رواية من الذي احبه الفصل الخامس عشر15 بقلم لولو وائل
نظر لها بحزن وقال بصراخ=مياااااااار
صدم الجميع مما راوه لقد قتلت ميار بطريقه وحشيه وصادمه للغايه انها كانت تساعد كل من حولها ولم تؤذي احد ابدا حتى تموت بهذه الطريقه عندما راتها سوزان ظلت تصرخ وتبكي على ابنتها
=بنتي بنتي مين اللي عمل فيها كده مين اللي عمل فيك كده يا حبيبتي ردوا عليا مين اللي عمل فيها كده مين اللي قتلها مين اللي خد بنتى من حضني ده انا ما صدقت رجعت من السفر ليه تعملوا فيها كده ليه
حاولوا تهدئتها ما عدا مرام نظرت لها بغضب لانها تعرف ما تفعله والدتها وهى من قتلت اختها حتى لا تتكلم ميار باي شيء او تبوح بسرها كانت سوزان تصرخ وتبكي ولكن لم تصدقها مرام ابدا وكان مراد يقف لا يستطيع التحرك وكان الجميع يبكي على فراق ميار ولا يعرفون من استطاع ان يدخل البيت ويفعل هذا ومتى فعل ذلك لانهم جميعا بالبيت ولم يخرج احد من فعل ذلك خرج مراد من الغرفه واتجه الى غرفته حتى يحاول ان يهدا ويفكر وانصرف ايضا فريد وايضا دون ان يراه احد وانصرفت مرام ايضا وكان الباقي معها وقام بالاتصال بالاسعاف حتى تاتي وتاخذ ميار
كان فريد يقف في غرفته ويفكر فيما قالته اميره في الامس ايعقل ان تكون من قتلت ميار والدتها كيف تفعل ذلك وكان يفكر كثيرا الى ان قرر ان يقوم بالاتصال باميره
وبعد فتره اجابته اميره=الو الو مين
=انا فريد يا اميره
=انا مستنيه اتصالك من امبارح ايه الاخبار عندك ميار كويسه
تعجب فريد من سؤال اميره عن ميار ايمكن أن تعرف شيء اخر وتخفيه=بتسالي عن ميار ليه يا اميره
=بصراحه قلبي من امبارح مش مطمن وخايفه عليها اوي معرفش ليه بس من ساعه ما سمعت الكلام بتاع مامتها وهي بتهددها وانا مش مطمنه للست دي وخايفه تعمل لها حاجه قولي و متقلقنيش هي كويسه
=هي ماتت يا اميره صحينا الصبح كلنا دخلنا لقيناها مدبوحه في اوضتها انا مش متخيل ان ممكن تكون امها اللي عملت كده مستحيل
صدمت اميره عندما استمعت لذلك وتساقطت الدموع من عيناها فقد شعرت بشيء ما قد حدث وكانت خائفه عندما استمعت لحديث ميار امس وكانت تشعر ان هذا اليوم لن يمر بسلام على ميار=انت بتتكلم جد يا فريد ميار ماتت كنت حاسه والله كنت حاسه وانت هتفضل ساكت مش هتتكلم مش هتقولهم ان امها هي السبب
=اقول اى انت بتقولي اى يا اميره اروح اقولهم ام قتلت بنتها انتى لو شفتى منظرها جوه وهى بتعيط على بنتها ولا كانها هي اللي قتله بنتها فعلا كانها مصدومه زيها زينا انا نفسي مش عارف هي فعلا زعلانه عليها ولا بتمثل عشان متتكشفش قدامنا انا مبقيتش عارف اعمل حاجه
=يعني حق ميار هيروح كده سابت عيلين و جوزها عيالها لما يسالوا عنها هتقولو اى جوزها لما يعرف ممكن يعمل ايه احنا لازم نتصرف يا فريد منفضلش ساكتين كدا هي صعبانه عليا انا زعلانه عليها اوي انا من يوم واحد بس وحبيتها احنا لازم نثبت كل حاجه على الست دي
=هنثبت ازاي يا اميره بقولك انت لو شفتي منظرها قدامي دلوقتي كانت بتعيط بتنهار وبتصرخ على بنتها ولا كان واحده عامله حاجه يعني انا لو حلفت لهم بكل حاجه ان الست دي هي اللي قالت لبنتها محدش هيصدقني هنحلها ازاي
=انت بتقول ايه
صدم الفريد ونظر وراءه ووجد مراد يقف وراءه وعيناه يظهر عليها الحزن والاحمرار من كثره البكاء والغضب على وجهه اقترب مراد من فريد وقرر فريد ان يغلق الهاتف قبل ان يعرف مراد انه كان يتحدث مع اميره
=انت كنت بتقول اى من شويه يا فريد
=بقول بقول ايه مقلتش حاجه
=فريد متحورش انا سمعت كل حاجه الكلام اللي انت بتقوله ده حقيقه
=سمعت ايه بالظبط
=اكيد يعني يا فريد مش هوقعك في الكلام سمعت ان انت بتقوله ان سوزان هي اللي قتلت بنتها متاكد من اللي انت بتقوله ده انت شايف منظرها عامل ازاي جوه
