رواية ويبقي الاثر الفصل الاول1بقلم الاء وائل
=هما بيبصولى كده ليه حاسه ان الست دى وراها حاجه معقول يكون الاتنين دول متجوزهم ولا واحده مراته وواحده والدته ولا يمكن يكون متجوز الست الكبيره دى علشان معاها فلوس ومتفق مع التانيه علشان يقتلوها وياخدو فلوسها ولا يمكن تكون حاجه تانيه
= انتى بتعملى اى
=مش حاسه بعلاقه مريبه بين الاتنين دول
= حتى لو فى علاقه مريبه بينهم احنا مالنا بيهم
= لا مالنا مش يمكن يحصل جريمة قتل ويقتلو الست الغلبانه دى
=يقتلو مين انتى كمان دى حماتها
=وعرفتى منين بقى
=حياة بقولك اى مش ناقصه الروايات إلى بتقرأيها دى تطبع عليكى انتى ناسيه أنها جتلنا من يومين وكانت بتعزمنا على سبوع ابن ابنها
حياة =ايوه صح نسيت خلاص ياستى اعتبرينى بفكر فى افكار جديده لروايتى الجديده
=ولما تفكرى فى افكار تموتى الست وعلى ايد ابنها ومراته
حياة = بقولك اى يا ملك روحى شوفى دراستك وابعدى عنى وعن دماغى
ملك=هبعد بس عايزه فلوس القسط الاول بتاع الكليه علشان ميجيش انذار واترفد
حياة= حاضر انا هتصرف واجيبهم
ملك= قدامك اسبوع ماشى
حياة=طب هما كام
ملك=٢٠ الف
حياة بصدمة= كاااام
ملك=انتى عارفه إلى فيها اعمل اى طيب
حياة=روحى شوفى مذاكرتك وانا هتصرف
مش عارفه أخرج من صدمة المبلغ مش عارفه اعمل اى هجيب الفلوس منين = محدش يعرف أنى سبت الشغل ومش لاقيه غيره اعمل اى دلوقتى لازم الاقى شغل جديد بأى طريقه
فى مكان تانى فى شقه فى عماره على النيل كان واقف فى البلكونه شاب فى الثلاثينات من عمره شارد فى تفكيره إلى ان قاطع تفكيره دخول احد
=هتفضل متنح كدا كتير
=عايز اى خير الواحد ميعرفش يقف فى هدوء شويه
= هتفضل هنا لحد امتى
=انت عايز اى
=عايز تبطل دور المحقق ده وتعيش حياتك الطبيعيه خطيبتك بتحبك انت ليه مش مقتنع
= عايز اعرف هى عايزانى علشان انا ولا علشان فلوسى انا مش مرتاحلها خالص وانت شوفت اخر فتره بعد ما سبت الشغل مؤقتا معملتها اتغيرت معايا جدا
= يمكن اتغيرت لسبب تانى بلاش سوء الظن ده
= انت عارف إلى فيها بلاش دور الحكيم ده
=يونس انا عايزك تعقل وترجع البيت والشركه وكفايه كده
يونس=بصراحه انا عايز اعيش حياه بسيطه بعيد عن جو الشريكات وحواراتها
= وبعدين
يونس=انت بتتريق صح
=عايزانى اقولك اى سيب الشركه ماشى طب وابوك المريض مين هيشيل معاه معتز إلى مرات ابوك عايزاه ياخد كل حاجه وانت عارف انها لو طالت كل ده انت وابوك واخوك هتترمو فى الشارع ارجع لعقلك ويلا نرجع البيت كفايه لحد كده
يونس=هو ده مش بسببه حد قاله يتجوزها
ابراهيم=وندم وبيدفع تمن غلطه ومش عارف يسيبها بسبب الورق إلى هى مسكاه عليه هنعمل اى بقى هنفضل هربانين ولا نتحرك ونعمل اى حاجه
