رواية زواج تحت سلطة العائلة الفصل الثاني عشر12 بقلم يارا محمد
مهران
جدك الكبير كان اعز صاحب ل ابويا الله يرحمه لدرجة أنهم حبوا نفس الست و اهي فضلت جدك بي اللي حصل أكبر شحنة غير شرعية بالغلط وصلت ل شركة ابويا و هو طمع كل الناس بتطمع ف المال الكتير جدك فضل يقنعه كتير و هو عندي مش بيسمع ل حد ل غاية ما اضطر يبلغ عنه ابويا خسر كل فلوسه بسبب جدك و الكره ده امتد ليا انا و جدك حلفت يومها أن عيلة الغول مش هتشوف يوم حلو بس للاسف ولادنا حبوا بعض و انا منعت ده و اخدت ابنها زورت ورقه علشان يكون ابني انا و ابنه هو اللي حفيدي .
ليلي بقرف
انا مشمئزة منك اوي انت شيطان ف هيئة انسان مستحيل تكون اب قتلت بنتك بحسرتها علشان بس اوهام ف دماغك انت محتاج مصحة .
مهران مسك شعرها .
و ناوي اعيشك نفس اللي عاشته بس اسوء انتي فاهمة بس الاول روحي احضري عزا اخوكي بعدين افكر هعمل فيكي أية .
ليلي قامت و بصتله بقوة و كره و تحدي كبير نعش اخوها وصل مع يوسف اللي كان ف دنيا تاني مش واعي ابدا صاحبه الوحيد مات و السبب انتقام مالوش داعي .
واجد بانهيار
ابني حبيبي ليه عملت ف نفسك كده سامحني يا هادي انا السبب انت و جدك ف ساعة واحدة مضطر ادفنكم مع بعض .
ف العزا كانت واقفة ليلي و الدموع بتنزل منها رمت نفسها ف جوازة مش عايزاها علشان جدها و ابوها اللي كان فاهم بيحمي اخوها لكن الاتنين راحوا بس هي هتكمل ناوية تنتقم من مهران و عياله بس الاول لازم تدور ورا ريان و افتكرت شهادة الميلاد قرب منها وجيه حط دراعه ع كتفها .
وجيه
اهدي أنا معاكي مش هسيبك هفضل ساندك يا ليلي الأمور هتبقي كويسة .
ليلي بصتله بكره
انا مش عايزة منك حاجة انت فاهم لا انت و لا عيلتك و بلغ جدك أنه مش هيشوف خير لا هو و لا عياله حتي انت بعد عني علشان المرة دي مش ياخده عزاك .
بعد تلات ايام العزاء خلص واجد وقف قدام بنته .
خلاص مش بقي لينا حاجة نخاف عليها اخوكي و جدك راحوا و انتي مش بقي ليكي مكان وسطهم انا مش هضحي بيكي يا ليلي انا هطلقك .
ليلي سحبت ايده
لا يا بابا مش هطلق انا ما ية ع حاجة تاني بس قلي عمي جواد ليه اختار روداء الشرقاوي دونا عن البنات .
واجد
جواد ياه ده قصة طويلة يا ليلي انت عرفتي بيها ازاي ده ماضي و اتنسي .
ليلي اخدت ابوها ع اوضة مكتب جدها و قفلت الباب و بصتله
شوف الشهادة دي كده .
واجد قرأ الورقة
اسم الام روداء مهران الشرقاوي و اسم الاب جواد سليمان الغول و الابن ريان .
واجد
مش فاهم انتي ليه معاكي الشهادة دي عايزة توصلي ل أية .
ليلي
انا شاكة أن ريان الشرقاوي ابن عمي جواد و حفيد مهران هو اعترف ليا أنه قتله و قتل بنته بحسرتها بعد و لادتها وهمها أنه موت ابنها و جاب ليها قماشة مليانة دم و ماتت انا لازم ابقي هناك .
واجد
حبيبي اهدي انتي بتقولي أية و أية عرفك أن ريان ابن مهران هو ابن جواد بس .
ليلي
حضرتك و عمو رسلان بتقوله ف وسط الكلام لما تقفل ف وشكم أو متوترين يا ويلي مش عارف اتصرف صح و في وحمة صغيرة ع معصم ايده زيكم انا شاكة ف ده ساعدني .
واجد
تمام بس طمنيني عليكي كل يوم مش حمل اخسرك انتي كمان .
ليلي رجعت و هي سرحانة و دماغها مشغولة عدت من قدام المكتب بس لفندت انتباهها كلام مهران مع ابنه جلال .
مهران
اسمع انا ماجل الشغل بقالي اسبوع بسبب الزفته دي انا عايز شحنة الهيروين و السلاح يعدوا من غير مشاكل فاهم يا جلال .
ليلي كانت بتتصنت لكن مش انتبهت للمزهرية اللي وقعت و هي بتحاول تسمع كويس .