=ده إلى انا بتكلم فيه انا لو روحت قولت لكل جوه ان هي السبب فى موت بنتها محدش هيصدقني وانا بصراحه مش عارف اعمل ايه
=انت بتاكد على كلامك البنت ماتت على ايد امها خالتي هتعمل كده ليه اى السبب
= بنتها ماسكه عليها حاجه لو اتكشفت خالتك مكانها هيبقى على حبل بالمشنقه مش معانا في البيت
=انا مش مصدق اللي انت بتقوله انت جبت الكلام ده منين ومعاك دليل على اللي انت بتقوله ده
=اميره كانت عندها انا فعلا كان لازم اجيب دليل وبعدها اعرفكو
=هي اميره معاك كمان يعنى هي كمان تعرف كل حاجه
=اميره عرفت امبارح بالصدفه سمعتهم وجت حكتلي على كل حاجه وقالتلي ان احنا نتساعد مع بعض ان احنا نكشف حقيقتها بس اكيد انت شايف ملحقناش نعمل حاجه
=وليه متبقاش مرام اللي عملت كده
=روح عندها واسالها واعرف انا معرفش بس انا اعتقد ان مش مرام اللي عملتها
=متاكد من المعلومه دي
=مش عارف بس حاسس ان هي مش هتوصل انها تقتل وكمان اختها صعبه
=فكرتني صح انا كنت جاي اقواك ان عربيه الاسعاف جت تحت هتيجي معانا ولا هتفضل في البيت
=لا روح انت انا مش هقدر اشوفها بالمنظر ده
=ماشي
=ربنا يرحمها يا رب ويصبرنا ويصبر جوزها واولادها
في منزل سلمى تعجب اميره من اغلاق فريد الهاتف عندما ارسلت له رساله اجابها انه مشغول حاليا ونظره خلفها وجدت روح تقف امامها وبغضب شديد
=انتى كنت بتكلمي فريد يا اميره
=كان بيسألنى على حاجه وكنت بجاوب عليها
=واى الحاجه دي بقى
=هو انتى متعرفيش اللي حصل في بيتهم
=ايه اللي حصل
=مش ميار ماتت وشكل كمان اللي موتها من جوه البيت لان هما لقوها مدبوحه
=انت بتقولي ايه متهزريش معايا انا عارفه هزارك البايخ
=والله العظيم مابهزر اسألي مراد هيقولك كل حاجه انا لسه عارفه كل حاجه دلوقتي من فريد هنا راحو دلوقتي باين المستشفى عشان يخلصو الاجراءات ويدفنوها فعايزه تروحي معاهم روحي
=انت بتتكلمي جد وهيكون مين اللي قتلها
=الله اعلم في الخطوبه كان فى ناس كثير ممكن يكون حد منهم لازم تدوروا وتعرفو
ذهبت روح وابدلت ثيابها وذهبت واخبرت سلمى عن ذهابها وذهبت مسرعه الى مراد وذهبت سلمى لتعرف ما سبب ذهاب روح من اميره= روح راحت متسىربعه كده ليه في ايه اى الى حصل
=ميار بنت خالت مراد ماتت مقتوله ومش عارفين مين إلى عمل كده
= انتى بتقولى اى وانتى بقى عارفه حاجه عن إلى قتلها
= لا وانا هعرف منين
سلمى بشك=هصدقك
وصلوا الى المستشفى وطلبت المستشفى ان يقومو بإبلاغ الشرطه حتى يعرفوا من السبب فى الذي حدث لميار
=انت لازم تتحرك يا دكتور مراد لازم تروح تعرف مين اللي عمل كده سكوتك مش هيفيدك
=عارف وانا هتصرف وهعرف مين اللي قتلها
=براحتك
انهو مراسم دفن ميار ورجعو الى المنزل مره اخرى عندما دخل الى المنزل وجد مراد روح تنتظره وذهب إليها مسرعا
=روح انا محتاجلك اوي عارف انك عرفتي
=اهدى يا مراد لازم نعرف مين اللي عمل كده فيها
=جيتى لوحدك ولا معاكي حد
=جيت لوحدي مقدرتش اسيبك في الوضع ده
انسحب فريد من حولهم وذهب الى مرام كان يطرق على الباب حتى استمعت مرام وفتحت الباب
=في ايه يا فريد عايز ايه
=انت اللي عملت كده في اختك
=عملت ايه انت اتجننت انت بتتهمني بقتلها انا استحاله اعمل كده في اختى
=اومال مين اللي عمل كده مين اللي قتلها
=معرفش بس انا هستفاد اى من قتلها انا عمري ما كرهت اختي ولا لدرجه ان انا اقتلها انا عمري ما كنت كده
=شكه في مين قولي بصراحه متكدبيش عليا
=مش ممكن تكون روح هي اللي عملت كده فيها
=مرام انا عارف ومقدر انك بتحبي مراد بس مش تطلعي خطيبته هي السبب وخطيبته لسه عارفه دلوقتي
=ويمكن بتمثل
