رواية الحب المفاجئ الفصل الثالث3بقلم امل بكر
سُلميان،
-عيب عليك تحب ادورلك علي البت دي؟!!
-لا ياعم شكراً مش عايز
-انا بقول كده برده اصل بصراحه غداره اجت بتقول انك بضايقها !!
-انا مش فاهم والله اي القالبه دي
-هما الستات كده ياعم قالبين ونكدين كمان
اتكلمت وانا برفع حاجبي ،
-والله وانتو خاينين وبعدين انت بتتكلم كده هو انت اتجوزت ولا حاجه ؟!!
سُليمان بصلي ورد ببرود ،
-دراسكو وعارفكو
-ياسلام لي هو احنا منهج هتلاقيك كنت بترتبط وشغل الشباب ده لاء وكمان ببنات مراهقه
حسيت بيه اتعصب وكان هيرد بس أحمد سابقه وهو بيتكلم بضحكه،
-جدعه والله انا الي اعرفو انكو ملاك
همس ضيقت عيونها وهي بتبص لأحمد،
-مش عليا ياحموده بتحاول تطلع منها فهماك
برقلها وهو بيقول،
-بس يابنتي اسكتي دلوقتي اي الفضيحه دي !!
سُليمان،
-وانتي ياست المعرفه والخبره عايزه تقولي انك مكلمتيش واحد قبل كده
أحمد رد بمشاكسه،
-بس ياسُلميان دي خصوصيه
رديت بثقه وريأكشن تحدي،
-عمري ماكلمت ولد ولا حتي هفكر
أحمد بغمزه مراوغوه ،
-لا عجبتني والله
سُليمان قرصه وهو اتوجع
افتكرت حاجه فااتكلمت بسرعه ،
-اه صح كان في صوت اول امبارح حد بيقرء قرأن واظن كان من عندكو
همس بعدم معرفه ،
-لا معرفش
أحمد ابتسم ورد بهدوء ،
-ايوا ده انا للدرجه صوتي عالي ؟!!
اتكلمت بانتباه ،
-بتهزر مش كده صوتك اللهم بارك بجد
ابتسم بشكر،
-تسلمي والله
رجعت اتكلمت تاني بحماس وفضول ،
-طب انت بتحفظ عند مين ؟!!!ولا درست التجويد ازاي!!! ولا اخد نور البيان منين ؟!!اصل قرائتك كان باين انك دراس ومتمكن كمان
احمد ضحك،
-طب براحه هقولك عملت كل ده فين بس والله فرحتيني صوتي كان حلو يعني؟!
-حلو بس !!!ده روعه
سُليمان كان عمال ينفخ وهو باصص في الموبايل وشكل في حاجه حصلت في الموبايل اكيد مضايقا مع علينا ركزت مع أحمد باهتمام وهو بيعرفني منين عمل كل ده
-بس كده ياستي انا ممكن ابعتلك لينك الصفحه الي ختمت معها القرأن
هزيت راسي بابتسامه ،
-طب تمام حلو اوي
همس،
-بصراحه المعلمه الي فيها كويسه جداً احنا كده هنبقي مع بعض
ابتسمت بفرحه ،
-طب ده حلو اوي كمان وبسمعلك الي هحفظه
-هو انا بسمع لأحمد علشان كده قولت ان نفسي اختمه معاه بس اي رائيك لو تنزلي وبنسمعله مع بعض
سقفت بعفويه،
-تمام جداً موافقه طبعاً
أحمد اتكلم وهو بيرفع راسه بتكبر،
-لو سمحت كده بقي فيه فلوس هتدفع
رفعت حاجبي ،
-ياسلام !!خلاص ياعم انا فكرته مجاني
-خلاص علشان بس انتي بنت عمي واختي ببلاش ياستي يلا افرحي
ضحكت عليه وانا برد،
-ماشي ياسيدي متشكرين
سُليمان اتنحنح وهو بيوجه كلامه لهمس بغيره باينه من نبرته ونظراته،
-وهو الصفحه الي بتقولو عليها دي فيها معلم راجل ولا اي الحكايه !!!؟
همس ،
-هو اه في معلم بس انا ببقي مع معلمه
هز راسه ونظره اجي عليا واتكلم بأمر ،
-وانتي كمان هتكوني مع نفس المعلمه بتاعت همس
قفلت عيني لثواني وانا مضايقه من طريقته دي،
-ما اكيد مش محتاجه حضرتك تعرفني
طنش كلامي وهو بيقوم وبيطلع من البيت كله
وأحمد كمان جاله إتصال ونزل تحت
وانا وهمس فضلنا قاعدين لغيت ماما قالت يلا بينا نطلع
ودعت مرات عمو وهمس وصحينا استاذ سيف وطلعنا قلعت الاسدال واخد شاور وفضلت قاعده علي السرير وانا مبسوطه علشان هبدء حفظ قرأن
اي ده !!! انا ولا أخد رقم همس ولا أحمد ازاي هيبعتولي لينك الصفحه علشان اسجل !!
