رواية لنا موعد اخر الفصل التاسع والاربعون49 بقلم لولا
فنيره اتصدمت بشده وحست انها هيغمى عليها من فرط الذهول وتابعت بصوت يكاد يطلع بالعافيه: بناته مين يكريم !!! فكلهم باصوا عليها شافوها اتصدموا بشده كانت واقفه والدموع متحجره في عينيها ومصدومه فكريم بصلها بصدمه وتابع: نيره !! فنيره بصتله بدموع واتقدمت راحت وقفت قدامهم وبصت لعلي اللي بصلها بلهفه ودموعه بتنزل وراحت بنظرها لكريم وتابعت بدموع ايه ده؟! ايه الهبل والجنان اللي انا سمعته ده ها؟؟! واتعصبت بدموع وتابعت ماترد علياا انت سااكت لييه فهمني اييه اللي انت بتقولوا دده بنااته ميين وميين ده اصلاا
فكريم غمض عينيه وتنهد بعمق وتابع نيره لو سمحتي امشي دلوقتي وهشرحلك بعدين مش وقته كلام دلوقتي ابوس ايدك فنيره بصتله بذهول من هدوئه واتعصبت وتابعت بدموع اومال ايه اللي وقته يكرريم اييه اللي وقته فهمنيي ..فهمنيي علشان انا والله العظيم تلاته ماهمشي من هناا غير لما افهم الرااجل ده مين وانت بتقوله كدده ليه فمالك تنهد وتابع علي توفيق المحمدي فنيره بصتله بصدمه والدموع متحجره في عينيها فتابع مالك: عرفتي مين ولا لسه محتاجه اشرحلك؟ فكريم غمض عينيه بعصبيه وكور ايديه بغل من تصرفات مالك وسكت فنيره بصت لكريم بذهول وتابعت بدموع لالا ايه الهبل ده ده اكيد بيخرف صح ..كرييم وحطت ايديها على وشه وتابعت بدموع ولهفه كريم بصلي وقولي انه بيخرف ابوس ايدك وفتحت عينيها بصدمه وتابعت وهي بتهز راسها بالنفي ورافضه تصدق:لالالا اكيد في 100 حاجه ممكن تكون الحقيقه الا انها دي ابوس ايدك رد عليا انا مش هصدق غيرك والله ماهصدق غيرك بس اتكلم يكريم اكيد ده مش ابويا لا مستحيل فعلي بصلها بحزن فكريم فتح عينيه وبصلها بوجع وبقى يمسح دموعها وتابع صدقيني انا عملت كل ده علشانك انتي واختك ولو بايدي كنت اختار انكم تفضلوا متعرفوش الحقيقه انما مش قصدي اصدمك ولا اجرحك
فنيره بصتله بذهول وتابعت علشاني انا واختي !! وبصت لابوها ورجعت بصت لكريم وتابعت بقهر تحرموني من ابويا وتفهموني انه مات من سنين وتقولي علشانك !! وحطت ايديها على بوقها من فرط الذهول وفضلت تعيط وتابعت علشاني ايه وزفت ايه حرام عليكم ليه الغل ده منكم لله مش مسمحاكم مش مسمحاكم
فكريم اتعصب وتابع انتي متعرفيش هو عمل ايه فتخرسي خالص انا طلع عين اهلي علشان امنلك مستقبلك انتي وحبيبه بعيد عنه فمش بعد كل ده تدعي علينا احنا علشانه فنيره بصتله بذهول واتعصبت بدموع وتابعت اياا كان عمل اييه ميستحقش تفهموناا انه ماات ده لو قتل قتيل قولولنا بعدناكم عنه بسبب وحاشته انما ميستحقش عياله يترحموا عليه وهو عاايش انت بتقول اييه بجد !! بتهرري في اييه !! انت مستوعب الجريمه اللي عملتوهاا في حقناا !! انتوا حرمتوني انا وحبيبه من ابونا وفهمتونا انه مات وجاي تقولي علشانكم وتعبت وكبرتك واتعصبت اكتر وتابعت يااخي كنت سيبني لاهلي يكبروني ويعلموني ويشقوا علياا بدل مانت في الراايحه والجايه بتعيش عليناا دور الضحيه وتعبت وكبرت تعبت وكبررت انت اييه بجد خلااص مبقاش في قلببك رحمهه !! ده انت كنت هتخليه يوطي يبوس على رجلك والاكيد بسببنا مش بسبب مالك زي مافهمتني ده انت ذليته وقهرته ومعملتش حساب انه ابويا ومينفعش تقل منه بالشكل ده مهما حصل وجاي وبكل بساطه ابوكم مات يبنات ومعيشنا في كدبه العمر دده كله ويااما احتاجته يكون جنبي ومكنتش بلاقيه خلتني شحت الاهتمام ومحبه الاب منك ومن ابوك عمري كله وانا ابويا عاايش وجاي تقولي قال ايه علشانكم !! هو انت مش فاهمني بجد ولا علشان قومت وقفت على رجلك بعد موت ابوك فااكر ان اليتم هين ؟!!
فكريم اتصدم بكلامها جدا وضربها بالقلم بقوه فمالك وعلي اتصدموا فتابع مالك بعصبيه انت اتجننت ازاي تمد ايدك عليها واناا....فكريم قاطعه بعصبيه وتابع هششش محدش يتدخل علشاان اقسم بربي همسح الارض بكرامه اللي هيتدخل وبص لنيره اللي حطت ايديها علي وشها وبتعيط وتابع بوجع انا ينيره !! واتعصب وتابع انا بتقوليلي الكلام ده يا بنت الكلب يحيواانه !! هو انا علشاان وقفت على رجلي وسندتكم كلكم وخبيت وجعي جواياا تجرحيني بالشكلل دده !! طب اشحال انك انتي اكتر حد عاارف مشاعري وبظهرله ضعفي واللي بحس بيه عكس الدنيا كلهاا اللي شيفاني جبل مبتهزش فتيجي بعد العمر ده كله تقولي لكريم كده !! والدموع اتجمعت في عينيه وتابع هو كريم قاسي للدرجه دي علشان يحرمك من ابوكي وييتيمك ؟! ده انا كنت ليكي الاب اللي بترمي نفسك في حضنه مع اني بضعف وبحتاج ابويا عادي وبحس الشيله تقيله عادي وضهري بيتقطم من الشغل ومشاكلكم عادي وكل ليله اقول ياريته هناا بس ارجع استغفر ربنا وادعيله بالرحمه فالجانب ده مني محدش غيرك بيشوفه فتقومي بعد كل اللي مريت بيه ده وانتي شاهده عليه تقوليلي انت فاكر اليتم هين !! لا ينيره متقلقيش انا عارف ان اليتم مش هين ومش نااسي بس انتي اللي نسيتي اللي دينك قالهولك ﴿فَأَمَّا الْيَتِيمَ فَلَا تَقْهَرْ﴾ وقهرتيني ودوستي علياا من غيرر ماتسمعي مع انك لو سمعتي هتشكريني علي اللي عملته لان ده مكنش منظرر اب اصلاا فنيره بصتله وعيطت وتابعت اياا كان عمل ايه فاكيد ميستحقش تحرمني منه يكريم وبصت لعلي ورجعت بصت لكريم وتابعت بعياط وقهر انا حتي مش قادره اصدق انه ابويا لغايه دلوقتي ومش قادره افهم ازاي هنطق الكلمه دي وانا عشت عمري كله محرومه منها ..انت لو حطيت نفسك مكاني مره واحده بس هتفهم انا مقهوره كده ليه
فكريم بصلها بوجع وكلامها لسه مأثر فيه وتابع انا مش ههري معاكي كتير وهكمل كلامي بعد الفرح علشان ده مش وقته نرغي بس كل اللي هقولهولك ان ابوكي ده اوسخ بني ادم هتعرفيه في حياتك ونكر انك بنته اصلا ورماكي انتي وامك واختك من عشرين سنه فبدل ماتيجي تلوميني اني راعيتك وشيلتك في عيني العمر ده كله وبعدتك عنه روحي لوميه هو انه ليه فرط فيكم من الاساس اصلاا ورماها ناحيه علي وهي بصاله مصدومه وبتعيط فعلي سندها بخوف قبل ماتقع فبصت لعلي بذهول بعدين بصت لكريم وتابعت انت بتقول ايه انت بتهزر صح !!
