رواية حبشتكا الفصل الرابع4 بقلم حياة محمد الجداوي
قَا،تَلَ اللهُ اليَهُو،دَ، اتَّخَذُوا قُبُورَ أَنْبِيَائِهِمْ مَسَاجِدَ"(وفي رواية مسلم: "لعن الله اليهو،د والنصا،رى اتخذوا قبور أنبيائهم مساجد").
$$$$$$$$$$$$$$$$$$ـ$$$$$$$
فى اليوم التالى دخل أحمد ووليد بيت العمده إللى اول ما شافهم إستقبلهم بترحاب شديد وقال: للأمانه يا بشمهندس أنا كنت مش مصدق كلامك بتاع إمبارح وكنت هرفض تبنوا المقام لحد ماجالى امبارح في المنام وزعق لى
أحمد: مين اللي جالك
العمده : سيدى عبد السميع حبشتكا جالى وقالى ياعبد السميع ليه بتعارض حفيدى وبتوقف مسيرتى
أحمد بدهشة: لا والله
وليد: عشان تصدقنى طب هتعمل ايه
العمده: شوف يا بنى أنا وعدت جدك إنى مش هقف في طريقكم
وليد: يعنى هتسيبنى أبنى مقام جدى
العمده: إبنى ربنا يجعلنا من بركاته سيدى عبد السميع حبشتكا ولو احتجت لحاجه تعالى لى على طول ( وبعدها خرجوا من عند العمده وفى الطريق)
أحمد بإنبهار: مش معقول مش مصدق ده فعلا طلع له كرمات حلاوتك يا جدى يا جامد بس ازاى مش انت قلت إن دى مصلحه إزاى حاله في الحلم
وليد: طول عمرك اهبل و غبى إنت مش فاكر الحبايتين إللى حطتهم في الشاى دى حبوب هلوسه وموضوع الحلم ده من تأثير الحبوب دى
أحمد: يعنى الحبوب دى خلتوا حلم بجدى طب ماتجيب لى حبتين يمكن احلم به أنا كمان
قرب منه وليد وقال: عرفت ليه كل مره كنا بنتحبس عشان مخك إللى واقف ده يا اهبل هو لا حلم ولا حاجه بس الحبايتين خلوه بخرف ويهلوس وهو فسر حالته دى بسبب المقام فهمت
صقف أحمد بإنبهار وقال: الله عليك يا عبقرى كانت فين الدماغ الألماظيه دى. طب إيه إللى جاى
وليد: ولا حاجه هنبنى المقام
أحمد: بجد ده أنا بحسب إنت بتقول كلام وبس ليه هنستفيد إيه من مقام هنقعد ندعى جنبه مثلا
وليد: لا يا غبى بعد ما نعمل المقام هنعمل مولد سيدي حبشتكا
&&&&&&&&&&&&ـــ&&&&&&&
إنتشر الكلام في البلد عن الأغراب إللى ظهروا فيها وخاصه إنهم أجروا بيت صغير وواضح من شكلهم الحلو ولبسهم الشيك إنهم مناصب كبيره بس هما هنا ليه ولا بيعملوا ايه محدش يعرف.
فى الشارع كانت فرشه خضار بسيطه كانت بنت بسيطه قاعده بتبيع الخضار فمرت عليها بنت تانيه وقفت معاها
سمر: صباح الخير يا أمل
أمل: صباح الفل يا ابله سمر أما عندى شويه بسله إنما إيه فول القرن مليان على أخره تحبى الوزن لك كليوا
سمر: مش وقت بسله دلوقتي أنا جايه لحاجه تانيه خالص سمعتى عن الأغراب إللى ظهروا في البلد بيقولوا ده مخرج سيما وجاى عشان يصور فيلم هنا
أمل: اهو كلام بس أنا معرفش عنهم حاج٦
سمر: يا شيخه بقى إنتى ماتعرفيش ده إنتى لو نمله غريبة دخلت البلد بتجيبى قرارها
فردت أمل كفها في وش سمر وقالت: (ومن شر النفاثات في العقد -ومن شر حاسد اذا حسد)
سمر: ماتخافيش هو أنا هحسدك يعنى ها تعرفى عنهم إيه خلصينى
أمل: والله ماعرفت عنهم حاجه ولا سمعت عنهم حاجه غير إن فيه إتنين حلوين كده لابسين بدله أحلى من إللى يلبسها الحاج عبد الهادي النائب بتاعناو بيعملوا حاجه عند عشش الغجر بس بيعملوا ايه بالظبط معرفش
سمر: طب ماتروحى تشمشمى كده وتعرفى حكايتهم إيه
أمل: وإنتى مالك مهتمه بهم ليه
