رواية خيانة مشروعة الجزء الثاني من سم هادئ في كأس ذهبي الفصل الخامس 5 والسادس 6 بقلم يارا محمد
أميمة اتصلت ب جوزها حسن اللي عارف ماضيها وقالت ليه يجيلها بسرعة لأن الأمر ضروري حسن جالها لما رواد كان المستشفي و اتكلم بخوف عليها .
حسن
خير يا أميمة جيباني ع ملي وشي ليه انتي كويسة .
أميمة بدموع
انا مش كويسة يا حسن لأن اللي كنت بهرب منه رجع ليا تاني .
حسن باستغراب
قصدك أية ما تفهميني يا أميمة بتتكلمي بالاغاز ليه .؟!
أميمة ببكاء
عيلة المراغي من تلات سنين كلها ماتت و .....
حكتله كل حاجة و هو كان مصدوم زيها قعد جنبها و دماغه عاجزة ع التفكير .
أميمة
خلوها معقدة نفسيا عاشت معاهم ف جحيم و انت عارف عمران كان بيعصي كلام ابويا ع طول ف اتجوز ماراي اللي كنت شاهدة ع معاملتها و تصرفاتها الغريبة بس هي علشان ترميني برة العيلة دبرت ليا مؤامرة برغم أن ابويا مكانش بيحبها بس صدق مؤامرتها و طلعتك حرامي مختلس و بسببها جينا هنا اليونان فاكر .
حسن بتذكر
و دي حاجة تتنسي يا أميمة جينا هنا بدأنا من الصفر انتي كنتي ف الشهر الأخير رواد اتولد بعدها ب حوالي أسبوعين عشنا ف أزمة بس عديناها .
أميمة
ماراي كانت مخبية أنها حامل علي العيلة كلها و انا كنت عارفة بده بس هي كتمت سرها و كانت عارفة أن ابويا هيطلقها من عمران علشان شهيرة بنت صاحبه .
الدنيا لما ظبطت كنت متابعة أخبار ماراي و عرفت انها نزلت قبل فرح رواد بيوم و تاني يوم ف الفرح جاب لهم بنتها اللي لحد اللحظة اللي كلمني فيها رواد مكنتش اعرف اسمها .
و الباقي حكيته ليك دلوقتي ها عندك فكرة ازاي اقول لرواد أن البنت اللي بيعالجها تبقي بنت خاله و لو عرف هيسئلني مية سؤال و مش هعرف اجاوب مش مستعدة يا حسن .
حسن حضنها بحنية
اهدي يا أميمة كل حاجة هتتحل متخافيش أنا معاكي هنقوله و هساعدك هو ابني كمان يعني عندي الحق اجاوب ع اسئلته .
أما ف المستشفي دليلة كانت قاعدة بتبكي زي عادتها بتكره كل حاجة ف المستشفي دي حتي الدكتور رواد كان ف غرفة مريضة تانية بيشرف عليها غير حالة دليلة الباب اتفتح كانت فاكرة أنه جه يسمع حكايتها زي كل مرة بس لقيته المدير داخل عليها نظرته مش بريئة.
سانتير
اخبارك أية يا ڤينسيا وحشتيني من امبارح الصراحة مقدرتش اكمل بسبب رواد وهو مشغول دلوقتي ف جاي اكمل تسليتي معاكي .
دليلة بصتله بغضب شديد و كره ليه و كان معاها سكين حاد مخبياه قرب منها بس هي مش سكتت مسكت السكين و غرزتها ف رقبته عند عرقه النابض ضربته و هي بتصرخ بهستيرية فضلت تضرب فيه لغاية ما مات تماما كل المستشفي سمعت الصراخ و رواد كان اول واحد يجري دخل اوضتها و لقي المنظر اللي اتصدم منه ايديها مليانة دم و السكين ف أيدها مدير المستشفي اللي ميت موتة بشعة ملحقش يفهم الممرضين كتفوها و حطوها ف اوضة زجاج شفافة .و صنفوها أنها مريضة خطر .
بس هو مش سابها دخل ليها وقعد ع الكرسي اللي قدام الغرفة الزجاجية .
رواد
حصل اي يا دليلة ليه عملتي كده احكي ليا انا صديقك الوحيد هنا ارجوكي احكي .
دليلة بصتله بدموع و انهيار .
6
دليلة بعصبية
مش هحكي اللي حصل أنا مش عايزة اتكلم ف موضوع الدكتور بعد بقي عني ارجوك .
