حماتي لما عرفت ان جبت بنت رميتها في الارض وهي عمرها ساعتين
الحما
ومخليني اجي من الصعيد علشان جبت بنيه
خد با حبيبتي بنتك اهي وبعدها البت وقعت الي الارض وفي الوقت ده انا عيط وقولت
سهير
يا خبر الحلق البت يا احمد بسرعه حرام عليكي
يا حماتي هو انا ذنبي اي في عطيه ربنا ليا
وقبل ما نبدا الحكايه اعرفكم بنفسي
انا سهير متجوزه وعندي بنتين وحامل وفي يوم
كنت قاعده ولقيت احمد خارج من الاوضه
ومعاه شنطه هدومه وانا قولت
سهير
برده يا احمد مصمم انك تسافر انا خايفه اولد في اي وقت وعايزاك تكون جنبي
احمد
ما هو يا حبيبتي لازم اروح اجيب ماما من الصعيد برده لازم تكون معانا هنا في ايام السبوع
سهير
والله يا احمد انا خايفه من أن مامتك تيجي جدا بصراحه مامتك مش بتقبلني وبجد مش عارفه هتعمل
اي لما تعرف أن حامل في بنت
احمد
بقول لك ايه اوعي تقولي ليها الكلام ده انا هقولها ان احنا ما عملناش سونار وما نعرفش انتي حامل في ايه
سهير
طيب ما هي كده كده هتعرف ما تقول لها وخلينا نخلص من الموضوع ده قول لها من البلد علشان لو مش عايزه تيجي بلاش تيجي
احمد
تاني هنتكلم في الحوار ده يا سهير انا قلت لك الف مره ان انا اي احتفال لينا لازم تكون ماما معانا
سهير
حاضر يا حبيبي اللي تشوفه انا بس خايفه والله من رد فعلها مش اكثر وبعدها مشي وكانت
أمه في البلد قاعده قدام الفرن بتخبز
الام
ولدي حبيبي اتوحشتك قوي يا ولدي والله
عامل اي
احمد
وانتي كمان يا امي وحشتني اوي عامل اتصل بيكي
مش عايزه تردي عليا ليه لازم تخليني
اجي لحد الصعيد يعني علشان اخدك علي
مصر
الام
ومين قالك ان انا جايه اصلا مصر انا قاعده في بيتي هنا يا ولدي وبعدين مش اخوك
عتمان جايلك كفايه اخو كبيرك واكيد هيكون
معاك يعني
احمد
وهو انتي فاكره ان انا اقدر اعمل اي حاجه من غير وجودك جنبي يا حبيبتي لازم طبعا تيجي معايا مصر
الحما
ومراتك حامل في ايه المره دي كمان اوعي
تقولي بنت
احمد
انا سبتها علي الله يا امي والله يجي زي ما
يجي ولد بنت اللي ربنا عايزو يكون بقي
الحما
وانا عايزه ليك ولد يكون صلبك في الحياه
عجبك اللي انت فيه ده مخلف بنات كده
احمد
بقولك اي مش وقته الكلام ده انتي يلا اجهزي
علشان اخدك معايا لازم تكوني موجوده
في بيتي لاحسن سهير تولد في اي وقت
الحما
انت عارف ان بحبك ومش بحب انك تكون
زعلان مني حاضر هاجي معاك بس خليني
اجهز زياره زينه لاهل مرتك
احمد
والله طول عمري بقول عليكي قلبك ابيض
ومافيش منه ربنا يخليكي ليا يا ست الكل
والله مش عارف اقولك اي وبعدها
كنت في المطبخ ولقيت ماما دخلت عندي
سهير
بسم الله الرحمن الرحيم ايه يا ماما انتي داخله كده ليه مش تريني جرس او تعملي اي حاجه حرام عليك يا اتخطيت
الام
مالك يا حبيبتي ابقي هاتي ليكي طاسه الخضه جوزك راح يجيب لامك برده صح مافيش سمع
للكلام عايزه كل ما تخلفي نقعد انا وحماتك نتخانق مش كده
سهير
بالله عليكي يا ماما انا مش عايزه مشاكل
خالص مع حماتي علشان خاطر احمد هو
كويس معانا وبيحبنا اعملي علشان خاطرو هو