نمت بعد ماقولت هشوف هعمل اي
صحيت تاني يوم بدري علشان الكليه لبست ونزلت قابلت شيرين في الكليه وسلمت عليها حضرنا محاضرتنا واحنا قاعدين بنفطر شوفت همس قاعده مع واحده رفعت حواجبي بدهشه انها في الكليه معايا
قومت وقفت علشان اروحلها شيرين اتكلمت وهي بتبصلي،
-راحه فين يابنتي ؟!!
-بنت عمي هروحلها
مسكت شنطتها ووقفت ،
-طب استني هاجي معاكي
روحتلها وهي اتفأجات بيا ،
-اي ده أبرار انتي هنا
-ايوا استغربت انك هنا شكلنا معرفناش بعض كفايه
ضحكت،
-عندك حق
كملت كلام وهي بتعرفني علي صاحبتها ،
-ياسمين صحبتي ، أبرار بنت عمي
قامت حضنتني بلطافه وابتسامه واتكلمت ،
-علفكره فيكو شبه من بعض
بصيت لهمس ،
-اكيد همس ليها الشرف
رفعت حاجبها ،
-ياسلام بقي كده
ضحكت وانا بعرفهم علي شيرين،
-نسيت اقول شيرين صحبتي ، وهمس بنت عمي زي ماعرفتي
شيرين سلمت علي همس ولكن ياسمين تعاملت كأنها مشغوله في التلفون
همس قعدت وبصتلي،
-اقعدي معاانا بقي
قعد وانا ببص لشيرين،
-اقعدي
-لا همشي انا هروح اقعد مع العيال
-طب لي بس اقعدي شويه معانا وبعدين انتي تقصدي الشباب !!!
-ايوا فيه بنات برده معاهم
قومت وقفت وبعدنا شويه عنهم وطيت صوتي ،
-بس انتي ياشيرين معتيش بتقعدي معاهم لي هترجعي ؟!!
-ماهو انا مش هقعد مع ياسمين دي تاني
اتكلمت بعد مااستوعبت،
-هي دي ياسمين صحبتك الي قولتي عنها
هزت راسها ،
-ايوا مانا قولتلك هي اصغر مننا بسنه
-مش فاكره بس اي رائيك تقعدي وتحاولي تكلميها
-لا خلاص انا مش عايزه اكلمها تاني وبعدين انا مش هتزلل
-طيب خلاص خلينا نروح البيت مع بعض بس بلاش تقعدي مع البنات الي معاهم شباب
-معلش ياأبرار خلي كل واحد يعمل الي يريحه وروحي انتي اقعدي معاهم
قلبي وجعني من كلامها وحسيت بالاحراج هي بتقولي ملكيش دعوه بس بشياكه
اتكلمت بعد ماخد نفس وانا حاسه اني هعيط،
-شيرين انا مش قصدي اتدخل بس انا علشان بحبك بقول كده وانتي عارفه
-ماشي شكراً بس بلاش كل شويه ضغط عليا بحس بخنقه يلا مع السلامه
قالت اخر كلامها وانا عنيا دمعت غصب عني انا اكتر حاجه مش بحبها ان اكون تقيله علي حد وانه يجرحني بالكلام
همس ندهتلي لما لقت شيرين مشت وانا لسه واقفه مكاني
مسحت دموعي وروحت قعد وبعد لما أكلنا فضلنا نتكلم شويه وياسمين برده كانت بتتكلم وطريقتها كانت خفيفه وحلوه اوي
تلفون همس رن خلصت كلام وقالت،
-أحمد مستني بره يلا ياأبرار هنروح مع بعض
ياسمين ،
-تمام وانا كمان همشي
همس،
-تعالي نوصلك في طريقنا
-معلش ياهمس مش هينفع
همس بتفهم اكيد علشان اخوها،
-طيب خلاص ماشي خلينا نركبك طيب علي الاقل
هزت راسها بموافقه طلعنا بره الكليه وأحمد كان مستني في العربيه ركبنا ياسمين تاكسي
اتكلمت باحراج وانا بوقف همس قبل لما اروح ناحيه العربيه،
-همس هروح انا كمان
-طيب ماحنا طريقنا واحد اي المشكله
-لا مانا بتحرج و
مكملتش كلامي وهي بتشد ايدي وبتفتحلي باب العربيه الي ورا وشاورت بعنيها،
-اركبي ياأبرار الله يهديكي
ركبت وانا ببصلها بضيق أحمد لفلنا وهو بيضحك،
-اي ده أبرار !!
