلعي علشان تكملني
حبيبه الدموع اتجمعت في عينيها وتابعت كلام ..انت مش شاطر الا في كده ..شاعر بقي فبتعرف تتكلم
علي بضحك ياستي نوريكي الافعال وماله ووطى على رقبته قدامها وطلع علبه قطيفه من جيبه وحبيبه بصاله مصدومه وقلبها بيدق بسرعه وتابع بضحك بصي انا سارق اللي هقوله من عمرو حسن علشان ملحقتش اظبط بس اختارتلك جمله البوكيه فحبيبه بصاله مصدومه وبتعيط بصمت ومتفاجئه من الموقف فعلي ابتسم وفتح العلبه قدامها وتابع تتجوزيني؟
فحبيبه عيطت بشده من الفرح وحطت ايديها على بوقها
فتابع علي بابتسامه وهو بيكمل الشعر: اول مره اشوف قلبي هو وعقلي في شئ متفقين ..هما الاتنين شايفين في وجودك نص الدنيا ونص الدين يا بديعه الحسن ..ياست الناس يا مُنايا اللي اتحقق وخلاص ..مش هلقى له بديل يرضيني ..تقبلي تدخلي بيتي وتبقي الحاجه الحلوه في اركانه؟ ..تسمحي تدي مكانك للشخص اللي بيحلم تاخدي مكانه؟.. وتكوني الحضن في ليل وجعه وتكوني في الفرحه في احزانه .. تبقي العيله اللي اتمناها والست اللي هيبقى معاها .تتجوزيني
فحبيبه عيطت بفرح بانهيار وتابعت موافقه طبعاا انت صدقت اني اقدر اعيش من غيرك ولا ايه ومدت ايديها
فعلي ضحك ودموعه اتجمعت في عينيه وابتسم بحب ومسك الخاتم لبسهولها وباس ايديها بعمق فحبيبه عيطت اكتر وراحت مسحت دموعه اللي هتنزل بايديها الاتنين وحضنته جامد وفضلت تعيط فعلي غمض عينيه وابتسم وهمس حقك عليا والله على كل اللي شوفتيه بسببي واوعدك ان اللي جاي كله تعويض وبس واولهم هتبقي خطيبتي قدام الدنيا كلها التلات الجاي
فحبيبه خرجت من حضنه وبصتله بتفاجئ وتابعت بدموع وفرح انت بتهزر صح؟!
علي حط ايديه يمسح دموعها وتابع بابتسامه وغلاوتك في قلبي مش بهزر اصلا العيله كلها قاعده دلوقتي مستنينا نروح علشان نقرا الفاتحه وزمان كريم عرف امك كمان
فحبيبه شهقت بتافجئ وتابعت اييه كريم عاارف بجدد !
علي بضحك عارف طبعا اومال هتقدملك من وراه
فحبيبه ضحكت ودموعها بتنزل وتابعت تتقدملي ؟! وحطت ايديها على جبينها وتابعت بذهول وعياط : علي هو انا ..انا بجد هبقى خطيبتك ! يعني خلاص هنتجوز مش كده ؟! وعادي اغير عليك و انقي معاك حاجات شقتنا و و وانهارت عياط
فعلي اتأثر بنبره صوتها وحضنها جامد ففضلت تعيط بانهيار وتابعت انا مش قادره اصدق يعلي والله ما قادره اصدق انا تعبت اوي تعبت علشان تحس بيا
علي دموعه نزلت وباس راسها بعمق وتابع وغلاوتي عندك خلاص اهدي انا معترف اني سبب فكل وجع حسيتي بيه بس ورحمه ابويا يحبيبه انا ماكنت اعرف انك بتحبيني كده وبقي يمسح دموعها
حبيبه دموعها كانت بتنزل وحطت ايديها فوق ايديه وتابعت بلهفه وفرح مش مهم مش مهم اي حاجه المهم انك خلاص بقيت معايا وكريم وافق وخطبتني ورفعت الخاتم وتابعت بفرح وعياط:انا بقيت خطيبتك خلااص بقيت خطيبتك يعلي
علي باس جبينها بعمق تحت عياطها المتواصل وهمس اللهم لك الحمد كما ينبغي لجلال وجهك وعظيم سلطانك وحط ايديه على كتافها وتابع بابتسامه اهدي يحبيبتي اهدي علشان خاطري خلاص
حبيبه مدت ايديها تمسح دموعه وتابعت بدموع ماشي بس انت متعيطش انا استحمل اي حاجه الا اني اشوف عينيك كده
علي بقهر ما كله بسببي انا على قد انبساطي بانهارده بس مقهور اني تعبتك كده وانتي متستاهليش الا كل الحلو اللي في الدنيا
حبيبه بصتله بحب وتابعت بدموع انت كل الحلو اللي في الدنيا بنسبالي واديك بقيت معايا خلاص
علي رفع ايديها باسها بعمق وتابع يبختي بيكي ويبختي ان قلبك فضل بيحبني علشان يجي يوم زي ده ..انتي لو كنتي اتخطبتي ولااتجوزتي غيري انا كنت هعيش اندم عمري كله اني ضيعتك بس اللهم لك الحمد ..ربنا انعم عليا بيكي يحبيبه
حبيبه بحب ودموع الحلو للحلو ينن عين حبيبه
علي بابتسامه طب ماتسيبك من الكلام الفاضي ده ونخليها كتب كتاب وغمز
فحبيبه فضلت تضحك وتابعت انسى الكلام ده جواز بالذات الاا مش دلوقتي
علي بضحك ليه هاكلك ولا ايه
حبيبه فضلت تضحك وتابعت لا يعمري ده انا مبحسش بامان غير وانت جنبي بس فعلا اليوم ده محتاجه اظبطله حلو اوي انا استنيته عمري كله ودي ليله العمر ولا ايه؟
علي بابتسامه حقك ياست البنات وماله نستنى شويه وملاحظ ان امانك معايا من ساعه ماجيتي عامه
حبيبه بضحك اشمعنا بقى؟
علي شاور على البحر وابتسم وتابع انتي مش بتحبي البحر وبتخافي منه وعلشان كده اختارت ان البحر يكون بعيد عن الكافيه وفي نفس الوقت المنظر يبقى حلو بس من ساعه ماجيتي وانتي طبيعيه معايا ومش خايفه
حبيبه اتفاجئت وتابعت بتهزر! انت عرفت منين؟!