الام
ماشي مش هتكلم علشان خاطر احمد كده كده خالتك وشريف جايين هبقى قاعده مع خالتك
سهير
انت غاويه تعملي مشاكل وتحطي البنزين جنب النار انت عارفه ان احمد ما بيطيقش يا شريف عزمتيه ليه
الام
نعم يا حبيبتي ابن اختي وينور في اي وقت انتي هتهزري ولا ايه
سهير
يا ماما بس هو كان خاطبني قبل كده ارجوكي
انا مش عايزه اي مشاكل خالص عدي اليومين دول علي خير
الام
يا بت فكري في كلامي شريف عايش في فيلا وهيعيشك عيشه ملوكي خدنا ايه من احمد ده قاعد في بيتنا ويا ريته بيدفع ايجار كمان
سهير
انا ما بحبش شريف ده انا ما اتجوزتوش زمان لما كنت معنديش عيال هاجي واتجوزو دلوقتي
انتي بتهزري صح
الام
بقولك اي خليني ساكته انا مش عايزه رغي
كتير لما اروح اقعد اتفرج علي حاجه قدام
التلفزيون
وفي شقه مروه اختي كانت بتتكلم في التلفون
ودخل جوزها وهي بتقول
مروه
انا مش عايزاك تشيل هم حاجه خالص يا شريف اوعدك مش هتكلم عن اي حاجه الا انت بس ما تنساش العقد اللي انت قولتلي عليه وانت جاي
يلا سلام وقفلت واقعد اسامه جنبها وقال
اسامه
ممكن افهم انتي بتكلمي الشريف ده ليه بقى ان شاء الله وبجيبلك هديه عقد ليه
مروه
والله ابن خالتي وكان مسافر وجابلي هديه وهو جاي عندك مانع
اسامه
انا ما بقيش ارتاح ل ابن خالتك ده وبحس ان هو وراه مصايب
مروه
مصايب ايه ده نفسه يتجوز البنت اللي اسمها سهير حتى وهي متجوزه نفسه يطلقها جوزها وهو يتجوزها
اسامه
ايوه وانتي مالك اصلا بالحوار ده ما تخليكي
في حالك يا مروه
مروه
يوووو هو انا كنت عملت حاجه يعني يا شريف
اقصد يا اسامه
اسامه
والله انا حاسس ان طلاقك هيكون قريب قوي بسبب اللي اسمه شريف ده
مروه
والله وريني هتطلقني وتعيش فين هو انت ليك مكان بقولك ايه اتكلم على قدك يا اسامه ده انا اللي بصرف عليك
اسامه
انتي عارفه ومتاكده كويس ان مريض قلب
ومش بمثل بس من بكره هنزل
ادور علي شغل ولازم اشتغل لايمكن اخليكي
تكلمني بالطريقه دي
مروه
اه بالله عليك اصل انا بقى لي كتير قوي نفسي اجرب ان احنا نصرف على البيت من مرتبك مش من مرتبي انا بقولك اي أنا نازله عند ماما
تحت اغير جو لاحسن القاعده هنا
بقت خانقه اوي وبعدها نزلت
وفي الوقت ده انا كنت قاعده أنا وماما
ودخل احمد ومامته وانا قومت وقفت وقولت ليها
سهير
معقوله حماتي جت والله العظيم منوره الدنيا ما تعرفيش انا كنت هزعل ازاي لو ما كنتيش جيتي النهارده
الحما
ما هو انا جيت يا حبيبتي علشان خاطر ابني اصل انا بحب ابني جدا ولا يوم كده يقولي على حاجه نفسه فيها وما عملهاش وهو طبعا كان حابب
وجودي انهارده أصله ماليش غيري ولقيتها بصت لماما وقالت
اي ده انتي قاعده يا ام مروه ازيك
الام
الله يسلمك يا حبيبتي معلش اصل ظهري واجعني شويه مش قادره اقوم ارحب بيكي بعدين انتي مش ضيفه يعني ده انتي صاحبه بيت
الحما
اه يا حبيبتي وانا مش مستنيه ترحباك طبعا
دخلني اوضه الاطفال لأن هقعد فيها وفي الوقت ده خرجت ندي بنتي
ندي
تيته ازيك عامله ايه وحشتيني قوي انا فرحانه ان انتي جيتي عندنا النهارده
