ايوب
عاوزنى اقولك ايه يعني هو القلب عليه سلطان مش قادر انساها بس يشهد الله انى غضيت بصري من أول ما اتجوزت
يوسف بتنهيده قال
يوسف
ولازمتها ايه وجع القلب دا يا ابن الحلال انت مليون واحده تتمناك ادى نفسك فرصه
ايوب
ومن وسط المليون قلبي مش اختار غيرها حتى لما اتجوزت دموعه نزلت مقدرتش انسي
يوسف بغيظ قال
يوسف
راعي إنها على ذمة راجل وبطل نحنحه بدل ما ارزعك حقنة هوا تجيب أجل اهلك
وكمل كلامه بنفور هى فى الدور الثاني اتنيل شوفها قبل ما ألفهالك فى الكفن وابعتك وراها وسابه ومشي
ايوب قام يروح يشوفها يطمن عليها
عند رحمه كانت رابطه طرحه على وشها وبتلعب مع فريده
رحمه بغيظ قالت
رحمه
بت انتى أنا من كبار السن أصلا وانتى عندك فرط حركه وهيبرتى بعد ما ضربتي البيتزا والبيبسي
فريده من وراها زغزغتها وجريت وقالت
فريده
على فكره انتى غشاشه دا اول دور تلعبيه وخيشتي منى
رحمه خلعت الطرحه بذهول وقالت
رحمه
خيشت منك مالك قلبتى على تربية الشوارع كدا ليه اومال فين اللى كانت عامله نفسها من مدينتى وبتقول فاست فود
فريده
ايه يا رحمه دا يا رحمه هو احنا بنلعب قمار دا القطه الشقيه هو انتى فاشله فى كل حاجة كدا
رحمه بغيظ قالت
رحمه
بت انتى انتى خدتى عليا على فكره وانا لا اسمح دا انتى مش جايه لحد وركي حتي وطلعت تجرى وراها
فريده جريت عشان مش تمسكها وخبطت فى باب مقفول فتحته ودخلت بسرعه
رحمه بصدمه قالت
رحمه
يا سوادك يا قرمط دا الحدود الحمرا ايوب مانعنى انا شخصياً انى ادخل الجحر دا ولا كأن وراه كنز على بابا تقومى انتى تدخلى زى الصرصار
عند عماد ماسك الموبايل وبغيظ قال
عماد
هى مش بترن ليه فى حاجه غلط معقول العروسه تكون قطعت خيوطها دا انا اموتها
نانسي بسخرية قالت
نانسي
وعمال تعملى فيها يا ما هنا ياما هناك اهي طرقعتلك مبسوط يا يبه قولتك كتر البعد يعلم القسوه وانت مافيش فايده فيك
عماد بجنون قال
عماد
دا انا اموتها دا الشقه باسمها هي دى ممكن تطردنى فى الشارع دا انا ادخل فيها السجن
نانسي بشهقه شعبيه قالت
نانسي
احمد يا عمر شقة مين اللى باسمها يا عمرى اومال كنت هتقعدنى في عشة الطيور وضربته على كتفه بغيظ وقالت وعمال تعملى من البحر طحينه وفى الاخر طلعت فستك
عماد
بقولك اي اقعدي ساكته دلوقتي انا مش ناقص واجع دماغ خليني اشوف هحلها ازاي امال ربنا يسترها بقي
وبعدها فضل قاعد يفكر هيعمل ايه
عند أيوب دخل على نادين الاوضه وقلبه وجعه من شكلها والأجهزة عليها وقعد جنبها على الكرسي وعينه فى الأرض
ايوب
مش قادر اشوفك كدا ولا قادر ابص فى عينك ولا قادر انساكى وكمل كلامه بوجع ياريتني ما قابلتك ياريتنى ما حبيتك يا نادين انتى مسيطره على حياتى وافتكر أول مره شافها فيها
فلااااش بااااك