رواد
و برضه مش هتحكي حصل أية بعد اجهاضك فضي يا دليلة يمكن ترتاحي.
دليلة بصتله بدموع وراحت قعد ف الركن من غير ما ترد عليه بس اتكلمت جملة واحدة نهت الكلام .
دليلة
مش عايزة اطلع برة و ياريت تشوف حالة غيري انت فاهم .
رواد بعصبية
مش بمزاجك انتي مريضتي و لازم تحكِ ليا انتي فاهمة .
دليلة بصتله و اتجبرت تحكيله بدأت الكلام و هي منهارة
مر شهر ع اجهاضها ملازمة السرير مش بتتكلم مع حد منهارة حياتها باظت و اللي مزود الموضوع بعد ايتوري عنها اللي مش مهتم بيها ابدا كل اهتمامه منصب ع سيلينا مونتانيبرو و شغل التهريب بس كانت مستغربة من إهمال امها ليها قامت بصعوبة و تعب من ع السرير راحت غرفة امها خبطت و أذنت ليها بالدخول .
ماراي ببرود
في حاجة يا دليلة محتاجة حاجة .
دليلة بصتلها باستغراب من برودها و قربت منها .
اه محتاجة انك تبقي جنبي انا فقدت فرصتي يا ماما انا موجوعه اوي حضنتها و هي منهارة بس ماراي. بعدت عنها .
ماراي
انتي كبيرة و قوية و هتعدي الموضوع ده تعرفي أية اللي هينسيكي المهمة اللي مكلفك بيها جدك اللي مش راضية تعمليها شوفي ده الملف بتاعه في كل معلوماته نفذي و جدك هيكافئك قوي .
دليلة بصتلها بعصبية و اتكلمت
و انا مش راجعه للشغل ده تاني انا مش عايزة زمان كنت بعمل كده وعايشة حياة تانية علشان اتحمل عيشة جدي وباقي العيلة لدرجة اني قتلتهم كلهم بدم بارد بس خلاص ارحموني انا مش عايزة اعيش كده انا هاخد بالي من الشركة اللي ف البرازيل هنتقل هناك و اديرها يمكن انسي اللي حصل .
ماراي
لا ما خلاص مفيش شركة ف البرازيل يا ڤينسيا انتي بعتيها ليا مبقتيش تملكيها .
دليلة
انا مش بعت حاجة ليكي امتي الكلام ده ماما ارجوكي بلاش هزار انا مش مستحملة انا هعيش ف البرازيل اتعالج و احاول انقذ جوازي .
ماراي
اسمعي انتي هنا اليونان و احنا عيلة اندريسا فاهمة انتي جزء من عيلتنا اللي كل شغلها غير قانوني غير شرعي و انتي لازم تنفذي اوامرنا انتي فاهمة .
دليلة
لا مش فاهمة انا مش مجبورة اعيش كده انا بني ادمة فاهمة .
ماراي
بس ده مش كان كلامك زمان و لا كنتي موافقة بإرادتك علشان صفوان المراغي و تاخدي حق الإهانة و الذل منهم فوق يا دليلة انتي خلاص غرزتي و مش هتخرجي الا و انتي ميته اتفضلي جهزي نفسك بكرة
الهدف ده لازم يموت ولو فشلتي هيكون فيها موتك روحي من هنا .
دليلة خرجت من الاوضة مش مصدقة طريقة امها الوحيدة اللي كانت خائفة عليها زمان و كانت بتشجع تاخد حقها من صفوان بس ليه تغيرت دلوقتي .
رجعت اوضتها لقت ايتوري فيها بغير هدومه بصلها بلا مبالاة و كمل لبس .
دليلة
وحشتني ايه بعيد عني طول الفترة دي انا محتجالك يا حبيبي .
ايتوري بفتور
دليلة بعدي انتي لسة متعبة نتكلم بعدين هنزل لجدي علشان ف شغل كبير .
دليلة
ايتوري مش بتفكر تسيب الشغل ده يعني التهريب و الشغل الممنوع خلينا نسيبهم ونعيش ف هدوء .
ايتوري
انت اتجننتي نامي يا دليلة مستحيل اسيب شغل العيلة اللي ليه سنين اه صحيح بكرة تبقي جاهزة علشان جدي مش هيستني عليكي علشان تنفذي شغلك .
