رواية من الذي احبه الفصل الحادي عشر11 بقلم لولو وائل
قالت مى والدموع بعينها= يوسف
رأتها والدتها وطلبت منها النزول
=تعالى يا مى سلمى على ولاد خالتك
نظرت مى إلى فريد ولم تنظر إلى يوسف =ازيك يا فريد ازيك يا يوسف
رد فريد بإبتسامة= الحمدلله وانتى عامله اى
= الحمدلله خلاص هتقعدو هنا ولا مسافرين تانى
= مش عارف على حسب الظروف
= ماشى انا طالعه بقى اشوف إلى ورايا علشان امتحاناتى قربت
= ماشى ربنا معاكى ويوفقك
ذهبت مى إلى الأعلى دون النظر مره اخرى الى يوسف صعدت إلى غرفتها وسقطت دمعه لم تستطيع السيطره عليها أغمضت عيناها وحاولت جاهده الهدوء إلى أن استمعت الى طرقات على باب الغرفه
= مين
=افتحى يا مى انا يوسف ممكن اتكلم معاكى شويه
= عايز اى يا يوسف الكلام خلص من زمان
= افتحى بس واسمعينى بالله وادينى فرصه
تنهدت محاولة أن تهدء وذهبت وفتحت الباب= عايز اى
= انا اسف يا مى
نظرت له بإبتسامة ودموع= اسف على اى انك خالفت بوعدك ليا انك مش هتسبنى ابدأ ولا على سفرك فى نفس اليوم إلى وعدتنى فيه كلمتك كتير مردتش علياا وبعتلك رسايل كتير وقولتلك فى اى يا يوسف حصل اى رديت وقولتلى ايه قولتلى انا اسف يا مى انا مش هينفع ابقى معاكى انسينى ومن بعدها معرفتش عنك حاجه سنين راجع دلوقتى تعتذر ليه روح شوف حياتك يابن الناس وسبنى فى حالى
= مى اسمعينى طيب بالله وبعدها اعملى الى انت عايزاه
جففت مى دموعها محاولة الهدوء= قول إلى عندك
= مى انا حبيتك والله وكل كلمه قولتها كانت طالعه من جوايا ومكدبتش فى اى حاجه قولتها بس فى نفس اليوم جالى مكالمه أن أهلى فى خطر وان حد عايز يقتلهم كلمت فريد وقولتله يجى علشان نسافر ونروحلهم بسرعه وروحنا المطار بسرعه كنتى انتى بره البيت انتى وخالتى ومراد ملحقتش اتكلم مع حد فيكو ومشيت على طول ولما وصلت البيت دخلت لقيتهم مقتولين رميت الشنط وكل حاجه من ايدى ومكنتش مصدق إلى حصل وازاى حصل كده الفيلا كل الفلوس إلى فيها اختفت عرفت ساعتها أن إلى عمل كده جاى طمعان فى الفلوس واتأكدت من ده من البنوك حساب أهلى اتاخد بالكامل لكن حسابى انا وفريد زى ما هو وكلمونى فى الشركه وقالولى أن فى حد جه بيقول أن عايز ياخد شركة ابويا بالغصب بس مقالش مين بس عرفت ان ابويا كتب الشركه ليا انا وفريد والبيت كمان وان الشخص المجهول ده كان عايز ياخدهم بالعافيه بس معرفش ياخدهم وخد الفلوس بس أنا مكنتش فاهم مين هيعمل حاجه زى كده واحنا ملناش أعداء مين هيعمل معانا كدا وليه عايز الفلوس والشركة بتاعتنا وبيتنا مكنتش فاهم حاجه وكمان كنت زعلان أنى مقدرتش احمى أهلى وسبتهم فى اكتر وقت كانو محتجنى فيه ولما لقيتك بتبعتى رسايل كتير مكنتش قادر ارد بس ساعتها حسيت انى انا فشلت فى حماية اهلى هحميكى ازاى علشان كدا قررت انى ابعدك عنى علشان تبقى فى الامان لحد ما اعرف مين إلى عمل كدا ولحد انهارده بدور علشان اعرف كل حاجه حصلت غصب عنى والله انا اسف يا مى
صمتت لم يكن لديها القوى على الإجابة حزنت على ما مر به من حزن وفقدان عائلته كانت تنظر له والدموع بعيناها وتنظر له فى صمت
= هتفضلى ساكته كدا قولى اى حاجه طيب
جاهدت لتهدء وتجاوبه= اهلك مامتوش بسببك يا يوسف ولا انت فشلت فى حمايتهم ده قدرهم مكنش ينفع تلوم نفسك على موتهم لأن بسبب ده انت قولت اكتر كلمه انا لحد انهارده مقدرتش اعمل بيها وانى انساك وانسى حبك انا حبيتك بجد وعمرى ما حبيت حد قد ما حبيتك ومش قادره انساك بس إلى عملته كسرنى لانى طول الوقت كنت بفكر انا عملت اى او غلطت فى اى علشان تقولى كدا كنت حاسه ان العيب منى انا وطول فترة سفرك قولت اكيد هيحب حد تانى ويتحوز ويخلف شوفى حياتك بس مقدرتش اشوف حياتى من غيرك اعمل اى