نادين قاعده فى كافيتريا الجامعه وماسكه الالوان وبغيظ قالت
نادين
وبعدين بقا اجيب درجة اللون اللى الدكتور عاوزه دا منين انا اخترع وراحت ماسكه اللوحه اللى فى ايديها رمتها من ورا ضهرها وبغيظ قالت ولا حاجه نافعه يوووه
ايوب من وراها قال
ايوب
مش تحاسبي بدل ما انتى عماله ترمى حاجتك على البنى ادمين كدا هو انتى مختله
نادين بتبص على اللى بيتكلم واتفاجأت بمظهره وبذهول قالت
نادين
انا اول مره اشوف حد عنده لحيه وكمان عيونه لونها ازرق ولبسك مش مقطع زى العيال التوتو اللى هنا
ايوب بذهول قال
ايوب
ما شاءالله عليكي حللتى كل دا فى الثانيه اللى بصيتي فيها عليا غضي بصرك يا اختاه
نادين
واو جود بوي وشدته قعدته قدامه وقالت أنا نادين فرقه أولى فنون جميله انت مين بقا يا حليوه انت شكلك جديد هنا اصل انا اول مره اشوفك بصراحه
ايوب بصلها بغيظ وقال
ايوب
هو انتى مش بتختشي ابدا نازله تعاكسي فيا من غير حيا وبتنهيده قال اسمي ايوب
نادين شدت الكتاب بتاعه وبذهول قالت
نادين
انت فى طب بس ايه اللى جابك هنا ولفت نظرها طريقه كتابت اسمه انت بتفهم فى الزخرفه وفى الألوان
ايوب شد كتابه منها وقال
ايوب
المفروض نستأذن قبل ما ناخد حاجه حد بس اظاهر انك مندفعه ولسه هيقوم نادين اتحركت بعشوائية وقعت كل الالوان على هدومه
نادين بصدمه قالت
نادين
دا مبقاش قميص أبيض وحاولت تصلح اللى عملته بس خبطت بايديها كوباية القهوه وقعتها على بنطلونه
ايوب بغيظ قال
ايوب
ممكن تثبتي هتوقعي ايه تانى عليا اثبتي بس واهدى وانا مش هتعامل ممكن
نادين طلعت مناديل من شنطتها وقالت
نادين
هتتعامل ازاى استنى بس دا انت بقيت زى قوس قزح ولسه هتحط المناديل تمسح القهوه
ايوب بهدوء قال
ايوب
اثبتي متصلحيش الغلط بغلط أكبر القهوة لو اتمسحت دلوقتي هتفرش أكتر سيبيها تنشف وهتطلع
نادين بذهول قالت
نادين
انت مش هتلبسني بالتة الالوان دى فى وشي بعد ما خليت قميصك شبه خريطه الوطن العربي
ايوب مسك الالوان اللى في ايديها وقال
ايوب
درجة اللون اللى انتى بتدورى عليها موجوده يعنى شوفتي اللون الأزرق اللي وقع على قميصي؟واللون الأصفر اللي على صوابعك لو خدتي نقطة' من ده على مسحة من ده وكسرتيهم بلمسة بسيطة من الأبيض هيطلع لك لون السما وقت الغروب اللي إنتي بتدوري عليه
نادين بذهول قالت
نادين
انت جبت الدرجه فى ثانيه انت متأكد انك دكتور مش فنان
ايوب بيلم كتبه وقال
ايوب
الطب والطبخ والرسم كلهم ليهم قاعدة واحدة المقادير لو عرفتي تظبطي النسب هتطلعي أحلى نتيجة وهتبدعي
نادين
انت بتلم الكتب ورايح فين بقميصك دا
ايوب
عندى سكشن تشريح والدكتور هناك مش بيتعامل بالألوان بيتعامل بالمشرط ولو اتأخرت هيحطنى مكان الجثه
نادين بحماس قعدته على الكرسي وقالت
نادين