بغلاذه،
-لا خيالها
همس ركبت جمبي وهو اتكلم،
-ظريفه موووت اي الي جابك ؟!!
رفعت حاجبي ،
-انزل يعني !!
دور العربيه،
-ياستي مش قصدي كده شوفتيها صدفه ياهمس وعطفتي عليها تروح معانا ولا اي ؟!!
فتحت بوقي بدهشه،
-اي ده ماتعقل الكلام الله انا في الكليه حضرتك
-قد اي ياعروسه؟!
كتمت ضحكتي علي طريقه كلامه،
-مبحبش عروسه دي !! انا في اخر سنه رابعه
-طلعتي صغيره يعني
-ياسلام مانت في تالته ياصغير
بصلي في المرايا ،
-انتي عرفتي ازاي هتلاقيكي ماشيه ورايا وبتراقبيني اه منك
-ياعم اتنيل هو انا فاضيالك
همس اتدخلت ،
-شكلك بيبي عمال تقولها ياصغيره طلعت انت الصغير
ضحكت وأحمد اتكلم بثقه،
-يابنتي مش بالسن اهم حاجه العقل وبعدين متتكلميش انتي ياطفلة
همس وجهتلي الكلام وهي بتشاور بصابعها عليه،
-اهو شوفتي عامل نفسه كبير عليا
همستلها،
-شكله مريض هشوفله دكتور في اقرب وقت
ضحكت وقيدت رائي
-سمعتكم علفكره ده انا الي هجبلكم دكتور في دماغهم .ماشي ياأطفال
برقت وانا ببص لهمس،
-الحقي ده ضمني معاكي !!!
-اهو كنت لوحدي بقي حد معايا
وصلنا تحت العماره طلعنا سوا انا وهمس وأحمد قال انه هيروح الشغل لسُليمان ويزن
وقفنا قدام بيت عمي همس اتكلمت ،
-تعالي ادخلي نقعد شويه
-لا لا هطلع انا هاخد شاور وانام شويه
-تنامي!!! دلوقتي
ضحكت،
-لا ماهو انا بنام في اي وقت وبعدين حاسه اني مفرهده
-خلاص ماشي ياستي اصحي وبعدين بنقعد
-تمام
كنت هطلع بس وقفتني،
-أبرار هاتيلي رقمك بكلمك
اديتها رقمي وبعدين طلعت ماما كانت بتتكلم مع خالتو في التلفون وبابا شكله نزل الشغل انهارده وسيف في الدروس قعد علي السرير قلعت الطرحه وحطيت الموبايل علي الشاحن السرير غرني وانا تعبانه ومش قادره اقاوم لقيت نفسي بنام وباخد المخده في حضني
صحيت علي ماما وهي بتقولي قومي علشان الغدا
صحيت غيرت هدومي الي نمت بيها وروحت قعد وبدئنا ناكل خلصنا وروحت علشان اتوضي واصلي العصر قبل لما المغرب يأذن
خلصت صلاه وفضلت قاعده شويه علي السجاده يزن دخل الاوضه نفسي حد يخبط واقوله اتفضل بكل احترام وذوق والله
بصتله بنفاذ صبر،
-خير اي الدخله دي؟!