=مفيش حد بيمثل غيرك لو مقلتيش اللي حصل يا مرام انا معايا حاجات هوريها لمراد عنك هتخليه مش بس يكرهك انتى ممكن كمان يطردك من البيت هتقوليلى الحقيقه ولا هتفضلي تحوري
=معرفش حاجه
=طيب خليكي كده افضلي حوري واكدبي ومترجعيش بقى تزعلي من اللي هيحصل فيكى
=خلاص هتكلم بس متقولش حاجه لحد ولا حتى لمراد
=مش هقول لحد خلصي بقى قولي ايه اللي حصل
=بالليل بعد ما الكل نام انا كنت قايمه عطشانه روحت اجيب ميه اشرب لقيت خيال كان موجود في الصاله وكان طالع على السلم روحت اشوف مين لقيتها امي كنت لسه هندهلها بس لقيتها ماسكه سكينه في ايديها كانت ماشيه هتتسحب عشان محدش يسمعها دخلت اوضه ميار انا سمعت ميار وهي بتتكلم كنت عايزه ادخل الحقها بس كنت خايفه لان انا عارفه ان انا لو دخلت كانت هتقتلنى انا وميار في وقت واحد سمعت صرخه ميار لما قتلتها قتلتها بدم بارد مزعلتش حتى عليها انا لما شوفتها النهارده وهي بتعيط ساعتها شكيت في نفسي قولت يبقى انا غلطانه وهي معملتش حاجه وقولت ممكن يكون كان حلم بس مستحيل انسى إلى شوفته وانا عارفه انها ب 100 وش وانا معيش دليل عليها وخايفه اتكلم تعمل فيا زي ما عملت فيها
=امك جالها قلب انها تقتل بنتها طب ازاي محستش ايديها بتترعش وهي بتقتلها هى ازاى كده بجد
=انا عايزه اساعدك بس انا فعلا حتى لو اتكلمت اديك شفت اللي هي عملته اثبتت بالدليل القاطع انها ملهاش ذنب في حاجه
=احنا لازم نثبت كل ده مش هينفع نسيب الست دي تعيش معانا في بيت واحد
صعدت سوزان الى الاعلى ووجدت فريد يقف مع مرام يتحدثون وكانت هناك علامات من الحزن على وجه مرام
=بتتكلموا في ايه
فزع فريد عندما استمع اليها ووجدها وراءه وخاف ان يكون قد استمعت لشيء مما قالته مرام له للتو ولكن عندما تحدثت علموا انها لم تعرف شيء
=كنت بتكلم معاه عادي يعني كنت بقوله يعني اخر حاجه قالتها ميار و كده يعني وبنفتكر ذكريات ميار مع بعض في مشكله
=لا يا ابني مفيش مشكله لازم يابنى تعرفه مين اللي قتلها وتاخدو حق بنتي من إلى خدوها من حضني
=اكيد هنعرفها او هنعرفه في اقرب وقت
=ان شاء الله
قرر فريد ان يذهب ونزل الى الاسفل ونظرت سوزان الى مرام بشك خافت من ان تكون قد قالت شيء امام فريد
=انت قولتى حاجه لفريد
=محصلش
=لو طلعتى بتحوري يا مريم هتزعلي اوي
=ما انا عارفه هتعملي في ايه في الاخر زي ما عملتى فى بنتك حسبي الله ونعم الوكيل
=انت بتقولي ايه انا اكيد مش هعمل كده في بنتي
=بصي ريحي بس وبطلي شويه الصعبانيات ده قدامي عشان عارفه وشك الحقيقي وعارفه ان انت السبب في موتها وان انت اللي قتلتيها و عشان محدش يكتشف سرك مثلتى دور الغلبانه وإلى متعرفش حاجه بشطاره
=وانتى عارفه كويس اوي ان لو حد عرف هتبقى مكان اختك خدي بالك من كلامك
لم ترد مرام ودخلت الى غرفتها واغلقت الباب وشعرت سوزان بالشك تجاه فريد انه يكون قد عرف شيئ
قرر مراد ايصال روح الى منزلها وقرر ان يتحدث مع اميره قبل الذهاب
=اميره انا عايزه اعرف كل حاجه انتو ليه قولتو ان خالتي هي اللي موتت بنتها
=هو انت عرفت طب فريد مقالكش
=مش عايز اعرف من فريد عايز اعرف منك انتى قوليلي كل حاجه يااميره و متخبيش عني حاجه
=امبارح وانا في الفرح سمعت بالصدفه كلام ميار و مامتها وميار بتقول لمامتها ان هي هتروح تقول ان مامتها السبب في موت مامت وولد فريد ويوسف انا لما سمعت ده اتصدمت وكانت بتقول مامت ميار ليها ان لو حد عارف هتخلص عليها وانا بصراحه قلبي مكنش مطمن وكنت خايفه لحد ما فعلا حصل لما فريد كلمني قال ان ميار ماتت فعرفت ان مامتها هي اللي عملت فيها كده عشان تكتم على اسرارها وجرايمها يعني
صدم مراد عندما استمع لما قالته اميره وتوعد لسوزان=انا اللي هدمرك واعيشك في رعب يا خالتي الغاليه