يونس=طيب هرجع كلم رائد يجهز ورق الصفقه الجديده وانا راجع
ابراهيم=يعنى انت متابع
يونس=انت فاكرنى لما اسيب الشركه ابقى مش عارف اى إلى بيحصل فيها تبقى مش عارفنى انا عارف ان معتز لحد انهارده بيحاول يوصل لورق الصفقه ومفيش غير نسخه مع رائد ومش هخليه يشم ورقه من اى صفقه لحد ما امسك الورق إلى فى ايدهم وهطرده هو وامه
ابتسم ابراهيم من ذكاء صديقه المقرب لعلمه بكل شئ يمر فى الشركه =كده ياصحبى نبدا الشغل على كبير
يونس=كبير اوى كمان المهم اخلص من فوزيه والكلب بتاعها
فى مكان شعبى وبيت صغير يسكنه ثلاث بنات اخوات حياة الاخت الكبيره خريجه ووبتدور على شغل وملك الاخت الوسطى فى الجامعه فى المستوى الاول ونور الاخت الصغيره فى الاعدادية وكانو مجتمعين على الغداء وكانت حياة شارده فى طريقه لدفع القسط الأول من مصروفات اختها
ملك= مالك يا حياة متاكلى
حياة= باكل اهو بقولك اى هو ينفع القسط يتأجل مثلا شهر ولا حاجه اسبوع صعب اجمع فيه مبلغ زى ده
ملك= اخر يوم للدفع هيبقى بعد أسبوعين بعد كده هيبقى بغرامة
حياة= ماشى هحاول اجمعهم
نور= حياة انا كنت عايزة اقولك حاجه
حياة= قولى
نور= انا لسه مدفعتش المصاريف بتاعت المدرسه خوفت اقولك بصراحه
حياة= لا متخافيش هتدبر بإذن الله بس الاقى شغل الاول
ملك= انتى سبتى الشغل التانى
حياة= قصدك اتطردت الله يسامحها ويرحمها امك بقى
ملك= حصل اى
بصت حياة لملك وفهمت ملك ان مينفعش يتكلمو بأى حاجه قدام نور وكملو اكل وراحت نور علشان تنام ودخلت حياة اوضتها ودخلت ملك وراها.
ملك= ممكن اعرف بقى حصل اى
حياة= الراجل إلى شغاله معاه كان يعرفها وكانت متجوزاه ونصبت عليه وخدت منه كل حاجه وسابته زيه زى غيره الله يرحمها ويسامحها على إلى كانت بتعمله
ملك= وانتى مالك بكل ده
حياة= للاسف بنتها تعرفى ياملك انا نفسى اقول لكل الدنيا الست دى مش امنا نفسى محدش ياخدنا بذنبها يشوفو أننا مش زيها بنجرى ورا الفلوس احنا عايزين نبقى فى حالنا انا بقيت مش لاقيه وظيفه اتقبل فيها بسببها ومش عارفه اعمل حاجه ومش عايزه انقلك جامعه حكوميه علشان حلمك انا مبقتش عارفه اعمل اى
ملك= طب ما تشتغلى فى شركة شهادتك مش قليله
حياة= طب افرضى طلع صاحب الشركه او حد فى الشركة يعرف امى برضو اعمل انا اى ساعتها
ملك= وليه نفترض الوحش جربى لو فضلتى كدا مش هتشتغلى خالص انتى محتاجه شغل اكتر من اى حد دلوقتى
حياة= عندك حق هنزل بكره وادور وان شاء الله الاقى
ملك= إن شاء الله هروح انام بقى علشان بكره يومى هيبقى طويل
حياة= ماشى ربنا معاكى ويوفقك
راحت ملك على اوضتها وعدى الليل بسرعه وبداية يوم جديد
ملك= صباح الخير
حياة = صباح النور خدى خلى دول معاكى لو احتجاتى حاجه
ملك= شكرا يا روحى انا ماشيه بقى