قعد علي السرير وهز راسه ببساطه،
-مفيش عادي جاي اتكلم مع اختي
رفعت حواجبي بدهشه،
-اختي!!! خير اتكلم
اتكلم بتوتر خفيف وكأنه مش عارف يسأل ازاي ،
-عملتو اي ا امبارح ؟!
بصتله بعدم فهم رد تاني وهو بيمسح علي شعره من ورا ،
-يعني اتكلمتو في ا اي يعني اقصد؟؟
كلامه مكنش مترتب استغربت من ارتباكه الي شايفه ملهوش لازمه يعني ده سؤال عادي ربعت رجلي وانا علي وضعي،
-اه تقصد كده مفيش ياسيدي عادي يعني سُليمان كان قاعد في حاله وانا وهمس وأحمد لعبنا الأسئله هما كام سؤال مطولناش وو
قاطعني وهو بيتنفس بزهق،
-ماشي ياأبرار ادخلي في الموضوع
عقد حواجبي باستغراب من عدم صبره،
-في اي طب مانا ديماً بحكيلك بالتفصيل مالك مخنوق كده لي !!
نفي براسه واتصنع الابتسامه ،
-طيب معلش كملي هاا اي الاسئله
كملت وانا مستغربه فضوله وحسيت انه عايز يوصل لنقطه انا مش عارفها
-أحمد سأل همس وانا سألت أحمد وبعدين مكلمناش اسأله واتكلمنا عادي وانا سألت مين كان بيقرء قرأن من كام يوم لاني كنت سامعه حد صوت حلو وكده وو
قاطعني من تاني ،
-طب قولي اي السؤال الي سأله أحمد لهمس مش بتحكي بالتفصيل لي دلوقتي !!!
خلص كلامه وهو بيسألني بضيق رديت عليه وانا بجاوبه،
-سألها اي أحلامك وهي ردت وقالت
كان بيبصلي وحسيته كان عايز يموتني ويقولي اخلصي كملي
-انها نفسها "تختم القرأن مع احمد ونبقي كلنا بصحه كويسه وبس كده لغيت دلوقتي" هو ده الي قالته وانا بقي سألت أحمد اي اكت..
-ثواني بس يعني هو ده الاجابه !!
رديت بسرعه،
-بالظبط بس انا كنت حاسه انها كانت عايزه تقول حاجه تانيه
سألني وهو بيضيق عيونه ،
-زي اي يعني!؟؟؟
هزيت كتفي بعدم معرفه ،
-معرفش يعني يايزن انا بقول حاسه انا لسه معرفش همس كفايه برده
هز راسه بهدوء،
-ماشي ياأبرار
خلص كلامه وهو خارج وقفته باستغراب ،
-لسه كنت هتكلم علفكره واحكيلك علي انهارده كمان
فتح الباب وقال بخنقه ،
-بينتكلم بعدين
خرج وقفل الباب ورا وانا مستغربه وضعه وفي لحظه تخيلت هو ممكن يكون في حاجه بينه وبين همس !!!بس ازاي احنا اصلاً منعرفش بعض كفايه وكمان يزن لو كان يعرفها كان قالي هو مش بيخبي عني حاجه وخصوصاً لو زي كده بس ابتسمت في الاخر وقولت والله تبقي حلوه لو يزن يتجوز همس بس الله اعلم الخير فين برده
بعد ساعه ونص العشا أذنت وصليتها وبعدين
مسكت الموبايل ولقيت همس بعتتلي استيكرز واتس سجلتها وكتبت،
-ابعتي لينك الصفحه علشان اسجل
بعتت وقالت،
-بتعملي اي ؟!!
-ولا حاجه لسه مخلصه صلاة وانتي
-قاعده لوحدي برده ماتنزلي نقعد مع بعض ونجيب لب وكده
-تمام بس حد عندك
-لا ماما بتتفرج علي التلفزيون وبابا كمان واخواتي مش في البيت
-طيب تمام هلبس الاسدال ونازله
-حلو جداً مستنياكي
-ماشي
قمت لبست الاسدال وفكره ان عندي بنت عم حاجه سكر اوي حاسها طيبه وكمان انا اعتبرتها خلاص اختي
طلعت بره وانا ماسكه طرف الاسدال في ايدي علشان طويل والموبايل في نفس الايد
ماما،
-راحه فين ياعروسه
بصتلها لقيتها بتضحك بمشاكسه كشرت ملامحي ،
-ياماما مش بحب الكلمه دي
-طيب خلاص معلش راحه فين ؟؟
-هنزل اقعد مع همس شويه
-طيب متتأخريش
-ياربي هو انا مسافره دول تحتنا
-هو مينفعش تقولي حاضر من غير كتر كلام صح ؟!!!