=انا اسف أنى عيشتك كل ده بس كان
قاطعته مى= بلاش نتكلم فى القديم تانى لانه مبقاش منه فايدة وخلينا فى دلوقتى
= يعنى اى
= انا مش هعتبك على سفرك ولا على خوفك هعتبك على حاجه واحده بس انك قولتلى انسينى وبكل سهوله
= بس أنا كمان كنت بتعذب والله على فراقك وعمرى ما فكرت فى حد غيرك تعالى نبدأ من جديد وانا والله هعوضك عن كل ده
= طب واصدقك ازاى مانت وعدت قبل كده وفى نفس اليوم سبتنى
=المرادى انا قاعد هنا ومش همشى وعملت فرع لشركتى فى مصر والفرع إلى فى كندا هيمسكو صحبى هبقى معاكى لحد ما تتخرجى ونتجوز ومش هسيبك ابدا
= ماشى يا يوسف هحاول اثق فيك تانى واسامحك بس علشان خاطر خالتو وجوز خالتو الله يرحمهم
= انا بحبك اوى يا مى
= طب انزل تحت علشان امى لو شافتك هتعرفك معنى الكلمه دى بشبشبها
= طب اسمعها منك وهنزل
= وانا كمان بحبك يا يوسف انزل بقى بدل ما نضرب
= ماشى هنزل
= بقولك صح عايزين نقعد مع بعض كدا انا وانت وفريد ومراد ونفكر مين ممكن يعمل كدا اهو يمكن نطلع بحاجه
=ماشى نرجع لأيام التحقيق بتاعت زمان
= طبعا و طبعا مراد عارف كل حاجه
= اه ما هو على تواصل على فريد بإستمرار
=طب اتعلم من تؤامك يعنى هتبقو مش نفس الشكل وكمان مش نفس المخ
= ادخلى يا مى بدل ما اجيلك
= تصبح على خير
وأغلقت مى الباب سريعاً
تعجب يونس مما قالته= تصبح على الخير العصر دى هبله ولا اى
فى المستشفى كانت مرام تنظر لمراد بإستمرار وتفكر فى حيلة لتجعل مراد يقترب منها وكانت روح تنظر إليهم ولا يعجبها ذلك
= طب هى هتفضل تبصله كدا كتير
= وانتى اى إلى مضيقك فى كدا
=قصدى أنها تركز فى شغلها شويه مش حياة بنى ادم دى إلى تحت اديها يا سلمى
= هو انتى غيرانه يا روح
=انا وانا هغير ليه
= تعرفى ياروح انتى مينفعكيش غير اميرة والله هى إلى هتقولك المفيد
= بتتريقى صح
= اقولك اى طيب انتى مش شايفه نفسك عامله ازاى متعصبه من نظرات مرام ليه وبتقولى لا مش غيرانه هتفضلى تكدبى لحد امتى متعترفى بقى وتخلصى انا زهقت
اكملت دعاء على حديث سلمى= هى عندها حق يا روح متغلطيش غلطتى هو باين عليه أنه بيحبك اعترفى انتى كمان بده وبطلى تعملى عبيطه
= يعنى سلمى واميره مش سايبنى تيجى انتى
= يابنتى انتى هتستفادى من سكاتك ده اى نفسى اعرف غير انك هتفضل تغيرى من بعيد لبعيد لحد ما هو يحب مرام
= لا متقوليش كدا خلاص هتعرف
قالو سلمى ودعاء معا= ها قولى بقى
= انا كمان بحبه اوى
كان يقف مراد بعيدا واستمع إلى ما قالته روح وسعد كثيرا بذلك لا يصدق أنها تحبه مثل ما يحبها أهذا حلم أم حقيقه وذهب ليكمل عمله بسعاده
وصل ادهم إلى منزل والد جميله بعدما بحث كثير وتحدث مع الأمن الذى بالخارج انه يريد مقابلة والدة جميلة
= الو يا باشا
= خير يا كرم
= فى واحد عايز يقابل حضرتك
= دخله يا كرم
دخل ادهم وهو خائف بشده من المواجهه ولكن يحاول الهدوء وذهب إلى الداخل وانتظر فى غرفة الضيوف إلى أن أتى والد جميله
ادهم وجد رجل مسن وعلى وملامحه الحزن الشديد والمرض وقف ادهم ليسلم عليه
= ازاى حضرتك
= الحمدلله يابنى اتفضل
واتت هدى فى هذا الوقت وتعجبت من وجود شخص لا تعرفه
= مين ده يا بابا
= هنعرف اهو يابنتى دى بنتى الكبيره هدى
= اهلا وسهلا انا كنت جاى اتكلم مع حضرتك فى موضوع مهم يخص جميله وأتمنى أن حضرتك تسمعنى للآخر وانا هقبل بحكمك عليا ايا كان
انتفض عندما سمع اسمه ابنته= جميله بنتى مالها يابنى
وحاولت هدى تهدئته =أهدى يا بابا وخلينا نعرف هيقولك اى
