الحاج جابر / اسكتى مش عوز اسمع نفسك
خيرية / البنت الصغيرة تموت و تندفن جنب امها
الحاج جابر / مينفعش دى مع زهرة و عاصم
خيرية / لو مع العفريت تموت
الحاج جابر / سبينى افكر ادخلى شوفى وراكى ايه
خيرية / مشت تبرطم
غزل / دخلت تجرى زهرة أنا عوزة نمشى من هنا و دلوقت حالا
زهرة / لسه بدرى على النتيجة أهدى و تعالى خدى نسمة هاعملها الرضعة
غزل / لو فضلنا هنا البنت الغلبانة دى هتموت و أنا كمان و يمكن انتى وعاصم كمان
سمية أنا هامشى يابنات على تليفون
زهرة / هتوحشينى
غزل / ابوس ايدك تعالى نمشى احنا كمان
الحاج جابر / هتمشوا ليه هاتى البنت دى
غزل / بلاش بالله عليك دى طفلة ملهاش ذنب
الحاج جابر / مالك هو أنا هاكلها
غزل / اخدت البنت الصغيرة من ايد زهرة و دخلت اوضة عاصم طلعت على سريره قعدت جنبه من ناحية جوه بالله عليك يارب يشفيك تعالى نرجع الشقة
عاصم / بتعجب هنرجع بعد اسبوع هو فى ايه
الحاج جابر / هو فى ايه هاتى البنت أأذن فى ودنها ثم انتى مالك شكلك مش طبيعي هو فى حصل حاجه
غزل / مفيش حاجه و قعدت جنب عاصم مبلمه
سمية / هامشى أنا ياعاصم هتبقى اجيلك الشقة أنا و فاضل زوجى و حماتى و هاطمن عليك على الفون
عاصم / هتمشى مع مين
سمية / مع زوجى هو على اول الطريق
عاصم / ياجى ياخد واجبه الاول
سمية / بلاش فرعونة المرة اللى فاتت اتخانقت معاه
الحاج جابر / ماياجى يخدك من البيت
غزل / بلاش ياجى روحى قابلى زوجك على اول الشارع احسن
زهرة / مالك يا مشروع دكتورة هو انتى فيكى حاجة
جابر / شكلها مخها فيه حاجة و بصلها بصه كلها غل انا مش عوز اسمع اى حاجة
غزل / برعب أنا لا شوفت ولا سمعت حاجة
عاصم / هو فى ايه مالكم
غزل / يلا نمشي انت مش بقيت كويس
ناصر / السلام عليكم أنا جعان يا خاله ام سعد ربنا يسعدك جعان لحمة و بط
أم سعد / عيونى حاضر
الحاج بدران / داخل قابل جابر طالع مالك فى حاجة
الحاج جابر / لا مفيش ربنا يستر
الحاج بدران / ملكش دعوه بالست أم على ماشى
الحاج جابر / ماشى و مشى ركب عربيته و خرج يسير بغير هدف و مخه مشغول هل غزل سمعت كلامه مع خيرية أما ماذا حدث لها
زهرة / هاتى انيم البنت فى فرشتها
غزل / تنام هنا و وضعتها على سرير عاصم
عاصم / هو فى ايه
ناصر / يارب يوصل حبل الود ويحصل اللى فى بالى
عاصم / الاكل على السفرة كل و روح
ناصر / لع أنا معاك لمدة أسبوع مرأتى راحت عند امها راحوا المصيف و انا مليش غيرك حبيب اقعد معاك واكل شارب نايم قايم حاجة ببلاش كده
زهرة / روح المصيف لمرأتك و ولادك
ناصر / لع أنا مرتاح هنا حماتى حالفه لو روحت هى هترجع لوحدها
عاصم / ليه عملتلها ايه دى ست صعب ربنا يهديها
ناصر / مفيش كانت عوزة ملك تقعد معاها و تجيبلها الطلبات و تقف فى فرن العيش الساعة 5 الصبح انتم عارفين زحمة الافران أنا قولتلها خدى حاتم د ولد إنما ملك مينفعش دى 3 إعدادى رفضت تاخد حد و من ساعتها عامللى بلوك من كل حاجة
عاصم / تشكر انك عرضت عليها حاتم بنتك مينفعش تعيش بعيد عنك انت و امها
ناصر / بجيبليها العيش و الفراخ و السمك و كل حاجة و ابعتها مع شهيرة مرأتى كل اسبوع ليها تاخد الحاجة و تقعد تدعى عليه