علي بابتسامه قولتي مره زمان ومن ساعتها مركز جدا ان حتى لما العيله تخرج يكون مكان بعيد عن البحر بس ايه سر الكرهه ده بقى
حبيبه بصتله وتابعت حساه مريب بنسبالي ..باين حلو اوي وهادي بس هو مش كده ..هو جواه غدر وعواصف وامواج ولو حد مش متمكن من السباحه قرب منه بيموته فعمري ماحبيته ومش هحبه
علي بابتسامه نظره عميقه برافو .. بس لما نروح الهوني مون مش هتنزلي معايا بردو؟
حبيبه بابتسامه انا بخاف وعمري مانزلت بس طول مانت ماسك ايدي امشي على الجمر حافيه
فعلي ابتسم وتابع طب واللي عايز يرزعك بوسه دلوقتي يعمل ايه
فحبيبه شهقت وفضلت تضحك وتابعت يتربى هاا علشان مخليش كريم يرزعه رزعه ميقومش منها تاني وانا عايزاه
علي بضحك لا طلما وصلت لكريم فنتربى
حبيبه بضحك ايوه كده وخد بالك انت هتدفع تمن التاكسي اللي ركبته من الصرع بسببك ده علشان ممعيش انا ادفع لتاكسي كماان
علي فضل يضحك وتابع يسلام ده من عيوني دفعتي كام بسببي يحياتي؟
حبيبه بصتله بحب وابتسمت وتابعت سيبك من الفلوس .. دفعت عمري كله بسببك ..بس الحمدلله خلتني اكسب الرهان يعلي
فعلي ابتسم وباس جببنها بعمق وتابع بحب ربنا مايحرمني منك ابدا ويباركلي فيكي يارب وبص للترابيزه وتابع ونقعد بقى علشان جايبلك الاكله المفضله لقلبك وصرفت فلوس الشهر الجديد قبل مايبدا
فحبيبه شهقت بفرح وتابعت بتهزرر انت جبت جمبري تانيي وراحت شالت الغطا لقيت طبق كبير في انواع كتير جمبري فضحكت بفرح وتابعت يخربيتك يعلي ايه كل المصاريف دي
علي بضحك خربته قبل مايتعر بنت علي اهو
حبيبه فضلت تضحك وتابعت مش قصدي والله بس حقيقي صرفت كتير يحبيبي ده الخاتم لوحده غالي
علي بحب الغالي يرخصلك ومفيش حاجه في الدنيا كلها تكتر عليكي وانا والله العظيم يحبيبه لو اطول اجبلك الدنيا كلها هجبهالك
فحبيبه دموعها نزلت بحب وراحت حضنته فعلي طبطب على ضهرها وباس راسها فتابعت بحب ودموع: نفسي نكتب كتابنا قريب والفرح اي وقت براحتي بس علشان بشيل هم حضنك ده اللي انا محتجاه طول الوقت
فعلي ابتسم وتابع قولتي اللي في جوايا والله ..عيوني ياست البنات اقرب وقت هنكتب الكتاب
حبيبه بضحك طب يلا علشان الجمبري هيبرد فعلا وكله الا الجمبري
فعلي فضل يضحك وتابع يلا يحبيبي وشدلها الكرسي
فحبيبه قعدت وتابعت بضحك اممم ربنا يهديك يعمري اقطع دراعي ده ان ما كنت مطبق على فيلم اجنبي من امبارح
فعلي فضل يضحك وتابع خساره فيكي حقيقي
فحبيبه فضلت تضحك وبصت حواليها وتابعت باعجاب لا بس تحفه تحفه بجد يعلي كل حاجه واو نتصور هنا لما نخلص
علي بحب من عيوني وقشر الجمبري ومدلها تاكل فابتسمت وكالت منه
وبعد شويه خلصوا ومشيوا وعلي كان معاه عربيه كريم وشويه ووصلوا البيت وسمعوا الاغاني كانت شغاله واهلهم بيزغرطوا فحبيبه بصتله بصدمه وتابعت الله يخربيتك انا هطلع ازاي بالمنظر ده ده انا نزلتلك من غير ما اسرح شعري
فعلي فضل يضحك وتابع هطلعك عند سلمى اجهزي بس لبسك لا يحبيبه حقيقي شكلك في الجيبه قمرر والطقم شيك اصلا
حبيبه بضيق تبقى انت لابس قميص ابيض وبنطلون اسود وحزام وجزمه ومظبط دنيتك وانا احضر بالطقم ده !