= قبل ما ابدأ لازم تكون عارف عنى كل حاجه انا أسمى ادهم متخرج من طب بشرى عندى 29 سنه وعندى اضطراب الهوية الانفصامى او اضطرات تعدد الشخصيات لما تحصلى صدمه أو حادثه أو باخد ضربه جامده ببقى شخص تانى ولما برجع لشخصيتى الاساسيه بنسى تماما اى إلى حصل من شخصيتى التانيه لحد ما اكتشفت ده فى آخر حادثه ليا وعرفت بالمرض ده وبدأت افتكر كنت بعمل اى بشخصيتى التانيه وإلى هحكيه ده هو كان خارج عن ارادتى بس ده ميمنعش انى غلطت والحكايه بدأ قبل وفات جميله بيومين جميله كانت فى القاهرة فى الوقت ده صح
= اه يابنى سافرت قالتلى عايزه اقعد مع صحبتى منار اغير جو
=فى الوقت ده صحبت جميله لعبت فى دماغها أنهم يروحو مكان علشان يسهرو فيه الحاجات إلى بقولها دى من كلام صحبتها إلى حكتهولى لانى سألتها وعرفت منها كل حاجه وهى قالت إنها كانت صحبه مش كويسه مع جميله وندمانه بعد ما عرفت بوفتهاا هى خدت بنت حضرتك مكان مش كويس راحت نايت للسهر وكان فى رجاله مش كويسين وبنات مش كويسين انا اليوم ده كنت بشخصية تانيه خالص مش بأدهم إلى قدام حضرتك دلوقتى كنت بشخصيه اسمها دياب الشخصية دى بتحب السهر غير انا دلوقتى شخص بحب شغلى مش السهر نهائى واليوم ده كنت بشرب شوفت بنت حضرتك كانت قاعده مضيقه جدا من المكان ومن صحبتها وكانت عايز تمشى بس صحبتها كانت بتمنعها عن ده وبتشربها كتير وانا روحت علشان اساعدها تمشى مكنش والله فى نيتى حاجه تانيه بس غصب عنى علشان كنت سكران ولما صحيت لقيتها جمبى و عرفت أنى عملت غلطه انا مش مسامح نفسى عليها ابدا وقبل ما اروح اسكندريه عملت حادثه وبعدها عرفت كل حاجه عن مرضى وقررت أنى اسافر اسكندرية وقابلتها وعرفت انها حامل منى بس أنا أنكرت ده بس والله غصب عنى انا كنت فى دوامة عرفت أنى مريض وكمان غلطت غلط كبير مكنتش عارف اعمل اى ومكنتش اعرف انها ماتت مكنتش قادر اتحمل أشيل جوايا علشان كدا قررت انى اجى واقول لحضرتك الحقيقه وانا راضى بحكمك عليا .
نظر له والده جميله ولكن كان غير مصدوم بما سمعه ابدأ كأنه كان إلى علم بذلك = بس إلى غلط مع بنتى خلاص اعترف وبياخد جزائه
= جه ازاى انا إلى كنت معاها
اجابته هدى=انا كنت فاكره كده زيك بس أنا دورت ورا الموضوع وعرفت أن فى واحد صحبك هو إلى عمل كدا مش انت
= ازاى مش فاهم
= انت لما كنت مع جميله انتو الاتنين كنتو شاربين وانت كنت متقل فى الشرب ووقعت وهى طبعا كان مفعول الشرب جديد عليها ووقعت هى كمان وكنتو فاقدين واعيكو بالكامل وانت اخر شخص كنت قدمها صحبك عمل إلى عمله فيها وبعدها حطكو جمب بعض وهرب علشان كدا صحيت لقيت نفسك جمبها بس انت معملتش حاجه يا ادهم انت اضحك عليك زى اختى بالظبط يمكن انا مكنتش اعرفك بس لما حكيت عرفتك
= طب وعملتو فيه اى
= اتحبس هو أنكر كتير لحد ما فى الآخر اعترف بكل حاجه
نظر له والد جميله= تعرف يابنى على قد مانا زعلان على إلى حصل لبنتى على قدم مانا فرحنا انك جيت واعترفت حتى لو انت اضحك عليك انت كمان بس على الاقل حاولت تصلح من غلطك ودى حاجه كويس واتمنالك انك تتعالج وتبقى زى الفل
= انا مش عارف اقولكو اى والله انا بشكركم جدا وربنا يحرم جميله ويصبركم يارب
وذهب ادهم وهو سعيد أنه لم يفعل شئ بجميله ولكن حزن كثير على والدها
انتهى العمل فى المستشفى وكان الجميع يتجهز للخروج
ذهب مراد إلى روح
= ممكن اتكلم معاكى شويه على انفراد
= ماشى
وذهبت معه فى مكان بعيد عن الباقى
= قول كنت عايزنى فى اى
= انا ...انا
= هتفضل منهج كدا ولا هتتكلم على طول
= انا بحبك يا روح
نظرت له بصدمه=.........