رواية قدك الفصل العشرون 20 بقلم منه محمد
حارث : بلغني جابر انك خلصتي ولميتي حاجاتك من هنا
جمره بصتله وبينها وبين نفسها كانت بتقول معقول ده نفس الشخص الي خلاها تثق في نفسها وتحب تبص في المرايا وحسسها ان كل ستات الكوم ميملوش عينه الا هي الي اجبرها تقعد من شغلها وكان بيغير عليها من اي راجل يكلمها الي مدلها ايده بالعطف والحنان معقول يظلمها ويدوس عليها
حارث اخد نفس طويل وقال: انتي لازم تمشي من هنا بسرعه, ناويه تعيشي فين هتروحي بيت والدتك , وبخصوص ابوكي
جمره حست قلبها وقف عن النبض وقالت : متقلقش هقدر اعيش طول عمري سانده نفسي بنفسي_ حطت صندوق قدامه_ عيد ميلاد سعيد يا بشا في يوم ميلادك الحقيقي جايز مكنش موجوده , واسفه لاني اخدته وخبيته في السر, كنت مفكره هقابلك مره تانيه
حارث فتح الصندوق وقالها : ممكن تحتفظي بيهم معاكي
جمره بصوت حزين: رغم مش هنتقابل تاني فالاحسن خليهم احسن معاك
حارث فتح الدرج وحط قدامها ورقه وظرف وهي بصت لقته عقد لفيلا والظرف فيه المبلغ الي اتفق معاها عليه وبصتله
حارث: خدي الامر ع انه امتنان لرجوعك للمنديل , وبجد متشكر ليكي ع كل حاجه
جمره : بشا انا مش عايزه حاجه كفايه الفلوس
حارث: كتبتلك الفيلا باسمك دي اقل حاجه اعملهالك , ولو احتاجتي اي حاجه تانيه تقدري تبلغيني دي هديه نجاحك مقدما
جمره فضلت واقفه مكانها وهو هرب منها وراح وقف قدام الشباك لحد ما اتحركت ع مضض وغادرت المكان هو انقبض قلبه لما بص للباب ملقهاش!
.........قصص منه محمد كاتب...........
علي السفره
عماد بصلها : مالك يالوجي فيه حاجه
لوجين مكشره : انت رايح فين اليوم
عماد بهدوء: رايح المكتب
لوجين: المكتب يعني مش رايح تقابل حد
عماد: لو فيه حاجه قوليها دوغري
لوجين : تمام رايح تقابل البت دي , بعد ما عرفت انها اطلقت من حارث , هتسيبني وتروح ترجع حبكم القديم
عماد قام وقف بغضب : انا بجد زهقت
لوجين بنرفزه: زهقت مني للدرجادي , اه صح منا مهما عملت مستحيل تحبني ابدا , زي القذره دي
عماد بصراخ : خلاص اسكتي , انا معاكي دلوقت ولو عايزني افضل اكسبيني , ومتخلنيش اسيبك بالشكل ده , ممكن نكمل اكلنا
..........قصص منه محمد كاتب.............
في المقر
جعفر: انا اسف عشان خليتك تعيشي كل اللامور دي
جمره ابتسمت بحزن: مفيش لزوم ابدا تعتذر يا عمي, الشهرين الي فاتوا كانوا اجمل وقت بالنسبه لي
جعفر :بس حزينه
جمره : عادي كله بيعدي, بس اتوسل اليك استعجل يتنهي الامر ده وتقضي ع المجرمين الي حوالينا باي شكل , اليوم انا حزينه لان ناس كتير ماتت ومكنش لازم يحصل ده , وانا فعلا خسرت الباشا لكن عوضني بيكم والي قهرني ان ابن الملازم وابن الشاهد ناجي هيتربوا ايتام ده مش عدل, عمي اوعدني ارجوك انك مش هتسيب القضيه دي
جعفر: اوعدك
جمره :وعايزه اطلب حاجه كمان متتخلاش عن المقدم
جعفر : انتي لسه واثقه فيه
جمره :اعتقد لسه واثقه فيه
جعفر: اوكيه يبقي هننهي كل ده واحنا سوي
جمره بفرحه: سوي هو ممكن افضل معاكم
هادي : معقول بعد ما اتخطينا كل ده, ازاي نقدر نخرجك يا سيده المرشده كوين
جعفر : مستحيل نسيب بياض التلج ابدا ها موافقه
جمره بسعاده : موافقه جدا
جعفر يله هسيبكم لحظه ع ما اعمل تلفون مهم , وارجع نكمل كلامنا
جمره راحت قعدت ع الكرسي وهي سعيده ومبسوطه انها مازالت معاهم
هادي قدملها كاس عصير :اتفضلي يا كوين
جمره مبتسمه : شكرا
هادي : ها انتي تمام
جمره : افكورس تمام بعد ما ادتني الدعم المعنوي
هادي بمزح : تحبي تجري ع المشايا تخسري عرق , افضل ما تخسري دموع
جمره : لا الي بجد نفسي اعمله اقرء الفنجان لو ضيعت طاقتي هكسب فلوس
جعفر دخل بتهدد مرح: لو عملتي كدا تاني همسكك
جمره بشقاوه: تمسكني بتهمه ايه , ولا انت عايز تمسكني وتتحرش بيا
جعفر: انتي فظيعه في رمي البلاء
جمره بجديه: اظن وعدتك مش هعمل كدا تاني , وكنت بعمل كده لاني مضطره اصرف ع نفسي , بس دلوقت خلاص عندي فيلا ومعايا مبلغ محترم , وبكره اتخرج واشتغل واكسب فلوس كتير
هادي: اتكلمتي مع امك بخصوص ابوكي
جمره : لسه امي بقالها فتره تعبانه ومرهقه , وكنت بفكر انقل للبيت الجديد الاول هلاقي الوقت المناسب اتكلم معاها
جعفر: قولي لامك ومتقلقيش عليها , انا مش هسمح لـ اي حد يؤذي عايلتك
...........قصص منه محمد كاتب..............