علي بحب طب والله جميل وينفع لقرايه فاتحه
حبيبه بضيق طيب يلا بس اقف عايزه انزل
فعلي بالفعل وقف وحبيبه نزلت وطلعت شقه رانيا وخبطت فسلمى فتحتلها وتابعت بفرح يقلبي ياناس على العروسه وفضلت تزغرط
فحبيبه ضحكت وحضنتها وتابعت يقلب ونن عين العروسه والله
سلمى بفرح بجد يحبيبه هطيير من الفرح يلا جايه هنا ليه كلهم هناك وانا لبست ونازله
حبيبه بتوتر استني بس اظبط وشي وشعري علشان مش حاطه في وشي اي حاجه
سلمى بحب طب والله زي القمر ماعلي شافك كده
حبيبه بضحك حبيبه قلبي والله.. بس كده اهون عليكي متعرفنيش انه هيفاجئني
سلمى بضحك حبيبتي ده فاجئنا كلنا محدش كان عارف غير كريم بس يلا مش وقته كلام اجهزي عايزين نفرح
فحبيبه ضحكت وتابعت بحماس على رايك والله ودخلت غسلت وشها ورطبته وحطت ميكاب هادي وسرحت شعرها فنزل بتمويجه خفيفه وتابعت بحب يلا يا لوما
سلمى بحب ودموع مبروك يعمري متتخيليش مبسوطالك قد ايه ان ربنا راضاكي بحبيب عمرك وانا كمان يبختي ان صاحبه عمري هتبقى مرات اخويا
فحبيبه حضنتها وتابعت بدموع حبيبه قلبي انتي والله عقبالك انتي وحازم يغاليه
سلمى بابتسامه يارب يحبيبتي يلا بينا علشان منتاخرش وبالفعل نزلوا وطلعوا شقه حبيبه والكل كان موجود وبيهيصوا ومبسوطين وبمجرد ماشافوا حبيبه زغرطوا بفرح ونيره دخلت شدتها ورقصتها معاهم وعلي والرجاله كانوا في الاوضه التانيه
فراحت اسراء لعلي وتابعت بفرح علي والنبي تعالى
علي بس اتلمي اجي اعمل ايه بنات وبترقص مع بعض ايه وظيفتي انا
كريم بضحك طبال
فكلهم فضلوا يضحكوا فتابع علي بضحك طب متخلنيش اقل منك على المساا
كريم بضحك تقل مني !! يباشا احنا لسه فيها انزل مالكش عندي بنات للجواز
فكلهم فضلوا يضحكوا فتابع فارس بضحك يسيدي هاودو زي مانا بهاودك هي الدنيا ماشيه كده
فكلهم فضلوا يضحكوا فتابع علي بضحك ماشي هطلع عين اهلك بس مش وقتك
فارس بضحك اتقي الله علشان ربنا يسهلها عليك هاا
علي بضحك بقيت خطيبتي يحبيبي خلاص وبص لاسراء وتابع اطلعي يلا اخلصي
اسراء بضيق تعالي ارقص مع خطيبتك على الاغنيه دي وادخل يلاا وبتشده وطلعت بيه فحبيبه شافته ابتسمت وعلي كان محرج جدا من التجمع رغم انهم صحاب حبيبه واهله بس
فاسيا شدته يمسك ايديها والاغاني شغاله وكلهم بيزغرطوا وفرحانين فعلي مسك ايديها ولفها فاسراء ضحكت وتابعت استنواا بس اجبلك اغنيه الليثي بتاعته
شمس بضحك ايوه يابت جامده ديي
حبيبه بضحك وفرح: اه عارفاها دي تحفهه
وبالفعل اسراء شغلتها وفضلوا يهيصوا عليها وعلي واقف باصص عليها هي بس وبيسقفلها وهو مبتسم فجات الحته اللي مشغلين علشانها الاغنيه فحبيبه شدت ايد علي وحطت ايديها حوالين رقبته فهو حط ايديه على وسطها فتابعت بضحك وفرح وهي بتغني وتتمايل معاه على الاغنيه الااقي زيك فين يعلي وشاورت على عينيها الاتنين وتابعت وانت في العين دي والعين دي يعلي وهزت كتافها وتابعت يكاويني يعلي ياراميني يعلي على عيني يعلي .. يعلي يعلي علي فعلي فضل يضحك وكلهم فضلوا يسقفوا ويزغرطوا فتابعت حبيبه بضحك: على ايه يعني مجنني وحياتك ماتعذبني تعلالي يا لولا في حضني متنفضليش وتسيبني فعلي همس بضحك جنب ودنها هموت واعملها والله هو انا لسه هستناكي تطلبي؟
فحبيبه فضلت تضحك بشده وتابعت اتلم ولم نفسك هاا الناس حواليناا فتابع علي بضحك محدش سامعنا الصوت عالي