فكريم ابتسم بسخريه وتابع اعرفي بقي السبب اللي هتموتي وتعرفيه لاننا مش مجرمين علشان نبعدك عن ابوكي واهلك هما اللي مكانوش عايزينك اصلا يانيره بس تمام تشكري على كل كلمه قولتيها في حقي ومن انهارده يابنت الناس انا ماليش علاقه بيكي تاني وابوكي عايش وابن عمك معاكي وانا هخرج برا الصوره خالص وهبعد والمره دي مش باجي عليكي علشان عارف انك مالكيش غيري زي ماكنتي بتقولي اهلك معاكي اهم.. وسابها ومشي وهي بتعيط بانهيار فتابعت كريم ورايحه تمشي وراه فعلي مسك دراعها وتابع بدموع ووجع مش سمعتي منه واجب بردو تسمعيني قبل ماتظلميني يانيره فنيره بصتله بضيق ودموع وتابعت اسمع اييه وزفت اييه كريم اكيد مش هيفتري عليك اما انت اصلا نكرت اننا عيالك جاي بعد العمر ده كله ليه هاا فعلي بصلها بوجع وتابع بدموع صدقيني يابنتي كان غصب عني فنيره بصتله بقهر وتابعت بدموع بنتك !! طب اصدق الكلمه دي ازاي وانا عمري ماحسيتها وبصتله بذهول وقهر وتابعت ده اكيد فيلم او مسلسل وهيخلص انما ازاي دي حياتي وده الواقع ازاي هونا عليك العمر ده كله ازاي تتخلي عننا وتسيب الغريب يربي دمك ولحمك ازاي وعيطت بانهيار وقهر فمالك مسك ايديها وتنهد وتابع عمي امشي انت دلوقتي ارجوك علشان وجودك هيعمل شوشره وفرح هناء شغال ميصحش ولما نروح البيت لينا كلام تاني فعلي كان مقهور من عياط نيره وكلامها بس مقدرش يرد عليها هي عندها حق فكل كلمه فسابها ومشي ودموعه على خده فمالك حط ايديه الاتنين على خدود نيره وتابع بحنان ممكن تهدي؟ وبقي يمسح دموعها فنيره عيطت بانهيار وتابعت اهدى ايه يمالك!! يمالك انت مش سامع اللي بيتقاال انا مش قادره استوعب وعيطت بشهقات وتابعت مش قادره استوعب يعني ايه ابويا عايش ويعني ايه مكنش معترف بياا ويعني ايه كريم قالي انه مش هيدخل في حياتي انا مقهوره من كل حاجه بتحصلي هو اصلا ازاي كل ده يحصل ازاي انا هتجنن فمالك حضنها وفضل يطبطب عليها فعيطها زاد بهستريه فباس راسها بعمق وهمس هشش اهدي اهدي كابوس وهنخلص منه والله وعمي هيفهمك موقفه وليه حصل كل ده وليكم الحق تسامحوا او تقرروا يعيش بعيد عنكم وكريم هيتراضى انتي اكتر حد عارف هو بيموت فيكي ازاي وانا جنبك ومعاكي ومش هسيبك لحد ماتعدي كل ده انتي دمي ولحمي يعبيطه فنيره ابتسمت من بين دموعها وتابعت اهو انا مفيش حاجه مفرحاني وصدماني قد ان انت طلعت ابن عمي بس طبيعي الصراحه اصل الحلاوه دي متخرجش برا چينات عيلتنا لا فمالك فضل يضحك بشده وهو حاضنها وتابع نورعين ابن عمك والله ورفع ايديها باسها بعمق وتابع انا اخوكم وفي ضهركم العمر كله وعارف مش هعوض 1% من كريم بس انا مش داخل حياتكم انافسه انا عايز ابقى جنبكم واطمن عليكم وبس فنيره بصتله بحب ودموع وتابعت صعب اسامح بابا يمالك صعب اوي
فمالك ابتسم بوجع وتابع يمكن لما تعرفي الحكايه كامله تسامحيه وتنهد وتابع وحقك عليا اني معرفتش امنع كريم يمد ايديه عليكي صدقيني مكنتش اعرف انه هيعمل كده فنيره ابتسمت بوجع وتابعت لا اياك حتى لو عارف تمنع كريم ..كريم اكتر واحد عصبي فينا وعصبيته وحشه بس صدقني مبتخرجش من غير سبب وانا استاهل وجعته ودوست على حته قهرته مش ده جزاته بعد العمر ده كله فمالك تنهد وتابع انتي غلطانه ينيره بصراحه فنيره دموعها نزلت وهي بتهز راسها بلايجاب وتابعت اممم مانا عارفه ولقيوا سلمى جايه عليهم فبعدوا عن بعض بسرعه فسلمى بصت لمالك بغيره فاتوتر من نظرتها بعدين وجهت نظرها لنيره فنيره اتوترت وتابعت عن اذنكم انا داخله لهناء ومسكت الاكستنشن بتاع فستانها ومشيت فسلمى بصت لمالك برفعه حاجب فمالك اتوتر وتابع ايه يحبيبي؟ فسلمى اتعصبت وتابعت انت ايه اللي كنت بتعملوا دده هاا
فمالك تنهد وتابع سلمى دي بنت عمي وزي اختي وانتي عارفه فيها ايه هو لو كريم حضنك انا هتكلم؟؟ فسلمى اتعصبت وتابعت بس هي مش عارفه انك ابن عمهاا بقولك ايه يمالك انا عديتها ساعه لما نامت على كتفك لان نيره غاليه عليا واختي ومتربين سوا انما اجي الاقيها في حضنك لا والف لا انا مينفعنيش الكلام ده فمالك كان متافجئ بيها فضحك وتابع الله هي السندريلا بتغير ولا ايه وغمزلها وهو بيقرب عليها فسلمى اتوترت وبقيت ترجع لورا وتابعت لا مش حكايه غيره دي حكايه مبدا وانت متربتش وعادي عندك التلامس وانا محبش جوزي يبقى كده وضهرها خبط في الحيط فمالك حاوطها بدرعاته وبصلها بحب وابتسم وتابع عشت وشوفت سلمى اللي بتتكسف تبصلي وتبص للارض بقى ليها لسان وبتردحلي وتقولي لا والف لا وقال ايه مش بتغير فسلمى اتوترت وبصت لعينيه بحب وتابعت ااه يمالك بغير ممكن بقى تحترم غيرتي شويه؟ فمالك ابتسم بحب وتابع نن عيون مالك من جوه والله العظيم ورايح يبوسها فسلمى زقته وبعدت عنه وتابعت بضحك جراا ايه ياللي ماشوفت رباايه انت هو انا علشان بصيت في خلقتك واتكلمت خلااص فاكرها ليله دخلتك فمالك فضل يضحك وتابع مقدرتش بصراحه يالوما ضعفت لما بصيتيلي بالقناصه بتوعك دول فسلمى فضلت تضحك وتابعت خلاص كلم علي وقوله بقى انا مالي بمشاكلك دي ورايحه تمشي فمسك دراعها وتابع بضحك استني بس رايحه في ايه وجيتي في ايه فسلمى ابتسمت وتابعت جيت اشوفك فينك واحشتني وعماله ابص عليك مش لقياك فمالك غمض عينيه بتأثر وتابع امشي من قدامي يسلمى وارجعي اتخرسي تاني علشان انا مش متعود على لسانك المعسول ده فمش قادر
فسلمى فضلت تضحك ورايحه تمشي فتابع مالك واه صحيح نيره عرفت انها بنت عمي يا ام لسان طويل فعلشان كده كانت حضناني فسلمى اتصدمت وتابعت نعم عرفت ازاي فتنهد مالك وتابع هقولك
وعند نيره كانت قاعده مكانها جنب كريم والعيله كلها ملاحظه انهم مش بيتكلموا حتى علي بس متدخلش لانه هو كمان مبيكلمش كريم فتابعت حبيبه بهمس انت واخد بالك ان وشهم مقلوب ولا انا بس فعلي هز راسه وتابع بهمس اممم ده العيله كلها واخده بالها مش انتي بس وولع سجاره يشربها ونفخ دخانها فحبيبه هوت بايديه وتابعت بكحه: علي يحبيبي قولتلك صدري تاعبني اليومين دول
فعلي تذكر وتابع بلهفه اه اه نسيت حقك عليا وقام يشربها برا وخبط لحسن على كتفه وتابع عايزك ثواني فحسن انتبه وتابع ايه يحبيبي معاك فعلي شاورله يطلع معاه فحسن قام وخرجوا برا فحبيبه بصت لنيره وتابعت بتنهيده هو في حاجه احنا مش عارفينها؟ فنيره تنهدت بقهر وهزت راسها بـ لا من غير ولا كلمه فحبيبه ابتسمت وتابعت ااه كده اتاكدت ان في فعلا
وعند حسن وعلي كانوا واقفين بيتكلموا وعلي بيشرب السجاره فتابع حسن بابتسامه طب وايه المشكله انت عاملي كل المقدمات دي علشان 35 الف !!مالك يعلي في ايه مافلوسي فلوسك يعبيط فعلي تنهد بحرج وتابع حقك عليا والله ياحسن وانا هاخدك معايا ونشوف لو الدهب مغليش اوي وفضلت زي ماهي ب32 هجيبها وخد الـ3
فحسن ابتسم وتابع طب بطل ام العبط ده ها احنا واحد واخوات ومفيش بينا الكلام ده اصلا انا هروح اسحبهوملك دلوقتي ومش عايز حاجه اصلا فعلي تنهد وتابع لا يحسن علشان نكون واضحين من اولها انا قولتلك هرجعهم انت عايز تتجدعن يبقي بلاها خالص وده كلام رجاله انا مبهزرش فحسن بصله بلهفه وتابع لالا خلاص ياعم رجعهم براحتك مانا عارفك دماغك جزمه قديمه ومبتغيرش رايك بس ورحمه ابوك مش دلوقتي خالص يعني لما تخلص كليتك على خير لان انت كده كده مش هتشتغل السنتين دول
فعلي ابتسم وتابع سيبها على ربك انا الحمدلله جوزت اسيا وسلمى جهازها كامل جبناه من شقه حازم انما الكتكوته بتاعتك دي علينا وعليك بخير لما يجي دورها فحسن بصله بصدمه وتابع علي متهزرش انا هموت واتجوز فعلي فضل يضحك وتابع منين يغالي منين ما اديك شايف البير وغطاه ده انا اتقطم ضهري في جهاز لوما
فحسن بصله بذهول وتابع لا اخري معاك هستنى تتخرج انما اكتر من سنتين لاا هموت قسما بالله فعلي فضل يضحك وتابع احترم نفسك يا ابن الكلب يحيوان ومتنساش انها اختي فحسن فضل يضحك وتابع ياخي ده انت بتحب والمفروض حاسس بيا اتقي الله فعلي تنهد بعمق وتابع متفكرنيش كل ما افتكر ان فرحي انا وحبيبه كان بعد 5 شهور واتاجل اتقهر والله انا مش مستنى يوم تخرجي قد ما مستنى فرحي على حبيبه فحسن ضحك وتابع اهو شوفت بقى انها بتوجع مابالك انا عايز اكتر من سنين فعلي ضحك وتابع يحبيبي البت صغيره وانا مفلس ارحم ام اللي جابوني ده انا مستلف منك اهوو فحسن ابتسم وتابع بطل هبل بلا مستلف دي فلوسك يعبيط هو انا ليا حد غيرك فعلي ابتسم وحضنه وطبطب على ضهره وتابع بحب طمرت فيك العشره يا ابو علي والله
