رواية القاسي والبريئه الفصل الاربعون40 بقلم ايمان ابراهيم

اسامه كان مغمى عليه من الخبطة هو الحمدلله اخد خبطة جامدة فى دماغة وفى عربيه وقفت لما حصل كده كان واحد ومراته ونزل يشوف اسامه وكان عمال يفوق فيه يا استاذ يا استاذ فوق وراح جاي ازازة مايه وبدا يرش خفيف كده على وشه واسامة بدا يبربش ويفوق شويه بشويه وفتح عنيه وكانت مزغلله من تاثير الخبطه والراجل بيكلمه وقاله حمدالله على السلامة انت ربنا نجاك باعجوبه احنا كنا وراك بمسافه بس شفنا اللى حصل الحمدلله ان العربيه متقلبتش خلى بالك يابنى قدر ولطف انت لازم تروح المستشفى عشان تتطمن اسامه بدا يتكلم بالراحه من الوجع وقاله لا لا مفيش داعى انا بخير هى خبطة جامده وهتخف ان شاء الله الراجل قاله يابنى مينفعش برضه لازم تتطمن مش هتخسر حاجه تعالى معايا اوديك اقرب مستشفى نطمن بس اسامه قاله والله مفيش داعى لتعب حضرتك والله انا كويس قاله طيب بص انا هفضل ماشي وراك لحد اقرب مستشفى ومش هسيبك غير لما اطمن عليك اذا مش عايز تسيب العربيه والحمد ان محصلهاش حاجه وانا هفضل  معاك لحد ما تحس انك قادر تسوق فى الوقت ده رقيه كانت عماله تتصل بيه الراجل قاله على فكرة تليفونك مبطلش رن الظاهر الجماعة قلقانين عليك رد يابنى طمنهم وانا هروح العربيه استناك عشان امشي وراك وحمدالله على سلامتك قاله انا مش عارف اشكر حضرك ازاى على وقفتك دى الراجل قاله على ايه يابنى الناس لبعضيها الدنيا لسه بخير ربنا يسلم طريقك وسابه وراح  يركب العربيه واسامه اتصل برقيه الو الو يا اسامه انت كويس 🥺🥺🥺  انت كل ده مروحتش اسامه رد وكان صوته باين فيه تعب شويه قالها معلش حبيبتى قلقتك عندى بس مشوار هعمله واروح علطول رقيه اخدت بالها من صوته قالتله مالك يا اسامه صوتك مش طبيعى خالص قولى مالك متوقعش قلبى والنبى قالها يا حبيبتى والله انا كويس انا حسيت بس بشويه تعب فوقفت بالعربيه عشان مسوقش وانا دايخ بس دلوقتى انا كويس قالتله انت متاكد انا حاسة انك مخبى عليا حاجه قالها والله يا حبيبتى انا كويس لما اروح هطمنك قالتله ماشى بس اوعى متكلمنيش انا مش هنام غير لما تكلمنى قالها حاضر يا  حبيبتى وقفل معاها مرضاش يقلها على اللى حصل فى التليفون بس هو هيقلها لما يشوفها وبدا يتحرك بالعربيه والراجل ماشي وراه لحد ما وصلوا المستشفى ودخل من الطوارىء طبعا وقال للدكتور النبطشي اللى حصل والراجل كان معاه هو ومراته مسبوهوش والدكتور كشف عليه والحمد لله مكنش في اى مضاعفات ولا حاجه بس عنده ارتجاج بسيط نتيجة الخبطة وكده فى دراعه والدكتور طمنه وقاله حمد الله على السلامة اسامه قاله الله يسلمك وقام عشان يروح والراجل قاله الحمدلله انك بخير هتقدر تمشي ولا امشي وراك لحد البيت قاله والله مش عارف اشكرك ازاى قاله مفيش شكر على واجب انا اتشرفت بحضرتك انا ملحقتش اعرفك بنفسي انا اسامه علوان ظابط شرطه والراجل قاله وانا حمدى المسيرى محامى واداله كارت وقاله اى حاجه تحتاجها تحت امرك قاله وانا برضه فى خدمتك فى اى حاجه ومش هنسى وقفتك معايا انت والمدام وانى اخرتكوا كل ده قاله لعله خير ادينى اتعرفت عليك ومين عارف يمكن نتقابل تانى قاله ان شاء الله انت من دلوقتى معزوم على فرحى اول ما هحدده هتصل بحضرتك والمدام وهزعل والله اذا مجتوش قاله خلاص هستنا تليفونك وسلم عليه وحضنوا بعض وسلم على مراته وقالها اترفت بحضرتك يافندم واشفكوا على خير قالتله الشرف لينا وحمدالله على سلامتك قالها الله يسلمك واستاذنوا ومشيوا واسامه ركب العربيه وروح