عاصم / طب و تدعى عليك ليه
ناصر / شهيرة بتقول انى ظالم لرفضى اعطائها ملك تقعد معاها
عاصم / طول بالك بلاش تروح تنكد عليهم
ناصر / والله انا مراعى ربنا فيها لانها كانت مرأت عمى قبل ماتكون حماتى
عاصم / المهم مرأتك
ناصر / المشكلة أن مرأتى ماشية وراها من غير تفكير
عاصم / معلش انت عارف انها بنتها الوحيدة و ابنها مسافر و مش بيسأل عنها
ناصر / أنا اتعودت على كده مفيش جديد
عاصم / فى انك تحتوى مرأتك و تخرجها و تجيبليها هدية لو بسيطة
ناصر / كل الهدايا اللى جبتها لمرأتى أعطتها لامها و لما اعتب عليها تقول المهم امى تكون مبسوطه
عاصم / ههههه جيب هديتين واحدة لمرأتك و التانية لحماتك
ناصر / و ربنا ما يحصل أنا هاوصل الولد شكرى انكد عليه و اجاى اتعشا و انام جنبك
عاصم / نام فى المندرة علشان اعرف انام
ناصر / انت بنى ادم غبى و فاشل المفروض كنت اخدت اليمامة فى حضنك كان زمانك معاك عيلين تلاته جاتك الهنا و مشى
عاصم / قعد يضحك على كلام ناصر
فات 5 ايام و غزل عايشهم فى قلق و خوف على الطفلة نسمة من أن خيرية أو الحاج جابر يعملوا فيها حاجة خرجت قعدت جنب البيت تحت الأشجار على الكنبه الموجودة و فى ايدها مج نسكافيه و الفون
خيرية / ايه يا غندورة سيبه المحروس لوحده ليه يكنش فى حد تانى فى حياتك اللى ما قدرتي تخلفله حته عيل ولا هو مبيعرفش
غزل / بخضه أنا ماسمعتش حاجة و المج وقع من أيدها على رجلها صرخت بصوت عالى من الالم
الحاج بدران / بص عليها بصدمه مالك يا بنتى
خيرية / الحق........
رواية/ حكاية غزل
الفصل (18)
-------------------
الحاج بدران/ بص عليها بصدمه مالك يا بنتى
خيرية / الحقها شكلها شافت عفريت
زهرة / نزلت تجرى اخدت غزل و طلعت مالك
غزل / النسكافيه وقع على رجلى و صرخت من الالم
الحاج بدران / راضي تعالى هات مرهم للحروق و تعالى بسرعة
زهرة / هات موز و فروالة كمان
عاصم / تحامل على نفسه وخرج يشوف غزل مالها لانه شعر بوخزة فى قلبه دخل
الاوضة خيرية السبب
غزل / و هى بتغطى رجلها لا انا لما شوفتها اتخضيت منها
عاصم / أنا ملاحظ انك بتكدبى و كمان عوز اعرف فيه مع أبويه انتم الاتنين بتتكلموا بالالغاز
غزل / مفيش حاجه ابقى اسأل ابوك أو مرأته و بكت
الحاج بدران / المرهم أن شاء الله هتكونى بخير
غزل / هاكون بخير لما امشى من هنا
عاصم / اعرف فى ايه الاول
الحاج بدران / نتيجتك هتظهر بكرة و اول الاسبوع هترجعوا الشقة بشرط تتمموا زواجكم
غزل / انا قولت رأى من زمان
عاصم / مش برأيك المفروض أنا الراجل و أنا اللى أقرر
الحاج بدران / المهم اطمن عليكم متزوجين فعلى
غزل / أنا كل تفكيري فى الكلية مش مستعدة اقدم اى تنازلات
عاصم / كليتك مش اهم من كلام جدك
غزل / بعد ما اخلص جامعة اوعدكم هافكر فى حكايه اتمام الزواج
الحاج بدران / كليتك هتكون فى نفس مكان سكنكم هتاخدى تاكسى نص ساعة بالكتير
زهرة / بصت للحاج بدران بقولك ياجدى خليها تروح الكلية و عاصم يتزوج احلام اخت ناصر بنت ماشاء الله عسولة و خريجه كلية العلوم و شغالة فى معمل تحاليل طبيه دكتورة بروضة
