رواية القاسي والبريئه الفصل الخمسون50 الاخير بقلم ايمان ابراهيم
جاسر راح عشان ينام بعد ما اطمن على البنات وفرد جسمه على السرير وبعدين اتقلب على جمبه بقى وشه لهديه وهى نايمة بضهرها راح مقرب منها واخدها فى حضنه جامد ودفن راسه فى شعرها عايز ياخد قوة وطاقه منها عشان يهدى خوفه وقلقه مهما كان باين قوى من برة بس القلق والخوف برضه مش بيعرف يمسكهم اللى كان مطمنه ان اسامة معاه لحظه بلحظه اسامة تقريبا بسبب الموضوع ده عشان قد ايه خطير وكبير مكنش بيروح غير متاخر وقلقه برضه على صاحبه كان مخلى عنيه فى وسط راسه هديه حست بايد جاسر اللى كانت محاوطاها وراحت هى كمان ماسكه ايه ومقربه منه لاول مرة من وقت طويل هديه تحس انها هى كمان محتاجه حضنه اوى اوى وجاسر هدى خالص ونام وهو بيدعى ربنا فى سره ان بكرة يعدى على خير .
وجه اليوم الموعود وجاسر قام من النوم ودخل الحمام عشان يغسل وشه ويستعد لليوم الغامض ده اللى محدش عارف هيحصل فى ايه هو اكتر حاجه كانت شغلاه ان قاسم يشك فى حاجه او يحس بحاجه بس هو خلاص سلم امره لله واللى ربنا عايزه هيكون وهديه صحيت معاه صباح الخير يا حبيبى جاسر بصلها ومسك ايدها وقالها صباح الورد يا قلبى انتى قالتله يااااه يا جاسر بقالى كتيير اوى مسمعتش منك الكلام الحلو ده قالها عارف انى كنت صعب معاكى بس انا هعوضك عن كل ده استحملينى بس الفترة دى لحد ما الغمه تنزاح راحت باسته من خده وقالتله ربنا يخليك ليا وللبنات وميحرمنيش منك ويحفظك خلى بالك من نفسك سامع راح باسها من راسها وقالها حاضر هخلى بالى وربنا يخليكى ليا انتى والبنات قالتله هروح اجهز الفطار واطمن على البنات قالها ماشي وانا هغير هدومى واحصلك وهديه راحت عشان تجهز الفطار وتصحى البنات عشان يرحوا الحضانه وطبعا حرب الصحيان مع العيال 🙆♀️🙆♀️ نسيبهم بقى يصحوا براحتهم 😄.
اسامة كان صاحى من بدرى وبعت رساله لجاسر ان كله تمام عشان يطمنه انه معاه ومش غافل عن اى تفصيله وجاسر طبعا فاهم كلام اسامة وجاسر بعد ما غير هدومه مسك الموبايل وشاف الرساله وحذفها احتياطى برضه
وراح عشان يفطر مع هديه والبنات وقرر يوصل البنات بنفسه النهاردة وكان عملها مفاجاة للبنات وهما قاعدين بيفطروا قالهم صباح الخير يا بنات البنات بصوا لبعض لانه كان صوته مختلف النهاردة عن كل يوم وردوا عليه صباح النور يا بابا قالهم انتوا عارفين انا اللى هوصلكوا النهاردة البنات فى صوت واحد بجد يابابا 😄😄😄 قالهم اه بجد يلا خلصوا الفطار عشان متتاخروش طبعا حوريه الاوروبه مقالتش لحد على اللى جاسر عمله بالليل مش سهلة برضه وخلصوا فطار وجاسر قالهم يلا بينا قالوا يلا احنا جاهزين هديه كانت فرحانه اوى اوى وقلقانه فى نفس الوقت وبتدعى ربنا اليوم يعدى على خير سلموا على مامتهم ونزلوا مع جاسر ولما وصلوا جاسر نزل يوديهم والمدرسات اول مرة يشوفوه طبعا تنحوا شويه ماهو برضه حيليوة 🤭🤭🤭 وباس البنات وسلم عليهم ودخلوا الحضانه وهو مشى . وهو فى الطريق جاله تليفون من مكتب قاسم بهجت ده كلمه عشان ياكد المعاد وقاله احنا على معادنا ان شاء الله قاسم باشا مستنيك قاله وانا هاجى فى المعاد كان ١١ الصبح وكانت الساعة ١٠ الساعة اللى فاضله دى كانت كانها سنين بالنسبه لجاسر وتقيله اوى اوى .