اسامه لما طلع البيت اخد دش عشان يهدا وقال الحمدلله ربنا ستر منك لله يا بعيده ياريتنى مشفتك ولا عرفتك واتصل برقيه عشان يطمنها الو ايوة يا اسامه حمدالله على السلامه يا حبيبى انا كنت هتجنن عليك اسامه سكت شويه الو الو يا اسامه روحت فين انت معايا قالها بحنيه ده انا معاكى ومعاكى ومعاكى 😄😄😄  ياقلب اسامه وروح اسامه قالتله الله انت مالك في ايه ☺️☺️☺️ قالها اصلك اول مرة تقولى يا حبيبى وطالعة منك زى العسل امتى هنكتب الكتاب بقى ياناس 😅😅 قالتله وبعدين معاك يا اسامة بقى متكسفنيش انا مابصدق اقلك كلمتين على بعض قالها لا خلاص هسكت اهو قولى قولى قالتله بجد كنت قلقانه عليك اوى قالها بصي انا هقلك حاجه بس توعيدنى متزعليش انا هقلك عشان اتفقت معاكى على الصراحة صح قالتله ايوة صح واوعدك مش هزعل قول بقى متوقعش قلبى قالها سلامة قلبك يا حبيبتى وحكالها اللى حصل وقالها وبس ياستى الراجل مسبنيش لحد ما اطمن عليا قالتله ياخرابى يا اسامه الحمدلله انك بخير ياقلبى ده كنت اتجنن اذا جرالك حاجه والله اروح اجيب السلعوة دى من زمارة رقبتها اسامه سمع سلعوة دى من هنا وفتح فى الضحك من هنا هااااااهااااا 😄😄😄😄😄  والله ياروكا انتى محصلتيش عليكى كلام  سلعوة مرة واحده قالتله اه والله اقل وصف على الارف اللى هى فى ده بس اقلك تستاهل عشان انت رمرام 😄😄😄 قالها كده برضه ياروكا اهون عليكى يا حبى قالتله لا انا بنكشك بس حمدالله على سلامتك بجد طيب وبعدين فى البت دى هى هتفضل تطلعلنا زى عفريت العلبه كده قالها لا متخافيش انا هعرف اتصرف معاها اذا فكرت تضايقنى او تضايقك المهم انتى خلى بالك من نفسك واوعى تقابلك وتحاول تكلمك قالتله ده ياريت دى تبقى جت لقدرها ده انا هفرتكها  من الناحيه ده انا متاكد يا حبيبتى😄  بس برضه خلى بالك قالتله حاضر يا حبيبى انت تنام بقى عشان ترتاح من اللى حصل عشا تعرف تروح الشغل قالها ماشي حبييتى انا قلت اطمنك قالتله الحمدلله ربنا يطمنى عليك يا حبيبى تصبح على خير قالها وانتى من اهله وقفلت معاه وراحت عشان تنام وهو كمان .