أقعد بس خمس دقايق بس والله مش هأخرك هسيبلك تذكار صغير تفتكر عشوائيتى بيه وغمزت بعينيها
ايوب قعد على الكرسي وباصص عليها وهى مركزه في الرسم وبعد خمس دقايق زعقت بحماس وقالت
نادين
نسخه بالكربون منك وأدى توقيعي على الرسمه
أيوب بذهول قال
ايوب
انا شكلى كدا وكمل كلامه بإعجاب كنت فاكر إن اللى بيدخل هنا بتبقي واسطه بس طلعتى فنانه
نادين بغرور قالت
نادين
عيب عليك دا انا كتلة نشاط وحيويه وكمان بتنفس الرسم وبرسم من قلبي عشان كدا هتلاقي رسوماتى بتنطق
ايوب قام ولم حاجته وقال
ايوب
مش هقولك باى ولا إلى اللقاء هقولك أستودعك الله لعل يكون بينا لقاء قريب
ومن اول نظره ايوب حس انه معجب بيها وبجمالها
باااك
ايوب
اتغيرتي اوى من ساعة ما قابلتى اللى إسمه عماد بعترف انى كنت جبان عشان مش حذرتك منه بس هحذرك بصفتي ايه
يوسف دخل عليه وقال
يوسف
يعنى انت لما تقعد بعيد عنها مسافه وباصص فى الأرض كدا بقت حلال وحياة امك
ايوب بصله بغيظ وقال
ايوب
هو انت مش وراك غيري عاوز تطلعني المسرح وخلاص هتموت وتمسك عليا ذله اتفضل يسيدى يمكن ترتاح
يوسف قرب منه ومسح دموعه بغيظ وقال
يوسف
انت يا عم النحنوح انت قسماً بالله لو لمحت دمعه نازله منك تانى هرقدك جنبها وكمل باشمئزاز وبعدين يا عم هو دا صنف يتعاشر رهبنت نفسك السنين دى كلها ليه إن شاء الله
ايوب قام وقف وقال
ايوب
بقولك اي انا قائم وسايب ليك المكان انا مش قادر اتكلم في حاجه
وبعدها سابه ومشي
عند نانسي كانت بتتخانق مع عماد
نانسي
لو فاكر انى زى اللى أنت متجوزها ضعيفه وهشه زى بسكويت النواعم تبقي غلطان دا انا زى القضا المستعجل
عماد
يا حبيبتي اهدى بس انا هروح أشوف الدنيا إيه هناك ومش هرجعلك غير وانا معايا ملكية الشقه و
نانسي قطعت كلامه وبسخريه قالت
نانسي
بقا يا راجل يا عره عاوز تعيش من شقايا وتعبي وتقعد فى بيتى هو انا فتحاه ملجأ دا انت ليلتك شبه وشك وبتقولى حبيبتي حبك برص وعشره خرص
عماد
دى مش طريقه للنقاش على فكره انا مش عاوز النقاش بينا يوصل لحيطه سد انا هروح أشوف المخفيه دى مش بترد ليه يكش تموت وارتاح منها
نانسي
مع السلامه يا الدلعادى سعيكم مشكور مقدما اوعى تتكعبل فى واحده تالته وتعملها من البحر طحينه وتنفخ فى نفسك وتعمل فيها دكررر وانت حتى محصلتش دكر بط
وبعدها خرج وسابها ووشه كله نار
عند رحمه دخلت الأوضه ورا فريده وتنحت من إلى شافته
فريده
رحمه انتى ليه حاطه صور ل ماما كتير وقربت من اللوحه انتى بترسمي حلو اوى يا رحمه انا عاوزاكى ترسميني
رحمه بذهول قالت
رحمه
استنى بس عليا استوعب اللى انا شيفاه اه يا خلبوص عاملى فيها معتكف وانت خاربها دا انا مش هعتقك بتحب واحده متجوزه
فريده قربت من لوحه متغطيه بقميص مليان الوان وشالتها وقالت
فريده