في منزل حارث تحديدا ع السفره
حارث بصلها: ها الاكل عجبك
شوشت: طبعا ده لذيذ , لكن البيض حادق شويه
جابر بصلها واتريق عليها بحركات بوشه وحارث شافه وبصله بتحذير ورجع ابتسم لما افتكر جمره وهي بتغلس عليه وتاخد من قدامه صفار البيض وتاكله لان مكنش بيحبه
شوشت بصتله: حارث ليه بتبتسم
حارث: هو انتي مش بتاكلي الصفار
شوشت: لا مش بحبه بيزود نسبه الكوليسترول
جابر بسخريه: ماله صفار البيض كله فيتامينات وكالسيوم , انصحك تاكلي السمك
حارث اخده من قدامها: انا هاكله
.............قصص منه محمد كاتب...........
قدام الفيلا واقفين
اعتماد بعدم تصديق: بجد يابت ياجمره عطاكي الفيلا الحلوه دي
جمره: ايوه وكتبها باسمي
انوار : وانتي قبلتي كدا بكل بساطه
جمره: ايوه انا سمكه سهله في البحر , ليه هتعنظز وارفض الهديه منه وهو مستعد يديني بمزاجه , وانا مستعده اقبل
انوار سحبتها من دراعها : طيب يله ندخل
اعتماد: لا لحظه هو مفكر هيشتري سكوتي ويريشيتي بالفيلا دي , ده دمر مستقبل بنتي معقول ادخل وانام في بيته
جمره بصوت مرتفع: تعالي يمه فيه غساله اتوماتك
اعتماد : دي غسالتي اياك تلمسيها قبلي
ابو جمره دخل وقال : الله واكبر ده بيت كبير بجد , بقي يا اعتماد عايشه حياه كويسه وعندك بيت جديد عشان كدا سبتي جوزك بالشكل ده ها , ليه ساكته انطقي ياوليه مش عايزه تقولي حاجه
اعتماد: بقهر انت خليك في بيتنا الي في الحاره , وجيب فيه الي تحبه براحتك
ابو جمره بغيظ: اه يا مره قليله الاصل يا واطيه, لما بقي عندك بيت جديد فكرتني تسبيني في حجر الفئران هو انا حشره اعمل الي انتي عايزاه , انا عايز اعيش في الفيلا الابهه دي
جمره بغضب شديد: انتي ملكش اي حق تعيش معانا هنا
ابوها: يعني اطلقتي ولسه ليكي عين تتكلمي بالفجر والقوه دي معايا , والله عال حتي المطلقه اخدت فيلا من طليقها
جمره شدته من التي شيرت بحده وتهديد : اه يا سافل يا حقير خلاص مبقتش قادره اتحملك بعد كده, انت مش ابويا , عشان اتحمل اهانتك وسفلتك
ابو جمره صرخ: اه يا بنت الحرام بتمدي ايدك عليا
ريم بتبعدها عن بطشه: خلاص ياجمره ابعدي عنه عشان خاطري
جمره: ابعد عنه ده معتوه
ابوها: بتقولي ع ابوكي معتوه
جمره: انت مش ابويا , ابويا مكنش شيطان زيك
ابوها: اه طبعا مش عايزه يبقي ليكي اب عشان تمشي ع حل شعرك , بس انا فعلا مش ابوكي بس ابو ريم
جمره: انت مش ابو ولا واحده فينا
ابو جمره بصراخ: لا ابوها وخدي المفاجأه والي اغتصبها زمان كمان , اسمعوا انا الي اغتصبتها
ريم ظهر الفزع علي وشها وبحلقت عيونها بصدمه كبيره : انت بتقول ايه
ابوها عدل التي شيرت الي بهدلته وهو بيضحك : بقول الحقيقه مش كنتم هتموتوا وتعرفوا مين الي اغتصبها , انا الي عملت كده وجوزها طلقها لما عرف مني الحقيقه وخلع
ريم بصدمه: يعني الحقير الي هاجمني وخدرني يبقي ابويا
بص لجمره: سمعتي انا ابوها لو مش مصدقه كلامي اسألي امك يله يا اعتماد قولي لبنتك