وكلهم فضلوا يزغرطوا ويسقفوا وبعد شويه من الاغاني الكل اجتمع وفضلوا يتكلموا في تفاصيل كتير تخص الفرح وعلي كان قاعد جنب حبيبه على كرسين متزينين ليهم فضحك وتابع ايوه نقرا الفاتحه ولا لسه عندك كلام تاني يا حج كريم شايفك واخد وضع ابو العروسه اوي انهارده
فكلهم فضلوا يضحكوا فتابع كريم بضحك مانا ابوها فعلا يحيوان هي دي فيها كلام
علي بضحك لا يباشا محدش يقدر يتكلم
حبيبه همست بضحك موافق كريم فكل كلامه انهارده انت
علي بهمس وضحك عدي يومك نتجوز وانا هدي امه بالجزمه الصبر بس
فحبيبه فضلت تضحك بشده فتابع كريم بضحك اتلموا طيب علشان بنقرا الفاتحه
علي بضحك وتفاجئ ايه ده بتقروا فاتحتنا من غيرنا يابجحاتكم والله ورفع ايديه يقرا الفاتحه وحبيبه زيه وبتبصله ومبسوطه اوي وبتقارن المره دي بالمره اللي قرأتها مع هاني وهي بتبص لعلي علشان متضعفش وتكمل اليوم وبتحمد ربها الف مره على اللي وصلتله ودموعها نزلت بفرح
فتابع كريم بابتسامه مليون مبروك يانن عيني
فكلهم فضلوا يزغرطوا وحبيبه عيطت وقامت حضنته فباس راسها بعمق ودموعه نزلت
فتابع علي بضحك والله ماهاخدها دلوقتي متستعجلش العياط
كريم بضيق انت متقدرش تاخدها مني عامه ده انت يادوب جوزها مش اكتر
فكلهم فضلوا يضحكوا بشده فتابع علي بضحك ياعم تشكر هفضل اعديلك لحد كتب الكتاب
فحبيبه ضحكت وحطت ايديها على خده تمسح دموعه وتابعت بحب ودموع محدش يقدر ياخدني منك ده انت نورعيني وكل اهلي
فمالك كان قاعد بس ساكت وبصلها بصدمه ووجع من كلامها لكريم وان اهلها الحقيقين مش في دماغها فاتخنق وقام دخل البلكونه وسلمى استغربت فكريم ابتسم من بين دموعه وباس جبينها بعمق وتابع ربنا يسعدك ويفرح قلبك ياست البنات
حبيبه بحب ودموع ويسعدك ينورعيني
فنيره كانت واقفه باصه عليهم وحست بقهر ووجع في قلبها من معامله كريم لحبيبه اللي هي اتحرمت منها حتى لو بجزء صغير فتنهدت بعمق وحاولت تمنع دموعها وعلي لاحظ وعملها بايديه تبتسم وتهدى فنيره ابتسمت من بين دموعها ومسحت دموعها وسكتت
ورانيا كانت بتحضن حبيبه وتابعت بحب وفرح : كده اقولك بقلب جامد يمراات ابني وباست خدها وتابعت مليون مبرووك يانن عيني من جوه
حبيبه بضحك الله يبارك فيكي ياست الكل انتي تقولي اللي انتي عايزاه يارنوش
رانيا بضحك قلب رنوش انتي وفتحت ايديها وتابعت تعالى يا واد احضنك انت كمان تعالى
فعلي ضحك وراح حضنها فباست خده وتابعت بحب ودموع مليون مبروك يقلب امك فرحنالك من قلبي المره دي وراضيه عنك يعلي والله
اسراء بضحك اهو تصريح واضح ان حياتك خربت بسبب عدم رضاها
فكلهم فضلوا يضحكوا فتابع علي بضحك لالا انا فاهمها اقعدي انتي يا سوسه وبعدين الحمدلله انها خربت علشان اخد حبيبه
فحبيبه بصتله بحب وابتسمت وعلي باس راس رانيا بعمق وتابع الله يبارك فيكي ياست الكل ربنا ميحرمناش منك ابدا
رانيا بحب ودموع ولا منكم يحبايبي واشيل عيالكم يارب
فالكل ردد اللهم امين يارب
لمياء بابتسامه مليوون مبرووك يحباايب قلبي وعقبال الفرح يارب
حبيبه بحب يعمري انتي وعقبال مانفرح بيكي
علي بحب الله يبارك فيكي يحبيبي
فهناء راحت بصتله بحب وابتسمت وتابعت تستاهل يحبيبي مليون مبروك هطير علشانك والله
علي باس جبينها بحب وتابع الله يبارك فيكي يغاليه وهتحصليني انا واثق
اسراء بضحك احنا كلنا هنحصلك باذن الله بس حبيبه تلفلنا الدبله 7 مرات
