رواية القاسي والبريئه الفصل الثالث والاربعون43 بقلم ايمان ابراهيم

جاسر بعد مارجع من كتب كتاب شريف ونهلة مرضيتش تتكلم معاه واجلت الكلام لتانى يوم هو طبعا اضطر يسكت وغير هدومه وفضل قاعد فى السرير ساند ضهره وهديه كانت حاسة بيه وسالته انت مش هتنام بقى ولا ايه قالها لما يجيلى نوم هبقى انام نامى انتى قالتله انت لسه مضايق عشان نهلة برضه قالها اه لسه ومش عايز اتكلم دلوقتى فنامى احسن قالتله ماشي هنام بس خلى بالك عشان متخربش الدنيا وترجع تندم بعد كده تصبح على خير سابته ونامت وهو فضل صاحى شويه وبعد كده نام .

وطلع النهار والكل بدا يصحى وهديه كالمعتاد صحيت عشان تجهز الفطار وبدريه جت وجهزوا الفطار وطبعا جاسر وشه مقلوب شويه وبدريه اخدت بالها بس طبعا سكتت ولما دخلوا المطبخ سالت هديه قالتلها معلش لمؤاخدة يابنتى فى السؤال هو انتوا مش كنتوا فى كتب كتاب يعنى مبسوطين ماله جاسر بيه شكله فى حاجه هديه قالتلها ابدا والله اليوم كان زى الفل بس جاسر ساعات كده يقف فى حاجات ده موقف حصل مع اخته بس عادى خالص والله هو اللى مكبر الحكايه وحكتلها بدريه قالتلها عادى ولا فى حاجه تستاهل هو بس عشان جاسر بيه طبعه صعب حبتين ربنا يستر بس وميبوظش الموضوع على حاجه صغيرة كده هديه قالتلها يارب يا بدريه بجد نهلة دى طيبه اوى وتستاهل كل خير وعلى الله جاسر ميزعلهاش بقى

جاسر خلص الفطار وشرب القهوة ونزل وراح عشان يتكلم مع نهلة دخل الشقه ونادى على نهلة واحمد كان صاحى وقاله صباح الخير يا جاسر فى ايه على الصبح جاسر قاله هتعرف دلوقتى قاله لا عارف ونهلة حكتلى كل حاجه وانا مش شايف الصراحة ان فى غلط حصل اولا هو خلاص هيجى ويتقدملها وحب يحس انه معاها عايز يحسسها انه بيشاركها حاجه كويسه اهتمام يعنى وده مش غلط فبلاش بقى تنكد عليها وخلاص قاله يعنى عادى تكلمه فيديو وهو لسه مش خطيبها رسمى احمد قاله هو مش جاى يقابلك ونهلة موافقه عليه يبقى مفيش داعى يا جاسر تكسر فرحة اختك ومتنساش انك سبب بوظان خطوبتها الاولانيه فبلاش تبقى سبب فى بوظان التانيه جاسر قاله طيب بس برضه هتكلم معاها ونهلة جت قالتله وانا اهو اتفضل عايز تقول ايه قالها انا بس حبيت الفت نظرك بلاش تعملى حاجات فجاة كده زى ما اتفاجات انك بتكلميه فيديو كنت على الاقل تعرفينى مكنش هيجرا حاجه ولا ايه قالتله لا عادى انا لاقيت الكل ملخوم وانت بالذات وشفت انها حاجه بسيطة يعنى قلت او مقلتش مش هيحصل حاجه وعلى العموم انا ممكن اكلمه كده كتيير ادينى بقول اهو عشان تبقى عارف وياريت تقابله بقى عشان هو عايز يتمم الموضوع عشان سفره قالها ماشي خلاص خليه يكلمنى وانا هتفق معاه احمد قاله وانا هكون معاك ان شاء الله قاله ماله ماشي نهلة قالتله طيب انا هروح بقى عشان اشوف اللى ورايا وسابتهم احمد قاله كويس انك اتصرفت المرة دى من غير عصبيه لانك كنت هتخسرها بجد المرة دى قاله ان شاء الله نتمم الجوازة على خير عشان بالى يرتاح من ناحية نهلة طبعا جاسر كان عايز يخلص من احساس الزمب اللى كان حاسه من ساعة خطوبه نهلة الاولانيه وارتاح لما عرف ان فى حد اتقدملها وانه كمان انسان كويس ومحترم ومناسب يعنى مفيش اى حاجه تمنع ان الموضوع يتم ونزل عشان يروح شغله كانت هديه قلقانه اوى مش عارفه ايه اللى بيحصل  اتصلت بنهلة عشان تتطمن عليها  الو يا نهلة ازيك طمنينى عشان هموت من القلق نهلة قالتلها يا حبيتى اطمنى مفيش حاجه الدنيا تمام وزى الفل احمد كمان كان هنا وقال لجاسر كلمتين وانا اتكلمت معاه برضه وكله تمام متقلقيش بقى عشان كده غلط عليكى وعلى الكتاكتيت😄😄 قالتلها والله اخوكى ده هيولدنى قبل يومى بعمايله دى نهلة ضحكت😄😄 قالتلها لا بقلك ايه انا اتجوز الاول وبعدين براحتك هديه ضحكت قالتلها بقى كده 😄 ماشي المهم انى اطمنت عليكى اسيبك بقى عشان معطلكيش وانا كمان اشوف اللى عندى وقفلوا مع بعض .