فحسن ضحك وتابع اه باماره ماهتجوز مالك ابن الكلب ده تسيب ابو علي يولع فعلي بصله وفضل يضحك وتابع مش هو جهاز لوما اللي جاهز اعمل ايه طيب فهجوز لوما.. وشاف سلمى بتضحك مع مالك بعيد نسبيا فتابع او هقتل لوما ايهما اقرب فحسن فضل يضحك وتابع ايه عملت ايه؟ فعلي راح ناحيتها فشافته ضحكتها اختفت وخافت فتابع بعصبيه انتي ايه اللي موقف اهلك معاه هو انا مش مانع الخرا اللي بتعملوه دده فسلمى اتوترت وتابعت ده ده انا صدقني طلعت اشم هوا لقيته واقف فـ فـ.. فمالك بصلها وتابع بضحك فـ ايه بس هو انتي شوفتيه هتهتهي قوليله يجوزنا ويلمنا بدل ما نعمله فعل فاضح في الطريق العام فعلي بصله بدهشه وتابع بضحك تعمل ايه ياروح امك وراح يمسكه فمالك جري بعيد عنه وتابع بضحك لا وربنا ماهضرب المره دي لاا قدام المزه لاا بيني وبينك عادي مش اول مره
فكلهم فضلوا يضحكوا بشده فتابع علي بضحك ده انا هدفنها حيه المزه دلوقتي بعدين هندخل على اهلك تعالى بس بتجري ليه مش شاطر وبتعرف تعمل افعال فاضحه؟ تعالى انا بقى اوريك الجرايم الفاضحه فمالك فضل يضحك وتابع لالا هيضر بسمعتك كظابط شرطه ده على فكره انا عامل عليك وربنا علشان انت خال العيال فكلهم فضلوا يضحكوا فتابع علي بضحك اسسكت مش انا قررت مبقاش خالهم خلاص فمالك بصله وتابع اقسم بالله اصورلك قتيل هنا احنا هنهزر ولا ايه فعلي فضل يضحك وتابع تعالي بس كل ما اقربلك تبعد انا مش قادر وربنا فمالك فضل يضحك وتابع وربنا ماهاجي غير لما تحلف بغلاوه حبيبه انك مش هتكلمني فكلهم فضلوا يضحكوا فتابع علي بضحك ام حبيبه اللي جيباني الارض دي طب وغلاوه حبيبه مش هكلمك تعالى يلا فمالك راح وقف قدامه فعلي مسك لياقه قميصه فتابع بخضه لالا انت حلفت وربنا لقولها فكلهم فضلوا يضحكوا بشده فتابع علي بضحك مش هكلمك يحيوان بس انا مش قايل لاهلك تبطل الحركات دي لحد ماالبت تبقى حلالك؟ فمالك ضحك وتابع خلاص جوزنا ولمنا بقى انا اهلي جايين بعد يومين فعلي ابتسم وتابع نخلص بس ليله هناء ونشوف الموضوع ده قول يارب فسلمى ابتسمت بفرح
وبعد شويه فرح هناء خلص وكله سلم عليها الا كريم ونيره وامها فامها حصنتها برا قدام باب القاعه وعيطت وهناء عيطت على عياطها فكريم راح طبطب على ضهر امه وهمس بالله عليكي كفايه وماتنكدي عليها اكتر من كده فابتسام عيطت وتابعت هتواحشني اختك يكريم مش متعوده تبعد عني يابويا
فكريم حضن امه وباس راسها بعمق ومنع دموعه وتابع حقك على راسي كده كده هتنزل على امتحانتها وهتقعد معانا كام يوم فوسام ابتسم وتابع اه واهي الامتحانات هانت اهي اهدي ياست الكل حقك على عيني والله فابتسام بصتلهم بحب ودموع وتابعت ربنا يسعدكم يحبيبي فهناء طبطبت عليها وباست جبينها وتابعت بدموع كفايه عياط علشان خاطري فابتسام هزت راسها بماشي وهي بتمنع دموعها وحضنتها وباست خدها وتابعت وهي بتجاهد متعيطش يارب يسعد قلبك ينورعين امك يارب فهناء ابتسمت وطبطبت عليها وجات نيره والدموع متحجره في عينيها وحضنتها جامد كان نفسها تقولها خليكي انا محتجالك جنبي بس عارفه انها لازم تمشي فاكتفت بانها تحضنها من غير ولا كلمه فهناء طبطبت عليها وحست بوجعها اللي في عينيها وتابعت بهمس نيره انتي بخير؟ فنيره هزت راسها بـ اه وابتسمت بدموع وتابعت يارب يسعدك يعمري ويجعل ايامك كلها فرح يارب
فهناء ابتسمت بحب وبصت لـ لميا اللي بتعيط وعلي بيحاول يسكتها فتابعت بدموع بالله عليكي ماعايزه امشي وحد بيعيط ابوس ايدك فلميا عيطت وخبت وشها في حضن علي فعلي فضل يطبطب عليها وتابع بضحك شوف بنت الكلب بردو بقالي ساعه بهري معاها
فهناء مسكت الاكستشن واتحركت وراحت عندها وتابعت بدموع تعالي فلميا حضنتها وهي بتعيط بقهر وتابعت مش هقدر مشوفكيش كل ده والله ماهقدر فهناء باست راسها بعمق وبقيت تمسح دموعها وتابعت مش هتاخر اعتبري شهر عسل وهاجي والله على الامتحانات وهقعد معاكم وانام معاكي في الاوضه كمان اتفقنا؟ فلميا بصتلها بحب ودموع وتابعت وهي بتمنع عياطها يزيد:اتفقنا وادهم كان واقف باصص عليها وموجوع من عياطها اوي فقاطع سرحانه وسام: ادهم روح وصل امي ولينا البيت وزي ما اتفقت معاك الاسبوع الجاي تجيبهم المطار علشان هيجولنا نكمل علاج امي فادهم هز راسه بماشي فام وسام حضنته وتابعت بحب مليون مبروك يقلب امك فوسام ابتسم وتابع الله يبارك فيكي ياست الكل
هناء بصت لكريم اللي واقف عينيه حمرا وحاسس ان الدنيا كلها اتفقت تيجي عليه في نفس اليوم وابتسمت وتابعت هات بوسه تعالى فوسام ضحك وتابع بس كده عيوني ورايح عليها فكلهم فضلوا يضحكوا فكريم مسكه من جاكته وتابع رايح فين انت جرا لمخك حاجه ولا ايه
وسام بضحك ايه يكريم مالك في ايه مراتي هتكون بتطلب بوسه من مين غيري يعني بديهي اني انا فكلهم فضلوا يضحكوا
كريم كتم غيرته وتابع طب انا مش عايز اديك علقه ارقدك تخلي شكلك وحش قدامها ها فركن كده على جنب علشان مزعلكش وزقه بخفه وراح ناحيه هناء اللي فضلت تضحك بشده وحضنته جامد وباست خده وتابعت حبيب قلب نوئه ده يناس
وسام بصلها بتمثيل وتابع طب وانا؟ فكلهم فضلوا يضحكوا بشده فكريم بصله وتابع مش عايز انكد عليك هاا ارجع اعملي حساب احسنلك فوسام فضل يضحك وتابع اوامرك يكبير
كريم باس راسها وايديها بعمق وتابع ربنا يسعد قلبك ويفرحك دايما ياحته من قلبي ومتبعديش نفسك عني يهناء هكلمك كل يوم فيديو كول ردي عليا اطمن عليكي
هناء دموعها نزلت وتابعت ده هناء اللي هتموت في بعدك والله فوسام بصلها بسخريه وتابع ليه جهاز اكسجين؟ فكلهم فضلوا يضحكوا بشده
كريم انت من اولها بتحط نقرك من نقري انت قدي يوسام؟ فوسام فضل يضحك وتابع لالا ده تخريف من الفرحه بس مش قادره اصدق انها بقيت مراتي وهاخدها واسافر خلاص
علي غمزله وتابع محظوظ ياباا مش انا اللي لبست سنتين كليه زي اللي ابوه خلف ولد على كبر فلبس في الجيش فكلهم فضلوا يضحكوا بشده فحبيبه فضلت تضحك وتابع بتحسدهم عيني عينك كده يابني عيب
فعلي فضل يضحك وتابع ده انا هحسدهم وهحسد امه لا اله الا الله ودوري هيكون لسه مجاش دول سنتين يحبيبه سنتين انتي مستوعبه فكلهم فضلوا يضحكوا
حبيبه بضيق بحاول مستوعبش ابو الظباط على كليتهم
إيلين بضحك مش فكرتك يقلبي البسي بقى فحبيبه تنهدت وتابعت لبست فعلا
سلمى فضلت تضحك وتابعت مانا قولتك بقى هيكون معايا علي او داليدا ويادوبك نبدا نجهز لفرحك فكلهم فضلوا يضحكوا فعلي اتفاجئ وتابع بضحك نن عين علي انا عارف متطلعش الا منك دي فسلمى حضنته وتابعت بضحك وانا هلاقي اجمل من اسمك فين مثلا يعيوني
مالك برفعه حاجب لالا مين قالك هسمي ابني علي اصلا !! ده طلع عين اهلي
علي برفعه حاجب لا هو مين قال لاهلك انك انت ابوه اصلا ؟؟ فمالك فضل يضحك وتابع لالا والنبي خلاص انا اسف ماله علي ده حتى اسم جميل ورايق طب اسال سلمى كده انا قولتلها اول بيبي لينا لو ولد مينفعش يتسمى غير علي ده هو اللي مرمط ابوه قصدي اللي فرح ابوه واداه لوما
فكلهم فضلوا يضحكوا بشده فتابع علي بضحك ايوه اتعدل كده علشان ارضى عنك فحبيبه بصت لسلمى بضيق وتابعت اصلا علي واحد بس يحبيبتي سمي ابنك عباس ولا مختار مالكيش دعوه باسم حبيبي يابت
سلمى بضحك ده عند امك عباس ومختار دول هو علي زي اسم حبيبي انا الاولاني
علي فضل يضحك وحضنها وتابع نن عين علي والله فحبيبه ضربته في كتفه وتابعت اشبع بيها جتك داهيه فيك وفيهاا
اسيا بصتلهم وتابعت بضحك طب ممكن تهدوا شويه انا من صباحيه ربنا مش عارفه اتلم عليكم مع بعض عايزه اقولكم حاجه قبل ما هناء تمشي فكلهم انتباهولها وسكتوا
فاسيا ضحكت واتوترت وتابعت ايه ده في ايه !! ايه الهدوء الغريب ده !!
