فتحت عيوني لما سمعت صوت سعد وهو يقول.. سلمى
انا طالع الشغل.. عايزة حاجه؟ هزيت راسي بي لا... فقام اتحرك عشان يطلع قلت لي بسرعه افطر الاول.. عاين لي وابتسم وقال لا.. بفطر قدام.. .. بعد ما طلع عاينت لي اثرو... سعد شخصية ضعيف جداً ما عندو لا كلمه ولا سلطه وما عارفه اتزوجني كيف وقدر على الحاجه دي مع انو من اول يوم جيت هنا وامو بتكرهني.. الشئ البعرفو انو طلب يدي من ابوي بدون م يكلم امو واصلا ابوه متوفي.. المهم ابوي ما صدق انو ح يتخلص من واحدة فينا وطوالي جبرني علي وعقد لي... ومن يومها انا عايشه ف الوجع والدموع من جهة امي ومن جهه اخواتي ومن جهه نسيبتي.. مع انو سعد بحسو بقدرني وعايز راحتي بس ماف فايدة لانو ما بقدر يقيف في وش امووو!.. بس هو ف النهايه كويس اخلاقو ومعاملتو لي حتى مرات كتير بساعدني ف شغل البيت لمن تكون امو ماف... تميت شهرين من جيت هنا بس حاسه انهن سنتين... قمت واتوجهت للغرفه الموجوده في اخر حوش البيت واللي هي غرفتنا وشكلها من جوا زي المخزن بس برتاح فيها اكتر من اكون بجااي.. اتمددت في السرير وغمضت وحاولت انوم. يمكن الصداع يخف..!
سديم.._♡_ونحنا واقفين قدام الباب ومنتظرين.. فجاءة الباب فتح وكانت بنت صغيرة كدا عمرها 9 ولا 10 سنه المهم حضنت الاسمو طارق دا.. وانا اعاين ليها حليوة وصحتها كويسه.. المهم قبلت علي وقالت دي خطيبتك ي طارق.. قال ليها ايي.. قالت لي مالا مغطية كدا.. ابتسم وقال ليها دا نقاب.. قبلت على وقالت افتحي وشك عايز اشوفك.. م عرفت اقول ليها شنو وبقيت ساكته.. قام طارق قال لي دي اختي الصغيرة واسمها متاب..مديت ليها يدي وقلت ليها كيفك ي حلوة.. ابت تسلم علي وقالت لي الا اشوف وشك... قطع كلامنا صوت من جواا وهو يقول يابت متاب دا منو الفي الباب.. البت رجعت وهو تقول بصوت عالي يا يمهه طارق جاا.. قبل على وقال لي ادخلي وانا ح اجيب الحاجات واجي.. اترددت في الاول بس دخلت وانا حاسه نفسي في عالم تاني خااالص دا بيت دا ولا انا بتخيل.. الاساس براه حكاية تانيه غير الديكور والزينه.. بقيت اتلفت واعاين لحدي ما لقيت نفسي قدام سلم طويل.. ونازله منو بت طويله لابسه بنطلون جينز ولبسه بيضاء باختصار ملابس اولاد بقيت اعاين ليها باستغراب وهي تعاين لي باستغراب اكبر.. نزلت وقالت لي انتي منو.. قبل ارد ليها اتخطتني لما شافت طارق داخل وجرت على وحضنتو وانا واقفه اعاين ليهم.. واستنتجت انو ديل اخواتو.. المهم.. بعد شويه جات مراة كبيرة شويه ف العمر بيضاء وصحتها كويسه.. طارق بمجرد ما شافها مشى عليها وحضنها وسلم عليها.. وباس راسها وهي بقت تبكي وتقول لي ليه طولت علينا كدا.. المهم بعد شويه بقوا كلهم يعاينو لي كاني حاجه نكرة.. سمعتها تقول لي تعالي.. تعالي يابتي.. اما طارق شغال لي براسو زي المجنونه بمعنى تعالي.. مشيت عليها.. فقامت جرتني وحضنتني.. وانا ما حسيت بنفسي الا وببادلها الاحضان.. بعدها قالت لي انتي ما عارفه انا قدر شنو فرحانه بجيتك دي... قامت قالت للبنت الكبيرة القبيل يابت ملاذ صتعالي سلمي على خطيبت اخوك دي.. جات علي وهي كانها مصدومه وسلمت عليّ بعدها دخلنا في مكان كدا رهيبب مره فيه كراسي جلوس وكنب وما ادراك المهم بقينا قاعدين اما الكراتين الثلاثه اد امو واحد واخواتوا الاتنين كل واحدة واحد.. بعدها بدات المرأة تسال فيني.. وانا اجاوب بكل كضب الا اسمي الكان صحيح المهم تاني قالت لي ملاذ قومي طلعيها غرفتك ترتاح فيها لحدي ما نجهز ليها غرفه... قمت معاها واتوجهنا على السلم وطلعنا مع انهم سلمين بس كرعي وجعني لاني ما متعودة.... الغرفه كانت رهيبببه.. منظرها سااي يريح.. المهم قالت لي اخدي راحتك وطلعت.. رقدت في السرير المريح ونمت بسرعه... بدون م احس على نفسي..!