الحما
مش اكتر مني يا حبيبتي وتخيلي ان انا ممكن اقعد شهر عندكم كمان ده انا فرحتي للسما
يلا يابني وبعدها دخلت حماتي وماما قالت
الام
ان هي وليه قليله الذوق شوفي بيتعامل البنت ازاي
سهير
الله يخليكي يا ماما عدي موضوع على خير انا مش عايزه اي مشاكل خالص
الام
خلاص يا حبيبتي انا كده كده طالعه شقتي اصلا اصل ما بحبش انام الا بهدومي وانا ناويه ابات معاكي الشهر ده في البيت هنا
سهير
يا ماما هو انتي عايزه اي مشاكل والسلام انتي عايزه تباتي هنا ليه
الام
جرى ايه يا بنت مالك مش عايزه امك تكون موجوده جنبك ولا ايه انا مش طالعه
شقتي خالص الا لما تقومي بالسلامه عايزه
حاجه تاني وبعدها طلعت
وفي شقه خالتي كانت في اوضه شريف
وبعدها دخل وهي وافقه قدام المرايا بتلبس
العقد
الخاله
الله العقد ده جميل قوي تسلم ايدك يا شريف
ربنا يخليك ليا يا احن ابن في الدنيا
شريف
اقلعي يا ماما ده مش ليكي انا هجيب لك اللي احسن منه بس ده لازم يروح لمروه النهارده
الخاله
نعم والبت دي تاخد عقده غالي زي ده لي بقى ان شاء الله يا ابني حرام عليك فلوسك اللي انت عمال ترميها في الارض دي
شريف
يا ماما انت ما تعرفيش انا بحب سهير ازاي ولا يمكن اسيبها تروح من ايدي وهي وعدتني ان هي هتتصرف وتخليها تطلق من جوزها وتجيب
الخاله
يا حبيبي كلنا عارفين البنت اللي اسمها مروه دي بتاعه مصلحتها وعمرها ما هتعمل حاجه لان سهير بتحب جوزها
شريف
يوووو بقي هو انتي يا امي اي مش عايزه تبطلي
كلام في الحوار ده خالص انا عمري ما هنسي
سهير وانا بحبها ومش هقدر ابعت عنها
الخاله
برحتك يا ابني بس عايزه اقولك خليك
كده وفي الاخر هتندم لأن هي عمرها ما هتكون
ليك
وفي شقتي كنت في المطبخ وخرجت
وقولت لماما وحماتي
سهير
يلا يا جماعه الاكل جاهز على السفره انا انا جعانه قوي
الحما بعصبية
وانتي ناويه يا حبيبتي تتغدي وجوزك لسه في الشغل ولا ايه كان على ايامنا ما نقدرش نحط
لقمه في بوقنا طول ما اجوزتنا في الشغل
وماما قامت وقفت وقالت
الام
وانت ايه يا حبيبتي مش شايفه بطنها عامله ازاي ولازم تتغذى عشان تغذي اللي في بطنها ولا ايه هو لما يجي ياكل
سهير
يا حماتي انا كلمته وقال ان هو وراه شغل كتير وقال لي كمان ان انا اغديكم وانا هاكل لقمه بسيطه ولما يجي هنبقى ناكل انا وهو
وبعدها قامو علي الاكل
الحما
ايه العك اللي انت عاملاه ده يا حبيبتي انا ما ليش فيه انا عايزه باميه ويكا ورز
الام
والله يا حبيبتي احنا عندنا ضيوف هنا ما بتقولش هي محتاجه ايه بتاكل وهي ساكته
الحما
هو انا ضيفه في بيت ابني ولا ايه ما تحاسبي على كلامك يا ام مروه
الام
لا يا حبيبتي استني عندك الشقه دي شقه بنتي وارثها عن ابوها الله يرحمه وابنك اللي قاعد معاها فيها
الحما
بمزاجكم يا حبيبتي انا ابني يقدر يشتري عماره بس انتوا اللي عايزينها تفضل جنبكم وفي الوقت ده مسكت بطني وقولت
سهير
بس بقي حرام عليكم انتو اي كل شويه
نكد ومشاكل انا تعبت والله من اللي انتو