فارس كان شايل تولين اللي نايمه وراسها على كتفه وفضل يضحك وتابع مركزين معاكي يابنتي قولي يلا
اسيا بصتله بتوتر وتابعت بضحك قول انت وهمست انا مكسوفه وخبت وشها في حضن فارس ففضل يضحك بشده
علي بصلها بشك وتابع اسيا
اسيا بصتله بحرج وتابعت نعم؟
علي رفع حاجبه وتابع بضحك الكسوف ده مش غريب عليا ها
اسيا فضلت تضحك ووشها احمر وتابعت هو اه بصراحه انا مكسوفه منك انت بالذات والله وخبت وشها في حضن فارس تاني ففارس فضل يضحك بشده
وعلي اتفاجئ بشده وتابع بذهول وهو بيمط في الكلمه يابـــنـــت الكــــلــب .. وفضل يضحك وتابع انتي حاامل صح ؟؟
اسيا بصتله بحرج ودموعها نزلت بفرح وهزت راسها بـ اه فكلهم اتفاجئوا وفضلوا يزغرطوا بفرح وعلي حضن اسيا جامد وفضل يضحك وتابع بضحك وفرح: اقسم بالله حسيت طريقتها وكسوفها مني دول انا عارفهم
ففارس فضل يضحك وتابع عبيطه متفهمش مكسوفه من ايه فعلي بصله وتابع بضحك لا ده حقها تتكسف ده انا ههين اهلك دلوقتي علشان غيران على اختي فكلهم فضلوا يضحكوا
وسام بضحك عملها فارس ابن المحظوظه فهناء شهقت بحرج وزغدته بايديها فكلهم فضلوا يضحكوا بشده
علي بضحك امشي يوسام من وشي وخد مراتك واتكلوا على الله يلا علشان حالتك بقيت صعبه على الاخر
وسام فضل يضحك وتابع وحياتك وهتفضل صعبه ده السفر لوحده هياخد يوم فعلي فضل يضحك وتابع قلبي عندك يغالي والله وبص لاسيا اللي بتعيط ومسح دموعها وباس راسها بعمق والدموع اتجمعت في عينيه وتابع مليون مبرووك ياست البنات كلهم فرحتي قلبي والله يااسيا
اسيا ابتسمت بفرح من بين دموعها وتابعت الله يبارك فيك يحبيبي وعيون اسيا فامها راحت زغرطت وحضنتها وتابعت بدموع فرح مليوون مبروك يقلب امك من جوه فاسيا حضنتها اكتر وتابعت بحب الله يبارك فيكي ياست الكل فاسراء راحت حضنتها وتابعت بدموع فرح يالف مبرووك ينورعين اختك من جوه فاسيا ابتسمت وتابعت الله يبارك فيكي يا اجمل خالتو فسلمى عيطت بفرح وتابعت اللهم بارك بجد يارب يحفظكم ويقومك بخير ينورعيني وحضنتها فاسيا حضنتها وباست خدها وتابعت عقبالك يعمري
سلمى ابتسمت بدموع وتابعت اللهم امين فهناء بصتلها بحب وتابعت بفرح مليون مبرووك ياروح قلبي لو ولد محجوز لبنتي من دلوقتي انا بعرفك اهو
اسيا فضلت تضحك وتابعت يارب ياستي يسمع منك ربنا يبقى ولد وموافقين يسلام
وسام بضحك انا مش موافق
فكلهم فضلوا يضحكوا فتابع فارس بضحك الله انت عايز تكسر قلب ابني علشان انا قطعت عليك قبل كده ونكدت عليكم يعني؟
وسام فضل يضحك وتابع شوف سواد القلب بقى تتردلك في ابنك علشان انا مش ناسيهالك فكلهم فضلوا يضحكوا فتابع فارس بضحك هناخدها يحبيبي بردو انسى الكلام ده ابن فارس الانصاري ميترفضش
وسام ابتسم وتابع طبعا ياعم هو احنا نطول ففارس فضل يضحك وتابع حبيبي والله
وعلي راح حضن فارس وتابع بحب مليون مبروك يحبيبي عقبال ماتشيله بين ايديك
فارس بابتسامه تسلم يغالي عقبال عيالك يارب وكلهم باركوا لاسيا وفارس وكانوا فرحانين بيهم جدا وهناء ركبت مع وسام ومشيوا في اتجاه المطار فحبيبه بصت لكريم وتابعت بابتسامه انا خارجه مع علي مش هروح دلوقتي فكريم تنهد وتابع لا يلا تعالي ضروري علشان مش هنتكلم 100 مره في حاجه لازم تعرفيها فحبيبه استغربت وتابعت بقلق ايه في ايه؟ فكريم تنهد وتابع هقولك لما نروح يلا فهاله بصتله بقلق وتابعت تقولها ايه يكريم؟ فكريم ابتسم بوجع وتابع هقولها الحقيقه يخالتي نيره عرفت خلاص وانا معتش قادر اشيل كل حاجه فوق راسي فكلهم استغربوا الكلام وهاله اتصدمت ونيره بصتلها بعتاب ولوم ومشيت من قدامهم فتابعت حبيبه بقلق هو في ايه يعلي انت تعرف حاجه؟ فعلي شك انه علشان مالك فتنهد وتابع بقلق غالبا فهمت تعالي بس يلا ومسك ايديها ومشيوا والباقي اتفرقوا في كذا عربيه ومشيوا زيهم
-
بعد شويه في بيت هاله كان الكل موجود معادا رانيا واسراء راحوا بيتهم واسيا كمان مشيت فبصت حبيبه لكريم وتابعت بقلق في ايه يكريم ابوس ايدك قول انا اعصابي تعبت
فكريم كان قاعد وحاطط راسه مابين ايديه فبصلها وتابع بوجع والدموع متحجره في عينيه :انا هقولك علشان اخلص من الشيله اللي شايلها على قلبي العمر ده كله وانتي حقك تختاري كريم يفضل كل اهلك ولا تروحي لاهلك الحقيقين فحبيبه اتصدمت وتابعت اهلي الحقيقين !! مين اهلي الحقيقين !!
فكريم تنهد وتابع مالك يبقى ابن عمك
حبيبه اتصدمت وبصت لمالك اللي باصصلها بحزن فتابع كريم بوجع مالك بدر توفيق المحمدي ابن عمك بدر الله يرحمه ووجوده هنا من البدايه كان علشان يطمن عليكي ويطمن اهلك وعلى راسهم ابوكي فكلهم اتصدموا بشده حتى علي
فحبيبه اتصدمت بشده وتابعت بدموع وقهر : ميين !! على راسهم ميين !! فكريم رايح يتكلم فدخل علي وهو موجوع وعينيه مليانه دموع فابتسم كريم وتابع اهو شرف ابو البنات فحبيبه حست انها هيغمى عليها من فرط الصدمه فبصت لعلي وتابعت بهستريه ابو بناات مين هو كريم بيقول اييه يعلي بيقول اييه
علي فضل يطبطب عليها وتابع بخوف اهدي اهدي وبص لكريم وتابع بحده انت بتخرف بتقول اييه انت قايلي ان مالك ابن عمها بس مقولتليش ان ابوها عايش هي دي حاجه تستخبى انت اتجننت يكرييم !!فحبيبه بصت لعلي بذهول وتابعت بدموع انت كنت عارف !!عارف ومتقوليش !! فعلي اتعصب وتابع يحبيبه قالي ان اهلك وحشين وهو كده بيحافظ عليكي انما ورحمه ابويا ما ااعرف ان ابوكي عايش اصلا فكلامك مع كريم
حبيبه رايحه تتكلم فتابعت هاله بحده ودموع لا كلامك مش مع كريم .. كلامك مع امك اللي قالت لكريم العمر ده كله يخبي عليكم الحقيقه دي وبصت لنيره وتابعت بدموع مش هتموتي وتعرفي الحقيقه يادكتوره؟ هقولهالك بس ياريت بعدها تبوسي راس الراجل اللي تعب وشقي عليكي انتي واختك وخبى الحقيقه دي العمر ده كله فنيره اتعصبت ورايحه تتكلم فتابعت هاله بعصبيه هشش مسمعش صوتك وبصت لجوزها بقهر وتابعت هعرفهم يعلي والقرار هيبقي بايديهم هما خلاص ..انت اللي فضلت تخرب لحد ماعرفوا متزعلش من اللي جاي بقي فعلي بص للارض بحزن وكل اللي قاعدين كانوا مصدومين فتنهدت هاله وبدات تحكي
فلااش بااك
من عشرين سنه كانت هاله 22 سنه وعلي 25 وكان بيرتب علب فيها انواع من المخدرات فوق بعض في اوضه في الدار بتاعه هو واهله في الصعيد كانوا واخدين بيت كبير اشبه بفيلا او قصر قاعد فيه العيله كلها فدخلت هاله وهي شايله حبيبه اللي عمرها شهرين ونيره عندها سنتين في ايديها وتابعت بتنهيده بتعمل ايه يعلي؟
فعلي بصلها ورجع يكمل وتابع بحده هكون بهبب ايه يعني برتب الشحنه اللي المفروض هتخرج كمان كان يوم فهاله تنهدت بوجع وتابعت ولحد امتى هنفضل في الوضع ده ؟! فعلي قفل العلبه وحطها وبصلها وتابع بحده هو ايه اللي لحد امتى دي عيشتي ياهاله وهتفضل كده اومال عايزاني الاحق على مصاريفك انتي وعيالك منين ان شاء الله
هاله بعصبيه احنا مش بنطلب حاجه زياده واهي اللقمه اللي ابوك بيجبها في الدار بناكلها كلنا والايام بتعدي انما القرف اللي انت بتعمله ده اخرته وحشه فابوس ايدك اسمع مني انت معاك بناات والبنات ملهاش الا سُمعتها
علي بصلها بسخريه وتابع بنات ااه ورجع يكمل اللي بيعمله وتابع خدي بناتك وغوري من هنا علشان منكدش عليكي وقولتلك 100 مره متدخليش لا انتي ولا هما الاوضه ديي نهائي
فنيره رايحه تحط ايديها في علبه بودره مفتوحه علشان تاكل منها فهاله شهقت بخضه وشدتها ناحيتها وتابعت بحده انتي اتجننتي كنتي هتعملي اييه !! مش ماما قالتلك اياكي تحطي اي حاجه في بووقك يانييره !! فنيره فضلت تعيط
علي بعصبيه مانا قولتلك خديهم وغوري من هناا انتي ايه متخلفه عايزه تلبسيناا مصيبه !!
هاله بصتله بقهر وهي بتطبطب على نيره المنهاره وتابعت البسك مصيبه !! هي مش دي بنتك وهتموت لو جرالها حاجه زيي بالظبط ولا ايه ؟!