ريم انهارت وغطت وشها بأيديها وانفجرت في العياط : لا مش ممكن, لا يمكن ابويا يبقي بالشكل ده
ابوها ضحك بستهزاء: روحي اسالي امك
جمره مسكت كتف امها تهزها بجنون : ماما قوللنا ان الراجل ده مش ابويا قولي الحقيقه اتكلمي شوفتي عمل ايه في بنتك
ابوها بص لاعتماد: ما تقولي لبناتك
جمره صرخت فيها: قولي ان ده مش ابونا انطقي
اعتماد لئلئت عيناها بالدموع لانها حرفيا عاجزة عن الرد والاجابه عليها
ابوها: مش كنتم عايزين تعرفوا اديكم عرفتوا
جمره زقته بعزم قوتها: انت حقير وسافل لازم تموت
ابوها وقع ع كرتونه ومسك ساطور من طقم السكاكين وداخل فيها: تعالي, وهخلص عليكي ايه خفتي قربي تعالي هنا عايزه تضربيني هقطعك
انوار اتعلقت من وري في رقبته وفضلت تضربه بكل وحشيه ووقعت من ايده الساطور جه قدام رجول جمره الي مسكته وقررت تنهي حياته
هو قالها: مش خايف منك اقتليني ولما هموت هتروحي السجن وهتتعدمي, وزي ما قلت لك الي زيك هتموت في السجن( ضحك بستفزاز)
انوار: جمره اهدي متضيعيش نفسك عشانه فكري في امك واختك
اعتماد ببكاء : جمره اسمعيني يا بنتي
هو: يله اقتليني يا جمره اقتلي مستنيه ايه يله اقتليني زي ما قتلت ابوكي اه قتلته انا اخدت الفاس وضربت ابوكي ع دماغه لحد ما مات , اه انا
جمره: اه يا خسيس
اعتماد: يالهوي سيب بنتي
هو زقها وقعها ع الارض ومسك الساطور ورفعه ع جمره وقال بنتقام : اليوم هو موتك هقتلك زي ما قتلت ابوكي
انوار مسكت ايده هي واعتماد وصرخت فيها: اجري ياجمره اهربي من هنا بسرعه
ريم برجاء: اهربي يا جمره اهربي
جمره طللعت تجري منه في الشارع وهو وراها بالساطور لكن ربك بالمرصاد عربيه خبطته وقع ميت في الحال وهي كمان اخدت خبطه ووقعت بعيد عنه لحد ما الاسعاف وصلت واخدتهم ع المشفي
.............قصص منه محمد كاتب............
في الستشفي وصلت عربيه الاسعاف وجمره غايبه تماما عن الوعي واعتماد وريم بيجروا وراها
اعتماد ببكاء: قوملنا بالسلامه يا بنتي
انوار: اهدي يا خالتي جمره دلوقت تحت ايد الدكاتره
الدكتور قرب منهم: عذرا عايز اعرف لو الحاله التانيه الي جايه تخصكم, لان المريض اتوفي قبل ما يوصل المستشفي
اعتماد: احنا منعرفهوش
الدكتور: تمام
اعتماد نزلت دموعها: واخيرا انتهت لعنتنا وخلصنا منك يا مجرم
الممرضه: انتم اسره مرام محمود
اعتماد: ايوه
الممرضه: ممكن تملوا البيانات دي
رشا دخلت تجري مفزوعه: طنط اعتماد جمره حالتها عامله ايه وايه الي حصلها وامتي خبطتها العربيه وحالتها خطر
هادي حط ايده ع كتفها: رشا اهدي الاول
رشا: تمام انا هاديه هاتي املا الاوراق دي بدالك يا طنط
هادي للممرضه: هي الحاله فين , وممكن اتكلم مع الدكتور
الممرضه: انت المسؤل عن الحاله
جعفر دخل: انا المسؤل عن المريضه مرام محمود , وهتحمل جميع التكاليف
اعتماد بذهول من هيئته وقالت : جعفر
............قصص منه محمد كاتب............