عند  شريف وليندا  شريف صحى وفضل ساند ضهره على السرير وليندا نايمة جمبه وشعرها على وشها وهو بيشيله براحة من على وشها  وشكلها وهى نايمة كان مجننه وكان عايز يصحيها وياخدها فى جولة جنان وعشق بعد ليلة عاصفة ومجنونه كلها حب وغرام بس مرضاش يقلقها سابها لحد ما بدات تفوق لوحدها وفتحت عينها وبصلتله بابتسامه جننته اكتر ما هو 😄😄 متجنن صباح الخير يا حبيبى قالها صباحية مباركة يا قلبى انتى وراح بايسها من كتفها اللى كان فى حته باينه منه وقالتله الله يبارك فيك انت صاحى من امتى قالها بقالى شويه وفضلت ابصلك وكنت هاكلك وانت نايمة زى الملايكة هو انتى بقى حلوة فى كل وقت ولا ايه 😉😉  اتكسفت وقالتله وبعدين معاك بقى متكسفنيش قالها لا خلاص مفيش كسوف يا قمرى انتى ولا ايه هااا قالتله الله بقى ياشريف بجد 🤭☺️☺️  قالها حبيب قلبى اللى بتكسف ياناس قالها طيب بقلك ايه تعالى بقى عشان فى موضوع مهم جدا لازم اقلك عليه قالتله موضوع ايه قالها حالا هتعرفى 🤭🤭☺️☺️☺️  نسيبهم بقى فى العالم بتاعهم 🙈🙈 .

اما بقى اسامة ورقيه التحف دول اسامة كان بيكلم رقيه بيحب فيها فجاة سمع خناقه وزيعيق برة اوضه مكتبه قالها يادى الغم مش عارف احب فيكى بقلك ايه انا خلاص هاجى لاخوكى احدد كتب الكتاب عشان مرتكبش جنايه 😄😄  واحب فيكى براحتى صبح ضهر ليل ان شاالله الفجر ماشي ولا عندك اعتراض رقيه قالتله لا ياخويا معنديش قالها اخوكى طيب نكتب الكتاب ونشوف موضوع الاخوة ده يا اخت رقيه 😄😄😄 اما اقوم اشوف اللى برة ده وهرجعلك تانى يا حبيبتى سلام دلوقتى .

وطلع من مكتبه وشخط حته شخطه في ايه ياروح امك انت وهو انتوا فى طابونه ولا سوق اييييه  العسكرى قاله دول من الشارع برة وهما كده يا فندم  قالهم تعالولى على جوة واللى هسمع نفسه من غير ما اقول هطلع عين اللى جابوه سامعين وكلهم اتكتموا  ودخل المكتب ودخلوا معاه  عشان يشوف ايه الموضوع  قال لوحد فيهم هااا ايه الحكايه بقى كده واختصر وقول المفيد وبدا الراجل يحكى هى كانت حادثه بين اتنين واللى خبط هو اللى غلطان ونزل يزعق ويتخانق والناس اللى كانت واقفه شاهدة على اللى حصل وان كمان اللى خبط اتهجم على التانى عشان يغلوش على غلطته اسامة طبعا ظبط اللى كان السبب فى المشكلة وروقه 😄😄  وعرف يحل الموضوع  وخلص المشكلة وخلى اللى غلط يتعهد بتصليح اللى خربه وهو كان ظابط شاطر ومحترم والكل بيحبه وبيشهدله بالكفاءة وبعدين اتصل برقيه قالها ايوة يا حبيبتى معلش اداء الواجب بقى انتى عارفه قالتله طبعا يا حبيبى عارفه بس عموما انا خلاص قربت اخلص وهمشي بس فى واحده عندى بس وهمشي قالها طيب انا هعدى عليكى اخدك ماشي تكونى خلصتى قالتله ماشي وقفلت معاه .