هزيت راسي بسماجه ،
-نووو مقدرش ياحبيبتي
بصتلي بعصبيه وانا فتحت الباب بسرعه ونزلت خبط الباب براحه وهمس الي فتحتلي
-اي يابنتي قطه بتخبط لو مكنتش معديه مكنش حد سمعك
-يابنتي محرجه الله
-ادخلي ياست المحرجه
دخلت سلمت علي عمي ومراته وبعدين دخلنا المطبخ كنا بنعمل قهوه سألتني بتعرفي تعمليها وقولتلها اه عملت ليها وعملت ليا وهي شربت بوء من بتاعتها وقالتلي حلوه اوي
همس بصتلي ببراءه وهي بتتكلم،
-أبرار حبيبتي ممكن تعملي انتي لبابا وماما القهوه اصل بتاعتك خطيره مووت
بصتلها وانا بضيق عيوني ،
-انتي كدابه مووت
شاورت علي نفسها بدراما،
-انا أبداً طب والله جميله احلا من بتاعتي كمان
-ماشي هعمل شكلك منزلاني اعمل القهوه باين بس علشان خاطر عمو وطنط حياة
ضحكت،
-لا والله بس فعلاً بعد كده هنزلك بتعملنا
-هتشغليني خدامه يعني !!
-تصدقي خلاص هنزود الفلوس وتساعديني في الترتيب
-لا والله طب ماتعمليلي اوضه احسن واعيش هنا
-تصدقي فكره حلوه تمام اتفقنا؟؟
بصتلها بشر،
-ابعدي ياهمس من وشي احسن دلوقتي
-طب خلاص خلاص ده احنا لسه ماتفقناش علي الفلوس يعني من اولها كده !!
-استغفر الله العظيم يارب القهوه لو فارت مش هعمل غيرها فاسكتي احسن
قعدت علي الكرسي الي في المطبخ ،
-خلاص سكت هتزلنا بقهوتها مكنتش قهوه يعني بن ومياه وسكر مش حاطه يعني اختراع م
قاطعتها وانا ببصلها،
-همسسس
-خلاص سكت يووه
خلصنا قهوه وقعدنا في الاوضه دخلت الصفحه وسجلت وفضلنا نتكلم كتير جداً
-بس انا مكنتش بشوفك في الكليه نهائي ياهمس
-لا ماهو انا مش بروح كتير وأحمد برده بس ممكن هو يروح وانا لاء بس مينفعش العكس بيقول اي مينفعش تروحي مكان لوحدك
خلصت كلامها وهي بتقلد طريقه أحمد
ضحكت وانا بقولها ،
-كلهم كده باين يزن صعب جداً بيحسسني اني مراته بجد تعرفي انا وقفت مع صحبتي شويه بينتكلم لقيته بيرن عليا خوفت الصراحه وهو قالي انتي فين وروحي يلا ومش عارف اي انا مش فاهمه بخاف منه لي !!!
هزت راسها بهدوء وماتكلمتش سألتها باستغراب ،
-مالك سكتي فجاة لي؟!
-لا مفيش حاجه كملي وبعدين
-بس كده مفيش حاجه تانيه تقريباً كلهم نفس الدم
-دي حقيقه
-مش عارفه لي مش حساكي قريبه من اخوكي سُلميان اوي
اتكلمت بصوت مخنوق،
-خالص هو كنا قريبين بس يعني ممكن علشان شغله فامشغول او كده
بصتلها وانا بسألها بقلق من نبرتها المضايقه،
-همس هو في حاجه يعني لي بحسك بتتدايقي فجأه كده وكأنك بتفتكري حاجه ولا انا الي بسأل اسأله بتزعل؟!