بهجت كان واقف قدام قاسم وهو بيكلم جاسر وقفل وقاله تمام يا باشا قاسم قال حلو اوى بهجت قاله طيب احنا هنبدا امتى بقى يا باشا الناس دى مش هتستنا كتيير دى ناس وقتها بفلوس قاله اول ما احط ايدى على الارض على افجر هنفذ عشان محدش يحس قاله اوامر سعتك والرجاله جاهزة ومستنيه الاشارة بس قاله تمام روح انت دلوقتى
اسامة طبعا سامع كل حاجه وقاسم عمل تليفون مع واحد وقال ايوة اول ما اكلمك عايز اسمع خبر جاسر ان الله يرحمه مفهوم ومش عايز غلطة وقفل السكة .
😳😳😳 اسامه لما سمع حط ايده على دماغه وقال الله يخربيتك يا قاسم الكلب اقسم بالله بس تقع فى ايدى بس وجاسر وصل والمحامى كان معاه لمكتب قاسم عشان يتمموا اجرءات البيع .
لما جاسر وصل مع المحامى قبل ما يدخلوا على قاسم المحامى قال لجاسر متقلقش يابنى انا اسامه مفهمنى على كل حاجه وانا ياما عدى عليا وعمرى فى حياتى ما عملت حاجه تغضب ربنا ولا قبلت ادافع عن حد وانا حاسس انه مش تمام وانت انسان محترم وربنا معانا ان شاء الله اهم حاجه خلى كلامك قليل واى حاجه فى الاوراق سيبنى انا ارد يلا ربنا معانا جاسر قاله انا مش عارف اشكر حضرتك ازاى قاله لا شكر على واجب يابنى انا اتشرفت بيك جاسر قاله الشرف ليا وربنا يعلم انى حبيت حضرتك كانى اعرفك من زمان وضرورى تشرفنى حضرتك الهانم حرمك عندى ان شاء الله بس نخلص من الليلة دى قاله قول يارب ونزلوا عشان يدخلوا عند قاسم واللى اسمه بهجت ده استقبلهم اهلا اهلا جاسر بيه اتفضلوا قاسم بيه منتظركوا قاسم لما دخلوا قام يسلم عليهم وقاسم طلع يعرف المحامى استاذ حمدى المسيرى بنفسه عندى ده ايه النور ده حمدى رد عليه قاله منوره باصحابها يا قاسم بيه قاسم قاله بس غريبه انك تعرف جاسر بيه صدفه غريبه قاله ولا غريبه ولا حاجه انا صديق للعيلة من زمان وماسك المساءل القانونيه اللى تخصهم قاله اتفضلوا اتفضلوا استريحوا وقال لبهجت شوف البهوات يشربوا ايه بسرعه قالوا قهوة مظبوط قالوا بسرعة يلا القهوة حالا والمحامى بتاع قاسم كان موجود وطبعا كان محامى مش مريح ولا تمام لانه كل شغل قاسم الشمال هو اللى كان بيظبطهوله والقهوة جت وبداو يخلصوا اجراءات البيع وحمدى بيطلع الاوراق واداها لمحامى قاسم وطبعا قرا كل تفصيله فى الورق وملقاش غلطة وبص لقاسم وقاله كله تمام ناقص بس امضاء حضرتك وجاسر بيه حمدى قاله الفلوس بس جاهزة قاله طبعا وراح جابلهم الفلوس لان كان جاسر طلبها كاش وفعلا تم توقيع الاوراق وخلصوا الاجراءات وجاسر كان عايز الوقت يعدى ويخلص ويمشى وخلصوا وجاسر قال طيب كده يبقى كله تمام مبروك الارض يا قاسم بيه وقاسم رد الله يبارك فيك وان شاء الله لما تعمل مشروعك تعزمنى بقى ولا ايه جاسر بصله وقاله اكيد طبعا نستاذن بقى قاله شرفتوا يا بهوات بهجت وصلهم لحد ما تطمن عليهم وسلموا عليه ومشيوا واسامه طبعا كان متابع صوت وصورة كل حاجه لحد ما مشيوا وجاسر قال لحمدى الحمدلله