علي ابتسم بوجع وتابع بنتي اه بقولك ايه غوري دلوقتي علشان قسما بالله ما فايقلك
هاله استغربت كلامه جدا وخدت نيره في ايديها ومشيت وهي مقهوره بسببه وبسبب افعاله ودخلت اوضتها وقفلت الباب فنيره جريت على العابها وقعدت تلعب وهي قعدت على السرير بحبيبه اللي صحيت وبتعيط فبدات ترضعها وهي سرحانه وقلبها واجعها اوي وشويه ودخل الاوضه ورزع الباب وراه وتابع بضيق قومي هاتيلي جلابيه وشال غير دول اتبهدلوا
هاله مبصتلوش وتابعت برضع البت هات لنفسك من الدولاب
علي اتعصب ومسك دراعها قومها وتابع بعصبيه انا ميتقاليش غير حاضر ونعم علشان مطلعش عين اللي جابوكي انتي اتجننتي ولا اييه
هاله خافت وتابعت بدموع في ايه يعلي مالك هو انا قولت ايه بقولك برضع البت هات انت ايه غلطتي يعنيي
علي اتعصب وتابع غلطتك دي انا مأثبتهاش لحد دلوقتي بس وعهد الله يا هاله لما اثبت ماحد هيحوشك من تحت ايدي
هاله بصتله بقهر وتابعت بدموع مالك يعلي في ايه يحبيبي انت مكنتش بتعاملنا انا وبناتك كده هي ميسون قالتلك عليا حاجه طيب؟
علي تنهد بضيق وساب ايديها وتابع مالكيش دعوه بميسون وسيره اختي متجيش على لساانك انا رايح اخد شاور واطلع الاقي جلابيه ومكويه ودخل الحمام ورزع الباب وراه وهاله دموعها نزلت بقهر وراحت حطت حبيبه في سريرها وجابت الجلابيه وبدات تكويهاله وسابتها جنب الشال فخرج وبدا يلبس من غير مايبصلها فراحت مسكت الشال وحطته فوق كتافه وابتسمتله في المرايا فغمض عينيه يحاول ميضعفش قصاد ابتسامتها وتابع تسلمي
هاله وقفت قدامه وبصتله بحب وتابعت معملتش حاجه يحبيبي ده انت جوزي وابو بناتي واعيش اخدمك بعينيا العمر كله بس مش كفايه يعلي؟ من يوم مادخلت في السكه دي رغم اعتراض ابوك وبدر ومقاطعتهم ليك الا انك مصمم تكمل وكل يوم عن يوم انا بخسر الراجل اللي عرفته وحبيته انت بتتغير اوي بسبب الزفت اللي شغال فيه ده
علي بصلها وتابع انا اللي مغيرني عليكي شكوك جوايا انما شغلي مالكيش دعوه بيه يهاله انا مش هرجع تاني حتت محاسب يترميلي كل شهر كلام فاضي انما كده معايا وهعرف اعيشكم
هاله دموعها نزلت وتابعت تغور العيشه لو بمال حرام يحبيبي انا راضيه اعيش على قدنا بس اسمك محاسب محترم في شركه وبكره وبعده بناتك يفتخروا بيك انما كده عمرهم ما هيحبوا سيرتك وبصتله باستغراب وتابعت وبعدين شكوك ايه اللي مغيراك عليا دي
علي تنهد وتابع بالنسبه لشغلي انسي انا مش هبطله وبالنسبه لشكوكي فهتاكد واقولك بس فهميني كده انتي بتروحي فين كل يوم؟
هاله اتصدمت وتابعت مالك يعلي مانت عارف اني مدرسه انجلش يحبيبي وبساعد في المصاريف فبروح الحضانه اللي هي شغلي فعلي تنهد وتابع ااه وانتي ايه اصلا يخليكي تصممي تشتغلي وانا معايا كل الفلوس دي ها
هاله اتعصبت وتابعت لاني قولتلك وهقولهالك عمري ماهصرف على بناتي من قرش حرام حتى لو هنموت وفلوسك عندك في الدولاب اهي انا مبصرفهاش
علي بصلها بشك وتابع على العموم هانت وكل حاجه تبان علشان شكله الحب كان عاميني لدرجه عمري مادورت وراكي
هاله اتصدمت وتابعت بعصبيه تدور ورا مين انت اتجننت ولا بتشرب من اللي بتبيعه !! فعلي ضربها بالقلم بقوه ومسك شعرها تحت صراخها وعياطها المتواصل وتابع بعصبيه انا هوريكي يابنت الكلاب بشرب من اللي ببيعه ولا بكشف افعالك بس استني علياا بس ونيره بصتلها وبقيت تعيط فعلي زقها وقعها على الارض ونزل وهي فضلت تعيط بهستريه وقهر ونيره راحتلها فحضنتها وتابعت وهي بتطبطب عليها بدموع بس ينورعيني بس اهدي انا كويسه ربنا يهديه ابوكي يابنتي ومنها لله عمتك قلبته علينا 180 درجه
وبعد كام يوم هاله كانت واقفه بالاسدال بعد ماخلصت صلاه الفجر وشالت السجاده وبترن على علي لانه من الصبح غايب مش بيرد عليها فتنهدت بقلق وتابعت يتارا فينك يعلي كل ده فحبيبه عيطت فسابت الفون وراحت تمسكها وتابعت بحب بس بس يقلب ماما تعالي وشالتها وقعدت ترضعها وبصت لنيره اللي بتلعب وتابعت نامي يانيره كفاياكي سهر يحبيبتي فنيره بصتلها وتابعت بضحك لا
هاله ضحكت وتابعت لا في عينك وعين ابوكي اللي مطلع عيني ده ودقايق ولقيت علي داخل الاوضه متعصب ورزع الباب وراه فتابعت بخضه بسم الله ماالك يعلي في اييه اييه الاسلوب ده بنتك بتناام
علي بصلها بعصبيه وتابع بنتي ااه انا كنت واثق انك زباله وعامله فيها الخضره الشريفه وبتلبسيني عيال مش عيالي
هاله اتصدمت وتابعت انت بتخرف بتقول ايه انت اتجننت !!
علي شال حبيبه منها حطها بعنف على السرير فعيطت ومسك هاله من طرحه اسدالها تحت صرخها وتابع بعصبيه بخرف اه ده انا هوريكي يابنت الكلاب وضربها بالقلام ورا بعض تحت عياط نيره وخوفها وتابع بعصبيه عياال مين دول ياابت هاا ردي علياا وانا اللي كنت متخلف وصدقت ان التعب اللي عندي خف لما قولتيلي انا حاامل بس لاا ازاي كنت اخلف ازاي اصدقك اصلاا بس هو الحب اللي عماني عن اغلاطك الوسخه
هاله اتصدمت وتابعت بعياط هستيري وخوف انت بتقول ايه انت اتجننت !!ازاي تشك فياا كده ازاي تقول على هاله كده يعلي ده انا رفضت الدنيا كلها وسيبت اهلي في القاهره وجيت عشت معااك بعيد عن الكل دي جزااتي يتقال علياا كده يعليي وبردو صدقت ميسون لما قالتلك ازاي تخلف وانت عقيم بردو صدقتهاا مع ان الدكتور قالك حالتك مش صعبه وبلادويه تتحسن عادي
علي مسك شعرها جامد وتابع بعصبيه الدكتور ااه ده تلاقيكي خليتي الدكتور يقول كده وهببتي معاه حاجه مانتي رخيصه وبتطلعي كل يوم من الصبح تيجي اخر النهار انا ايش عرفني بتعملي ايه ولا تهببي ايه كل يوم
هاله اتصدمت بشده وتابعت بعياط وعصبيه انت بتقول اييه !! الله يخربيتك انت بتقول على مراتك كدده !! ياخي ده انا عرضك وشرفك ازاي تسمح لنفسك تقول عليا كده ازاي حبيبتك هتعمل كده يعليي انت اكيد مش طبيعي لا مستحيل تكون طبيعي انا واثقه
علي ضربها بالقلم بقوه وتابع بعصبيه عرضي وشرفي دول انتي دوستي عليهم باوسخ جزمه وعقاب الست الزباله زيك بيكون الموت بس انا هكتفي اني ارميكي انتي وعيالك برا بيتي وروحي دوري جبتيهم منين وضربها بالقلم بقوه وقعها على الارض ومسك شعرها يجرها منه على الارض
هاله بعياط هستيري يعلي بلاش جناان يعلي تعالى نكشف واتاكد انك بقيت كويس والله العظيم دول بناتك اقسم بالله دول بناتك ومافي راجل لمس شعري مني غيرك
علي مكنش مهتم بكلامها وغضبه كان عاميه ومشي بيها وهي على الارض وهو ماسك شعرها وبيجرجرها على سلم الدار وتابع بعصبيه انا كشفت وحللت والنتيجه زي ماهي اني عقيم وميسون كانت صح لما ودتني نكشف وقالتلي دي مش معروف بتعمل ايه كل يوم وعارفه انك بتحبها وواثق فيها بس انا اللي غبي اني صدقت اني خفيت من البدايه وربيت عيال غيري
وهاله كانت بتتألم وهو بينزلها على السلم بالشكل ده على ضهرها وجرح ولادتها لحبيبه مكنش خف بشكل كافي وفضلت تعيط وتابعت تعالى نروح لدكتور تاني ابوس ايدك متصدقش ميسون ابوس ايدك يعلي متظلمنيش بالشكل ده والعيله كلها اتجمعت وهي شيفاه بيجرجها من شعرها ونازل بيها واتصدموا بشده الا ميسون اللي فرحت من كل قلبها ف
علي بعصبيه دكتور تكوني متفقه معاه زي الاولاني مش كدده يبنت الكلاب يازباله ونزلوا من على السلم وجرجرها في الصالون اللي قدام الباب الكبير بتاع الدار وفتح الباب ورماها برا
توفيق بعصبيه انت ايه اللي بتهببه في مرتك ده يعلي انت اتچنيت
علي اتعصب وتابع مش عايز اسمع صوت مخلوق فيكم وطلع يجيب البنات اللي كانت بتعيط وخصوصا نيره مرعوبه من منظر امها وهاله مكانتش قادره تقوم حست جسمها كله اتكسر والمطره كانت عماله تمطر عليها بشده فبصت للسما ودعت ربها يظهر الحقيقه ويجبلها حقها منه وفضلت تعيط بقهر وتابعت عايزه بنااتي وفضلت تتسند علشان تقوم وتابعت بعياط وعصبيه عايزه بنااتي مش همشي من غيرهم
علي نزل وهو شايل حبيبه وماسك نيره وزقها عليها واداها حبيبه بعصبيه وتابع اهم بنااتك غوري شوفي جبتيهم من انهي داهيه بقى وطلاق مش هطلق علشان تفضلي زي البيت الواقف كده فهاله بصت ليسون اللي بصلها بانتصار وبصت لعلي بقهر وتابعت سيبني استنى المطر يقف واطلع البس واخد هدومي اكيد مش همشي بالاسدال