-لا لا الموضوع مش متعلق فيكي خالص يمكن انا بس علشان خايفه من الامتحانات وفي ماده صعبه بالنسبالي وكده
مقتنعتش ابداً بكلامها وزي امبارح محبتش اضغط عليها وسيبتها يمكن مره تيجي وتقولي مالها
كملنا كلام عن الدراسه عادي وعن الدكاتره وهكذا لغيت لما اتخضينا لما الباب اتفتح فجأة ودخل من ورا أحمد وانا رفعت الطرحه علي شعري باحراج وهو اتأسف ولف وشه بسرعه البرق وخرج
همس كتمت ضحكتها،
-خلاص ياأبرار وشك بقي محمر اوي
اتنفست بضيق وانا بقوم اقف وبلف الطرحه في المرايا ،
-اسكتي خالص انا محرجه اوي
-ملحقش والله هو لف وشه بسرعه هو مش بيرجع دلوقتي اصلاً مكنتش اعرف والله انا اسفه
-عارفه يابنتي اكيد يعني انا بس اتحرجت
اتكلمت وهي بتحاول تخفف من اخراجي وضيقي في نفس الوقت،
-والله خرج بسرعه يعني ملحقش يشوف
-بس اكيد لمح يعني والا مكنش اتحرج وطلع
-لا لا ان شاء الله ميكونش شاف
خلصت كلامها وهي بتبصلي وبتبلع ريقها بتوتر من ملامح وشي المحرجة
-طب امشي ولا اطلع بيتنا دلوقتي ازاي اطلعي كده شوفي لو قاعدين
-طب لي ماتقعدي لسه مكملناش القاعده !!
بصيت في الموبايل وانا برد عليها بدهشه،
ده الساعه "١ "ده بقالنا خمس ساعات مخدش بالي من الوقت خالص
-بجد!!! الوقت اخدنا خالص طب تعالي اوصلك
فتحت الباب وانا ماشيه وراها مكنش في عمو وطنط حياة واظن نامو اكيد وأحمد كان ماسك المصحف وقاعد في الصالون بيقرء بصوت هادي
اتكلمت بصوت منخفض لهمس ،
-يلا يابنتي امشي بسرعه اي البطئ ده
-والله ماعارفه انا بمشي كده لي شبه الحراميه!
أحمد اخد باله مننا واتكلم وهو بيبص لهمس،
-رايحين فين ؟؟
همس ردت بعد مااخدت نفسها وكأنها كان كاتما خايفه لحد يسمعه،
-أبرار طالعه بوصلها
اتكلم من تاني باحراج وهو بيبعد نظره عني،
-متأسف ياأبرار مكنتش اعرف انك جوه والله
في اللحظه دي دخل سُليمان بعد لما فتح الباب بالمفاتيح بصلنا ومستغربش وجودي وقال ،
-في اي وقفين كده لي؟!
همس ،
-مفيش بوصل أبرار
هز راسه ومشي خطوه وانا رديت علي أحمد علشان مردتش عليه ،
-عارفه انك مكنتش تعرف اكيد
هز راسه وانا روحت فتحت الباب ولما لفيت علشان همس اتكلمت شوفت وراها سُلميان وهو بيبص لأحمد باستغراب وبعدين كمل طريقه وشكله دخل اوضه
-خلي بالك من نفسك
ضحكت،
-حاضر الطريق فعلاً طويل
-ماشي ياخفيفه راحه الكليه بكره؟!!
-مش عارفه انتي هتروحي ؟
-ورايا حفظ قرأن فا مش هعرف
-خلاص واظن برده مفيش عندي محاضرات فاهبدء من بكره في الحفظ
-حلو أوي
-يلا تصبحي علي خير بكلمك بكره
-ماشي وانتي من اهله متنسيش تصلي ركعتين قيام الليل
ابتسمت ،
-شكراً والله فكرتيني
-الشكر لله
طلعت وهي قفلت الباب
<<<<<<<<<<<<<<<<<<
"همس "
قفلت الباب وكنت هدخل علشان اتوضي سُلميان ندهلي وانا قلبي دق بتوتر بقيت بحس اني بخاف ان سُليمان يكلمني مع إنه يومها مكنش عصبي عليا ابداً
روحتله وانا بحاول اعرف من ملامحه عايز اي
اتكلم بهدوء وهو قاعد علي السرير ،
-ادخلي واقفلي الباب
قفلت الباب وحاولت افتكر انا عملت اي لانه بقاله فتره مش بنتكلم اصلاً ووسط مانا بفتكر قاطع تفكيري
-هو حصل حاجه؟!