في منزل حارث قاعد بيقرا ع اللاب توب لحد ما سمعه بيتكلم في التلفون
جابر: ايه مرام عملت حادثه.....خبطتها عربيه ازاي وامتي .......وحالتها ايه دلوقت ....هي كويسه .... اه الحمد لله.... طبعا هنكون انا وحارث ابني عندها الف شكر
حارث سمع انها كويسه قفل الجهاز وهربان بسرعه من المكان
جابر: بشا تحب تروح معايا المستشفي
حارث لف بصله : لو عايز تروح امشي , انا حاليا مش فاضي
جابر: بجد مش عايز تروح
شوشت دخلت مبتسمه: ايوه ميقدرش يروح لان عنده معاد معايا يله بينا
حارث: ع فين
شوشت وهي بتسحبه من ايده للعربيه: هتعرف لما نوصل
شويه ووقفوا قدام المعرض وهو دخل وقالها: مش قولتي عايزه تغدي معايا, ليه جيباني معرضك
شوشت: عشان هنقعد وناكل هنا طلبت دليفري , وفيه شخص عايز يشاركنا في الغداء
حارث بستفهام: مين
منصور ظهر ولف وابتسمله وقاله: سمعت ان مراتك خبطتها عربيه عامله ايه
حارث: معرفش لاني مش مهتم
منصور : انت قاسي اوي يا سياده المقدم
حارث :هي كانت بتشتغل عندي , هي مش مراتي بحق وحقيقي
منصور: تعرف انت بارع في التمثيل , صدقت انكم فعلا بتحبوا بعض, وبنتي كان عندها حق
حارث : قصدك عشان رجعت دلوقت ادور عن شوشت , مش واضح انه مقصود عشان انول رضاك
منصور: انت لبق وبتعرف ازاي تتكلم , معني كلامك انك قررت تشتغل معايا
حارث: منصور انت فعلا واثق فيا
منصور: الثقه دي صفه موجوده في الكلاب وانا مش عايز كلب عايز نمر
حارث: وايه بشأن شوشت
منصور: شوشت ست
حارث: بس رأي انها تقدر تعمل كل حاجه زي الرجاله
منصور: بالشكل الخارجي ربما نقول ايوه , لكن في الحقيقه انا مش متأكد من ده , شوشت شخصيه ضعيفه بتستسلم بسهوله زي امها وزي امي ,كل الي عايزه شوشت انها تكون معاك وبس
حارث: افهم انك بتديني بنتك دلوقت , طيب وبخصوص نوح فكرت انك خليته يتولي مكانك
منصور: يتولي مكاني في ايه
حارث بخبث: يعني يدي اوامر ان البضاعه تدخل في معادها
منصور قام وقف وسابهم ومشي بسرعه من المكان مع رجالته وشوشت قاعده نظراتها لقدام
حارث بصلها: انتي زعلتي من كلام ابوكي
شوشت: الكلام ده بيقلهولي من لما كنت صغيره, مهمها اكون قويه عشان بنته ده مش كفايه بالنسبه له ضعيفه وجبانه زي امي
حارث:تحبي تتكلمي وتفضفضي معايا
شوشت :ماما مرضت بعد ما ولدتني وماتت من غير ما تخلف له الولد , وطبعا من العار لانها ماتت وخلفت له بنت وبس
حارث: بس ده حصل من كذا سنه , معقول لسه فيه ضغينه بعد كل السنين دي
شوشت: اه تخيل لسه فيه ياحارث والموضوع مش بيقف عند هنا , ده مفكر ان كل الستات ضعيفه وهشه , بس شايف اكتر ست ضعيفه هي امي
حارث :ازاي يعني والدتك كانت ضعيفه
شوشت : كانت ع طول بتخاف منه ومن اهله لانها اقل منهم
............قصص منه محمد كاتب...............
لوجين بتجري وراه: عماد استني لو خرجت من هنا هنطلق
عماد بغضب: لا كتير البنت اتعرضت لحادث عربيه
لوجين زعقت فيه : وطول ما هي موجوده في حياتي انا كمان اتمناه تخبطني عربيه كل يوم بس انت ولا هتهتم بيا اطلاقا ولو روحتلها هناك ازاي هتساعدها افرض ماتت هتكون قادر تحيها
عماد: دي مساله انسانيه ياتري تعرفيها ولا معدتش عليكي
لوجين: مستخدمش ده عذر يا عماد قول انك عايز تروح تشوفها لم تصحا مين الي هتسال عنه مفكر هتسأل عنك انت لما تفوق , هي هتسأل عن حارث انا متأكده , وانت هتسبني في المقابل عشان تدور عليها , لو كنت انا الي اتعرضت للحادثه الشخص الوحيد الي هتمناه اشوفه قدامي هو انت بس دلوقت مبقتش متأكده لو فعلا اتعرضت لحادثه هتيجي وتشوفني بالسرعه دي وتجري عليا زي ما بتجري عليها
عماد اتنهد وضمها لكن فكره كله في وضع جمره
.............قصص منه محمد كاتب..............