علي اتعصب وتابع مالكيش دخول هنا تاني ولا انتي ولا بناتك وهتغوري باللي عليكي الحاجات اللي فوق دي بفلوسي انتي مالكيش حاجه عندي والهدوم اللي جيتي بيها هرميها في الزباله ومش هديهالك
بدر اخوه اتعصب وتابع انت ايه ياخي الاامور متتاخدش بالشكل ده مختلفين مع بعض طلقها واديها حاجتها وفلوس تعيش منها وتمشي معززه مكرمه انما مش بالشكل ده
علي بعصبيه محدش يدخل يا ابو مالك علشان مزعلش حد مني انتوا متعرفوش دي هببت ايه فخليني ساكت احسن
بدر بتنهيده طب اوعا هديها فلوس للمواصلات ورايح ناحيتها فعلي اتعصب وتابع قولتلك لاا ابعد كده هي هتمشي زي ما جات وهتاخد بلاويها معاهاا انا مبشيلش غلطه غيري فكلهم كانوا مصدومين من كلامه اللي واضح يقصد بيه ايه
هاله ابتسمت بقهر وتابعت انا مش هقول غير حسبي يالله ونعم الوكيل فيك وفي اختك وفي اي حد هيصدق عليا كده بس دي مكانتش غلطتك من الاول انا اللي استاهل .. اللي تسيب اهلها وعزوتها وتيجي هنا في بلد غريبه بطولها تستاهل تترمي وتحس انها ملهاش مكان تروحه ولا حد يقفلها قدامك بس كنت عبيطه وفكرت ان ليا راجل بالدنيا كلها اتسند عليه هنا واستخبى فيه من كل حاجه ..انت خلتني كرهت قلبي انه حبك يعلي
فعلي قفل الباب في وشها فغمضت بقهر ودموعها نزلت وقعدت على المسطبه لفت طرحه الاسدال كويس وشالت حبيبه حلو والايد التانيه شالت نيره لانها حافيه ومش لابسين اي حاجه في رجليهم وفضلت تمشي بيهم تحت الامطار والسيول وهي دموعها مغرقه وشها مع المطر ونيره بتعيط فتابعت هاله بقهر ودموع بس يحبيبتي بس حقك عليا انا اللي غلطانه واختارتلك اب غلط من البدايه وفضلت تمشي بيهم في عز الفجر والامطار لحد ما لقيت حد معدي فتابعت بلهفه لو سمحت ممكن مكالمه وحياه الغالين عندك ضروري؟ فالراجل اداها الفون وتابع طبعا اتفضلي فمسكت الفون وكتبت رقم حاتم واتصلت بيه لان اخوها الوحيد مسافر برا مصر فحاتم كان نايم صحي وهو مستغرب التوقيت ورد وتابع الو مين؟ فهاله عيطت وتابعت حااتم حاتم انا هاله تعلالي خدني من محطه قطر قنا مش معايا ولا جنيه والدنيا بتمطر عليا انا والبنات فحاتم اتصدم وتابع نعمم وانتي ايه منزلك في وقت زي ده اصلا فهاله عيطت وتابعت علي طردني تعالي بس الاول وانا هستناك عند البوابه لاني معرفش حد هنا اروحله والمشوار بعيد منا ماتيجي هتاخد 12 ساعه ولا حاجه فحاتم حس بذهول وتابع يابنتي متقعديش في الشارع انتي والبنات شوفي اي حد من جيرانك روحيلهم مينفعش كده
هاله عيطت وتابعت والله ما اعرف حد ومش معايا ولا جنيه اركب
حاتم اتصدم بشده من اسلوب علي وتابع بعصبيه خلاص خليكي انا جايلك عند المحطه بالعربيه اسرع من القطر مسافه السكه وهكون عندك فهاله دموعها نزلت وتابعت ماشي مستنياك
باااك
فكلهم كانوا مصدومين بشده الا كريم وابتسام لانهم عارفين فتابعت هاله بدموع وطبعا حاتم لما عرف كان مصمم يروح يبهدله بس انا صممت اننا نمشي وكفايه عليه يتحرم من بناته وبالفعل على كلامه كام يوم وعرف الحقيقه لان بدر اخوه صمم يحلله ويكشفله عند حد تاني وكان واثق فيا اكتر منه وقبل ما يجي يراضيني اتمسك بالشحنه اللي حبسته20سنه وجاي دلوقتي بعد العمر ده كله يقولي بناتي بعد ما حاتم وكريم قرروا يمسحوا الماضي بكل اللي فيه والاهون انكم تعرفوا ابوكم مات بدل ما تعرفوا انه عايش ورماكم وتاجر مخدرات ومسجون فكلهم كانوا حاسين بذهول وساكتين ونيره بالذات اللي حست انها تسرعت لما قالت كل الكلام ده لكريم من غير ما تفهم فعلي دموعه نزلت وتابع انا غصب عني كل اللي حصل السكينه كانت سرقاني وفكرت ان كده ببني مستقبلي وميسون لعبت في دماغي جامد لان انا فعلا كنت بعاني من تعب مأخر الخلفه فصدقتها
حبيبه بصتله بقهر ودموع وتابعت صدقتها وكدبت مراتك !!صدقتها وكدبت الست اللي اشتريتك وسابت الدنيا كلها علشانك !! انت جاي تعمل ايه وبعد ايه احنا خلاص انت بالنسبالنا مُت وامي وكريم وبابا حاتم هما كل حاجه لينا وعيطت بقهر وتابعت دي عاشت العمر كله تربينا بطولها اتاريها كانت عماله تصمم ان اننا نتجوز بسرعه بحجه علشان تطمن علينا والحقيقه انها خايفه حقيقتك الوسخه تخلي حياتنا تقف واحد زي علي هيبقى ظابط ازاي يتجوز بنت ابوها رد سجون ازاي اصلا ده يبقى جد عياله !!وعيطت بقهر
علي بحزن حبيبه اهدي ينورعيني وبطلي عبط انا بحبك انتي ومش عايز غيرك انتي ومستحيل افكر بالتخلف ده وحضنها جامد وهو مقهور عليها وعلى امها ونيره وحاسس بوجعهم
حبيبه فضلت تعيط ومسكت قميصه بقبضه ايديها وتابعت بعياط وقهر: حتى لو انا نصيبي حلو وعمرك ما هتنطقها واثقه فيك بس نيره ايش عرفنا خطيبها هيقول ايه وازاي اصلا ابقى دكتوره وانت ظابط وعيالنا جدهم بالوحاشه دي لا ده ياريته كان ميت اهون وعيطت بقهر وتابعت ياريته كان مييت اهون
فمالك وعلي الاب اتوجعوا من كلامها بشده فعلي الاب دموعه نزلت وتابع يعني مش هتسامحيني يحبيبه وتيجي تترمي في حضن ابوكي؟
حبيبه عيطت بقهر وتابعت ده ابوياا وشاروت على كريم وتابعت بعياط هستيري الراجل ده ابويا وكل اهلي وخرجت من حضن علي وراحت حضنته جامد فكريم ضمها ليه اكتر وباس راسها بعمق ودموعه في عينيه فتابعت بعياط هستيري اللي تعب واشتغل علشاني وسهر جنبي في تعبي وهيجوزني لحيبب عمري وبيسقفلي في نجاحي وبيدعمني في قراراتي هو ده اللي يستحق اقول عليه ابويا انا اخترت خلاص يا كريم وهعتبر اني مسمعتش اي حاجه وانت كل اهلي .. وامي؟ امي دي ست عظيمه هعيش افتخر بيها العمر كله اتاريها كانت خايفه علينا مش بتقسى وعايزه تجوزنا وخلاص
كريم حضنها جامد ودموعه نزلت وتابع طمرت فيكي التربيه ربنا ميحرمنيش منك ابدا ياست البنات فحبيبه بصتله بحب ودموع وتابعت ولا منك يحبيبي شكرا علشان اتحملت كل ده علشانا فكريم ابتسم ومسح دموعها وتابع بطلي عبط ده واجبي وبص لعلي وتابع علي انا عايز اتكلم معاك شويه
علي تنهد وتابع يلا يحبيبه عايزك شويه ومسك ايديها من كريم وبقى يمشي بيها فكريم وقفه لما تابع بقيت اهون عليك عادي يعلي
علي لف بصله وتابع فاكر خذلانك من نيره لما اختارت خطيبها عليك ومرضيتش تصدقك؟ اهو انا حسيت بكده وبسببك ده انا وقفت اقول لمالك مشاكلكم مع كريم مشاكلي علشان ده اخوياا واخويا وقف يقولي اخوك دي في البيت مش هنا وعمل عليا مدير بس معلش انت عندك حق بردو مش هتكدب الحلوه بتاعتك علشاني ورايح يمشي فتابع كريم بحده ممكن تقف وتسمعني انا مش عاجبني وضعنا ده..انا وانت اللي مبنعديش يوم من غير بعض يجي علينا وقت عينينا تيجي في عين بعض ونبص الناحيه التانيه يعلي؟ هو انا ليا غيرك احكي معاه واتسند عليه؟
علي بصله بضيق وتابع اه ليك ندى وهاني انما علي اعتبره مات خلاص انا مفيش حاجه بتربطني بيك غير خطيبتي اللي شيفاك كل دنيتها وبس انما علي انت خسرته ومش هينسى خذلانك ليه قدام واحده غريبه وبص لسلمى وتابع يلا وخد حبيبه وسلمى ونزل وكريم قلبه وجعه وتابع عن اذنكم فنيره وقفته وتابعت بدموع كريم فكريم بصلها وتابع لو كانت سهله على علي يعديلي اللي عملته معاه كنت انا هرد عليكي دلوقتي عادي فبالله عليكي سيبيني في حالي وبص لامه واخته وتابع يلا فطلعوا قدامه وخدهم ومشي فمالك تنهد بوجع وتابع اجبري بخاطر ابوكي انتي يانيره فنيره ابتسمت بسخريه وتابعت ابويا مين؟ ابويا اللي رماني؟انا اصلا كنت متخلفه لما فكرت اقف قصاد الراجل الوحيد اللي لو فضلت اشكره العمر كله مش هيوفي علشان واحد انا لسه شايفاه من كام يوم
علي اتوجع من كلامها وتابع بدموع مبقولش تختاريني انا او كريم بس على الاقل تسامحيني يابنتي وتسمحيلي اعيش العمر اللي فاضلي جنبك انتي واختك فنيره بصتله بقهر وتابعت كان نفسي .. كان نفسي تكون راجعتك راجعه الغايب من السفر واجري عليك وارمي نفسي في حضنك بس للاسف راجعتك كسرتني اكتر من كسره احساسي باليتم وبسببك انا خسرت اكتر راجل انا بحبه في حياتي كنت هقدر اسامحك في اغلاطك في حق نفسك اللي احنا دفعنا تمنها زي المتاجره في الخرا ده انما نكرك اننا عيالك وطريقتك مع امي كفيله تخليني اتمنى ان ياريتك ميت بجد كنت هدعيلك ربنا يسامحك علشان انا مش هقدر اسامحك وسابته ودخلت اوضتها