سمر: قرفت من البلد دي قرفت عايشين وسط البهائم حتى بعد ما اتعلمت وأخدت شهادة جامعية اتعينت هنا مدرسه وسط البهايم وبعلم في الفصل شويه بهايم ولو اتجوزت هتجوز بهيم يقعدنى بين البهايم
أمل: هو حد طايل احمدى ربنا على البهايم دى
سمر: ده بالنسبة لك إنتى عشان انتى خلاص عنستى ومفيش حد هيبص لك بس أنا لأ أنا متعلمه وحلوه واستاهل حد حلو كده يناسبنى
أمل بغيظ : لعلمك أنا لسه ماعنستش أنا عندى ٢٩ سنه وعشان يعنى ماكملتش تعليمى بس أنا شاطره وكسيبه وألف مين يتمنانى
سمر: إنتى غلبانه وعايزه تعيشى وراضيه بأى حد بس أنا لأ أنا بحلم بأكتر من كده بكتير
أمل: وهما بتوع السيما دول هما اللى هيحققوا احلامك دى
سمر: أه لما اشتغل معاهم كده هخرج بره البلد دى وأقابل الناس النضيفه إللي ريحتهم حلوه ويمكن اشتغل مع أحمد عز ولا كريم عبد العزيز ولا حتى أحمد مالك وأتجوز واحد منهم
أمل بغيظ: طيب ربنا يعينك أنا مالى
سمر: أنا عايزاكى تروحى تجيبى قرار الأغراب دول
أمل: بس يعنى ماينفعش اسيب فرشتى والزرع وأنا لسه مابعتش حاجه
طلعت سمر ١٠٠ جنيه وحطتهم في إيد امل وقالت: الموضوع مش هياخد ساعه واحده وإبقى إرجعى لفرشتك
أمل: بس المشوار لعشش الغجر بعيد أوى ومحتاج توكتوك رايح وتوكتوك جاى
طلعت سمر ٥٠ جنيه تانيه وقالت: كده مالكيش حجه
أمل: بس كده من عنيا هجيب لك قرار قرارهم وهاجى
&&&&&&&&&&&&&&&&&&&ـ
عند عشش الغجر
أحمد: يارتنى ماسمعت كلامك أدينا بقالنا اسبوع قاعدين هنا وعمالين نصرف وبس وعلى إيه على مولد سيدي حبشتكا إللى لا هيودى ولا هيجيب يعنى هتخسرنا كل إللى حيلتنا وإحنا قاعدين هنا
من وراهم سمعوا صوت بيقول: أيواااه قاعدين هنا ليه بقى
أحمد : بسم الله الرحمن الرحيم إيه يا ست إنتى مش تكحى تعطسى. تعملى أى صوت
أمل : المره الجايه بس إنتوا مين. بتعملوا إيه هنا
وليد: وإنتى مالك وبعدين إنتى مين أصلا
أمل: أنا أمل وبعدين إشترى منى ومش هتخسر
وليد: وأشترى إيه إن شاء الله
أمل: كل إللى إنت عايزه هتلاقيه عندى لأنى اعرف كل حاجه في البلد دى يعنى أنا هفيدك قلى إنتوا بتعملوا هنا إيه . ولو هتشتروا الأرض دى فبقولك مش هينفع وإللى هيبيع لك نصاب لأن دى ارض الغجر ومفيش حد عنده اوراق لها
أحمد: إحنا مش جايين تشتروا
أمل: يبقى هتأجروا صح بس برضوا ما نصحكمش أصل دى متطرفه شويه بعيد عن البلد
أحمد: إنتى مالك إحنا احرار يالا مع السلامه
أمل ؛ هو كل إللى عنيهم خضرا وحلوين خلقهم ضيق كده ماتهدى علينا شويه قولى بتعملوا إيه هنا
أحمد: أنا ما شفتش لازقه زى دى يالا يا ست إنتى اتكلى على الله
وبعدها بدأ يتكلم مع وليد: طيب وبعدين هنعمل ايه دلوقتي
وليد: المفروض عربية الطوب والاسمنت هتيجى دلوقتي عشان نبدأ نبنى
أمل من وراهم: أيوه بقى أنا عايزه اعرف عربيه الطوب دى ليه وهتبنوا إيه بالظبط
أحمد: لأ أنا خلاص مش طايق أنا همشى
وليد: إهدى بس يا أحمد ( وبص لأمل) شوفى يا شاطره إحنا هنا عشان هنبنى مقام
أمل بضحكه : مقام إنتوا جايين تبنوا مقام هنا في البلد ( وقعدت تضحك)
أحمد بغيظ: أه هنبنى هنا مقام كبير لجدى سيدى حبشتكا
أمل: هاهاهاهاها هاهاهاهاها هاهاهاهاها هاهاهاهاها هاهاهاهاها هاهاهاهاها هاهاهاهاها
حبشتكا وملقتوش اسم غير حبشتكا إيه الاسم العبيط ده
أحمد بإسترسال: أنا قلت له والله بس هو مش مصدقنى أقوله حبشتكا مش هياكل مع الناس بس هو إللى معاند و...