ياساتر كنت حاسس انى هتخنق قعدة بشعة كلها لبش حمدى قاله الحمد لله ربنا سهل وكل حاجه تمت على خير جاسر قاله مش عارف من غيرك كان ممكن يبقى الوضع ازاى قاله انت ابن حلال قاسم ده عرض عليا امسكله شغله زمان وانا رفضت عمرى ما ارتحتله وكان عندى حق لفت الايام واحساسي طلع صح جاسر قاله ده من حسن حظى ان اسامه عرفك وعرفنى عليك سبحان الله ربنا بيسبب الاسباب قاله فعلا ونعم بالله معلش بقى توصلنى فى طريقك هتعبك معايا جاسر قاله ياخبر تعب ايه بس ده انت مقامك على دماغى قاله الله يكرمك يابنى وكانت فى عربيتين ماشيين ورا جاسر واحدة من عند اسامه وواحدة من عند قاسم وكان الراجل اللى من عند قاسم بيبلغه قاله لسه المحامى معاه قاله استنى لما يبقى لوحده اوعى تستعجل وتخرب الدنيا تمام ياباشا وقفل معاه وطبعا اسامه سامع كل ده والعربيه التانيه ماشيه على مسافه عشان محدش ياخد باله وخلاص المحامى نزل وسلم على جاسر سلم عليه وحمدى قاله ربنا يسلم طريقك يارب جاسر قاله كتر الف خيرك وحمدى مشى وجاسر اتحرك والعربيه وراه وبدا الراجل يسرع عشان يقرب من جاسر وبقى عمال يخبط جاسر فى عربيته من ورا وجاسر يبعد لانه حس ان فى حاجه مش مظبوطه لانه كان ملاحظ ان العربيه دى وراه وبقى يسوق بسرعة والراجل يجرى وبيزنق على جاسر جامد وجاسر يجرى منه ويسوق باقصى سرعه وفجاه راح الراجل خبط جاسر جامد والعربيه انحرفت عن الطريق واتقلبت عربيه جاسر 😮😮😮😮 والراجل نزل عشان ياخد الفلوس اتارى قاسم الكلب كان عايز ياخد الارض والفلوس كمان بس العربيه اللى كان اسامه مخليها ورا جاسر لحقت جاسر ومسكوا الراجل وهو بياخد الفلوس جابوه من قفاه وقبضوا عليه وبلغوا اسامه وقالهم ايييه العربيه اتقلبت وانتوا كنتوا فين 😡😡😡😡 انا جاى حالا وراحوا مطلعين جاسر من العربيه بالعافيه وقالوا للراجل يتصل بقاسم يقله ان جاسر خلاص واخدوا جاسر على المستشفى واسامه كان طاير بالعربيه ووصل المستشفى وقالهم الحالة اللى وصلت دلوقتى فين بسرعه وراح لقاهم اخدوه على العلميات اسامة كان هينهار قال يارب يارب والنبى خليك معاه ونجيه يارب انا مش هسامح نفسي اذا جراله حاجه اسامه نبه على المستشفى انه محدش يعرف باللى حصل خالص وطبعا كان لازم يقول لهديه واتصل بيها وقالها هديه انهارت ايييه بتقول ايه يا اسامة جاسر لا لالا 😭😭😭😭😭 قالها هديه محدش لازم يعرف وانتى لازم تبانى طبيعى والا ممكن يحاولوا يخلصوا عليه تانى قالتله اعمل ايه يعنى انا مخى اتشل 😭😭 قالها اتصرفى عادى انا هبعتلك تاكسي عادى خالص وتيجى لازم تبقى معاه بس لوحدك عشان متلفتيش النظر قالتله حاضر حاضر 😥😥 وراحت بسرعه لبست البنات ووديتهم لمامتها وقالت لمامتها اى كلام انها عايزة تجيب طلبات ومش عايزة البنات يلخموها وخلت بدريه تبقى مع مامتها عشان تساعدها برضه ونزلت عشان التاكسي وصل واخدها وراحت على المستشفى ولما دخلت شافت اسامه قالتله جاسر كويس خرج