_♡_نور طلعت من الجامع بعد اذان العصر لاني قعدت فيو وارتحت بس قلت لازم اتحرك القعدة هنا ما ح تنفع المهم مشيت.. وجيت بي مطاعم وبقالات ومحلات قبل كدا ما شفتها.. دخلت لي بعند شارع.. وتاني لفيت وتاني رجعت لقيت نفسي بجي بنفس الشارع لي ساعتين المهم اتوجهت بالنص وبقيت ماشه والواطه ماشه مضلمة وبديت اقلق شويه مشيت لحدي ما سمعت اذان المغرب ياذن... فجاءة لقيت نفسي قدام زلط طويل قلت بدل ما اقعد اتلفلف احسن امشي مع الزلط المهم بقيت ماشه ومره اقعد ومراه اقوم لحدي ما وقف لي بتاع ركشه وقال لي ماشه قريب عاينت في وشوو وكان ما بطمن اصلوو.. رديت بسرعه قلت.. شكراً.. وبقيت ماشه بسرعه.. بس تاني لحقني وقال لي انا مراقبك من قبيل.. لو عندك مشكله اساعدك..
راسي نمل من الخوف ما رديت بس زدت سرعتي وبقيت ماشه وتاني لحقني.. بس المره دي وقف الركشه ونزل وكان طوييل ولونه اخضر وشكله مخيف وريحته فظييييعه... قال لي تركبي بالتي هي احسن ولا....... انا بديت ابكي ولي اول مره احس بالضعف للدرجه دي.. وجسمي بقى يرجف.. قرب علي وحاول يمسكني بس دحيت يدي بسرعه وقبل اصرخ ... سمعت صوت حاد بقول خير ف مشكله.. رد بتاع الركشه وقاال.. انت ما تدخل.. اتلفت لي مصدر الصوت وشفته كويس مع انو الليل كان داخل كان شاب متوسط الطول ولونه اسمر وشعره اسود خشن وعنده لحيه خفيفه.. عاين لي وقال في مشكله.. ما ترددت وقلت وانا ابكي .. دا عايز يتحرش فيني ومن قبيل لاحقني مع اني قلت لي ما ماشه.. فجاءة قرب عليِ وقال ليو انت عايز منها شنو.. رد بتاع الركشه وقال.. البت تركب معااي ولا انا بغلط معاك.. قبل على وقال لي دا شكلو ما بفهم بالكلام.. ممكن تمشي هناك دقائق عاينت في المكان الاشر عليه وكان استراحة هزيت راسي ومشيت ما عارفه ليه ارتحت لي... المهم مشيت وبقيت قاعدة واعاين من بعيد بسبب الظلام ما شايفه حاجه بس كان في اصوات عاليه وكانها شكله بعدها بوقت جاء وقال لي المشكله انحلت.. شكرتو.. وقال لي القعدة هنا ما كويسه ارجعي بيتك.. ما اتكلمت معاه وكنت ساكته قال لي حاصل معاك حاجه.. رديت بسرعه وقلت لي لالا.. قال لي تمام.. لو ماشه مكان انا بوصلك عربيتي واقفة هناك..هزيت راسي بي لا.. مشى.. وانا بقيت قاعدة وخايفه.. وافكر امشي وين يا الله..