حبيبه بضحك عارفه لو اتقلبتي قرد وهتموتي كده انا مش هقلع دبله علي من ايدي ابداا لحد ما انقلها الناحيه الشمال
فكلهم فضلوا يضحكوا بشده فتابعت لميا بضحك ياواطيه كدده متلبسيهاش لاخواتك
حبيبه بضحك انسوا يحبيبتي الكلام دده دبلته مش هتتقلع مهما يحصل دي امنيه عمري دي
سلمى بضحك وحب ربنا يسعدك كمان وكمان يعمري
لميا بضحك طبعاا انتي مش عليكي حاجه هتحصليها من غير حاجه
فسلمى فضلت تضحك وتابعت ياستي هلفلك انا ولا تزعلي
فلميا حضنتها وتاابعت بحب قلب بنت عمك انتي والله
هاله بضحك طب يلا ياختي انتي وهي ناكل ونكمل الرغي ده
علي باستغراب حازم مجاش يسلمى؟
سلمى تنهدت بضيق وتابعت اه وراه شغل ورايحه تدخل اوضه السفره
فعلي مسك ايديها وتابع باستغراب مالك يا سلمى متخانقين ولا ايه؟؟
سلمى بابتسامه حزينه خلاف عادي وهيروح لحاله متقلقش يحبيبي وطبطبت على ايديه ودخلت فعلي تنهد بعمق وسكت وكلهم دخلوا ياكلوا ورانيا راحت لمالك البلكونه وتابعت مالك يلا علشان تاكل يحبيبي
مالك بتنهيده ماليش نفس يمرت عمي الف هنا انتوا
هاله بحزن مالك بس يحبيبي فيك ايه
مالك بصلها وتنهد وتابع ابداا حاسس وجودي زي عدمه مش هيفرق وبفكر ارجع قنا .. حبيبه ونيره مش محتاجيني وكريم عنده حق مش انا ابن العم اللي لو جيت قولتلهم كلمه هيمشوها ده علي يمشي على نيره اكتر مني بردو عادي
هاله بحزن علي مربي نيره وحبيبه مع كريم وكان بيشيل مكانه لما يسافر حتى لو تلاحظ حبيبه واخده عليه اوي ورقصت معاه وكان واخدها يخرجها وكل ده لو مع عريس هناء او لميا او حتى نيره مكنش هيعدي بس لان علي قريب منهم اصلا فغصب عنهم واخدين عليه اوي وده بحكم العشره انما هما لو يعرفوا انت مين هيحبوك والله يابني
مالك بتنهيده سلمى هتتجوز امتى يمرات عمي؟
هاله تنهدت وتابعت ااه قول كده وبصتله بحزن وتابعت بعد 7 ايام بالظبط
فمالك قلبه وجعه واتصدم وتابع تمام يبقى انا هحضر خطوبه حبيبه واطمن عليها وامشي
هاله بحزن حبيتها يمالك؟
مالك بصلها بوجع وتابع مش قصه حبيتها انا ملحقتش بردو بس عيني مش شايفه غيرها وبغمض احلم بيها مش فاهم ليه دي الوحيده اللي علقت معايا بالطريقه دي بس الحمدلله كله نصيب
هاله بابتسامه انا مش هوجعك زي ما وجعت حبيبه لان فعلا محدش يعرف النصيب فين يابني وطبطبت على كتفه وتابعت ناكل وهحكيلك حكايتها ولو سلمى كده كده واقعيا مش ليك فكله لخيرك قول الحمدلله
مالك بوجع الحمدلله
-
وبعد شويه الباب عند رفيده خبط ففتحت اتصدمت بعلي قدامها فتابع عصام مين يرفيده
فرفيده سكتت وبلعت ريقها برعب فجيه عصام وتابع يابنتي مين وسكت ثواني لما شاف علي وتابع بحده هو انت ! خير جاي ليه ؟
علي بابتسامه جاي فكل خير سبق وعزمتني على فرحك وانهارده بعزمك على خطوبتي يوم التلات الجاي فرفيده اتصدمت بشده فعصام بصله بضيق وتابع لو فضيت هاجي
فعلي ابتسم وتابع لا والله انت هتيجي مستنيك انت والجماعه وبص لرفيده ونزل فعصام قفل الباب ونفخ بضيق فتابعت رفيده بتوتر انت اكيد مش رايح للكلب ده مش كده؟ فعصام بصلها بشك وتابع لا هروح يرفيده سبق وقدرني بردو وسابها ودخل الاوضه فرفيده اتعصبت بشده ونفخت بضيق
-
وبعد مرور الخمس ايام جيه يوم خطوبه علي وحبيبه وكانوا صاحيين من بدري يجهزوا والبنات مع حبيبه في اوضتها