في المشفي
عماد للممرضه : السلام عليكم , عايز ازور مريضه باسم مرام محمود
الممرضه : للاسف انتهي معاد الزياره
عماد : بجد, انا محامي المريضه , ولسه مخلص شغلي , ممكن ازورها
الممرضه: اه بخصوص القضيه فيه ظابط موجود هنا من شويه
عماد : ظابط هو فين
الممرضه: هناك واقف قدام اوضتها
عماد راح لقاه واقف قدام غرفتها وظاهرعلي ملامحه الحزن الشديد
عماد ابتسم غصب عنه: ده انا قلت يستحيل تيجي هنا بعد الي حصل منك , ايه اشتاقت لها
حارث بصله بحده: انت مين , وبأي صفه تسالني السؤال ده
عماد : كنت مع جمره لفتره طويله اكتر منك , مهما حصل لايمكن نكسر العلاقه دي , برغم اني اظهر سيئ لاني راجل متجوز, لكن موظفتش جمره تشتغل لمصلحتي , وبعد ما تنتهي ارميها بعيد كأنها كيس زباله
حارث: لو كنت متعرفش حاجه عني, يبقي تخرس وتسكت خالص
عماد بغيظ: بتتكلم ولا المجرمين الي في القفص لما يصرخوا ويطالبوا بالرحمه
حارث بصله شويه وجاي يتحرك قبل ما يمسك فيه
عماد وقف قدامه: تمام متجريش ممكن نتكلم بلطف بما ان عندنا الفرصه دي , عايز اوضح امور معاك
حارث قعد : توضح ايه
عماد قعد قصاده :انا اخترت اختك
حارث : هو المفروض انا الي اسالك السؤال ده هتختار مين
عماد : اخترت بالفعل وهي لوجين الرجاله امثالنا لو مش بتحب الست مش هتتجوزها , واعتقد انك عارف ده اكتر مني, ايه مش مصدقني
حارث : لو كنت فعلا بتحب لوجين , امال افسر بايه تصرفاتك الي عكس كلامك
عماد : مهما كنت عايز , عايز ابقي زوج مخلص ليها , بس لوجي مش ناويه ع ده , هي مش عايزه تخلي وضعها اقل , والطريقه الوحيده الي تخليها مش اقل هو اننا نخليها تبعد عن الناس امثالنا
حارث: تقصد لوجي
عماد : اقصدك انت لاني في النهايه اخترت لوجي ولو مش مصدق كلامي فأنا بقيت مصدق ان واحد في مركزك الاجتماعي يختار شوشت , ومعني كدا انا الي هراعي جمره بنفسي ايه رايك
حارث اتمالك اعصابه قبل ما تفلت ويضربه ويفضح نفسه قام بسرعه من مكانه وقاله: ده راجعلك , واعمل الي انت عايزه
............قصص منه محمد كاتب..............
في المستودع الي بيتم فيه سرقه الاعضاء دخل وشاف دم كتير مشي بحذر
نوح بسخريه : ده دم جمد قلبك وكمل طريقك, او غور في داهيه من هنا
منصور: ايه الامر ياحارث عجبك المنظر ده , تعرف لو مكنش حبيبي مكنش هيبقي فيه فرصه تدخل المكان ده , وعشان كدا هنحتفل باليوم الحلو ده , وهعملكم الكاسات بايدي اسمحولي اخدمكم اقعد لو سمحت يا سياده المقدم
حارث دخل وقعد وبص لبيعيد ع منظر الدم ورجع بص لعمه!
منصور : نوح اقعد هنا جنب المقدم عشان تقدر تقرب منه بسرعه , مش بحب الناس يفضلوا يتخانقوا مع بعض
نوح فضل واقف في مكانه ويبص لحارث بكره شديد
منصور بزعيق: ايه هتتجرء تخالف اوامري تاني
نوج راح قعد غصب عنه جنب حارث
منصور : سيد فاتح اقعد ولا محتاج عزومه , عايز اشكر سياده المقدم شكر خاص لانه بلغ بقفل الطرق عشان كدا قدرنا نهرب بالبضاعه بسهوله , اصل الشخص الي عايزني اواجهه المتاعب هنسي امره واتغاض النظر عنه , وعايز ابيض وش اللواء فاتح كمان قبل ما يدخل دايره الانتخابات اتمني متخذلنيش , حارث تعال نشرب شمبانيا سوي ولا يمكن ترفض المره دي
حارث قرب اخد منه الكاس ولسه هيتحرك
منصور: استني ادي الكاس ده لنوح معاك , نوح اعتقد هتحب طعمه جدا
حارث اخد الكاس وعطاه لنوح ورجع قعد في مكانه وغصب عنه شرب لما لقه منصور مركز معاه
منصور : هبعت البضاعه للمخازن بعد بكره , والمره دي هخلي حارث رقيب ع كل حاجه
نوح بنفعال: لا يمكن ده يا منصور بيه انا مش هقبل
منصور بعصبية شديدة : مفكر نفسك مين فوق يانوح وارجع اقعد مكانك
حارث بهدوء: ليه بعد بكره يا منصور
منصور: مش مهم لو عايز نبدأ هتفرق تبدأ اي يوم , انا بكره الخساره وعايز اطلع بالبضاعه دي باي تمن وانضف ورايا كل حاجه قبل انتخابات عمك , لحظه فكر في اللامر ع انه رد الجميل لعمك مش ده اشيك
نوح : بس ده واحد غريب عننا
منصور :غريب انت شايف انه غريب , رد عليه انت صحيح غريب يا سياده المقدم _ حط المسدس ع دماغه _ رد عليه صحيح انت غريب باسياده المقدم
فاتح صرخ :منصور انت اتجننت
منصور :اظن انت الي جيت تدور عليا , ايه هي نيتك قولي لسه غريب عننا
فاتح يغضب :ممكن تنزل المسدس ونتكلم بهدوء ده ابن اخويا
منصور بصله باحتقار وقاله ؛ابن اخوك بجد انت لسه ليك عين تسمي نفسك عمه ،مفكر هيصعب عليا ومش هضريه بالنار ،وارميه في القبر زي ابوه وامه, مش كنت بتكره هو وابوه ولا نسيت لما كنت بتقعد تحت رجلي تشمها وتلحسها لانك عايز توصل وتظهر قدام ابوك يمكن يعطف عليك ويحبك زي اخوك , مقرف , انت اتولدت ومكنش حيلتك اي حاجه وكان نفسك تبقي غني لانك بتغير من حارث وابوه لان ابوك مكنش بيحبك وكان بيحب اخوك الكبير وابنه اكتر منك , وده ابن اخوك هنا عايزني اعمل فيه ايه اضربهولك بالنار افرتكلك دماغه وادفنه وبكدا تاخد كل ميراثه من امه هيقع تحت ايدك وتبقي مليونير فبلاش تمسك خط الحنيه كل شويه عليه
نوح هنا وقع ع الارض وطلع رغاوي بيضه من بؤه
فاح :نوح حصلك ايه
منصور صوب المسدس ناحيته وبامر: اقف عندك
فاتح :بس يامنصور
منصور بصراخ: متجادلنيش حارث عايز تقول حاجه انك غريب عشان افهم
حارث بنفعال : بص ع الراجل الاول
منصور : وابص ليه واحد بيموت اياك تتحركوا, نوح انت خونتني لما خالفت اوامري واستلمت البضاعه , وهتموت امتي كنت ناوي تقولي _ضربه طلقه بالمسدس في دماغه _ هتعملوا الي ائمركم بيه والبضاعه هتتنقل بعد بكره وحارث هيكون المشرف ع الامر ده , وملكش حق الرفض بعد كدا يا سياده المقدم
...........قصص منه محمد كاتب.........