من العمليه قالها لا لسه اهدى بس وان شاء الله هيبقى كويس قالتله يارب يارب وبعد ساعة طلعوا من العمليه واسامة وهديه جريوا على الدكتور هااا يا دكتور والنبى قولى جاسر عامل ايه انا هموت هموت والله 😥😥😥 قالهم والله يا جماعة احنا عملنا اقصى ما عندنا واذا ال ٤٨ ساعة دول عدوا على خير يبقى اتكبتلوا عمر جديد ادعوله هديه راحت قاعدة فى الارض وانهارت يارب يارب والنبى 😰😰😰😰 اسامة قالها هديه اجمدى كده ووحدى الله ان شاء الله هيعدى منها جاسر قوى انا متعشم فى الله خير ادخلى عنده كلميه هيسمعك اكيد وقامت واستاذنت الدكتور قالها ٥ دقايق بس قالتله حاضر والله ودخلت عنده ومسكت ايده وباستها ودموعها على خدها 😢😢😢 جاسر انت سامعنى انا عارفه قوم عشان خاطرى انا مش قادرة اشوفك كده متسيبنيش والنبى انا والبنات عايزينك فى حاجات كتيير حلوة نعملها مع بعض مش هعرف اعملها لوحدى من غيرك يارب والنبى قومه بالسلامة يارب وراحت بايسه راسه وخرجت واسامه قالها خير ان شاء الله روحى للبنات قالتله مينفعش اسيبه قالها لازم يبقى كل حاجه طبيعى اسمعى كلامى وانا هخليكى تيجى بالبنات بس ادينى النهاردة بس وكل حاجه هتخلص واللى عمل كده ودينى مش هيعدى منها قالتله حسبي الله ونعم الوكيل 😢😢 طيب همشي وهستنا تليفونك قالها بالسلامة انتى ومشيت واسامة طلب تعيين حراسه مشدده على جاسر وقالهم اقسم بالله اذا عرفت ان فى دبانه دخلت من غير ما اعرف انا هاكلكوا بسنانى مفهوم مفهوم يا فندم وراح لانه قاسم كان هيحفر النهارده وبعد ما قبضوا على الراجل واخدوا اقواله خلوه يرجع لجاسر تانى والفلوس معاه عشان قاسم ميشكش فى اى حاجه وحطوا ميكروفون مستخبى وطبعا هو كان قال كل حاجه ومكنش قدامه غير انه يتعاون معاهم وهياخد حكم مخفف عشان اعترف واتعاون معاهم وقاسم اطمن اوى لما الراجل رجع قاله كله تمام ياباشا وكمان كان مصور فيديو مفبكرك على ان جاسر مات والاسعاف بتشيله عشان يقتنع تمام وفعلا قال حلو كده الشغل يبدا وفعلا استنى لما الليل جه عشان تبقى الدنيا هاديه وبدا الحفر لحد ما طلعوا الاثار وقاسم طبعا مكنش مصدق نفسه واول ما مسك الحاجه فى ايده فجاة كشافات ضربت فى وشه وبقى مش عارف يعمل ايه هو والرجاله اللى معاه والبوليس طب على نفوخهم واسامه كان اول واحد قاله منور يا قاسم بيه شفت الارض نورت بيك ازاى وان شاء هتنور فى الحبس ومش تهمة واحدة لا اتنين تجارة اثار وشروع فى قتل قاله قتل ايه انا معرفش اللى بتقول عليه ده والاثار دى معرفش عنها حاجه انا واقف بحفر فى ارضى قاله لا حلوة اولا دى مش ارضك دى ارض جاسر صاحبى اللى كنت هتموته والراجل بتاعك قال كل حاجه والاوراق اللى معاك بلها واشرب ميتها انت كنت فاكر اننا نايمين على ودانا يلا عشان النهاردة هعزمك على سهرة هتعجبك اوى وكله متسجل صوت وصورة يااا قاسم بيه 😉😉😉 قاسم بقى خلاص حاسس انه هيموت واخدوه فى البوكس وراحوا على مديريه الامن .