بصي يا رحمه انا لقيت لوحه ل عمو إلى خد ماما عند الدكتور
رحمه بغيظ قالت
رحمه
وريني يختى اما اشوف عمك دا طلع دحلاب كبير والله لأقيم عليه الحد بس اما اشوفه
وبعدها قالت بصوت واطي
لما تيجي والله لازم اشوف اخرتها معاك هتكون اي يا ايوب
عند هنا غصب عنها قلقت لما نادين مش كلمتها وراحتلها على البيت واتفاجأت من شكل البيت وعرفت من بواب العمارة انها فى المستشفي
هنا
يا خبر ابيض اي الكلام اللي بتقولوا ده ازاي في المستشفي وانا معرفش طيب هو انت تعرف في مستشفي اي
البواب
المستشفي اللي بشتغل فيها دكتور ايوب اصل هو اللي
اخدها علي هناك
هنا بصدمه
ايوب هو اي اللي ودا ايوب شقه نادين وعرف اللي حصلها و
وبعدها. راحت جري علي هناك وفي في نفس الوقت
يوسف كان طالع من مكتبه معاه كوباية القهوه ولسه هيتحرك هنا خبطت فيه دلقتها عليه
يوسف بينط من الوجع وبغيظ قال
يوسف
هو يوم باين من أوله مش تفتحى ياما ولا انتى عايشه فى جو الافلام توقعي القهوه ونقع فى حب بعض من أول نظره لتكونى فاكره نفسك مارلين مونرو
هنا بتوتر قالت
هنا
انا اسفه انا جايه اطمن على نادين عرفت أنها حاولت تنتحر انا صاحبتها هنا من أيام الجامعه
يوسف بهمس قال
يوسف
اهى الساحره الشريره شرفت تقتل القتيل وتمشي فى جنازته يخربيت بجاحتك
ايوب من وراه قال
ايوب
يوسف انا لازم امشي انا سايب رحمه وفريده لوحدهم لازم اطمن عليهم
هنا بصدمه قالت
هنا
ايوب انت هنا ارجوك خليني اطمن علي نادين انت متعرفش قلبي وجعني بسببها ازاي
ايوب اتفاجأ بيها وببرود قال
ايوب
جايه تطمنى إذا ماتت ولا لا وقرب منها بنفور وقال أنتى أسوأ نموذج للصحاب ممكن الواحد ربنا يبتليه بيه
يوسف حس أن صوتهم هيعلى شدهم على المكتب وقفل الباب وراه وبغيظ قال
يوسف
دى مبقتش مستشفى دى بقت دريم بارك وبص على هنا وقال انتى معندكيش دم يابت أنتى جايه تشوفي خطتك نجحت وصاحبتك ماتت ولا لا
هنا بصتلهم بذهول وقالت
هنا
ايه الكلام اللى بتقوله دا وانا ايه اللى هيخليني افرح فى نادين
ايوب بغيظ قال
ايوب
يمكن مثلاً عشان من ايام الجامعه وانتى حاقده عليها وبصلها بحقد كنتى عارفه أن انا بحب نادين ومع ذلك وقعتى عماد فى طريقها عشان الطريق يفضالك
هنا ببرود قالت
هنا
مش هنكر انى فى فترة ما كنت بحقد على نادين وبصتله بجرءه لانى حبيتك قبلها يا ايوب بس انت مش شوفتنى كنت على طول شايف نادين وبس
يوسف بصلها بغيظ وقال
يوسف
دا انتى بجحه هتخليني ارزعك حقنة هوا تنفخك لحد ما تفرقعي زى البالونه
ايوب
حقدك وصلك انك تبيعي صحبتك ل عماد وانتى عارفه أنه مش كويس ومع ذلك عملتلها من البحر طحينه ولبستيها فى الحيطه واخرتها أنها حاولت تنتحر مبسوطه دلوقتي
هنا قعدت على الكرسي وحطت ايديها على راسها وبانهيار قالت
هنا