فتابعت اسراء بتوتر وهي بتتكلم في الفون اووف يعني ايه لسه مخلصتيش الدريس طب اهبب ايه انا قولتيلي استلمي الصبح مقولتش لا كده مش هينفع واتعصبت وتابعت ياستي مش عايزه حاجه خالص من وشك هتجيبهولي بالليل ههبب بيه ايه اووف وقفلت السكه
فتابعت حبيبه وهي قاعده ونيره بتعملها ميكاب مالك في ايه اهدي
اسراء بعياط الهانم مخلصتش الدريس بتاعي ومعنديش اي حاجه تنفع اهبب ايه دلوقتي بجدد
سلمى بتوتر يالهوي ده ايه التخلف بتاعها ده
إيلين بحب يعمري خلاص خدي فستان مني عندي كتير
حبيبه بضحك يعني انتي بالذات هدومك خدت بسببها علقه انتي عايزه البت تموت ونقلبها عزا
فإيلين فضلت تضحك فتابعت اسراء بعصبيه ودموع اووف انتوا مش مقدرين اللي انا فيه بجد
حبيبه بضحك خلاص خلاص حقك عليا اوعي ثواني يانيره
فنيره سابتها فقامت جابت دريس ابيض ستان اوف شولدر وتابعت بحب امسكي ده كنت شيلاه في جهازي بس ميغلاش عليكي
اسراء بدموع تحفه بس ابيض
حبيبه بضحك وايه المشكله مانا هلبس احمر اصلا فكك من الهبل ده
لميا بحب تحفه يابت يا اسراء البسيه بس ويلا
اسراء بلهفه حاضر وباست حبيبه وتابعت بفرح بحبك بجد
حبيبه بحب وانا بموت فيكي وبالفعل اسراء دخلت لبسته وحبيبه جهزت وسابت شعرها مموج وحطت هيربيس رقيق وميكاب هادي ولبست فستان كب احمر صك بيلمع وعلي اتصل بيها وتابع ايه يحبيبي خلصتي فتابعت بحب اه يعمري وانت فين؟
علي بضحك جاي اهو عملتلك مفاجاه محصلتش
حبيبه بابتسامه ايه هي؟
علي بضحك انا شيلت دقني
حبيبه ابتسامتها اختفت وتابعت بتهزر صح!! فعلي فضل يضحك وتابع لا والله شيلتها صح قولت تغيير شويه
فحبيبه اتصدمت وتابعت وانا شيلت خاتمك تعالى خده يحبيبي فعلي فضل يضحك بشده وتابع حبيبه بطلي نداله والنبي علشان ندمت وبحب دقني بس كله بيقولي حلو فحبيبه نفخت وتابعت انت بتهزر يعلي ليه تعمل كده بجد
علي بضحك يحبيبه تغيير متنكديش عليا بقى فحبيبه نفخت وتابعت طيب يلا تعالى
علي بحب طالع اهو وقفلت معاه فتابعت نيره بضحك ايه عمل ايه
حبيبه بضيق شال دقنه فسلمى اتفاجئت وتابعت بضحك بتهزري سمع كلااامي والله وشه هينور
حبيبه بضيق اه انا قولت تطلع منك انتي مانتي متجوزه املس
فكلهم فضلوا يضحكوا بشده وعلي فتح الباب ودخل مبتسم وكلهم انبهروا بيه وحتى حبيبه كان لابس بدله سودا ومرتب شعره وشكله وسيم جدا بس هو اتصدم بشكل حبيبه وتابع ايه ده !! وسلمى فهمت واتوترت فحبيبه ضحكت وتابعت طب والله شكلك قمر فعلا و
علي قاطعها بعصبيه وتابع قمر ايه وزفت ايه بس على دماغك ايه الخرا اللي انتي لابسااه ده !
حبيبه بتوتر ماله يعلي فعلي اتعصب وتابع هو ايه اللي ماله ! ده منظر تلبسيه قسما بالله مانتي طالعه بيه من الاوضه انتي اتجننتي ولا ايه
حبيبه بحده مانا اكيد مش هغيره دلوقتي يعني يعلي هجيب منين غيره
علي بعصبيه ميخصنيش هيتغير غصب عن اهلك انا مش هتحرك بيكي كده ولو رسيت البسك الدهب في الاوضه واقولهم شطبنا ونجاملكم في الافراح هعملها
سلمى بتوتر خلاص يحبيبه اسمعي الكلام ابوس ايدك وغيري
إيلين بتوتر طب خلاص فاكره الفستان الابيض اللي اترددنا فيه ده كان محتشم عن ده هروح اجبهولك واجي بسرعه حاضر يعلي
حبيبه منعت دموعها تنزل وقعدت وسكتت فنزلت إيلين وعلي نفخ بضيق وتابع بعصبيه ومنبه عليها بس ازاي لازم تعصب اهلي في يوم زي ده
هناء بتوتر خلاص يحبيبي اهدى حصل خير