اسامه بعد ما خلصوا التحقيق راح طيران على المستشفى وسال عن حاله جاسر بس لسه هو مفاقش برضه ودخل عنده وقاله فوق يا صاحبى جبتلك حقك والله جبتلك حقك قوم بقى عشان خاطرى ده انت اخويا اللى مجبتوش امى والنبى يا جاسر انت قوى انا عارف من صغرك وانت قوى تبقى موجوع وتضحك يلا انا مستنيك يا صاحبى تقوم بالسلامة 🥺🥺🥺 ومسح دموعه اللى نزلت غصب عنه
فات اسبوع وكان جاسر لسه مفاقش بس كان قاسم خلاص اتحبس ومستنى المحاكمه وكل عيلة جاسر عرفت اللى حصل واحمد كان بيروحله كل يوم ونهلة عرفت وجت من مصر وقعدت فى البيت بتاعهم وكانت كل يوم تروح تطمن عليه وكلهم حالتهم وحشه جدا وكمال وامال لما عرفوا الحقيقة اسامه طبعا قالهم كمال وامال فضلوا يدعوا ربنا ويقروا قران ان ربنا ياخد بايده ويقوم بالسلامة حتى شريف اخو هديه لما عرف اخد اجازة طويلة ونزل فورا وليندا والاولاد معاه وطلب ان حد يسافر مكانه مينفعش يسيب اخته لوحدها وزعل جدا على جاسر وهديه كانت منهارة وفى يوم كانت هناك مع البنات والبنات سالوها وهما بيعيطوا 😢😢😢 هو بابا مش هيقوم بقى يا ماما ده نايم بقاله كتيير وحشنا اوى اوى هديه قالتلهم هيقوم ان شاء الله يا حبايبى هيقوم سالوها هو ليه نايم كده ومتعور جامد قالتلهم عشان فى ناس وحشه وهو كان بيبعدهم عشان ميعملوش حاجه مش كويسه فتعب كده قالولوها والناس دى هتيجى تانى قالتلها لا خلاص البوليس مسكهم قالوها يعنى عمو اسامه مسكهم قاللتلهم ايوه يا حبايبى ومش هيجوا تانى خلاص حوريه قالتلها ممكن ادخل اشوفه يا ماما مش هعمل صوت والله 🥺🥺 واخواتها قالوا اه والنبى يا ماما قالتلهم طيب بس من غير صوت ودخلوا عنده وراحوا البنات حطوا ايديهم على ايده وحوريه قالتله وهى بتعيط وصوتها بيترعش والنبى يابابا قوم بقى انت وحشتنا اوى احنا بنحبك اوى اوى انا سمعتك لما دخلت الاوضه عندنا وبوستنا انا كنت سمعاك وفضلت مغمضه عشان اسمعك عشان خاطرنا قوم بقى نفسي نخرج معاك اوى وتودينا الحضانه تانى عارف فى مدرسه سمعتها بتقول لوحده ان بابا حوريه ده وسيم اوى بس انا مقلتش لماما عشان متبهدلش الدنيا ده سر بينا هااا وكانت مقربه من ودانه وراحت بيساه من ايده وفجاة بدا جاسر يفتح عنيه وهديه شافته راحت قايله جاسر جاسر انت بتفتح يا حبيبى وبدا يحرك ايده وراح حطاها على ايد بناته وبصلهم بتعب وقالهم وحشتونى يا حبايبى راحوا بصوت عالى بابى صحى بابى صحى 😄😄😄😄 هيه هيه هديه قالتلهم بس بس بالراحة بابا لسه تعبان حمدالله على السلامة يا حبيبى وحشتنى اوى اوى وراحت حطت راسها على راسه وقالتله بهزار وعياط ودلع كله ده نوم برضه انت هتتحاسب جامد على كده قالها وانا مستعد جدا وراح غمزلها 😉 ياراجل برضه 😅😅 يلا حمدالله على السلامة واسامه مصدقش ودخل قاله كده برضه يا صاحبى تخضنى عليك الف حمدالله على سلامتك يلا بقى كفايه نوم قوم بقى وحشتنا ياراجل واطمن حقك جه والكلب قاسم ده مش هيشوف الشمس وهياخد جزاء اللى عمله وارضك رجعت وكله تمام مش ناقص غير انك تطلع بالسلامة قاله ربنا يخليك يا صاحبى وميحرمنيش منك مش عارف لوحدى كنت هعمل ايه قاله انت اخويا يا جدع افديك برقبتى انا هروح اشوف الدكتور هيكتبلك على خروج امتى واحمد دخل ونهلة وكانوا فرحانين اوى اوى ان جاسر فاق بالسلامه وجاسر راح نادى على حوريه قالها تعالى وقعدها جمبه وقالها بقى انتى يا عفريته كنتى صاحيه وسمعانى قالتله اه يا جوجو كنت صاحية قالها جوجو قالتله اه من هنا ورايح هدلعك 🥰🥰 قالها ماشي ياستى دلعينى براحتك بس خلى بالك بقى مامتك واخده بالها اوى قالتله انت بقى ظبطها قالها اظبطها اه يام لسانين انتى 😄😄 بلاش تقولى على المدرسه دى هااا خليه سر انا سمعتك برضه 😉😉 وكانوا كلهم فرحانين برجوع جاسر بالسلامة .