انا مش وحشه انت لا مصمم انى ندله اوى كدا عماد كان بيحب نادين أو دا اللى كان بيمثله ونادين اتشدت ليه وبصتلهم بدموع انا لو كنت قاصده أذيتها مكنتش حذرتها منه دا خد منها كل فلوسها وبصت على ايوب بوجع وقالت بتحاسبني على إيه على حبي ليك ياريت كان فى ايدى
يوسف بهدوء قال
يوسف
انتى جايه دلوقتي تطمنى على نادين بس للأسف هى فى غيبوبة الله اعلم هتفوق منها امتى
هنا كانت لسه هتتكلم بس سمعو صوت عالى برا
هنا بهمس قالت
هنا
دا صوت عماد وبصت على ايوب الحق نادين عماد مش هيسيبها فى حالها
ايوب ويوسف طلعو بسرعه لقو عماد
يوسف
لو مش ملاحظ أنت فى مستشفى مش فى حديقة حيوان
عماد بغيظ قال
عماد
أهلا بالشرشوحه اللى لعبت فى دماغها وقرب عليها وخنقها خربيتيها وقعدتى على تلها يا روح امك دا انا هروح فيكي فى داهيه
ايوب بغيظ شده وضربه بالبوكس وقال
ايوب
يا عم ارحم نفسك بقا قرفت أهلى معاك هو انت معندكش دم جاى تتخانق
عماد بغيظ قال
عماد
وانت مال أمك ورفع أيده يضربه بس يوسف مسك ايده وببرود قال
يوسف
هو متربي عشر مرات لكن أنا صايع ومشوفتش ربايه كخ يا حيلتها بدل ما احجزلك سرير فى العنايه
هنا قربت من عماد وضربته بالقلم وقالت
هنا
انت جاى تعمل ايه مش كفايه وصلتها للانتحار وبتوعد قالت قسما بالله يا عماد لو ما طلقتها لطلع كل سيديهاتك القذره هخليك تعفن فى السجن
عماد بتوتر قال
عماد
واحد وجاى يشوف مراته انتى مالك انتى وبعدين سيديهات ايه اللى بتقولى عليها وكمل بحقد فين نادين انا هاخدها وامشي من هنا انا واحد مش عايز اعالج مراتي هنا انا حر
يوسف ببرود قال
يوسف
دا عزرائيل اللى بياخد يا روح امك تعالى بقا عشان انت غايظنى من زمان ونفسي انتف رموشك
عماد
هو فين مدير المستشفي ده هو انت فاكر ان ممكن اسكتلك علي الكلام ده
يوسف
اعمل اللي تعمله فاكر يعني علشان مراتك احنا ممكن نسيبك انك تضيعها ولا اي
وبعدها سابهم ومشي والشر في عيونه
عند رحمه وفريده طلعو من الاوضه ورحمه قفلت الباب
رحمه
اتفقنا على إيه يا فريده عشان لما ايوب ييجي مش ياكلنا انا وانتى
فريده
محدش دخل الاوضه ولا حد قرب منها ولا شوفناها حتى صح كدا يا رحومه
رحمه باستها من خدها وقالت
رحمه
صح يا قلب رحومه تعالى نفتح التلفزيون نضيع وقت لحد ما ايوب يفتكرنا
فريده
رحمه انا عاوزه برجر وناجتس وسويت كورن وكوباية لبن
رحمه بسخرية قالت
رحمه
كوباية لبن غريبه أول مره اسمع عنها وكملت بغيظ مفيش فاست فود تانى انتى لسه واكله بيتزا
فريده بشر قالت
فريده
طب انا هقول ل أيوب انك دخلتى الاوضه وفتشتي فيها يا نوتى وكمان سيبانى جعانه وطلعت تجرى
رحمه بذهول قالت
رحمه
يا بنت المجانين هو اللى بعمله فى الناس بيطلع عليا ولا ايه نهارك مش فايت استنى يا فريده عاوزه البرجر فراخ ولا لحمه يا فريده انتى يا بت