دليلة بعصبية
و انا مش هعمل كده المفروض اكون أولوية ليكم مش مش المهمة السخيفة شوفوا حد غيري انا خلاص مش هشتغل مهمات تاني .
ايتوري ضربها بالقلم وقعت ع الأرض و هي بتتالم من جرحها و من ايده و مسكها من شعرها .
اخرسي انتي فاهمة انتي بقيتي جزءمن عيلتنا بإرادتك و ما دام بقيتي كده يبقي تنفذي اوامرنا من دون اعتراض .
سابها بقسوة و نزل و هي فضلت تبكي بقهر ووجع أما ايتوري نزل لمكتب جده لقي عمته قاعدة و هو قعد بعصبية .
انطوان
خير انت متعصب ليه .
ايتوري
حفيدتك الغبية عايزة تسيب شغلنا و انا اطاوعها الظاهر أن بعد اجهاضها اتجننت اسمع يا جدي هي واحدة مش كان لازم تدخل عيلتنا و لا كان المفروض نظهر ف حياتنا عيشتها ضعيفة مكسورة مع جدها كانت احسن انا مش بحبها و لا امها بتحبها وهي هنا علشان شغلها و بس انا مش هصبر ع كده كتير انا زواجي من سيلينا الاسبوع ده مش عايز اي عقبات ياريتني كانت ماتت ف الحادثة دي المفروض عمتي كانت اجهضتها أو حطتها ف ملجأ بدل ما تعطيها لصفوان عمتي انتي غلطتي قوي .
ماراي
حبيبي ما تشغلش بالك بيها خلاص بقت جزء مننا انا مش بحبها و لا كنت عايزة اولاد بس كان لازم يبقي ليا أداة تخلصني و تنتقم ليا من عمران و أبوه وهي نفذت ده شغلها ف الاغتيالات جيد ف بنستفيد منها .
برة اوضة المكتب كانت واقفه بتسمع كل حرف هي قررت تكون قوية و تنزل تعتذر عن كلامها بس كلامهم صدمها خلاها واقفه مش مصدقة هما كمان طلعوا مش بيحبوها كنت مجرد خطأ بس لا مش هتعيد الماضي دخلت ليهم بغضب و عصبية .
دليلة
انتي مش عندك قلب ابدا انا بنتك كان لازم تكوني اماني مش مصدر جحيم ليا عشته سنين كنت مجرد قطعة شطرنج و خلاص انا مش هسكت فاهمة و زي ما خلصت منهم انتوا هتتحبسوا كل شغل و كل عملية تهريب انا محافظة عليها ف فلاشة و مخبياها بس أن أوانها لسقوط العيلة دي .
كانت هتمشي بس ايتوري مسك شعرها بقسوة و رماها ع الأرض وقرب منها .
ايتوري بتهديد.
لو خبر واحد وصل للشرطة الدولية هقتلك بطريقة بشعة ياليلة انتي فاهمة مش انتي اللي هتكون نهايتنا ع ايديكي انتي خلاص بقيتي كارت محروق لينا بنستخدمك علشان تنهي اي حد بيقف ف طريقنا انا مش بحبك و لا عمري حبيتك تعرفي كمان انا السبب ف اجهاضك و تهشيم رحمك ده انتي لا تعني لينا اي شئ فاهمة بكرة تنفذي مهمتك .
انطوان قام ومسك دراعها و داس عليها بقوة وقربها منه و اتكلم .
اسمعي الكلام و نفذي مهماتك انتي فاهمة و الا هبيعك زي ما بعتي انتي ليليان ل ماثيو ف بلجيكا انتي فاهمة .
رماها ع الأرض بقسوة وهي اتالمت و بصت ل امها تنجدخا بس هي مش مهتمة خالص قامت و راحت اوضتها بتبكي بقهر و وجع هي اختارت طريق غلط من البداية ف لازم تستحمل اللي بيحصل .
تاني يوم نزلت و هي لابسة اسود و معاها سلاحها و ايتوري وصلها لمكان الهدف نفذت مهمتها و مشيت بس حست انها عايزة تقعد مع نفسها شوية ف راحت كافيه .
أما ماراي كانت ف بيت ف خدود منطقة جبلية قاعدة بتفكر جه شخص حضنها و اتكلم معاها بهدوء .
ماراي
بفكر ادخل دليلة ف مؤامرة مش هتنساها طول حياتها و هتكون السبب ف كسرها ل
لابد .
لقراءه الجزء الاول سم هادئ في كأس ذهبي من هنا