حياة= ماشى خدى بالك من نفسك
نور= استنى يا ملك همشى معاكى
حياة= طيب خدى الاكل ده معاكى والفلوس دى برضو
نور= ماشى همشى قبل ما ملك تسبنى
حياة= ماشى روحى الحقيها
بدأت حياة تجهز الورق إلى هتحتاجه فى التقديم غيرت هدومها وظبطت حجابها ونزلت وبدأت تسأل عن شركة تكون كويسه وتقبل مؤهلاتها وسألت جارتها فريدة لانها كانت فى نفس كليتها
حياة= فريدة ممكن اتكلم معاكى دقيقه معلش
فريدة= اتفضلى
حياة= بقولك اى متعرفيش شركة كويسه اشتغل فيها
فريدة= ممكن تشتغلى فى الشركة إلى انا فيها
حياة= شركة مين
فريدة= شركة العامرى اكبر شركة فى الشرق الأوسط
حياة= نعم ودى هتقبلنى انا مؤهلاتى مش عاليه ولا مناسبه ليها
فريدة= ماهو علشان كدا بقولك روحى الشركة دى هى عايزه مؤهلات بس صاحب الشركة عايز حد يكون امين وكويس وبتاع شغل انا روحت وكنت عامله زيك بس حقيقى لما قدمت معاه وافق بسبب امنتى واحترامى جربى يمكن تتقبلى بس الفكره أن هو بقالو فتره مش موجود وأخوه هو إلى موجود وأخوه رخم جدا مش عارفه هيقبلك ولا لا
حياة= ياحظى الى زى الفل يعنى اروح ولا لا
فريدة= تعالى معايا وجربى وان شاء الله خير
حياة= شكرا جدا يا فريده بجد مش عارفه اقولك اى
فريدة= انتى زى اختى يا حياة مفيش بينا شكر يلا بقى علشان انا فعلا متأخره
حياة= ماشى يلا
واتجهو للشركة ووقفت حياة برهبه من الدخول
فريدة = يلا يا حياة متخافيش
دخلت بخوف كبير لما دخلت شوفت مكان عمرى ما شوفته غير فى الافلام الاجنبيه المكان فخم اوى وكبير جدا وعدد الى بيشتغل هناك على حجم المكان قليلين جدا كل ما بدخل اكتر بحس أن جوا فى تفاصيل احلى بكتير لحد ما وقفنا عند مكتب بنت سألتها فريده عن مكتب التقديم وقالتلها تركب الاسانسير ونطلع الدور ال15
اول مره اعرف ان فى شركة بعدد الأدوار دى ركبنا الاسانسير لحد ما وصلنا مكان حسيت انى دخلت قصر ملكى افخم من الدور إلى كنت فيه بكتير ومفهوش غير ٣ اوض بس كل اوضه بينها وبين التانيه مسافه كبيره اوى تحس انك علشان تروح من اوضه للتانيه محتاج عربيه توصلك فضلنا قاعدين شويه لحد ما بنت جت علينا وقالتلنا ندخل
فريدة= يلا يا حياة
حياة= هندخل فين
فريدة= لصاحب الشركة
حياة= أنهى فيهم الحلو ولا الوحش
فريدة= هندخل ونعرف يلا وبلاش نضيع وقت
حياة= ربنا يستر
فى داخل كان قاعد على المكتب شاب ثلاثينى قاعد بإهمال والملفات كلها نصها على الأرض ونصها على المكتب ومحطوطه بإهمال كبير
اتكلمت حياة بصوت هادى تسمعه فريدة بس =ده منظر مكتب لصاحب شركة زى دى طب ازاى
فريدة بصوت هادى=ده مش صاحب الشركه ده اخوه إلى قولتلك عليه شكل صاحب الشركة لسه مرجعش
حياة= يا حظى الى زى الفل
فريدة= صباح الخير يا حمزه بيه
حمزة وهو مركز فى التليفون ورجلة فوق المكتب: ارغى عايزه اى