-
وعند علي كان قعد مع حبيبه في بلكونه اوضته وحبيبه سانده راسها على صدره وبتعيط وهو بيطبطب عليها وتابع بحنان ممكن تهدي طيب حقك عليا والله
حبيبه عيطت وتابعت انا بجد مش مستوعبه يعلي مش قادره استوعب هو ليه قسي علينا بالشكل ده وراجع ليه وبعد اييه
علي تنهد بعمق وتابع يمكن كنت هزعل من كريم وخالتي انهم خبوا عليكم بس ده قبل ما اسمع اللي حصل وبعد ماسمعت مش قادر الومهم صدقيني كريم وامك حقيقي عملوا الصح وامك دي ست عظيمه اوي فانا مش هقولك سامحيه بس هقولك كلنا بنغلط وهو راجع مش طالب غير يعيش باقي عمره قدامكم فحنوا عليه ده مهما كان ابوكم طب ده ياريته ابويا عايش ولا سايبلي اخ بدل مانا عايش بطولي في وش الدنيا كده وكريم بيزيد وجعي بدل ما يخففه
حبيبه بصتله بوجع وتابعت بدموع حقك عليا يحبيبي ربنا يرحم بابا قاسم وصدقني هو معاك وحاسس بيك وانا جنبك واعتبرني اخوك وكل اهلك فعلي ابتسم بحب وتابع انا عارف صدقيني وحاسس بيه بس ساعات بتعب وبحس اني عايز كتف ارمي راسي عليه وكريم بعد اللي عمله خلاني ميبقاش عندي العشم اني اعمل كده معاه فانتي احمدي ربنا انك ابوكي موجود يهبله واخلقيله عذر علشان تعرفي تعيشي هو اه غلط انه مشي ورا كلام اخته زي الاعمى بس احنا كصعايده مسائل الشرف عندنا دي صعبه حبتين وزمان غير دلوقتي كانوا اصعب بكتير في تصرفاتهم ده كويس مقتلهاش وبيعملوها بس هو بيحبها
حبيبه بصتله بحزن وتابعت بيحبها انت متاكد؟
علي بابتسامه طب والله بيموت فيها كمان بس ابوكي ودني وبيسمع كلام اللي حواليه ويتأثر وكمان عمتك الحربايه دي زورت تحاليل فطبيعي يصدق مش عايزين نظلمه ونيجي عليه زياده يحبيبه وهو كان شاب متهور والسكينه سرقاه فمشي في طريق يغضب ربنا وربنا عاقبه بزياده في عمره اللي ضاع 20 سنه في السجن شوفي الندم فضل ياكله فيهم كام مره واتمنى يشوفكم ويلمحكم قد ايه وكام مره قعد يتخيل اشكالكم بقيت ازاي وهو ابعد من انه يجي يشوفكم فصدقيني انا مش بدافع عنه بس شايفه خد جزائه وانا كراجل تفهمت غيرته اللي عمت عينيه ولما بتخيل بس ان بنتنا قالتلي الكلام اللي انتي قولتيه انهارده ده بموت مابالك بيه هو بقى فعلشان خاطري يحبيبتي اقعدي مع اختك وكفاياكم وجع في ابوكم ده العمر اللي راح مش قد اللي فات
حبيبه عيطت وتابعت بتقولي فهمت غيرته يعني انت يعلي لو مكانه هتشك فيا وتنكر بنتك وتسيبها كل السنين دي ؟!!
علي ابتسم وتابع انا لو انتي بنفسك قولتيلي دي مش بنتك هقطعلك لسانك انه فكر يقول كده عليكي حتى لو بهزار فبطلي تخلف انا اقصد اني تفهمت غيرته في الموقف وان مراته بتخونه بس مش معناه اني هعمل زيه واصدق لاني قولتلك ابوكي بيتأثر بكلام اللي حواليه انما انا مش كده انا صوتي من دماغي وبعدين هو مسبكوش سنين يحبيبتي هو كان محبوس فغصب عنه والله ولما خرج جالكم علطول فسامحوا يحبيبه ده ربنا بيسامح وهو ميستاهلش يعيش العمر كله بيتعذب علشان غلط واتهور زمان فحبيبه تنهدت وتابعت حاضر هحاول بس مش دلوقتي خالص
علي بابتسامه زي ماتحبي المهم تحمدي ربك وتقدري النعمه اللي انتي فيها
فحبيبه نامت على صدره وعلي فضل يمشي ايديه على شعرها ورفيده خرجت تجيب حاجه من بلكونتها فشافتهم اتعصبت جدا والغيره فضلت تاكل في قلبها وعلي لمحها ونزل عينيه من عليها بسرعه وبص لحبيبه ومسك ايديها باسها فحبيبه ابتسمت وتابعت يارب يجري السنتين دول بسرعه وابقى مراتك بقى علشان حقيقي تعبت فعلي ابتسم وتابع هيحصل والله ينورعيني وباس جبينها بحب
ورفيده اتعصبت ودموعها نزلت فدخلت اوضتها ورزعت البلكونه تقفلها وقلعت الاسدال وفضلت زي ماهي بالبيجامه شورت وحماله وشافت فون عصام جاله مسدج فاستغربت لان الساعه 1 ومسكت الفون كانت من إيلين وبتقوله " لا مانا عارفه انك هتيجي لسلمى علشان غاليه عليك خلاص تتعوض يادكتور في فرح لوما😂♥️" فاتعصبت ورمت فونه على السرير وعصام خرج من الحمام وهو لافف فوطه حوالين وسطه وبينشف شعره بفوطه تانيه ورماها على جنب وبصلها وتابع خير قالبه بوزك ليه؟
رفيده اتعصبت وتابعت مين بنت الكلاب إيلين دي وليه بتكلمك على سلمى هموت واعرف مالك بيهاا هو انت ايه وحشك العك القديم؟؟
فعصام غمض عينيه بعصبيه وتنهد وتابع بهدوء انتي مين سمحلك تفتحي فوني؟
رفيده اتعصبت وتابعت لا والله ده كل اللي فارقلك هو انت ايه مش عامل اعتبار للحيوانه اللي معاك ليه بس حقك ماهي مش ماليه عينيك
عصام ابتسم وتابع عندك حق هي فعلا مش ماليه عيني هي فين الست اللي في حياتي اصلا؟
رفيده اتصدمت برده وبصتله بوجع وتابعت قصدك ايه يعصام؟ فعصام بصلها بضيق وتابع قصدي انتي فهماه كويس انا بقيت اكرهه اجي البيت بسببك دايما خناق وقرف وصوت عالي اما جبت اخري خلااص وكل ما اجي جنبك تعبانه زهقانه وقرفانه ومخنوقه اما خنقتيني اناا ومبقتش طاايقك
فرفيده اتعصبت وتابعت مانا تعبانه فعلا هو انت ايه كل اللي همك حقوقك وبس وانا اولع !!
فعصام اتعصب وتابع حقوق ايه يا ام حقوق !! ده احنا لو هنمشيها حقوق هتزعلي وهتطلعي مديونه كماان انا مبقصرش في حقك نهائي ومن يوم ما سقطي قربتي على الشهر اهو طلبتي عربيه موديل السنه جبتهالك طلبتي فلوس في البنك حطيتلك ومبقولش لاي حاجه تطلبيها لا بس انتي من يوميها للنهارده كل ما اقرب منك تقفليني وترفضي فمين اللي ليه حق عند التاني فهميني رفيده دموعها نزلت بتمثيل وتابعت عصام انا فكرت انك بتحبني انا لشخصي وكل اللي طلبته منك ده طلبته علشان انت جوزي اصل هروح اقول لمين يعني عايزه عربيه وفلوس
فعصام ضرب كف في كف وتابع صبرني ياارب هو يابنتي انتي الحب بنسبالك ايه؟؟ اعيش معاكي زيك زي اختي انا كده بحبك وبقدرك؟؟ واتعصب وتابع يرفيده افهميني انا راجل وليا احتياجاتي وانتي بتعملي كل حاجه عكس اللي انا بتمناها وانا خلاص طاقتي بدات تخلص حقيقي
رفيده بصتله بحزن ودموع وتابعت وده يديك الحق انك تخوني؟ فعصام بصلها بذهول وتابع بعصبيه خيانه ايه وزفت ايه على دمااغك دي دكتوره زميلتي وكلامنا عادي جدا وسلمى اختي وانتي عارفه مشاعري ناحيتها انما انا فعلا ابتديت ازهق منك واتقفل وده هيخليكي تشوفي مني وش محبش انك تشوفيه ابدا وراح يجيب هدوم يلبس
فرفيده خافت وراحت حضنت ضهره وتابعت بحزن حقك عليا يحبيبي صدقني انا فعلا كنت تعبانه ومش قصدي اقصر في حقك والله فعصام لفلها وتابع بتنهيده خلاص يرفيده سبيني اهدى دلوقتي فرفيده حطت ايديها حوالين رقبته وباسته فعصام تجاوب معاها لانها كانت واحشاه وشدها عليه وباسها بعمق وايديه بقيت ترفع البدي بتاعها فرفيده حطت ايديها عليه وقفته فبصلها باستغراب فتابعت بتمثيل حاسه بدوخه شويه
عصام بصلها بلا مبالاه وتابع لا سلامتك وزقها قعدت على السرير وخد قميص وبنطلون ودخل الحمام فرفيده نفخت بضيق وتابعت طب اعمل ايه طيب تعبت اجي على نفسي والله وثواني ولقيته خارج لابس وجاهز فتابعت بصدمه ايه ده انت رايح فين؟؟! عصام بحده ميخصكيش وتاني مره متسالنيش الاسئله دي وراح خد مفاتيحه والفون والمحفظه
رفيده بحده هو ايه اللي مسألكش دي ايه اللي هينزلك في وقت زي ده فهمني رايح تعدل مزاجك برا ولا حااجه ؟؟
عصام بصلها بذهول وتابع اما انتي بقيتي تربيه وسخه وتقرفي حقيقي واتعصب وتابع واعتبرري يارفيده ده الف مين تتمنى ابص في وشهاا انتي اللي نسيتي نفسك ونسيتي متجوزه مين ومشي وسابها ورزع الباب وراه فرفيده نفخت بضيق
---
وعند اسيا كان الكل متجمع تحت عند حماتها وهي وداليا بيجهزوا الاكل فداليا بصتلها وتابعت بحب خليكي انتي طيب انا هكمل فاسيا ابتسمت وتابعت لالا اديني بساعدك اهو وعملت السلطه وطلعت ترصها على السفره
فتابعت ليلى بتنهيده ابقي انزليلي بكره يا اسيا علشان نعلق الستاير دي اختك طلعتها انهارده من تحت السرير وروقت الشقه بس معلقناش
اسيا هزت راسها وتابعت بابتسامه حاضر يماما
ففارس بصلها بحده وتابع حاضر يماما ايه انتي اتهبلتي ولما تقعي وانتي بتعلقيها هفرح بيكم انا !!