في المشفي
اعتماد زقتها لبره : اطلعي في داهيه غوري بنتي ماماتتش خدي الكفن ده ليكي
البنت بخوف شديد: انا اسفه مكنتش اعرف , كنت بنفذ شغلي , واحده قالت لي انكم محتاجين
اعتماد حطت ايدها في وسطها: مين دول المحتاجين , ومين دي الي قالت لك , مين الحشريه دي
لوجين قربت بغرور وعنجهيه: انا
البنت : ايوه هي
لوجين بشماته: شوفتها مش بتفوق بقالها اسبوع, قلت ربما تكون ماتت وجبتلها الكفن ممكن ادخل اشوف وشها وهي ميته
انوار ضربت الجدار: عليا النعمه لو قربتي خطوه هضربك بالروسيه ع دماغك
شوشت بخبث: ليه منتكلمش بالعقل, جيت انا ولوجي للزياره , وبعتذر عن اسلوب لوجي لانه قاسي شويه
انوار : هي مش قاسيه اكتر من الي تسرق جوز غيرها
لوجين بحتقار: حلو اخدموها بشكل كويس , عشان صحه البت القذره دي تتحسن
اعتماد بنفعال: احترمي نفسك
شوشت بهدوء :حقيقي حارث كان قلقان وطلب مني اجي اشوفها واطمنكم لو محتاجين تكاليف المستشفي تبلغوه
اعتماد بغيظ: قوليله يخلي فلوسه معاه يفرقها غ روح اخته , واحده حقوده زيها لايمكن تعيش كتير
لوجين بنظرات من فوق لتحت: انت ست بيئه
اعتماد خلعت الشبشب: تحبي تشوفي البيئه الي ع حق يا ام قلب قاسي
ريم طلعت بسعاده : ماما جمره فاقت
لوجين داخله انور منعتها وقالت: امشوا من هنا روحي دوروا ع حاجه نافعه تعملوها لو فاضين اوي كدا , ولا انتي بتتلذذوا باوجاع الناس , ومتنكشيش ع المشاكل مع جمره لان السب والقذف السجن لمده متزيدش فيه عن سنه , والضرب مدته السجن سنتين , وانتي كمان الدخول من غير اذن والتهديد هتاخدي خمس سنين عايزين اي واحد فيهم ولا عايزين العرض كله
........قصص منه محمد كاتب.............
قدام منزل حارث نزل من العربيه
فاتح نزل وراه: حارث عايز اشرحلك الموضوع
حارث لف بصله : بخصوص كونك واحد من رجاله منصور , ولا بخصوص انك بتكرهني انا وايويا وامي
فاتح : اسمعني
حارث :معنديش استعداد اسمع منك اي حاجه , وياريت ترجع بيتك اذا سمحت
فاتح : حارث انت لسه فيها لو كنت عايز تتراجع تقدر تعمل ده دلوقت, متاخدش السكه دي
حارث: اسف
فاتح : معني كدا
حارث قاطعه وتابع: اسف لاني عشت اليوم ده , واسف لاني مموتش مع اهلي في اليوم الي قررت تقتلهم انت ومنصور ياعمي
فاتح سابه ومشي وحرك عربيته وحارث اخد نفس ع مراحل وطلع شقته يفتح الباب لقاه الي واقف قدامه
حارث بضيق : في حاجه ياحضره الرائد
هادي: بقي صعب الواحد يلاقيك الايام دي
حارث ليه فيه حاجه
هادي: انت بتعمل ايه حاليا
حارث بجديه: كل الي بعمله ده يخصني لوحدي , ملكش علاقه بيه
هادي :مش ناوي تزور جمره
حارث : وليه اعمل كده
هادي: لانك الانسان الوحيد الي هي مستنياه
حارث :وهي متخصنيش دلوقت, ده كل الي كنت عايز تقلهولي , لاني راجع مجهد وتعبان
هادي: انت راجع من عند منصور
حارث : ده برضو ميخصكش
هادي : صح بس لو كنت راجع من عند منصور ده يخصني , ياخساره اعتقدت اننا فريق واحد اتضح انك في الحقيقه زي ما بيقوله بعض الناس ظابط له علاقات مشبوه
حارث بصله شويه وفتح باب الشقه وقفله في وشه بعصبيه!