جاسر كان اخد هديه وخرجها شويه فى نفس اليوم اللى حصل فى حادثه اسامة لانها كانت زهقانه اوى وفعلا اتبسطت اوى لانها كانت محتاجه تغير جو ولما رجعوا كان الوقت اتاخر وجاسر كان ناوى يكلم اسامة بس ملحقش وقال يتصل بيه الصبح ولما روحوا يدوب غيروا هدومهم وناموا علطول هديه بتحط دماغها بتسافر علطول ابو النوم بيحضر فورا  😄  وجاسر نام برضه كان مهدود من الشغل فى المدرسه والارض .ولما صحيوا  هديه كانت صحيت قبل جاسر وكانت واقفه تبص على نفسها فى المرايه وتقول لنفسها هتبقى شبه الكرومبه يا ست هديه ولسه كل ما نخش فى شهر الموضوع هيكبر وحطت ايدها على بطنها واول ما حطتها حست بحركتهم وضحكت وبقت بتكلمهم صباح الخير حبايب مامى عاملين ايه كويسين يلا مامى مستنياكوا  لما تشرفوا بالسلامة وجاسر كان باصصلها وبيضحك على كلامها وقام قالها ياعينى يا عينى ده ايه الدلع ده كله انا بغير على فكرة هما هياكلوا منى الجو ولا ايه قالتله الله يا جاسر مش بصبح عليهم قالها كل ده صباح قالتله مش هما تلاته يبقى لازم صباح طويل شويه قالها ياخوفى لما يجوا معرفش اتلم عليكى بقى وتتشغلى بيهم عنى انا بقلك من دلوقتى انتى تظبطى امورك انا مش هخليهم ياخدوكى منى قالتله ربنا يقدرنى واعرف اخد بالى منك ومنهم قولى عايزين نعملهم اوضه بقى واعمل حساب سرير كبير عشان لما يقلقونى انام معاهم قالها نعم ياختى 😏😏 نوم ايه اللى معاهم هما هيبقى ليهم اوضتهم وفى اجهزة بتخليكى تسمعيهم عن بعد لكن ايه نوم معاهم ده ان شاء الله قالتله خلاص خلاص ماشي روح بقى عقبال ما احصلك قالها احسن برضه وقام عشان يغير هدومه عقبال ماهديه تجهز وجهزت وبدريه جت وحضروا الفطار وجاسر شرب قهوته عشان يروح شغله وقبل ما ينزل قالها ابقى ورينى الفستان اللى هتلبسيه فى كتب كتاب شريف وعلى الله يبقى ضيق ولا عريان قالتله لا اطمن قالها اما اشوف وسلم عليها وراح الشغل ولما وصل اتصل باسامة عشان يتفق معاه علشان فرح شريف ولما اتصل بيه وعرف اللى حصل قاله بنت ال..... جاسر قاله حمدالله على سلامتك يا صاحبى مكلمتنيش ليه بس كنت جيتلك اسامه قاله والله عارف انت متتاخرش عنى بس قلت ليه اقلقك واخليك تسيب مراتك واخضك وانا الراجل اللى اسمه حمدى ده الصراحة مسبنيش والحمدلله عدت على خير جاسر قاله الحمدلله بنت مجنونه صحيح منها لله وهتعمل ايه بقى فى الجنان ده قاله تحاول تانى بس وهوريها من هو اسامة قاله ماشي يا شبح قدها وقدود جاسر قاله احنا هنروح كتب كتاب شريف مع بعض نبقى على الطريق مع بعض اسامة قاله خلاص تمام قاله خلاص سلام دلوقتى وهبقى اكلمك تانى اسامة قاله ماشي ياكبير وقفلوا مع بعض .

عند شريف بقى طبعا هو على اعصابه عريس بقى وقلقان وليندا كمان عرفت تجيب فستانها واتفقت على المكياج بس طبعا كانت حاسة ان الدنيا كلها بتجرى وراها الوقت بالظبط وشريف اتصل بيها الو يا قلبى ازيك وحشتينى قالتله الحمدلله حبيبى وانت كمان وحشتنى قالها هااا خلصتى حاجتك ولا لسه قالتله اه الحمدلله الاساسى جبته قالها مرضتش اقلك ورينى فستان الفرح عشان عارف انه فال  وحش بس عارفه يا ليندا يبقى عريان ولا محزق ليلتك مش فايته واحسنلك تغيريه من دلوقتى قالتله انت بتتكلم جد قالها نعععم هو فى حاجه ولا ايه قالتله اه اصله من فوق من غير حمالات ونازل واسع قالها من غير اييييييه 😳😲😲  سماعينى تانى كده قالتله من غير حمالات بس الطرحة طويله والله حبيبى وهتبقى مداريه قالها بصي من دلوقتى اهو بقلك اتصرفى عشان مجيش اطربقها على نفوخك 😄😄 اللحم الابيض ده مش هيبان فاهمة قالتله ايه ياشريف هعمل ايه بس الوقت مش معايا خالص قالها حد قالك تجيبيه من غير حتى ما تقوليله يعنى مرضتش اشوفه كمان تجيبيه عريان كده انا قلت اللى عندى سامعه قالتله الله بقى يا شريف اعمل ايه يعنى قالها مليش فيه بقلك ايه اشوف فستان حشمه سامعة سلام يا قلبى وقفل معاها .

ليندا كانت محتارة مش عارفه تعمل ايه 🥺🥺 يا مامى يا مامى الحقينى مامتها جت وقالتلها ايه بس يا بنتى سرعتينى فى ايه ليندا حكتلها على اللى حصل قالتلها ياخبر تصدقى احنا غلطنا فعلا ياريتك سالتيه هيوافق ولا لا وبعدين هنعمل ايه بس دلوقتى ياترى ليندا هتعمل ايه عشان شريف ميطربقهاش على نفوخها 😄😄😄🤦‍♀️🤦‍♀️ وهديه كمان ياترى فستانها عامل ازاى وهى بتقول انها بقت كرومبه شويه