حياة= انا حضرتك كنت جايه اقدم فى الشركه هنا
ساب التليفون وبص ناحية الصوت وابتسم =اتفضلى اقعدى
حياة بخوف= حاضر
وبص ناحية فريدة = اخرجى انتى وانا هخلص المقابله دى
حست فريدة بخوف من حمزه وعلى حياة : حاضر انا بره يا حياة هستناكى
حياة بخوف= ماشى
حمزة بإبتسامة= اتفضلى
حياة= شكرا كنت عايز اشتغل هنا ده كل ورقى
اخد حمزه الورقه واطلع عليه بالكامل وشاف أن مؤهلاتها كلها مش وحشه
حمزه= تمام مؤهلاتك كويسه تقدرى تبدأى دلوقتى بس هتدربى الأول وبعدين هتبدأى
حياة= وهشتغل فين
حمزة= محاسبة تكاليف مع فريدة فى نفس المكتب
حياة= تمام شكرا جدا لحضرتك
حمزة= تقدرى تتفضلى
حياة= شكرا جدا
خرجت حياة وكانت فريدة بإنتظارها
فريدة= عملتى اى
حياة= قبلنى وكمان هشتغل معاكى فى نفس المكتب
فريدة بصدمة= قبل غريبه ازاى ده حصل ده مش بيقبل حد خالص
حياة= بصراحه انا خوفت منه اوى
فريدة = وانا والله حسيته مريب اوى
حياة= اى الصوت العالي ده
دخل يونس بغضب شديد بسبب علمه أن حمزه فى مكتبه وسأل السكرتيرة بغضب = انتى ازاى تدخليه مكتبى وكمان يعمل مقابله هو بقى صاحب الشركه وانا معرفش
خرج حمزه من المكتب على الصوت عالى وقال بغضب=فى اى مين إلى بيزعق ده
بصله يونس بغضب كأن النار هتطلع من عينه من كتر الغضب= انت ازاى تدخل مكتبى فى غيابى وكمان تعمل مقابلات انت ملكش ولا حق ولا صلاحيه فى اى حاجه ولا حتى شركة ابوك انت بأى حق قاعد هنا
حمزة بغضب شديد= هو مش انت الى سبت الشركة ومشيت ابوك إلى قالى ابقى هنا انا هنا بكلمة من صاحب الشركة الحقيقى
يونس=وانا رجعت اطلع بره الشركة ومشوفش وشك تانى
حمزة=وانت مين علشان تطلعنى من الشركة
يونس=صاحب الشركة والوريث الشرعى ليوسف العامرى انت بقى مين انت اخرك ابن فوزية وبس والله واعلم اذا كنت ابنها فعلا ولا لا
ومسك حمزه يونس من هدومة وقال بغضب= ولاااا اياك تجيب سيرة امى على لسانك انا امى انضف منك انت فاهم
وجة ابرهيم وبدأ يفك الاشتباك بين يونس وحمزة = متهدو يا جدعان مش كده الكل بيتفرج علينا
يونس بإستهزاء= الحق يا ابراهيم بيقولك أن فوزية السويدى انضف منى فوزية السويدى الى مسبتش رجل الا واتجوزته وخلفت منه و نصبت عليه وخدت كل ما يملك بقت شريفة
بدأ حمزه يحس بخانقه من كلام يونس = انا ماشى
ذهب حمزه من الشركة هو حزين بسبب أفعال أمه ومتعصب من كلام يونس قدام الموظفين
ابراهيم= أهدى يا يونس وتعالى ندخل المكتب يلا يا جماعه كلو على شغله
ودخل ابراهيم ويونس المكتب وفضلت حياة واقفه مصدومة والدموع فى عينها
فريدة: مالك يا حياة متنحه كده ليه وبتعيطى ليه
حياة فضلت ساكتة والكلام كتير بيتقال جواها واهم جمله قالتها=فوزية لسه عايشه امى لسه عايش