بتعملوا ده ارحموني اه بطني مش قادره
تعبانه
الام
يا خبر انتي هتولدي ولا اي
سهير
اه شكلي كده يا ماما بالله عليكي اطلبي
احمد بسرعه مش قادره وبعدها
مسكت التلفون وقالت
الام
تلفونه مقفول مش هنتستي يلا بسرعه
الحما
بسرعه بقي وانا هعقد اكل ولو عرفت
اجي ليكم هبقي اجي يلا الاكل مش
حلو بس الواحد جعان
الام
انتي فظيعه والله معقول في حد كده مش قادره اصدق اللي انتي فيه ده
وبعدها ماما اقعدتني وقالت
خليكي هنا هحضر الشنطه وبعدين اكلم اختك
وفي شقه مروه
مروه
ايه بتولد وجوزها اقفل تليفونه حاضر يا ماما هلبس وانزلك على طول اهو
اسامه
ايه الصويت اختك بتولد لما اخش البس بسرعه علشان اجي معاكم
مروه
رايح فين انا هقولهم ان انت في الشغل مش هتيجي معانا انا عايزاك تفضل هنا
أسامه
يا بنتي الكلام اللي انت بتقوليه ده ما انت لسه بتقولي ان جوز اختك مش معاكوا ولازم هتحتاجوا راجل معاكم
مروه
هو انت يا اسامه معتبر نفسك راجل زي بقيه الرجاله ولا ايه ده انت لو شلت حاجه من هنا لهنا بتنهج ما بتقدرش تصلب طولك اقعد اقعد كده بلا نيله وبعدها نزلت وفي الشارع كان واقف
شريف بالعربيه
شريف
والله يا خالتي اول مروه كلمتني وقالت لي انا سبت اللي في ايدي وجيت جري الف سلامه عليك ربنا يقومك بالسلامه يا سهير
سهير
اللي انت عملتيه ده ده انا يومي مش هيكون
معدي انهارده بسببك الله يسامحك
مروه
وهو انا كنت عملت ايه يعني معناش راجل اسامه مش هنا وجوزك كمان مش هنا وشريف ابن خالتنا
الام
هو انتي لسه فيكي نفس يا بنت اركبي العربيه بسرعه عايزين نروح على المستشفى
وفي البيت روح احمد وكانت أمه قاعده بتاكل
لب
احمد
ازيك يا امي يا حبيبتي عامله ايه
الام
بخير والله يا ضنايا تقعد تاكل لب معايا وتتفرج على الفيلم ده ولا اقوم احضرلك لقمه تاكلها
احمد
لا انا جعان جدا انا يعتبر ما فطرتش من الصبح بس خليكي انتي انا هقول لسهير تحضر لي الاكل ما تتعبيش نفسك انتي يا حبيبتي
الام
مش موجوده ولا امها ولا اختها كمان اصلها الطلق جالها وراحت على المستشفى تولد
احمد
ايه الكلام اللي انت بتقوليه ده يا ماما طب ما حدش اتصل بيا ليه عشان اروحلها على المستشفى بسرعه
الام
امها يا ابني بتقول ان هي اتصل بيك وتليفونك مقفول وبعدين ده شغل حريم مالك انت
بيه ملكش دعوه يا حبيبتي
احمد
تليفوني مقفول ازاي انا تليفوني ما اتقفلش انت ما تعرفيش راحوا مستشفى ايه
الام
لا يا حبيبي ما اعرفش انا كل اللي اعرفه دلوقتي ان مكانوش عايزينك تبقى معاهم وانا عايزه اعرف ليه بقى
احمد
الكلام اللي انتي بتقوليه ده يا ماما انا هتصل بمروه اشوفهم في انهي مستشفى
وبعدها فعلا اتصل وجه
وخرج الدكتور وقال
الدكتور
مبروك جابت بنت زي القمر تقدرو تدخلوا
تشوفها والبنت في الحضانه
مروه
والله يا ماما طب تعالي نشوف احنا البنت خشي يا شريف اطمن على سهير
ودخل شريف وانا كنت نايمه وحسيت
ب حد بيلعب في شعري وشويه وسمعت
صوت احمد بيقول
احمد
هو انت اتجننت انت بتعمل ايه جنب مراتي وانت ايه اللي جابك هنا اصلا