رواية جريمة كفر شكر الفصل التاسع 9 بقلم محمد منصور
والله ما في اي علاقة بيني وبين يونس
دة اللي قالته سمية ل شفيقة اللي رديت عليها والسكينة في ايدها فوق رقبتها وقالت
اي حد لما بيكون الموت قريب منه بيكذب علشان ينجي نفسه
سمية
شفيقة اعقلي انتي ازاي تشكي فيا دة ان بحفظ عيال الكفر كتاب ربنا وكمان يونس الله يرحمه كان زينه شباب الكفر وبيحبك اوي
شفيقة بحرقة
بلاش الاسطوانة دي هو لو بيحبني كان خاني معاكي
سمية
خيانه أية انت لية لاغيا عقلك امتي وازاي شوفتيني وانا بخونك مع يونس
شفيقة
هريحك قبل ما اقتلك واحكي لك شوفتك امتي مع يونس،،،،،،،،
جريمة كفر شكر
اقتباس وكتابه
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
ونرجع بالاحداث قبل جريمة القتل بيوم وعبد الهادي ابوه شفيقة خرج ل صلاة المغرب من هنا وشفيقة بعدها سمعت صوت خبط علي باب الدوار وقفت وراء الباب وقالت
مين
سمعت صوت اول مرة تسمعه صوت راجل غريب قال
انا قاصد خير افتحي علشان اوريكي خيانه يونس ليكي
هي سمعت كدة عقلها شت وفتحت الباب بسرعه وشافت الشاب دة وقالت
انت مين انا اول مرة اشوفك شكلك غريب مش من الكفر
الغريب
انا من طرف حد بيحبك واتقدم لك وانتي رفضي علشان خاطر يونس اللي بيخونك دلوقتي
شفيقة
اية الكلام الغريب دة انت باين عليك مجنون
الغريب
انا مش مجنون ولو مش مصدقاني انا همشي دلوقتي وانتي تروحي ل ارض الحاج صالح وشوفي بعيونك يونس وهو ماشي مع سمية وبيستغفلوكي وما تخليش يونس يشوفك والا هيضحك عليكي بكلمتين
وفعلا مشي الغريب دة وهي قالت
انت يا طيب استني
لكن الغريب جري من قدامها وشفيقة قفلت باب الدوار وراء منها وراحت عند ارض الحاج صالح ووقفت وراء شجرة كبيرة وبصت للطريق الاسفلت اللي جنب الارض وشافت فعلا سمية ماشية جنب يونس ويونس كان شايل حزمة كبيرة من البرسيم ورايحين ناحية الزريبه بتاعت الحاج صالح وقبل الزريبه بكام متر سمية اترمت في حضن يونس ووقعت حزمة البرسيم من ايد يونس ونار الغيرة كلت قلب شفيقة اللي كانت ناوية تخرج من وراء الشجرة وتفضحهم لكن هنا يظهر الغريب ويقول
ناوية علي اية تروحي تواجهيهم ويضحك عليكي بكلمتين اعقلي
شفيقة بغل
لازم افضحهم قصاد الكفر كله
الغريب
ودة يبقي حل
شفيقة
اومال اشوفو بيخوني واسكت
الغريب
انا ما قولتش كدة لكن اكبر عذاب لي انك تحرمي منك وتخلي يعرف قيمتك وتتجوزي سيد سيده
شفيقة قلبها قايد نار والغباء اتمكن منها وقالت
تعرف تخلي بكرة يجي عند ارض الخواجة المهجورة مع اذان العشاء
الغريب
ناويه علي اية
شفيقة
هسمعه كلمتين اسم بيهم بدنه وبعدها احرمو مني
ورجعت وقالت في سرها
لا دة انا هحرمو من الدنيا كلها،،،،،،،،
ورجعت شفيقة يومها للبيت لقيت ابوها رجع من صلاة المغرب وكان مستنيها وبص لها وقال
كنتي فين
شفيقة
كنت عند صبيحه صاحبتي
عبد الهادي
اول مرة تخرجي بعد المغربية
شفيقة
معلش يا با كانت تعبانة وروحت ابص عليها
وراحت شفيقة ناحية اوضتها وقعدت علي سريرها وفضلت تصرخ صرخات مكتومة وتعيط وتصرخ وتفتكر كل كلام يونس معاها وقد اية هو بيحبها ومستني يكون معاها في بيت واحد وصرخت وقالت