وقالت للبنت اللى كانت عندها معلش اسفه اوى قالتلها لا تمام بس ياريت نخلص بقى وكانت طريقتها سخيفة شويه ورقيه استغربت من اسلوبها قالتلها طيب بالراحه انا بعتذر  لحضرتك عن التاخير ايه لزوم الطريقة دى قالتلها هو انتى هتعلمينى اتكلم ازاى ولا ايه رقيه قالتلها انا بجد مش فاهمة فى ايه بجد راحت البنت قامتلها ومقربه منها وبدات تمد ايدها وتشوح لرقيه فى وشها ورقيه خافت شويه وقالتلها ايه ده انتى مجنونه ولا ايه  البنت قالتلها انا مجنونه يا قليلة الادب ده انا هنزل على الفيس بوك واقول انك مش بتحرمى العملاء بتوعك واوقفلك حالك وراحت زقه رقيه وخبطتها ورقيه شخطتت فيها قالتلها انتى بتعملى ايه هو فى اييه  امشي اطلعى برة  قالتلها انتى بتطردينى والله هوريكى وراحة ماسكة رقيه من دماغها وخبطاها فى الحيطة رقيه اغمى عليها من الخبطة والبت طلعت تجرى قبل ما حد يشوفها ورقيه ياعينى واقعة على الارض 🥹🥹  اسامة كان وصل واتصل برقيه بس لاقها مش بترد وفضل يتصل وهى برضه مش بترد لحد ما قلق ونزل من العربيه ودخل عندها ولاقها واقعة على الارض اتخض 😲😲  رقيه رقيه حبيبتى مالك وشالها سندها على ايده وبيحاول يفوقها شالها نيمها على كنبة كانت موجوده عندها وهو مخضوض عليها يارقيه فوقى عشان خاطرى مترعبنيش اوعى تكونى عاملاه مقلب فيا والله هموت فيها  وراح جايب مايه ورشها بالراحه على وشها لحد ما بدات تفوق واحده واحده وهو كان خلاص روحه راحت وقالها انتى كويسه يا قلبى ردت عليه بصوت ضعيف شويه اه الحمدلله وراحت معيطة 😥😥  الحمدلله انك جيت الحمدلله كنت خايفه اوى اول مرة اخاف كده يا اسامة راح من غير ما يحس حضنها جامد اوى وقالها مينفعش تخافى وانا معاكى يا روحى انتى انا لزمتى ايه لما تخافى كده ايه اللى حصل بس اهدى وقوليلى راحت حكتله اللى حصل قالها شكلها ايه بنت ال...... دى  قالتله كانت لابسه نقاب ولما قلتلها تشيله احنا بنات قالتلى لا معلش عشان اذا حد دخل فسيبتها على راحتها 😢😢  وفضلت تجر شكلى زى ما قلتلك قالها لا كده الحكايه دى فيها حاجه دى واحده جايه وناويه على كده قالتله ودى مين انا مش متخانقه مع حد خالص سكت شويه كده وقال والله اذا اللى فى دماغى صح ده انا هطلع عين اللى جابوها اقسم بالله رقيه قالتله انت سرحان فى ايه قالها انتى مركبه كاميرات صح قالتله اه الحمدلله قالها تمام انا هفرغها وهعرف مين البت دى والله هجيبلك حقك يا حبيبتى يلا دلوقتى اروحك عشان ترتاحى قادرة تقومى ولا اشيلك واهو برضه نبقى عملنا بروفه ليلة الدخلة 😄😉😉😉 قالتله متبقاش اسامة اذا عديت الموقف كده قالها دى تيجى برضه يا قلبى اما عاكستش حبيبى قلبى اعاكس مين بس قالتله ربنا يخليك ليا يا اسامة وجودك جمبى بيطمنى اوى على قد ما كنت خايفة وزعلانه انت ضيعيت كل ده  قالها حبيبة قلبى انتى يلا عشان اروحك قالتله يلا بينا وقاموا  عشان يمشوا  واسامة روحها  وقالها يلا حبيبتى اطلعى وريحى وياريت بلاش شغل بكرة لحد ما اعرف مين دى ومتقلقيش بكرة هعرف مين دى وباس ايدها وقالها مع السلامة يا حبى وانا هكلمك لما اروح .

اسامة كان سايق وهو بيغلى واول ما وصل اتصل برقيه عشان يطمنها وقفل معاها  واتصل بواحد عشان يخليه بفرغ الكاميرات