اسيا اتوترت وتابعت عادي يفارس مش هيحصل حاجه
فارس بصلها بحده وتابع لا يحصل حاجات خليكي انتي وانا هعلقهم مش من طولك اوي
ليلى بصتله برفعه حاجب وتابعت وفيها ايه اما تساعد مع داليا ماهي اسم النبي حارسها اهي دكتوره وليها قيمتها وبتساعدني ولا الشملوله مبتعملش حاجه؟
اسيا تنهدت وسكتت فتابع فارس بحده واسيا معندهاش مانع وعمرها ماقالتلك لا انا اللي مش موافق المره دي علشان هتقف على سلم واخاف عليها تقع يحصلها حاجه هي واللي في بطنها فليلى بصتله بتفاجئ وتابعت مراتك حامل !!
فارس بصلها بضيق وتابع اه ومش هتنزل الفتره دي عامه لحد ما حملها يثبت وعلي فكره هي بتساعد اكراما منها علشان هي متربيه وبنت اصول انما مش اجبار عليها ولا هي ولا داليا
ليلى بصتله بسخريه وتابعت لا وعلى ايه ارميني في دار مسنين يحبيبي يخدموني هما
فارس تنهد بضيق وتابع يارب ارحمني ياما من قبل اي حاجه انا وطارق اتعودنا وكنا بنعملك كل حاجه وهنفضل نشيلك العمر كله بس لما اتجوزنا حريمنا شالوا عننا انما في النهايه انتي امنا احنا واحنا اللي ملزومين بيكي فمينفعش حد يكون بيساعدني بمحبه وانا اعمله بالاسلوب ده
اسيا بصتله بحب وفخر وليلى تنهدت وتابعت على الله تجيبلك ولد بس على كل التطبيل اللي بتطبلهولها ده
فارس كتم عصبيته وتابع ولد ولا بنت هو في ايه انهارده انا مش فاهم ماهو مني انا هي مال امهااا
اسيا حست الجو متوتر فتابعت خلاص يفارس خلاص يحبيبي حصل خير هي بتتمنى ولد يشيل اسمك وانا زيها والله بس اللي يجيبه ربنا كله خير وانا هساعدها بعيوني والله هي تأمر بس
فارس بعصبيه قولت اول زفت 3 شهور لا متنزليش وبقولها قدام الكل فداليا خرجت بالطبق وتابعت بابتسامه حقك يسيدي انا بردو اول فتره دي طارق مكنش بيحركني خالص وانا اذا كان عليا اتعودت وبقالي سنين بساعد ماما لوحدي فاسيا بصتلها بحب وفارس ابتسم وتابع فيكي الخير يغاليه والله والباب خبط فتابعت داليا افتحي لبابي يا لوكا فملك جريت فتحت لطارق وتابعت بفرح بابي وحضنته فطارق وطي باسها وتابع بضحك روح قلب بابي وبص لفارس وتابع بضحك وفرح حبيب قلب اخوه اللي هيبقي اب يناس وحط العلبه اللي جايبها وراح يحضنه ففارس ضحك وقام وقف حضنه وطبطب على ضهره فتابع طارق بحب مليون مبرووك يحبيبي فرحتوني والله وبص لاسيا وتابع بضحك مليون مبرووك يجميله عايزينه قمر شبهك
اسيا فضلت تضحك وتابعت لا والله طب ده ابوه قمر اهو بذمتك هلاقي حلاوه بعد حلاوه العيون دي فين ففارس ضحك وحط ايديه على كتفها ضمها ليه وباس راسها وتابع بحب والله مافي بعد حلاوتك يعيوني
ليلى بتنهيده يظهر ان انا اخر من يعلم ان مراتك حامل يفارس ففارس بصلها وتنهد وتابع انا لسه قايل لطارق وانا جاي علشان كان بيكلمني في الفون فاخر من يعلم في ايه بقى هو احنا لحقناا
ليلى تنهدت وتابعت اممم وحامل في الكام على كده فكلهم بصولها بذهول فاسيا ضحكت وتابعت هيكون في الكام يماما اما انا هكمل شهر متجوزه اهو
ليلى تنهدت وتابعت ااه مانا عارفه انا اقصد كام يوم ولا محللتيش؟
داليا ابتسمت وتابعت 21 يوم بالظبط
ليلى بابتسامه اه بسم الله ما شاء الله مبروك يحبيبي ربنا يقومهوملك بالسلامه
فارس ابتسم وباس ايديها وتابع يارب ياست الكل فطارق بص لداليا وتابع بحب ها فين الاكل يلا علشان جايب تورته بمناسبه الخبر الجميل ده عايزين نحتفل بيه بعد الاكل
فاسيا ضحكت بفرح وتابعت يخرابي تعبت نفسك والله
فطارق ابتسم وتابع بضحك ولا تعب ولا حاجه ده فرد جديد هيدخل عيله الانصاري فحرفيا الخبر فرحني فوق ماتتخيلي ففارس ابتسم بحب وتابع ربنا ميحرمنيش منك ابدا يقلب اخوك طارق بصله بحب وتابع ولا منك يحبيبي وفعلا بعد الاكل قعدوا يحتفلوا بالتورته وقطعوها واكلوا مع بعض
-
تاني يوم الصبح بدري علي كان في شقته مع مهندس الديكور علشان اخر التشطبيات والراجل نزل بعد ماخلص وعلي لقي رساله من حبيبه بعتاله "مبتردش ليه كل ده بتخوني صح؟" فعلي ضحك وطلع البلكونه وسجلها بخونك اه يابنتي ارحمي امي يابنتي ده انا طالع عين اهلي في الشقه اللي هتنيل اتجوزك فيها من صباحيه ربنا وحط الفون في جيبه وطلع سجاره يشربها ورفيده خرجت وهي بتتاوب وبتبص تشوف عصام جيه ولالا لانه من امبارح مجاش فلقيت علي واقف في الشقه اللي مفروض كانت شقتهم فحزنت جدا ودخلت البلكونه وهو مخدش باله منها اصلا وكان بيتشات مع حبيبه وشويه وسمع صوتها وراه بتقول :علي
فاتصدم ولف بصلها وتابع بصدمه انتي مجنونه ايه اللي جابك هنا؟!
رفيده بصتله بوجع وتابعت ايه اللي جابني هنا؟! وبصت حواليها وتابعت في المكان اللي المفروض كان بيتي؟
علي نفخ بعصبيه وتابع بيتك ايه وزفت ايه انتي مجنونه ياست انتي؟! دي غلطتي اني سيبت الباب مفتوح يلا يارفيده يلا اتكلي على الله واحترمي الراجل اللي انتي شايله اسمه كفاياكي عك وبيخرجها للصالون
رفيده وقفت قدام الباب قبل مايخرجها وشدت دراعها وتابعت بدموع انت بتعمل ايه يعلي؟بتعمل ايه ومع مين ده انا رفيده وبصت حواليها وتابعت كل ركن في البيت ده كان بزوقي هان عليك تغير كل اختيارتنا سوا عادي كده!!
علي اتعصب وتابع انا غيرتك انتي كلك ورميتك وخدت ستك وست البنات كلهم ونسيت اللي فات فانسي انتي كمان وصوني الراجل اللي اتجوزتيه
رفيده بصتله بقهر وتابعت بدموع مش عارفه انسى صدقني حاولت بس مش عارفه ولا قادره وبصت لعينيه وتابعت علي انا بتخيلك مكانه علشان اسمحله يلمسني انت مستوعب؟
علي بصلها بصدمه واشمئزاز وتابع مش مستوعب ولا عايز استوعب هو انتي ايه حيه؟ شيطاانه؟ مهما كانت واحشاته مفيش راجل يستحق كده من الست اللي اداها اسمه فوقي لنفسك وبطلي قرف
رفيده عيطت بقهر وتابعت مش عارفه افوق ولا عارفه انساك وانسى يامن ابننا اللي اختارنا اسمه سوا انا والله مش عارفه اعيش حياتي من غيرك ومش مستوعبه انت ازاي اتخطتني كده وانا حياتي واقفه عليك بس انا لما سيبتك يعلي سيبتك علشان اعمل فلوس وبعملها خلاص وهطلق من عصام واجيلك بس توعدني تسيب حبيبه علشاني زي مانا باخد حبوب منع حمل وحارمه نفسي اني اكون ام وسقطت نفسي لما حملت علشانك علشان مش عايزه اخلف غير منك انت
علي اتصدم بشده وتابع انتي بتقولي ايه !! لالا انتي مش طبيعيه انتي اكيد مريضه هان عليكي ابنك يرفيدده انتي ازاي زباله كده فهميني !!
رفيده عيطت وتابعت وتهون الدنيا كلها بس انت تبقي ليا انا حقيقي ندمت لما سيبتك وباخد الحبوب وانا مرعوبه ومخبياها في برطمان الرز علشان عصام ميشوفهاش فارجوك قدر مشاعري ليك ومتتجوزش حبيبه وتقهرني ارجوك
علي بصلها بقرف وتابع بعصبيه امشي غوري برا حبيبه دي دنيتي كلها انا محبتش ولا هحب غيرها وكل يوم بحمد ربنا اني اتحبست علشان بقيت نصيبي وحقيقي حظك كان هيبقى وحش اوي لو كنت اتجوزتك لاني منستهاش وكنت بقنع نفسي انها اختي فحبيبه طلعتله ورايحه تدخل وقفت بصدمه لما شافتها
رفيده بصتله بقهر وتابعت يعني كنت هتطلقني وتتجوز حبيبه لو انا معملتش فيك كده يعلي؟
علي بعصبيه لا طبعا انا عمري ماكنت هطلقك واتجوز حبيبه لو انتي معملتيش كل ده علشان ..فرفيده مسابتوش يكمل وحضنته وحبيبه اتصدمت وبصتلهم بقهر وصدمه والدموع متحجره في عينيها