كله كذب لازم احرمه من حياته بعد ما قدر يخوني
واول ما ابوها نام دخلت الزريبة بتاعتهم ودورت علي الفاس وجابت الفاس وبدات تسن في وتسن وتسن لغاية ما خليت سن الفاس احمي من سن الموس وحطيت الفاس تحت سريرها وفرديت ظهرها وفضلت باصة لسقف الاوضة مستنيا بكرة بفارغ الصبر، ،،،،،،،
يوم الجريمة ومع اذان العشاء الغريب دة قدر يجيب يونس ل غاية ارض الخواجة وعند الشجرة الكبيرة كان يونس واقف مع الغريب دة وبيقوله
هو فين ابوك المغمي عليه دة وجبتني لغاية هنا علشان اساعدك ننقله المستشفي
هنا ظهرت شفيقة من وراء يونس وكان في ايدها فاس ضربت يونس بالفاس علي دماغه ضربه وقع بعدها يونس علي الارض ونزلت فوق دماغه بضربه تانية وهي بتقول
علشان تعرف تخوني اوي
الغريب اتصدم وقال
أية اللي انتي عملتي دة
كان بيتوجع يونس وشفيقة ما استحملتش وجعه ونزلت خدته في حضنها وفضلت تعيط وبصت للغريب دة وقالت
انت السبب روح منك لله انت اللي خلتني اعمل كدة في حبيبي
الغريب كان مرعوب من منظر الدم فقال
انتي غبية ازاي يجي لك قلب تعملي كدة في حد انتي بتحبي
شفيقة
مش انت اللي جيت لغاية عندي ووقعت بيني وبينه
و خلتني اشوف خيانته ليا
الغريب
تقومي تقتلي يا مجنونه انا لازم اهرب و ماليش دعوي بالمصيبة دي
وهرب الغريب و ساب شفيقة لوحدها مع جثة يونس ،،،،،،
ونرجع تاني ل سمية اللي سمعت الحكاية كاملة من شفيقة وقالت
انتي قلب من غير عقل يونس كان بيحبك اكتر من نفسه واحنا يومها فعلا كنا ماشيين علي الزراعية لوحدينا لكن دة حصل علشان ابويا الحج صالح تعبان وبقالو شهر بيعمل اشعة وتحاليل في المستشفي وامي بتبقي مع وانا ببقي في الارض مع يونس بعد ما بخلص تحفيظ قران لعيال الكفر و ابويا موصي يونس انه كل يوم يوصلني لغاية البيت علشان انتي عارفه الكفر بيعمل كحل ازاي بعد اذان المغرب
شفيقة
كذابة ولازم تكذبي ما الموت قريب
سمية
انا مش كذابة ومش خايفة من الموت لاني عارفة نفسي كويس وما عملتش اللي يخليني اخاف من مقابلة ربنا
شفيقة بعصبية
انا شيفاكي بعينيه دي وانتي في حضنه
سمية باستهزاء
يومها رجلي اتلوت وكنت هقع وهو رمي البرسيم اللي كان علي ايدة ولحقني مش عارفة انتي ازاي شوفتيها اني في حضنة بس دة شيطان لبسك خلاكي تقتل حبيبك علشان وهم جوة دماغك
شفيقة
يعني ارفض تلاته احسن منه وهو يخوني
سمية
هو احنا لو بنعمل حاجة غلط هنعملها قصاد باب الزريبة ما كنت استنيت لغاية ما دخلنا جوة
شفيقة حسيت ان كلامها مظبوط وانها كانت ضحية لعبة وسخة من حد مش عايزها تكون مع يونس ونزلت السكينة عن رقبة سمية وصرخت باعلي صوتها وقالت
يونس حبيبي سامحني انا غبية وحبي ليك خلاني عمياء انا عايزا اشوفك بلاش تقول لا
وغرزت السكينة في بطنها بمنتهي القوة ووقعت علي الارض غرقانه في دمها،،،،،،
يادي النيلة دة انا لسة ماسح ارضية الرواية هروح اجيب شرشوبا وامسح تاني قبل ما حد يدوس في الدم ويلحوس الصاله ولا تيجو نحط كف ايدنا في الدم ونخمس علي الحيطة عموما الحلقة خلصت يلا سلام