رواية ارواح لا تستبدل الفصل الرابع عشر14 بقلم الاء محمد حجازي

خليني فاكرة إن كان بينا عشرة حلوة في يوم...

قبل ما ذكراك تتحول لقرف وكراهية.

خليني أفتكر إني حبيت... حتى لو غلط.

لكن لو فضلت تحاول...

أقسم بالله، المعزة اللي باقيالك في قلبي هتموت.

وأنا مش عايزة أوصل لمرحلة إني أكرهك.

فسابني يا خالد...

وعالج نفسك.

لأن اللي جواك محتاج علاج بجد.

صمت رهيب ساد المكان.

خالد كان واقف مصدوم... أول مرة يشوفها بالقوة دي.

أول مرة يستوعب حجم الخراب اللي سببه.

بسنت دموعها نزلت.

مازن قرب من نغم، وقف جنبها بفخر واضح.

أما خالد... فكان واقف، مكسور... لأول مرة يدوق من نفس الكأس اللي سقاها منه.

نغم بصت له آخر نظرة، وقالت بهدوء قاتل:

ربنا يسامحك...لأني أنا... يمكن يوم أسامح...بس عمري ما هنسى.