وبالفعل إيلين جابت الفستان وحبيبه قامت خدته ودخلت الحمام ولبسته ودقايق وطلعت بيه وكلهم انبهروا بيها كان اوف شولدر بس كم شفاف واخر الكم مروحه وصك وشكله مرسوم عليها فعلي تنهد بعمق وابتسم وتابع مع انه ضيق شويه بس ده احلى فحبيبه هزت راسها بتمام فعلي راح باس جبينها وتابع حقك عليا انا مش قصدي انكد عليكي انهارده بس بغير عليكي فانتي تقدري ده ولا ايه
حبيبه بابتسامه حزينه حصل خير يحبيبي فعلي باس ايديها واداها بوكيه ورد احمر وتابع بصي الجمله بقى فحبيبه مسكته لقيت مكتوب على البوكيه "جئتكم قاصدا استرداد ضلعي الذي خُلق مني"فالدموع اتجمعت في عينيها وتابعت تحفه فعلي باس جبينها وتابع حقك عليا بقى فحبيبه هزت راسها بماشي وهي بتبتسم وعلي خدها وطلع بيها لبرا وهما بيزغرطوا وراحوا شقه كريم لان الخطوبه فيها وكريم كان واقف بيستقبل الناس وعصام جيه ومدله ايديه فكريم مسلمش عليه وبصله بحده ورانيا خدت بالها فاتوترت من الموقف وراحت حطت ايديها وتابعت بابتسامه وتوتر اهلا وسهلا ياابني نورت وشرفت والله ادخلوا تعالوا فعصام بص لكريم بسخريه ودخل هو ورفيده وثواني وسمعوا صوت البنات بيزغرطوا وعلي طالع بحبيبه ورفيده مسكت دموعها بالعافيه وعصام مراقب نظراتها وطلعت إيلين قبلهم وفضلت ترش ورد عليهم وهي بتضحك وخبطت في عصام وهي بترجع فكانت هتقع فمسكها وتابع بخوف حاسبي فإيلين اتوترت وبصتله وهمست شكرا وبعدت عنه وهي بتحاول تفتكر شافته فين قبل كده لحد ما افتكرت الخناقه لما خبطته وعلي دخل بحبيبه وقعدوا على الكوشه والزغاريط والاغاني اشتغلت واسراء قومتهم يرقصوا سوا وجابتلهم الاغنيه المفضله ليهم بتاعت تامر حسني لو عشت احلف طول حياتي كلها مش هقدر اوصف بحبك قد ايه وفضلوا يرقصوا عليها وهما فرحانين لحد ماخلصت واشتغل اغاني كتير ورفيده عينيها عليهم ومتعصبه اوي فحبيبه حطت ايديها حوالين رقبته وهي بتغني مع الاغنيه اللي شغاله وبصتله بحب ودموع وتابعت للنهايه هتلاقيني ماسكه في ايدك للنهايه اصل من قبلك انا مجرد حكايه فيها خوف وتعب وفيها جراح كتيره بس بقى مسك الختام انك معاياا فعلي باس جبينها فكلهم سقفوا وزغرطوا بفرح وحبيبه بصتله وهي بتبتسم فمسح دموعها بحب ورفيده مصدومه من حبه الواضح ليها وشويه وجيه وقت تلبيس الدبل فجات بيهم نيره وتابعت بضحك يلا يابت يحبيبه امسكي دبسيه ليهرب
فعلي فضل يضحك وتابع يسلام ده اجمل تدبيسه فحبيبه ضحكت وخدت الدبله ولبستهاله فعلي باس الدبله فكلهم سقفوا وضحكوا بفرح ومسك دبله حبيبه والمحبس لبسهوملها فحبيبه باستهم وفضلوا يسقفولها هي كمان وضربت كفها في كف علي وهما بيضحكوا وباس ايديها وتابع مليون مبروك يحبيبه قلبي
حبيبه بحب ودموع الله يبارك فيك يحبيب عمري وهمست لعلي بكلام فتابع اه يلا فقامت وخدت ورده من البوكيه بتاعها وتابعت بضحك استنوا بس اطفوا الاغاني علشان هفاجئكم مفاجاه وفعلا طفوها فتابعت نيره مفاجاه ايه؟فحبيبه ضحكت وتابعت هدي الورده دي للعروسه الجايه حسب احساسي بعيد عن لوما فسلمى ضحكت وتابعت ماشي ياستي فشمس ضحكت وتابعت ماشي يلا فحبيبه وقفتهم جنب بعض وفضلت تمشي جنبيهم رايحه جايه بتحيرهم فتابعت هناء بضحك اخلصي يحبيبتي دي لو نتيجه ثانويه عامه مش هتوترني كده فكلهم فضلوا يضحكوا فحبيبه ضحكت وتابعت خلاص صعبتوا عليا وراحت اديتها لاسراء فاسراء شهقت بخضه وتابعت بضحك انا !! ازاي يعني !!