وبعد شهور من طلوع جاسر وصحته رجعتله وكان قاسم اتحاكم واخد مؤبد والراجل اللى اتمسك بمحاولة قتل جاسر اخد حكم مخفف عشان اتعاون مع البوليس وجاسر كان عامل يوم عنده ومجمع كل العيلة كمال وامال وشريف واحمد وهند ونهلة ومصطفى ورقيه واسامة طبعا وكمان المحامى حمدى كان موجود والمفاجاة بقى هديه كانت حامل فى شهرها الاخير وكان ولد المرة ده وجاسر اتغير خالص بقى انسان تانى والبنات التلاته على حجره وحوريه جاسر صالحا على ضربه ليها وحلف ان عمره ما هيمد ايده علي اى واحده منهم ابدا و كانوا كل الاولاد بيلعبوا وصوت ضحكهم مسمع ويوم ولا اروع من كده وهديه كانت جايه تقعد وبطنها قدامها وجاسر قعدها جمبه وقالها تعبتى انتى النهاردة حبيبتى وحط ايده على بطنها والبطل بتاعنا عامل ايه قالتله مجننى خلاص مش قادرة قالها اومال لما نجيب الخامس بقى قالتله اييييه خامس 😄😄 ابعد عنى قالها انتى روحى مقدرش ابعد عن روحى اسامة قالهم يا سيدى يا سيدى ايه ياعم نقوم نروح قاله بس يا جدع انت خليك فى مراتك وسيبنى فى حالى ومرة واحده هديه راحت مسرخه اه انا بولد واخدوها على المستشفى ودخلت العمليات وجاسر كان قلقان اسامه قاله ايه يا جدع هى دى اول مرة قاله والله كانها اول مرة قاله خير ان شاء الله والدكتورة طلعت وبشرته وقالتله مبروم ولد زى القمر اسامه قاله مبروك يا صاحبى يتربى فى عزك ودخل لهديه ومسك ايدها وقالها حمدالله على السلامة ياروحى قالتله ابنى بخير قالها بخير الحمد لله قالها هاا هنسميه ايه قالتله ايه رايه نسميه سيف قالها يبقى سيف جاسر جلال الدين وكمال وامال فرحوا اوى باركوا لجاسر وهديه وامال قالتله العيله كبرت يا كمال وبقى لينا احفاد ماليين علينا حياتنا قالها ايوة الحمد لله ربنا يبارك فيهم ويحفظهم يارب وهديه خرجت بالسلامة ورجعت البيت والبنات فرحوا باخوهم وقالوا لجاسر هو ينفع نلعب بيه شويه يابابا 😄😄😄 جاسر قالها اسمها تلعبوا معاه مش بيه وبعدين هو لسه نونو لما يكبر شويه هيلعب معاكوا قالتله ماشى هستناه بقى لما يكبر 😄😄😄 وراح لهديه وقالها حمدالله على سلامتك نورتى البيت زى ما نورتى حياتى يا اجمل هديه قالتله ربنا يخليك لينا يا قلب هديه .
جاسر ساب شغل المدرسه واتفرغ لشغل الارض واحمد كان بيساعده وعلاقته اتغيرت خالص مع جاسر ووقت ما طلع بعد الحادثه جاسر وقتها قاله لاحمد انا مرضتش اقلك يا احمد علشان ابعدك عن اى خطر لان قاسم ده تعبان وكان اسامه مشدد عليا مقلش اى حاجه احمد قاله على فكرة انا كنت عارف كل حاجه وكنت متابع مع اسامه اول باول وكنت واخد بالى من هديه والبنات انت اخويا يا جاسر ومهما حصل هتفضل اخويا الكبير اللى بحبه وبحترمه ورغم اى خلاف حصل زمان خلاص الحمدلله كل واحد دلوقتى عنده حياته وانا مبسوط فى حياتى اوى ويمكن ربنا خلاك تعمل كده عشان مكنتش هشوف هند واتجوزها واهى نهلة كمان سعيدة جدا مع مصطفى وبيعشقها جاسر قاله ربنا يخليكوا ليا وميحرمنيش منكوا ابدا نفضل سند لبعض قاله اكيد يا جاسر ان شاء يا حبيب اخوك .جاسر الحمدلله قلبه ارتاح وحس بالراحة والسعادة اللى كان بقاله فترة محسش بيهم وقرر ان يربى سيف انه يكون سند وعون لاخواته حتى اذا كان هو الصغير برضه يبقى السند والحمايه ليهم وبص للسما وشكر ربنا وقال الحمد لله الذى تتم بنعمته الصالحات .
وبكده دى كانت نهاية قصتنا
تمت بحمد الله