قاطعه وليد بسرعه وقال: اسكت يا احمد وبعدها وجه كلامه لأمل: هو جدنا اسمه كده العارف بالله سيدي عبد السميع حبشتكا
أمل وهى بتضحك : طيب وماله بالهنا والشفا طب إنتوا هتطولوا هنا
أحمد: مش عارف والله على ما يخلص ويعمل مولد ممكن
كام وليد احمد بالعافيه
أمل وهى بتبص لهم من فوق لتحت قالت: أنا مفصدش هتقعدوا في البلد أنا أقصد دلوقتي عشان اروح اعمل لكم شاى
أحمد: والنبى إنتى جدعه ده احنا مفيش حد عبرنا حتى بكوبايه ميه لحد دلوقتي
أمل: لا إزاى عشر دقايق وهجيب لكم ترمس شاى وهاجى ( وقبل ما تمشى قالت : حبشتكا مالقتوش غير حبشتكا وبعدها انفجرت في الضحك)
&&&&&&&&&&&&&&&&&&
بعد اسبوعين كان وليد قاعد وماسك ورقه وقلم وبيكتب وبيشخبط
أحمد: بتحسب في إيه وملخبطك أوى كده اكيد في المصاريف إللى خسرتها لنا من ورا فكرتك المائيه دى
وليد: لا مابحسبش حاجه احنا خلاص بنينا اوضه وهنعرشها بالخشب وكده مايبقاش ناقص غير المقام بننصب ونبقى خلصنا
أحمد: طيب إنت عمال تحسب في إيه من بدرى
وليد: بدور على جمله لسيدى حبشتكا
أحمد: مش فاهم
وليد: افهمك يعنى مثلا (( الله الله يابدوى جاب اليسرا)) دى خاصه بالسيد البدوي عمرك عرفت مين هما اليسرا دول ولا حتى جابهم منين
أحمد: لأ
وليد: بالظبط وأنا بقى بفكر في حبشتكا عايز اعمل له جمله تكون سهله الناس تحفظها وتردده له اسمع كده : ياحبشتكا يا جامد يا حبشتكا يا كايدهم
أحمد: وحشه اوى دى تقولها لمراتك مش لصاحب مقام
وليد: عندك حق طب إيه رايك حبشتكا إللى فيهم والباقى سلطه
أحمد: دى تقولها لما الزمالك ياخد الدورى وعليك خير
وليد: برضو عندك حق
أحمد : اقولك قول ( وبدأ يرقص وهو بيقول)
يا حبشتكا يا حبشتكا نار الهوى منه اشتكا)
وليد: الله حلوه اوي دى
أحمد: حلوه إيه ده أنا بتتريق عليك. بقول كلام فاضي
وليد: بس حلوه ولايقه والناس كلها هتعرف تحفظها استنى اكتبها عشان ماانساهاش
يا حبشتكا نار الهوى منه اشتكا)
وبعدها قفل الكراسه وقال: إحنا فيه قدامنا مشكله كبيره
أحمد بفزع مشكله إيه تانى
وليد: مش ملاحظ إن مفيش حد معبرنا خالص من ساعة ما بدأنا نبنى لحد دلوقتي غير شويه عيال بيجوا يتفرجوا مفيش غير البت أمل إللى بتجيب لنا شاى كل يوم
أحمد: ما بلاش سيرة البت الهبله دى
ضحك وليد وقال: شكلها معجبه بك يا امور يا ابو عيون خضراء
أحمد: ماتوجعش بطنى ده أنا كرهت عنيا بسببها .
بس إنت عندك حق فعلا مفيش حد جه وسألنا بتعملوا إيه ولا حتى حد عزمنا على غدا ولا عشا حتى العمده المعفن
وليد: إنت عارف ليه ؟ عشان حبشتكا مفيش مالوش تأثير على حد
أحمد: وإنت عايز حبشتكا يأثر على الناس إزاى هو إنت هتكدب الكدبه وتصدقها ده احنا دفنينوا سوا وعارفين لا فيه حبشتكا ولا فيه حد
وليد: احنا عارفين بس الناس ماتعرفش وإحنا لازم ننشر في البلد عن معجزات كرامات لسيدى حبشتكا عشان أما نعمل المولد الناس كلها تيجى تنقط وتدفع لسيدى حبشتكا
أحمد : ودى نعملها إزاى
سمعوا صوت أمل من وراهم بتقول: سيبوا الموضوع ده عليا
وليد بقلق: نسيب إيه إحنا نقصد
أمل: أنا فاهمه كل حاجه ومن زمان أوى
وليد: فاهمه إيه
أمل: إن حبشتكا ده سبوبه هتكسبوا من وراها قرشين
أحمد: لا مش كده احنا كنا
أمل: ماتلفش ولا تدور عشان نفهم بعض وخليكوا واضحين معايا سبوبه ولا لأ
وليد: وإفرضى قلنا سبوبه
أمل: وطبعا عايزين تعمله له كرامات ومعجزات صح
وليد: صح
أمل: يبقى تسببوا الموضوع ده عليا مادمت هتراضى
وليد: هديكى إللى إنتى عايزاه بس هتعملى إيه
أمل: مالكش فيه إنت لك إن البلد دى كلها والبلاد إللى حوليها ليل نهار ملهمش سيره غير سيدى حبشتكا وكرمات سيدى حبشتكا ودى سهله بس قبلها لازم اخوك الحلو الأمور ده يعمل حاجه واحده
أحمد: واعمل إيه إن شاء الله
أمل : تتجوزنى
أحمد: —————