الحاج بدران / فكرة و المأذون اللى يكتب كتاب عاصم يطلق غزل و طبعا مينفعش تقعد فى شقة عاصم هتفضل هنا و راضي كل يوم يوصلها و يرجعها من الكلية
زهرة / و أنا هاكون مع عاصم فى شقتى اللى جنب شقة عاصم
عاصم / ببرود اللى تشوفه ياجدى أنا تحت امرك
غزل / طب اقعد معاكى فى شقتك
زهرة/ جدك هيرفض
خيرية / راضى تعالى وصلنى لعند اخويه هاتى بنت مروان اشوفها
غزل / يفزع البنت نايمة مينفعش تصحى دلوقت
الحاج بدران / روح وصلها و تفوت على الحاج قدرى جيبه معاك
خيرية / هو انتى مالك مرعوبة كده ليه ده بنت ابني بروضه
غزل / بصت ليها و لجدها و سكتت
راضى / حاضر
خيرية / هو فى ايه و بصت على غزل
غزل / وقفت جنب جدها خايفة منها
زهرة / خالتى أم سعد عوزين شاى بلبن ليه انا و غزل و جدى و عاصم قهوة
ام سعد / حاضر و هاجيب بسكويت كمان
غزل / جرت على اوضتها وقفلت الباب و بكت كتير
عاصم / روحى شوفيها
زهرة / سيبها تقرر بنفسها هى عوزة ايه و خلى بالك ادام جدى دى وصية جدك لازم تراعى ربنا فيها مش كل وقتك هيكون شغل و اصحابك
الحاج بدران / أنا كنت قاسي عليها صح كل ده من خوفى انها تتبهدل بعد ما اموت
زهرة / ربنا يطول عمرك حفيدك عامل زى الصنم المفروض كان عمل دخلته من زمن مش مصدر الوش الخشن البنات عوزة الكلمة الحلوة
عاصم / مش عوز اعذبها معايا
زهرة / لازم تكمل حياتك و هى مش هترتاح هنا مع خيرية بالله عليك خليك حنين عليها دى غلبانه و منكسرة
عاصم / مش لو وافقت عليه
زهرة / انت اللى المفروض تحسسها بالأمان
غزل / جدو أنا موافقة أتمم زواجى بشرط اكمل كليتى
الحاج بدران / مقتنعة بكلامك
غزل / أنا رافضة انى يكون ليه معرفة بأى حد منكم بس اعمل ايه منها لله اللى كانت السبب فى موت بابا
خيرية / جايه سمعت كلامه غزل انتى بتقولى حاجة يا ضكتورة امال لما تاخدى الشهادة هتعملى ايه بنات فاجرة بجد
غزل/ جرت ورا جدها بتنتفض من الخوف
راضى / يلا يا هانم
خيرية / أنا موجودة و جاهزة لاى رد فعل
غزل / برعب أنا عوزة امشى من هنا و من الخوف اغمى عليها
عاصم / هو فى ايه و اخدت دخلها الاوضة بتاعتها
زهرة / بعد ما خيرية ركبت مع راضى و مشى الست دى اكيد مهدد غزل بحاجة علشان كده لازم انت تكون جسر الحماية ليها
الحاج بدران / كلامك صح و طلما راحت عند اخوها اكيد بتدبر لحاجة تاذي حد منكم
زهرة / علشان كده انا هاخد نسمة الصغيره معايا ايه رايك يا جدي
الحاج بدران / هيكون تعب عليكى يا بنتي
زهرة / ده هديه من ربنا ليا يا جدي ربنا يقدرني واربيها كويس هاعتبرها بنتي
غزل / بدات تفوق فلقت عاصم جنبها وزهرة كمان
زهرة / مالك أبت شكلك مرعوب كده ليه
غزل / فين نسمة
زهرة / نايمة
غزل / خلى بالك منها جدو ابوس ايدك عوزة امشى من هنا
زهرة / اومى البسى علشان هتخرجى مع عاصم عوزة حاجة حلوة
غزل / تعالى معايا
زهرة / مينفعش اسيب نسمة
غزل / خلاص مفيش خروج
الحاج. بدران / روحى مع عاصم هاتيلك طقمين علشان الجامعة و اتغدوا و تعالوا
غزل / مينفعش أخرج معاه لوحدى
زهرة / د زوجك ياهبلة
غزل / بص.....