...........قصص منه محمد كاتب...........
يوم جديد بعد خروجها من المشفي اشتاقت له راحت ووقفت تحت البيت لكن حست بدوخه لما اتعطرت في طوبه شافها راح عليها
جابر قال بفرحة كبيره: مرام انتي خرجتي من المستشفي , حمد لله بالسلامه انتي كويسه
جمره مبتسمه : ايوه
جابر : الحمد لله اني روحت السوق ورجعت عشان اشوفك, يله تعالي ارتاحي شويه ونتكلم ده انتي وحشاني , يله هاتي الشنطه عنك
جمره : مفيش لزوم ياعم جابر
جابر : لا يمكن لازم تدخلي لو عرف الباشا بوجودك هيفرح اوي , يله تعالي هاتحبي تشربي شاي ولا عصير , ولا تستني الباشا وتشربوه سوي شكله نازل ع السلم
شوشت طلعت وهي بتقفل قميص حارث ع جسمها , هو فيه حد هنا , مين جمره هانم بس ليه انتي عنا مش انتي عيانه وكنتي بتموتي, ولا نسيتي حاجه وجايه تاخدها بس انا خليتهم ينضفوا الاوضه ومكنش ليكي اي حاجه فيها
جمره عيونها رغرغت بالدموع وجسمها انتفض وقلبها دق بشدة و شحب وشها
جابر مكشر :شوشت هانم كنتي عايزه حاجه
شوشت : ممكن اشرب كاس عصير فريش حالا ريقي نشف جدا, _ حبت تكمل عليها_ وحارث كمان اصله مش قادر يقوم من السرير
جابر بص لجمره الي عيونها رغرغت بالدموع
شوشت بصتله بغيظ : جابر العصير
حارث نازل : مين الي جه
جمره بصتله وهو بصلها واتقابلت النظرات للحظات ودق قلب حارث للحظات وعينه متعلقه بيها!
شوشت اتعلقت في دراعه وقالت: جمره موجوده هنا يا حبيبي
حارث رسم ملامح الجمود : ايه الي جابك هنا
جمره اتجمدت في مكانها من منظر شوشت المقزز وهي لابسه قميصه وعيونها جمعت دموع
حارث بنفعال: بسالك ايه الي جابك
جابر مسك شنطه جمره في ايده وقال برحمه وشفقه عليها: جات تاخد حاجات مني , وكانت ماشيه حالا متنفعلش يله بينا يا بنتي
ظهرت ع شفايف حارث ابتسامه بسيطة لانه شافها كويسه وبخير.....!!
..........قصص منه محمد كاتب...............
نزلت راسها وبعدين رفعتها والدموع متجمعة في عينيها .. دموع مقدرتش تكبتها اكتر من كدا ع صديقتها
انوار: عامله ايه دلوقت ياجمره بعد ليله امبارح
جمره بصوت حزين : من ساعه الليله دي ماغمضليش جفن اتنسيت كأني مكنتش في حياته
انوار طبطت ع ايدها: حاسه بيكي وحساه بوجعك لاحول ولا قوه الا بالله
جمره دمعت: انا زي ما اكون نمت وقومت لقيت حياتي الزوجيه كلها كانت عباره عن حلم عاملني ع انه مش شايفني خالص , ولا عمل حساب لمشاعري
انوار: عشان كدا انتي محتاجه حل جذري دوسي ع قلبك وانسيه
جمره: فعلا رأيك صح بس تفتكري هقدر انساه
انوار: هتنسيه لما تفتكري انك هنتي عليه وراح يبص لواحده تانيه ويفكر فيها هل هتقبلي يكون معاكي وقلبه متعلق بواحده تانيه
جمره: لا طبعا الواحده لما بتحب الراجل مش هتتحمل يعرف واحده غيرها
انوار: خلاص اعتبري كل حاجه قسمه ونصيب , ومحدش هياخد اكتر من الي ربنا كاتبه الحب مش بالعافيه دي علاقه متبادله من الطرفين مش طرف واحد
جمره: انا كنت بحبه وهو كان اهم حاجه في حياتي
رشا: يغور الحب الي يلغي كرامه الانسان ويذله بالشكل ده , وع فكره الراجل لما بيلاقي الست بتحبه ويتأكد انها مش هتقدر تسيبه بيعمل كل الي هو عاوزه ابعدي خليه يحس بقيمتك والايام خير دليل, اخرجي بره مشاعر الاحتياج دي بأي طريقه
جمره: انا فعلا لازم ابعد عنه وانساه بس ازاي
انوار: الايام كفيله تنسي , معلش هتتعبي شويه بس هتصوني كرامتك اشتغلي ع نفسك انا كنت زيك كده واكتر منك لما افترقت عن الراجل الي بحبه بس الحمد لله الشغل نساني كل ده وانتي انسانه متعلمه تقدري تشتغلي
جمره: مفيش حاجه هتجرجني من الحاله دي غير اني اشغل نفسي بمستقبلي ودراستي ده احسن حل عشان ارتاح ونفسيتي ترتاح لان الي انا فيه ده مهانه حب اتعامل معايا ع اني فرز تاني ولا بضاعه معيوبه ورجعها لصاحبها
انوار: حاولي تضغطي ع نفسك وتبعدي عنه مايستهلش تعبك النفسي
جمره: عندك حق احيانا ربنا بيخرج بعض البشر من سكتنا وهي دي اكبر نعمه في حياتنا
انوار: ربنا يفرح قلبك ويراضيكي ويهون عليكي ويعوضك خير
جمره: وانا راميه حمولي ع الله
..................