حبيبه بضحك بصي وراكي هتعرفي فاسراء لفت لقيت حسن قاعد على ركبته لابس بدله بيچ وبيقدملها دبل فاتصدمت وشقهت بخضه وعيطت وكلهم اتفاجئوا وسقفوا بفرح فاسراء بصت لعلي فهز راسه بلايجاب وهو بيبتسم فمصدقتش نفسها من الفرحه وجريت عليه حضنته فحسن اتفاجئ وتابع بضحك طب انا اللي جايب الدبل طيب فكلهم فضلوا يضحكوا بشده وهي بتعيط في حضن علي فباس راسها بعمق وطبطب على ضهرها وهمس بحب مبروك يحبيبتي انا والله قولت اعملك ليله بس حسن صمم يفاجئك فاسراء عيطت بفرح وتابعت مش مهم انا كده راضيه وزي الفل بس البسها عادي والنبي انت فعلا موافق؟ فعلي ضحك وتابع هو انا لو مش موافق يقدر يقعد القاعده دي؟ فكلهم فضلوا يضحكوا فحسن تابع بضحك طب هتيجي انهارده ولا اقوم رجلي وجعتني فاسراء ضحكت وراحت وهي فرحانه اوي ومديتله ايديها فحسن ضحك وتابع انا لسه مقولتش تتجوزيني ولالا فاسراء ضحكت وتابعت انت لسه هتقول لبسني وخلص قبل ماعلي يرجع في كلامه فكلهم فضلوا يضحكوا بشده فحسن لبس اسراء الدبله وكلهم سقفوا ورايح يبوسها فتابع علي ايه ايه يحبيبي خيرر؟فحسن فضل يضحك واسراء مسكت دبلته لبستهاله وسقفوا تاني فهست حبيبه لعلي بضحك اممم حلو ليك انت بس ها فعلي فضل يضحك وتابع انا اللي مربيكي يابنت الكلب مالك في ايه فحبيبه ضحكت وتابعت ايوه سألت الشيخ وقال حلال فعلي فضل يضحك وضربها على دماغها والناس وقفت تباركلهم كلهم وعصام باصص عليهم مبتسم وحزين على الوحده اللي عايش فيها ووقفوا يتصوروا فتابع علي بضحك ايدك يحيوان من على البت اقسم بالله ياحسن لو شوفت ايدك هنفكرش فكلهم فضلوا يضحكوا بشده فتابع بضحك مش هحطها يااعم مع انك ماسك ايد خطيبتك ومقولناش حاجه فعلي ضحك وتابع ماسك ايديها يحيوان مش حاططها على وسطها في الصوره اتلم ها انا شايفك رايح تعمل ايه
فحسن فضل يضحك فتابعت سلمى بضحك وهي بتحضن اسراء اديكي اهو اتخطبتي من غير لف دبل شوفتي ربنا فاسراء دموعها نزلت بفرح وتابعت الحمدلله يعمري عقبال فرحتنا بيكي يارب
فووقف حسن واسراء يتصوروا فتابع علي بضحك ايددك فتابع حسن بضحك والله ماحركتها ارحم امي مش اللي بيعملوا فيك كريم هتطلعه عليا فعلي فضل يضحك وتابع اومال اطلعه على مين مثلا حلوه دي ده انا فرحان ان كريم مش فاضيلي انهارده وواقف يستقبل الناس وفضلوا يضحكوا واتصوروا كلهم وعند الصوره الرباعيه علي كان ماسك ايد حبيبه وباصين لبعض وبيبتسموا ومش واخدين بالهم انهم بيصوروا واسراء باصه للكاميرا ورافعه ايديها بالدبله وحسن باصص عليها وبيبتسم واتلقطت كده فعلي وحبيبه نزلوا صور وكل واحد فيهم كتب كابشن معين وكابشن علي كان "بعد اعوام من التيه جاءت كأنها وطن خففت وجعي ورتبت بعثراتي وجعلت للفرح عنوانا جديدا ..تدعى حبيبه علي ولكني دائما ما اقرائها حَبِيبَهُ علي♥️🫂💍"وحبيبه كتبت على صورتهم "رضيت عني الدنيا وأخيرا
وأعطتني مِن الرجال خيرهم ومن الأحباب أغلاهم على قلبي ومن العباد أقربهم إلى الله
فهذا هو الشخص الذي إرتضيت دينه وخلقه منذ أن رآيته في طفولتي ومع مرور الزمن تغير كل شئ دهان غرفتي ومرحلتي الدراسيه عدد أصدقائي وحتى ضفيره شعري عادا حبي لم ولن يتغير وظل يكبر داخلي يوما بعد يوم وأنا أثق انه حتما سيكون لي رغم أنف العالم والآن أحدثكم بجوار الشخص الذي تمنيت أن أكون له طيله حياتي وها هو قد جاء ليثبت أن قلبي العاشق له لم يكن مخطئا حين إِنتظره
got engaged to Ali Qasim♥️💍وبعد شويه عند علي كان مقعد تولين بينهم وبيلعب معاها فجات سلمى وتابعت بهمس جنبه علشان صوت الاغاني حبيبي حازم جيه هنروح نودي حاجات التلاجه ونيجي فعلي هز راسه بماشي ونزلت بالفعل وركبت جنب حازم وشويه ووصلوا شقتهم فاستغرب وتابع ايه ده هو باب الشقه مسكور !
سلمى باستغراب مش عارفه صح شوفه كده ودخلوا بالفعل لقيوه مكسور فتابعت بحده ايه ده مين عمل كده
حازم بحده معرفش عالم مهزقه على المسا ورايح يكمل اتصدم هو وسلمى بعدد الرجال الملصمين في شقته
يتبع