يوم جديد خارجه من الفيلا تدور ع تاكسي لحد ما وقفلها
جمره : وديني فندق *** ولو عايز تزود بنزين فيه محطه جنب الفندق , يله مترفضش
التاكسي اتحرك بيها لحد طريق الفندق وابتسم بخبث ومردتش عليها
جمره : خلاص اقف هنا قدام ايوه
هو فضل مكمل طريقه وهي تصرخ فيه وماسكه في كتفه : استني , قلت لك اقف هنا , انت اطرش قلت لك اقف عند البوابه , يا نيله انت
التاكسي دخل في مكان ضلمه ونزل السواق منه لابس كمامه وبصلها وقالها: انتي جيباني هنا عشان تغتصبيني
جمره اتكت ع اسنانها بغضب: حتي لو عايزه اعمل ده مش هعمله معاك ومالك لابس كمامه ومتخبي زي العيل الي عامل عامله, ياخسيس انت زي الكلب ضعيف العقل, يا دنيئ يارب تموت وياكلك الدود يا بشا
حارث خلع الكمامه ونطق بمنتهي البرود : انتي قليله الادب اوي , وبعد الكلام البذيئ ده مفيش داعي لكلمه بشا
جمره صرخت في وشه: قد ايه مثلت انك سواق تاكسي بطريقه حلوه , وده اسمه احتيال ونصب
حارث برفعه حاجب: النصب ده انتي الي تعرفيه مش انا
جمره : انت الي بتتهمني بكدا اظن عشنا مع بعض تحت سقف واحد حوالي شهرين , وقادره اتعرف ع مقاس رجلك
حارث : امال ليه بتشتميني لحد دلوقت
جمره بغيظ: لانك تستاهل تتشتم كده, انا بقرف منك
حارث لف يمسكها: اتربي اتربي عشان انتي افورتي زياده عن اللزوم , وبوختي زياده عن اللزوم, وانا هربيكي
جمره : ابعد عني يا مستفز
حارث بيجري وراها حوالين التاكسي,: انا برضو المستفز مش انتي الي تعصبي اي انسان في الدنيا حتي لو كان لوح ثلج
جمره حدفته بطوبه : انت لسه شوفت حاجه ده التقيل ورا
حارث نخ بدماغه وقالها : كدا هموت واطب ع الارض قدامك
جمره: اظن انت الي جبته لنفسك عشان تحرم تبهدل بنات الناس الله حسيبك ياناكر العشره والجميل
حارث: لاء بقي انتي الادب مش جاي معاكي تعالي
جمره طلعت تجري كأنها في مسابقه وحارث بيجري وراها جذبها من دراعها عليه فصرخت و هي بتحاول تهرب منه : سيبني بقولك مش هدخل هنا , ليه جايبني هنا
حارث سحبها من ضهرها لصدره وقعد ع السرير : تعالي اقعدي
جمره وقفت بعيد عنه : بقولك ابعد عني
حارث خبط ع السرير بعنف: اقعدي هنا بقولك
جمره ربعت ايدها قدام صدرها : روح اطلب من حبيبتك
حارث بزعيق: بقولك عايزك انتي
جمره بشخط: وانا مبقتش عايزاك في حياتي ولا بسلبي ولا بأيجابي , روح لحبيبتك الي كانت مش لابسه هدوم في بيتك
حارث اخد نفس وبهدوء: تعالي يامرام خلينا نتكلم
جمره جريت من قدامه : مش عايزه اتكلم معاك
حارث قام اتحرك بسرعة و جرّها من دراعها وزقها حدفها ع السرير واعتلاها وهي فضلت تضربه وتعضه ع كتفه من غيظها
جمره فضلت تضربه ع صدره ووشه وتصرخ فيه: مش عايزه اتخانق معاك
حارث كتفها وقرب يبوسها ضربته بالرجل زقته وقع من فوق السرير اتغاظ ومسك رجلها
جمره بتحاول تحرر نفسها من حضنه وتخرج من سطوته: سيبني , يا بوليس حد ينجدني , هصرخ وافرج الناس عليك صدقني
حارث كتفها جامد : حتي لو جبتي المطافي مش هسيبك عمري
جمره استكانت لما لقته فوقها ومقرب يبوسها بكل شوق الدنيا
لحد ما دخل وقال: اقف عندك, البوليس محاصر المكان